私日記私日記背景音樂 : 越吻越傷心
| 1/4/99 |
今日係一年一度o既愚人節, 大家有冇俾人整蠱? 我就暫時都好安
全, 不過上年就有, 仲激氣左好耐添呀, 不過上年整我果個人都
唔再係我朋友, 所以冇所謂! 一陣夜Ｄ同幾個朋友去食飯, 好開
心! 今日幾開心喎, 因為今日有本雜誌介紹我個網頁, 大家有冇
睇到? 如果冇就睇呢度啦! |
| 2/4/99 |
尋晚真係好開心, 因為尋晚同幾個朋友去其中一個人屋企玩, 佢住
天水圍架, 第一次去咋, 食左好多零食同埋睇左三套戲, 因為佢屋
企有亙動電視, 所以幾方便, 成晚冇訓過呀! 今朝就去飲早茶, 真
係識左成三年幾都未試過咁玩法, 之後被我發現左有巴士可以返到
我屋企架喎, 雖然貴左少少, 不過對於一個好眼訓o既人黎講, 係一
件好好o既事 |
| 3/4/99 |
今日可以講得係豐富, 食完午餐同左媽咪去行旺角, 買左好多野
呀, 不過都係俾我Ｄ表弟表妹O既復活節禮物, 我就冇份, 唔知
大家會唔會送番份俾我呢? 坐巴士返屋企果陣竟然見到個好耐冇
見O既朋友O係度等緊過馬路喎, 我坐上層O既, 本來好想一野大
聲嗌落去架, 不過費事咁揚啦! 所以佢見唔到我, 不過真係好耐
冇搵過佢喇! 得閒搵下佢先! 夜晚本來去我大契姐屋企幫佢整電
腦O既, 不過佢臨時唔得, 所以就同左二契姐去行街街喇, 雖然
買唔到衫, 但係佢買左盒砌圖俾我, 我好鍾意呀, 真係多謝哂, 係
一份好正O既復活節禮物! 仲有, 頭先見到一隻翻版ＶＣＤ好想買, 係
"喜戲天書", 即係果陣喜戲之王訓練班O既實況! 真係好想買呀, 因為
會影到我架嘛! 大家買左借俾我啦! |
| 4/4/99 |
|
今日心情好特別, 上年o既今日, 係分手日, 估唔到咁快就 一年喇, 時間過得真係勁快, 今日冇出到街呀, 只係o係屋 企砌圖, 用左大約三個鐘到啦, 終於砌好喇, 真係好鬼靚 真係勁鐘意喎, 仲係夜光架添! 其實揀今日砌圖有意思架 因為上年本來會同佢一齊砌圖架, 不過最終都冇做到, 果 副砌圖都俾左我大契姐砌! 好在, 今年呢副靚好多! 正! 不過希望大家開開心心! |
| 5/4/99 |
|
今日我Ｄ表弟表妹黎我屋企玩呀, 好開心呀, 又有復活節 朱古力食喎, 真係好喇; 大家今日點過呢? 我都幾多野做 我表妹仔又唱左首歌仔喇, 我就錄左架喇, O係我網頁又會 聽到架喇, 好好聽架喎! 大家有冇見過人形熊貓呀? 我咪係囉! |
| 6/4/99 |
|
今日同屋企人去左行德褔喎, 我媽咪MISS左兩個電話喎, 一直都唔知係邊個, 原來係薯片仔, 我收到佢留言先知, 真係唔好意思喇, 難得打黎, 不過又聽唔到電話聲! 仲有 ＫＡＺＵ打過兩次俾我! 我真真正正咁發覺到佢係傻架! 好擔心薯片仔!~ |
| 7/4/99 |
|
今日同屋企人去左行旺角, 都冇咩點買野, 但係就好累呀 等左成日薯片仔電話都等唔到, 或者佢真係好忙掛! 不過 我仲會等佢電話! 之後就返左學, 好悶, 不過都冇教過野 只係做下題目咁! 仲有呀, 尋晚我睇到一個節目, 睇完之 後好有感覺, 想o係度同大家講一講我o既心情! 節目 : 國際台 -- TWINS (天下無雙) 呢個節目係講Ｄ雙胞胎O既人O既生活, 其中訪問一對孖 生姊妹, 佢地一出世O既時候個頭係連埋左O既, 但係只係 血管連住, 個腦係冇連埋O既, 其中一個O既身體係發育不 健全, 要用一張有碌O既椅去俾佢坐住, 方便出入! 佢地出 街O既時候周圍O既人會用一Ｄ好奇O既眼光去望佢地, 大 家都知道, 佢地有時會幾難受, 不過佢地唔會介意, 記者訪 問呢對姊妹問及佢地有咩感覺O既時候, 佢地反而好樂觀, 好開心咁答:我地絕對唔會介意佢地咁望我地, 當佢地走近 O既時候, 我地會請佢地幫忙, 有Ｄ好傾O既會同佢地傾下 計, 不過有Ｄ只會冷眼旁觀, 繼續咁用一Ｄ唔好O既眼光去 望佢地, 大家睇到呢度可能會覺得佢地好慘, 又唔可以做 自己野咁, 不過呢對姊妹表示, 每個人都係有自己O既私人 空間O既, 好似大家有大家O既感情生活, 有自己O既興趣 咁, 姊姊好靜, 妹妹鍾意唱歌, 其實佢係一個歌手! 往後 O既日子佢地亦都會有自己O既家庭, 訪問中, 佢地再三強 調, 佢地係兩個唔同O既個體! 記者問佢地會唔會覺得係 天玩佢地, 佢地講左一句說話, 令到我好感動, 佢地話: "我地絕對唔會覺得係慘事, 因為呢Ｄ係上帝O既安排!" 你地有冇試過用一Ｄ唔係咁好O既眼光望一Ｄ身體上有缺 憾O既人? 大家睇完呢段野之後, 有冇少少覺得自己好唔 應該呢? 我O係呢度好希望大家可以好好反醒一下, 亦希 望大家下次O係街度見到一Ｄ外表上有少少唔同O既人 O既時候, 請好好咁想一想, 反醒一下, 請大家暫停用果Ｄ 唔友善O既眼光望佢地, 亦請大家停用果Ｄ可憐佢地O既 眼光, 因為有缺憾O既人都係人, 都係正常人, 絕對唔需要 大家O既同情, 唔需要大家O既可憐, 只係需要大家接納! |
| 8/4/99 |
|
基本上今日好熱呀, 真係唔知點解可以一時勁熱一時勁凍 呢排同番一個小學同學傾計, 原來幾年間可以發生好多事 有時聽番人地Ｄ故事, 真係可以學到好多野! 所以有少少 鍾意傾計; 今日諗住整一個網頁俾薯片仔呀, 當係一份支 持咁啦! 不過仲未諗到有咩可以寫! ＫＡＺＵ佢真係傻傻地架! |
| 9/4/99 |
|
今日好好訓呀, 訓到成點幾先起醒, 可能我Ｄ渴睡症又發 作啦! 不過今日真係冇咩野做, 做左份功課, 今日交左喇 返到學校, 點知呀ＳＩＲ話今日冇野講, 只係俾我地做功 課, 大哥呀, 份野都今日要交啦, 仲有咩做喎! 所以我睇 下網頁咁啦, 到左八點就走左返屋企喇! 不過我絕對唔係 偷懶! 大家唔好誤會! 今日好似有少少作病咁添! |
| 10/4/99 |
|
我真真正正咁發覺我Ｄ渴睡症真係發作! 今日成日都好想 訓, 下晏三點幾去左行淘大, 見到陳慧嫻喎, 不過好多人 圍住佢! 我冇圍住佢呀, 因為我都唔鍾意佢, 但係又唔係 憎佢囉, 如果係洪天明我就仆到埋去架喇! 不過我仲未見 過佢! 今日開始寫一個新O既網頁喇! 唔知寫到幾時呢! |
| 11/4/99 |
|
大家覺得我係咪好情緒化呀? 其實我都覺得呀! 就好似尋 晚咁, 一封電郵令到我好唔開心, 半個小時之後, 一個訊 息又令到我開心番哂! 我亦知道我係一個好多野諗o既人! 大家有咩意見? 我希望我而家認真咁對呢段感情, 佢會明 白我啦, 仲有呀, 我真係覺得好抱歉竟然錯誤理解佢封電 郵o既意思! 我真的發覺, 原來我對你太在乎! |
| 12/4/99 |
|
我今日勁唔舒服, 竟然可以肚痾左四次! 又頭暈, 又胃痛 真係好辛苦! 而家好在ＤＤ先上黎寫日記! 當我最辛苦果陣, 我諗起薯片仔! |
| 13/4/99 |
|
下午時份, 我去左我婆婆屋企喎, 因為佢有好多好正o既衫 適合我著! 真係好正架! 所以返到黎屋企就勁執個櫃Ｄ衫, 原來我有好多衫都好少機會著, 所以都幾多野執, 執到成 十一點幾, 雖然都幾忙, 但係個腦都諗緊同佢之間Ｄ事! 希望佢真係會明白我啦! 我要你在乎, 沒甚麼真心喜惡, 只想彼此都不厭惡 |
| 14/4/99 |
|
呵呵, 今日用左十五分鐘去溫夜晚o既測驗, 講你都唔信呀 我竟然完全識做哂! 哈哈, 相信係因為我做功課果陣留心! 所以我覺得做功課留心Ｄ, 到考試測驗果陣真係事半功倍 轉眼間仲有個令禮拜又要考試喇, 你話係咪好快呢? 只想你明白我! |
| 15/4/99 |
|
今日部電腦都可算是攪野喇! 冇端端又懷喎, 但係又唔知 壞乜, 但係掃過哂又冇病毒喎, 反反覆覆咁睇過哂Ｄ野又 冇咩問題喎, 唉, 正當我想要放棄果陣, 部機又好番喇! 所以我想同佢大修一下, 但係我部機出哂名邪, 點算好呢 遲Ｄ希望佢可以幫幫我攪下呢部機啦! 在乎我嗎? |
| 16/4/99 |
|
今晚返左學, 發覺原來上次果份測驗都錯左好多唔小心的 地方! 不過我知, 考試一定唔會再錯! 仲有呀, 今日我好 驚一樣野, 就係驚要再讀過會計呢一科喇, 上次考試差五 分先合格! 好失敗, 仲未知洗唔洗讀過, 要問下先知! 要 就慘囉! 只想...開開心心! |
| 17/4/99 |
|
今日有一個壞消息呀, 就係我五月果陣要讀過科會計, 仲 要係連埋我新果科一齊讀, 換言之即係我一個星期要返四 日學, 好在考試唔係同一個禮拜咋! 不過都會幾多野要記 唔知仲有邊個要再讀過呢? 因為好似都有好多人要讀過! 希望你明白! |
| 18/4/99 |
|
尋晚有好多人問我要讀過會計有咩感想! 其實冇咩架咪讀 過囉, 因為都肯定左要再讀過, 真係冇咩感想, 只係希望 以後唔會再讀過其他科啦! 真係要讀多Ｄ書先得! 仲有就 係今日好唔舒服, 竟然可以突然間訓著左, 但係絕對唔係 眼訓果種, 真係嚇親, 我諗一定有暗病! 其實好掛住你! 收到你O既MESSAGE, 真係好多謝你支持我! |
| 19/4/99 |
|
今日收到澳洲果邊間學校o既電郵, 真係煩囉! 香港呢邊 又話要讀過, 但係澳洲果邊又話叫我同個教師傾下洗唔洗 再讀過, 或者只係補番Ｄ功課, 定係重點O係考試度喎, 你話啦! 真係唔知點好, 而家只能夠等到時個教師到左之 後用我有限O既英文同佢好好傾一傾啦! 希望就咁考試啦! 今日終於都學到少少PHOTO SHOP喇! 俾個成果大睇下!  今天很想你呵! |
| 20/4/99 |
|
今日一早入左屯門探我表妹仔佢地喎, 不過有一樣野係幾 邪架! 佢地部電腦係冇"撥號網絡"呢舊野架喎, 諗左好耐 都諗唔到點解, 所以教唔到佢玩上網, 大家知唔知點解呀 仲有係有咩方法攪番好佢呢? 麻煩大家幫我問下人啦! 唔 該哂大家先! 今日又玩PHOTO SHOP喎, 不過好想有人教 我點先整得好! 
好想見你呵! |
| 21/4/99 |
|
今日睇左套鬼片呀! 幾嚇人架! 可能係我細膽o者! 不過 今日冇咩特別, 終於都幫表弟部電腦喇! 所以佢而家可以 上網, 但係佢仲未有上網戶口, 下次等我教下佢先! 點好呢? |
| 22/4/99 |
|
今日去左銀行打簿喎, 點知發生左一件好邪o既事, 亦係好 小會發生o既一件事, 就係打打下簿, 部機食左我本存摺呀 最邪唔係咁喎, 而係未食之前我個腦突然間諗下會唔會食 左我本簿之後果一秒, 就食左喇, 係咪好邪呢? 好在有銀 行職員幫我拎番, 而本簿亦都冇事! 真係好彩! 聽晚有得睇＜梁漢文＞! |
| 23/4/99 |
|
今個晚上有得睇梁漢文, 好正呀! 不過好鬼累呀! 因為全 企位, 真係隻腳好痛呀! 不過都有好多嘉賓喎, 好似有: 吳國敬, 許志安, 楊千嬅, 蘇永康, 陳奕迅同埋何超儀! 一 睇咁正o既陣容, 就知好正啦! 不過好多人都冇唱到歌, 陳 奕迅同梁漢文就唱左超人迪加同埋屎撈人首歌仲有一首 好細路果陣聽o既歌, 不過唔記得咩歌名! 美中不足係吳 國敬冇唱到歌! 不過真係勁型! 哈哈! 唔講大家唔知, 我 鍾意左亞敬好耐架喇! 佢真係好正架! 其實成個表演只係 兩個鐘到, 但係都幾好玩, 仲有呀, 梁漢文鍚左何超儀一啖 呀! 係因為何超儀拎左部相機同佢影相, 咪禮貌上鍚左佢 一啖囉! 不過當時個情況好正! 其實今次係同左我二契姐 同埋ＫＡＺＵ去睇架! 之前仲同ＫＡＺＵ影左一張貼紙相 不過又係邪相黎o既, 大家又冇得睇! 十一點到返到屋企啦 今晚Ｄ歌都好正! 由其係林海峰Ｄ歌, 好動感呀! 今次有 得睇, 一定要多謝我呀姨, 因為係佢俾飛我地去睇架! 隻腳真係好鬼痛! |
| 24/4/99 |
|
今日非常之熱鬧! 因為我表弟表妹地黎左我玩呀! 一齊去 左酒樓食晚飯添! 而佢地仲o係我屋企訓一晚添呀! 夜晚亞 ＫＡＺＵ打電話黎, 主要唔係搵我, 係要搵安怡表妹傾計 真係笑死人! 不過而家我連線連左成幾個字都連唔到, 真 激氣! 不過一講又即刻上到喇! 今餐晚餐好正呀! |
| 25/4/99 |
|
今日下晝果陣同亞姨表妹佢地去左德褔同ＫＡＺＵ食晏! 但係佢都冇禮物送俾我表妹, 所以我表妹唔俾佢抱! 不過 都係食麥記! 因為大家樂冇位囉! 成間屋好亂呀變得, 因 為我表妹仔玩得太開心! 佢地返到屋企喇! 聽日又要溫下 書, 因為星期三晚要考試! 幾時先唔咁悶? |
| 26/4/99 |
|
今日同埋父母去飲茶, 都有一段時間冇去飲! 返到屋企溫 左幾個鐘頭書, 我諗會掂掛! 不過聽日都仲要溫書! 食完 晚飯唔知點解好想訓又想嘔喎! 之後上網就收到佢個訊息 喇, 佢問我考完試未, 其實真係好開心佢咁關心我! 星期三考試, 希望合格! |
| 27/4/99 |
|
今日成個下晝都係用黎溫書, 全部都識架喇, 不過好驚一 到考果陣又唔知答左Ｄ咩出黎! 呢Ｄ係我O既弊病! 每次 都係一考試就唔係好掂! 希望好好地過到個考試, 合格哂! 今日上網亦收到佢O既訊息, 我知佢係好關心我! 真係好! 聽日考試喇! |
| 28/4/99 |
|
本來計劃左今朝一早同契媽及契哥飲茶O既, 原先諗住九 點鐘起身架! 點知我七點鐘醒左, 但係試問成兩個鐘頭時 間, 點過呢? 我就諗到一個好方法, 就係再訓過, 點知不出 我所料, 訓過之後九點鐘再起唔到身喇! 所以我媽咪一個 人去同佢地飲茶, 其實冇去都好O既, 因為可以O係屋企溫 書, 作最後預備! 份考試唔算好深, 總算識做! 會合格O既! 返到屋企果陣暈砣砣添! |
| 29/4/99 |
|
今日一早就打風喇, 我十點幾就醒左喇, 好凍呀! 其實係 凍醒左! 今日玩左兩個幾鐘頭上海麻雀, 果Ｄ搵一對一對 O既麻雀遊戲呢! 其實我好鍾意玩呢樣野架! 真係好好玩! 本來諗住聽晚同班朋友去睇戲架! 不過而家打緊風, 天文 台話會打得成喎, 星期六仲會大雨咁, 我諗聽晚冇得去啦 薯片仔幾時先約我呢? |
| 30/4/99 |
|
今日終於打三號風球喇! 所以夜晚個約會取消左! 我諗要 下星期先會去過喇! 今日就去左德褔行街, 冇買到Ｄ咩野 今日計劃緊一樣野, 我諗住報校外進修O既日文課程, 即 係可以考公開試果隻! 我真係好想學識日文! 最好就好似 徐若暄咁學得咁勁! 其實我有一個好大O既願望, 就係可 以去日文留學! 不過唔知幾時先可以實現! 今日我個網頁新加左"私下載", 而家暫時有Ｄ我自製O既 ICQ+ SKIN, 希望大家俾面去下載啦! 真的望願望成真! |