又到左六月一日喇, 尋晚同個朋友傾電話傾到今朝六點鐘, 本來 諗住收左線就會訓啦, 點知訓唔到喎, 所以就用左大約五十分鐘去 睇埋＜ＧＴＯ＞O既大結局, 非常之正, 大家有冇睇過呀? 反町好 型呀真係! 不過我心裡面都係覺得木村正得多!

尋晚出奇地早訓喎, 唔夠一點就訓著左喇, 今朝十點幾起左身, 食 完野之後溫左一陣書, 夜晚指定活動就係返學啦, 之前去左買野飲喎, 原來諗住買檸檬茶架, 點知我到飲果刻先知買錯左菊花茶, 最攪笑就 係我夜學個朋友又買左野飲喎, 應該係我買架嘛今晚, 終於大家就飲 左兩大盒375

今朝都冇咩特別, 夜晚果陣要返會計, 不過我今晚早走左因為所教o既 野都係我識o既, 仲有就係今日有環迴立體聲週圍都有好多噪音, 真係唔 明白呢班人係咪讀書, 我覺得大家係有權利唔聽書, 但係都唔可以侵犯人 地聽書o既權我已經話過佢地, 但係完全冇作用, 只係有增無減, 我咪唯有 o係BREAK時, 問亞SIR有關功課O既問題, 再問佢今晚將會教O既範圍及堂課, 之後揮袖而去囉, 我情願自己自修仲好過對住呢班所謂O既學生! 八點幾就 返到屋企喇, 首先我完成左下堂交O既功課之後先上網O既, 其實仲有一份功 課要十七號交架, 我做左一半喇, 不過因為要清醒頭腦做先會事半功倍, 所 以諗住聽朝再做過!

今朝好早起左身, 因為又要落街買野食, 夜晚又返經濟啦! 今日係 尾三堂, 係外國果個老師黎香港教, 所以要打醒十二分精神喇, 不過 我坐緊車返學果陣, 發生左兩件好邪的事, 就係我竟然O係短短O既幾 個巴士站, 我見到兩個網友喎, 不過佢地都見唔到我! 不過家陣先知 其中一個唔係喎, 但係真係有９９％似喎, 真係邪喇! 仲有呀, 夜晚 果陣有個人打我手提, 講Ｄ四級野喎, 又話係我朋友, 又講唔到我個 名, 即係明玩野啦! 各位請准許我講一句我平時好少 講O既話, 打黎果位人兄請你聽住:如果你覺得真係咁需要的話, 唔該你 返你屋企同你媽咪講, 我諗佢一定會幫到你架, 仆街! 仲有係, 你一定 會有報應!唔好意思! 粗口左少少!

今日全日主要節目都係返學, 果個外國老師非常時, 唔會早放又唔會 遲放, 所以非常之累呀, 因為完全要聽英文啦, 仲要勁睇Ｄ圖咁, 所 以隻眼都睜唔大, 好不容易到左放學時間, 好好彩地一到巴士站就即 刻有巴士喇, 所以我十點鐘就返到屋企喇, 聽日仲要上多三個鐘堂添 架, 星期一晚又要測會計喎, 我諗我會掂掛, 請大家祝我好運同埋成 功, 當我坐緊車果陣, 唔知點解突煞間好想有個人俾我倚靠一下, 其 實我有陣時會諗, 我究竟要一個成日可以陪我o既男朋友丫, 定係要 一個冇咩時間理我o既男朋友, 但係呢一刻我真係唔想再諗呢個問題! 因為真係諗都冇用, 佢依然固我! 如果尋日果個變態仆街再打黎, 一定冇好過!

今朝十點幾就起左身喇, 之後食完野再溫左陣書就返學喇! 係喇, 星 期日都要返學! 而家讀呢個課程有時都幾慘架, 人地好他調果陣, 我 就要返學, 所以攪到有人約都去唔到我得閒果陣, Ｄ朋友又要返工返 學喎! 攪到我想去旅行又唔得, 因為冇長假放架! 真慘情! 聽晚又要 返會計喇, 仲要測驗添, 不過相信冇問題; 其實今日係經濟最後一堂, 即 係下星期只返兩晚!

今朝早凌晨果陣竟然掛９號風球喎, 真係好驚呀! 因為Ｄ風聲實左太 太太嚇人喇! 不過掛左無幾耐就變左３號喇! 學生哥就好啦, 可以唔 洗返學, 我今晚都要返學呀, 除非掛黑色暴雨啦, 如果唔係都一樣要 返, 又要測驗添, 不過唔知點解我唔係太驚, 可能幾易掛, 不過又就 黎要考經濟喇, 反而有少少驚, 因為真係唔係太識點答Ｄ問題! 放學 果陣落大雨, 我一定有帶傘架, 不過把傘壞壞地咁, 攪到我要用手夾 硬將把傘個制猛番好, 把傘先冇事, 不過我隻手就損左凌晨果陣發生 左件趣事, 話說當時O係ＩＣＱ問緊我契哥一Ｄ會計O既問題, 點知問 問下我斷左線喎, 咁再駁番果陣我契哥唔見左喎, 咁一路以為佢訓左 啦! 就O係呢一刻, 我O既手提又再O係凌晨時候響起黎, 心諗:唔通又 係果個變態佬又打黎講衰野? 所以我諗住嚇一嚇佢先! 所以一聽電話 就話:亙動電視! 對方真係俾我嚇親喎, 咁佢問我呢度係邊度啦, 我 又問佢搵邊個啦, 點知過左一陣先知係我契哥喎, 原來佢唔係訓左, 只係駁極都駁唔番個ＩＣＱ, 咁咪打電話俾我教我點計果條會計, 點 知佢俾我突如其來O既開場白嚇到有少少唔知點好! 明明打我手提, 點 會係亙動電視呢! 咁我解釋左俾佢知我O既用意, 好彩佢冇嬲O者, 我 契哥對我咁好又點會嬲我喎! 所以我就煩左佢好耐咁問佢野喇! O係 呢度真係要同佢講聲:KON DO A LI A DO!

祝吳國敬生日快樂!!!＜斯斯推介唱片＞

今日訓到成十二點鐘喎, 因為尋晚成四點幾先訓, 做功課丫嘛! 唔 好以為我成日唔做野先得架! 食完野之後我就落左超級市場買野, 點知冇野抵買喎, 諗住買罐煉奶啦, 可能係因為而家要回收番某Ｄ 產品啦, 所以只係得番果個超市個牌子咋喎, 咁咪是但囉! 因為我 要用黎食麵包嘛!

今日都做左好多野呀, 因為屋企冇哂野食! 又要去補充番Ｄ食物, 所 以落左街買左好多好多野, 我都估唔到一個人可以拎到咁多野, 我越 黎越發覺自己幾精打細算喎, 諗諗下, 都覺得我應該係一個好太太喎, 呵呵!!!!!!! 仲有係我唔記得左O係邊睇過"貞子"個匙扣, 好得意架!

今朝都好早起左身喇! 成日都食左好多野呀, 可能因為口痕啦, 夜晚 又返左個街市上堂, 佢地唔識自律我都冇計啦, 返到屋企又食野喎, 二家姐又打黎陪我傾左一陣計, 傾左好多野, 真開心呀, 因為聽日約 左佢出街街行下! 尋日睇報紙話張柏芝會出唱片做歌星, 但係令我最覺 得奇怪o既係點解佢第一首歌要改編番小恩子首舊歌呢? 仲要係我勁鐘 意o既＜自卑＞添, 又係亞敬作曲架! 究竟係咩原因呢?

今朝一起身就食左個肉批喇, 買於某超級市場, 好好好味呀真係, 雖 然批仔細細, 但係的而且確好飽, 值得推介俾大家食下! 下晝同左我 二契姐去行街街, 點知主要目的都達唔到! 但係好出奇地俾我地發現 到竟然有＜午夜凶鈴＞貼紙相機, 所以我地第一時間去影左一張, 只 需投入港幣二十蚊, 就會可以影四款凶鈴背景貼紙相, 包括有貞子爬 出電視機, 女人對鏡梳頭, 大特寫有貞字o既眼, 龍司果塊滿佈方程式 o既板! 好可惜係冇貞子o係井度爬出黎! 仲有我今日行街果陣撞到個 好紅o既模特兒呀, 正!!! 前幾日睇有線電視, 又見到個台灣o既靚女 模特兒, 我同佢影過一張好親密o既相架! 佢叫做＜孟廣美＞, 勁靚女呀佢!

今日訓到成兩點先起身喎, 尋晚夜訓嘛, 本來今朝六點醒左架喇, 但 係咁早起身又冇野做喎, 咪訓過囉, 但係以我一灌作風, 如果醒左再 訓過就一定會好晏先會訓醒, 做下功課咁啦! 我今日終於ＳＣＡＮ左 尋日Ｄ貼紙相, 俾兩張大家過下目啦! 由於我朋友不願上鏡, 所以相 片俾我加左功! 仲有仲有, 就係睇左份報紙訪問張柏芝話小恩子首歌 重新編過曲就即係新歌! 我想問下張小姐, 如果你去整左容,咁你仲 係咪張柏芝呀?

今日好肚痛呀, 可能係因為食得太多野, 今日成日都冇出過街, 只 係o係屋企創作緊我一個新o既網, 相信下星期尾到大家會睇到架! 俾Ｄ時間我啦! 睇娛樂新聞話原來千嬅同鄭中基拍左拖幾日喎, 又 會咁快俾佢追到O既! 希望佢地幸褔啦, 亦希望鄭中基對千嬅係認真架啦!

今日真係訓到好晏喇, 因為成四點幾先訓得著, 都唔知係咪又試 失眠添喎, 希望唔係啦, 因為失眠係非常非常辛苦夜晚又要返會 計, 發生左一件好開心o既事喎, 就係果個識左唔係好耐o既同學 話我好好人呀! 真係好開心架! 因為有人讚我好人喎, 我好醜咁 面紅添! 醜死怪!!!

今日我終於完成左個新網頁喇! 係我為吳國敬而寫, 大家抽Ｄ時間 去睇一睇啦! 希望大家留埋言就最好啦! 不過唔好話亞敬唔好喎! 我 唔肯過你架! ＜吳國敬的主題曲＞

今日終於都肯溫書喇, 真係好少有, 但係冇計啦, 下星期三都 考試咯, 如果唔溫, 到時唔掂又係抵死啦! 溫完書之後仲執屋 添呀, 又掃地又洗地咁, 我開始懷擬我今日有少少問題, 點能 夠自動自覺做咁多不可思議O既事架!

今朝溫過下書! 都冇咩點做過野就又要返會計最後一堂喇! 其實都冇 乜講書, 差唔多成堂都同個同學傾計, 因為話哂最後一堂, 都冇咩機 會見掛! 都傾左幾多野! 放左學之後今日唔係如常咁返屋企喎, 因為 有約會呀! 約左個我一直好想約o既人, 放心啦佢真係好人黎架, 本 來想去睇戲架, 得番頭幾行位, 所以冇睇到囉! 呢張就係今日o既傑 作喇!

今日唔係好夠訓添, 因為尋晚睇左套恐佈片, 攪到我成五點幾先 訓到, 都仲係勁發惡夢果隻! 我發覺真係唔係好嚇得, 今朝十點 幾先起到身, 同兩個家姐去左新機場影相, 不過真係冇我想像中 咁大咁靚! 之後去左金鐘, 仲見到陳慧琳添, 佢真係好高呀! 之 後去左九龍城睇戲, 係一套勁正o既＜特警新人類＞大家有機會 我都覺得要去睇下! 真係好睇, 同埋勁好笑! 原來諗住去唱Ｋ架, 不 過貴就冇謂啦! 仲有喎, 我今日真係唔知自己仲咩, 基本上我真係唔 知仲咩囉! 連我二家姐都話我係有Ｄ野!

今日點幾鐘開始入屯門我亞姨屋企, 原本三點鐘就到架喇! 點知一 入到屯門區, 我坐果架巴士竟然壞左喎, 攪到成車人要哂車, o係條 公路度等第二架車黎先上到咋! 攪到成三點半先去到, 幫我表弟整 好左上網Ｄ野, 夜晚我又借佢部機上左一陣網啦, 不過真係好累 呢! 今日係我ＴＩ朋友ＦＲＥＤＡ生日, 祝你生日快樂!!!

今朝十點幾俾我細表妹嘈醒左喇, 因為我尋晚O係我亞姨度過夜, 我 今日先知要照顧一個小朋友係一件極難O既事同表妹仔玩左成日真係 好累架, 夜晚食完飯之後大約八點開始回程返屋企啦, 好快就到左屋 企喇, 執好哂野之後就即刻上網寫番呢兩日日記俾大家睇下喇! 大家 姐今日生日, 祝你生日快樂!!!

今日真係訓左好耐, 到四點鐘先醒, 可能係尋晚夜訓, 又再加 上同表妹仔玩左兩日, 真係好累呢, 起身食完野之後即刻溫左 三個鐘頭書, 雖然都仲有好多未溫, 不過訓得太多頭腦真係唔 係好識郁, 所以聽日一定要早Ｄ起身溫先得喇! 星期三要考喇, 希 望順順利利過渡啦!

今日一早食完野就一直溫書, 因聽晚要考試喇! 其實大致上都應 該冇問題, 不過我不嬲考試都冇咁好彩架, 不過盡左力就得啦! 不 過真係好驚, 好驚到聽晚咩都答唔出, 因為個導師話答考試題目, 平 均每十分就要答兩版紙, 以我黎講, 真係好有難度架, 英文又唔好, 又 寫唔到咁多野喎! 不過算啦, 我天生係咁都冇法! 安裝左NETSCAPE 4.06, 相信 都幾好O既, 要多謝買左手信俾我果個人用左幾日時間透過ＩＣＱ傳送俾 我! 差唔多十八ＭＢ架, 所以真係多謝哂你呀!

今日十點幾起左身溫書喇, 因為考試日子來到喇! 一直溫到成四 點幾, 再食左少少野, 上左一陣網, 就返去考試喇! 基本上都識 答, 不過拎高分就冇可能架喇, 但係都會合格今日上網果陣收到 一個留言喎, 收完果一刻真係幾唔開心好直接咁話我同佢冇可能, 其 實講真一句啦, 我真係對果個人有好感, 我自己都知係冇可能架, 但 係我冇做Ｄ咩呀! 點解要咁同我講喎, 弱小心靈嘛! 其實真係好嬲 架, 講真相處時間唔耐亦唔多, 呢一刻我只係對佢有好感, 但係未 致於愛果隻, 真係當佢好朋友, 所以咩都同佢講咩都同佢傾, 但係 到頭來原來佢都唔了解我, 冇端端咁同我講! 呢一刻真係真係好嬲, 亦都 令到我喊過, 我覺得點解要咁對我呢? 我當佢係知己, 人地當斯斯 係咩呢? 對我公平Ｄ啦!

今日基本上都幾忙架! 大清早就落左去銀行, 之後又去左街市買野! 返到屋企食左少少野又再開始溫書喇, 溫就溫左幾多野喇! 不過會計呢 樣野唔到考果一刻都唔知識唔識做架嘛! 我而家只係希望我考到合格就 掂喇, 唔希望會有高分! 今日仲好似熱過尋日喎, Ｄ天氣都唔知攪乜咁 差O既, 遲Ｄ有線電視會播ＷＩＴＨ ＬＯＶＥ喎, 係就正喇! 聽聞幾好 睇架嘛! 今日係六月最後一日, 唔知大家有咩節目呢? 我就本來今晚有 得去ＰＡＲＴＹ架! 不過由於前個星期我仲為左某件事好嬲, 所以冇去 到拎入場券, 同埋先前都係諗住同果個人去架啦, 不過算啦! 整定斯斯 冇得去玩, 唯有認命啦! 我今日去銀行果陣時有件好笑o既事發生左喎, 就 係幫我果個櫃員哥哥, 勁同我傾計喎, 佢仲幾靚仔架添! 可能佢見我 靚女掛! 呵呵, 我自問都幾好樣架, 今朝個樣仲正!
其實我真係成日都好眼訓!