私日記私日記背景音樂 : 親密關係
| 1/3/99 |
今日係我初戀男朋友o既生日, 雖然我好憎佢, 不過佢生日 快樂; 大家有冇帶機轉台呀? 我就冇喇, 又冇錢, 轉乜鬼! 而家果間都唔錯呀! 掛住佢添, 不過人地又唔會知! |
| 2/3/99 |
尋晚又再又再失眠了, 都唔知自己想點! 今日去左婆婆屋 企食飯, 好正呀! 今日係中國情人節, 斯斯祝大家: 永結同心! |
| 3/3/99 |
今日一次過睇左六集有線電視做o既"衛斯理", 陶大宇好 正, 不過下星期亞視果套仲好睇, 大家留意下喇!! 希望一家人平平安安, 齊齊整整! |
| 4/3/99 |
今日冇咩特別呵, 溫左一陣書啦! 都係希望一家人平平安安, 齊齊整整! |
| 5/3/99 |
今日同左呀芬去某工業學院o既開放日, 都幾多野睇呀; 見番佢, 本來就係意料中事, 但係唔知點解見到佢仲有 果種心跳o既感覺, 可能有少少驚掛, 佢好似有新歡喇, 不過我會好似"祝你快樂"咁, 祝佢快樂, 我以前好憎佢 因為佢傷得我好深, 不過家陣我學會左感激, o係佢身 上都學到好多我唔識o既野, 大家睇到我呢個網頁, 其 實亦要多謝佢, 係佢令到我有決心去學寫網頁o既, 不 過有時都唔明白點解自己會鍾意佢, 不過過左去就算了 另外, o係學院裡面, 好開心咁撞番一個小學同學喎, 真係好多年冇見, 難得o既係, 大家都講到對方個名!! 之後就去左醫院探我媽咪, 大家唔洗擔心, 我媽咪冇事 過幾日出得院了, 多謝大家關心! 尋晚打電話搵薯片仔, 不過搵唔到! |
| 6/3/99 |
尋晚又再次失眠了, 今次係自我失眠以黎最悲慘o既一 次, 因為今朝五點幾先訓到, 但係十點幾又醒左了, 溫 左一陣書啦, 聽日考喇, 其實都冇咩信心, 溫左書咁耐 都好似識又好似唔識咁喎, 真係唔得我死呀, 激氣!~~~ 尋晚終於搵到薯片仔, 不過佢o係街喎, 問佢點解前排搵 唔到佢啦, 點知佢話佢上左大陸喎, 我咩都唔知, 真係 好亂添, 我成日都等緊佢電話, 因為我真係唔知佢幾時 打黎, 有時我都唔知我係咪佢女朋友添! 希望快Ｄ打黎 我媽咪聽日出得院喇! |
| 7/3/99 |
尋晚睇左套鬼片先訓, 仲要睇睇下俾ＫＡＺＵ個電話嚇 親, 訓得幾好啦, 不過今朝七點幾俾我細表妹嘈醒左! 去左同我大表妹拎獎, 之後返到屋企, 媽咪出左院了, 之後我要返學考試, 一半好一半壞掛! 未死得掛! 想念緊一個人! |
| 8/3/99 |
嘩, 今日係三八婦女節喎, 大家有冇咩特別節目咁呢? 我今日都冇咩特別呀, 只係個電話好旺咋, 響左好多 次, 其中ＫＡＺＵ打左好多次黎呀, 傾下閒計咁, 因 為佢返工好悶架嘛, 而我又勁得閒喎, 咪打黎傾下計 咁囉, 真係開心, 因為起碼佢當我係朋友先打黎啦! 但係...佢仲未打電話俾我! |
| 9/3/99 |
尋晚唔知仲咩野, 突然間寫左段心聲o係以前男朋友果 個留言版喎, 仲係幾攪笑果隻啦, 知道左佢同佢女朋友 分左手, 見佢冇咩野囉, 不過果個女仔都係玩佢之嘛, 所以冇所謂啦, 我覺得佢就好似我以前咁, 又係等囉, 不過冇咩所謂啦, 佢係我一個永遠o既好朋友, 佢當我 咩唔係好重要, 我而家只係希望佢快Ｄ搵到佢粒星星, 而我自己同佢就快Ｄ有多Ｄ時間溝通下啦! 究竟佢幾時先得閒打俾我呢? |
| 10/3/99 |
今日好好訓呀, 不過都係冇咩野做過, 幾悶咁囉! 上 下網, 玩下遊戲咁, 不過都係幾悶囉, 其實分左手係 咪一定唔可以再做番朋友呢? 我覺得可以掛! 起碼家 陣同邦邦都冇咩點咁呀! 大家認為呢? 我真係好希望我身邊所有我鍚o既人都開開心心! |
| 11/3/99 |
今朝發左個令我好驚o既夢喎, 完完全全係我家陣成日擔 心o既野, 可能呢Ｄ就係:日有所思, 夜有所夢掛, 其實都 好驚會夢境成真架, 我諗唔會掛, 因為咁個女都未中過六 合彩, 我諗冇咁好彩O既, 大家一定好想知個夢係點架, 係 咁易話下俾大家知啦, 大約係講O係夢中我打俾我男朋友 原來佢上大陸識左第二個, 仲話咁耐唔打俾我我應該知係 咩事喎, 係咪好邪呀? 同我現實擔心O既完全一樣, 不過我 知佢真係忙先冇咩時間搵我架O者, 希望佢睇到呢段野之 後, 快Ｄ搵我啦!~ 聽晚又要開始返學喇! |
| 12/3/99 |
今日收到佢o既message呀, 原來早排佢有個朋友有Ｄ事, 所以要成日陪佢朋友, 其實收到果陣又驚又喜架, 開心O既 係佢仲記得我好擔心佢, 好掛住佢咁, 驚O既係又亂諗野囉 大家都知我係一個多愁善感O既人黎架啦, 所以今日個腦 又勁多野諗喇, 其實我知一日未有時間聯絡下, 我一日都 咁多野諗, 我都唔係好了解自己添! 家陣要返學喇! |
| 13/3/99 |
今日主要o既節目就係返學喇, 不過好黑呀今日, 上ＬＡＢ 時, 做一Ｄ練習題目啦, 點知做完哂之後ＳＡＶＥ完再開 番果陣, 竟然開唔番果個檔案喎, 咁都未算黑呀, 拎左隻 碟番黎安裝要用果個軟件啦, 而裡面係包含埋第一份功課 要用O既資料檔, 點知安裝果陣, 咩都安到, 唯獨是要做 功課果個檔案安唔到, 出ＥＲＲＯＲ喎, 你話死唔死啦! 要黑到幾時架? |
| 14/3/99 |
哈哈! 仲有幾分鐘我又要返學喇, 即係代表家下仲係中午 時份, 大家可能會問我點解咁早寫今日日記呢? 其實係因 為呢排太累了, 又要返學, 又夜訓, 所以今晚諗住唔上網 所以大家記住掛住我喎, 係呢, 大家有冇聽兒歌o既習慣 架? 我有一首兒歌搵極都搵唔到, 唔知大家幫唔幫到我呢 首歌係"張裕東"唱架, 歌詞係咁o既:東東怎麼竟變了胖胖 龍....咁架, 大家話我知個歌名同埋可以o係邊搵到呢首歌 好嘛? 我真係好鐘意呢首歌架, 原因? 唔話俾你地知! 尋晚發夢竟然見到ＫＡＺＵ喎! |
| 15/3/99 |
家陣又係好早咋, 下午四點幾啦, 因為我真係唔係好想夜 晚上網喎, 因為太用精神喇, 大家都少上網好Ｄ, 自己個 樣一日一日咁殘, 所以我都要去做下睡公主先得喇, 唔知 係咪所排Ｄ空氣真係差左, 我呢幾日成日好似呼吸唔到咁 死啦, 唔通有暗病? 唔係掛, 好邪架喎, 所以小心為妙! 我好想去唱歌呀, 各位好友, 唔該約下我去唱下歌啦, 好 鬼悶呀; 仲有呀, 小芬呀, 今個星期四約ＫＡＺＵ呀, 約 定你架喇, 唔好話唔好喎! 你估下有冇人同我心靈相通呀喇? |
| 16/3/99 |
今日訓到成點幾鐘呀, 都唔知仲乜呢排咁鬼好訓, 唔知係 咪又懶左呢? 今日都冇咩點做過野, 本來諗住做功課架, 點知又仲未搵番個檔案做功課喎, 要等聽晚返學先拎到, 真係冇咩做呵; 今日有個舊同學打黎喎, 不過仲未幫到佢 搵到網頁, 冇計啦, 太難搵到喇! 究竟星期四可唔可以順利呢? |
| 17/3/99 |
今日好早起左身喇, 都要多謝ＫＡＺＵ打電話黎令到我醒 左, 今日都冇咩特別, 我諗大家都幾悶囉, 成日睇我日記 都係冇咩特別, 不過我尋晚發夢見到佢喎, 好邪呀, 點解 呢幾次O既夢都係見到佢呢? 真係令我感到有少少驚! 聽日見到ＫＡＺＵ喇! |
| 18/3/99 |
今日好開心呀, 雖然日頭都係冇咩做, 不過夜晚有得去街 街呀, 仲見到ＫＡＺＵ添, 首先去左麥記食野, 再去左勁 影貼紙相呀, 真係好攪笑架, ＫＡＺＵ今日真係破費了, 因為係佢俾錢影貼紙相架, 不過真係好開心, 不過我驚佢 出完今次之後, 會驚左我呢個傻人, 因為第一次見已經勁 玩喇, 我諗佢可能會驚驚地我, 哈哈哈! 不過聽日又冇得出街喇! |
| 19/3/99 |
今日開做功課喇, 不過仲有少少未做好, 因為我覺得arm, 但係run出黎又唔arm喎, 真係俾佢激死喇; 唉, 最衰今日 我Ｄ表妹黎我屋企玩, 因為ＫＡＺＵ打黎話去唱Ｋ喎, 不 過唔去得啦, 所以今日好鬼悶, 唔知幾時先有得去唱Ｋ呢 下星期約ＫＡＺＵ去都好喎, 同ＫＡＺＵ又幾好傾O既! 不過我要話俾大家知, 佢係一個傻人黎架! |
| 20/3/99 |
今朝好早就俾表妹仔嘈醒左喇, 食左飯之後去左德褔行街 喎, 真係好邪門咁撞到一個人, 果個就係ＫＡＺＵ喇, 真 係有少少緣份添, 哈哈哈! 之後佢返左工啦, 打番電話黎 話佢返工喎, 我個表妹仔要同佢傾電話喎, 真係好笑; 之 後我返左學啦, 返到屋企表妹仔唔肯訓, 話要打俾"哥哥" 喎, 真係俾佢激死, 我打完俾ＫＡＺＵ俾佢講完, 佢先肯 訓, 真好笑! 有少少掛住ＫＡＺＵ添! |
| 21/3/99 |
今日好早醒左, 都係因為表妹仔啦, 佢一早拎左我隻大大 熊公仔玩, 所以我醒左囉! 佢又想打電話俾ＫＡＺＵ喎, 不過又費事咁早打去啦, 佢自己話今朝會打黎架嘛, 點知 表妹仔走左佢先打黎, 真係唔ＡＲＭ時間喇! 不過實有機 會O既! 今日寫左一頁網頁係有我表妹架, 大家去睇下啦! |
| 22/3/99 |
今日好忙呀, 執房囉, 不過辛苦左一日係值得o既, 因為 間房當堂大左好多, Ｄ野又整齊左咁! 今日ＫＡＺＵ做左一件事, 令到我好失望! |
| 23/3/99 |
今日好唔舒服呀, 胃痛又頭痛, 今朝ＫＡＺＵ打黎嘈醒左 我, 但係我唔知點再去面對佢好! 日前有個女騎師墜馬過 左身, 真係好可惜, 但係都已成事實喇, 希望佢可以安息 佢o既家人朋友唔好再咁難過喇, 呢Ｄ係天意黎O既! 人生唔在乎你得到甚麼, 而係在乎你做過甚麼! |
| 24/3/99 |
今晚返左學, 不過冇上哂堂就走左喇, 好多原因o既, 不過 主要係我想返屋企做功課啦; 今朝又收到ＫＡＺＵO既電 話, 不過真係唔知點去面對佢咁, 真係慘! 今日突然靈感 到, 改左自己個ＩＣＱ ＩＮＦＯ, 大家有時間就去更新下 啦, 句句都係真心話! 呢幾晚又失眠喇! |
| 25/3/99 |
今朝好鬼早就醒左喇, 唔知ＫＡＺＵ係咪嬲左我呢? 因為 佢今朝好少有咁冇打電話黎喎, 但係我下午上網果陣, 又 好奇怪咁見到佢上網喎, 一嗌佢佢又走左喎, 都唔知佢攪 乜; 今日終於做完份功課喇, 聽日交得喇! 仲有呀, 我今日 無意中咁發覺左O係某一個投票版度有人提名我做好人喎 真係好奇怪, 究竟係邊個呢? 今日好鬼熱呀! |
| 26/3/99 |
原來ＫＡＺＵ尋日放假, 佢就唔應該啦, 去唱Ｋ都唔預我 好彩佢冇咩事咋, 我仲以為佢做傻野添! 今晚又要返學喇, 上ＬＡＢ呀, 都係自己做功課之類啦, 希望唔會太無聊啦! 就黎復活節啦喎, 大家有咩節目先? 我就應該約埋Ｄ朋友 一齊去唱下Ｋ食下飯咁啦! 大家想唔想約我呢? 哈哈! 今日仲熱過尋日呀! |
| 27/3/99 |
今日都冇咩特別咁啦, 睇左有線"衛斯理"大結局, 都幾好 睇咁啦, 今日真係好鬼熱呀, 不過天氣報告又話今晚又開 始會凍喎, 天氣真係難預測喇! 仲有呀, 我今日好開心呀 因為聽到我o既至愛 - Cranberries o既新歌Promises, 真 係超勁正, 快Ｄ出碟就好喇! 仲有呀, 就係網頁多左個投 票版, 大家去投下票啦! 今日好悶呀! |
| 28/3/99 |
今日去左街行行喎, 諗住去租碟, 點知咩都租唔到, 返到 屋企, 睇左一陣電視, 好少有地, 嘉倫仔打黎俾我喎, 仲 講左成兩個幾鐘頭電話添, 傾左好多野, 好似係佢去旅行 Ｄ好笑野啦, 近排有咩好玩啦, 仲有就係有咩戲好睇, 其 實最重要係問我想復活節邊日出黎玩, 不過最終都係要搵 埋其他人睇下點先! 星期二有得去唱Ｋ! |
| 29/3/99 |
今朝一早就去左灣仔飲茶, 之後就去左我亞姨一個朋友 o既屋企度睇家俬喇, 因為有一個櫃好適合我地屋企o既 櫃又真係好鬼正喎, 又好新, 所以就搬左佢返屋企喇, 咁好 自然就要執下屋架啦, 亦都好順理成章咁執到凌晨兩點幾, 所以都冇上網 聽日有得去唱Ｋ! |
| 30/3/99 |
而家係朝早十一點幾, 我今朝九點幾就起左身喇, 因為附 近起緊樓呀, 所以一早就好嘈, 而我一陣晏Ｄ又約左人, 驚會唔知醒嘛; 不過我發覺咁早起身原來好鬼正架喎, 吸 啖氣都順Ｄ, 真係要習慣番早睡早起先得! 家陣又係唱完 Ｋ返左屋企喇, 唔知係咪天氣唔好又加上好耐都冇去唱Ｋ 呢, 今日唱唔出水準添, 坐地鐵返屋企果陣, 突然間好唔 開心, 可能係今日玩得太開心掛! 打左俾ＫＡＺＵ但係個 衰人掛住傾電話, 又唔鬼理我, 要我收線, 真係命苦喇! 今日聽到有一個中學同學年尾會結婚, 就令我諗起, 我家 陣仲係冇人要, 真係有Ｄ想快Ｄ嫁鬼左佢, 但係家陣我自 己都唔知算叫有男朋友定冇男朋友, 人生真係煩, 不過我 又覺得同佢一齊會好幸褔架, 只係冇咩時間可以理你O者! 今日Ｄ天氣好鬼正! 但係我好想哭! |
| 31/3/99 |
估唔到咁快就到月尾喇, 真係快樂不知時日過, 今日一上 網就收到薯片仔個ＩＣＱ喇, 佢話尋日有個朋友過左身, 雖然我唔識佢Ｄ朋友, 但係聽到呢個消息都好唔開心, 唯 一可以望O既就係佢可以睇開Ｄ啦! 一陣要返學, 不過都 唔知仲有咩可以教, 但係都冇緊要啦, 反正一定要返O既! 不過可以話俾大家知, 我又走堂喇, 冇咩心機上堂, 一來 今日係做以前Ｄ考試題目啦, 二來有少少擔心佢, 好驚佢 會亂諗野, 但係我又唔敢搵佢, 因為佢唔搵我即係佢好忙 星期五有得去飲呀! 正! |