私日記私日記背景音樂 : 越吻越傷心
| 1/5/99 |
|
話咁快今日又係五月一日喇, 係五一勞動節, 公眾假期喎 大家有咩節目呀? 我就一早去左飲茶, 之後行左一陣旺角 點知突然落好大雨所以要返屋企! 買左隻ＣＤ呀! 好正呀! 想念你! 在每個想念你的夜晚! |
| 2/5/99 |
|
今朝仲係三號風球果陣, 又係去左尋日間酒樓飲茶, 點知 飲飲下就掛八號喇! 不過好熱呀, 冇風但係又落下微雨咁 所以就返屋企喇, 去到百佳諗住買盒陽光飲下啦! 嘩, 講 你都唔信呀, Ｄ人好似打到黎咁, 排隊俾錢果條龍起碼有 四五十人呀, Ｄ人真係好似打到黎咁, 好似會缺糧咁, 勁 買野, 有Ｄ仲驚到成幾車咁買, 你都咪話唔嚇親呀! 講真 打風洗唔洗咁誇張呀? 最多打一日到, 洗唔洗買定成年Ｄ 野食呀? 所以我都唔買喇! 因為冇咁O既必要! 仲有呀, 今晚要睇公益金喎, 有洪天明! 仲有就係今晚縱橫四海大 結局! 大家記住睇! 不過真係好熱呀, 又暈暈地喎! |
| 3/5/99 |
|
今朝本來校左個新鬧鐘, 諗住十一點起身架, 不過可能個 鬧鐘聲太細喇! 所以我成十一點半先醒喎! 今日隻手依然 好痛, 相信真係因為用得電腦太多所致, 真係冇乜力咁樣 尋晚睇完個大結局之後, 覺得俾本雜誌呃左, 因為某本雜 誌話小龍(歐錦棠)會出番黎對付明智傑(譚耀文), 點知都 唔係o既! 俾人呃左添! 今日都仲係好熱呀!> |
| 4/5/99 |
|
今日隻手冇前幾日咁痛喇, 真係太好! 尋日睇左一套法國 片, 叫做小孤星, 係由一個四歲大o既女仔做主角o既! 真 係非常好睇, 好感人, 我睇完之後喊左好耐, 因為戲中係 講小女孩媽媽過左身, 一個四歲o既小女孩要去承受呢種 痛苦, 點樣去面對呢? 最後佢媽媽竟然可以出黎見一見佢 同佢解釋番人點解會死, 死左之後會點, 仲叫小女孩一定 要學習快樂! 我覺得好有意思呀, 人生在世, 一定要學習 快樂! 因為快樂咁過人生, 生命先至會有意義! 今日夜晚食左我最愛o既魚生呀! |
| 5/5/99 |
|
今日真係幾悶, 因為勁落雨, 只係o係屋企睇下電視咁啦! 今日我發覺自己肥左少少添, 可能係呢排食得太多野啦, 星期五又開始要返學喇, 不過落雨就真係唔係太好喇! 仲有補充呀, 今日我俾澳洲間大學Ｄ人激到我得番半條人 命, 原先問香港果個人又叫我問澳洲果個課程最高級果個 人問佢我洗唔洗重讀會計, 問完佢就話應該可以只係重做 功課或者重考就得, 點知問完之後香港果個人又話一定要 讀過, 又叫我填番Ｄ重讀表格, 但係又叫我問下今年個導 師可唔可以唔洗重讀, 點知問完又話一定要重讀, 冇優惠 咁最高級果個都話得, 但係反而個導師話一定唔得, 真係 俾佢地班人煩死, 有咩理由咁架, 一時一樣! 俾佢地攪到 我頭都暈埋! 又好想鬧衰佢地! 咁冇系統做野! 點先可以勁食野但係又唔會肥呢? |
| 6/5/99 |
|
今日落雨呀, 出左去旺角行街, 但係冇帶傘喎, 因為費事 拎囉! 之後行左一陣街, 都冇買到Ｄ咩, 不過同爸爸媽媽 一齊影左張貼紙相, 係第一次一家人影架咋! 今日天氣涼左喎! |
| 7/5/99 |
|
今日又去左旺角飲茶, 又行左一陣街街, 買左頂漁夫帽呀 深藍色架! 而夜晚亦需要返學o既, 其實聽日下晝都要返 而下星期亦會開始讀埋會計, 今次大件事喇, 因為都幾驚 讀唔掂兩科! 不過有信心以後都會掂架喇! 其實真係幾驚架! |
| 8/5/99 |
|
今日成十二點幾先醒呀, 可能係尋晚太早訓喇, 成三點幾 先至訓得著, 下晝二點到五點就係返學時間, 之後即刻坐 巴士返屋企喇, 因為我亞姨表弟表妹佢地黎左我屋企食飯 夜晚果陣好唔小心咁竟然俾部相機夾親隻手呀, 你唔好以 為會唔痛呀, 痛到入心入肺呀, 損哂呀! 沖完涼之後竟然 俾張椅整親隻腳, 你話係咪一不離二先? 唉, 好痛呀! 而家讀緊果科都幾多野讀喎! |
| 9/5/99 |
|
今日又勁肚痛, 又肚痾左三次! 都唔知做乜事咁樣, 成日 Ｄ腸胃都咁唔好, 真係難攪喇, 本來仲諗住今日去飲珍珠 奶茶添, 不過有咁O既情況, 我就冇可能再去飲啦! 祝媽咪母親節快樂! |
| 9/5/99 |
|
今日成日都冇上到網, 因為想多Ｄ時間做下其他野, 所以 上少一日囉! 你知啦, 再過幾日我就成日要返學喇, 我唔 想再衰多科嘛, 一定要努力咁讀落去! 今日勁俾蚊咬添! |
| 11/5/99 |
|
而家只係下午一點正, 我就寫日記喇, 因為今晚都唔會上 網架喇, 因為唔想玩到咁夜, 想早Ｄ訓咁啦! 今日可以話 係一個新開始新挑戰, 因為要照顧自己! 希望永遠快樂! |
| 12/5/99 |
|
今朝好早就起左身喇, 因為尋晚好早訓呀, 係呢大家有冇 留意近日單娛樂要聞呀? 大家又覺得蔡康年會唔會打女人 呢? 我唔知大家點睇法, 但係我要講下我Ｄ感受俾大家知 雖然我同蔡康年唔係好識, 亦雖然我對佢冇乜好感, 但係 我絕對唔相信佢會出手打人, 話佢因為食左減肥藥而影響 脾氣, 我真係唔係幾信, 因為我同佢都叫做接觸過, 同埋 佢Ｄ性格等等都唔會咁做, 同埋我覺得如果真係好似報紙 所講係施念慈報警話俾男朋友打的話, 如果一個女人可以 做到咁絕的話, 之後就根本唔會幫番蔡康年講大話呃人啦 係咪? 今次我亦覺得傳媒太過份報導同埋過份作大喇, 咁 樣真係會好影響當事人, 希望各傳媒注意番自己O既職業 操手啦! 我雖然對蔡年冇咩好感, 但係我都要講一講自己 O既諗法, 希望大家O係睇呢Ｄ報導O既時候, 自己用心思 想下, 分折下, 唔好信哂Ｄ報導! 我今晚又要返學喇, 今 晚仲要返太古城果頭添! 真係慘! 仲有呀, 今日安怡病左 喉嚨發炎, 不過睇左醫生, 冇咩事o既! 希望咩都好啦! |
| 13/5/99 |
|
尋晚好夜訓呀, 成五點先訓, 因為幫媽咪整Ｄ野, 所以整到 咁夜, 我份人係一做就要做完件事先安樂, 呢個就係我o既 特別之處喇! 今日寄左封信呀, 又買左本貼紙簿俾我大表 妹, 因為我唔想佢Ｄ貼紙周圍擺嘛! 我係咪好好呢? 今日 上網睇左幾份報紙, 睇完之後好嬲呀, 都係講關於蔡康年 o既事件, 講真一句啦, 兩個當時人話冇事, 洗唔洗攪到件 事咁大呢? 又話人地有燥狂症, 成個表咁列哂出黎話邊個 邊個有燥狂咁呢? 傳媒係應該將件事實況報導, 而唔係將 件事越攪越大, 唯恐天下不亂架! 大家咁迫康年去認, 又 勁起人地底細, 係咪要人地跪地認, 繼而退出娛樂介大家 先安樂? 連施念慈都話冇事囉, 就算康年真係有做過, 咁 當時人都覺得冇事啦, 一個願打一個願挨o者, 相信大家都 係聽得傳媒講得太多, 而家Ｄ報紙真係有咁大作咁大, 尋 晚睇有線一個幾分鐘O既節目, 係講一日裡面O既娛樂事, 又係重點講康年, 佢地好偏激, 又話康年貼哂施念慈Ｄ相 O係手提, 身份証呀咁, 唔代表愛佢喎, 又話同康年合作果 三位港姐, 覺得康年好大脾氣, 有次ＮＧ左好多次, 就即 刻口黑面黑, 仲有次唔小心弄污左康年件衫, 即刻大發脾 氣喎, 講真一句啦, 如果呢兩件事係真O既, 亦唔代表到佢 有燥狂症O者, 大家用心諗下, 俾著大家去拍野, ＮＧ左好 多次, 都唔係自己錯的話, 係人都口黑面黑啦! 至於件衫, 可能件衫對佢黎講係好重要, 又或者係新O既, 咁俾人弄 污, 你會唔會嬲先? 講真我一定會好嬲, 唔止發脾氣添啦, 我會爆粗鬧人添啦, 咁我咪又有燥狂? 我再O係呢度請各 傳媒人仕, 唔該大家憑良心去寫野, 記住一字千斤, 我唔 想因為大家傳媒咁樣亂寫, 而害左一個咁有材華O既人囉! 好掛住好多人呀! |
| 14/5/99 |
|
首先o係呢度要同我二契姐講聲生日快樂先, 因為佢今日 生日呀, 本來約佢玩o既, 但係我今晚要返學, 所以約左聽 晚, 雖然聽日成日都仲係要返學, 但係玩通宵, 冇間題o既 一陣我就會去買份禮物仔俾佢, 講明先呀, 真係禮物仔黎 架咋! 因為我冇收入架嘛, 最多第日搵到工再買份大禮物 俾你喇! 今日有個朋友打電話俾我, 同佢識左幾耐架喇, 不過就冇咩時間傾, 今日終於有喇, 好開心呀, 可能好多野 傾啦, 佢就係我識左好耐o既網友--小孩喇! 今日個胃好痛呀! |
| 15/5/99 |
|
而家只係下午十二點幾咋, 因為再過多一陣我又要返學喇 今朝一早起左身, 係因為有一個撘錯線o既電話嘈醒左, 又 點都訓唔番喎, 咪起身食野囉, 我又懶喎, 所以用微波爐整 熟Ｄ雞翼食啦, 點知佢個自動感應功能都呃人O既, 又話可 以自動感應要煮幾耐喎, 等我大安指意咁等佢自己停點知 連張微波爐保鮮紙都熱熔左, 攪到我成碟雞翼都有哂保鮮 紙, 真係激氣! 仲有呀, 唔知今日個肚又做咩野, 又肚痾喇 真係冇自己修! 掛住你, 你同埋你呀! |
| 16/5/99 |
|
今日可以話係幾多野攪o既一日, 又買左Ｄ好正o既ＣＤ啦 今期我O既專業推介係"吳國敬的主題曲"真係勁正架! 其實我深深愛著你! |
| 17/5/99 |
|
今日同大家姐及二家姐去左唱Ｋ, 好耐冇去唱Ｋ喇, 好正 呀, 因為我勁鍾意唱歌架, 唱左好多好多新歌, 當然唔少得 吳國敬啦, 唔好講笑呀, 我唱到佢個ＫＥＹ架, 又唱左彭羚 啦, Ｄ歌好新! 我唱彭羚果首＜給我愛過的男孩們＞果陣, 真係有少少想喊, 因為Ｄ歌詞好好, 大家留意下! 我聽晚 會睇＜午夜凶鈴＞喇, 希望我唔會太驚啦! 只有你肯給我認真! |
| 18/5/99 |
|
剛剛睇完戲返到屋企, 其實唔係太驚咋, 可能我大約知道 佢會講Ｄ咩啦, 成套戲都有大約三個位係令到我真係好驚 女主角O係個井度突然有隻手捉住佢果下, 我嗌埋出黎添 因為果陣我左邊O既嘉倫仔仔勁O係度哼Ｄ怪聲出黎, 所 以真係好驚, 其實呢套戲好抵睇, 睇戲過程當中都有小插 曲架, 就係戲院果Ｄ唔識O既人好攪笑, 最緊張果陣有個 男人突然好大聲咁話:今晚我仲點會訓得著? 佢講完之後 全戲院O既人都勁笑, 因為佢講得好攪笑, 仲有O係貞子爬 出黎果陣, 有個男人又好驚咁大聲話:開門呀, 放我出去, 我唔睇喇! 果陣真係好攪笑, 氣氛好好, 因為嗌就一齊嗌笑 又一齊笑, 所以本來我諗住自己返到屋企會好驚電視同埋 錄影帶, 不過我真係唔驚喎! 仲有呀, 最後要多謝嘉倫仔仔 因為佢請我地睇戲同埋食壽司, 仲有係送我返屋企以及借 左好多ＶＣＤ我睇! 其實呢套戲講到母親O既偉大! 今日開始有熊貓睇喇! |
| 19/5/99 |
|
凌晨果陣, 我俾狂風大雨嚇醒左, 真係完全嚇醒左, 我成五 點幾先訓得著, 真係唔知點解會俾個勁雷嚇親! 可能係因 為尋晚睇完果套戲掛, 夜左就唔知點解不其然咁諗起架喇 呢幾晚都要返學呀! 所以大家會見少左我架! 尋晚發左個 好甜o既夢呀, 夢見薯片仔帶我去睇熊貓呀, 仲買左個好可 愛o既熊貓仔背包送俾我添呀, 其實我真係希望夢景成真 旨日可待! |
| 20/5/99 |
|
今日其實都冇咩特別野發生過, 我今日睇左果套＜失業皇 帝＞都幾好笑啦, 不過亦係幾無聊咁啦! 夜晚又要上會計 講你都唔信呀, 而家會計果班簡直唔係人黎架, 真係癲架 成晚都好似o係街市上堂咁, 一Ｄ都唔尊重個導師, 我覺得 咁嘈都唔緊要, 如果係識會計O既話, 但係班人又咩會計都 唔識喎, 連最基本O既野都唔識, 又要賣菜咁樣嘈! 所以聽 晚返經濟班一定會好好多! 希望唔洗由熊貓等到變長頸鹿啦! |
| 21/5/99 |
|
我今朝成六點先訓呀, 因為尋晚同我朋友--小孩傾電話傾 到成五點幾, 都傾左好多野架, 所以都好開心, 因為可以真 正傾到心事o既人唔係太多個! 本來都唔會傾咁耐架, 但係 傾傾下＜午夜凶鈴＞Ｄ劇情, 真係有少少驚, 所以點都唔 收線住, 傾下傾下咪傾到天光囉, 加上我呢排又好悶一有 個人咁好陪下我傾, 一定冇咁易俾佢收線啦! 今晚又要返 經濟喇, 一定會好過返會計O既! 仲有係聽晚大家一定要 睇亞視o既＜縱橫四海＞另一個結局, 小龍會出黎對付明 智傑架! 記住睇喇! 今朝發果個夢又係好想佢成真架! |
| 22/5/99 |
|
今日完全冇上過網呀, 所以而家係２３號先寫番Ｄ日記! 係咩原因令到我會放棄左上網呢? 就係日劇O既魔力喇! 我用左全日時間去睇哂成套ＯＶＥＲ ＴＩＭＥ, 真係好正 大家有冇睇過呢? 不過我睇完之後好唔開心, 亦都好唔明 白個結局, 明明夏樹同宗一郎係亙相鍾意, 亦係好難得O既 一對, 點解最後佢地唔O係埋一齊呢? 反而宗一郎叫夏樹 同久我先生結婚? 唔通愛唔一定要擁有? 但係亙相相愛點 解唔可以一齊? 真係難理解! 不過我覺得我O既思想好似 劇中O既倉田薺架! 真係好似, 大家有機會就留意下啦! 亙相相愛點解唔可以一齊架? |
| 23/5/99 |
|
今日勁眼訓, 訓到成三點幾先起身, 我唔知點解近排咁累 我諗住今日開始睇第二套日劇＜上帝給我多一點時間＞, 好似話非常好睇, 唔知我會唔會睇到喊呢? 呢個可能性係 非常之大! 但係我好欣賞一個叫做"加藤晴彥"o既演員架! 呢兩套日劇都有佢份做架! 大家有冇睇尋晚縱橫四海第二 個結局呀? 好攪笑, 之前我仲諗住係講明智傑同埋明星都 未死, 接住再寫過第二個結局添, 原來都唔係O既! 但係尋 晚睇果陣好開心, 小龍出番黎果陣我開心到喊左出黎呀! 真係好開心, 但係又勁好笑咁啦! 今日Ｄ天氣真係勁熱! |
| 24/5/99 |
|
尋晚開左冷氣訓喎, 好正呀! 不過起左身之後就冇開冷氣 喇, 因為唔想Ｄ溫室效應再勁Ｄ, 大家都為呢個世界做番 Ｄ野喇! 剛剛返完學到左屋企, 用左８蚊坐左一架冇路軌 O既過山車返屋企架! 咪就係小巴囉, 都未試過由佐敦返 屋企附近車程只係要幾分鐘, 真係真係好驚! 不過想快冇 計啦! 返學之前睇左幾集日劇, 喊到成個豬頭咁呀, 因為 真係好慘架個故事, MASAKI好慘, KEIGO唔知佢想點, 但 係勁型! 突然間覺得自己好O靚妹添! 究竟MASAKI同埋KEIGO結局係點呢? |
| 25/5/99 |
|
今日一早起左身喇, 雖然尋晚失眠, 成六點先訓得著, 但 係十點幾就醒左喇, 食完野之後就好乖咁溫左兩個幾鐘頭 書, 因為聽晚有測驗呀, 之後我就好留心咁一次過睇哂我 未睇完o既＜上帝, 給我多一點時間＞ＶＣＤ喇, 喊左好耐 因為MASAKI真係好慘, 一生有好多波折, 好O既人往往都 係有壞結局O既, 真係好唔公平! 睇完之後我諗左好多野! 有Ｄ人平安咁過左一日O既時候, 佢地會話:咁就冇左一日 但係對於我甚至好多人黎講, 可以平安咁渡過一日係一種 褔氣, 我會話:又賺左一日! 因為大家要知道幸褔絕對唔係 必然O既! 一定要珍惜每一日猶如最後一日! 另外呢, 我真 係發覺而家果套＜千里姻緣兜錯圈＞係勁抄日劇架! 以我 所知, 暫時抄左O既日劇有:＜庶務二課＞同埋＜上帝＞, 唉, 連馬德鐘片中以前個女朋友名都抄足金城武片中以前 女朋友個名, 咁又何苦呢? MASAKI同KEIGO呢個結局, 令到我好感動! |
| 26/5/99 |
|
今晚經濟測驗喎, 二十五題ＭＣ, 點知答中得十題, 真係失 敗, 所以我都要努力Ｄ先得喇! 今日返學之前開始睇第三 套日劇喇, 就係＜沙灘小子＞喇, 不過第一集都唔係太知 佢想講咩啦, 等我睇埋先話俾大家知啦! 至於放學返黎果 陣發現左電話錄音有一個留言, 不過果個人完全冇講野, 我真係唔知係邊個搵我呀, 因為我慣左返學開電話錄音, 如果我去街O既就會飛線去手提, 希望大家如果遇到有電 話錄音時, 留低俾我知丫, 不過我覺得係薯片仔搵我, 直覺 掛, 如果真係O既話, 咁就慘喇, 因為我好唔想佢打黎搵我 唔到! 放學果陣落好大雨呀! |
| 27/5/99 |
|
今日就要返會計, 落雨喎又, 不過我都冇開到傘, 麻煩丫 嘛, 返到去都冇咩學到, 我成堂都係自己做Ｄ題目咁! 有 少少唔明白點解上年自己咁失敗, 咁簡單O既題目都唔識! 尋晚少有地開左冷氣訓, 發左個好甜O既夢! 唔知又可唔 可以實現呢? 聽晚經濟又測驗喇! |
| 28/5/99 |
|
日頭溫左成五個鐘頭經濟, 因為夜晚要測驗, 又因為上次 完全測得唔好嘛, 測完之後我都唔係好知測成點呀, 因為 測ＭＣ好冇信心架我, Ｄ答案差唔多咁, 不過應該會合格 掛, 因為今次我溫成五粒鐘, 唔多唔少都有番Ｄ信心O既! 終於都可以休息兩晚喇! |
| 29/5/99 |
|
今朝一早落街去銀行同埋買野煮飯, 點知發生左兩件令我 完全唔敢相信o既奇遇! 第一站我去銀行, 由於星期六o既 關係, 都幾多人排隊, 好不容易到我喇, 當我表明左想點理 財之後, 過左大約一分鐘我見到佢已經完成左我想做o既 野喇, 咁正常黎講應該俾番我啦, 係咪? 點知果個女人勁 拎住我本存摺喎, 仲要勁問我做緊野定讀緊書, 仲勁問我 Ｄ令我摸不著頭腦O既問題, 原來佢想我申請信用咭, 但 係我好早果陣已經表明左我唔需要同埋我十分趕時間, 點 知呢個咁O既亞嬸完全唔發覺我好唔需要張咭咁我真係非 常之嬲, 講真丫, 如果佢O係未完成程序時同我講, 我絕對 唔介意, O係果一刻我同佢講我非常趕時間佢仲好唔知趣 咁唔俾番本存摺我喎, 咁我就講左一句說話"如果你識聽 廣東話, 你應該明白咩叫趕時間架呵亞嬸?"當我講完呢句 果陣連週圍Ｄ人都望住我, 不過我唔介意喎, 因為呢位亞 嬸的確好唔知趣, 本來勁想講粗口架喇, 不過我有形像架 為左佢就唔值得啦, 不過我講完呢句野佢都要成半分鐘先 意識到我O既意思, 本來只需要一分鐘O既事, 竟然用左成 五分鐘, 本來我想叫佢經理見我架, 不過算啦, 俾多次機會 佢啦! 之後我就去左某間西餅店買左個六個半O既大豬仔 包, 俾左十蚊佢, 應該找番三個半啦, 點知佢找左十三個半 俾我喎, 之後我話找錯錢, 無幾耐佢又俾番十三個半我, 我 再話我俾左十蚊你咋喎, 再過左一陣, 佢又係俾十三個半 我, 話一定冇錯仲塞我要喎, 佢咁找錯錢都抵啦, 話左俾佢 知錯佢仲諗左陣話一定冇錯, 咁我都盡左力啦, 咪拎左果 十三個半走囉, 所以我去買野反而多左十蚊用! 今朝O既 奇遇令到我知道呢個世界咩人都有! 正所謂:一樣米養百樣人! |
| 30/5/99 |
|
今日可以講係一個好平淡o既星期日, 起身之後食野同埋 睇電視, 又睇左四集＜ＧＴＯ＞, 好睇過＜沙灘小子＞好 多好多, 希望呢幾日可以睇埋佢啦! 不過我黎緊呢個禮拜 要返好多晚學呀! 要返一三四五六日, 一共六晚O既時間, 希望過後我唔會太累啦! 呢兩日O既休息令到我冇咁累喇! |
| 31/5/99 |
|
今日訓到成一點鐘喎, 可能近排失眠o既關係啦! 夜晚返左 會計, 不過我真係覺得呢班人好唔掂, 堂堂會計都好似o係 街市上堂咁樣! 做數唔睇題目, 唔睇都算, 仲要同亞ＳＩＲ 嘈話唔應該咁做! 但係的而且確題目係話要咁樣做, Ｄ人 又話唔應該咁做, 但係大家都知架啦, 無論你答咩題目都 係要依照佢所問而去答架嘛! 大家話呢班人係咪讀書架! 仲有喎, 今晚識左個人喎, 佢話我好靜喎, 其實係我唔想識 呢班人, 所以咪唔出聲囉, 我相信我Ｄ朋友肯定覺得我係 一個絕對唔靜O既人黎O既! Ｄ天氣又熱番喇! |