背景音樂 : ARIGATOU
| 1/4/2000 |
|
今日好番Ｄ喇, 不過依然冇精神做份課, 但係聽日一定要開始做喇! 今日個喉嚨好番Ｄ, 不過都依然咳,
中醫話係濕熱! |
| 2/4/2000 |
|
差Ｄ唔記得左日係愚人節添, 大家有冇俾人整呢? 今朝八點幾咳醒, 之後食左咳水再訓到十二點幾,
今日叫做好左少少, 不過依然係咳; 本來預計今日可以完成功課O既一半, 點知答左五份之一到啦,
除左冇咩精神之外, 主要原因係唔識答果Ｄ問題呀, 所以我 SEND 左 EMAIL 俾人問下要答Ｄ咩,
希望聽日可以完全完成成份功課啦! |
| 3/4/2000 |
|
今日斯斯終於都不敵病菌去左睇西醫, 西醫話我氣管炎呀, 打左支針添, 訓左大半日, 攪到份功課又未做好,
我一陣寫完日記就要完成佢架喇! 其實有少少擔心 PRESENTATION , 一來驚份野做唔好, 二來驚我未病好不在狀態,
三來當然係驚有人問我問題, 以上三個因素都足以令我死咁半! |
| 4/4/2000 |
|
今日斯斯十點幾就起身喇, 因為要食藥丫嘛, 所以我未夠十二點就開始做功課喇, 不過的而且確係辛苦,
除左食左藥暈暈地之外, 我好耐都未試過寫果唔夠一千字O既功課由十二點未夠坐到夜晚十點半, 其中只有一個多小時休息食飯,
仲要做左出黎份野唔係太滿意, 勉強應付到黎緊O既 PRESENTATION 掛, 希望果日醒Ｄ精神Ｄ, 講野唔好一舊舊啦!
不過不在狀態, 我真係冇咩信心! |
| 5/4/2000 |
|
今朝九點鐘醒左喇, 唔知係咪太熱呢? 呢幾日食藥食到我真係冇咩味覺, 幾慘架, 飲水飲到口到 "WET" 埋!
好驚Ｄ藥味, 尤其係果Ｄ扮好味O既藥水! 夜晚返左學, 暈暈地咁返去聽書, 下一堂就係我 PRESENTATION 喇!
今日唔係太緊張咋喎, 可能知道大部份同學都未做好啦, 不過唔可以同人比較O既, 但亦對我O既期望唔好咁高喇! |
| 6/4/2000 |
|
今朝九點幾又醒左喇, 因為早Ｄ身可以食足四次藥, 咁先快Ｄ好丫嘛! 尋晚臨訓之前自己試過 PRESENT ,
係就係讀得唔係太順, 不過真係可以講到成十分鐘架喎, 不過正式果陣當然係會比平時快少少啦! 今日冇咩特別試過,
因為唔想令自己太辛苦同埋太大壓力, 不過聽晚返學之前一定會試多幾次! 睇睇下電視Ｄ藥力又發作喎, 攪到我自己訓左都唔知!
好番好多喇, 起碼冇咳到啦! |
| 7/4/2000 |
|
尋晚訓唔著呀, 不過亦因為咁我聽到小雪O既訪問, 原來佢好耐之前拍過維他奶廣告架, 就係同陳曉東果個喇,
佢唔講番我真係完全唔知添! 我成四點幾先訓到, 不過未夠十點又醒左一醒, 基本上我今日試過 PRESENTATION 一次啦,
六點幾就落左巴士行返學校啦, 點知有奇遇喎, 有一個外表中國O既女人用英文問我路, 我用左Ｄ唔係太完美O既英文去答完佢之後,
神奇事就出現喇, 佢竟然同我講廣東話喎, 當堂嚇死我呀, 返到學校發覺"佢"冇返到學喎! 我O既 PRESENT 好順利,
雖然我坐左O係度勁讀我份 PAPER , 亞 SIR 之後問左我條問題, 都答到少少啦, 不過第二個奇跡出現喇,
亞 SIR 讚我份 PAPER 做得好呀, 仲話好難先搵到條問題問我, 話我做得好詳細呀, 講真丫, 真係好好好開心架!
返到屋企收到我一個朋友O既電話, 佢今日發生左一件好唔開心事, 希望佢快Ｄ開心番啦! |
| 8/4/2000 |
|
唔知點解尋晚做完 PRESENTATION 都會訓唔著, 眼光光望到四點幾先訓到一陣, 到左今朝十點幾就醒左喇,
之後就同左我爸爸落左去圖書館還書, 諗住借Ｄ HTML/CGI/ASP 果Ｄ書學, 點知竟然只係搵到一本好簡單O既 HTML,
好彩都搵到一本 WINDOWS NT SERVER 4.0 , 因為我過多個令星期就要測驗, 亦好奇怪我今日睇哂喇! 係咪好快呢?
不過唔係好夠測驗用, 相信過幾日要去借過喇! |
| 9/4/2000 |
|
今朝都幾早醒左, 因為尋晚訓廳, 原因係我表妹同亞姨訓左我張床(係我自願O既!), 之後食左少少野就出左旺角行街,
嘩, 不過的確勁多人, 仲有好多人唔知想爬野定係想非禮, 就算條路冇咩人都要行得好近你, 攪到我幾唔自在呀!
所以到左四點幾就返左屋企睇電視喇! |
| 10/4/2000 |
|
今朝好早醒過, 食左晏晝之後就去左行官塘, 雖然冇咩特別地方行, 不過不失為一個消磨時間O既地方!
天氣唔係咁好, 攪到個人成日都好眼訓咁! |
| 11/4/2000 |
|
今朝非常好訓, 鬧鐘響都完全聽唔到! 食完飯之後同我媽咪出左去一個地方, 我仲O係果度見到個靚仔添,
其實果個人都唔係非常靚仔, 不過算係幾好樣咁啦! 本來我今日有野做架, 不過因為好多因素而未知幾時先做到,
不過冇所謂啦, 正所謂: 你急我唔急! |
| 12/4/2000 |
|
今日好好訓, 唔知點解呢幾日都好累, 完全須要訓! 食完午飯就落左去行街加買野, 大大話話都買左成二百幾蚊日用品,
物價真係高漲! 夜晚要返學呀, 不過返學之前我去左睇ＣＤ, 諗住買小雪果隻ＥＰ, 點知果間野冇喎, 所以我諗過幾日出去旺角睇下先!
佢同上一堂一樣冇返到, 唔知係咪準備下堂O既 PRESENTATION 呢? |
| 13/4/2000 |
|
今朝十點幾俾個電話嘈醒左, 之後都只係食左個麭做午餐, 到左四點幾我就去左銀行, 因為又要買匯票交學費,
因為我 RE-TAKE 同埋 RE-EXAM , 所以要再交錢, 其實真係唔平呀! 之後又去左買野食, 我發覺到"優之良品"果Ｄ崩砂幾好食喎!
前幾日我去圖書館借左本寫 HTML O既書睇, 以下就係我睇完果本書O既實驗作品: |
| 14/4/2000 |
|
今日好嬲, 真係好激氣, 大家仲記唔記得上個月我話"和記"收我上網月費? 我咪話果日已經完全 CUT 左個 A/C O既,
果個人仲話同我做左退錢手續, 點知我今日再收到我張信用咭O既單, "和記"又再一次收取我 $108 上網月費,
所以我又再打去問發生咩事啦, 點知我得到O既答案完全足以令我講粗口, 佢話 CHECK 過電腦我上次俾果 $108 只係２月O既月費,
亦因為我係３月１４日先 CUT A/C, 所以要再交多 $108 喎, 同上次果個人同我講O既完全唔同, 上次明明話我第一次交果 $108 係３月O既月費,
而亦因為我１４號就 CUT 左, 所以就會退番 $62 蚊俾我, 今次仲話完全冇做到退錢手續, 我聽完即刻話佢攪錯啦,
咁大間公司用咩 SYSTEM 架? 個個 CHECK 都唔同答案所以我好嬲, 因為痴孖筋架咩, 佢地個 DATABASE 唔係應該一樣架咩?
仲口口聲聲話推行什麼電腦化, 互網O既世界, 我呸! 我果一刻突然覺得好似返番去幾廿年前仲用緊飛鴿傳書果陣咁!
所以我爸爸寫左封投訴信, 因為真係好離譜, 果陣申請果陣果個人親口同我講話唔用可以唔理, 完全唔收月費,
頂佢丫, 今次唔投訴我誓不為人! 另外我今晚返學果陣見到佢 present呀! |
| 15/4/2000 |
|
今日天氣幾好, 涼左少少啦, 基本上一早食完野就落左街寄信, 因為要寄封投訴信丫嘛! 之後即刻返屋企喇,
因為唔想行街, 日日都係行果Ｄ地方, 先頭諗住去睇ＣＤ架, 不過我想買果隻要星期一先出(遇上 1941 的女孩原聲碟),
小雪果隻ＥＰ又貴喎, 諗住搵日出旺角睇下, 點都會平過我屋企附近! |
| 16/4/2000 |
|
今日幾早醒左喇, 因為我間房對住個山果度有一班人勁大聲咁唱山歌, 我真係俾佢地激親! 我表妹表弟佢地今日黎左我屋企玩,
玩左成日都有少少累, 我表弟買左張跳舞毯子俾我, 點知安左去部電腦玩唔到呀, 又唔知點解玩唔到喎, 好慘呀!
講開又講, 尋日發生左件事令到我好感動架, 原來我表弟好關心我架! 夜晚我舅父同婆婆都黎左我屋企食飯,
好耐都未試過咁熱鬧! 我表弟前排上大陸買左條褲俾我呀, 好型架! 佢地走左喇, 因為我大表妹仲未放假! |
| 17/4/2000 |
|
今日訓到十二點正呀, 因為尋晚我溫書溫到兩點幾, 所以大覺訓囉! 晏晝去左飲茶, 不過都冇咩食, 但係又幾貴喎,
真係唔適合成日去飲呀! 之後同左我媽咪出左去旺角行街, 人有好多呀, 不過好失敗咁唔記得左幫我亞姨買電腦喇叭,
真係失敗! 今日行左新世紀, 見到小雪隻ＥＰ只售 58 蚊, 不過我都冇買, 因為我相信仲可以平Ｄ! 另外今日有一件唔開心O既事,
就係梅愛芳小姐因癌病歸回主O既懷抱! 我睇到呢段報紙我的確好唔開心, 不過都希望佢可以安息, 佢身邊O既人唔好咁唔開心,
因為第日會O係天堂再見番O既! 另外我今日睇報紙頭版, 訪問左一個女大學生, 佢拍左一套所謂藝術電影,
不過我就完全覺得係一套四級片, 呢套戲係講呢個女人O係十小時裡面同左九十個男人發生性行為, 呢Ｄ係咩題材呀,
講真一句, 我承認藝術同埋咸濕係一線之差, 不過我就唔係好明呢個故事點樣可以係好幽默, 亦睇唔到有咩超現實感覺!
如果大家家中Ｄ年青人去睇呢套"藝術"電影都覺得完全冇問題O既, 我就覺得係你地有少少問題! 呢個咩世界呀? |
| 18/4/2000 |
|
今日基本上冇咩特別事發生, 都係溫聽日個測驗, 我諗溫哂掛, 因為聽晚又係測ＭＣ! 之後同我爸爸落左去睇電腦,
我真係想渙過部電腦呀, 因為個 HARD DISK 唔夠我用, 呢幾日都要 DELETE 野先上到網/安裝到野, 不過暫時未睇中!
食完晚飯就成家人落左去行左一陣街, 買左少少野啦! |
| 19/4/2000 |
|
今日食完午飯就一同人落左街買電腦, 因為睇中左部ＩＢＭ, 訂左貨不過下星期先送貨呀, 今晚依然係要返學,
不過只係返去測驗, 所以我七點幾做完份券就返左屋企喇, 所以趕得切返屋企食晚飯! |
| 20/4/2000 |
|
今日非常之精神, 不過就冇落到街, 因為實在太太太熱喇! 今日攪過自己個網頁, 亦想話俾大家知＜私家歌＞已經正式關閉喇,
係因為唔想侵歌曲版權, 亦希望大家去買正版ＣＤ聽下啦! 話時話丫, 我呢個網頁就黎兩歲喇, 大家有咩活動同"佢"慶祝下先? |
| 21/4/2000 |
|
今日六點幾就醒左喇, 不過我都照訓到十一點幾, 我都依然冇過街, 因為今日亦好熱! 復活節價今日開始喇, 大家有咩節目呢?
斯斯就冇咩特別喇, 因為身邊O既朋友都唔係好得閒, 有Ｄ忙於考試, 有Ｄ約左人, 不過我有機會星期日出去同班舊朋友食下飯傾下計咁! |
| 22/4/2000 |
|
今朝七點幾又醒左喇, 唔知點解呢排成日都咁早醒左, 但係之後訓番又訓到十一點幾喎! 我表妹地又黎左我屋企玩,
食左午飯就落左街行左一陣, 我仲試左一杯叫做"抹茶點子"O既飲品, 都幾得意架! 不過行行下都好累,
因為天氣實在太熱喇! 佢地九點幾就返屋企喇, 不過過幾日又會再出過黎玩, 因為佢地放復活節假丫嘛! |
| 23/4/2000 |
|
今日天氣有少少好轉啦, 起碼涼左少少, 不過都仲有落雨! 本來今日諗住開始溫書o既, 點知好衰唔衰溫之前見到個書櫃好亂喎,
所以咪去左執下佢囉, 點知一執就執左幾個鐘頭, 溫書計劃又要押後喇! 約左兩個舊朋友聽日食飯呀,
雖然本來仲有一個o既, 不過佢唔得閒, 但係一定仲有機會一齊出黎玩下聚下o既! |
| 24/4/2000 |
|
今朝好早起身, 因為約左幾個舊朋友食下飯行下街! 出到旺角都幾多人喎, 但係咁多人都撞唔到識O既人!
行左好多地方呀, 又睇下衫, 又睇下ＣＤ, 又睇下化裝品咁, 不過我係只買左兩隻ＣＤ咋, 分別係＜小雪ＥＰ＞以及＜遇上 1941 的女孩原聲碟＞,
前者都唔錯, 不過係把聲仲差少少, 後者簡直超值呀, 我不斷係咁聽, 聽到好感動! |
| 25/4/2000 |
|
今日一早我表弟地黎左我屋企呀, 玩左一陣啦, 大約五點幾我就同左我亞姨去左行左一陣尖沙咀,
之後就陪佢去左童軍總會! 攪到我地九點先返到屋企食飯, 好肚餓! 夜晚十一點打左俾我契姐傾左一陣啦,
約左五月頭出黎玩, 當然係過左我考試日先啦! |
| 26/4/2000 |
|
今日一早俾我細表妹嘈醒, 今日冇落街呀, 因為個天成日想落雨咁! 都唔係做左好多野,
玩左少少野啦, 不過都係睇下電視, 同我表弟傾下計咁咋! |
| 27/4/2000 |
|
今日一早就送新電腦黎喇! 而晚上就黎裝左機, 而家o係新機寫日記, 攪左成晚呀,
因為要將舊機Ｄ野整番黎新機, 攪到我人都就黎痴線! ICQ 又要 ADD 過哂Ｄ人喎,
而家安左個 ICQ 2000 , 都幾好用O既! |
| 28/4/2000 |
|
今日攪部新機攪左成日, 終於叫做攪掂啦! 由於成日都攪電腦, 所以冇溫到書! 我諗聽日一定要努力溫書喇!
對左部機成日都有Ｄ累! |
| 29/4/2000 |
|
今日溫過書喇, 不過都未有耐溫哂! 攪左部電腦一陣, 之後一家人去左旺角行左一陣街! 我坐巴士出旺角果陣,
有一件事令我幾反感架, 就係坐我對面果個女仔竟然o係架冷氣巴士度公然咁食佢果盒麻婆豆腐飯喎, 我真係好反感,
一來巴士講明唔可以飲食! 我覺得食糖飲水都ＯＫ, 但係食飯盒係咪過份左Ｄ呢? 而且係O係一架冷氣巴士,
因為佢O既肚餓, 而令到成架巴士O既人都要不停咁聞佢果盒有少少臭O既飯, 係咪有少少過份呢? 呢個真係唔知咩世界,
竟然有人咁樣唔理人感受! 我就係咁聞住呢Ｄ味出到去旺角, 諗番起都有少少想嘔! 返到屋企終於試左我部 CD-WRITER 喇!
好正架, 我錄左隻ＣＤ俾我表弟, 我唔係唔理版權問題, 只係我表弟冇多餘錢買ＣＤ, 做表姐O既又冇多餘錢買多隻俾佢,
所以唯有 COPY 左一隻作私人用途! 我有個朋友話我知佢同左第二個人拍拖好開心, 我雖然未有機會同佢傾計, 不過聽左都戥佢開心! |
| 30/4/2000 |
|
今日竟然訓到十二點幾喎, 真係佩服自己咁好訓! 食完午飯之後就開始左我O既溫書計劃, 不過仲未溫哂,
我今日溫左成五個鐘頭, 但係都仲有好多未溫, 我諗未來呢幾日都有排我溫, 其實有少少驚溫唔掂架,
因為我唔見左Ｄ ANSWER O既 FILES 呀, 但係又 DOWNLOAD 唔番喎, 所以我仲未知應該點答Ｄ問題,
睇黎一陣要上網問番我個夜校同學 SEND 番俾我先喇! |