今日基本上係執掂份功課, 不過都未做完, 因為只係執左內容, 但係就要慢慢寫番個程式同埋其他野先掂, 希望我可以快Ｄ完成到就好喇!
功課功課, 做唔完O既功課!

今朝一早去左飲茶, 之後我返左屋企就冇出過街喇, 因為做功課, 不過有好多阻礙, 因為唔知點解寫極都寫唔掂個程式, 最邪O既就係照抄番個例子Ｄ CODE 都整唔到喎, 所以唯有 SEND 個 EMAIL 去問下亞 SIR 啦, 我直情照住我借番黎果本書咁做, 都唔得O既! 確實令人費解!
希望亞 SIR 拿拿聲回我"貓", 等我可以快Ｄ做好份功課!

今日冇做過份功課, 因為仲未諗到應該點解決尋日果個問題, 亞 SIR 又未回我 EMAIL 喎, 所以要等埋先! 今日行左一陣街咋, 因為幾悶囉, 買左一 SET 好細塊O既地膠, 好得意架, 10 蚊有三十六塊, 雖然真係好細塊, 但係的確幾得意!
今日親手整左張生日咭, 諗住送俾亞敬架!

份功課係仲未攪掂O既, 睇黎要等多幾日先解決到! 今日睇左果套＜蟲蟲特工隊＞, 原來亞敬有份配音架喎, 好好睇呀, Ｄ蟲好得意! 今日冇出過街呀, 因為太熱喇!
希望快Ｄ做掂份功課, 亦希望快Ｄ見到亞敬啦!

亞 SIR 回左我 EMAIL 喇, 但係照佢教我個方法都唔掂O既! 真係要諗諗先! 今朝好早起身呀, 因為九點幾就去左同我姑姐飲茶, 不過食完之後我肚痛呀, 可能油得滯啦! 之後都返屋企, 因為實在太太太熱喇!
依然係希望一切順利啦!

今日十點令醒左, 因為今日係我舅父O既舊曆生日, 所以就約左去飲茶! 飲完茶佢就走左喇, 因為大把節目! 另外我今日攪掂左聽日交果份功課, 唔係寫程式果份, 只係要交份 PROPOSAL O者, 所以都唔算大件事, 兩星期後交果份程式先係大件事, 因為到目前為止我都仲未攪掂個程式!
本來諗住呢幾日去搵亞敬, 但係到目前為止都未有機會!

因為尋晚成兩點幾先訓, 所以我今朝成十一點幾先起身; 基本上冇咩做過, 只係夜晚返學, 不過好彩一直困擾我O既程式問題, 終於攪掂左喇! 我真係好開心!
今日亞敬生日, 生日快樂!

本來呢個星期會搵一晚去探亞敬架, 但係我收到消息今個星期佢會努力工作, 所以遲Ｄ先再去啦! 今日落街行左一陣, 不過真係幾熱喎, 最慘O既係我唔多出汗, 但係又熱喎, 你話幾咁矛盾呢!
我今日開始 SCAN 我以前O係學校Ｄ相!

今朝成十二點先起身, 因為尋晚亦係兩點幾先訓! 我表弟黎左我屋企住一晚, 因為佢有Ｄ野要做啦, 下午我同我表弟出左旺角買野, 本來諗住去換＜美麗人生＞O既海報, 但係竟然搵唔到間野, 所以冇換到囉, 不過我確實幾想要, 不過冇法啦!
今日報紙有影到前日亞敬O既生日會, 我有少少意料之外!

今朝十點幾起左身喇, 因為尋晚都醒左幾次, 如果再訓就肯定冇兩點都唔會起! 食完野之後出左黃埔行街街, 咁 ARM 我撞到鄭啟泰喎, 不過就撞唔到亞 WAYNE , 如果見到佢就可以同佢傾下佢個網頁O既更新喇! 返到屋企發覺一樣邪野, 就係我竟然搵哂成間屋都搵唔到楊千嬅做封面O係 PCHOME 送O既 CD-ROM 喎, 真係冇可能唔見左架喎, 的而且確希望大家搵一搵, 睇下係咪我借左俾大家, 因為斯斯係一個絕對唔會亂擺野O既人黎O既! 希望大家幫幫手!
屋企Ｄ野越黎越冇尾飛砣喇!

今日一起身就睇電視喇, 不過之後都用左兩個令鐘頭做份功課, 但係都係未做完o既! 食完飯就落左去行左一陣, 其實份功課都完成七七八八喇! 不過仲差少少程式同埋兩份 MANUAL !
努力!!!!!!

今朝起身食完野就落左去行街, 遇到一個住樓上O既朋友, 所以一齊去左茶樓飲下午茶, 雖然唔肚餓, 但係可以去傾下計嘛! 冇意中搵到一盒以前O既＜獎門人＞錄影帶喎, 睇番又真係幾好笑, 比起而家O既所謂遊戲節目好睇好好好多!
朝早雖然黑色暴雨, 不過都係好O既開始!

今日落雨喎, 天氣都凍左, 不過總比起熱到暈好! 呢排唔知點解又渴睡, 明明好早訓, 第二朝都唔可以早起身, 反而仲訓晏左, 真奇特! 本來諗住寫果兩份 manual 架, 不過個程式未完成好難可以寫得好, 所以冇寫到囉, 反而去左租ＶＣＤ睇, 都冇咩好戲睇架, 不過好過冇得睇O既!
加油!

今日訓到十點幾就起左身, 之後就睇番尋晚錄O既＜我和彊屍有個約會１＞, 又幾好睇喎! 冇食到晏晝, 因為兩點就落左去飲下午茶! 食完之後就去左行左一陣街, 再坐車返學喇, 本來諗住今日可以早Ｄ走, 但由於自己唔識啦, 所以八點幾走得都冇走到, 過左隔離課室聽多次(亞 SIR 講完我地半班再過去講埋俾果半班聽!), 攪到成十點先走, 所以而家好鬼眼訓!
各方好友, 如果去開食肯德基, 請替斯斯換 SAMMI 砌圖, 唔該哂!

今日真係有喜有悲呀, 喜O既係去左旺角行街街啦, 仲買左一部 SCANNER , 但係悲O既係我安左Ｄ軟件之後, 所有小畫家 / JPG 等都唔可以一噤就去到小畫家同埋我用開睇相O既軟件, 反而去左個新軟件, 整黎整去都整唔掂! 唉, 唯有逆來順受啦, 不過如果大家知道可以點整番好, 記住話聲我知喎! 另外我今日買左兩本小說, 分別係梁芷珊＜生命白麵包＞, 同埋張小嫻O既＜麵包樹上的女人＞, 買完我先發覺兩本都係"麵包"!
一陣要做埋份功課添呀!

今日都幾眼訓, 因為食完飯就去左一個地方, 而呢個地方幾特別O既, 不過最令我覺得累o既係我去呢個地方做苦力, 梗係唔係真係苦力啦, 只係感覺上似o者! 夜晚想做功課果陣, 發覺唔知邊個軟件撞左我個 MS WORD 喎, 整左好鬼耐先至攪得掂咋! 好彩!
仲未做掂哂份功課呀, 慘, 希望我星期日前做得哂啦!

今日都可以講得係充實, 除左好充實咁休息之外, 亦好充實咁做功課, 一直由夜晚九點幾做到凌晨一點幾先訓, 總算係咁啦, 因為都可以講係完成左八成喇!
今日得到好友送左一個鄭秀文簽名 MOUSE-PAD(下圖) 俾我呀!

尋晚夜訓, 今朝竟然九點幾起左身喎, 仲要係之前每一個鐘頭醒一次, 竟然精神抖擻! 尋晚成晚都牽掛住我份功課, 原因係好想做到最好, 今朝起身就實現左我尋晚O既意念, 不過都做唔到十足一樣! 之後同左我媽咪去左藍田行街, 竟然意外地俾我O係一間二手ＣＤ店中搵到一隻亞敬O既舊ＣＤ, 亦發現到另一隻 SAMMI 同 安仔 一齊合唱O既二手ＣＤ, 所以二話不說就買左佢地喇, 雖然仲發現左好幾隻亞敬O既碟(約四十蚊一隻), 不過的確冇咁多錢, 唯有第日去過啦! 食過晚飯之後繼續我O既功課(程式寫作), 果然俾我完成左喇, 而家只係差一份 TECH. MANUAL 咋, 份 USER MANUAL 都攪掂左喇! 真係開心! 今日睇報紙話 SAMMI 同 安仔分左手, 我非常希望唔係真架啦!
祝大家父親節快樂!

今朝一早落左去行左一陣先去飲茶, 基本上冇咩特別野要買, 只係買左少少野食! 夜晚去左將軍澳同我舅父地食晚飯, 多麼好食的一頓晚飯呵! 但係我就親眼目擊一件令我好驚O既事, 親眼見到坐附近桌O既一個男人突然間發羊吊, 全身都抽根咁樣, 由於事發太突然, 只係見佢突然咁樣, 不久就有幾位食客同埋伙記上前幫佢屋企人手, 亦有人打電話報左警, 我眼見到佢咁樣, 其實我係幾驚架, 因為我突然覺得生命真係好難講, 完全冇先兆發生! 好彩過左一陣子佢就回復清醒喇! 但係遲遲都未見救護車到場, 聽人講話救護車應該可以O係５分鐘之內到達, 但一直等亦未見車O既縱影, 同時我地亦離開酒家, 亦未見救護車, 到左離報警大約十五分鐘我先見到有救護車, 我唔知道之後O既情況, 但係我覺得有少少唔係好對, 如果救助O既人真係有生命危險, 而救護車要成十五分鐘先到達, 會唔會有少少過份呢? 當然我明白到可能係要睇情況而下定論, 但係點解本來要五分鐘O既時間, 而家要用上十五分鐘呢? 十分鐘誤差對一個有生命危險O既人會有幾大影響? 我真係希望有關方面可以解決呢個嚴重問題!
當然希望救護車出動O既次數會大大減少(代表沒有人有生命危險!)!

今日有少少落雨, 心情都受到少少影響! 今日開始寫果份 TECH. MANUAL 喇, 希望可以快Ｄ完成啦!
今日係大家姐生日, 祝生日快樂!

一早起身感覺非常之好, 不過唔知係咩原因! 翻睇左幾套戲, 因為得閒丫嘛; 夜晚返左學, 出奇地見到佢O既出現, 哈哈, 俾亞 SIR 睇左我做O既程式, 仲話我做得好快喎, 但係我自己就發覺左原來仲差少少野未做得好, 相信我要繼續努力!
聽晚約左兩個家姐去唱Ｋ呀!

今朝一早起身就做功課喇, 因為確實係好想快Ｄ完成哂Ｄ功課, 因為如果咁樣就可以鬆哂丫嘛! 之後去左飲下午茶, 再之後去行左一陣街, 我今日突然好想買過部手提電話喎, 因為而家果部接收得唔好, 好想換部ＧＤ９０, 不過千幾蚊真係要計劃下先! 夜晚就去左同兩個家姐唱Ｋ, 雖然只唱左兩粒鐘, 不過都好開心, 之後仲去左食甜品添, 真係開心, 不過我帶左相機去都唔記得左影相, 真係大頭蝦!
天氣都幾熱架喎!

今日好開心呀, 因為我亞姨同表弟表妹黎左我屋企, 仲有佢地O既堂家姐, 其實都可以稱為我O既表妹啦, 佢就係O係美國返黎放暑假O既, 第一次見咋, 不過的確係幾好傾, 我用一Ｄ唔係咁好O既英文再加中文同佢傾計, 真係傾得好開心!
今日的確好開心!

唔知係咪自己冇記性呢, 呢排日日都唔記得發左個咩夢, 係一Ｄ印像都冇喎, 唔通係失憶?! 今朝一早焗醒, 因為尋晚開左冷氣訓, 但係今朝我媽咪幫我熄左部冷氣, 開左少少窗架喇, 不過我真係頂唔順, 所以醒左! 今日成日都冇出到街, 只係睇下電視同埋梁芷珊果本＜生命的麵包＞咁咋, 不過六點幾睇完小丸子唔知點解好鬼死眼訓喎, 所以一直訓到八點幾先起身食野!
終於做完份功課喇!

今日十點就起左身喇, 可能尋晚早左少少訓, 再加上訓左晏覺啦! 都有落過街行下O既, 不過太多人喇, 星期日邊度都多人O既! 不過行完街返黎又頭痛又眼訓, 所以又訓左覺喇! 我都唔知點解呢幾日都係咁, 要訓下晏覺先掂!
講講下都有少少眼訓添!

早訓左之後原來係會令到自己訓得俾以前更加晏架! 起身之後落左去銀行, 再之後就去左飲茶喇! 因為我亞姨同埋細表妹兩個黎左我屋企玩! 嘩! 真係好累呀!
我就黎睇完果本"生命白麵包"喇!

尋晚同我亞姨一齊訓, 因為佢同我細表妹O係我度訓一晚; 今朝食完野就出左去旺角一帶, 因為陪我舅父睇野, 都用左成兩個幾鐘架! 所以真係好累!
唔知幾時書展呢?!

今日一早俾我表妹仔整醒左喇, 食左午飯就出左角行左一陣, 再送佢地坐車返去, 我三點幾返到屋企又要準備返學, 今晚交功課! 返到去的確係冇野做, 只係做功課, 但係今日交左啦, 所以就真係坐O係度傾下計咁! 坐坐下佢竟然突然間返黎, 的確有少少嚇親! 未夠九點就走喇, 返到屋企附近見到火警完發生, 其實有少少驚! 不過有好多朋友打電話黎問候我喎, 真係溫暖!
睇完"生命白麵包"更加欣賞梁芷珊!

今日又有渴睡喇, 訓到十二點幾, 仲成日好眼訓咁! 一次過睇番過去三集＜上帝, 給我多一點時間＞, 的確睇完再睇都好睇! 仲有呀, 今日睇報紙話可口可樂有個換野遊戲, 我睇中左罐日本汽水同埋部貼紙相機, 其實仲好鍾意果個袋, 不過到八月幾, 唔知我換唔換到呢?
一陣會開始睇張小嫻o既＜麵包樹上的女人＞!

今日可以講係幾勞動O既一日, 因為去左兩間超級市場買野, 雖然唔係好多野, 但係都幾重架! 今日有一個特別O既感覺, 其實人生在世, 係咪一定會對得起自己O既生命? 有時打開份報紙, 都只係見到一Ｄ唔珍惜生命O既人, 但係亦有好多人係好努力咁為左生存, 世界係唔公平?! 我唔知道係咪神要世人受錯折, 可以咁樣先可以從錯折中學習! 但係真正從錯折中學習O既人又有幾多個呢? 記得果陣讀電腦時, 有個亞 SIR 講過"香港O既年青人面對錯折O既能力好低!", 我覺得絕對正確, 不單止係年青人, 其實連大人面對困難 / 錯折能力都比其他國家O既人低, 我覺得仲低到有危機添!
＜麵包樹上的女人＞都幾好睇!