背景音樂 : 宿命主義


歡迎睇我任何一日私日記!
1/5/2000
2/5/2000
3/5/2000
4/5/2000
5/5/2000
6/5/2000
7/5/2000
8/5/2000
9/5/2000
10/5/2000
11/5/2000
12/5/2000
13/5/2000
14/5/2000
15/5/2000
16/5/2000
17/5/2000
18/5/2000
19/5/2000
20/5/2000
21/5/2000
22/5/2000
23/5/2000
24/5/2000
25/5/2000
26/5/2000
27/5/2000
28/5/2000
29/5/2000
30/5/2000
31/5/2000


1/5/2000

今日亦都係訓到十二點幾, 食完飯亦係溫書時間, 但係溫溫下書我舅父打電話黎, 醒左D野我做(當然有人工架啦!) 做完之後亦係溫書, 不過仲未溫哂呀, 相信聽日都係溫書架喇, 因為後晚要考喇, 當然我都希望我溫得哂之餘考果陣都識答啦, 但係的確幾驚唔知應該答咩!
天氣越夜越熱呀!

返回


2/5/2000

今日亦係訓到十一點幾, 因為的確俾尋晚D雨聲嘈左成晚, 食左晏晝之後我又開始溫書喇! 今日算幾叻女架喇, 因為我足足溫左成五個鐘, 算叫做溫哂啦, 因為有好多問題都係可以作到O既! 夜晚就都係休息啦, 因為唔可以溫得太耐, 我份人由細到大都係咁, 唔能夠溫得太耐書, 如果唔係就事倍功半架喇, 所以見好就收(事半功倍!)
仲未諗到送咩生日禮物俾我二家姐添!

返回


3/5/2000

今日一早未夠十點就醒左喇, 因為唔想訓咁多! 睇左一陣電視就溫書喇! 溫到兩點就落左去飲茶! 飲完茶行左一陣就返屋企繼續溫書! 夜晚o既考試, 實在 ... ... 唔夠時間答! 慘!~
聽晚約左兩個家姐去玩呀!

返回


4/5/2000

尋晚失眠呀, 好慘呀, 唔知係咪考試後O既反應呢? 成五點先訓得著, 但係未夠十點就醒左訓唔番喇! 都幾慘架, 因為訓得果幾個鐘唔荒會夠精神啦! 今日基本上都冇咩特別, 不過夜晚就約左我兩個契姐去唱K, 原因係我二契姐就黎生日喇! 亦係第一次見二契姐O既新男朋友, 都算唔錯O既!
唱左好多新歌呀!

返回


5/5/2000

今日冇咩特別, 中午落左去飲茶, 因為約左一個我爸爸O既舊同學! 飲完茶行左一陣就返屋企喇, 不過我發現到上次買果D CD-R 有少少問題! 仲有呀, 我又發現左我唔見左隻張學友O既CD呀, "餓狼傳說"果隻呀, 搵哂成間屋都搵唔到喎, 諗落我又好似有一段時間冇見過隻碟, 所以我可能借左俾人! 如果有人發覺屋企有呢隻碟而係借我O既話, 麻煩大家話聲我知丫! 大家要小心D唔好亂開電郵呀, 千其唔好一見" I LOVE YOU "就仆到去開黎睇, 費事得不嘗失啦!
今日唔知點解暈暈地!

返回


6/5/2000

今日下晝出左去旺角睇戲, 睇左套"一見鍾情", 基本上係幾好睇o既, 葛民輝做得好好笑, 起碼好睇過上次睇果套"友情歲月"! 之後行左一陣街就返左屋企, 沖完涼之後就去左我亞爺度食飯!
發生左件事令我再次唔相信呢個科技世界, 諗諗下要養番隻白鴿幫我送信好過!

返回


7/5/2000

今日一早就俾隔離屋D裝修聲嘈醒! 成日都冇出到街, 因為好驚條街咁多人, 好冇安全感咁樣! 夜晚果陣試下個 WRITER , 裝一D我用開O既軟件去隻 CD-ROM 度, 點知唔係太成功, 有待改進!
今日成日都暈暈地咁, 唔通又係病O既先兆?

返回


8/5/2000

今日冇咩特別事做過, 只係去左我人生第一次睇o既"街証", 雖然冇咩特別病痛, 但始終要去睇一睇o既!
我諗冇咩事掛!

返回


9/5/2000

今朝好早醒左, 但係都依然再訓過, 訓到成十二點先起身! 有一件事我幾個星期都唔記得講架, 就係太極o既雷有輝將會同佢o既初戀女朋友結婚, 婚期定左o係今年十月(正是太極十六週年o既紀念日), 我聽到之後我真係好開心架, 因為好感動!
呢排好鍾意自己整 WALLPAPER 呀!

返回


10/5/2000

今朝一早去左睇醫生, 打左支針添呀! 真係痛死人喇, 攪到成日個人都暈暈地!
尋晚整左一張"梁芷珊"O既 WALLPAPER 呀!

返回


11/5/2000

今日訓到成十一點鐘, 訓醒左之後都冇咩特別野做過! 睇左一套叫<富江>o既日本鬼片, 都幾得人驚架喎! 夜晚我舅父黎食飲, 嘩! 佢送左霆鋒o既親筆簽名相同埋小雪o既簽名 POSTER 俾我, 實在太好喇!
原來我聽晚開始要返學喎!

返回


12/5/2000

今日實在太好訓喇! 因為我未到九點醒過一次, 之後"身體上"係冇訓, 但係"思想上"係訓左O既! 大家明唔明白呢? 晚上返左學呀, 基本上係學 VISUAL BASIC , 因為要用佢黎幫我做份 PROJECT , 當然係幾慘啦, 一來我唔識 VISUAL BASIC , 二來我幾驚做唔掂份 PROJECT , 不過好在呢一科唔洗考試!
我又要煩下點做份 PROJECT 喇!

返回


13/5/2000

尋晚失眠好慘呀, 成三點幾先訓得著! 可能因為咁樣, 所以我今朝一早起身就暈左成日未停過! 攪到我連學都冇返, 因為實在太暈喇, 連街都出唔到, 所以唔敢一個人返學, 所以冇返到!
而家仲暈緊呀!

返回


14/5/2000

今日冇咩事喇, 起碼冇暈到先丫! 今日係一個好特別O既日子, 除左係一年一度O既母親節之外, 仲係我二契姐O既生日! 今日冇咩做過呀, 因為特別節日一定好多人出街, 所以我冇出到街! 一陣TVB會播 SAMMI I-CONCERT 呀, 我真係想睇左好耐!
母親節快樂! 二契姐生日快樂!

返回


15/5/2000

今朝未夠五點醒過一次, 之後訓到八點幾再醒一次, 但係咁早起身冇咩做所以夾硬再訓過, 訓到十二點正起身食野! 食完飯落左街行左一陣, 不過好累呀, 所以返到黎又訓多一陣先食晚飯!
今日好熱, 所以好想訓覺!

返回


16/5/2000

今日一早食完飯就出左去, 因為約左個夜校同學, 佢話俾隻碟我裝 VISUAL BASIC , 之後就同左我屋企人行左一陣街! 但係夜晚返到去裝果陣時, 我發覺雖然安到 VB , 但係就用唔到裡面個 HELP , 有冇人話到我知點解呢?
想講左好耐: 萬綺雯O係<彊屍 1/2>裡面果句"臨兵鬥者皆陣列在前, 珠邪", 講得好鬼型架O者!

返回


17/5/2000

尋晚有開冷氣訓, 不過訓到今朝五點就起身熄左喇! 今日成日都係做番D WORKSHOP , 都學到少少野啦, 但係仲有排學, 因為要做到個 PROJECT 真係要俾D時間去學下!
上星期寄左封信俾我二契姐, 唔知有冇寄失添呀!

返回


18/5/2000

今朝九點幾起左身, 因為要入屯門我亞姨屋企, 未夠十二點就到左喇, 仲接到我細表妹放學添! 之後去左飲茶, 再行左一陣街就返左去我亞姨屋企! 夜晚九點幾就走左喇, 因為都夜丫嘛!
聽晚開始要返學喇!

返回


19/5/2000

今日已經訓得好夠, 但係都唔知點解成日好想訓多陣咁! 今日都冇咩特別野做過, 夜晚要返學, 當然見到佢啦, 不過都係咁冇咩特別! 問同學借左隻碟安裝番 VISUAL BASIC O既 HELP , 不過另外一隻就安唔到, 連想 COPY 隻俾自己留低都 COPY 唔到, 唔知係咪我同學隻碟有少少事呢?
聽晚都仲係要返學O既!

返回


20/5/2000

今日竟然訓到十二點喎, 因為一早俾左兩個電話嘈醒過, 所以咪訓到咁晏囉! 今日返學呀都要, 不過都冇咩特別, 發覺左自己o係講英文o既時間唔夠信心, 我一定會向呢方面改善o既! 放學坐巴士返黎果陣, 我諗到幾多野想o係今日日記寫o既! 前幾日我有機會一次過睇番以前中學同埋 TI 時同學們寫O既紀念冊, 其實有少少感慨, 因為睇番成幾十位好友寫俾我O既心聲, 但係今時今日各散東西, 有聯絡O既真係兩隻手數得哂, 唔通真係"不在乎天長地久?" ; 另外, 大家係咪好相信你地睇O既醫生呢? 其實有冇諗過佢地係咪真係全心全意醫好你呀? 我同我身邊O既人就試過一D令人好震驚O既事例; 有一次我去睇醫生, 睇極都唔好, 但係就勁俾藥我食, 最後竟然睇左成四次到發覺我咳到肺炎要入院, 自此之後我再冇睇呢個醫生喇! 我朋友有一次普通傷風咳, 醫生開O既藥照食, 但係之後竟發現呢個醫生開O既係振靜劑(精神科藥物), 你都咪話唔驚, 最驚O既係唔知個醫生點解要開俾佢食! 我試過去睇醫生, 個醫生竟然對我生活有興趣多過我個病, 之後佢仲要同我講: "呢D病唔洗食藥架喇, 冇藥食架, 你走得架喇!", 嘩! 呢D咩醫德呀? 所以我提議大家下次睇醫生問清楚你食O既係咩藥, 最好拎番張藥單!
雖然聽日仲要返全日學, 但係會見到佢喎!

返回


21/5/2000

今朝一早起身, 因為要一早返學, 本來要返成日架, 不過斯斯又只係返左一堂咋! 原因係下晝果堂只係講D我知道以及幾無聊O既內容, 所以我五點鐘落左堂就坐巴士返屋企喇! 今日O既佢 ... ... 我見唔到, 因為佢冇返到, 可能係因為佢就黎考試掛! 返到屋企, 其實真係休息狀態, 我相信後日到會開始鬥份 PROPOSAL 出黎, 因為五月尾要交功課喇!
本月廿三號為本網頁兩歲生日, 敬希到時大家黎呢度坐下, 留個言丫!

返回


22/5/2000

今朝訓到十一點幾呀, 因為前幾日都有返學, 你知啦, 返學好用神架嘛! 今日有好消息呀, 就係我完全改過哂呢個網頁喇! 雖然聽日先係"佢"生日, 不過個樣唔同哂, 希望大家鍾意同埋繼續支持我啦, 因為我今日整左好鬼耐架喇! 但係o係不遠o既將來我會加下肉容o既! 留個言俾D意見我丫! 不過O係"私下載"加左兩張自製O既 WALLPAPER ! 同埋加左一頁叫做<私夢記>, 當你地見到日期隔離有就代表有<夢日記>睇喇!
今日真係整左好耐, 但係都有做左少少功課!

返回


23/5/2000

今日都做左功課, 少少咋都未做得哂, 因為諗住做少少先, 聽晚返學再睇下有咩要加加減減先再做埋佢! 我o既網頁換左新"裝修"大家覺得點呢? 我就幾滿意喇, 因為以前D內容都係用哂人地D圖, 而"新居"就係用左好多自己O既設計圖片, 其實好多地方都有待改進O既, 不斷會改進架喇! 大家留意下, 支持下我啦!
上星期四有朋友話寄左野俾我, 但係今日仲未收到, 係咪俾人拎左呢?

返回


24/5/2000

今日訓到一點幾, 因為尋晚好夜訓, 所以訓到咁晏囉! 其實都冇咩特別野發生過, 夜晚亦係要返學! 佢依然係冇返學喎, 真係唔知點解咁耐冇返學! 原來先果堂要交份野俾個外國亞 SIR , 但係我冇交到呀, 諗住連埋下星期交果份 PROPOSAL 一齊交, 其實D內容係一樣O既!
今日終於收到果個朋友寄俾我O既野喇!

返回


25/5/2000

今朝未夠十點就自動醒左喇, 仲要自動自覺咁去做功課添, 你話幾咁神奇呢? 做到一點鐘到就去左將軍澳同我大舅父舅母飲下午茶, 好平好多野食! 行左一陣就返屋企喇! 我舅父(唔係飲茶果個)夜晚黎左我屋企食晚飯, 傾左一陣佢就走左喇! 剛剛我又做完份功課喇, 都只係好少野咋, 六月尾交果份先係大野, 又要寫個 VISUAL BASIC O既 SYSTEM 再加埋 USER-MENU 以及 TECHENICAL MENU 添, 到時一定死都唔掂!
聽晚又要返學喇, 唔知佢會唔會又唔返學呢?!

返回


26/5/2000

今朝九點幾就熱醒左喇, 呢幾日實在太太太熱喇! 之後去左一個特別O既地方, 至於係邊度就唔講俾你地知! 夜晚都要返學, 佢依然係冇返到, 原來佢去左日本旅行! 唔知我幾時先有錢有時間去 SHOPPING 呢?
交左份功課, 亞 SIR 話如果有問題先 EMAIL 我, 希望絕對收唔到佢 EMAIL 啦!

返回


呢幾日都 CHECK 唔到 CTI 個 EMAIL 喎, 點解呢?!

27/5/2000

今朝真係好早醒左, 食左野之後就過左去銅鑼灣行街! 行左一陣就返屋企喇! 我表妹地黎左我屋企玩添!

返回


實在太累喇!

28/5/2000

今朝一早俾我表妹整醒左, 實在係九點幾咋果陣! 之後去左飲茶, 再之後就返左屋企喇, 因為天氣實在太熱喇! 一直陪我表妹玩, 玩到食晚飯先可以停一停咋!

返回


聽晚去睇首映呀!

29/5/2000

今日訓到十二點, 唔知點解咁眼訓架喎! 之後出左去旺角行街街, 行到太約五點幾返屋企喇! 夜晚我竟然為左搵一張相, 而攪到我間房亂哂, 攪到我執房執左成幾個鐘!

返回


成三十幾度, 真係會中暑!

30/5/2000

今日訓到十點幾就醒左喇, 唔知係咪因為太嘈關係! 下晝都係o係屋企咋, 冇咩特別野做過, 不過到左五點幾就好鬼死眼訓, 就訓左兩個鐘頭喇! 夜晚去左尖沙咀睇<偷吻>O既首映, 整體上係幾吸引O既, 但係始終唔明點解要咁多親熱場面, 真係成大半套都係架喎, 我差D以為自己睇緊套三級片添呀, 不過一個明星都見唔到, 仲拎左張馮德倫O既相去諗住俾佢簽名添! 因為佢確實係幾有型O既!

返回


呢幾日要趕功課呀, 下星期要交過份完全版功課!

31/5/2000

今日訓到十一點幾呀, 原因係因為尋晚發生左一件突發事, 令到我擔心到凌晨三點幾, 不過之後我不敵睡魔就訓著左喇! 好彩今朝件事都解決左喇, 不過希望一直順利落去啦! 夜晚係要返學O既, 佢依然係冇返到, 不過奇蹟出現呀! 放學果陣我竟然一個轉身見到佢喎, 原來佢返黎交功課, 真係有少少開心架; 我同亞 SIR 傾左幾句, 因為要講番我份功課O既問題, 走果陣佢仲未走, 但係我等車果陣見到佢落樓, 唔知以後會點呢?

返回


inserted by FC2 system