背景音樂 : BEAUTIFUL LIFE


歡迎睇我任何一日私日記!
1/11/2000
2/11/2000
3/11/2000
4/11/2000
5/11/2000
6/11/2000
7/11/2000
8/11/2000
9/11/2000
10/11/2000
11/11/2000
12/11/2000
13/11/2000
14/11/2000
15/11/2000
16/11/2000
17/11/2000
18/11/2000
19/11/2000
20/11/2000
21/11/2000
22/11/2000
23/11/2000
24/11/2000
25/11/2000
26/11/2000
27/11/2000
28/11/2000
29/11/2000
30/11/2000


1/11/2000

今朝十一點到先醒左呀, 因為呢D天氣太好訓喇, 醒左之後都係溫書咋, 因為今晚要考試喇! 其實信心唔多大架, 不停咁寫左三個鐘O既字, 實際都唔係好知答得 ARM 唔 ARM, 不過過左去就算啦! 我考完之後個樣更病, 可能因為用盡哂所有O既力去考試, 所以我都感覺到我個樣好唔掂, 所以唔多敢直接望某D人! 我相信我今晚一定要大覺訓, 成十一點先返到屋企, 入門口之前仲聽到電話響添, 不過唔知係邊個搵我呀, 我噤左電話錄音架, 不過通常係冇人留言O既!
我發現左電話公司飛線果首音樂唔同左, 新呢首幾好聽喎!

返回


2/11/2000

今朝想訓晏D又一早醒左喎, 仲要係好精神果隻, 真奇妙! 本來今日想去玩架, 不過亦係冇人約, 又唔知一個人有咩做, 只係落街買下野咋, 又冇好戲睇喎, 如果唔係去睇戲係唔錯O既! 今日買左本"快週刊"呀, 其實係因為有亞敬O既訪問, 睇完之後好溫暖, 因為好明白佢O既心情, 而且都有少少我O既理想, 不過我就失敗啦, 始終仲未開始行第一步! 希望快D可以有一個可以駁電腦O既電子琴啦!
理想同現實可能真係唔可以共存!

返回


3/11/2000

今日都冇出到街, 因為想好好O係屋企睇小說, 因為我問左大家姐借左本張小嫻O既<麵包樹出走了>, 其實決定借呢本書睇之前, 的確有好大O既爭扎, 因為<麵包樹出走了>正係六年前小嫻作品<麵包樹上的女人>O既續集, <麵包樹上的女人>確實係太好喇, 我記得我用左唔夠三日就睇哂成本, 而一邊睇仲一邊好有共鳴, 亦曾經為左故事O既情節而喊左好幾次, 果個結局係令人溫暖O既, 但好多時續集總不及以前, 而我亦知道續集結局係一個唔開心O既結局, 問過自己好多次, 究竟睇唔睇續集好, 但最後也決定睇, 所以今日成日都係睇呢本書, 目前為止我覺得唔錯, 張小嫻的確寫出好多人O既成長故事, 或者呢點就係佢多讀者O既原因吧! 差D唔記得左今日係我好朋友KAZU(哥哥)O既生日添, 生日快樂呀!
理想同現實可能真係唔可以共存, 但我決定要試試!

返回


4/11/2000

今日去左荃灣睇 SHOW, 唔洗多講, 都係為左亞敬而去, 都同佢傾左幾句架! 之後去左亞姨度食飯, 真好! 而家聽緊小馬借俾我O既一盒亞敬訪問, 聽完之後個心好唔舒服, 但係點解就唔好講喇!
聽日都有 SHOW 呀!

返回


5/11/2000

今日唔知點解一早醒左, 尋晚成四點幾先訓, 因為樓下公園成晚都有幾個人O係度好大聲咁互相"問候"! 下晝就去左小西灣運動場, 當然我唔係咁好動去做運動啦, 只係一個嘉年華會, 亞敬做嘉賓, 基本上今日都好開心架, 除左係熱左D之外, 其他都好順利, 仲同左亞敬影左一張正相添, 仲同小馬、CINDY、我同埋亞敬一齊影左張相, 好攪笑架, 亞敬O係我地完全冇心理準備之下自己數一二三再做勝利手勢, 但果一刻我地三個都唔知, 所以之後都影左張四個一齊勝利O既相, 尋日同今日亞敬都著左我送俾佢O既一條手帶, 太好喇, 因為果條手帶其實係平到你唔信, 不過佢都冇話唔用! 不過仲未拎番上幾次放低俾佢簽O既相呀, 希望佢唔好唔見左啦! 頭先終於睇完<麵包樹出走了>, 結局麻麻地,, 其中有幾句我好認同

要是有一天,你離場遠去
髮絲一揚,便足以拋卻昨日,明日
只臉龐在雨中的水澤依依;我猶在等待的
告訴我,到天地終場的時候
於一片新成的水澤,你也在等待
而那將是另外一次雨天,雨不沾衣
甚至所有的絃絃雨雨,均己忘卻
原來綠茶真係道地好飲D架, 今日飲左支維他, 唔同味!

返回


6/11/2000

今朝十一點醒左喇, 不過因為天氣太熱喇, 所以唔想出街, O係屋企聽番好耐之前錄低左O既收音機節目, 下晝四點幾又唔知點解好累, 所以就不知不覺間訓到七點先起身喇!
今個星期五晚(明珠 830), 記住睇<人腦漫遊>呀!

返回


7/11/2000

今朝好早醒左喎, 未夠八點就醒左喇, 所以就去左屯門, 飲左茶啦, 行左街啦, 仲出左個新手提號碼添, 用得先俾各方好友啦! 同時間我又收到上月手電賬單喎, 嚇死人呀, 我竟然講爆左喎, 本來交 49 蚊, 家下要交 82 蚊呀, 冇理由架, 我都好少用架, 攪咩可以爆咁多分鐘架?! 有史以黎真係第一次講爆左咁多! 下面呢張相係星期日o係小西灣運動場影架, 其實亞敬隻手係掂住我條腰o既, 呵呵!

今日不停咁落雨, 好唔鍾意呀!

返回


8/11/2000

今日落過下街架, 都係拎D相去番曬咋, 今日天氣非常之好, 起碼成日都冇落過雨! 不過今日就發生左一件事, 令到我極之失望, 我有兩個亞姨O既, 其中一個就係住屯門, 另一個就住小西灣, 一直以黎都係同屯門果個亞姨好熟, 而小西灣果個都冇咩點見面只係間唔中通下電話咁! 今日我聽到小西灣果個亞姨講左一句根本人係講唔到出口O既說話, 而且佢仲要完全唔覺得有問題咁去講, 而又明知佢咁講一定會有人受到傷害! 所以由今日開始, 我只係得一個亞姨, 就係住屯門果個! 斯斯一直都好憎一D睇低人O既人, 同埋一D自以為是, 完全冇理人感受O既人, 好不幸今日之前我有一個親戚係咁, 不過今日之後, 我唔再為呢D不理別人感受O既人而煩惱! O係呢度多謝呢個小西灣O既亞姨一直以黎對我O既傷害!
亦多謝神俾我O既考驗, 我話過我唔會俾人睇死O既!

返回


9/11/2000

今日較左鬧鐘九點架本來, 唔知點解訓到九點半先醒喎! 之後就入左屯門喇, 因為今日我契媽放假, 所以一齊去我亞姨度食下飯傾下計咁! 好開心呀, 因為見番好耐冇見O既契媽! 夜晚成十一點先返到屋企呀!
今日又收到CTI郵寄賬單, 又要收印單錢, 我上個月就講左話用電郵收架喇喎, 有冇攪錯!

返回


10/11/2000

今日竟然訓到兩點幾, 可能天氣好正, 好涼! 夜晚要返學呀, 仲要連續返幾日添, 不過唔係咁好囉, 因為成晚有成九十幾人, 點上堂喎, 第二班果D人又嘈, 勁傾計咁, 好影響我地呢D乖學生架嘛!
聽日亞敬有 FUNCTION 呀, 好彩冇撞我返學時間O者!

返回


11/11/2000

今朝十點未夠就醒左喇, 睇左一陣電視就洗頭, 因為洗完頭先出街係好正O既! 第一站就去左青衣站, 因為約左個朋友俾部 PRINTER 佢呀, 之後就去左荃灣食野喇, 再行左一陣咁啦, 個 FUNCTION 就三點開始, 亞敬三點半到就黎到喇! 好開心呀, 因為果個好好人O既助手 FELIX 又幫番亞敬手喇, 因為前排佢有D事, 佢真係好好人喎, 完左之後都同到亞敬影相同埋傾下計咁, 不過有一件事令我好嬲, 仲O係亞敬面前發左少少脾氣添, 但係呢件事係真係令我同小馬都為之氣結! 夜晚就返學啦, 都冇咩特別!
今日部相機影相果個制O既果塊膠呢, 竟然唔知去左邊喎, 搵極都搵唔到!

返回


12/11/2000

今日返學都冇咩特別, 不過夜晚就發生左兩件好開心O既事, 其中一件就係我買到<遇上 1941 的女孩>O既VCD喇, 係我二家姐打電話話我知架! 確實係好開心, 等左大大話話都差唔多十個月先等到佢出, 我推介俾大家睇! 第二件事就係我見到亞敬呀, 當然開心啦! 仲咁大個女第一次玩即影即有相機添, 我都幾唔 UPDATE 喎!
開心事, 唔講得, 大家問我啦, 不過都未必講俾大家知架! 呵呵!

返回


13/11/2000

今日都冇咩特別呀, 夜晚要返學, 不過返學之前我睇左<遇上 1941 的女孩>, 雖然唔係第一次睇, 但係依然令我感動!
而家D天氣真係正!

返回


14/11/2000

今朝一早起身都係冇咩做架, 最慘o既係我好唔小心咁整斷左小馬送俾我條頸鍊呀, 雖然都整得番, 但係好驚會斷過呀! 真係要同小馬妹妹講聲唔好意思! 夜晚就約左三個朋友去旺角食飯, 食左一餐日本野呀, 都幾貴架, 不過都食得好開心, 收到生日禮物呀, 係一個好靚o既袋, 要同 FREDA 、 LISA 同埋嘉倫仔仔講聲多謝!
今日又熱左好多喇!

返回


15/11/2000

今日都係好熱呀, 唔知點解又熱番! 夜晚要返學呀, 不過坐開果個位俾人坐左, 所以坐左幾後O既一個位! 不過都早走左少少, 因為佢完全係唔知講緊咩, 照住D POWER POINT 勁飛黎講, 不過早走左都係同兩個同學去食野咋!
就黎又要做功課喇!

返回


16/11/2000

今日一早醒左, 但係都冇出到街, 因為天氣熱呀, 攪到成日都好眼訓, 所以四點幾就訓到成七點幾先起身食野, 你話唔肥都幾難啦!
尋晚我竟然 SEND FAX 去點唱喎, 好耐都冇做過喇!

返回


17/11/2000

今日都訓到兩點先起身, 睇黎我D渴睡症又發作喇! 落左街買左少少野, 因為布個朋友就黎生日, 點都要去買張咭寫幾粒字俾佢O既, 夜晚就要返學, 基本上真係唔係好知亞 SIR 講D咩, 佢自得其樂咁架喎! 好可惜就黎生日果個朋友今日冇返到學, 攪到唔可以O係佢生日之前送張咭俾佢, 唯有等下星期三過左佢生日先俾到佢啦!
又去左食麥當當套餐!

返回


18/11/2000

實情我今朝五點幾先訓得著, 仲要六點幾俾D晨運客嘈醒左喎! 之後訓到十二點幾, 再出左去行街街啦, 都睇唔到平靚正O既衫, 但係之後都去左唱K, 冇計啦, 都冇其他野做, 唯有係咁啦! 不過要同亞 CINDY 講聲唔好意思, 因為我以為佢好忙, 所以冇約佢去唱K, 下次一定約你架!
D天氣究竟係熱定凍架?!

返回


19/11/2000

今日屋企個電話好旺呀, 有好幾個朋友打黎同我傾計喎, 真係開心喇! 天氣都唔錯架喎, 有少少涼咁, 凍好過熱丫嘛! 成日就係O係屋企執屋, 因為我間房實在係亂左少少!
夜晚睇台慶, 麻麻地O者!

返回


20/11/2000

今日O既天氣實在太正喇, 但係過兩日又話會熱番喎! 一朝落左去買野, 通常都係屋企咩都冇先一次過去買, 仲要買唔到平日用開果隻錄影帶添, 因為加左廿蚊價喎, 所以唯有買第二隻用住先啦! 仲買左野煲湯添, 天氣轉成咁, 點都要煲D湯飲飲O既! 搵番前幾日斷左果條頸鍊O既扣, 不過又整斷左第二度, 而家好冇辦法咁駁番條頸鍊, 係就係肉酸左少少, 不過睇唔到O既!
今日織左條頸巾俾自己呀!

返回


21/11/2000

今日都係冇出到街, 本來想約個朋友食晏O既, 不過又唔多想出街喎, 都係因為太懶喇! 我今日睇<今日睇真D>果陣, 發現到有一個記者係上個月仲做緊<全線大搜查>架喎, 都幾好笑! 今日係一個夜校同學O既生日, 同佢講聲生日快樂啦, 亦希望佢唔好再咁飄忽!
<妙手仁心2>好似冇以前<妙手仁心>咁好睇咁O既!

返回


22/11/2000

今日都好早起身呀, 可能天氣凍左少少啦! 今日勁執屋呀, 因為襯天氣凍左先洗地會冇咁辛苦嘛! 夜晚返學真係嚇親我, 竟然我D朋友全部都冇返, 而某人O既朋友亦全部冇返, 我地果組人得我同佢兩個返左, 不過都冇一齊坐呀, 冇得解! 冇去食野呀, 因為好專心咁上堂, 仲抄左幾張 NOTES 添, 的確幾難得!
我今日梳頭果陣梳親條新織O既頸巾添! 真心痛!

返回


23/11/2000

今日天氣凍左少少呀, 不過都唔錯O既, 因為我鍾意凍多過熱! 尋晚發左一個好長O既夢, 不過好可惜, 係完全唔記得左講咩O既, 只係記得都幾開心O既, 但係冇記性丫, 所以冇得寫"私夢記"!
今日開始學 FLASH 4, 希望快D學識啦!

返回


24/11/2000

今朝十點未夠醒左一醒, 之後訓番喎, 好好彩, 個夢駁得番, 大家今日有"私夢記"睇喇! 基本上都冇咩特別野做過, 本來想開始做功課O既, 但係又未知點做喎, 亦因為某D原因要打去"橙色超人"果間公司O既服務熱線問野, 令我好佩服呢間公司O既 POLICY 同埋服務態度, 竟然可以等左足足三十分鐘先有人聽我個電話, 而過去幾個星期我所落O既指示亦係完全冇做到, 換句話講就係當D客係死O既, 睬佢都傻咁樣, 好嬲呀我, 因為咁樣O既態度同埋公司宗旨, 令到我失時間同埋金錢, 我真係對呢間公司好不滿, 最邪O既就係我話成日都有D EMAIL 收唔到, 佢竟然話唔洗俾月費果隻係咁架喎, 仲話如果要收齊哂所有 EMAIL 就一定要用要俾月費果隻, 真係令我失望, 係時間諗諗可以轉去邊間 ISP 喇! 你話係咪攪笑呢? 果個人真係同我講話收唔齊 EMAIL 係正常架喎, 激死! 所以一直聽下歌咁就到左返學時間喇! 返學都係照住D POWERPOINT 讀, 而今日亦都可以早走左O既, 行去地鐵站果陣同三個同學一齊行(咁當然有某人份啦)! 另外我收到日本筆友O既消息話木村拓栽真係結左婚喎, 而 Kudou Shizuka 真係有左BB喎, 真係令我好驚訝呀!
唔得, 我要努力D開始做功課先!

返回


25/11/2000

今朝好早醒左喇, 因為約左嘉倫仔仔拎野俾我(我問佢借左部即影即有相機呀!), 之後又返左屋企, 再約左小馬妹妹食晏, 再之後又有機會見到亞敬喎, 真係好開心, 不過唔知O係邊度走左好多好瘋狂O既妹妹仔去同亞敬影相, 攪到我地三個只能同亞敬影到兩張相O者, 雖然亞敬都有問我地仲影唔影, 不過見佢好趕時間, 所以冇影到囉, 因為大把機會! 之後去食左餐飯啦, 都冇咩特別喇!
其實我想朝朝早去跑步, 不過好似一個人好危險咁!

返回


26/11/2000

今朝九點就醒左喇, 天氣涼涼地唔係咁想訓咁多! 兩點鐘約左兩個朋友去左黃埔喎, 因為今日亞 WAYNE O係果度有野做, 我亦都負起左一個責任要去請佢幫忙攪少少野, 好彩成年冇見佢都仲認得我, 仲話我冇咩點變添! 當亞 WAYNE 知道我地三個都鍾意亞敬, 佢講左一句:"嘩! 有 TASTE 喎!", 幾攪笑! 完 SHOW 之後我同佢都傾左大約十分鐘, 咩都傾下咁啦, 或者過幾日都會見到佢添! 之後去左荷里活廣場呀, 因為亞妹佢有生意O係果度, 咪去睇下囉!
要好多謝亞妹今日為我地整O既電話繩, 佢唔收錢真令我過意唔去!

返回


27/11/2000

尋晚總算三點幾訓得著, 今朝十一點先醒, 真係呢個星期最好訓O既一日! 基本上今日係做功課, 因為總要做O既, 就算唔識做都要做架啦, 係分數O既問題黎架O者! 今日亞敬上左<森美小儀 DOTDOTDOT>呀, 雖然幾分鐘, 不過真係幾能夠令我覺得開心架!
夜晚睇<妙手2>竟然睇到我喊, 雖然唔多記得第一輯O既內容!

返回


28/11/2000

尋晚訓得好正, 不過今朝八點鐘就起左身喇, 因為要入屯門! 我九點三出門口, 竟然十一點半先去到喎, 平時都係個令鐘入到去架嘛, 今日等車都等左成大半個鐘頭! 十點令返到屋企啦!
我決定唔再用個CTI喇, 因為的確又有一件令我驚訝O既事發生!

返回


29/11/2000

今日訓到十一點呀, 因為開始冇失眠得咁勁喇! 今日三點幾我個朋友 CONNIE 打俾我約我去行下街, 所以四點幾就到左旺角喇, 本來諗住轉埋 ISP 架, 不過都搵唔到好O既, 有一間有學生 PLAN, 不過我仲未決定呀, 如果係學生 PLAN O既就要我表妹幫幫我喇, 我有兩個朋友都話用緊 HKNET 係唔洗月費O既, 但係我今日去問, 果個人話從來都冇呢個 PLAN 喎! 夜晚返左學, 不過亞 SIR 因為塞車遲到, 當然亦唔係太知佢講過咩呢, 不過都幾嬲架, 要分組做功課, 十二月要交喇, 不過到目前為止係咩都未傾過O既, 我都明白要做自己份功課先, 但係都要傾架, 返多四堂就完喇呢一科, 連題目都未傾, 所以好唔開心囉!
今日有少少情緒不穩!

返回


30/11/2000

今日總算做完左自己果份功課喇, 雖然都冇咩信心可以拎到高分, 只係希望唔好做錯, 一定要合格就OK喇! 天氣唔錯, 不過如果可以凍多少少就更好! 前幾日本來我橙色果個愛情符個繩結無端端甩左, 我綁左好多日都綁唔番, 但係今日終於叫做綁得番, 不過好奇怪, 一樣綁果隻繩結, 一模一樣, 但係我綁好左之後唔知點解剩番果段繩短過之前咁多O既, 我真係解釋唔到添!
但係我部手提電話俾我抽鎖匙整花左, 好唔開心!

返回


inserted by FC2 system