背景音樂 : 哭泣遊戲
1/1/2001 |
首先祝大家新年快樂事事如意先! 一踏入 2001 年就好開心喇, 話說我同兩個朋友就去左時代廣場倒數同埋睇 SHOW,
足足企左成四個幾鐘頭呀, 不過真係好開心, 因為咁多人竟然都撞到做完 SHOW O既亞敬喎, 其實一直都諗住見唔到佢架,
不過真係好有緣, 因為我地行行下突然轉頭, 就咁 ARM 撞正佢走, 仲傾左勁多計添呀, 好開心呀, 其實之前佢O係台上面唱歌見到我地,
我地都好開心架喇, 因為好驚佢唔知我地黎左嘛, 不過真係勁開心呀! 亞敬真係好照顧我地架, 因為你真係會感受到佢O既真,
而且佢唔會話講完就算, 而且佢助手又好人喎! 唔好講咁多喇, 因為驚越寫越開心呀! 正! 安仔拎左商台O既男歌手金獎,
千嬅拎女歌手金獎, 我真係好開心架, 因為 KELLY 拎唔到金獎就太好喇, SAMMI 拎左<我最喜愛女歌手>獎, 實至名歸呀!
有少少感動添, 因為我聽左成晚都諗住 sammi 冇獎拎, 不過真係好開心! |
2/1/2001 |
今日開始好努力咁自學 FLASH 喇, 雖然只係識好少野, 不過俾D時間我, 相信好快我就會學有所成! 今日亦都將一D今年O既目標寫低左,
到年尾時睇番有冇實現到先, 希望全部都做得到啦! 一年O既開始, 當然係好多野要做啦, 最重要係換左個年曆,
不過我呢個就係自制O既, 雖然唔多靚, 不過最重要係實用! 我好想貼 SAMMI O既 POSTER 出黎架, 不過唔捨得貼,
因為全部我都係得一張, 本來有一款有三張架, 不過其他兩張送左俾人, 所以我全部唔捨得貼呀, 所以唯有諗下有咩可以貼出黎啦! |
3/1/2001 |
基本今日係冇咩特別O既, 落過街啦, 因為要還番部 JOYCAM 俾嘉倫仔仔, 之後我就一個人去左行左一陣,
因為難得落街嘛, 呢排我都最少落街行, 因為唔想用咁多錢嘛! 尋晚好邪喎, 個 ICQ 駁極都駁唔到, 攪到我好無奈,
只係上去睇下網頁, 回下 EMAIL 咁, 不過真係唔知點解成個幾鐘都駁唔到個 ICQ, 唔知係我黑仔定係 ICQ 本身有事呢? |
4/1/2001 |
今朝七點就醒左喇, 因為約左我亞姨去整D野, 整完之後就去左我亞姨屋企, 行下街, 食下飯咁啦! 其實都冇咩特別架咋,
夜晚十點到返到屋企啦, 都真係冇咩特別喎, 不過有少少唔開心啦, 因為我去到屯門都配唔到我織緊果條頸巾o既冷呀,
家下都唔知點算好! |
5/1/2001 |
今朝訓到十一點到啦, 不過都係冇咩特別囉, 開過電腦學用一個軟件, 可以將 MP3 轉成 CD FORMAT,
咁方便好多架, 因為自己都鍾意用D軟件作下歌, 咁可以錄成 CD FORMAT, 可以發行俾大家喎! 正! 廿一世紀新星就係我喇,
大家俾D時間我, 相信我再學多一陣樂理同埋作曲, 就會試試作曲加填詞架喇, 話唔定我會成功架! 夜晚就約左幾個朋友去睇 SHOW,
見到亞敬喎又, 不過就見唔到佢走, 所以我地就去左行一陣再飲野喇! 十二點未夠返到屋企啦! |
6/1/2001 |
今朝起身都冇咩特別野做過, 都錄左一隻 CD 啦, 但係好奇怪, 得一部 DISCMAN 播到O者, 而播到果部 DISCMAN 仲要係唔見左個火牛架添,
我搵哂全屋都唔見果個火牛, 反而搵到個好耐之前想搵O既火牛, 但係唔合用架, 唯有用住電芯先啦, 不過好浪費電芯喎!
O係屋企聽冇理由成日都用電芯架! 要再諗諗有邊度未搵先得! 我今日睇哂成本<三個 A CUP 的女人>呀, 我覺得個故事幾好O既,
不過有好多情節同埋人物係多餘O既, 有少少唔似結局囉, 係咪有下集架? 我都唔知呀, 但係幾年前張小嫻O既故事竟然令我有少少失望!
夜晚就去左我婆婆屋企食飯, 當然好多野食啦, 所以都覺得肥左少少添! |
7/1/2001 |
今朝十點幾電話響就醒左一醒喇, 之後都訓到十一點幾, 今日有出街呀, 不過就冇咩買野, 分別行左西九龍中心同埋旺角,
人真係勁多喎, 唔知係咪星期日O既關係呢? 夜晚睇<仁濟>, 有 SAMMI 呀, 我都唔係好記得我點解鍾意 SAMMI 架喇,
亦都唔記得幾時開始喎, 所以係一個謎! |
8/1/2001 |
今朝又係一早俾個電話嘈醒左, 基本上我好唔明白點解總係你唔想聽果D人O既電話總係成日咁鬼早打黎,
仲要用勁假O既態度去懶係關心你咁架喎, 實情你同果個人又唔熟架喎, 真係令人費解! 今日都係學左一個軟件啦,
係一個編曲軟件黎o既, 不過都唔係太識架咋, 都係要時間! |
9/1/2001 |
今日斯斯O既情緒指數真係起伏呀, 因為有個夜校同學介紹左我去佢公司做電話訪問員 (PART TIME),
好開心呀, 約左下晝傾, 亦都拎左兩張電話 LIST 同埋一D問卷返屋企諗住夜晚開始打啦, 一直都覺得都唔難做O既,
但係我今日就知原來係好難做架, 問唔識O既人野唔難呀, 最難係要D人合作地聽你問咁多野! 果然呢份工收穫同埋付出係成反比O既,
我大約打左六十個電話, 但係竟然只成功訪問左三個人, 呢個結果相信係有史以黎最差O既一個! |
10/1/2001 |
今朝未夠九點就起左身喇, 因為要打番電話交待番D問卷, 我十點幾就拎番D野俾果個人, 因為實在覺得唔係太好意思,
所以同時亦介紹左我亞妹去做呢個 PART TIME ! 我返到屋企之後無幾耐就收到亞妹電話, 佢話驚自己一個人去,
所以佢幾經辛苦先叫到我陪佢去, 冇法啦, 亞妹未見過工, 當然會有少少驚! 所以約左出黎食完下午茶就去喇
(BY THE WAY, 多謝亞妹餐下午茶先)! 不過亦唔多順利, 因為果個人之前冇講過話要亞妹今晚O係公司做訪問,
只係同亞妹講話要佢上黎半個鐘頭, 因為亞妹夜晚約左人喎, 咁事前冇講清楚, 咁咪變左唔得囉! 果個人叫佢搵晚再去過,
總之就攪到幾唔順利啦, 不過可能係天意掛! 不過我唔會再理架喇, 因為我唔想果個人以為我整鬼佢! 不過都要同果個人同埋我同學亞 RAYMOND 哥講聲唔好意思,
我都唔想攪到咁架! |
11/1/2001 |
尋晚同個朋友傾電話傾到今朝四點幾, 所以亦都令我訓到下晝三點幾四點! 今日亦都係咁易學左少少 FLASH 啦!
其他冇咩特別事發生過! 夜晚有個朋友打俾我, 話聽晚約哂成班舊同學食飯喎, 我諗我會去O既! |
12/1/2001 |
今朝一早出左去同朋友食晏, 之後就去左行街, 買左少少二手CD啦, 好鬼平呀, 兩蚊有一隻, 真係勁平!
之後夜晚就約左一理 YWCA O既舊同學去食飯再飲野, 雖然傾左唔係太多野, 不過真係好開心, 亦多諀謝亞 GARY 送我返屋企! |
13/1/2001 |
今朝訓到五點幾俾樓下果D婆婆晨運嘈醒左喎, 攪到成六點幾先再訓番, 十一點幾就起左身, 再去左我舅父屋企!
飲左下午茶啦, 都冇咩特別架咋! |
14/1/2001 |
星期日應該係用黎充電O既一日, 不過我就用左黎為屋企O既食物充電(即係去入貨!), 買左好多野食呀,
不過都仲可以買漏野O既, 最唔開心係冇蕃茄仔賣, 攪到我冇得食添! 天氣開 始凍左好多喇, 話會得十三度咋喎!
不過我都唔多怕凍O既, 好彩! 夜晚睇<勁歌頒獎禮>, 不過真係幾悶, KELLY 點解會拎女歌手架? 無 LALA 許志安拎得一首金曲?
SAMMI 都係得一首金曲! 但係硬係唔明 KELLY 點解有咁多獎拎? 不過陳慧珊拎女新人金獎的確係幾 ARM O既,
如果唔係佢拎, 唔通小雪得咩! 大家如果有睇果 PART 的話, 相信都睇到小雪拎女新人銀獎時講果番說話, 佢仲係勁不滿咁,
面黑黑咁講架! 而男新人又一如我所料冇銀獎, 兩個金獎 ... ... 成日都係咁, 咁有咩意思呢? 往年好似冇分開男/女新人咁架添呀,
我本來都唔想睇架, 不過諗住安仔會拎男歌手獎先睇架咋! 點知爆冷! |
15/1/2001 |
呢幾晚都好好訓, 正常黎講係有發夢, 不過硬係唔係好記得發過咩夢, 真係可惜! 尋晚上唔到網呀, 我估計係 CTI 個 SERVER DOWN 左,
今日凍左好多呀, 所以我成日都有用頸巾, 冇出到街, 只係O係屋企學下 FLASH 啦, 仲有用下果個作曲軟件啦,
但係發生左一個問題, 希望快D解決到啦! 今日睇左<男親女愛舞台劇> VCD , 嘩, 推介呀, 因為真係好好笑,
雖然亞 DODO 姐演得有少少誇張, 不過整體上真係好好笑, 我笑到眼水都標埋, 有機會大家買黎睇睇丫! |
16/1/2001 |
今日天氣真係凍呀, 我唔怕凍都覺得凍呀, 所以大家要小心身體呀! 下星期過新年喇喎, 大家有咩節目呀?
我就未有呀, 多數都係要過左果幾日紅假先會有節目架喇, 希望有啦! 今日織左條灰色頸巾俾自己呀, 本來織好好耐架喇,
不過前幾日拆左佢再織過咋, 因為想織第二D花紋囉, 家下果條幾正架! 夜晚睇左<IT檔案2>, 學左好多有關系統保安O既知識,
真係值得睇架! |
17/1/2001 |
今日個電話好旺呀, 只係朝早都響左成五六次! 今日都有落過街買野架! 不過都冇咩特別野發生過,
呢排D EMAIL 成日都收唔到! 呢幾日食左好多野添! |
18/1/2001 |
今朝一早起左身去左我亞姨屋企呀, 飲左茶啦, 之後仲去左元朗同嘉瑩妹妹去行左一陣街添,
O係呢度要同佢講聲多謝呀, 因為佢專登去幫我配番舊冷, 真係多謝呀! 夜晚食左一餐好正O既飯, 仲剛剛十點返到屋企添! |
19/1/2001 |
今朝訓到一點到啦, 之後就學下 FLASH 咁, 不過仲有大把野學! 夜晚要返學呀, 不過坐我後面果幾個人令我好佩服呀,
因為上左三個鐘頭堂, 佢地三個人把口未停過咁講野, 真係為之氣結呀, 佢地都唔覺得佢地唔 ARM O既? 剛剛想 PRINT NOTES, 不過部 PRINTER 冇墨, 唉!
今日都好開心架, 因為 FAX 左去"森美小儀"度, 之後小儀打電話俾我話送個"一年滋養"月曆俾我呀, 我想要左好耐架喇! |
21/1/2001 |
今日都冇咩特別事發生過, 只係落過下街買野呀, 因為都要為黎緊O既新年作少少準備O既! 星期日O既夜晚我依然係要返學O既,
不過個外國老師竟然發脾氣, 不過又難怪O既, 一部份學生都真係唔多似上堂! |
22/1/2001 |
今朝個電話都響左幾多次架喎, 本來諗住落一落去買D賀年禮品, 好讓我年初一去拜年用O既,
不過都係聽日先去買喇! 夜晚都係要返學喎, 不過個外國老師又再一次發脾氣, 都唔知係我地O既問題定係佢脾氣唔好呢,
佢O既情緒都幾奇怪架喎, 呢一秒好開心咁講笑, 下一秒就黑面發脾氣, 真係難理解! 返到屋企就同左個朋友傾電話,
其實我好開心架, 因為佢有事煩惱第一個會諗到搵我傾下, 雖然佢O既煩惱令佢有少少唔開心, 不過, 的確令我好開心,
大家要知道, 當發現到自己O係朋友O既心目中地位時, 我真係幾開心架! |
23/1/2001 |
今朝好早起左身呀, 因為我亞姨同舅父同埋婆婆一齊去飲茶, 之後又去左婆婆屋企食團年飯!
食完飯之後, 竟然令我失去左百幾蚊, 不過好彩有利是補番! 不過都唔知點解會有咁O既成課O既!
未夠十二點返到屋企喇, 十二點點過? 你估都估唔到, 我係沖緊涼咁過渡O既! 哈哈! |
24/1/2001 |
今朝十一點令起左身喇, 當然係拜年大日子啦! 第一站係去左我亞麻度, 之後就去左我婆婆屋企食晚飯喇,
食完之後都係返屋企咋, 因為今日咩都冇開, 所以都冇地方去啦! 突然間好想燒野食同埋食自助餐添! |
25/1/2001 |
年初二, 本來跟我亞姨去拜年O既, 不過又落雨喎, 咁斯斯最唔鍾意落雨天架喇, 所以咪冇去到囉!
O係屋企靜靜咁過左一日, 個感覺都唔錯架, 大家可以試一試架! |
26/1/2001 |
年初三赤口喎, 基本上話唔可以去拜年o既, 不過我都冇地方去拜年架啦! 落左街買報紙呀,
因為突然間想睇下尋晚D煙花影成點, 點知咁 ARM 有亞敬喎! 呵呵! |
27/1/2001 |
今日我亞姨同埋舅父都係黎左我屋企O既, 下晝就食左家鄉雞, 好耐冇食過喇! 夜晚就去左我婆婆屋企食飯,
因為煲左正湯! 本來又想開檔打牌架, 不過唔好喇, 所以好早就返到屋企喇! |
28/1/2001 |
今日我都悶左成朝早呀, 之後就約左嘉瑩妹妹去行街, 不過攪攪下又走左去幫一個朋友手喎, 聽日都要去幫手,
當係 PART TIME ! 好少少人工, 好過O既屋企悶嘛! |
29/1/2001 |
基本上我係今朝六點先訓得著o既! 因為今日都要返 PART TIME, 唔知係咪太緊張呢? 好彩我都準時起到身,
仲早到左目的地添, 今日生意唔錯呀, 亦估唔到我同我個朋友都係第一次正式做呢份工, 都掂喎! 仲上哂手添!
今日都遇到好多好好人O既客人, 希望日後都會成功! 不過都發生左一件不可思議o既事, 竟然係俾一個妹妹攪到我地檔成盤珠仔整跌哂!
攪到我地要週圍執番哂佢, 果一刻真係幾灰架, 好彩都過左去喇! "落地開花, 富貴榮華"呢家野, 真係發生一次就夠喇! |
30/1/2001 |
今日 DAY OFF, 其實返工真係幾辛苦架喎, 做O既野唔多呀, 不過時間就長左少少, 應該仲未習慣到, 而且亦因為尋日第一日返工,
而令到我開始有職業病, 就係放工後會講左開工一定要講O既說話, 仲差D攪出好多笑話添! 未來幾日都有工開呀,
直到星期日先會 DAY OFF! 我今日知道左原來我 MISS 左一個見亞敬O既機會, 果個撻頭真係信唔過! |
31/1/2001 |
今朝九點鐘起左身喇, 因為今日要返工呀, 不過都失敗左少少, 因為遲左少少出門口, 遲左五分鐘, 我諗都係我同嘉瑩妹妹旺場呀,
高鋒期係有成五六個人丟我地幫佢地整電話繩, 真係好腳頭! 七點鐘我地就收工喇, 有人接手O既, 不過唔知點解我放左O係櫃果條頸巾唔見左喎,
不過我肯定O係個櫃度O既, 聽朝返工要搵一搵先! |