背景音樂 : 哭泣遊戲


歡迎睇我任何一日私日記!
1999
2000
JAN
FEB
MAR
APR
1/5/2001
2/5/2001
3/5/2001
4/5/2001
5/5/2001
6/5/2001
7/5/2001
8/5/2001
9/5/2001
10/5/2001
11/5/2001
12/5/2001
13/5/2001
14/5/2001
15/5/2001
16/5/2001
17/5/2001
18/5/2001
19/5/2001
20/5/2001
21/5/2001
22/5/2001
23/5/2001
24/5/2001
25/5/2001
26/5/2001
27/5/2001
28/5/2001
29/5/2001
30/5/2001
31/5/2001


1/5/2001

話咁快又一個月喇, 仲要係五一勞動節添! 我一早起身食完野就送我表弟地去車站坐車, 之後我就去左行旺角, 不過實在太太太多人喇, 都冇買過D咩, 但係就買左兩排烘麵包O既電芯, 有粒鎖匙扣送架!
我發覺而家有好多 SALES 都好冇禮貌!

返回


2/5/2001

今朝一早起左身, 本來諗住有地方去架, 不過冇去到喎! 之後就去左圖書館搵書做功課啦, 點知一本都唔 ARM 用喎, 之後就去左飲茶喇, 都冇咩特別野發生過丫!
聽日要好鬼死早起身添!

返回


3/5/2001

今朝因某D原因好早起身出門口, 但係可能因為太唔夠訓, 所以攪到好多攪笑野發生左! 之後食完午飯就返屋企, 再過一陣就去左飲茶, 之後又去行左一陣街啦!
落雨天真係難頂!

返回


4/5/2001

今日朝早有咩做過呀, 之後夜晚我就冇返到學, 因為上次亞 SIR 都叫話可以唔洗返!
而家好眼訓, 但係個頭未乾添!

返回


5/5/2001

今日好好訓, 尋晚訓之前睇左<愛情白麵包>, 不過令我好失望呀, 因為我之前睇過本書, 本書正好多, 因為D人都做唔番小說裡面每個主角O既形像, 正如我唔明白點解李嘉欣做樂陶, 而婉婉做程蕙, 好多角色都唔 ARM ! 加藍呢個角色我覺得最有問題, 唔係話佢做得差, 但係完全都唔係果隻 FEEL, 可能我睇過本書印像太深, 所以先覺得好失望! 今日都冇咩特別丫, 去過圖書館, 行左一陣咁啦!
努力做功課中!

返回


6/5/2001

今日冇咩特別, 不過部電腦有少少問題咁喎, 不過又唔知咩事!
落左去行過一陣, 不過冇買野!

返回


7/5/2001

今日都終於攪掂左部電腦, 錄到碟喇! 但係又有好多小問題添! 出左尖沙咀呀, 因為有事要做! 另一方面亦好努力咁搵資料做 PRESENTATION 啦, 突然間覺得呢個 COURSE 好煩, 成日都要分組做功課, 如果全部組員真係合作就冇所謂O既, 不過 ... ...!
好悶呀!

返回


8/5/2001

今朝俾人嘈醒左, 之後又係執野啦, 食野啦! 再落左去銀行, 再去左整電話, 因為我房間個電話壞鬼左, 不過而家整番好喇!
天氣真係好熱呀!

返回


9/5/2001

今朝睇完劇集就去左飲茶, 哈哈, 係咪好想做我呢? 過著D退休生活(講笑咋)! 之後我就一直執房執到好夜, 因為覺得間房越黎越亂, 執到好眼訓添!
唔明白點解掉左咁多野, 間房仲係咁多野O既!

返回


10/5/2001

今日都係執野渡過, 間房好似大左咁, 但依然想掉好多野! 我今日完全地發覺自己真係唔鍾意人地迫我做野, 亦好憎D野唔係計劃之內, 自己去做好地地, 人地叫去做就麻麻地咁囉!
精神好大壓力!

返回


11/5/2001

今朝十二點到起身睇完電視再整完一大輪野就去左飲茶喇! 夜晚就要返學, 不過返黎原來係冇用O既, 因為今晚只係聽D同學 PRESENTATION, 而我果兩個 PARTNER 都冇返! 所以我亦早左返屋企!
好多蚊咬添!

返回


12/5/2001

今朝亦都係十一點令十二點起身啦, 亦係冇咩特別咁過, 去左飲茶, 不過真係好多人, 亦都好貴! 之後冇去行街街就返左屋企喇, 夜晚亦冇咩特別事發生, 只係天氣熱, 比較多蚊仔咬O者!
食左一條好好味O既雪條!

返回


13/5/2001

今朝起左身之後, 就去左將軍澳, 都係冇咩做過咋, 夜晚就去左沙田食飯, 好多人呀, 但係好好食! 不過亦都收到嘉瑩個電話, 講左一D野俾我知, 亦係令我地幾唔開心O既, 不過算啦, 預左架喇!
祝我媽咪母親節快樂先!

返回


14/5/2001

今日真係冇野做過呀, 因為而家D天氣真係辛苦! 不過都有睇過黎緊要交果份功課O既!
祝我契姐 ATY 生日快樂先!

返回


15/5/2001

今朝一早起身上網睇報紙, 睇到一段有關亞敬O既新聞, 但俾我更加發覺到香港O既娛樂記者真係信唔過, 起碼多數係咁! 原來一男一女一齊食飯就一定係拍拖, 咁係咪如果一男一女一齊坐車就即係結左婚呢? 咁又真係幾奇妙喎, 各位娛記大哥大姐, 係咪有少少可笑呀? 如果娛記一定係要咁O既話, 的確係可悲! 唔好講呢D野喇, 講番我丫, 夜晚同左兩個契姐去左唱K, 仲去左大家都未去過O既 加洲紅 GREEN BOX 添! 都唔錯O既, 唔算太貴, 不過好奇怪架, 因為去"大聯盟"果陣又覺得"加洲紅"多D歌唱喎, 但今日去左"加洲紅", 又覺得"大聯盟"多歌唱D喎, 所以有冇一間係兩邊歌都有哂架? 有咁就好喇!
把聲有少少沙添!

返回


16/5/2001

今朝都冇咩特別呀, 只係開始好擔心個 PRESENTATION, 我真係唔希望再有人失蹤, 雖然我真係唔想用"失蹤"呢個詞語, 但係的確唔好意思, 我真係諗唔到第二個詞語!
天氣都幾熱喎又!

返回


17/5/2001

今日基本上都冇落街, 因為都只係休息下咁咋! 天氣都幾唔穩定, 夜晚仲突然間落大雨添!
聽日係大日子喇!

返回


18/5/2001

尋日日記之所以話今日係大日子係因為一來嘉瑩考最後一科, 二來係夜晚要 PRESENTATION, 但係的確我所擔心O既事發生左, 不過詳細就唔好講喇, 因為的確好嬲! 目前為止仲有一份功課要交, 不過要聽日先有題目做, 我都相信會幾易做, 因為自己一個人做, 唔會受人影響! 經過左呢件事之後, 我學識到一樣野, 我學識左如果因為自己而影響到第二個, 其實係好衰o既行為, 所以我有生之年唔會咁做!
祝 SHERMAN 生日快樂, 希望你可以忘記左唔關事O既人啦!

返回


19/5/2001

今朝都唔算太早起身, 因為尋晚實在太夜訓喇! 基本上今日冇咩特別野做過, 因為都係起身之後上網 CHECK 下有最後果份功課O既題目未, 好在有, 不過我仲未睇識唔識做呀, 希望識得做啦, 因為好似幾難答咁! 下星期五又開始返另一科喇, 不過又係唔洗考試, 只係分組做功課, 我實在都唔多鍾意分組做功課呀, 因為負責就係好組員, 會做得開心, 但係 ... !
我真係唔多鍾意果位"仲"小姐!

返回


20/5/2001

今日食完晏之後就去左嘉瑩妹妹屋企喎, 都係第一次去咋, 本來就諗住去幫佢攪番掂部電腦o既, 但因為實在唔多掂呀, 所以我都唔敢整喇, 因為佢本身個 WINDOWS 98 有事, 而我裝備又唔齊喎, 所以唯有唔整住啦! 之後就傾下計預備下聽晚睇 SHOW 咁啦, 佢媽咪好好人呀, 亦都好好傾, 要多謝佢O既糖水, 好好味呀真係! 之後坐巴士返屋企, 不過等左好耐車, 同埋車程都幾耐, 大約八點先返到屋企!
聽晚又可以見到亞敬喇! 真好!

返回


21/5/2001

今朝一早出左去喇, 因為約左嘉瑩食飯同埋行街! 夜晚就去左睇 SHOW , 當然係有亞敬啦! 有開心又有唔開心事! 不過唔開心O既事就會似一道橋(即係解: 會過去的), 不過最開心O既係我嬴左一丈, YEAH ! 知道亞敬冇拖拍呀, 報紙寫咩唔好信, 最緊要係佢親口同我講! 不過亞敬唔見左個手提電話呀, 其實佢都好唔開心, 但係又要顧下我地感受喎, 所以佢都笑住咁同我地講拜拜! 今日之後我又學到一樣野, 只要對得住自己, 對得住人地的話, 其它一切都唔再重要, 因為我問心無愧, 至於其它人點解對自己咁差, 唔洗理會架喇, 因為唔理得咁多, 一切都會似一道穚!
亞敬今日讚我同小馬呀!

返回


22/5/2001

今日基本上冇咩特別, 開始做最後一份功課, 不過只係睇個 CASE 同埋題目都睇左成幾個鐘, 睇黎好似好易答咁, 但係又的確有少少難度! 要上網搵搵料先!
我今日都學識左咩係唔調得番轉, 有少少唔開心!

返回


23/5/2001

今日都可算係好驚O既一日喇! 因為去左睇牙醫, 原來我出左三隻智慧牙我都唔知, 醫生話最好係做小手術拎走佢地喎, 不過真係好鬼驚, 所以今日冇做到住, 但係都好貴呀, 計起上黎要幾千蚊, 我真係唔明白點解要生出黎但又冇咩用咁, 好驚啦總之!
做左一日功課, 但一早去圖書館借果D書都完全用唔著!

返回


24/5/2001

今朝都係一早食完野去整牙, 不過係補下牙咁咋, 唔係做手術, 因為仲未決定! 之後都係用左幾個鐘去完成聽晚交果份功課! 算係做完掛, 希望合格啦! 大約六點幾出左去, 因為約左嘉瑩, 本來諗住好早返屋企o既, 但係最後都十二點過D先返到, 好好彩咁見到敬哥仔喎, 仲影到相, 簽到名同傾到計添, 佢今日心情勁好喎, 仲發生左一件趣事添, 睇黎亞敬都好細路仔, 之前仲好笑呀, 見到婉婉走喎, 我地想同佢 SAY BYE, 但一直都冇望過黎, 點知佢突然間望過黎, 我諗佢係感覺到有人望住佢, 之後好攪笑咁同我地 SAY BYE, 佢真係好 NICE 呀!
聽晚開始返學喇!

返回


25/5/2001

今朝好好訓呀, 都唔知點解會咁好訓, 之後都係O係屋企食完之後, 過一陣就去左行左一陣喇, 夜晚就要返學, 好攪笑喎, 搵哂成層樓都搵唔到課室喎, 之後問果個人先知原來係張時間表印錯左! 呢一科要分組呀又, 不過好奇怪, 我竟然同某人一組, 我相信應該會幾好, 起碼大家都唔係果D唔做野O既人!
聽日仲要返成日學添呀!

返回


26/5/2001

今日都好早醒左, 因為要返學, 仲返兩堂添, 夜晚果堂仲無聊呀, 因為只係約亞 SIR INTERVIEW 咋, 我地仲要約左八點添, 所以攪到食飯由五點食到八點, 真係嚇人! 好快就 INTERVIEW 完喇, 不過我地都有留低左傾 PROJECT, 返到屋企仲有豆沙包食添!
聽日都要返學, 不過夜晚有得睇 CONCERT!

返回


27/5/2001

今朝十點幾就醒左喇, 因為又要返學, 不過返左等於冇返一樣! 之後約左嘉瑩, 咁 ARM 我爸爸媽媽行尖沙咀, 我亞爸竟然認得嘉瑩, 真係嚇死嘉瑩喇, 不過都真係幾攪笑, 咁 ARM 撞到! 之後就去左見敬哥仔啦梗係, 發覺亞敬開始對我地好好, 好識做! 不過好慘呀, 佢又拎左我張相據為己有喇! 夜晚睇左安仔演唱會, 好感人呀, 睇到我喊呀竟然! 不過即管放心吧我沒有事!
聽日都要返學, 不過夜晚有得睇 CONCERT!

返回


28/5/2001

今日訓到成一點呀, 因為尋晚太夜訓, 之後去左飲茶, 基本上今日係冇咩做過, 因為都係休息下咁咋, 不過都有諗過份功課要寫D咩O既!
聽晚又有節目!

返回


29/5/2001

尋晚訓得幾好丫, 起碼訓得著發到夢先丫! 不過成日都冇出過街, 所以都幾悶架! 本來今晚有節目架, 不過改左聽晚, 希望會開開心心啦!
究竟份 PROJECT 要做D咩呢?!

返回


30/5/2001

今朝一早冇電喎, 所以攪到要行樓梯落街呀, 之後去左睇牙醫呀又, 不過發生左一件好得人驚O既事, 不過唔好講咩事喇! 返到屋企發覺唔見左我條心愛O既電話繩, 連粒閃燈都冇左! 真慘!
天氣實在好熱!

返回


31/5/2001

今日係幾唔開心O既, 可能係因為受左雙重打擊啦, 不過過左去就唔好提喇, 正如我朋友話齋: 有咩係預計得到丫! 所以過左去咪由佢囉! 夜晚就會去睇演唱會!
好想去玩呀!

返回


inserted by FC2 system