今日係國慶再加中秋節! 祝大家快樂先! 不過我今日就唔多快樂! 日頭都ＯＫ, 因為有得飲茶, 有得玩! 仲第一次勁近距離睇煙花, 不過我係覺得唔好放煙花, 將果Ｄ錢去幫有需要O既人仲好啦, 幾百萬就咁幾十分鐘冇左! 夜晚食完飯之後就去左同幾個朋友玩, 不過唔開心O既事就發生喇! 其中一個朋友整親入左醫院, 我地成班朋友真係好唔開心, 落到 BAR 都冇咩出聲, 呢個消息亦都影響左台上面O既幾個人! 我地諗住聽日去探佢呀, 希望我地唔會喊啦, 因為我地幾個頭先差Ｄ O係 BAR 喊, 雖然忍得住, 不過真係眼淚在心裡流!
其實我很擔心 --> 我真係好擔心呀!

尋晚訓得唔好, 因為真係好擔心, 之後一班朋友就去左醫院探呢位朋友喇! 去之前好擔心會變成個個一齊喊, 不過見到佢放心左好多, 因為行得, 冇咩事o既都, 咁真係好好彩, 之後六點令七點走左喇! 都冇咩特別事咁!
我最關心 --> 所以你要快Ｄ好番呀!

今朝一早醒左, 因為根本訓唔到, 之後我O係醫院果個朋友打黎話出得院, 所以我就去左接佢出院喇! 之後都陪左佢返屋企, 係咁易幫佢執過下間屋啦, 因為我驚佢又唔小心跌親! 夜晚再有兩個朋友黎左佢屋企陪下佢咁, 之後就去左食野, 好彩佢冇咩事! 返到屋企就同左個朋友傾電話, 傾左好多野, 原來佢都好好傾架喎! 佢話我應該係一個有原則同埋有少少理想O既女仔, 但幾情緒化, 都講得幾 ARM 架, 要多謝佢先!
領悟 --> 傾完個電話之後都有好多領悟!

今日心情麻麻地, 一來一早起身好唔舒服, 直情出唔到街, 連屋企門口都出唔到呀, 再加上果個朋友又打俾我話佢入番醫院, 因為幾辛苦咁, 所以入番佢再觀察幾日, 基本上冇咩事O既, 不過都有少少擔心佢! 亦因為我唔舒服, 所以去唔到陪佢, 真係要講聲唔好意思! 我由兩點鐘食左粒藥再訓到五點幾, 都幾得人驚架, 因為我又肚痛又發冷, 差Ｄ暈低添! 不過唔洗擔心, 家下鬼打都冇咁精神! 夜晚有兩個朋友去探過佢, 冇咩事, 咁都放心Ｄ!
上帝愛我 --> 同時上帝亦愛你地架!

今日都冇咩特別, 返下學咁啦, 夜晚就同朋友傾左陣電話, 好早就訓左 LU, 不過又冇上網, 真奇!
快樂走不開 --> 其實開心又咁過唔開心又咁過, 點解唔開心Ｄ呢? 唔好成日激壞自己!

今朝知道個朋友可以出院真係安心好多! 之後就出左去, 因為今日係去海洋公園O既大日子! 不過睇 SHOW 之前真係幾多野煩, 又睇唔到我最愛O既熊貓! 咩都冇玩, 只係玩左兩次"幸福摩天輪", 好幸福架! 不過記憶中以前果個好似大好多! 呢個玩一次好快O既! 影左好多相, 不過因為部機叉緊電, 睇唔到住, 第日再俾大家睇下!
幾分鐘的約會 --> "地下鐵碰著他, 好比心中愛神進入夢... ..."!

今日冇咩特別丫, 不過好攪笑, 因為收到嘉瑩個電話, 佢竟然咁好彩撞到亞 BEN 地喎, 勁呀! 我今日冇出過街呀, 因為都冇人約我出街街! 心情都ＯＫ O既, 不過依然係想大家都開開心心, 唔好嬲黎嬲去!
人生可有知己 --> 人生得一知己死而無憾!

今日冇咩特別, 係就係好早起左身落過街咁啦, 改左星期三晚返學要o既野! 不過心情都麻麻地咁!
WAR CHILD --> 真係打扙喇, 好擔心!

今日落左去郵局, 又見到曬相哥哥喎, 真係攪笑喇! 之後都冇咩特別事丫!
今天你生日 --> 今日係我細表妹安怡O既生日, 乖乖也喇!

今日冇咩特別, 夜晚返左學, 都幾開心架! 當然係因為見到 ... ...!
傷盡我心的說話 --> 今日聽左一句好傷心O既說話, 不過算啦!

今日都冇咩特別呀, 做過下份功課, 不過都要等某人 SEND Ｄ野俾我先做到! 尋日收到幾張好攪笑O既相, 所以好多謝佢用咁多心機去整左幾張咁正O既相俾我! 真係好多謝你呀! 講完開心野之後就講下Ｄ嬲野! 尋晚發生左件事令我好嬲! 話說尋晚收到個朋友O既電話, 本來好開心O既, 不過每一次都俾人猜度, 好似好唔相信我咁! 所以我好唔開心囉! 仲要俾人 CUP 線添, 你話對朋友係咪咁架?!
假如讓我說下去 --> 係咪我講就會變成真呢?!

今日好忙呀, 其實又唔係忙功課喎, 只係好似年廿八咁, 無 LALA 大掃除呀, 因為附近起緊樓, 所以好大塵! 咁橫掂都係清潔, 咁咪順便黎個大掃除囉! 掉左好多野呀, 包括一對鞋! 不過執完幾個鐘頭先發覺自己手手腳腳左幾撻! 不過我知我自己又唔知痴咩線! 通常有咩改變之時就會係咁, 勁執野勁掉野! 希望唔係我諗緊果樣啦! 今日換左電腦O既開機畫面同埋 WALLPAPER 呀, 係一張好朋友送俾我O既 SMAP , 加工過O既不過! 其實收到佢 O既 EMAIL 好開心呀真係! 因為一定有意想不到O既野! 真係要多謝佢!
野孩子 --> 我發覺我自己都幾反叛, 幾野架喎!

今朝一早都冇咩特別, 主要係做份 PROJECT , 因為身為 LEADER O既我, 都要做野架, 唔係得個講字架嘛! 近排都幾多野唔順利架, 不過睇得好開下架都, 對得住人地對得住自己, 有咩唔可以? 每次收到佢O既 EMAIL 都好開心架, 除左間唔中會有Ｄ爆笑相睇下之外, 仲知道有人真係關心我O既, 真係多謝你喇! 夜晚好攪笑呀, 不過自己就"豬O都"左少少! 佢打黎整估我喎, 點知我又認唔到佢把聲! 今次係自己失敗, 不過我保證唔會有下次, 一係你就諗Ｄ再絕Ｄ O既整估計劃! 不過佢真係好攪笑, 打黎扮係銀行推銷信用咭! 點知我又中計喎, 仲好認真咁答話唔洗添! 發覺中左人計果一刻真係好"豬O都"! 不過真係唔會再中計! 睇住黎啦, Tiramisu 嘛! 我會記住你仲爭我一個你親手整O既 Tiramisu !
明知故犯 --> 某程度上我係咁架!

今朝好早起左身, 唔知係咪尋晚傾電話傾得太真心呢? 如果我O既表現嚇親你地O既話, 真係唔好意思喇! 因為我覺得好朋友傾計就係唔洗顧忌咁多野, 想講就講, 我尋晚傾果個電話就係咁喇! 所以我知邊Ｄ係真正朋友! 經一事原來真係可以長一智, 好多野當你睇開左O既時候, 一切都黎得自然同埋舒服, 家下我唔會受果Ｄ不必要O既壓力而影響到架喇! 大個女丫嘛! 今日都冇咩做過咁, 本來諗住出街架, 不過之後都冇出到! 我突然間好想好努力咁去學一樣野, 唔知係咪因為尋晚聽完佢一番說話之後啟發到架呢? 唔知點解每次同佢傾計我都好自然咁講自己想講O既野同埋自己好個人O既感受出黎, 人夾人緣可能就係咁解啦! 認識到你呢個朋友真係好!
有你是榮幸 --> 雖然你話我咁講係言重左, 不過我真係有咁O既感覺, 多謝!

今日都係整下呢樣整下果樣咁啦! 之後就去左將軍澳, 因為同舅父舅母去酒樓打邊爐! 好正呀真係! 又抵食喎! 好多謝佢地專程請我去食, 真係好耐冇打過邊爐喇! 下次同埋你地去丫不如! 之後都食到成十一點先返到屋企, 不過又有件"豬O都"事喇, 我又俾果個人打電話整估喇, 雖然我話冇下次咁"豬O都"中計O者! 不過事隔兩日咋! 我又中左佢計喇! 不過今次真係完全冇心理準備喎, 睇住黎! 我相信冇第三次喇掛! 望係咁望啦, 如果唔係我咪"豬O都三連冠"? 佢病左喎, 今日仲話去睇左醫生添, 希望佢快Ｄ好番啦, 多Ｄ休息最重要呀, 你唔快Ｄ好番點有精神陪我一齊傻呀? 仲有呀, 我叫你俾幾日時間我, 你冇精神點可以達到我預期爆笑效果呀?! 食得太飽真係好辛苦! 家下訓唔到添! 但又好回味頭先果餐, 人生真係矛盾!
別在我的背後說壞話 --> 睇野睇深入Ｄ, 唔係十八廿二喇, 長大啦唔該!

今日好開心呀, 因為我個朋友小唯送左一份好好o既禮物俾我, 我當係今年第一份生日禮物! 係好多好多張 SAMMI SHOCKING PINK O既相, 仲有簽名相添呀, 好開心呀真係! 我真係好多謝佢! 之後都冇咩特別呀, 訓左幾粒鐘咁啦!
內有惡女 --> 大家小心Ｄ呀! 可能果個惡女係 ... ...!

今朝都冇咩特別事發生, 又自己同自己剪左頭髮, 夜晚就要返學啦, 不過因為上星期各組員都話返大約八點令到, 咁我咪遲少少先出門口, 之後再去食埋野先返去囉, 點知返到去佢地個個到齊喎! 仲話返左去好耐添, 仲話點解唔叫埋佢地去食野喎! 早知係咁, 我就唔洗一個人咁悶咁食野啦! 基本上今日都同佢傾過好多野, 因為佢擔心搵唔到第二份工, 咁身為朋友O既我, 當然會去聽佢講下野, 之後再為佢諗下啦! 放學返到屋企之後就同個朋友傾電話, 內容同埋感覺唔係好想講! 因為真係一件好少O既事!
You Don't Trust Me At All --> ???!!!

今日主要係做功課, 不過唔係好做得掂, EMAIL 左俾佢問架喇, 希望佢唔好成日唔答我啦! 其實冇咩野掛! 雖然都有擔心O既事, 但希望一切順利, 最重要開開心心嘛, 係咪?!
今天你生日 --> 今日係我爸爸生日大日子! 祝佢身體健康, 開開心心!

今日都過得去啦, 主要亦係做功課, 不過我真係發覺我唔識寫ＶＢ, 幾經辛苦先寫到少少, 真係對唔住我Ｄ可愛組員喇, 不過我真係會繼續努力寫掂佢! 不過如果真係唔掂O既話, 請大家原諒我, 放心, 我都會做第二Ｄ我掂O既野O既! 今朝發覺自己輕左喎, 不過又唔覺自己瘦左, 真係奇怪喇! 其實我諗住家下每日都早睡早起, 一早再做Ｄ運動咁, 身體應該會健康Ｄ架!
只有你肯給我認真 --> 心照不宣!

今朝都係做功課, 不過冇咩進展咁, 我希望聽日攪掂啦! 之後五點鐘到出左去, 約左嘉瑩行街街! 我地都勁喇! 由旺角行到去尖沙咀, 好開心呀, 因為睇到好多攪笑野! 最邪就係竟然行行下街撞到我以前男朋友喎! 不過佢唔認得我 LU, 咁又好難講O既, 我"索"左咁多! 之後行左好多地方, 好開心呀! 本來想搵樣野架, 不過搵唔到!
螢光粉紅 --> 唔知點解我呢幾日都想整條螢光粉紅色O既手帶!

今日做左成日功課, 不過都係做第二Ｄ部份, 因為我的確唔多識寫ＶＢ, 所以我自己做左第二Ｄ先, 起碼唔洗浪費左Ｄ時間嘛! 因為做功課由兩點幾做到九點幾, 所以冇時間出街, 都係好事黎O既! 今日心情點? ＯＫ掛, 無咩刻意去諗Ｄ咩咁, 不過依然係幾煩惱咁! 每當我煩O既時間, 我都會諗起一個人O既, 當然非必要都唔想佢擔心我啦! 所以亦好多謝嘉瑩成日俾我煩住都唔介意! 不過講起嘉瑩, 佢真係 KAWAII NE 呀! 尋晚都俾佢笑死我呀, 呢個O靚妹越黎越可愛呀真係! 聽晚約左我兩個契姐食晚飯, 好開心呀, 諗落都有成四個幾月冇見, 時間過得真係快喇! 相信我聽晚一定好開心, 因為見到佢地次次都一無掛慮!
很愛很愛 --> 好愛你地呀, 我唔會要求你地愛番我, 因為呢Ｄ唔洗有來有往!

今日都冇咩特別, 依然係有做過下功課啦, 之後五點幾就出左去, 因為約左兩個契姐去食飯! 好開心呀, 去左食韓國燒烤, 記憶中我地第一次去架咋, 以前多數都係唱Ｋ, 不過去Ｋ傾唔到計嘛! 咁咪去食飯囉! 食得好開心呀, 其實我真係好感激佢地咁多年以黎真係對我好好, 甚至好過親妹! 今日真係好好好好好開心呀! 收到好多生日禮物, 真係真多謝佢地呀, 真係好感激佢地兩個呀! 所以我地會係一生一世O既姊妹! 之後收到一個電話, 都令我好開心!

姊妹們的聚會 --> 我相信呢兩個契姐係我一生一世o既姊妹!

今日都係做功課啦, 不過真係唔明白點解Ｄ組員唔回我 EMAIL , 唉! 落過下街買野啦, 不過都冇咩特別野發生! 不過今日好掛住一個人, 唔知點解咁強烈呢, 可能聽晚會見到佢掛! 其實今日突然間諗番好多令我感動過O既說話, 例如佢尋晚O係電話講『我真係好明白你!』, 雖然只係一句好簡單O既說話, 但係的確好感動! 另外一句我好深刻O既說話, 係嘉瑩妹妹講O既, 話說唔知邊晚同佢傾電話, 傾一Ｄ深入Ｄ O既野時候, 我講笑咁話『好, 等我聽朝七點喊住咁打俾你先!』, 之後佢就話『你七點打俾我唔緊要架, 不過唔好喊住打黎!』, 果一刻真係好感動架! 因為佢好認真咁同我講! 即刻個心裡面好溫暖! 其實我係一個記性好好O既人, 好多野我都好記得架, 好多謝大家咁愛我, 我同樣地會好愛大家架!
其實我深深愛著你 --> 就送俾所有令我感動過O既"你"聽啦!

今日都幾忙呀, 因為一早出左去玩, 都好耐冇出去玩喇! 唱左Ｋ, 再行左一陣再返學! 放左學之後就去左食飯, 基本上成個飯局O既人我識幾個架咋! 不過好在有嘉瑩同埋某人同某人O係度, 今晚我真係好開心呀! 真係一言難盡呀, 不過衰就衰在要坐通宵巴士返屋企, 原來真係好鬼麻煩架, 因為要轉車(轉車唔洗再俾錢), 就係因為咁又唔可以俾八達通喎, 攪到我成身O既散紙先剛剛夠俾車錢! 呢樣真係好鬼死麻煩呀! 不過最開心O既係, 我返到屋企一陣之後, 某人打黎問我返到屋企未! 其實好多朋友都唔會咁樣架, 所以我真係好多謝佢, 知嘛, 咁樣其實好溫暖架! 另外好開心佢聽我同嘉瑩勸告, 其實真係估唔到, 真係掂呀! 以下就係我今年新O既生日禮物, 好多謝佢地啦, 特別要多謝嘉瑩妹妹呀, 真係好破費咁送左好多我好鍾意O既野(左圖), 真係辛苦哂你呀, 其實我知道你心裡面有我就夠喇, 知嘛! 我地呢Ｄ交心架嘛!

交換溫柔 --> 相信做好好好好朋友就要交換溫柔架喇!

今日訓到好晏呀, 因為尋晚返到黎洗完頭之後又要等佢乾喎, 所以又夜訓左, 咪訓耐Ｄ囉! 之後都冇出過街街呀, 因為天氣又凍, 今日好多地方應該都冇開到, 本來諗住落去過膠架, 不過都係第日先過啦! 今日有做功課呀, 不過又真係好多野做咁, 希望大家分工合作慢慢做會快Ｄ攪掂份功課啦! 夜晚好開心呀, O係傾緊長途電話O既途中收到佢O既電話, 正! 今日成日都好掛住佢呀, 仲有嘉瑩呀, 早知今日去沙田陪下嘉瑩啦, 我都好掛住嘉瑩添! 可能真係成為左姊妹啦!
姊妹 --> 唯有我聽過你對我哭訴 ... ...!

今日冇咩特別, 繼續係做下功課, 執下屋咁! 尋晚都夜訓左少少, 今朝又唔太晏起身喎, 真係奇怪! 有落過街呀, 因為都係時候要買Ｄ野食放入雪櫃! 聽日冇人約添!
TELL ME NOW WHAT SHOULD I DO --> 期望你, TELL ME NOW WHAT SHOULD I DO, 怎麼你指責我, 總講我錯, 總不妥!

今朝九點鐘ＫＡＺＵ打俾我呀, 原來佢本來諗住尋晚十二點打俾我, 點知佢訓著左喎! 所以咪今朝打黎! 不過我都勁喇! 完完全全對答如流, 不過又唔多記得我答左Ｄ咩! 只係記得佢收線前叫我再訓多陣, 真係多謝哂佢! 之後就發現原來今日亞敬有野做喎, 咁所以就同嘉瑩去左搵亞敬, 其實真係幾開心, 因為今日我生日可以見到佢, 不過最衰同佢唔係傾左好耐! 之後就去行下街咁啦, 好多謝佢陪左我一日, 兩姊妹行街真係開心! 仲有件開心事就係佢又打左俾我同我傾左一陣, 總之今日好開心啦!
再見了 --> 原來能忘記心會輕鬆笑, ... ...!

今日好開心呀, 因為自己一個人落左去行街街, 心情唔錯O既! 夜晚又整左好耐冇整過我自創O既"叉燒醬煎雞脾", 真係成大半年未整過, 好好味! 我近排好鍾意范曉萱O既一首歌(如下)!
姊妹們的聚會 --> 場面絕對不會冷清, 八卦的話題最帶勁, 姊妹們的聚會好Happy, ... ...!

今日都冇咩特別呀, 落左去買野食, 之後本來諗住返黎攪上網Ｄ野, 不過又唔多成功, 因為要到十一月中先有得登記! 今日心情幾特別, 我都難以形容添!
插曲 --> 唔想再有插曲喇!

今日訓到十二點令啦, 不過尋晚唔知點解訓唔著喎, 因為十二點幾訓落床, 但成三點先訓得著, 但係五點幾又醒一醒喇! 希望日後真係有覺好訓啦! 之後食完野就落左街一陣, 都冇咩特別咁, 係做埋少少功課, 因為聽晚又要返學喇! 天氣一時凍一時熱, 真係難攪!
大日子 --> 就黎又到一個大日子喇! 好期待呢!

萬聖節愉快呀大家! 我今日好開心呀! 因為好多原因架! 其中一個原因就係我同嘉瑩終於擁有一張我地一直都想要O既 POSTER 喇! 係咩 POSTER ? 睇下下面啦! 因為我真係好開心架, 終於得到喎, 不過唔好問我地點樣得到, 我地係唔會答架! 記住! 夜晚就返學, 不過好攪笑, 我返學之前又蕩失路, 咁大個人仲成日蕩失路, 真係笑死人! 放學之後我見到條街好多"鬼"呀, 放心, 係好多人扮鬼咋! 可以扮埋一份就好 LU!

等 --> 仲有兩日咋!