背景音樂 : 麻醉 (鳴謝好友小馬制作正 MIDI)
| 1/9/2001 |
|
九月一號, 對我黎講真係一個唔好o既開始, 因為手提電話個來電呀果Ｄ冇哂, 家下有來電轉駁同埋來電顯示冇左,
真係好唔方便, 大家日後如果打我手提唔通的話, 記住打黎我屋企呀, 因為冇左果Ｄ好慘架真係! 一心諗住好開心咁去海洋公園睇亞敬啦,
點知... ...取消左喎, 真係又掃興又唔開心, 攪到家下唔知佢改邊日再做番添呀! 冇得去玩, 咁就同左兩個朋友去食飯同埋行街街! |
| 2/9/2001 |
|
今日基本上係溫書時間, 因為就黎考試喇, 不過都唔知有咩要溫, 但係我會盡力架喇! 都做過份功課,
我前幾日 EMAIL 左俾亞 SIR 問功課, 佢回左我 EMAIL , 點知佢九唔撘八, 答左我第二樣野, 好証明佢唔識睇人Ｄ CODE !
攪到我仲未做得掂 BONUS 果 PART 添, 雖然得幾分, 不過好過冇嘛! 之後又由六點幾諗到九點幾先起身,
可能我太眼訓喇! 聽日好多人都要開學喇, 祝佢地學業進步啦! |
| 3/9/2001 |
|
今日係溫書日, 份功課我唔做喇, 因為我計過都應該好高分下(希望)! 之後都係溫書, 都冇話識唔識o既,
因為都差唔多係果Ｄ野! 夜晚發覺到我部機聽ＭＰ３個野有少少事咁, 希望唔係Ｄ歌仔有事啦! |
| 4/9/2001 |
|
今日好早起身溫書, 之後又訓左個晏覺喎, 因為眼訓囉! 起身之後又溫左一陣書, 我相信都溫得差唔多!
不過依然係唔多知要溫Ｄ咩O既, 因為冇講到, 不過我諗我有信心! |
| 5/9/2001 |
|
今日溫左一陣書啦, 之後都係執野返學, 因為硬係好驚會帶少野! 五點三就出門口喇, 點知都塞車喎,
好彩冇遲到O者! 考試夠時間答, 不過就有一Ｄ都唔係好識! 不過我諗會合格O既! |
| 6/9/2001 |
|
今日完全係休息時間, 冇出過街, 都冇咩野做過, 好得閒O既一日! |
| 7/9/2001 |
|
今日都冇出到街, 因為又落大雨喇! |
| 8/9/2001 |
|
今日天氣好好, 日頭冇出街, 不過夜晚出左, 去左同幾個朋友食飯啦, 之後去左飲野! 玩得好開心,
不過最衰某人冇黎啦, 如果唔係仲好玩! |
| 9/9/2001 |
|
今日都係咁啦, 冇咩特別, 我個朋友話曬左尋晚Ｄ相喇, 我好想睇呀, 不過要等下次出黎先有得睇!
亞敬個 SHOW 改左十月, 有排等添! |
| 10/9/2001 |
|
今日落左街買下野咁啦, 不過都冇咩買, 咁都好O既, 慳番Ｄ錢嘛! 基本上都冇咩特別, 到今日為止, 返學O既時間表仲未出呀,
都唔知點解咁耐架! |
| 11/9/2001 |
|
今朝好早醒左喇, 因為尋晚開始決定早Ｄ訓, 所以咪早Ｄ起身囉! 一早望出窗外面, 果然俾我見到尋晚"嘩嘩嘩打到黎"講果隻飛船,
其實前幾日都見到架喇, 不過天氣唔太好, 所以睇唔清楚, 今日就睇得好清楚喇! 夜晚睇睇下電視, 知道美國俾恐佈份子( TERRORISM )襲擊,
好得人驚呀真係, 我先頭都唔知原來咁大件事, 直至到睇ＢＢＣ新聞, 的確好震驚, WORLD TRADE CENTRE 竟然O係幾秒間冇左!
仲有 PENNSYLVANIA, 睇黎仲有一連串O既計劃咁, 我唔敢想像傷亡人數, 因為真係天文數字, 我只希望唔好再有呢Ｄ咁恐佈O既事發生! |
| 12/9/2001 |
|
今日係我、小馬、敬敬相識一週年, 本來應該開心, 不過心情認真差, 因為美國呢件事, 我尋晚睇新聞睇到三點幾, 今朝九點就起身再睇過喇, 相信大家心裡面都會問一句: 點解!
我問左好多次, 都唔明白究竟點解會發生Ｄ咁恐佈O既事, 我好唔明白, 有好多人話係國與國之間O既仇恨同埋報復行為,
但係我覺得好唔公平, 國與國之間O既事, 點解要傷及無辜O既市民呢? 呢種有計劃O既行為, 真係令人髮指,
我每一次睇番Ｄ新聞片段, 我都好唔開心, 好想喊, 因為人原來係可以咁冷血! 最令我覺得冇可能O既事,
竟然中東有人知道呢個慘劇之後上街慶祝, 呢個咩世界黎架? Ｄ人可以咁冷血? 唔通罹離O既人冇親人冇朋友架咩?
試下將心比己, 點解對果個國家不滿, 發生左慘O既事, 死左咁多無辜O既人, 果Ｄ死去O既人都有家人架, 都會有人為佢地而傷心,
我真係好唔明白點解呢個世界唔可以有和平? 點解要發生慘劇? 點解要對一Ｄ手無寸鐵O既人下毒手? 究竟點解丫?
有咩唔可以傾呀? 今次慘劇O既死傷人數仲係一個謎, 我唔敢去諗有幾多人傷亡, 我只係知道今次唔單止係美國人O既事,
冇錯, 正如學者所講, 今次事件係對全人類O既挑戰, 可能大家會覺得唔關我地事, 但係邊個知道下一步會係點呀?
我心情真係好混亂! 我而家好希望好希望尋晚O既事唔會再發生, 我想要和平呀! 相信我呢幾日O既心情都會好傷心!
另外, 我今日發現到我支 MASK 變壞左, 不過變壞左就算啦, 起碼可以再買過, 但係講緊O既係人命, 神呀, 我真係希望你可以令呢個世界充滿和平,
唔好再發生Ｄ咁O既悲劇! |
| 13/9/2001 |
|
今日基本上冇咩等別事, 又自己動手剪頭髮啦, 我發覺我Ｄ剪髮技術都唔錯架喎! 夜晚聽番一Ｄ自己好鍾意O既ＣＤ,
點知竟然 ... ... 我估唔到會 ... ... 唔制呀! 我心愛O既胡蓓蔚ＣＤ竟然俾部ＣＤ機食左呀! 我用左好大O既氣力同埋精神先至拎番隻ＣＤ出黎,
不過 ... ... 花哂喇, 買唔番喇, 跳線呀, 唔制呀, 好唔開心呀, 我真係好唔開心呀, 呢隻碟係我心愛架! 買唔番喇!
鳴鳴鳴 ... ...! |
| 14/9/2001 |
|
今日冇咩特別呀都, 聽收音機啦, 返學啦咁! 聽日又要返學喇! 不過我諗緊 DINNER BREAK 去邊度食好!
今次呢科個外國 LECTURER 幾好, 不過香港果個又係上次話好對唔住佢父母果個, 所以我都唔敢諗佢會教成點,
所以要靠我地自己喇! |
| 15/9/2001 |
|
今朝十一點到起身啦, 都睇左少少＜美麗人生＞, 之後食完野就返學喇! 放九點幾呀, 不過課室好凍呀真係,
變左支人型雪條! |
| 16/9/2001 |
|
今日都係要返學, 都冇咩特別呀, 吾, 都開心架, 因為感覺到有少少轉變! 放學之後就返屋企喇,
去買左好好味o既麵包, 之後返到屋企就同嘉瑩傾電話喇, 因為好掛住佢呀真係, 唔知係咪慣左以前都日日傾下電話咁,
家下可能時間唔 ARM , 好多時都係上網傾一陣, 所以好打去同佢傾下計! 而家天氣咁樣好易病架, 某人都好似病左咁,
而我亦因為做左兩日人型雪條, 所以都病病地咁! |
| 17/9/2001 |
|
今日落左街呀, 因為想行下睇下野咁! 之後返黎都冇咩特別事做過! 近排我自己同幾個朋友都成日失常咁,
有時唔開心, 有時好開心咁, 哈哈! 希望大家都快Ｄ正常番啦! 夜晚上網見番一個有一段時間冇見O既朋友,
好開心呀, 雖然都有一排冇搵對方, 但係都仲好好朋友, 我真心祝福佢同佢女朋友架! 有咩唔開心記住同我傾呀! |
| 18/9/2001 |
|
今日天氣實在太太太熱喇! 不過我知我有個"豬豬"朋友好唔開心, 我真係唔知點開解佢好, 不過我都好希望你可以快Ｄ開心番啦,
做好自己就夠喇! 唔洗理果Ｄ冇用O既亞 SIR MISS 點睇, 我地Ｄ"豬豬"朋友們會支持你架! 另外, 我大表妹今日生日呀,
真係要祝佢生日快樂喇! |
| 19/9/2001 |
|
今日都係咁啦, 依然係好熱呀, 但係又一號風球喎, 真係難以觸摸喇! 今日睇左＜月亮的秘密＞呢套戲,
係一套好感人o既戲, 又唔係話好好睇, 不過好感人啦! 有機會都睇下丫! |
| 20/9/2001 |
|
今日又打三號風球, 好彩都落左喇, 不過就不停咁落雨, 希望聽晚唔好落雨啦! 今日都冇咩特別, 都只係望下雨景咁,
基本上又聽到幾個好震憾O既消息, 有少少擔心添! |
| 21/9/2001 |
|
今日落過街, 買左一樣野, 之後就返學啦, 基本上都係同幾位可愛組員傾番個 PROJECT , 放學之後就約左三個豬豬朋友,
因為嘉瑩就生日喇, 咪去傾下計囉, 都唔算好夜返到屋企! 今晚玩得好開心, 好感動呀都, 我永遠都會記住! |
| 22/9/2001 |
|
今朝一早俾個電話嘈醒, 得啖笑! 下晝就去左沙田, 因為有 FUNCTION , 不過麻麻地開心, 發生左件事,
真係令到我好嬲! 之後就行下沙田啦, 再去左旺角, 實在好攪笑呀, 幾個朋友咁傾下計, 不過最好笑最開心都係坐巴士由沙田去旺角O既時候,
真係笑到人都傻呀! |
| 23/9/2001 |
|
今日做功課O既, 本來都有街出架, 不過取消左! 都冇咩特別啦, 不過近排好唔想講野, 所以唔好一日打幾次電話黎講無聊野,
我驚我會爆發呀! |
| 24/9/2001 |
|
今日冇咩特別, 係去買左好多野食, 夜晚食左一餐好豐富! 今日係嘉瑩生日呀, 大個女 LU, 祝你生日快樂! |
| 25/9/2001 |
|
今日冇咩特別, 不過心情麻麻地啦, 可能熱氣啦, 不過都好似冇咩關係咁! 基本上都係做下功課咁啦,
不過大家收 EMAIL 要小心Ｄ呀, 因為家下又有幾隻好勁O既 VIRUS 呀! |
| 26/9/2001 |
|
今日都係冇咩特別, 煲左湯飲啦, 好好味呵! 夜晚 KAZU 打俾我, 原來都成個幾月冇傾過電話喇, 我真係希望佢開心啦,
有時佢都令我幾擔心架! |
| 27/9/2001 |
|
今日都係做下 WORKSHOP 咁啦, 冇咩特別! 都有件事令我好唔開心, 因為我唔明白點解朋友同朋友之間會係有野唔講得,
我份人有時都好難頂架, 但係我一早講左有咩不滿就唔該大家即時講我知, 可能性格問題啦, 我真係覺得對朋友坦白係冇問題架喎,
情緒都係我地之間O既問題, 不過總結講一句: 有咩唔該大家直接Ｄ講, 唔好轉彎抹角, 亦唔好好似忍我咁唔出聲,
我唔洗大家忍我架其實, 有咩咪講囉, 我當大家係朋友先至會咁 FREE 咁講野同傾計, 但我接受唔到原來坦白都會唔好囉,
咁唔通戴假面具對朋友? 呢樣我唔多明白, 但係我最清楚一樣野就係, 我唔想嗌交! 前晚睇ＴＶＢ一個旅遊節目,
好開心呀, 因為竟然見番"黃翊", 我中學果陣好鍾意佢架, 我希望以後多Ｄ機會再睇番佢啦! |
| 28/9/2001 |
|
今日都訓到成一點幾呀, 之後都係做下 WORKSHOP 咁咋, 夜晚就返學啦, 基本上我地都完成左幾多 PARTS !
所以都唔算好忙! 聽朝要好早起身呀, 因為有野要攪囉! 希望我真係可以起到身啦! |
| 29/9/2001 |
|
今朝早六點幾起左身喇, 訓唔著呀, 九點就落左去銀行攪Ｄ野, 不過真係幾麻煩, 好憎果Ｄ得把聲O既人,
希望咩都順利啦, 唉! 兩點令去左荷里活廣場, 因為亞敬有野做, 點知佢又係令我地失望! 之後我返左屋企一陣,
之後又出過去喇, 因為我好開心可以睇咁大個女O既第一次"拉闊音樂", 今晚係楊千嬅, 首先要多謝我O既好朋友嘉倫仔仔請我去睇,
成晚都好正, 嘉賓係方力申, 其實成晚都好感動, 因為千嬅O既歌都好好動, 而且歌詞又好感人! 所以聽到我都想喊想喊咁!
你地聽到感動O既歌或者說話會唔會起雞皮架? 我會架, 所以第日見到我突然起雞皮, 可能我係被一樣野感動到呀,
當然最大機會係凍啦(哈哈)! 亦要同嘉倫仔仔講聲多謝, 因為佢專登陪我坐北角站果邊轉地鐵返屋企, 多謝哂呀!
(下次如果有 SAMMI 呀, 亞敬呀果Ｄ, 記住又益下我喎), 北角轉線又真係好舒服喎! 途中都傾左好多野,
唔知點解我覺得同佢傾計好開心架, 因為咩都傾一餐, 可能呢Ｄ就叫做知己啦! 不過我希望佢努力之餘都要注意自己健康!
再係咁, 我真係要叫我O係海洋公園好食好住O既"哥哥 & 家姐"留番個位俾你架! |
| 30/9/2001 |
|
今日都休息咋, 夜晚就同兩個朋友一齊上左另一個朋友屋企玩煮飯仔, 煮左意粉食呀! 之後傾左一陣計, 同埋影下相咁啦,
好開心呀! 多謝敏儀送俾我O既禮物, 仲有嘉瑩同 BONBON O既信啦! 聽朝又要一早起身喇, 希望唔會變熊貓啦!
之後夜晚又約左呢三個朋友仔喎, 相信聽晚都係笑到肚都痛架喇, 因為次次我地幾個一齊O既時候都係笑到肚痛架! |