今日一早起左身喇, 因為我表妹仔今日返屋企喇! 所以就出左去飲茶, 不過間酒樓又貴又難食! 之後行左花墟同埋旺角一陣啦, 其實都冇咩特別野睇, 不過實在係太多人喇! 五點到返到屋企喇, 之後執下房咁啦, 其實我又想大掃除呀, 因為好多野呀間房, 不過都係休息幾日先再一次過執啦!

燕尾碟 --> 呢首歌幾好聽!

尋晚好慘呀, 因為成晚有隻蚊飛黎飛去, 仲俾佢咬添呀! 所以成晚冇得訓! 今朝十一點起身, 之後都冇咩特別, 係一次過睇左好多集日劇, 好得人驚呀, ＜凶鈴再現＞令到我不寒而慄呀, 好成功, 因為我真係估唔到!

愛不持久 --> 只有好親好親o既親人O既愛先會持久, 其他就算幾好都會變, 仲可能變得好快!

今日去左飲茶, 之後都係行下街咁啦, 都冇咩特別事發生!

一人有一個理想 --> 有理想o既人活得比冇o既開心!

今朝一早俾人嘈醒呀, 因為我地座樓有工程, 所以一早就鑽牆, 所以好早醒左! 亦因為咁樣我先可以睇到我追緊O既＜向井荒太的動物日記＞O既大結局, 好感動呀真係, 睇到我眼濕濕添呀! 不過美中不足係配左音, 如果係講日文就更加更加好喇! 之後落左去行左一陣, 見到樣好想要O既野呀, 好 KAWAII 架! 之後都係寫一份野, 係用黎參加比賽架, 希望安慰獎都有個啦!

變態少女想人記 --> 正!

今日好好訓, 可能係紅假冇人開工O既關係啦! 都冇出到街, 因為在家千日好嘛! 下晝有朋友黎我地屋企探我地呀, 都有成幾年冇見 LU, 時間過得真係快呀! 呢排愛上左聽"芝 SEE 菇 BI"喎, 因為我覺得佢講野好有意思呀, 佢成日都講左好多我煩緊O既野!

你看不起 --> 好多時會發生, 不過問心無愧就得喇!

今日都好好訓呀! 之後去左旺角飲茶! 再行左一陣, 再去買番一隻碟(本來有, 不過借左俾人 ...), 之後就返屋企喇! 夜晚好開心呀, 因為食左一餐好正o既飯!

長大 --> "可惜世界轉變太快, 你說這叫長大, 我說多麼的費解, ... ", 實在變得太快太突然, 其實係咪一定要成日聯絡住先算係叫做關心呢? 咁先係真正朋友? 我說多麼的費解!

今日十點幾起左身喇, 之後去左將軍澳飲茶, 飲到成四點幾先返屋企呀, 但係又冇行街喎, 勁唔勁呀? 尋晚上網好開心呀, 因為同個夜校同學傾計喎, 其實大家都對自己O既去向幾擔心, 都唔知點好! !

約定 --> 記得有一句係: "要決心忘記我便記不起", 不過真係唔係話忘記就忘記, 因為我真係好珍惜身邊O既野, 但係真係感到有少少無力, 有冇人幫到我?!

今日都冇咩特別事呀, 吾, 可以話真係平平淡淡咁過啦! 當然有上網啦, 都係同個同學傾下未來去向係點咁啦, 亦搵左幾間學日文o既學校, 不過好似唔多適合咁, 要再搵下先!

I Don't Wanna Grown Up --> 因為長大後會有好多煩惱!

今日都好好訓呀, 唔知係咪夜晚訓得唔好呢, 因為有好多狗聲, 好嘈呀! 去過圖書館啦, 借左本 PHOTOSHOP 同埋 JAVASCRIPT 呀, JAVASCRIPT 未正式學過, 所以我都幾有興趣學下, 因為幾有用咁, 反而果陣學O既 VBSCRIPT , 好似冇咩太大用處咁, 雖然佢地都差唔多, 我一定要用呢段得閒O既時間去學多Ｄ野, 因為唔可以連自己都睇唔起自己!

最後答案 --> 人生O既最後答案係"死", 但係我覺得人生O既最後答案係"有意義"!

尋晚有個好耐冇見o既朋友打電話俾我, 傾左幾耐, 不過有一樣野俄唔係好明白, 點解人人每日都想盡方法去令身邊o既人同自己一樣呢? 點解唔肯相信個個人都唔同, 有佢地自己一套! 以前同呢個朋友傾計, 我會覺得好安心, 好開心, 但係尋晚個電話, 呢種感覺完全冇出現過, 究竟係佢變左? 我變左? 大家都變左? 定係根本咩都冇變過呢? 我知道佢講o既野係完全為我好, 不過有冇諗過, 如果我改變成你地一樣, 咁果個仲係唔係我呢?! 佢話唔知點解我會變成咁, 不過我想大家明白一樣野, 每個人都唔同, 總會有野係唔想去講, 唔想俾人知! 我唔講�鉽囓N表唔想人了解, 或者拒人諸門外, 而係我真係唔想講! 我尊重你o既同時, 亦請你尊重我! 或者呢個就係 90% 人唔認同o既諗法, 不過我就係我, 改變左就唔係真正o既我, RIGHT? 講下其他野先, 今日冇咩特別, 因為落雨, 所以就冇出到街, 只係O係屋企自學電腦啦, 始終都係唔夠用O既! 仲有呀仲有呀, 今日係 TSUYOSHI O既生日呀, 心情特別好! 祝佢生日快樂先!

問我 --> "問我得失有幾多, 其實得失不必清楚, 我但求能夠一一去數清楚 ... 我仍然能夠講一聲: 我係我", 唔好去試圖改變身邊O既人, 因為大家都是別於大家的!

今日成日都係攪電腦呀, 因為部機有少少問題, 所以咪再從頭整過, 而家好好多喇! 不過我發覺我 BACKUP 漏左我Ｄ可愛麥兜 WALLPAPER 呀, 掛住 BACKUP SAMMI 同埋 TSUYOSHI, 唔記得左麥兜兜添! 原來要整好一部機都唔係易事, 善後功夫先勁!

討你厭 --> 當你唔鍾意一個人o既時候, 做咩都係討你厭架!

今日都冇出到街, 因為唔係太舒服, 今朝又一早醒左喎, 食完少少野之後又訓過囉, 真係衰呀, 好想一覺訓天光! 今日我個網頁o既"寫我心"更新左喇, 大家有興趣去睇下丫, 其實都有一段時間冇寫野喇!

一人有一個理想 --> "接近麻木地對你支持, 這些正是朋友那本意 ...", 其實做朋友唔係要去挑剔對方o既不是, 只要支持就好夠喇!

今日去左圖書館, 之後就去左飲茶, 再之後返左屋企冇幾耐又去行街街喇! 同我大表妹行左一陣啦, 不過又冇野睇 ARM 喎, 所以咪返屋企上下網咁囉!

情非得已 --> 有時真係咁架!

今日去左行商場呀, 好多好多人, 真係太多人喇! 另外o既時間都係對住部電腦呀, 因為唔知"佢"點解又有少少唔順, 仲浪費左我兩隻 CD-R 呀, 我真係拿"他"沒辦法呀, 希望以後佢會好好地, 乖乖地啦!

是誰 --> 有誰人可以幫幫我的小電腦呵?!

今日去左旺角一陣啦, 之後去左一個我第一次去O既地方, 不過呢個地方我好唔鍾意, 因為呢個地方代表唔係咁好, 希望只此一次! 我部電腦真係有少少問題, 點算好?!

我要忘掉你 --> 好嘛?!

今日都係整機呀, 真心希望可以以後都順順利利, 唔洗再整過啦! 整到四點幾又眼訓喎, 所以又去左訓覺囉!

我討厭你 --> 其實咩都有兩邊o既!

今日同樓上個姨姨飲茶呀, 不迥間茶樓就幾咩架, 食野"加料"架喎, 嚇死我呀! 夜晚專登去左買麥當當餐食呀, 好味! 約左個朋友後日去街街呀!

昨遲人 --> "昨日像得到, 遲來無去路 ... ...", 呢幾日感覺上好似少左Ｄ野咁!

今日當然都係圖書館啦, 因為圖書館真係好多書睇, 而且你係唔會買黎睇或者唔會買到架, 我就最鍾意睇台灣O既電腦雜誌, 因為真係好過香港果Ｄ! 不過我想過幾日去中央睇下, 因為我 CHECK 到好多書同資料要中央先有!

第一次 --> 我諗我係第一次覺得真係冇咩所謂, 或許呢Ｄ就係現實掛!

今日一早起左身, 因為約左個好朋友去傾下計行下街咁! 首站係尖沙咀, 之後一直行到去旺角, 好彩唔太多人, 不過竟然買唔到我今日O既目標, 其實真係好想買一套日劇 VCD , 當然又係 TSUYOSHI 啦, 不過都係唔買住喇, 最衰就係連 CD 都買唔到, 因為我想買果隻實在出左一段時間, 所以係有困難O既! TSUYOSHI 真係正, 好 KAWAII 架! 仲見到個月曆, 不過真係唔多值, 所以今日係咩都冇買到O既, 不過都好丫, 可以得閒見下好朋友, 咁就夠啦, 雖然唔係成日見到, 但係一出黎傾下計, 就知道大家係明白大家O既!

自由人 --> "若我可飛我會飛得很遠, 若我會走我會走得很遠 ...", 好正!

今日去左圖書館, 睇下報紙, 又睇下電腦書咁啦, 今日識O既野又多過尋日喇, 其實我真係情願用多Ｄ時間O係學野方面好過週圍去, 不過好多人都覺得成日週圍去好過O係屋企, 或者去學野O既, 不過人人都唔同嘛, 信我啦, 個個都唔同O既! 不過真係希望大家可以尊重大家啦! 夜晚睇左《第八屆十大廣告頒獎禮》, 最開心o既係睇到好難得o既表演, 就係 THE PACKCAKES O既表演, 其實好多人覺得佢唱歌唔好, 好難聽咁, 不過我就係鍾意佢呢個特色, 又再一次証明大家都係別於大家O既!

你不知道 --> 只有你係唔知道個個都有佢地自己O既獨特之處, 個個都唔同, 希望你地快Ｄ明白或者係話, 懂得去接受就夠!

今日去左飲茶, 仲同我舅父舅母去添, 之後傾下計咁啦, 夜晚當然係睇《第二十一屆金像獎頒獎典禮》啦, 雖然 SAMMI 拎唔到女主角, 但我覺得提到名已經好夠, 有提名即係被人認同架喇, 係咪?!

踢出個未來 --> 掂!

今日聽到一件事令我好唔開心, 因為真係好過份, 不過相信好快冇事! 夜晚睇電視啦都係, 冇咩特別 LU!

I REALLY HOPE --> YES YES!

今日去左飲茶, 坐左好耐呀, 飲茶真係好, Ｄ茶又真係好好飲! 之後去左行街呀, 今日真係好熱呀, 希望過多幾日真係會涼Ｄ啦!!

ASK --> 有一句係"精彩的戀愛聽太多, 令我對號跟你入座", 人真係好愛"對號入座"架, 唔信?! 諗真Ｄ?!

今日 LUNCH 只係食左腸仔飽飽, 之後就去左旺角喇, 買左好多靚花花! 本來想去買埋我恨左好耐果套日劇O既 VCD , 當然又係 TSUYOSHI 啦, 不過冇減價, 所以都係遲少少先再買過!

我有權投 --> "我有權投向猛火, 怎麼要吹熄我?", 係咪?!

今日冇出過街呀, 成日都係O係屋企學 JAVASCRIPT 同埋 FLASH , 原來可以好利害架! 勁呀!

不歡而散 --> 其實係咪一定要不歡而散O既呢? 開開心心咁係咪唔可以?!

今日日頭冇出過去呀, 四點幾就落左去買野, 點知間超市好衰呀, 我想買果樣野竟然全部俾人破壞左, 真係奇境呀, 我咁大個女未見過咁樣架! 之後返左屋企一陣, 再坐車去將軍澳喇, 因為約左人去打邊爐, 嘩, 實在太多野食, 太開心喇, 又好好味喎, 又唔算貴! 食左幾個鐘呀, 我都係成十一點先返到屋企咋! 好開心呀今日!

駛乜死 --> 其實我好唔明白點解咁多人要去自殺, 生命真係好寶貴架, 好多人想生存但係又生存唔到, 點解Ｄ人可以好好咁生存, 但係又要死呢? 呢Ｄ人幾可悲架!

今日表妹地黎玩呀, 好開心, 去左食麥當當, 仲有好多玩具添! 之後就同左我大表妹行街, 買左貼紙簿同埋貼紙, 真係開心!

溫暖的詩句 --> 好似"輕輕的我走了, 正如我輕輕的來"!

今日我好驚呀, 因為突然唔舒服, 仲勁嘔添呀, 所以冇上網, 而且夜晚十一點幾就訓左喇!

屈到病 --> 唉!

今朝好早醒左, 可能係因為尋晚早左訓啦, 今日好好多喇, 不過仲係頭痛咁啦, 都有落過街買野, 其它地方冇去, 不過又真係幾悶架!

初戀 --> 聽得這句話實在太多"初戀太過沉重, 我只想做你其中一個", 我亦覺得被愛太沉重, 唔可以回應你O既愛, 實在太可惜!

今日落左去飲茶啦, 好番好多喇都, 不過都仲係有少少唔係咁舒服咁, 不過又唔係好嚴重咁!

受不了 --> 真係受不了這種病的感覺!