背景音樂 : To Heart


歡迎睇我任何一日私日記!
1999
2000
2001
JAN
FEB
MAR
APR
MAY
JUN
JUL
AUG
SEP
OCT
NOV
1/12/2002
2/12/2002
3/12/2002
4/12/2002
5/12/2002
6/12/2002
7/12/2002
8/12/2002
9/12/2002
10/12/2002
11/12/2002
12/12/2002
13/12/2002
14/12/2002
15/12/2002
16/12/2002
17/12/2002
18/12/2002
19/12/2002
20/12/2002
21/12/2002
22/12/2002
23/12/2002
24/12/2002
25/12/2002
26/12/2002
27/12/2002
28/12/2002
29/12/2002
30/12/2002
31/12/2002

1/12/2002

今朝都好早起身呀, 因為要入屯門, 我好似十二點到就入到屯門, 首先去左我表弟屋企呀, 嘩! 佢間房好靚呀! 我都想我間房冇咩野但又咁靚! 坐左一陣之後就去左我契媽個媽咪屋企喇! 坐左一陣之後我同妹妹又去左行街街喎! 好多人呀真係, 冇計啦, 星期日一定多人架啦! 今日買左唔係好多野咋! 不過都好開心, 買左好多正野! 不過美中不足O既係我買唔到熊貓面O既貼紙簿仔, 所以就唯有買左一本哈姆太郎封面啦! 冇計啦, 屯門賣得平過我屋企附近好多呀, 所以難得入到去都要架喇! 晚飯好好"送"呀, 好開心, 食完飯之後又去左我妹妹屋企度玩左幾個鐘頭, 成十二點幾先返到自己屋企咋! 而家仲剛剛洗左頭, 所以就訓唔到住喇! 今日真係好開心呀!

我不快樂 --> 係咪好奇怪點解我明明今日好開心會揀呢首歌, 其實原因好簡單, 因為我O係表弟度同我外國O既表妹們傾電話, 傾完我真係好唔開心, 好擔心同埋好想喊, 亦都好嬲!

返回


2/12/2002

今日好好訓呀, 因為尋晚成三點幾四點先訓著, 所以今日訓到十二點幾! 之後就落左去飲茶! 飲完之後行左一陣, 之後我就上左去書館喇! 都成個幾鍾先返屋企呀, 因為人實在太多喇!

我為你傷心 --> 除左為我兩個表妹傷心之外(真係好擔心佢地呀!)! 知道有一位朋友近日好唔開心, 希望佢快D開心番啦, 因為成日唔開心唔太健康嘛!

返回


3/12/2002

今日都冇咩特別事呀, 黃昏時落左街一陣啦, 不過睇過某本週刊, 見唔到我想睇O既野添, 好想知添! 打左一個電話, 好開心呀, 有人話請我食飯, 哈哈哈! 今日收到尋晚講果位唔開心朋友O既 ICQ 留言, 好開心, 因為佢心情好似好番好多咁, 多謝佢O既關心先!

感激是 --> 感激是 ... ... , 好難講, 我諗你地會知道!

返回


4/12/2002

今日心情都 OK, 不過真係好想知某週刊講咩添! 但係今日出左新一期, 買唔番添! 今日去左飲茶, 之後行左一陣街啦, 買左少少野咁啦! 其他冇咩特別事喇! 可以話係溫習日啦, 因為聽晚要測驗呀!

我也有那個需要 --> 唔好誤會呀! 其實係 SAMMI O既新歌, 我好想知果單料添!

返回


5/12/2002

今朝好早醒左, 因為唔知點解訓訓下無 LALA 咳醒! 不過好彩而家"大丈夫"! 下晝去左一間新開O既酒樓飲茶! 不過勁差, 所以都唔會再去架喇! 行完一陣就返屋企啦, 之後就返學喇! 今日測驗呀, 不過我估計好似錯左兩題! 放學之後, 行過一間店舖, 仲買左兩樣化菻~添, 好抵呀, 好正呀! 返到屋企仲有愛心通粉食! 好感動呀!

失戀王 --> 好感人架D歌詞, 亦有少少得意!

返回


6/12/2002

我終於都知道前幾日想知果單料喇! 真係攪笑, 仲以為有咩事, 原來係開心事黎O既! 希望佢下年真係開得成啦! 今日日頭O係屋企度上網, 因為今日係大日子啦, 有個朋友生日! 所以就上網整左份 CYBER 生日禮物俾佢喇! 我諗佢收到掛! 之後三點幾就出左去旺角, 因為要買少少野, 之後六點令就返到屋企附近食左麥記呀, 不過冇換到大頭狗呀, 都唔太可愛咁!

今天你生日 --> 祝郭偉安先生生日快樂! 雖然好耐唔見, 不過我知道你冇忘記我O既! 祝你生日快樂、開開心心、工作愉快、仲有就係快D結婚呀, 記住請我飲喎!

返回


7/12/2002

吳國敬下年開演唱會呀! 所以我好開心, 亦都好多謝佢助手話我知呢個消息! 今朝十點令起左身喇, 因為星期六當然要去將軍澳飲茶啦, 飲完茶之後行左好耐呀, 我今日都算收穫勁豐富喇! 有: POSTER、CARD、聖誕咭、花紙、CD、杯、坐墊、糖、珠仔, 嘩! 總之就好多啦, 好開心呀所以, 大約六點令返到屋企, 好累呀!

風箏與風 --> 我覺得呢首歌幾好聽, 係首歌本身同埋歌詞好正!

返回


8/12/2002

今日凍左好多呀, 不過我好鍾意呀, 因為凍天可以著好多靚衫, 又可以戴頸巾冷帽, 正! 今日冇出到街呀, 星期日嘛, 所以驚人多! 今晚冇打邊爐呀, 但係聽晚就會出去打邊爐喎! 好開心呀, 因為又可以去行街同埋買野!

我撐你 --> "撐你撐你撐你撐你, 撐你撐你撐你撐你 ...", 呢首歌我第一次聽左之後, 唔知點解信心大左好多喎, 可能有時支持唔洗咁複雜, 一句"撐你"已經好夠!

返回


9/12/2002

今朝一早起身食左粥喎, 之後就上左一陣網, 再打左一陣機, 大約三點鐘就出左門口去將軍澳行街街, 今日都買左好多野呀, 例如: 裙、珠仔、熊貓電話繩、杯、零食、 POSTER 等等! 好平呀, 所以買得好鬼死開心呀, 行到六點到就去左酒樓, 因為約左我舅父同埋舅母打邊爐呀! 好抵食呀, 好多野食呀! 雖然食食下嘔喎, 但係完全係因為視覺上O既"影響", 完全唔係因為食物O既! 大約十點幾返到屋企, 而家剛剛洗完頭, 好鍾意呢種天氣呀!

至"林"情歌 --> 今日聽番呢首歌, 我覺得好開心呀!

返回


10/12/2002

今朝起身食左粥, 之後同左樓上個姨姨去左飲下午茶! 飲完茶行左一陣, 我終於都買到一張我想買O既紙, 不過美中不足就係買唔到魚絲呀, 仲諗住果間有得賣添, 因為想串好多野呀! 今日凍左少少, 不過都好開心呀, 因為我鍾意凍天嘛!

多謝 --> 收到一個舊朋友O既醫貓, 好開心呀, 雖然有時可能有誤會, 不過好好彩, 大家都明白對方!

返回


11/12/2002

今朝訓到好晏呀, 可能係凍左好多啦! 今日都有去到飲茶呀, 之後去左行街街! 好凍呀今日, 不過我好鍾意咁凍!

聖誕老人來了 --> 今日唔知仲咩, 心情勁靚! 所以不停咁唱呢首歌!

返回


12/12/2002

今日冇咩特別事呀, 我亞姨就黎左同我地飲茶, 飲完茶之後行左一陣街街, 不過我只係買左一D繡花線咋, 因為見到好靚呀! 夜晚就要返學, 不過我朋友因為工作關係冇返到! 所以都幾悶咁啦! 今日學左好多野, 我要努力加油先得! 亞 SIR 好好呀, 佢幫我地摺一張賀咭! 我希望我可以學識啦! 因為好靚架!

何故何苦何必 --> 唔知仲咩今日突然記起呢首舊歌!

返回


13/12/2002

今朝係凍醒O既! 食左少少野之後就去左深水"步"行下, 因為要買珠仔呀! 當然係滿載而歸啦! 之後就行左一陣旺角, 再食左一個下午茶, 因為尋晚放學返黎都冇食到野! 今日睇報紙, 知道瀨戶朝香黎左香港, 唔知點解我好鬼死開心呀! 朝香好型呀!

安靜 --> 呢首歌O既歌詞, 到而家我仲好鍾意!

返回


14/12/2002

今朝當然都係去左將軍澳飲茶再行街啦! 不過唔係買左好多野咋今次, 本來想買張《不死情謎》O既 POSTER 架! 因為有朝香嘛, 不過最衰有兩款喎, 我驚到時買左張黎明O既大頭返去, 到時就 ... ... 喇! 所以唔敢買呀, 但係真係好鍾意朝香呀, 因為佢好型呀!

想飛 --> 唉, 今日收到大學O既畢業信呀, 不過實在要俾太多錢先去到畢業禮, 所以考慮中! 想 ... ... , 飛 ... ...

返回


15/12/2002

尋晚第一次睇 SAMMI 新歌《實不相瞞》O既 MV , 好正呀! 亦都有少少恐佈咁! 今日冇出到街, 因為星期日多人, 其實真係唔太鍾意星期日! 因為你點諗都諗唔明點解會咁多人架! 夜晚睇左少少季選, 你點都唔相信而家好多歌星都係唱唔到 LIVE 架! 嚇死人呀! 同埋好奇怪, 好多新人都有獎, 有D仲係講唔出佢地唱過咩歌架添! 奇怪的香港樂壇!

擔心 --> 幾日見唔到一個朋友上網同埋回醫貓, 睇佢個 INFO 又好鬼死唔開心咁, 所以有少少驚佢唔知發生咩事添!

返回


16/12/2002

今日都冇咩特別事發生! 落過街行左一陣啦, 買左個熊貓電話套呀! 好靚架! 之後就去左一陣圖書館, 借左好多本書返黎睇呀! 夜晚我舅父黎左我屋企食飯!

我討厭你 --> 今晚個網勁斷線呀, 真係好討厭呀!

返回


17/12/2002

今日去左飲茶, 食左好多野呀, 之後就去左行左一陣街街啦, 但係冇買到我鍾意O既野添! 前幾日話好擔心果個朋友, 終於都知道佢冇事喇! 只係佢部電腦有問題, 所以冇上到網咋! 真係好, 冇事!

慢走 --> 今日睇左一個台灣節目! 呢首係范韋琪O既歌, 我聽到佢呢首歌背後一個關於兩個歌迷O既故事, 真係好感動!

返回


18/12/2002

今日同左我婆婆飲茶, 飲完茶之後就同媽咪去左行街街, 又買左好多珠仔喎! 因為實在太靚喇! 有排玩呀真係! 天氣真係好熱!

朋友仔 --> 仲有幾日就可以同個好朋友去行街街掃貨喇! 好想快D到果日呀!

返回


19/12/2002

今日食完晏就去左行街街, 仲買左張熊貓貼紙! 好開心呀! 之後就返左屋企一陣就出門口返學喇! 今日學左好多野, 好開心! 亦好多謝亞 SIR 送俾我地O既靚靚賀咭仔!

PLAY IT LOUD --> "你信我時我信你, 是朋友O既定義", 係架! 真架!!

返回


20/12/2002

今日落雨呀, 所以只係落左街一陣咋! 其他時間都冇咩特別!

風箏與風 --> 我好鍾意D歌詞!

返回


21/12/2002

今朝一早去左將軍澳飲茶, 聽到個消息好開心呀, 希望係真架啦! 我好期待果一日來臨! 飲完茶之後我就去左旺角, 因為約左好朋友 CATCAT 去行街街掃貨呀! 好開心呀, 因為我收到今年第一份聖誕禮物! 係一隻勁可愛O既熊貓呀! 真係多謝哂你呀! 行左好多地方呀, 買左 CD (巧音同埋朴志胤)啦、貼紙啦、精品啦 ..., 好多好多收穫呀! 仲見到李雲迪添! 原來好多人鍾意佢架喎, 因為佢個簽名會好旺呀! 夜晚大約十點令返到屋企啦! 好累呀真係!

我估不到 --> 明明睇到 CASH 有亞敬架, 但係又冇喎, 點解咁奇架呢?!

返回


22/12/2002

今日好攪笑呀, 我表弟同埋佢女朋友黎左我屋企一陣, 因為佢地今朝去左啟德果個遊樂場玩, 仲要贏左隻超勁大O既 WINNIE THE POOH! 真係超勁大隻架! 好攪笑! 坐左一陣佢就走左喇! 之後我地就落左去買野同行街街, 我終於都買到我想買果隻 DVD 喇! 因為早幾日睇仲未減價, 就唔捨得買喎, 點知今日減價呀, 真係好抵呀! 所以買左喇! HEE HEE!!

代你發夢 --> 呢首歌雖然好耐, 但真係好正!

返回


23/12/2002

今日落街飲茶喎, 好美味呀! 行左一陣就返左屋企睇下電視咁, 之後就勁執房呀, 因為D野有少少亂! 所以用左個令兩個鐘頭去執番好佢! 真係正喇! 家下好多地方呀!

不經不覺 --> 又到聖誕, 又到聖誕, 又到聖誕, 又到聖誕, 又到又到又到聖誕!

返回


24/12/2002

今日係平安夜, 我祝大家都開開心心咁過每一日! 就住今日同大家分享一下我睇到兩個雜誌訪問O既精句啦! 首先係黃秋生O既訪問: "我不反對包裝, 是想話俾人聽, 那些包裝本身的空白的肉麻當有趣, 所以今次扮了很多偶像歌手的唱片封面, 為什麼要擘開大脾坐? 代表反坑什麼嗎? 原來又沒有, 只為有型嗎? 以常人角度, 其實連基本禮貌都無! 頂住個魚缸有什麼象徵呢? 後現代嗎? 我就覺得我頂住肺個有意思D喎!"; "對著某些人, 真是唔講粗口唔得, ..., 原來大家都要講惡!"! 另外睇左一篇梁榮忠O既訪問: "囂只是別人的看法, 我認為我是寸就真, 即是自信的表現, 沒自信, 就乜都做唔到, 其實每個人都應該囂, 社會才蓬勃!"; "過去的事有回憶, 但已被我鎖入保險箱! 跟一個人在一起, 結果如何, 那份愛護都是永遠的, 只是形式改變了而已!" 睇完之後唔知點解好有共嗚! 今日入左將軍澳飲茶, 之後就行街街啦當然! 買左一隻熊貓公仔呀, 真係好開心呀!

吹微風 --> 雖然呢首歌好慘, 但係我覺得好適合今日O既天氣! 祝大家過個好平安O既平安夜!

返回


25/12/2002

今日食完野之後去左將軍澳行街呀, 人好多呀, 因為有 TWINS 呀, 佢地D歌迷真係好勁! 不過就買唔到我想買O既野! 但係又買左其他野喎, 係我兩個表妹O既聖誕禮物!

ODE TO MY FAMILY --> 其實過時過節好多人都只會諗住同朋友去邊玩! 其實呢D日子應該陪下家人O既, 可能我太多年冇好似今年咁一家人過聖誕, 所以我今年冇出到去玩呀, 因為一家人過絕唔會比同朋友過差O既! 反而仲好好添呀! 祝大家聖誕快樂!

返回


26/12/2002

今日都係O係屋企附近行左一陣咋! 其實天氣都唔算係凍! 不過就真係好開心!

THIS IS THE DAY --> 唔知仲咩今日覺得好 ARM 呢首歌!

返回


27/12/2002

今日食完野就坐車去左啟德舊機場果個遊樂場玩呀, 人唔算太多, 不過就好開心! 因為真係好好玩咁, 不過我唔敢玩呀! 又冇信心可以贏到公仔喎, 不過真係好想要果隻熊貓公仔! 好鬼可愛架! 之後就坐地鐵去左將軍澳, 因為約左我舅父舅同埋亞姨一家人去打邊爐! 之前當然係去行街街啦! 哈哈! 今日唔算收穫好豐富! 不過真係好開心! 食到差唔多十一點先返到屋企呀! 所以而家有少少眼訓添!

他一定很愛你 --> 呢首歌我覺得D歌詞好正! 唱得都唔算差!

返回


28/12/2002

今日食完野就去左將軍澳呀, 因為好想行下吉之島, 好多人呀都, 不過都買到少少野O既! 大約六點令就返到屋企喇, 收到一封信呀, 真係令我好意外呀, 真係要多謝呢個朋友喇, 我今日冇寄到聖誕咭俾朋友, 只係寄左 E-CARD , 所以收到佢O既咭同埋信的確令我覺得好意外, 好多謝佢呀真係, 信O既內容令我好感動!

我們開心 --> D歌詞真係幾好架, 林志美O既新歌!

返回


29/12/2002

今日落過一陣街咋, 因為要買熊貓仔呀, 好好彩於買到! 佢而家沖緊涼(哈哈哈!), 夜晚食左餐好豐富O既晚飯! 同埋今晚現場直播<新城勁爆頒獎禮>呀, 不過好怪呀呢個頒獎禮! 好多都好似 ... ... 咁O既! 不過郭偉安做司儀都夠架喇! 佢瘦左好多咁, 希望佢食多D野啦, 健康D啦!

明年今日 --> 又諗起呢首歌, 亦代表諗起你喇! 呢排好少同到你傾計, 不過冇計啦! 希望你畢業禮果日開心D! 因為我去唔到喇果日!!

返回


30/12/2002

今日去左飲茶呀, 食左好多野, 真係好好味! 之後行左一陣街街, 不過就冇買到野, 只係買左碗豆腐花(好正!!!)! 又去左圖書館, 借左幾本書睇呀, 但係好少日文書添, 激死人!

開不了口 --> (呢排冇咩聽新歌)今日突然間聽到呢首歌, 原來係徐若瑄填詞架!

返回


31/12/2002

今日係 2002 年最後一日! 大家有咩節目呢? 我今日好開心呀, 因為我亞姨同埋表弟黎左我屋企玩, 好攪笑呀佢地真係! 雖然o係屋企倒數, 不過的確幾好開心! 今年一反常態冇出到去倒數, 因為亞敬又冇野做, 又唔想去同人迫! 所以o係屋企都好開心!

祝你愉快 --> 新o既一年我祝大家百事可樂, 來年願望: 我想永遠開心, 唔好再有野煩到我!!

返回


inserted by FC2 system