今日係我新紀錄呀, 第九日冇落過街! 睇黎都仲有排先可以落去喇! 而家實在情況好可怕! 同埋今日聽到有好多傳言! 不過我覺得大家要安定Ｄ, 唔好太過驚! 同埋唔好太易信傳言! 因為我每一日都收到有好多O既網上流言! 但係大家真係唔好咁輕易相信, 聽電台或電視新聞啦, 係最正確同埋最快O既! 網上果Ｄ唔好咁易相信, 其實大家應該一齊去謝絕呢Ｄ傳言! 因為香港而家已經好亂架喇! 所以希望大家可以一齊好齊心咁去對抗呢次O既病毒! 唔好再唯恐天下不亂咁, 令到人心惶惶, 人人都冇益! 所以要齊心!!! 夜晚收到一個好唔開心O既消息, 張國榮離開左我地喇! 其實知道呢個消息之後, 個心真係好驚, 好唔敢相信! 因為在太突然! 之後打左電話俾家姐, 因為佢同我一樣好細個時已經好喜歡哥哥, 其實大家都唔相信! 但係終於都要相信呢一個係事實! 好傷心!

追 --> "有了你即使沉睡了也在笑"! 我好鍾意哥哥呢一首歌, 我真心咁希望"你"可以安息! 我地永遠都懷念"你"!

尋晚訓得唔太好, 訓唔到! 我相信好多人都同我一樣! 其實都好難接受得到, 人總係要o係失去果陣時, 先覺得以前做得唔夠! 其實, 呢件事之後, 大家真係要好好咁珍惜大家身邊o既人, 因為你永遠唔知幾時會失去! 人生真係好無奈!

明星 --> "當你見到天上星星, 可會想起我?", 係會架!!

今日係第十一日冇落過街喇, 真係好想快Ｄ可以去行下街玩下呀, 其實最想O既係可以返學, 不過而家停課丫! 真係好想早日可以攪掂呢單非典型肺炎呀!

風繼續吹 --> "我已令你快樂, 你也令我痴痴醉, 你已在我心, 不必再問記著誰, 流住眼內每滴淚, 為何仍斷續流默默垂?"!

今日真係冇咩特別, 依舊係唔敢落街O既! 睇報紙, 好多都係去猜測 LESLIE 究竟係咩原因而自殺! 就連相學都關事, 真係好嬲! 點解Ｄ人總係好鍾意O係別人O既不幸而搵娛樂! 呢種行為真係好差好嬲好賤! 其實已經成左事實, 大家停止一切O既猜測, 去俾 LESLIE 可以得到安息, 亦放過心裡面依然好唔捨得、好掛住"哥哥"O既我地丫!

風再起時 --> "雖已告別了, 仍是有一絲暖意"!

今日都仲未敢落街, 可免則免嘛! 所以O係屋企睇左＜無間道＞, 嘩! 幾好睇喎, 不過好似短左少少, 其實可以拍得長少少O既, 不過呢個故事幾好睇! 今日同表妹仔傾過電話, 佢真係令我好感動架O者! 不過仲有三日, 唉!

I MISS YOU MUCH --> "I MISS YOU MUCH"!

今日終於都夠膽去街街喇, 因為約左兩個表妹去飲茶, 旺角真係唔算多人, 應該係話記憶中都冇見過咁少人呀! 不過好快咁飲完茶就走了! 本來諗住去睇下有冇熊貓口罩架, 見就見到有一個O既, 不過果個 DIRTY 左! 所以就冇買到喇! 呀, 其實今日係我咁大個女第一次戴口罩! 我真係好開心我兩個表妹好鍚我呀!

今生今世 --> "天也老任海也老, 唯望此愛愛未老, 願意今生約定他生再擁抱"!

今日天氣好差, 而且一早仲俾樓上裝修聲嘈醒添! 之後都係咁啦, 冇咩特別, 不過五點幾時睇睇下電視訓著左喎, 一來係今朝俾人嘈醒, 同埋加上呢幾日都訓得唔好啦! 呀, 尋晚上網 ADD 番個小學四年級同學呀, 好攪笑, 因為我先前只記得佢個名, 不過我用左尋晚一晚時間都記得有少少佢個樣! 真係好開心! 另外夜晚時亞敬上左新城一個節目, 我同小馬不停咁打電話去, 哈哈, 點知佢上左去半個鐘頭多Ｄ, 仲只係接左一個電話! 激死! 不過都好好呀, 因為都同小馬傾左一陣電話, 都有一段時間冇傾過電話 LU, 希望佢考試成功! 大家身體健康啦! 聽日你地又走喇! 好唔捨得你兩個呀! 要小心身體呀!

當年情 --> "當年情, 再度添上新鮮"!

今日天氣好差, 心情都好差, 一來係因為今日開始又會有一大段時間見唔到我兩個表妹啦, 二來"哥哥"今日出殯, 真係連個天都好傷心! 夜晚無端端掛起黃色暴雨警告, 心情更加受到影響! 好掛住我兩個表妹添! 希望佢地兩個身體健康啦, 讀好Ｄ書! 一切都好架喇! (HAHA, 其他人我冇佢地咁好氣呀!)! 仲有呀, 今日森美點左首"我代你哭"我聽, 好攪笑!

當愛已成往事 --> "將往事留在風中 ...", 正如黃霑叔所講, 哥哥真係上天俾我地O既禮物!!

今日心情都冇咩特別! 天氣時好時壞! 睇左＜百年好合＞, 好攪笑, 好好睇! 五點幾時我又再一次唔夠訓喇! 又再一次睇睇下電視都訓著左! 真係就連我自己都佩服自己呀!

只怕不再遇上 --> "只恐怕不再遇上 ...", 大家都要重拾心情去面對自己O既生活喇!

今日有出街呀, 人都多番少少咁, 天氣都係麻麻地! 不過今日都買唔到熊貓口罩, 過幾日要去努力搵下先! 今日係大日子呀, 因為 TSUYO 誕生日, 要同佢講聲: れ誕生日 れバザシよ!

為你鍾情 --> "為你鍾情, 傾我至誠"!

今日冇出到街街, 因為落雨同埋好大霧! 呢幾日都唔太夠訓咁, 今晚要早Ｄ訓先得! 今日突然咳左兩聲喎, 不過放心, 我冇發燒! 我希望我個朋友o既外公可以快Ｄ好番啦!

有誰共嗚 --> "夜難靜, 問有誰共嗚?!"!

今日睇左幾集＜美麗人生＞, 真係睇完再睇都好好睇架O者! 我今日冇落到街, 因為唔係太想落街!

童年時 --> "... 這兩顆心, 有冇永遠相向?"!

今日睇左兩套戲, 不過都係翻睇架咋, 因為星期日冇電視睇嘛, 哈哈, 估唔到又會見到亞敬客串O既一幕, 真係幾攪笑架! 今日好眼訓呀, 不過又訓唔著喎, 都唔知係咪天氣太潮濕O既關係呢!

愛慕 --> "愛慕, 是愛慕, 愛慕, 叫我心痛苦"!

今日基本上冇咩特別, 都係睇日劇黎消磨時間啦! 收到個朋友仔電話, 哈哈! 多謝你先! 夜晚上網時, 我終於都發覺到一樣野, 就係有Ｄ野只要自己覺得問心無愧, 人地點諗點講你, 已經冇咩所謂喇! 因為我意識到人O既力量好有限! 時間更加有限! 我情願將我有O既時間放O係我關心同埋關心我O既人身上! 因為永遠都唔知道下一秒會係點! 或者大家會覺得我性格唔太好, 不過, 人生短短幾十年, 唔通仲要咁唔直接? 唔通仲要用時間O係一Ｄ冇結果O既事上面? 我覺得人生應該係開開心心, O係離開世界果一刻無悔就足夠喇! 我記得家駒講過: "人生唔在乎你得到什麼, 而係在乎你做過什麼!", 廿幾歲人, 係時候要向未來計劃一下, 唔再好似小朋友咁, 再去介意人地點睇自己! 自己睇得起自己, 就可以喇! 係咪?!

緣份 --> "你我相隔多麼遠, 那年那天可相見? 那處境可會改變?"!

今日食完 LUNCH 就出左街, 首先就去左尖沙咀, 因為亞敬今日開演唱會記招! 我要好多謝兩個人, 一個係"朋友仔"啦, 因為係佢話我知O既(我真係明白你O既處境, 希望早日唔洗再咁難做啦)! 亦要多謝一個Ｎ先生啦, 真係多謝你呀! 哈哈! 見到我係咪有少少覺得好攪笑呢? (咁我講第一句又係攪笑左少少O既!) 我估唔到你咁 CARE 我! 好難忘呀! 另外亦多謝亞敬同埋 佢助手啦, 我知你地明白我O既, 多謝哂! 之後我同家姐就去左行街街, 嘩! 買左好多野呀, 亦都收到好多禮物喎!(多謝家姐) 真係好開心呀! 夜晚食麥記, 好耐冇食過呀真係, 不過食完有少少候嚨痛添! 好累呀今日! 不過好多收穫! 好開心, 雖然當中都有少許無奈, 不過我開始明白到一Ｄ野! 或者"244"真係改變左我!

側面 --> "沉迷神情亂閃, 你所知的我其實是那面?"!

今日冇咩特別, 當然係勁睇日劇啦, 實在太好睇喇! 果然冇買錯呢套日劇呀! TOUKO 好可愛, YUJI 勁型勁正! 真係又感動又好睇! 夜晚做左一個決定, 明白到少少野, 其實人生真係充滿無奈O既, 係時候要長大! 其實又真係唔知點算好咁, 雖然明白, 不過真係好無奈, 我要努力保護自己唔好受傷害同埋唔開心! 因為我相信"愛就係力量" --> 愛ゾе③ザウブ!!!

放蕩 --> "這深宵火般燒交給我惡預兆", 我仲好記得呢首歌O既 MV!

今日好攪笑呀, 食完 LUNCH 之後 CHECK EMAIL 時, 再一次收到Ｎ先生O既 EMAIL 呀, 好多謝佢咁關心我呀, 我覺得好突然架, 因為識左唔係好耐, 但係又好似好明白我咁喎, 而且佢勁好人呀真係! 呢排發生O既事, 令到斯斯都大個女左! 起碼唔再好似唔知自己想點咁! 近排又開始對 BOXING 感興趣! クゆエわ!!!!!!

夜半歌聲 --> "我祈求星辰, 月兒來作證, 用盡一生, 也願意去等"!

今日冇落到街, 因為好想好想睇埋Ｄ碟呀, 真係好正呀! 嘻嘻, YUJI 終於知道佢最愛同埋最需要係邊個! 真係好 WARM 呢! 而且 TOUKO 講左一句好正O既話, 佢話"如果你唔鍾意我可以當我唔存在, 但係唔好做Ｄ野出黎令我討厭!", 嘩! YOGAADA RE! 之後開始睇另一套喇, 目前為止睇左一集, 都唔錯O既! 女主角就唔太靚, 不過男角們就勁正! 係時候搵下下一個目標係咩喇, 有好多套我都勁想睇同埋想 KEEP 架!!

無需要太多 --> "無需要太多, 只需要你一張溫柔面容"!

今日食完野之後就坐車去左將軍澳行街街, 嘩! 買左好多野, 不過都仲係買唔到熊貓口罩! 係就係見到, 不過冇得就咁買一個喎, 咁我又冇理由一次過買咁多個架, 所以唯有再搵搵啦! 之後返到屋企就梗係第一時間由頭洗到落腳啦, 之後就係睇碟喇, 未來幾日假期相信都會係咁樣渡過!!

DREAMING --> "CAUSE I'M DREAMING, DREAMING ...", 一諗起呢首歌就覺得好溫暖!

今日冇出到街街呀, 只係O係屋企勁睇碟! 終於都睇哂成套＜池袋西口公園＞, 結局有點感動, 攪到我差Ｄ嚎哭呀! 不過最最最結局時又好攪笑! 有少少唔捨得結局添! 好, 今晚又開始另一套! 雖然今日有一個少少問題發生左, 不過我真係"全然大丈夫", 唔想再提 LU, 諗起都有少少覺得好笑! 真係完全唔嬲, 因為自問無愧, 那不是"大丈夫"嘛?! クホパゆゆザエ! 大家都應該知我近排鍾意番 BOXING 架啦, 所以今日無意中見到呢張圖真係好開心, BOXING ゾ大好わ! 唔知你地相唔相信有因果架呢?! 我相信每人做過任何野佢自己都會為此而承擔後果! 呀, 大家有冇睇＜情深深雨濛濛呀＞? 依萍有一句野好正架! 究竟係邊句?!

左右手 --> "從那天起我不辦別前後, 從那天起我竟調亂左右 ..."!

今日都冇出到街呀, 不過就好開心嘩睇 VCD , 其實有時唔洗一定出街O既, 用多Ｄ時間同下家人一齊, 唔洗有咩特別野架, 可能只係靜靜咁坐O係度睇下電視, 呢種感覺都已經好好, 因為唔係必然架! 尋晚睇左＜愛我別走＞, 故事都有少少簡單, 不過又有一種莫明O既感動! 今日就睇左＜GO! 大暴走＞, 呢套唔錯喎, 其實睇呢套戲之前都冇諗過日韓O既關係, 亦都唔知道原來一Ｄ留O係日本O既韓國人係有呢種難處! 不過正如呢套戲O既主題: "名字究竟係咩呢?! ROSE 改左名, 但依然會好香!" <--- 來自莎士比亞O既《羅蜜歐與茱麗葉》, 其實都係架, 名字呢Ｄ網名黎O者! 只係一個代號, 我依然係我! 唔好再去分係咩種族, 其實大家都係地球人, 就行了!

滴汗 --> "滴汗是令我去思想 ...", 我記得"哥哥"出過一隻翻唱別人O既人O既碟, 呢首歌真係唱得好有味道!

今日勁睇 VCD, 嘩! 雖然好奇怪O既一件事, 不過又的確好感動, 睇到人性真實O既一面, 一邊睇一邊令我有少少驚, 但亦有少少感動! 最正係男主角對女主角講: "你唔好再對我講溫柔O既說話!" 當然係有原因先咁樣講啦! 我好明白佢O既心情, 好感動呀真係! 今日收到一封信, 開心O既, 不過有點 ...! 另外好奇怪呀, 今日勁想鬧人, 因為竟然有好多人打錯電話, 真係離哂譜!

怪你過份美麗 --> "怪我過份著迷 ..."!

今日冇出街啦梗係, 但係又冇睇 VCD 喎, 因為都睇完喇! 但睇戲又唔想朝早睇喎, 夜晚睇氣氛正好多嘛! 尋晚終於都睇左成套＜漂流教室＞喇, 嘩! 的確個結局令我有少少唔係太明白, 但係又真係幾感動喎! 如果未來O既世界真係變成咁樣, 你都咪話唔驚呀, 所以大家都要好好咁保護環境, 唔好用未來O既資源! 我一邊睇一邊諗, 呀, 會唔會有一日突然之間去左未來或者過去呢? 其實我真係好想去未來睇下, 睇下幾十年後O既世界係點O既, 起碼想睇下O係我已經唔存在O既世界、O既人究竟係點樣O既, 都唔係冇可能架! 世事無奇不有! 你點知呀! 或者下一秒就突然間會穿越時空呢?! 越諗越想去睇下添! 我最記得呢套劇O既中心思想, 就係要"今メ生わボ"(活在當下), 因為你唔知下一秒O既世界仲係咪會咁, 而且眼前O既一切都唔係必然架!!

路過蜻蜒 --> "哭我為了感動誰, 笑也為了碰著誰 ...", 其實係一首好有詩意o既歌!

尋晚我真係大頭蝦喇, 竟然唔記得左 CLOSE 個 ICQ 就閃左去睇電視喎, 之後無 LALA 點幾兩點時再去睇下, 咦, 點解閃下閃下O既, 咁樣先知道自己唔記得左 CLOSE 呀, 攪到有幾個朋友O既 MESSAGE 我都冇回到添! 呵呵, 由此証明我真係幾冇記性呢! 尋晚訓之前終於睇左＜異度空間＞, 真係幾恐佈喎, 不過一邊睇一邊好傷感! 夜晚返學呀要, 不過好攪笑, 因為早左兩個鐘頭出去, 因為同家姐行街街, 返完學之後又去左行左一陣同埋食野! 行到成十點幾先返到屋企呀, 好開心呀, 因為我同家姐都有收穫, 又有排睇 LU!!

眉來眼去 --> "是否真的有過, 一半分秒戀火 ...", 係一首好能夠表達到互相估估下果種感覺!

哎O也! 就係因為尋晚果Ｄ碟, 其中一套同人調亂左, 所以今日就約左家姐去換番佢同埋行街喇! 兩點幾出到去, 之後勁買呀, 好正呀, 今日我同家姐都有收穫! 行到六點令我就返左屋企喇, 因為要返去食飯, 家姐真係唔好意思喇! 不過好攪笑呀, 我地行左入一間手提電話店時, 剛剛就聽到果班人好開心好大聲咁話: xxxxxx 吳國敬喇! 笑死人呀真係!

大熱 --> "大熱在赤道重熱 ..."!

今日我冇落過街呀, 因為咁多碟睇, 真係唔得閒嘛, 今日睇左幾個鐘頭, 都只係睇左大約三隻碟咋! 真係要再努力Ｄ睇先, 不過真係好好睇呀, 原來"關西"口音真係爭少少架, 不過幾有趣!

拒絕再玩 --> "... 在某天已拒絕再玩 ..."! 知嘛?!

今日當然係勁睇碟啦! 終於睇完左＜ヮЧК先生＞喇! 嘩! 估唔到真係令我好感動呀, "我唔係只係要做老師, 係想做恩師!", 同埋"到而家我都仲未長大, 到我真係成長O既時候, 我會返黎搵你, 你要等我!", 呀, 正如 TSUYO 話齋, 而家O既小學生真係厲害呀, 時代真係唔同左 LU! 一邊睇結局一邊喊到我丫! 呢套幾好幾好! 之後就開始一套新架喇!!

打開信箱 --> "打開信箱, 內裡得一片迷茫 ..."!!

今日都係煲碟日! 嘩! 實在太好喇! 不過仲有一隻碟就睇完 LU 又! 唉, 真係快睇哂架O者! 下晝時同家姐傾左一陣電話, 原來大家都幾悶喎! 哈哈, 不過就黎又出動喇我地! 正!!

A THOUSAND DREAMS OF YOU --> "A THOUSAND, A MILLION, A ZILLION DREAMS OF YOU ..."! 唔知點解覺得呢首歌好捉唔住咁!

終於睇哂果套＜夢ソロэиルюЯヤ＞喇, 雖然故事係有少少悶, 不過個 POINT 好喎, 就係"世界係充滿愛O既", 而我好希望我可以做到似舊Зр⑦Ж(海綿)咁, 其實我都好希望身邊會有個人似海綿呢! 雖然完全冇愛情故事, 不過純友情都唔錯丫! 好! 等待著! 另外今日睇左套＜心跳回憶＞, 激死人喇, 原來係我好唔鍾意果個山口小姐做架! 激死人喇! 唉, 買左都唔知添! 以後買碟都要小心呀, 因為唔想再俾呢位山口小姐影響到我情緒! 五點令時, 睇左＜SMS 話點就點＞, 因為有亞敬做嘉賓, 睇完之後好安樂呀, 哈哈! 有少少想笑添(大頭敬!)! 突然間我發覺原來有Ｄ野有Ｄ人都唔係咁勁O者! 哈哈!!

無心睡眠 --> "WOOOO 無心睡眠, WOOOO 腦交戰 ..."! 唔好蝦我冇記性呀, 我識跳呢隻舞架!

今日算幾早起身呀, 因為約左家姐行街街! 首先去會合家姐, 再坐車去左灣仔, 食完野(好開心, 因為食我久遺了哈迪斯), 之後一路行到去銅鑼灣, 嘩! 真係好多野行呀, 我買左一支唇彩, 好靚好得意架! (家姐買左好多得意野!) 之後又坐車去左旺角喎, 買左碟啦, 食左好好味o既河粉! 好開心咁行到十點幾先返到屋企呀, 好累呀真係! 不過今日去左咁多多人地方, 洗唔洗自動隔離十日呢?! 有少少後悔冇買果支可樂添! 不過又真係貴左少少喎!

追 --> "有了你即使沉睡了也在笑"! 唔經唔覺"哥哥"離開左一個月喇! 呢一個月黎我都用左"哥哥"o既歌做日記o既結尾, 今日我用4月1日果首歌黎做一個終結! "哥哥"永遠都會留o既我地o既心裡面, "願"你安息!!