唉, 時間又黎到八月一日喇! 其實一諗到自己仲係咁, 真係情緒最低點! 尋日俾邦邦先生話完一論之後, 其實心情真係唔太好咁, 心情唔好唔係因為佢話我, 我知道佢係為我好O既! 我係因為我真係覺得佢講得 ARM , 同埋自己又覺無奈, 唉, 所以眼光光到今朝四點幾先訓得著! 今日我冇落到街呀, 因為要努力! 今日買左部 DVD 機呵, 平呀, 同埋勁呀, 可以聽 MP3 、 CDR 、 CDRW 等等, 就連隻 CDR 有 D MPG FILES 都可以播喎! 勁! 我覺得好新奇同埋好勁呀, 其實或者出左好耐我唔知啦!

小雪 --> 小齊舊歌, 可算係我最喜歡佢O既一首歌, "OH OH OH 我也感到迷惘"!

尋晚都訓得唔太好! 今朝八點幾醒左睇左一陣電視又訓過! 訓到十點令起身! 之後十二點到出門口 LU, 因為約左二家姐O係地鐵站等, 之後就過左灣仔喇! 食左哈迪斯(好味!), 再行左一陣就去會合埋 CATCAT 一齊去書展! 嘩! 排左都一陣先入到會場! 我只能夠離遠眺望梁芷珊姐姐!(嗚嗚, 我哭!) 今年書展唔知仲咩好多人, 好似行年宵咁! 仲要參展書商少左好多! 我一如以往都係專攻張小嫻姐姐, 同埋芷珊姐姐O既書! 今年小嫻姐姐Ｄ書冇書簽送(我再哭!), 而芷珊姐姐Ｄ書一樣好平, 不過今年我都算唔好運, 因為又冇得簽名, 又冇得蓋印(我再再哭!) 但好彩芷珊姐姐Ｄ書都仲有書簽送! 之後買過三本過期雜誌, 不過最慘O既係我一心諗住去買過期 WINK-UP, 但今年冇呵(我再再再哭!) 就連寫真集都冇新O既, 都仲係賣ING上年書展我買果本! 唉 ...! 日劇 VCD 又有齊哂! 日劇 POSTER 又唔值咁貴喎! 所以書展都其實唔算盡興! 我愛人Ｄ野 ... 今年冇! (我再 X無限次 哭!)! 好似行到七點幾我同二家姐就去先! 之後去左行銅鑼灣, 同埋食麥當當, 嘻嘻, 我終於好鈍咁知道麥當當有雙層芝士漢堡餐! 上次唔係邦邦先生講我都唔知有(我真失敗!)! 去行吉之島時, 我買到隻熊貓公仔呀! 好開心! 行下行下, 都行到十一點幾先坐地鐵走, 仲傾左好多攪笑野添! 十二點先返到屋企, 好累呵! 下係我今日O既戰利品!




ARIGATOU --> 要向 CATCAT 講聲謝謝, 因為佢送左好多野俾我呵! 嘻嘻!

今日有少少作傷風咁, 好驚! 之後睇左幾集＜女婿大人 2003＞, 好感人呀, 真係好感人!

有幾壞 --> 夜晚睇港姐, OH, 質素 ... 真要唱一句: 有幾壞, 其實仲點會壞得過 ...!

今日去左飲茶! 行左一陣啦, 不過都係睇唔 ARM 電腦"木台", 要再搵下先! 樓上個姨姨落左黎傾左一陣計! 睇多一集＜女婿大人 2003＞, 好感人呀, 真係 ... 哭!

大開眼界 --> 終於睇到 GACKT 新一輯纖體 CM, 好正呵!

今日有少許咳咁! 不迥我仲食薯片、雪糕添! 今日天氣好熱呵! 不過我今日先知 ... 呢隻雪糕叫 ... 雪糕蛋糕! 明明唔係蛋糕黎架喎! 係咪真架?! 今日聽返好多廣播劇! 好好笑!

天堂 --> 係庾澄慶(哈林)O既新碟歌曲! 好感人呀, 呢首歌我相信係哈林嫂所寫O既"生死遺言"裡面O既延續, 令我有想哭O既衝動!

今朝起身個背好痛呵! 嗚嗚! 今日聽返好多廣播劇呵, 好好笑, 好似＜街車王＞(笑死人呀!)

還想你 --> "那段情我放不低, 那段情我不願計, 那段情我不想提, 我們已各散東西! 那人已另結新歡, 替代我做那一半, 我是誰他也不管, 再不管但仍舊每晚記掛到夜半!" 唉!

今日去左飲茶, 之後去左睇電腦"木台", 唉, 睇唔 ARM 添! 之後做左都幾多野架! 我發覺我越黎越多! 同埋我好開心, 我終於都睇到 CIRQUE DU SOLEIL O既 ALEGRIA 喇! 真係精彩呀! 好感動! 尋日皇馬黎左香港呀, 今日所有報紙呀, 新聞呀, 都係講皇馬! 眼見球迷們O既瘋狂表現, 雖然會笑佢地仲咩咁瘋狂! 不過我再諗一諗, 如果果個係我愛人, 我諗 ... 我都好有可能好似佢地咁!

做不到 --> 好多朋友都話千其唔好再咁樣落去, 但係我發覺見唔到佢我會不安, 但係點解我會由一個典型O既天蠍女生, 變成非典天蠍架! 我理應該好憎佢先係!

今日冇出街呀, 因為有少少唔多舒服同埋天氣太熱喇! 聽左上次亞敬(組 BAND 時間)同埋 SAMMI(芝SEE菇BI FAMILY), 之後, 好攪笑呀覺得! 原來鬥講"肥"字或者"黑"字頭O既野, 都好好笑! 笑死我呀真係! 夜晚梗係睇波啦! 皇馬喎! 好精彩呀真係, 皇馬以 4:2 勝, 真係好精彩! 夜晚十點半無 LALA 落好鬼大雨喎!

忘記傷害 --> "才知道我是好友永沒權利去傷感 ... 忘記受過傷害 ..."!

今日去左行將軍澳, 不過冇咩買到野! 但係我把熊貓扇仔好似爛爛地咁(嗚嗚)! 都冇咩特別啦! 不過好攪笑, 見到有人O係將軍澳新都城玩室內攀石! 今日睇左一集＜女婿大人 2003＞, 好攪笑, 我愛人同佢兄弟無 LALA 客串喎! 笑死人!

無力去愛誰 --> 真係 ... 唔知講咩好!

今日冇出街呀, 因為天氣熱再加埋要執房呀! 終於用左幾個鐘頭執返好間房, 主力係執下個書櫃! 書展Ｄ書終於可以入櫃喇! 睇左幾集＜男女字典＞, 都幾好睇喎原來!

我好想他 --> 不過無用丫!

今日本來冇咩特別架! 仲同左二家姐同埋小唯傾電話! 點知傾完電話時, 就大件事喇! 我部機 ... 自己 BOOT 機呀! 好驚呀!

我怕 --> 嗚嗚!

因為尋晚部電腦出事, 攪到我成凌晨三點幾先入房訓, 仲要訓唔著! 今朝一早就起身, 因為我親愛O既表弟黎我屋企, 幫我整機! 之後我地O既計劃就係我拆個 HARD DISK 去佢屋企慢慢整! 點知出師不利! 我地果頭出門口, 果頭即果 LIFT! 真係睬呀! 咁大個女第一次困 LIFT 咋! 好彩架 LIFT 有燈有抽氣咋! 同埋好彩有表弟陪我咋! 如果唔係嚇死我呀! 都大大話話果左成四五個字架! 真係激死! 好不容易入到去屯門我表弟屋企! 先前諗住好快攪掂! 點知咩都未開始時, 我表弟部機隻火牛燒左! 唉, 今日真係 KING OF THE BLACK 呀! 唯有等佢攪掂哂Ｄ野去買返隻牛返黎先開始得! 所以我就O係屯門訓左一晚(去左一次 CAMP 咁)! 不過呢隻野真係幾 CAKE 手! 整到凌晨兩點幾, 大家都頂唔順, 要訓!

我估不到 --> 雖然咁大件事! 但係我真係估唔到佢會打俾我架!

今朝我同表弟大約十點令起身, 呢一刻我地仲唔知係中左果隻毒架! 不過就O係我地好絕望時! 我媽咪打俾我, 新聞有講呢隻毒, 原來係叫做 WS.BLASTER, 唉! 真係黑仔! 真係好快就 DOWNLOAD 到個程式攪掂"佢"喇! 不過都太遲啦! 我損失左我Ｄ BOOKMARK! 不過都算好彩架喇! 攪到成下晝三點先去食今日第一餐! 食完野之後我就坐車返屋企 LU! 仲買左幾對靚襪添! 五點半到返到屋企, 不過講真, 真係好驚坐 LIFT ! 返到黎仲要裝返我Ｄ野! 仲要打去 I-CABLE 攪返個寬頻! 但係好怪, 我又安唔返個日文 IME ! 激死人喇!!!

偏頭痛 --> 唔知係咪偏頭痛呢, 定係唔夠訓! 頸又痛、頭又痛!

今日都冇咩特別事發生! 係夜晚時同朋友傾下 ICQ 咁!

飛女正傳 --> 呢首歌幾好聽, 如果唔係佢唱的話!

今日好熱呀真係! 不過就落過去飲茶啦, 之後行左一陣咁啦! 夜晚整左一張熊貓圖呀, 好靚! YEAH!!

後遺症 --> 我而家患上左困 LIFT 後遺症, 我完全唔敢一個人坐 LIFT, 點算!

今日朝早睇左 MOTOKARE 3 ! 正正正! 之後上左一陣網啦, 之後就出門口喇, 因為約左家姐去報日文! 點知佢好早去到! 攪到佢要等我好耐添! 最衰冇車啦(唉!)! 之後去左報名, 點知想報果班 FULL 左! 要報星期一果班, 希望都係果個傻傻地O既亞 SIR 教啦! 因為佢教得生動同埋起碼令我地有興趣去問去講! 不過真係要開學先知係咪佢教! 之後走左去行尖沙咀果頭, 睇日本雜誌嘛! 不過好鬼死貴喎! 真係唔太捨得買! 睇睇下收到"佢"個電話! 傾左一陣啦, 都係問完野就話收線啦, 真衰! 傾多句都得掛! 不過算啦, 基本上收到佢電話我都開心O既! 之後走左去行玩具反斗城喎! 不過而家玩具反斗城都唔好玩O既, 以前去真係好多野好玩架嘛, 而家Ｄ玩具全部都好機動化! 少左好多果Ｄ BOARD GAME 同埋真係要用下腦果Ｄ! 所以都睇左好少時間, 就去左隔離間哈迪斯食晚餐! 炸雞翼好味! 食完野本來 PLAN 左坐船過海架, 不過食完野都成八點幾, 因為對面海Ｄ百貨公司好衰架, 收十點O既, 所以就坐車去左旺角行下! 車上面發生左一件趣事, 因為家姐拎左佢部電話我睇相喎! 咁一邊睇一邊傾下Ｄ相咁啦, 同時間坐我地隔離果位哥哥仔又係用佢部攜帶又係睇緊佢自己Ｄ相! 咁睇睇下我就問家姐, 點解唔同某人影張相放入機! 之後家姐就講話"唔好喇掛!"(因為家姐見唔到果位哥哥仔都係睇緊佢自己部機Ｄ相!), 點知家姐講完呢句, 我見到呢位哥哥仔好嬲咁收返埋個攜帶, "JIP"左一聲, 之後我再諗返! 我 ... 我好似見到佢個攜帶係有張合照! 呢一刻我同家姐先知佢仲咩咁嬲! 之後到左旺角喇! 行左好多地方啦, 本來又想去睇下有咩日劇睇, 點知冇開到喎! 想買雜誌, 但又好貴! 快Ｄ減價啦希望! 所以我今日係冇收穫冇戰利品架! 本來見到把熊貓扇仔架, 不過隻熊貓又唔係太可愛, 所以冇買到! 又本來睇中左兩張 POSTER 架! 不過取衰爛爛地, 所以冇買! 大約十一點幾先返到屋企, 今日好累呢!

我怕 --> 夜晚無 LALA 勁行雷閃電同落雨! 真係好驚驚呀! 嗚嗚!

今日絕對冇出到街街, 因為好累呀對腳! 所以今日都係煲碟, 都係我愛人Ｄ碟(YEAH!!)! 夜晚食好味上海粗炒! YEAH! 好味! 我鍾意食果Ｄ椰菜! 日日食、餐餐食都好!

飛女正傳 --> "世界將我包圍, ..."!

今日本來冇 PLAN 到出街架, 但之後媽咪話去買野喎, 所以就去深水"步"喇! 咁出開去就便去埋旺角買野啦! 買 CDR 有 MARKER 送喎! 幾好呀! 坐車出去時收到個電話, 仲諗住去見工添, 點知又話要等添! 睇黎要自我增值一下先! 聽日開始學下 DREAMWAVER 先! 返到屋企好累呵!

青蛙王子 --> 係路家敏O既舊歌喎, 今日聽返好多首, 好似成日返番去細個果陣咁! 呀, 唔知我O既"青蛙王子"幾時出現呢?!

今日落左去飲茶! 之後行左一陣, 不過唔知點解好累呀, 所以我租完碟就返屋企喇! (唔通作病?! 唔好掛!)! 突然間好想食生日蛋糕添! 仲咩鬼咁架呢?!

身體健康 --> 希望小唯你冇事啦! 其實咩都唔及身體健康重要呢!

今日同樓上個姨姨去左飲茶! 之後都冇去行到喇! 返到屋企都係上下網咁啦, 不過突然間個頭好痛, 都唔知點解, 或者凍親?? 所以就入左房! 夜晚都係食我最愛食O既上海粗炒, 椰菜真係好味呵! 聽聞對胃有益架! 真係好!!

小小的宇宙 --> 今日聽返好多首兒歌, 諗返起好多細個O既片段! 之後仲要睇電視見到秋怡姐姐個ＢＢ, 好可愛呢!

今日冇出去呵, 因為好似唔多舒服咁, 同埋又落大雨喎! 今日冇咩講野添(無口?!)

第一次 --> 我今日第一次用日文 IME 打左個 MESSAGE 俾一個俳優呵! 唔知佢睇唔睇得明呢?!

頭痛依然在! 今日於睇哂＜女婿大人２００３＞喇! 好感動呢! 都唔知點解個個都話唔好睇, 幾好睇呵! 今日蒙幾廿暈呀! 首先係同亞 NUT 妹妹講開酒井法子一套日劇, 只記得叫做"等你說愛我"喎, 勁搵都搵唔到, 如是者搵左成粒鐘, 先突然記得應該係叫"星之金貨", 激Ｃ人呵! 夜晚上網, 好擔心小唯添, 希望佢快Ｄ冇事啦! 今日上網最勁係, 睇到"咒怨2"個預告! 嚇Ｃ我呵!!

點解點解 --> 點解部機咁邪O既, 以前 NOTEPAD 可以打到日文架嘛, 家下打到 SAVE 唔到喎! 攪到我日記唔可以打到日文添! 但邪就邪在 ... 睇返之前Ｄ日記又睇到Ｄ日文字喎! 但係而家打果Ｄ又 SAVE 唔到!!

今日我冇出街呵, 因為唔想出! 所以O係屋企執下野、睇下電視同埋日劇咁! 夜晚睇港姐, 不過 ... 好悶! 表演嘉賓只係小春有Ｄ睇頭! 今日明珠台又做 SPHERE 喇! 每次睇返呢套戲真係又會諗起當然同我一齊睇呢套戲果個人! (我唔見哂以前Ｄ EMAILS 呵! 慘)

她比我醜 --> 好鍾意Ｄ歌詞!!

今日打三號風呵! 對面個棚又"LUM"左喇, 仲要成塊咁"LUM"左! 冇出到街呵, 因為不停咁落大雨! 同埋打風嘛! 今日睇左＜有怪莫怪的世界＞、＜奪鏢＞, 好攪笑呀真係, 不過最想睇O既係＜十九樓半的夏天＞, 不過斷哂貨呢!

TEKO'S THEME --> 係呢排我勁愛O既一首歌, 好好聽架!

今日去左飲茶呵! 蓮蓉包包真係好好味架o者! 今日認識左一位上海姑娘, 傾左一日! 真係好開心架, 因為都係第一次認識上海姑娘! 傾得好開心下架, 傾到成凌晨兩點, 要多謝佢俾左好多正正 FILES 我! 不過唔知點解佢個 ICQ 成日都斷線, (因為佢第一次玩 ICQ 嘛! 我今日又係我第一次玩 MSN 喎!)! 尋晚發左個怪夢(請按 QOO 仔!)! 係呀, 今朝行左一個雷, 之後部電腦自己 BOOT 機喎

假如愛有天意 --> 咁點解個天見我唔到?!

今日無落到街呀, 太悶喇, 條腰又有少少痛(唔知點解!) 今日睇左套＜幽靈人間 1＞, 嘩! 好得人驚呵, 今晚睇埋＜幽靈人間 2＞先! 不過真係幾好睇, 質素都幾高咁!

SHAKE SHAKE --> 突然好鍾意呢首歌個節奏!

終於都解決到 NOTEPAD 打唔到日文呢個問題喇! 不過好慘呵, 下載左個 AIKO O既 ZIP, 但係 UNZIP 唔到O既, 或者因為佢Ｄ FILE NAME 係日文O既關係啦, 唯有繼續努力! 今日本來落街買野O既, 不過的確條腰有少少痛, 所以我冇落到!!

打妖王 --> 拎返呢首歌出黎聽喎, 好好笑!

今日竟然訓到十二點幾先醒, 呢幾晚都訓得唔係咁好咁, 好似作病咁, 但又冇事喎! 落左去飲茶同埋行左一陣! 好慘呵, 呢兩日日劇都冇進步到, 可能係個 SERVER DOWN 左! 就連討論區都入唔到! 係呵, 尋晚睇左＜幽靈人間 2＞, 都幾好睇喎又, 不過幾得人驚! 而今日就睇＜死神又來了＞, 嘩! 更好睇!

IS IT YOU --> "DOUSHIDE。。。", 呢首歌好聽呵, 不過真係估唔到係廣末涼子唱架喎!

今日條腰都仲係有少少累同痛, 唔知仲咩呢! 本來出街街架, 但都係冇出到, 所以我就一個人o係屋企暴走下咁啦! 今日日劇果個 SERVER 都仲係去唔到, 究竟點解呢? 唔會係以後都冇掛(汗)!

別在下雨天偷偷的哭泣 --> 單睇個歌名都知係一首感動之作!

今日都冇出到街呀, 本來約出去食晚飯架, 不過的確諗唔到食咩好, 所以冇去到! 今日好失敗呵, 因為一時錯手, 噤錯制, 攪到 SEND 左成個下晝O既 FILE REPLACE 左! 真係辛苦哂傳俾我O既 TSUTSU 了!!

悶 --> 生活真的有點悶, 可以怎辨?!

今日本來想去將軍澳行街街架, 不過實在唔想去, 所以我一個人O係屋企睇下日劇咁喇! 尋晚真係發惡夢呢, 不過看來我都係太在乎一個人!

對你太在乎 --> 令我想起這首歌!