今日都係新o既一年! 恭喜發財, 我希望今年搵到好工同埋開開心心幸幸福福就得架喇! 我都要用日文祝大家一句: れんネウサれバザシよィゥゆネエ! 來年パプボウアれ願ゆウネエ!!! 今日我表弟同埋我亞姨黎左我度拜年呀, 諗諗下都好耐冇咁多人咁開心咁一齊食飯 LU!

就是這樣 --> 我 ... 就是這樣!

今日都訓得好好呀, 可能太累O既關係啦, 之後就去左行左一陣街, 再入左屯門(我亞姨度), 哈哈, 仲食左個麥當勞餐添! 好好味呀, 之後都係同我兩個表妹同表弟玩同埋傾計啦! 夜晚我契媽都黎左一齊食飯添, 傾左好耐計, 我又同我表弟傾左好耐計啦, 咩都傾下咁啦, 因為可能平時冇咩機會坐O係度係咁傾係咁傾啦, 所以都好攪笑, 咩都傾一餐! 十一點令返到屋企!

絕不能失去你 --> 最正O既一句歌詞係: 就算全世界都要把你否定, 也不能讓我放棄你! 斯斯都有絕不能失去O既"你"! 你知道嘛? 你是最好的!

今日係年初三呀, 其實都冇咩特別事發生, 係去行左一陣街街, 仲買左一支好正O既洗面膏同埋面膜添, 真係好正, 好好用呀!

你是最好的 --> 你是最好的, 你知道嘛?! 呢首歌好正! "你是最好的~~~~", 我祝大家羊年你是最好的!

今日邊度都冇去到呀, 好平凡咁過左一日!

MY WISH --> 今年願望有好多, 其實最重要O既係身體健康! 有錢都買唔到!

今日食完野之後就落左去行左一陣同埋買野O既! 今日好開心呀, 因為收到日本朋友O既信, 仲有一盒錄影帶! 真係正(未睇都知正!)! 不過今日好慘架都, 因為屋企條電話線有問題, 攪到打唔入打唔出同埋上唔到網! 有少少悶啦! 不過好彩聽朝會好番!

桃 --> HEEE! 好鍾意食桃, 因為桃似 PATPAT ! HAHAHAHA, 呢句歌詞好好笑!

今日起左身之後就去左將軍澳同舅父舅母同埋亞姨表妹地飲茶! 仲好攪笑咁撞到樓上個姨姨添! 飲完茶之後行到大約五點半就坐地鐵喇! 佢地就返屋企, 但係我就返學, 今日都唔算多人返學喎, 我問坐我前面果位同學借番上一堂Ｄ NOTES 黎抄, 原來亞 SIR 話因為上一堂仲少人返, 所以冇咩教新野, 只係教左少少咋! 而今堂都唔算教得多野, 不過對我黎講都算幾深架喇! 我要再努力Ｄ先得喇! 放學行去車站途中, 見到有張 POSTER 喎, 不過我冇撕落黎呀! 或者... 哈哈!

突然想起你 --> 今日行行下時突然間諗起"你"喎, 下星期O既畢業禮我去唔到, 希望你會開開心心!

今日食完野之後就落左去行街街同埋去左玩, 真係好攪笑呀, 因為原來唔係細路仔多架, 係大人多過細路仔O既, 不過我都係同表妹們玩左一陣就走喇, 因為大人實在太多! 今日收穫係一隻大大熊貓同埋細熊貓仔! 真係正呀! 好開心呀!

最熟悉的陌生人 --> 好能夠講出我地O既友誼, 好似好熟悉但又好陌生!

今日完全冇落過街街呀, 因為一早就落大雨! 不過一Ｄ都唔悶, 因為有兩個表妹陪我玩嘛!

你讓我感動 --> 好耐都冇試過睇戲睇到想喊, 但今晚o既＜流星花園 2＞做得到! 謝謝!

今日食完野入左將軍澳行街街, 同我兩個表妹同埋表弟去左冒險樂園玩呀, 真係人好多呀! 之後佢地走先啦, 我就一個人行左一陣街, 買左少少野咁啦! 天氣都有少少熱咁喎!

我不難過 --> 好好聽呀!

今朝應該係我咁大個女第二早起身O既日子! 早五點半就起身喇! 因為要去睇牙醫喎, 而果度幾有名同埋好平O既! 七點令就到左果間牙科醫院喇, 不過就遇到一個好唔講理由O既印巴人士! 不過就好好彩咁拎到睇上晝, 不過足足等到成十二點幾先至走得! 我出左四隻智慧牙(其實甘年都知道架喇!), 不過今日就照左 X-RAY , 約左下星期再去見醫生! 不過果間牙科醫院O既詣問處O既人, 非常之"好"禮貌呀, 真係令你不禁想去"讚"下佢呀! 不過醫科學生同埋其他人就好好, 好 NICE! 睇完之後就飲完茶就返左屋企附近行左一陣! 就返屋企執房喇!

夢是什麼 --> 夢係咩黎架呢?! 夢其實就係一個現實O既投射, 亦係一樣好奢侈O既野!

今日冇出街呀, 都係O係屋企上下網, 仲有就係睇左果套＜我家有隻河東獅＞, 都幾好笑架喎! 亦都幾感人咁啦! 夜晚天氣凍左好多好多咁, 不過我鍾意呀!

SOLITUDE --> 呢首歌梗係正啦, 歌詞感人之餘, MV 亦勁正, 令我好感動, 亦好開心! ギソウザエゼ!!

今日都冇出街呀, 因為太累喇, 我尋晚足足用左兩個幾鐘先將我一直懶而未 FILE O既相片 FILE 番佢! 果然到夜晚發夢真係夢到佢地喎! (TSUYOSHI 同埋 KOICHI 呀), 個夢仲好攪笑架添! 今日睇左＜乾柴烈火＞, 如果唔係有古天樂, 我諗我唔會睇! 笑係幾好笑, 不過幾煩!

英雄 --> 我心中O既英雄, 就係每日都面對自己一切, 同埋樂於去面對O既人!

今朝出左去角同我亞姨同埋兩個表妹飲茶同埋行街街! 買左好多野呀, 不過冇樣係我o既, 大多數係我表妹仔O既! 之後去左食麥當勞喎, 好開心呀, 因為出番我最愛O既菠蘿批, 仲係可以買指定餐送添! 不過就冇哂摺摺果Ｄ野玩! 夜晚要返日文, 不過好出奇地要 MID-TERM 喎, 亞 SIR 都冇話係今堂, 不過都算幾好咁啦, 難就難O既, 但都有八十幾分! 算係咁喇掛! BY THE WAY, 今日睇到一張講智慧牙手術O既單張, 好驚恐呀我而家! 希望我整果陣唔會咁得人驚啦! 返學前去左買左一個好得意O既熊貓毛巾架呀! 好鍾意! 不過放學返到屋企就聽到一個消息, 令我好激氣! 同埋好唔開心! 真係點解個夢仲要發落去, 明知係唔好仲要返轉頭?!

你有自己一套 --> 所以我唔明白你點解仲要諗返番去, 亦唔可能認同你! 呢個夢真係應該醒!!!

今日算早起身(對我黎講!), 之後去左飲茶, 人好多呀, 不過過左年就加左價呢! 之後行左一陣啦! 其實真係幾悶架, 冇計啦, 搵食真係好難, 搵工仲難(唉 ...)! 睇左一個有關熊貓o既節目喎, 唉, 就黎絕種喇(真可憐!), 最衰唔可以養熊貓啦, 如果唔係我真係好想養番一隻呀! 因為真係勁可愛(ロ③ユユ), 不過得個"諗"字!

好心分手 --> "好心一早放開我, 從頭努力也坎坷, 通通不要好過, 來年歲月那麼多, 為繼續而繼續, 沒有好處還是我, 若註定有一點苦楚, 不如自己親手割破"!, 冇左"佢"唔洗死架!

今日一早入左屯門, 同我亞姨地同埋契媽地飲茶! 飲完茶之後就同左我大表妹同埋契妹去行左一陣街街, 之後又去左我契妹屋企一陣, 再返番我亞姨屋企食飯同埋上網 DL 野, 亦係因為要 DL 野, 所以我就O係我亞姨度訓左一晚喇! 因為我O係屋企用 56K DL 真係一定發癲! 所以真係好努力咁 DL !

實不相暪 --> 其實我覺得你 ... ... 簡單事情覆雜化!

今朝九點起左身, 之後就上左一陣網(都係 DL 野!), 落左去食野啦, 食完野都係返左去 DL 野! (不過原來我勁 DL 都只係 DL 左大約五十個視象檔案), 不過已經好快架喇! 因為我O係屋企 DL 一定唔得(因為 56K 真係差天共地!), 好開心呀, 因為睇到好多我好想要O既野! 正! 正! 正!!! 夜晚大約十點返到屋企喇! 好累呀真係!

口不對心 --> 女人係天生口不對心O既, 不過我覺得係時候要選擇 ARM O既方向, 起碼要日日開心, 唔洗受人氣嘛!

今日好眼訓, 係就係落過街街, 不過買唔到野! 返到屋企好想訓, 不過而家訓左咪夜晚唔洗訓? 另外希望我兩個表妹快Ｄ搵到學校啦!

LAST YEAR'S TROUBLES --> 上年O既煩野, 冇哂 LU!

今日落左去租左一隻碟! 今日天氣真係唔太好咁, 因為令人硬係想訓覺咁! 睇左一套叫做＜RUN AWAY BRIDE＞都好得意架喎, 不過男主角就成熟左少少!

單身女子 --> 有一句係: 然後該放開都放開! 其實我好有同感! 或者我要再學習過咩係 LET GO 啦, 但冇變O既係我想我身邊每個人都開開心心, 唔想難為任何人!

今日冇行街街呀, 不過三點幾就出左門口, 因為要去上環果頭睇牙醫! 等左成半個鐘先到我, 結果係 ... ... 四隻智慧牙都要 MOCK, 其中兩隻仲要入院 MOCK 添! 其實又真係有少少驚, 因為話到要入院就驚! 真係好驚添! 雖然醫生話其實好小事, 係一個小手術, 嘩! 講到手術仲驚! 不過都要做架喇, 因唔 MOCK 左佢會後果好大架! 所以驚都要架啦, 鬼叫自己出智慧牙咩!

我怕 --> 真係好驚呀, 點算?!

今日同左父母O既兩個舊朋友去飲茶! 飲完茶之後返左我屋企坐下傾下計咁! 之後就同我父母一齊去左尖沙咀, 我就返學, 佢地就同朋友食飯! 學左好多野呀今堂, 真係好想快Ｄ學叻Ｄ!

守株待兔 --> 呢首歌好鬼正呀, 好新鮮!

今日食完野之後就去左深水"步"呀, 買左好多野呀! 之後就係好努力咁 PRINT 野同埋搵工, 不過仲未有好結果! 近日發覺我睇野好唔太清楚咁, 唔知係太累定係有近視呢! 尋晚發左個好真實, 諗落又好慘, 但又好攪笑O既夢呀! 不過我唔想寫出黎, 不過令我諗起好多時人係好怪O既, 明明得到左, 又會覺得因為出發點唔好, 而想分開一陣再次開始過! 真奇怪! 不過內容都係其次, 最重要係夢入面O既主角係邊位O者!

街(ネグ) --> 呢首歌正正講出左我內心O既感受, 有時會感到到迷失 ...!

今日去左將軍澳飲茶, 之後去左開電話喎, (HEEE! 過幾日大家就會收到我俾大家O既新手提電話! 好朋友先有架咋!) 之後就去左旺角, 因為約左我個好朋友 CATCAT 去行街街, 不過真係好唔好意思, 因為特別原因而導致我破左自己O既完美紀錄, 因為不嬲都唔會遲到, 但今日遲左! 差唔多成個旺角都行過喇! 我今日O既戰利品係: 正直心度節目 VCD、賭神之神 VCD、 幻海奇情 VCDS、TSUYO SOLO CONCERT VCD、雜誌、SAMMI 貼紙、熊貓仔掛袋 ... ...! 嘩! 勁呀, 好開心呀, 不過都有好失望O既, 因為我發覺某間 CD 店寫O既野真係令人混亂架, 攪到我以為有果張 POSTER , 點知果個人寫到詞不達意, 真係, 唉 ... ...! 突然間好想快Ｄ到書展呀!

難道你都記不起 --> 回想起當初O既我幾好, 唔洗點煩, 或者你都忘記左以前我地有幾好朋友! 或者距離對我地幾個都會好Ｄ!

今日冇落過街, 因為天氣令我總係好眼訓咁! 或者年紀開始大 LU !!

不如睡一睡 --> 真係好想唱呢首歌!

今日冇落過街, 因為對眼有少少花咁! 尋晚睇左果隻"正直心度"呀, 好正啦梗係! 原來佢都講到幾句國語架喎! 不過我到而家都好佩服徐若瑄! 真架!

眼淚心裡流 --> 新版另有一番風味!

今日都冇落過街, 但係睇左三套戲, 真係未試過煲 VCD 呀! 夜晚睇到話原來亞敬尋日有活動! 不過我完全唔知道呀, 其實而家我可以O係個心度支持佢都足夠, 因為我知道亞敬會明白! 其實諗諗下都好耐冇出過 FUNCTION 喇! 或者我應該享受呢種孤立掛!

好男不與女鬥 --> 突然間諗起呢句, 但我真係希望大家都開心!

今日落左去飲茶, 之後行左一陣啦, 見到一 SET 熊貓印仔喎, 不過冇買, 因為太貴喇! 之後無 LALA 買左樣野, 但係送左一隻好攪笑O既羊咩公仔! 之後睇左一套戲(變臉迷情), 結局令我嚇親! 又睇左一篇關心妍O既訪問, 原來佢都係一個幾直O既人!

稍息立正站好 --> 我諗, 我而家係處於"稍息"階段, 但係好想快Ｄ"站好"!

今日冇上過網呀, 因為可能用電腦太多, 對眼好累呀! 夜晚就係 SCHOOL NIGHT, 原來話咁快就教完左第一冊書喇喎, 睇黎我真係要多Ｄ練習下先得喇! 放學返到屋企, 仲幫左個手機"裝修"添, 因為想換個新形象嘛!

我的驕傲 --> 呢首歌好好聽! 不過硬係令我諗起樓盤!

今日算早起身呀, (其實都幾悶同埋幾浪費時間)! 不過都係好眼訓! (唔通又有渴睡症?)! 落過去買西餅食! 好好味呀!

踩親你(箭版) --> 有一句係"踩親你我不知道 ...", 其實正好講到我呢個人! 因為有時我真係真心咁講, 但聽果個未必係咁聽! 所以我真係會唔知道! RELAX !