今日係七一回歸日, 亦都有大型遊行日子! 當然, 我都冇去到, 係邊度都冇去到, 因為太熱喇, 同埋點樣遊行我都覺得冇咩用咁! 不過今日好開心, 因為又可以同亞 NUT 妹妹傾計啦, 佢令我感動呢! 所以同佢傾計好開心!

錯種 --> 亞龍大呀! 我最鍾意佢地O既一首歌! 真係 NUMBER ONE!

今朝起身時, 媽咪已經整左個蛋糕喇喎, 好好味! 本來諗住去飲下午茶架, 點知真係好足夠, 所以冇去到飲茶! 之後都係上下網, 都冇咩特別, 不過就俾"亞 NUT 妹妹"笑死我, 因為我地呢幾日都好忙於做一樣野(郭記最憎O既), 今日仲好笑, 因為我答親佢都係"得呀!"、"唔得喎"、"死 LINK 呀"等等之類! 真係好攪笑! 另外呢, 都好多謝"邦邦", 因為佢講野O既方式令我比之前感覺好! 真係太好!

心ズ夢メ君ズゾ愛メ --> 睇左呢首歌個 PV, 好緊張呀, 亦都係"永遠ソ BLOODS"(PV)O既續集! 掂!

今日有落街喇終於, 因為落左去飲茶同埋買野, 仲食左蝦餃添! 之後去左行書局, 原來張小嫻有新書喎, 仲好多好吸引咁, 睇黎月尾個書展要掃掃掃先掂(因為上年書展太失敗, 帶唔夠錢, 今年一定唔會)! 我要買我愛人Ｄ野, 又要買張小嫻、梁芷珊, 同埋我見到有一系列O既書幾有趣咁, 叫做"麻煩妹", 出左好多本架, 等我去書展睇下有冇平先! 因為好似幾好睇咁!

做好準備 --> 我好想要呢首歌, 有冇人幫幫我? 係 SAMMI 舊國語歌! (哭泣ING)!

今日實在太 LUCKY 喇, 因為我竟然搵到三套日劇, 係三套呀, 真係又開心又興奮(用寬頻真好!) 希望一切順利, 千其唔好 DEL 住呀! 我開始好羨幕亞 NUT 妹妹, 因為佢O既 OPPA 好多東東可以下載, 但係我就 ...!

我們一直在戀愛 --> 雖然 TSUYO 你唔識我, 但或許未來會有咁O既一日!

今日實在太好訓喇! 竟然訓到兩點喎! 之後我亞姨話有張陳慧嫻演唱會飛, 但好可惜冇人陪我睇添, 所以我冇去到! 所以之後就去左將軍澳行街街同埋食野, 之後接到我表弟女朋友O既電話! 實在太意外喇! 六點令返到屋企, 我親愛O既表弟就打電話黎喇! 其他都冇咩特別喇!

明日有明天 --> 明天會更好丫嘛!!

今朝起身又有媽咪蛋糕食喎! 真係好! 今日當然都離唔開睇 VCD 啦, 我今日睇左＜向左愛向右愛＞, 呢套戲O既前半唔太好睇, 不過後半就好感人喎, 我不禁流左幾滴眼淚! 之後睇左我愛人O既 SOLO CONCERT(紅與藍), 嘩! 直情勁正呀! 我真係估唔到佢可以咁正! 有想喊O既衝動! 夜晚同亞姨地去左將軍澳"打冷", 之後就行左一陣街街, 買左少少野啦! 不過走果陣坐 LIFT 落停車場時, 有個 BB 好慘呀, 因為佢隻手仔唔小心"ZIP"左入個 LIFT 門度, 真係勁痛, 仲要幾個人幫手先可以整得返佢隻手仔出黎, 我諗佢隻手仔就算冇斷骨都應該好傷! 真係好得人驚!

LA LA LA LOVE SONG --> 其實今日我先第一次真真正正聽到 BOA 唱 LIVE! 但係我又真係覺得好掂呀, 同埋把聲好好聽! 不過睇唔出佢得 16 歲!

今日落左去飲茶喎, 哈哈, 有蝦餃、燒賣! 之後去左行左一陣, 買左餅餅食喎! 仲攪笑呀, 我行緊去茶樓時, 見到個可愛O既妹妹喎, 我諗佢大約兩三歲啦! 眼大大好可愛架! 咁佢行過望住我笑喎! 之後我見到佢咁可愛, 咪又同佢笑囉, 之後佢就笑得更開心, 真係好可愛呀!

月夜в物語 --> 令我諗起好靚O既月亮!

今日我冇落到街呀, 因為成點鐘先出到房門口呀, 哈哈, 原因係尋晚同邦邦傾電話傾到成三點幾先訓, 諗諗下原來都有四年(或以上)冇同佢傾過電話喇! 傾左都好多野, 感覺唔錯(哈哈! 多謝你記得上次我講過O既野, 成晚電話中都冇提起!) 今日好攪笑咁又網上點唱, 終於亞 WAYNE 都讀左喇, 睇到我個名仲左句"咦, 乜係你呀!", HAHAHA, 仲"奸笑 + 偷笑"添! 今日我第一次透過 NETMEETING 黎控制人地O既電腦, 嘩! 好鬼好玩架O者! 同埋我發覺我表弟部機好勁呀! 因為平時我要 ENCODE 四個鐘頭O既野, 佢部機竟然只需四分幾鐘! 所以而家好忙咁勁 SEND D FILES 俾佢燒碟呀! 實在感動ING!

天各一方 --> 突然間諗起果段獨白! 如果我有一日偶然咁遇到, 會點呢?!

哎唷, 我尋晚又傾電話喇! 仲好攪笑咁玩左一個"猜謎"呀, HAHAHAHA, 點都估唔到竟然係"銀芽"喎! 笑到我肚都痛埋! 真係攪笑! 今朝我十一點幾就起身喇, 之後仲一邊上網一邊睇 F4 演唱會, 嘩! 真係唔錯喎, 氣氛好好! 之後同左樓上個姨姨去飲茶! 之後飲到大約四點到返到屋企! 今日有少少眼訓添!

薄荷 --> 唔知 ... 係咩味架呢?! 我覺得充滿左神秘!

今朝好早醒左呀, 因為 PLAN 左入屯門我表弟屋企, 點知今朝屯門公路度發生左一件好慘O既車禍, 死左廿幾人, 真係好陰公好慘! 我親眼經過現場, 望見架出事O既巴士殘骸, 真係實在太嚇人, 我而家好希望神可以照顧出事O既死難者, 同埋一Ｄ有影響O既人!! 就因為呢件事, 我塞左成兩個鐘頭先入到去屯門, 原先諗住去飲下午茶, 不過最後都決定食個麵算數! O係契媽屋企坐左一陣之後就去左我表弟屋企喇, 因為我帶左好多野去整呀, 因為佢部電腦快過我果部超多倍! 所以為左節省時間, 就唯有借用佢O既電腦喇! 果然超乎我意料, 超快! 不過我夜晚都只係訓左一陣咋, 都係通宵整野, 不過我發覺左屯門O既日出好靚、好寧靜!!

一個無夢的晚上 --> 都冇咩訓, 點會有夢架o者!

哈哈! 續尋日日記! 之後食左兩個我最愛O既油皮蛋撻, 其實應該係一個半到啦, 因為俾"仔仔"用佢O既狗爪搶左我個蛋撻 (嗚嗚嗚, 我哭!), 手臂仲出現左六條紅色爪"痕"添, 痛死ING! 大約十點到出門口喇, 因為去左尖沙咀一轉先, 不過攪到我地白行一次, 之後就坐巴士返我屋企飲茶, 飲完茶之後返左我屋企, 原先諗住安裝果個 GAME 架, 不過好唔順利呀, 仲攪到燒死左四隻碟添, 仲要玩唔到個 GAME, 激死! 夜晚去左將軍澳打邊爐, 好好味! 仲行左一陣添! 今次屯門之行收穫超豐富!

一切為何 --> 廿幾個鐘冇訓, 究竟點解仲咁精神呢?! 呢排諗緊一樣野!

尋晚好攪笑, 因為實在太悶喇, 而且又冇人陪我傾 ICQ / 電話喎! 我竟然無 LALA 走左去換床單喎! 真係自己做完都覺攪笑呀, 夜麻麻換床單! 點令鐘就訓左喇, 今朝九點幾俾樓上裝修聲嘈醒左, 因為咁樣我先知醒熄冷氣, (平時七點正會自動醒左熄冷氣), 之後一直訓到一點呀, 我都算勁喇, 可以起到身, 平時一晚冇訓過我要訓返一日架! 尋晚發左個好怪O既夢, 究竟我諗緊咩架?! 攪咩發個咁O既夢 ... 點解唔係夢到剛剛?! 個夢仲要好知道我係好嬲咁架! 唉, 攪咩! 不過呢幾日都好悶呀, 又冇咩朋友上網, 又冇得傾電話! 天氣又熱, 電視又冇咩睇!

乜野係戀愛 --> 發左呢個夢係咪算係呢?!

今日好豐富O既節目呀, 因為睇左好多我愛人O既碟, 不過好慘呵, 要俾人用鉛彈額頭, 一定好痛架O者! 不過好攪笑, 因為佢地玩果Ｄ遊戲好好玩, 等我得閒同Ｄ朋友試下玩下先! 同埋今日都終於回左信俾 YUMIKO 喇! 放左封信O係度成個月, 日文退步左添! 今日晚餐有斯斯我最愛O既上海雲吞, 真係好好好好味呀! 成日食到就好喇!

一個人的牙刷 --> 我始終都係覺得呢個櫻庭裕一郎正過 2003 果個O者!

今朝起身睇左一陣電視先落街街飲茶, 仲去左一間新開張O既酒樓添! 不過真係幾好味喎! 都唔算太貴! 起碼好味就抵啦, 好過樓下果間唔好食! 之後去左睇下有咩碟租, 原來好多戲我都睇左喇喎! 而家係想睇 SAMMI 新果套＜戀上你的床＞, 不過睇黎都係要等佢出 VCD 先買黎睇! 有排等! 呀, 點解我而家Ｄ生活好似咁悶咁O既? 今日都冇咩用人傾過 ICQ, 夾唔 ARM 時間嘛, 因為最多人 ONLINE 時我落左街! 到我返黎時大家放哂工又未返到屋企喎! 到左夜晚我又冇咩坐O係部機面前! 因為今日煲左好多我愛人Ｄ碟呀! 真係太正喇! 呀, 同埋尋晚我俾 KAZU 嚇親, 因為我估唔到佢仲記得某人個名! 知道 KAZU 好返我都安心Ｄ! 以後要小心呀!

知道的請告訴我 --> 尋晚無 LALA 俾一個人話我諗得太多? 車! 傾下電話咋嘛, 諗得幾多O者? 睇黎你諗得多過我喎!

今日都係同表弟仔去左飲茶, 哈哈, 真係要謝謝佢先, 因為唔係佢, 我都冇新機用! YEAH!!! 之後我去左租碟! 哈哈, 租左森美小儀! 都冇咩特別 LU !

忘記歌詞 --> 呢首歌Ｄ詞好攪笑, 不過又好似好呃錢咁!

YEAH YEAH! 今日我超開心呀, 因為 ... 因為 ... 我有新電腦呀! 當然要多謝表弟仔O既幫忙! 而家係凌晨就黎兩點, 因為我要 SETUP 返好多野! 嘩! 實在太正喇, 最正係燒碟超快! 不過我今日都出過去荷里活商場一轉, 因為要交 FORM ! 希望成功! 呀, 不過唔知點解我打唔到日文!

點解會係咁 --> 梁錦松同埋葉劉淑儀突然間 QUIT 份工喎! 好突然呀真係!!

好野, 我部機打到日文喇, 真係好好好! 今日好攪笑, 因為原來好多人都知我愛人係邊個! 真係好攪笑! 嘩! 麥麥出左個餐杯野藍色架, 好似好靚咁! 好夏天, 一定要試下先!!

一往情深 --> 哈哈, 今日俾人話我長情! 咁又係O既, ICONPACK 用左成五年都有 LU! 就連話我長情果個人都唔記得左係佢幫我安裝O既!

尋晚好開心呀, 因為有人陪我傾電話, 冇咁悶! 不過我今日發覺唔知點解有朋友 O係 ICQ SEND 唔到 FILES 俾我! 好慘! 究竟有咩方法呢? 最慘係有人 SEND 到, 有人 SEND 唔到!

天佑我們 --> 我知上天會保佑我!

今日去左荷里活廣場行左一陣, 不過真係冇咩好行咁! 五點鐘到返到屋企! 諗到個方法解決 ICQ SEND 唔到 FILES O既問題, 希望 OK 啦, 因為未有人同我試! 夜晚同邦邦先生傾左一陣電話啦! 我發覺冇得傾電話原來真係幾悶架!

天各一方 --> 今日突然間諗起呢首歌!

尋晚於攪掂左個 FIREWALL, 而家我可以收到我想收果Ｄ FIRES 喇(開心ING)! 下晝時出左去旺角呀, 好開心呀, 因為買左好多隻熊貓 CDR 呀! 真係好好好開心呀! 五點令返到屋企, 不過就發覺唔知仲咩個 SCANNER 安裝唔到喎! 真係唔知點解 XP 都會咁O既!!

今天你生日 --> 今日係我最愛O既媽咪生日! 我祝你身體健康, 開開心心!

尋晚都有同邦邦先生電話, 仲傾到好早呀, 其實真係辛苦哂呀, 但係好開心呀傾得! 但係真係要小心駕駛呀, 真係俾你嚇死我呀! 不過最緊要冇事! 一切安全最緊要! 不過又真係好驚險喎! 講左好多急口令, 好攪笑! 其中以呢個最為攪笑"李妮問李利利黎唔黎, 李妮話黎, 李利利就唔黎, 跟住李妮話, 你咪理, 黎咪黎, 李利利咪李利利! 你估今晚李妮同李利利黎唔黎?" 係咪好攪笑呀? 我真係笑左好耐呀! 因為傾到今朝四點幾, 所以我就訓到成一點幾先識醒! 之後又因為今朝冇水喎, 所以就落左去飲茶喇! 行到四點令返到黎! 嘩! 落好大雨呀! 唔通真係"打風不成三日雨"??? 我終於安裝到部 SCANNER 喇! 仲要係邪到要我親愛O既表弟用 NETMEETING 控制我部機先安到, 但又明明安裝個 STEPS 係同我一模一樣! 真係俾部機玩死!

假如讓我說下去 --> 呢幾日不其然諗起呢首歌!

今日我冇落街街呀, 因為在家千日好! 好開心架都, 可以上網同各方好友傾下計咁! 我希望 NUT 妹妹聽日順利啦, 同埋唔好唔開心呢(講左出黎添!~)! 好開心, 因為終於有得睇 SHOCK ! 同埋好多套日劇(斯斯暴走中)! 今日聽左羅敏莊Ｄ新歌! 佢重唱人地Ｄ歌, 但係又有另一番風味喎, 我鍾意佢唱 I BELIEVE 多過生果先生! 哎唷, 我要買返支 MARKER 筆添呀, 我果支寫唔出咁!

黑色幽默 --> 其實呢首歌我今日先第一次聽架咋, 但係 ... 我鍾意!

今日打風呀, 由三號變左八號! 不過我估真係好快就會變返三號! 其實我都希望唔好咁快三號, 因為大家返工都想休息一日嘛! 今日睇左金田一2 o既大結局, 唉, 點解冇碟賣架o者(激死ING)! 夜晚好好玩呀, 因為 SHARE 左個 DESKTOP 俾個朋友幫我整少少野, 之後佢又 SHARE 返佢個 DESKTOP 我玩! 好好玩! 不過今日睇到Ｄ唔想睇O既野! 受了少許打擊!

密友 --> 呢首歌今日第一次聽, 張茵仲要現場唱喎! 我好喜歡呢個 FEEL , 佢唱得有進步呵! Ｄ詞好有 FEEL , 不過用字好深!

我要多謝亞NUT妹妹、小唯、貓豬妹妹同埋 ANNETTE O既關心! 斯斯今日好精神好元氣! 所以可以放心! 今日終於收到 SPACE O既日語 CERT 喇! YEAH! 我合格(不過好衰, 都冇講幾多分), 可以報中班喇! 不過我諗要計計先! 嘩! 仲有呀, 今日表弟仔黎食飯喎, 希望佢成功成功再成功啦! 聽返好多舊歌呀, 原來歌真係可以勾返起你一Ｄ你遺忘左O既回憶!

想怎麼樣 --> 突然聽返, 原來曾幾何時我都好鍾意呢首歌 ...!

今日剪左頭髮(YEAH!!!) 不過今日聽左非常之多歌仔, 我都係發覺原來都係Ｄ舊歌耐聽Ｄ! 不過今朝好攪笑, CHERRY 妹妹打黎傾左一陣! 諗諗下都有成年冇見, 好掛住亞妹添!

沮喪 --> "心知道有路尚要趕, 身體卻拒絕彈起床, 事後我討厭自己不會反抗, 讓我很沮喪"!

今日都冇咩特別, 不過就睇左一套好好笑o既卡通片, 係二家姐借我睇架! 真係好攪笑! 哈哈, 大板小姐又真係同二家姐好似! 本來約左大家姐同二家姐架, 不過大家姐佢病左呀! 真係令我擔心, 家姐呀, 你快Ｄ去睇醫生! 快Ｄ好返啦! 要健康嘛! 所以我就同左二家姐去左行街街喇! 今日買左一把熊貓扇同埋一隻熊貓仔! 好平! 好開心! 去左食麥當當新果個"冰藍"餐, 不過唔敢飲果杯甘藍色O既野, 要左杯可樂新地樂! 好味! 食完野之後傾左一陣計, 再去行左一陣喎! 之後仲去左"果留香"食甜品添! 好好味! 食左個"哈瓜瓜涼粉西米溝"(多謝家姐!), 之後就坐亡命飛 VAN 返屋企! 真係抵過去坐過山車! 因為過山車完全唔會覺得佢會炒嘛! 所以真係坐呢Ｄ亡命飛 VAN 絕唔可以掉以輕心!

失憶 --> "是我經已失憶, 早已失憶 ... ...", 點解過去發生過呢件事, 我好似失左憶咁o既, 而家好似冇事發生過咁!

今日兩點鐘到去左將軍澳, 點知好攪笑, 一上到車我行先嘛, 之後突然間有個坐左OO車O既男人同我講"坐呢度啦, 呢個位好呀!" 咁我心諗"呀, 咁鬼多事架, 三唔識七咁仲咩理我坐邊O者!", 就係呢個時候我望下果個人! 哈哈哈! 原來係我舅父同埋舅母喎! 笑死我呀真係! 之後佢地落車先, 咁我就去左行街街喇! 今日我好多戰利品呀! 有 CD 一大隻、朴志胤 POSTER 一大張、 熊貓信封信紙、 MARKER 筆! YEAH! 今日好開心呀真係!

還想你 --> "我還想你, 我還等你 ...", 突然諗起漢詩姐姐呢首歌!

今日落左街飲下午茶呀! 但出門口之前我"聽"到一句好窩心O既說話, 嘻嘻! 就係當我話"我出門口喇!", 對方竟然答"早去早回!" 其實真係好正呀呢個感覺, 要 BOOKMARK 佢先! 之後飲完茶去左睇電腦桌! 不過睇唔 ARM ! 之後都冇咩特別事 LU! 夜晚上上下網閃左去睇＜黃子華楝篤笑之冇炭用＞, 好攪笑呀真係, 久遺了O既子華哥哥! 果然掂!

轉 --> 呢首歌, 好特別! 近排就係聽呢首!

今日完全冇落過街呀, 因為好忙咁整理Ｄ歌仔喎! 夜晚我表弟仔黎食飯呀! 之後我咪又係"痴"住左部電腦咁上網咯! 哈哈, 每日活動範圍都係呢幾個地方架啦!

愛上一個愛我也愛她的人 --> 今日突然聽返呢首歌喎! 有一樣野我好認同! 就係 ... 請你唔好O係我面前提及那個她!

今日都冇落街呀, 因為時不時落下Ｄ失魂雨咁! 下晝好攪笑喎, 因為我又無 LALA SEND 左個點唱去點俾幾個妹妹聽, 仲俾大哥笑我個點唱添! 不過佢都話"好耐冇見!", 諗諗下又真係好耐冇見喇喎! 一到四點幾唔知仲咩好眼訓, 所以入左房一邊聽收音機一邊訓左, 仲一訓就訓到七點半添! 都唔知仲咩突然咁鬼眼訓!

最佳位置 --> 留返個最好O既位置俾我啦!

今日落左街街飲茶, 但係又買唔到野喎! 所以都係飲完茶行左一陣就返屋企喇! 吾吾, 邦邦先生仲教左我一連串搵工方法! 謝謝你先! 夜晚就安裝左個日文 IME 輸入法, 所以我就 UNINSTALL 左個櫻花輸入法喇! 不過仲要一段時間習慣下先, 但係好奇怪, 明明話 IME 可以用O係 WORD 呀果Ｄ軟件, 但係 ... 點解我用唔到O既?!

至少還有你 --> 尋晚開始一諗起呢首歌就好想笑, 最衰都係你果個 IQ 題啦!