今日係六月O既第一日, 我祝大家健康快樂! 今日三點幾落左去睇野, 商場外面個地下多左Ｄ野, 不過都行唔到入去, 都 OK 靚啦, 不過總係爭Ｄ咁! 買左好多野, 不過就O係超級市場見到個好克人憎O既肥仔, 一來冇禮貌, 二來真係冇咩家教! 不過算啦, 過左去! 呢兩日用寬頻真係勁開心呀, 因為真係快好多, 平時要十幾個鐘, 而家唔洗一個鐘! 一切都順利! 所以我應該可以用多Ｄ時間O係我幾個網頁度, 因為之前成日都因為個網太慢, 所以冇咩心機去整, 家下得喇! HEEHEE! 我要同"NUT爭"講句唔好意思(雖然佢未必黎呢度睇), 不過我真係好對佢唔住呢, 亦好多謝佢咁支持我! 我要努力!

與媽媽約法三章之歌 --> 係卡通"蠟筆小新"O既其中一首歌, 原來有咁多好攪笑O既歌架喎! 真係聽完個人都開心好多呀!

尋晚真係嚇死我呀, 訓訓下竟然俾"小強"突襲呀, 真係 ... 好驚好驚! 所以訓得唔係咁好, 今日仲一早起身之後全家總動員大清潔添呀! 係就係安心左, 不過 ... 仲係好驚, 一定一定, 以後唔好再發生呀, 真係 ... ! 今日同左婆婆去飲茶, 之後行左一陣啦! 都冇咩特別事 LU ! 只係諗番起"小強", 真係 ... 好好好好好好好好好好好好好好好驚呀!

放不低 --> 我諗我呢個"小強"事件, 真係放不低呀, 只係想永遠唔好再飛生!

今日冇落街, 因為好忙呀, 因為忙於電腦上O既野! 睇左半套＜冰河世紀＞, 好攪笑呀真係! 今晚睇埋 SIDE B 先!!

無所謂 --> 係亞慈O既歌, 唔錯唔錯!

今日係六月四日, 咁快就十幾年喇! 今日都冇出到去, 本來有節目o既, 不過又實行唔到喎, 加上天氣又熱, 所以"留家消閑"! 婆婆今日黎過我度一陣, 仲送左個鏈咀俾我, 而家戴住左喇!

ODE TO MY FAMILY --> 今日睇左 THE CRANBERRIES 一個 CONCERT 呀, 令我諗返起當年我O係收音機聽到呢首歌, 之後就一直鍾意到佢地而家! 睇完個 CONCERT 之後仲發覺個鼓手好勁呀, 香港果Ｄ真係比唔上添!

今日同左樓上個姨姨飲茶, 之後行左一陣, 再返左屋企一陣, 又出門口返學喇! 今日冇教新野, 因為今日係做練習! 嘩, 不過好深呀都, 要努力! 仲有兩星期要考試喇! 之後就同左家姐去食麥當當(換左隻絲絲! ^V^)! 之後去左行左一陣旺角! 又買左少少野啦!

多謝 --> 多謝家姐送咁多野俾我! 好開心, 因為我好鍾意!

今日食完 LUNCH 之後就出左去旺角果頭, 買左勁多野呀, 又買左盒 PRINTER INK 啦! 又去左食下午茶喎! 好好味! 不過返到屋企先記得冇買到 CDR ! 激死人!

昏迷 --> 巧音新歌, 不過我相信有好多人都唔會鍾意呢一種 FEEL O既歌, 但係我第一次聽就勁愛上呢首歌喇!!

今日食完 LUNCH 之後去左將軍澳行街喎, 之後又去左食下午茶(好好味O既牛扒意粉)! 之後又買左好多好多野, 行到六點幾先返到屋企! 好累呀! 今日係我表弟仔(細佬)O既生日喎, 祝佢生日快樂同埋身體健康, 最緊要梗係學業進步啦!

今天你生日 --> 今日亦都係亞敬O既生日! 祝你生日快樂!

今日日頭冇咩特別, 夜晚就同左亞姨地入左將軍澳食韓國燒烤呀, 好耐冇食過喇! 好好味, 又抵食喎! 之後行左一陣, 買左少少野啦, 就返左屋企喇! 今日睇左＜下一站, 天后＞, 呀, 估唔到又幾好睇喎! 仲有少少感動添! 其實今日仲係我自三月開始, 第一次冇戴口罩出街(因為有私家車坐)!

溫馨不再 SANS AMOUR --> 突然間聽番呢首歌, 好好聽呀!

今日冇落到街街呀, 不過就好豐富, 做左好多野! 今日收到學校O既信, 激死人呀, 有咩理由星期六先寄封信丫, 攪到我今日先收到, MISS 左尋日果堂補課喇! 唔算都唔得啦, 有咩由咁架!

還沒有變 --> 有時見面時間/次數, 係唔代表Ｄ咩O既, 支唔支持係睇個心!

今日去左飲茶呀, 之後本來諗住買碟架, 不過賣哂喎, 返到屋企梗係聽收音機啦, 好攪笑呀真係! 尋晚＜我愛 ICHI 爸＞果個一號小妹妹好得意呀, 真係好可愛, 又好得意! 我記得呢個可愛和服小妹妹叫做 SAMMI ! KAWAII 呢!

祝福一句 --> 今晚亞敬首個個唱開 SHOW 喇! 我祝你 GOOD SHOW 啦! (祝福一句不講太多!)!

今日冇去街街, 不過睇左好多集 KINDAICHI, 好正呀真係! 不過天氣真係唔太好! 幾時先會好天架?! (希望在明天丫嘛!) 聽收音機喎, 不過"檸奶"係咪真係可以飲得架? 果個醫生仲話佢飲過"可樂撞咖啡", 真係嚇死人咩! 真係飲得O既咩?! 今日亞敬尾場個唱, 祝成功!

子守唄(搖籃曲) --> 係我近排O既喜愛音樂人椎名林檎, 我諗佢O既歌唔係個個都會鍾意! 不過我好鍾意喎, 呢首歌聽左之後好舒服!

今日冇咩特別呀, 原來飲完"檸奶"會生石, 好得人驚咁! 今日仲有人話"檸多"可以減肥添! 唔知飲完會唔會死呢? 有冇效架?! 夜晚返學, 下堂考試喇! 有少少驚添! 不過為左我自己, 為左 244, 我要努力, 加一萬倍油去做到最好! 之後同家姐去左旺角食野同埋行街街! 我終於記得買 CDR 喇! 真係要出到旺角先有得賣!

身體健康 --> 呢首歌再一次出現係因為我想點俾自己聽! 呢幾日實在太辛苦喇! 因為我唔知仲咩皮膚感敏! 唉, 不禁要唱一句: 我只想身體健康!

今日本來就冇落到街架喇, 但係真係敏感實在令我有少少辛苦, 所以都要落一落去睇醫生! 不過好慘O既係, 到家下都唔知道我係對Ｄ咩而敏感喎! 醫生都唔知, 所以就冇計啦, 唯有打針同埋食藥! 好慘呀, 打完針之後又暈又眼花呀, 攪到我要O係診所休息左一陣先可以冇事咁返屋企! 而家好左少少喇! 不過仲係有少少痕同埋塊面仲有少少紅! 唉, 真係點 ... 點解O既呢?! 好擔心呀, 好唔開心呀, 244 病左呀, 佢患o既係"呼吸症候群", 好令人擔心, 會因為壓力而未能及時紓解時, 身體的自律系統就會失常(即自律神經失調), 會出現呼吸急促、心跳加快的情 況, 會讓人不自主感到自己有呼吸困難、心律不整的不適症狀! 藥物可以暫時紓解症狀, 但只有解除壓力先係 根治方法! 雖然好似冇咩事咁, 不過佢真係成日都有工作壓力! 所以真係好擔心佢! 原來佢 2001 年已經有呢個病, 但今次只係俾人發現左架咋! 唉, 今晚未必訓得著添! 不過正如 244 所講, 佢係 LOVE FRIGHTER ! 我都係! 我相信上帝同擁抱佢同埋我架! 244, 你要小心身體先好呀!

交織千個心 --> 無 LALA 今日諗起呢首歌喎!

今日日頭冇去街, 大約三點幾四點就去左將軍澳, 亦因為我呢幾日敏感, 所以第一次冇戴口罩咁去咁多人O既地方! 話時話, 我都幾驚架, 因為真係好多人冇戴口罩呢! 行左一陣之後, 就去食左個牛扒意粉餐! 實在太太太好味喇! 又平喎! 食完野之後就去左行街街啦, 買左都唔少野架! 之後就返左屋企喇, 不過因為四點幾五點時食左野, 所以我夜晚好晏先食, 仲係食左少少麵咋! 凌晨差唔多一點時, 我就食左塊麵包, 因為要食藥嘛! 真係想Ｄ紅點點快Ｄ退散呀! 今日仲衰呀, 前幾日買果Ｄ CDR, 我用唔到呀! 希望家姐可以幫幫我啦!

他一定很愛你 --> 呢排聽到呢首歌, 係亞杜O既版本! 我覺得個 FEEL 正過 KELLY 版本, 可能從一個男人把口唱出黎個感覺適合Ｄ啦!

今日不停咁落雨, 所以攪到爸爸節都要O係屋企! 我個燒碟機開始有怪事喇! 一係就成功燒完碟之後開唔到隻碟喎(但係又寫左 DATA 落去架喎), 一係就燒燒下隻 AUDIO ERROR 喎! 所以真係激死人! 希望亞燒碟機大佬可以幫幫我地啦! 今日塊面Ｄ紅點退左大半, 不過仲有少少, 我估過多幾日就可以冇哂架喇!

月光之歌 --> 係我唯一一個好堅持要聽O既韓國歌手---朴志胤O既舊歌, 唱就識唱左好耐, 但係就係呢幾日先知個歌名!

今日落左去飲茶呀, 仲有戴口罩添呀, 因為大陸又有咩乙型腦炎, 你都咪話唔驚驚呀! 不過飲完茶之後再戴番, 就覺得塊面好痕喇, 所以唯有除左個口罩啦, 我估我都係唔好戴口罩一排先喇, 因為呢幾日食左藥好左少少, 希望快Ｄ好番啦! 呢兩日我興番開住個 ICQ 走鬼左去喎, 掛下 AWAY 、 N/A 牌仔, 都幾好玩架(雖然又真係唔係話咁好玩!)! 尋晚睇左＜死亡習作2＞O既 DISC A 呀, 好似好驚恐咁, 今晚睇埋 DISC B 先! 尋日又睇左古天樂果套＜失憶界女王＞, 都幾好笑架喎! 仲有好多戲想睇呀!

我殺了一個人 --> 哈哈哈! 冷靜, 我寫呢首歌係因為我近排聽到, 係林海峰唱O既, 呢首歌幾特別架咋, 千其唔好拉鬼我呀, 因為我咩都冇做過!

今日敏感又好似勁左少少咁! 好驚! 唯有繼續食敏感藥先! 未夠三點落左去行左一陣! 租左幾隻碟睇! 今日好失落添, 因為朴志胤個 MV 錄唔到, 激死!

櫻花樹下 --> 係一首近排O既日文歌, 我第一次聽就覺得個感覺唔錯, 不過始終都係攪唔清個女歌手個名!

今日冇落到街呀, 唔知點解今日好似好眼訓咁! 不過, 聽晚要考日文呀, 要溫習, 不過到而家仲有好多未溫! 都好緊張架, 不過又覺得如果我太緊張的話會有反效果喎! 所以都係要平常心去面對啦! 估唔到我兩日冇 CHECK EMAIL, 個 MAIL BOX 竟然爆左喎! 不過都好開心呀, 因為收到一Ｄ相片啦, 仲有好多朋友O既問候, 真係溫暖! 不過, 因為個 MAIL BOX 爆左, 所以我用左成個鐘頭去將以前 KEEP 起果Ｄ MAILS COPY去 NOTEPAD , 仲有好多未 COPY, 不過家下多左好多位就 OK 喇, 可以用住先嘛!

如果有一天 --> 如果有一天, 我一起身, 244 o係我隔離就好喇! 如果有一天, 我一起身, 我可以講出一口流利日文就好喇!

今日敏感仲未好番, 真有少少擔心, 希望上帝擁抱我啦! 落左樓下間酒樓飲茶, 好耐冇去呢間酒樓! 食物都ＯＫ, 因為前排去好難食架, 好彩家又好味番! 之後去左行左一陣同埋買日常用品, 仲有得去抽獎添, 笑死我, 竟然抽到一本信紙喎, 仲要每張都有一條無聊ＩＱ題, 真係攪笑! 夜晚就要返日文, 哈哈, 今晚期末考試, 嘻嘻, 好彩亞 SIR 放左少少水, 所以我應該合格可以升班, 不過仲要等真實成績寄黎先再決定報邊班! 仲考埋 LISTENING 添, 嘩, 講得太快, 有少少唔係好聽到, 不過都 PASS ! 放左學諗住同家姐去食哈迪斯啦, 點知咁鬼早關左門喎, 唯有去食麥麥啦, 嘩! 仲食左杯"7"呀(哈哈, 即係朱古力新地, 因為我諗起我表弟仔叫佢做"7", 因為7蚊, 好攪笑!)! 坐左O係麥麥好耐呀, 因為實在太攪笑, 傾左好多以前游水、溜冰呀等等O既趣事, 真係笑到我地兩個當堂O係麥麥肚痛 + 標眼水! 真係攪笑! 返到屋企十一點幾 LU, 有少少眼訓添!

抱抱 --> 真係想上帝可以抱抱我, 令我O既敏感症快Ｄ冇事, 因為實在好痕, 好難忍!

今日都冇咩特別, 敏感依然未好番! 都有落到去行街街, 仲買左好美味O既雪糕添呀! 今日好忙呀, 因為部電腦冇哂位喎, 所以咪要進行一Ｄ活動囉! 哈哈! 天氣真係好熱呀!

今天你生日 --> 大家姐, 生日快樂! 我祝你開開心心, 永遠同姐夫幸幸福福!!

今日下晝三點到就去左將軍澳行街街, 嘩! 實在買左好多野呀, 亦都好鬼多人喎, 之後就去左食左個牛柳飯, 嘩! 實在太太太好味同埋抵食喇! 七點到返到屋企, 因為食左野, 所以夜晚八點幾九點先再食下麵包咁! 夜晚上網同亞 NUT 傾計呀, 哈哈, 仲交換左相相睇添! 不過真係好邪喎, 同我前幾晚夢見佢時個樣有大半似呀, 所以我估計係亞 NUT 入左我個夢(哈哈!) 頭先亞視有朴志胤呀, 不過好激氣, CUT 人地歌喎, 所以亞視真係 ... ! 不過朴志胤跳舞好型呀!

高手 --> 鄭中基O既歌, 但係我硬係覺得把聲唔似係佢!

今日落雨呀, 所以都係冇出到街! 今日睇左好多套戲喎, 例如:＜三更之回家＞、＜生化危機之變種生還者＞、 ＜２１１２年叮噹的誕生＞、＜叮噹回來了＞, 全部都好好睇喎! ＜三更之回家＞先前諗住好恐佈, 不過意外地, 好感人, 真係好感人, 仲好戥戲裡面O既黎明唔抵添呀, 差少少就可以同太太好好咁生活! 至於＜生化危機之變種生還者＞, 好好睇, 好睇在真係幾嚇親架, 我睇呢套戲係因為我呢排研究緊"生化危機"呢個 GAME , 呢套戲個拍攝手法唔錯! 另外呢兩套叮噹呢, 真係好攪笑, 我終於睇到叮噹點解會怕老鼠, 同埋點解由黃色變成藍色喇! 而＜叮噹回來了＞好感人呀, 真係睇到差少少喊左出黎!

雪人 --> 今日聽到小萱萱 + 力宏版本呀, 勁好聽! 力宏真係越黎越掂!

尋晚訓之前睇左＜七夜冤靈＞(THE RING), 外國人拍O既貞子, 可能先入為主啦, 所以我覺得都係唔夠日本版好睇, 反而仲有少少好笑, 因為裡面主角個個都好似鬼咁, 好鬼白架, 欠缺左少少真實感! 不過都有少少同日本版唔同, 都有驚嚇場面O既! 今日同舅父去左飲茶, 佢生日嘛今日! 飲完茶之後去左行左一陣! 唉, 夜晚冇 LALA 發覺個 NERO 用唔到喎, 家下仲搶救中, 希望搶救成功啦! 我又想上帝擁抱我呀!

救救我 --> ... 請電腦先生你可以善待我! 救救小斯斯丫!

今日好熱呀, 酷熱天氣警告! 三點鐘出左去旺角, 本來諗住買其他牌子O既ＣＤＲ試下架, 不過最後都係唔敢, 因為我部電腦可以話係"性格演員", 所以都係順番"佢"意! 買左好多野, 不過買唔到熊貓ＣＤ套, 好想買多幾個! 因為好多碟碟要裝住, 特別優待! 飲左杯特大可樂! 呢幾晚都勁同Ｄ朋友交換"珍藏", 哈哈, 好大收穫呀! 呢排同番前度男朋友傾 ICQ 喎, 而家係好朋友! 原來時間真係可以醫好傷口架, 好神奇!

總有你鼓勵 --> 聽番呢首歌好感動呀, 我要點俾我O既一大班朋友聽!

今日聽到一個消息, 真係令我"傷心ING"呀, 希望 244 快Ｄ好番啦, 唔好長期食藥(要感謝 YIK 給我消息同埋 FILES)! 今日睇左套＜戇男有２性＞, 好攪笑呀, 真係笑死我喇! 今日好熱呀, 而且今日冇食敏感藥呀我, 因為我唔想食咁多藥, 都好左好多, 不過仲係好痕呀! 希望快Ｄ好番!

做好準備 --> 呢首歌好好好聽! 好好好鍾意!

今日睇左套＜絕種好男人＞, 好攪笑喎! 其他都冇咩特別事 LU, 不過個 SCANNER 就無 LALA 跌左落黎, 嚇死我! 好彩我同 SCANNER 都冇事!

如果我先死 --> 睇過一篇文章"生死遺言", 係伊能靜寫O既, 令我諗起呢首歌! 佢好希望佢愛人會比佢先死一日! 一日就夠, 因為可以好讓佢為佢安頓一切身後事, 之後到佢死時, 佢O既愛人可以照顧番佢, 好感人!

今日去左飲茶喎, 食左好多好好味O既野! 之後去左街左一陣, 好開心呀, 因為竟然俾我搵到一支新出O既百事, 之所以咁開心, 係因為有我至愛 SAMMI 呀! 實在太太太開心喇, 又影得好靚喎! 之後都冇咩特別 LU! 夜晚咪又係上網咋嘛! 不過感覺有少少不安, 點~~~點解O既呢?!

ALEGRIA --> 係 CIRQUE DU SOLEIL O既原聲大碟, 相信都冇咩人會識佢地架喇! 不過的確幾年前我現場睇完"ALEGRIA"之後, 就好似著左魔咁, 好正, 好感動!!

今日我表弟同佢女朋友黎探我地呀, 去左椰林閣食野, 好味又抵食! 食完之後因為突然間落雨, 所以行左一陣先返屋企, 都係坐左一陣咋, 都解決唔到我部電腦O既問題添! 今日睇左＜行運超人＞呀, 都幾好笑O既, 不過女主角就真係煩左少少! 不過好笑就算啦! 夜晚咪又係上網, 不過好奇怪, 竟然無 LALA 迫亞NUT妹妹聽我講往事喎, 而且呢件事又真係冇幾個朋友知道, 我地仲勁交換相黎睇添, 呀, 仲有要多謝佢親手整O既一幅電腦掃描, 合成照片! 好有趣!

今期流行 --> 哈哈, 無 LALA 諗起果句"今期流行, 流行椎名林檎!", 估唔到我家陣因為 244 會勁聽椎名林檎O既歌!

今日有乾炒牛河食! 好好味呀, 之後我亞姨同姨丈就黎同我地去左一轉樂富, 之後再入屯門喎, 因為要去探我親愛o既表弟! 亞仔(我表弟隻狗)好攪笑呀, 因為剪哂Ｄ毛, 平時仲以為佢好鬼肥添, 原來又唔係喎, 好攪笑, 但係好得意呀! 之後六點幾就走喇, 去接埋我爸爸, 之後一齊去左將軍澳同我舅父同埋舅母去左打邊爐, 諗諗下都好幾個月冇去過打邊爐喇! 好多野食好開心呀! 十一點幾返到黎, 又唔累又唔眼訓, 再加上頭髮未乾, 所以就上網啦, 點知冇咩人 ONLINE 喎, 唔知點解呢, 好悶呀真係, 都係閃去睇 VCD 算!

大暴走 --> 係我最愛O既 SAMMI O既新歌, 一睇個名好鍾意呀, 因為我成日都"暴走中", 好有趣!

今日都冇咩特別! 成日都冇出到街, 因為實在太太太熱喇! 夜晚就同 NUT 妹妹勁傾 ICQ! 之後又同左小唯傾電話喎, 我都好開心, 希望呢個電話可以幫到佢啦!

戀上你的床 --> 其實我係戀上"我"的床, 因為我真係好鍾我張床架!