今日一早都係入左將軍澳飲茶同埋行街街! 之後返左屋企一陣, 之後又出左門口喇! 因為約左兩個我好愛O既家姐去玩呀, 不過都係去左唱Ｋ, 可能大家都好耐冇唱過Ｋ啦, 都唔知有咩歌好唱咁, 新果Ｄ又唔太識唱喎! 不過都好開心! 今日買左好多野咁, 不過我有少少後悔買左其中一份野, 冇計啦, 一見到 TSUYOSHI 就仆到埋去買! 呢樣真係要改改!

身體健康 --> "我只想身體健康 ...", 我希望兩個家姐快Ｄ好番啦! 斯斯會用"愛心 MESSAGES"醫好你地架喇!

今日冇落過街, 因為星期日通常都係咁! 睇左亞視新播果套日劇, 正! 不過深津繪里個樣 ... ... 冇以前咁好喎! 或者係個髮型問題啦! 當年佢拍"庶務二課"果陣, 真係好靚架!

不敗的戀人 --> 尋晚去唱Ｋ時唱番呢首歌! 其實都講得好 ARM 架! 要做個不敗的戀人! 瑄瑄好野!!

今日有好似食錯野咁, 有少少唔舒服! 不過都落過街行左一陣, 不過真係冇咩行咁! 五點幾訓左一陣呀, 因為實在係唔太舒服!

TIMING --> 其實呢個世上 TIMING 真係好重要! 有時都係要靠運氣!

今日落左去飲茶! 之後就返左屋企啦, 再去左樓上個姨姨屋企坐左一陣! 又返左自己屋企! 斯斯真係懶喇! 原來唔記得左回信俾日本友達喎! 所以夜晚就用左一Ｄ時間去寫信俾佢喇! 順便可以練習下日文嘛!

左鄰右里 --> 呢首歌好攪笑呀, 一直都諗唔到克勤同亞倫伯有咩關係, 但又可以合唱首咁攪笑歌喎!

今日冇落到街o既, 不過真係好悶呢, 都冇咩特別野做過! 所以真係冇咩事可以講!

SUKARA DROPS --> 呢首歌俾左一個好正O既畫面俾我, 其實我就係好想睇到呢樣野(花見見ギゆ!!)!

今日朝早睇埋少少劇集, 食完野之後就落左街行左一陣, 買左個好美味O既卷蛋呀, 好好味真係! 夜晚要返學, 真係學左好多野, 家下都仲亂緊! 因為實在係要少少時間去消化下! 返屋企之前買左麥當勞食呀, 好好味! 不過返到屋企睇電視先知道原來買開心樂園餐有大頭狗仔送呀, 好想要添!

不要離我太遠 --> 呢首歌Ｄ歌詞好正, "如果你想我哭, 憑恐嚇就能夠 ..."!

今日食完飯就過左灣仔果頭, 因為要去拎一份好正O既 QOO 仔! 真係好靚架! 好想要埋其他果幾套添! 之左後坐叮叮落左銅鑼灣同亞姨飲茶! 之後行左一陣間啦, 再去左中央圖書館, 我第一次去架咋, 好大好靚, 不過我想搵O既書就冇咩喇! 所以只係借左幾隻ＣＤ同埋兩本書! 收穫未算大!

我們開心 --> 其實開心好簡單, 食一餐好好O既就夠喇!

今日天氣凍左好多呀, 不過真係好奇怪架, 因為突然間凍到好似冬天咁, 真係奇怪! 今日終於都睇左＜黃凱芹演唱會＞喇, 嘩! 真係睇得好開心呀, 因為我細細個咪就係聽住佢Ｄ歌大架! 突然間聽番佢咁多歌, 令我諗番起好多細個O既野, 勁呀! 同埋可以見番咁多以前Ｄ歌手, 真係發覺周慧敏冇咩點變! 仲好靚! 同埋而家果Ｄ所謂歌星, 真係同果陣果Ｄ冇得比架, 起碼Ｄ歌會令人印象深刻Ｄ, 唱功好好多, 令我好懷念添!

金牌經理人 --> 聽呢首歌原來係因為個歌名, 之後發覺呢首歌真係好得意, 雖然亞 JAN 好似玩玩下咁唱, 不過呢Ｄ先真正係音樂! 唔會聽黎聽去、抄下歌咁! 亞 JAN 我撐你!

今日朝起身上網睇報紙喎, 睇到一單新聞令我好唔開心呀, 而家Ｄ人實在太衰喇, 咁樣黎利用人地個名黎呃人錢, 呢Ｄ人真係等天收呀, 因為真係好冇陰公架嘛! 人地辛辛苦苦賺錢返黎, 但係果Ｄ人就咁用一Ｄ借口去呃左呢Ｄ錢, 衰呀! 食完野之後好少有咁出左街, 不過去左一個好近O既地方O者! 不過就偶到一個好唔掂O既售貨員, 我地問佢有冇果種貨品, 點知佢話: O係哂度架喇! 有就有冇就冇架喇! 嘩! 所以我都不禁對佢講左一句: 今時今日咁O既服務態度係唔夠架! 真係好嬲呀, 就連香港人自己都唔幫下香O既經濟! 真係最低呀! 食晚飯之前我就突然好頭痛, 所以迫住要訓左一陣, 可能係天氣凍左啦, 所以咪頭痛囉! 不過而家食左藥好左好多喇!

夢裡是誰 --> 尋晚發左一個夢, 不過唔太記得個內容, 只係依稀見到一個人, 究竟"佢"係邊個呢? 唔知點解好想知道!

今日去左飲茶呀, 食左好美味O既點心! 之後出左深水"步"同埋旺角一帶, 人真係好多喎! 空氣都差左少少咁! 返到屋企就係對住部電腦, 哈哈! 的而且確我日日都差唔多係咁! (灰心中!)

月亮代表我的心 --> 其實呢首歌o既歌詞好有詩意!

今日天氣實在係太太太凍喇! 手指都有少少硬! 身體亦有Ｄ唔想郁! 哈哈!

情非得已 --> 呢首歌真係好好聽! 近排有機會聽番, 真係好感動!

今日用左好多時間O係買野上面呀, 因為要買番一Ｄ日常用品同埋食物呀咁! 返到屋企勁頭痛呀, 所以訓左一陣, 不過我諗訓唔夠半個鐘! 訓醒好少少, 不過都仲有少少頭痛! 呢排可能天氣太凍, 所以攪到我成日都頭痛!

你有心 --> "原來你有心, 但是我想問, 日後也許不能再開心 ..."!

今日頭痛好左好多喇, 不過都過左一日啦, 夜晚就返日文, 都係學到一Ｄ好難O既野啦, 不過同家姐傾開星座喎, 發覺原來我對星座都幾有興趣架喎! 所以我好想再去研究一下! 返到屋企, 有少少失落, 因為麥當當Ｄ狗仔換哂! 唯有等聽日再換果隻史立沙啦!

絕口不提愛你 --> HAHA! 你近排好嘛?!

今日食完野一陣之後落左去行左一陣呀, 買左個開心樂園餐食添, 有隻史立沙仔仔喇! 仲好有緣咁撞到嘉倫仔仔添, 真係好好彩, 印象中都係第一次O係屋企附近撞到佢! 今日睇左車婉婉寫O既＜星座雞湯＞, 我覺得好厲害咁呀, 我係指星座同埋占卜, 好有興趣呢!

應該要爭氣 --> 其實真係應該要爭氣, 唔好俾人睇死啦!

今日好早醒左呀, 仲睇左"咕嚕咕嚕魔法陣"添, 之後去左將軍澳飲茶, 嘩! 坐車果陣有個亞伯勁冇公德心呀, 真係好想破口大罵佢呀, 不過最後都冇, 唯有落車時以極速落車! 你知啦, 家陣Ｄ肺炎咁勁! 你都咪話唔驚呀! 行去茶樓果陣簡直係得人驚呀, 因為果度有一個賣樓O既示範單位, 就咁行一條路去茶樓咋, 就有起碼 50 個經紀問你睇唔睇樓呀, 所以呢, 大家如果好想得到受人歡迎O既感覺, 我提議大家去坑口地鐵站一趟, 包你好受歡迎, 幾十人追住你, 好有名星 FEEL 架! 飲完茶行左一陣, 之後就坐車去左西貢, 因為約左爸爸Ｄ舊同事去 BBQ , 真係太正點喇! 不過好耐冇試過夜晚先 BBQ , 氣氛幾好, 因為佢地好多年冇見架喇! 雖然我一個都唔認得, 不過都玩得好開心! 都成十一點先返到屋企呀, 而家好累呀!

全部クわウバサ --> 所有值得我珍惜O既都被我全部クわウバサ!

今朝有個電話打黎, 係好耐都冇傾過電話O既嘉瑩妹妹呀, 好多謝你呀, 雖然我今次因為一Ｄ原因冇去到, 但係都希望下一次你都會話我知(@v@)! 今日都冇出過街街, 只係O係屋企諗下野咁, 同埋睇下日文書, 睇下日文碟咁! 可能尋日太累喇, 所以唔多想郁咁, 尋晚亦都令我諗番起好多野, 雖然我一個爸爸舊同事都唔認識, 不過同Ｄ長輩傾下計, 又的確學到好多野O既, 亦都令我諗起人生係要經過好多風浪O既, 生命係最重要! 夜晚時真係幾 DOWN 架, 因為從我表妹表弟度知道左一Ｄ野, 令我 ... 極之失望, 點解"你"要令人咁失望呀?

好心分手 --> 我好想將呢幾句歌詞, 送俾令人失望O既"你": "回頭望伴你走, 從來未曾幸福過, 赴過湯渡過火, 為何仍然沒愛河, 下半生陪住你懷擬快樂也不多, 沒有心別再拖!", 其實你應該識諗架喇, 在於我黎講, 我唔方便正面同你去傾, 因為我知你唔會同我傾, 但係而家目前最重要O既係佢地開心, 你話我多事都係咁話架喇, 如果只有唔開心O既生活, 家庭幾完整都係假! 應該要識諗架喇! 我唔想到頭來佢地會怨你一世, 有板你睇架, 唔好攪到不歡而散! 最親O既其實係佢地, 你究竟明唔明白?!

今日做左一日原始人, 因為屋企冇水冇電, 所以冇落到街, 只係O係屋企睇下書同埋聽下收音機咁, 不過又真係幾悶架!

老死 --> 係亞敬O既新作! 我想將呢首歌點俾我幾位"老死"聽呀, 因為雖然我地唔係成日見, 不過感情係唔會因為少見而淡左O既!

今朝自然醒, 都算早架喇, 之後落左去飲茶, 再去左行左一陣, 好開心呀, 因為買左＜我左眼見到鬼＞O既 DVD, 正呀!

上帝笑了 --> 係林一峰O既作品, 我覺得佢O既創作幾特別架喎, 呢首歌我好喜歡, 因為聽完有少少心寒O既感覺!

今日都係冇落過街呀我, 因為 ... 好驚Ｄ肺炎菌呀, 所以就O係屋企睇下書、睇下戲, 睇左＜我左眼見到鬼＞喇, 實在真係好感動呢!

BETTER NOT TO MEET --> 有時殘忍少少、冷血少少, 可能會好Ｄ! 如今你一意孤行要攪到佢地咁唔開心, 日日提心吊膽, 我覺得對你殘忍Ｄ對大家都好Ｄ!

今朝起身知道左一個大消息, 就係打杖呀! 你都咪話唔驚呀, 因為我覺得我地呢一代都冇話真係經歷過戰爭, 所以梗係覺得"戰爭"離我地好遠咁, 不過突然一夜之間好似好近, 我地只能夠默默咁希望快Ｄ和平! 夜晚要返學, 不過O係呢個肺炎咁勁O既時候, 的確有少少驚呀, 所以對身邊O既觀察力都強左好多! 自保嘛要! 今日係我個珍姨生日呀, 我祝佢生日快樂、身體健康!

我討厭你 --> 原諒我講一句, 我真係好討厭你而家O既做法呀, 係又鬧唔係又鬧, 對佢地O既心理真係好影響! 我唔知你仲咩會咁(其實我係知架!), 我只係希望佢地開開心心, 你自己想點你自己O既事, 唔好咁對佢地啦, 你咁行為真係令人好討厭, 我好唔想咁樣講你架, 但係真係好討厭, 冇左佢唔得咩? 如果唔得你咪自己返去囉, 唔好搵人出氣, 都唔好迫人丫, 正如如果人地迫你做一件唔想做O既事, 你會點呀?!

今日冇咩特別野, 心情真係麻麻地咁! 同埋又頭痛喇, 仲嘔過添(不過我估計係食得太飽之過)! 好眼訓呀, 呢排都係一到五點令就好眼訓! 究竟點 ... 點解o既呢?!

折磨 --> 又係林一峰o既作品, 其實真係最折磨人o既係精神折磨, 呢幾日我明白到!

今日腸胃有少少唔舒服, 同埋呢幾晚都訓得唔太好, 係訓得好"林", 但係起身又好累! 今日都冇落過街, 只係O係屋企諗下野、睇下 VCD 咁!

TO HEART --> 有一句係: "ニゑゾ ウモェペ ゾゲシゾ シジゑシ"(我相信 HEART 會傳達給妳), 聽左之後好溫暖!

今日一起身都係好累呀, 或者係因為訓得太"林", 冇咩點郁過啦, 同埋今朝六點時醒過, 之後好辛苦先訓番! 候嚨有少少痛, 因為尋晚我將一大包薯片食左(有少少好似抵死咁添, 不過真係好好味架嘛!) 四點令落過街, 因為想去超級市場買野, 滿載而歸! 我發覺 56K DOWNLOAD 野真係幾慢, 我真係好想拿拿聲 DOWNLOAD 哂我要O既野!

始終一天 --> "我也不再在意我應該得到幾多, 始終一天我會放棄再講, 始終一天我會放棄再講 ..."!

今日越睇新聞覺得越驚呀, 一來就係打扙啦, 二來就真係好驚非典型肺炎呀, 因為真係好得人驚, 都唔知會傳成點! 所以我好希望可以快Ｄ告一段落! 其他都冇咩特別事 LU!

打救你 --> 我真係好想去"打"救你呀, 你 ... 唉, 我冇野好講喇! 我只係知道O係我望見O既將來, 唔會好過得去邊! 祝你好運啦唯有! 我地呢Ｄ外人, 我唔會理你會點, 我只係關心佢地!

今日都係冇落過街, 因為好驚肺炎呀真係! 呢個病就好似係要令到大家對衛生習慣O既反省! 好得人驚, 因為好似越黎越多地方發現到咁, 而家每日都多廿個人感染, 我真係好希望快Ｄ可以告一段落!

THINKING UNDER THE MOON --> 幾咁浪漫呢?! 我好鍾意呢首歌! 係一個新發現!

今日都係冇落過街, 因為實在係太 ... 得人驚! 我真係唔知點解好似突然之間人心惶惶咁! 今日頭有少少痛, 或者真係訓得唔太好, 因為成日都係四點幾五點鐘醒左訓唔番! 希望拿拿聲較番好呢個"時鐘"啦! 今日天氣熱左少少! 突然間接到一個消息, 好唔想到果日!

NAZE --> 解作"為何", 我好想問你 NAZE!

今日都依然係冇落到街, 因為實在係可免則免! 本來夜晚係要返學架, 不過經過考慮之下都決定唔返, 因為好怕坐巴士時會 ... 呀, 不過我朋友就有返到去, 佢都話勁少人返左學, 而且都係教番上一課Ｄ野, 因為亞 SIR 話實在太少人返學喇! 諗諗下我都有成四日冇落過街喇! 我諗聽日都要去買番埋口罩先得喇!

MEMORIES --> 回憶只係好虛擬O既野, 會隨住自己O既"喜好"而改變, 我係指改變記得開心定係唔開心O既事!

尋日日記講漏左一樣野! 尋晚我冇返到學, 但係我個朋友有返喎, 佢仲做左一件令我好感動O既事, 家姐打電話俾我, 話買左個口罩諗住俾我, 不過我冇返到學, 嘩! 真係好感動呀, 因為斯斯到今日都仲未買到口罩! 雖然我冇返到學, 令到你意料不到, 不過我真係好感謝你! 好感動! 今日都仲係冇落到街呀, 因為實在係怕怕, 而家全港學校都話停課, 我都係第一次見係咁架咋! 我真係希望冇人再受到感染, 而感染左O既人快Ｄ好番! 我真係希望係咁!

DEARS --> 我好希望我身邊O既親人、朋友、甚至唔識O既人都可以平平安安!

今日全港學校都開始要停課喇! 我依然都係唔敢落街, 因為實在真係好得人驚! 我真係希望可以快Ｄ完結! 另外我希望 TSUYO 可以心情快Ｄ好番啦, 因為前幾日有個消息令到人好唔開心, 何況係同佢合作過!

奇蹟 --> 我好希望奇蹟可以出現!

尋晚發左個勁差夢! 夢到一Ｄ唔想見O既人! 簡直係惡夢呀!! 今日都冇落刲街, 因為都係果個原因啦! 只係上下網! 睇下電視, 睇下書咁! 唉, 幾時先可以完結呢?!

喜 --> 有咩方法可以沖喜下呢? 香港而家水深火熱!

今日第八日冇落過街喇! 而今朝一起身就聽到話淘大Ｅ座要封十日! 消息好突然! 而且今日仲多左幾十個住客感染左! 我真心希望可以快Ｄ完結!!!

憧憬安達露西亞 --> 其實呢首係日文歌黎架, 日文歌名唔多清楚! 不過好鬼正! 好想睇下果個舞台劇!