背景音樂 : NAZE


歡迎睇我任何一日私日記!
1999
2000
2001
2002
JAN
FEB
MAR
APR
1/5/2003
2/5/2003
3/5/2003
4/5/2003
5/5/2003
6/5/2003
7/5/2003
8/5/2003
9/5/2003
10/5/2003
11/5/2003
12/5/2003
13/5/2003
14/5/2003
15/5/2003
16/5/2003
17/5/2003
18/5/2003
19/5/2003
20/5/2003
21/5/2003
22/5/2003
23/5/2003
24/5/2003
25/5/2003
26/5/2003
27/5/2003
28/5/2003
29/5/2003
30/5/2003
31/5/2003

1/5/2003

唔經唔覺又到五月喇! 今日去左好多地方呀, 好似大埔林村O既許願樹啦、元朗等等! 夜晚就去左沙田食飯, 嘩! 食左好多好出名O既野, 好似: 雞粥、乳鴿等等, 好好味呀真係! 今日都係戴左一陣口罩咋, 因為諗住新界地方空氣好D! 返到屋企有少少累添!

唔該行開 --> "唔該行開誰說過我很可愛, 唔該離開還不應生氣拍(木台), 唔該走開煩到我冇心點菜, 唔該唔該甜品隨時中要害"! 對呢段歌詞有一種莫名O既認同!

返回


2/5/2003

今日睇新碟, 不過睇得幾辛苦, 因為隻碟有少少怪野! 天氣好似涼左少少咁! 真係要小心身體先得喇! 夜晚睇左一個音樂節目, 嘩! 勁呀, 我終於都知道咩叫做"天生音樂人"呀, 長瀨你係得O既!

ROTUE 246 --> 呢首歌好 KAWAII!

返回


3/5/2003

呢幾日真係俾套碟激親呀, 唉, 點解會咁! 真係想買過, 但又好浪費錢喎, 所以都係算了! 今日去左將軍澳飲茶加行街, 買左少少野啦, 不過好慘, 冇買左個得意熊貓散銀色, 希望下次可以買到啦! 夜晚梗係睇電視啦, 好攪笑, 因為盧巧音音樂特輯"三色糖的情式", 有亞敬客串! 都幾爆笑架!

垃圾 --> 今晚無意中聽番呢首歌, 依然好喜歡"不需要完美得可怕"!

返回


4/5/2003

今日冇出到去, 因為一來落雨啦, 二來星期日所以唔想同人迫! 呢兩日我隻耳珠又發炎咁, 真係幾痛架! 希望快D冇事啦! 又好想去街街喇! 唔知過幾日可唔可以又去掃下貨咁呢? 今日睇左套<歲月的童話>, 雖然故事內容唔係太好, 不過畫功真係值得欣賞! 另外睇左家姐O既網上日記, 嘩! 真係攪笑呀, 都話左"生果先生"不知所謂架啦, 又再一次証明到佢係咁啦, 以為自己好有名, 同埋我覺得就算做 FANS 都要有禮貌, 因為好影響人地點睇果位偶像, "生果先生"D FANS 真係要反省下! 不過我覺得好可惜, 因為家姐睇到今次呢件事, 但係我錯失左個機會親眼睇下"佢"點 ... 丫嘛! 今日聽左一個亞敬o既收音機訪問仔呀, 好攪笑!

TELL ME WHY --> 呢首歌太正喇, 再加埋舞台劇O既表現更加正, 最衰張 VCD 咁貴丫, 如果唔係我真係好想睇下呢套舞台劇!

返回


5/5/2003

今日同樓上O既姨姨去左飲茶, 去左一間我未去過O既酒樓, 都幾抵食咁喎! 之後行左一陣, 買左D日用品啦, 都算叫做多人喎, 可能今日紅雨關係啦! 攪到D天氣好濕咁, 真係唔太舒服架O者! 但係唔落雨又唔得O既! 行到五點令先返到屋企呀, 之後第一件事都係由頭洗到落腳! 我又想去買碟睇喇! 希望過幾日有機會去啦! 因為落雨去行街唔係太好嘛!

相信自己 --> 呢首歌詞好正, "活著是應該相信自己", 聽完之後好似信心大左咁, 多謝 SAMMI!

返回


6/5/2003

今朝未夠七點就醒左喇, 所以就睇左幾集劇集啦, 點知到十點幾又好眼訓, 所以訓到十二點令先真正起身! 食午餐之前上左一陣網, 仲好攪笑咁同家姐玩即興去街街添! BY THE WAY, 要同我表弟講聲謝謝先, 因為佢幫我 DOWNLOAD 野, 真係辛苦哂你! 食完 LUNCH 之後即刻出門口啦, 但係都等左成半個鐘先有車黎, 所以比原定時間遲左十令分鐘, 真係要同家姐講聲唔好意思! 當然去旺角就梗係又去買碟啦, 好攪笑, 果個人打左個折扣俾我(因為見我成日幫襯)! 最後仲有意外收穫添(買二送一! HAHAHA!), 都係行左一陣咋, 六點令就返屋企喇, 因為想返屋企食飯, 同埋過幾日又會再出黎喇! 所以大家都要做下乖乖女先!

你還在不在 --> 呢首歌第一二次聽果陣唔覺得好聽, 但係聽落左個感覺又唔錯!

返回


7/5/2003

今日好好訓呀, 差唔多成一點先醒, 可能呢幾晚都唔夠訓啦! 落左街飲茶, 非典型後第一次去呢間酒樓飲茶, 價錢有少少唔同左, 人都少左! 食點心好味左! 返到屋企又係由頭洗到落腳, 之後就係煲碟啦! 夜晚上網知道 KUBOZUKA YOUSUKE 結婚呀, 一來突然, 二來都好替佢開心, 太幸福喇!!

TRUE LOVE --> 將呢首歌送俾 KUBOZUKA YOUSUKE 同埋佢愛人聽啦, 真心希望佢地得到幸福

返回


8/5/2003

今日我冇出到街呀, 因為實在太熱喇, 同埋O係屋企睇碟都唔錯架真係!

ビペ氣ネモネモЛ⑦ヲ --> 呢首歌聽完好元氣呀!

返回


9/5/2003

今日都係睇碟日, 嘩! <SUMMER SNOW>雖然係重睇, 但係真係好感人呢! 不過睇之後好想要果條"人魚眼淚"O既頸鍊呀, 當然如果係夏生送就更好啦! 好攪笑咁同左兩個表弟玩 NETMEETING, 仲睇左"細佬"表演中國功夫添! 夜晚幹線有亞敬做嘉賓喎, 無意中俾我睇到添!

TO FEEL THE FIRE --> 哈哈, 呢首歌 ARM 哂夏天聽!

返回


10/5/2003

今日睇左兩盒錄影帶, 之後訓左一陣喎, 不過都係幾個字咋, 因為有個電話打黎, 再睇左一陣間電視之後就落左去食飯喇, 因為約左舅父食晚飯, 不過等位都等左差唔多一個鐘, 人好多呀今日! 等位果陣去左一間機舖, 嘩, 原來有好多新野玩, 我本來好想玩好多部機架, 因為我見到有"太鼓ソ達人"玩呀, 不過得我一個人玩唔好玩O既! 真係有機會同D朋友一齊去玩下先!

可惜我是水瓶座 --> 有一句係"然而明知水瓶座最愛是流淚", 而另一首"水瓶座"又有一句"寧願她取笑我愛哭的水瓶座", 但原來最愛哭O既唔係水瓶座喎, 填詞人真係 ...!

返回


11/5/2003

今朝九點未夠醒過一次, 不過再訓番! 食完 LUNCH 之後就成家人入左將軍澳行街街, 買左少少野咋, 不過今日真係好多人, 仲見到鄭中基添! 本來諗住食埋晚飯先返屋企架, 不過因為太多人喇, 所以決定返屋企食大餐! 好好味呀!

真的愛你 --> 今日係母ソ日, 同媽咪講聲: 母ソ日, れバザジよ!

返回


12/5/2003

今日成點先起身呀, 因為個鬧鐘冇電喎, 所以攪到我唔識醒, 太好訓添! 之後去左飲茶! 飲完茶就返左屋企喇, 又係睇下電視玩下電腦咁啦! 之後五點鐘到出左去, 因為想行下街, 不過都買唔到我一直想買果樣野! 之後好唔好意思咁, 我同大家姐遲到左! 家姐希望你唔好介意呵! 之後我地去左食 PIZZA 呀, 好耐冇食過喇! 都幾好味! 之後我地又去左行街街, 哈哈, 今年份禮物好似兒嬉左少少, 希望家姐你唔好介意啦! 之後本來諗住去打機架, 不過果間野又冇"太鼓ソ達人", 所以冇玩到呀, 再行左一陣, 大約十一點令返到屋企喇! 其實又真係幾累喎, 不過今日勁開心呀, 因為好耐冇試過三姐妹咁去食野傾計!!

活得比你好 --> 我將呢首歌送俾一D好鍾意對號入座O既人丫!

返回


13/5/2003

尋日唔記得左講一樣野添, 坐車返屋企時, 見到個人好似係"余同學"呀, 不過我又唔肯定喎, 諗諗下都好耐冇見過佢地 LU! 今日冇出到去, 因為實在太熱喇! 掛住睇碟, 其實 SOS 唔算係好好睇, 不過都唔錯O既, 唔知到最後"小唯"情歸何處呢? 夜晚食左餐好好味O既晚飯!

今天應該更高興 --> 因為我今次深信, 從今以後會得到安靜!

返回


14/5/2003

今日去左飲茶呀, 都唔係等左好耐位咋, 算係幾幸運啦! 飲完茶行左一陣先返屋企, 當然第一樣要做O既就係由頭洗到落腳, 之後就好開心咁睇碟喇! SOS 尋晚睇完 LU, 其實我筧得片中O既"小唯"真係一個幾獨特O既女仔黎架, 佢一方面追求有趣O既事, 追求自己愛O既人, 但到最後先發覺原來最愛果個係哎O也哥哥, 當中O既誤會真係幾令人頭痛, 不過真係感受到對對方O既果份愛, 正如片中所講"我地係為愛而生存O既", "所以, 我不能忘記你!", 真係好睇! 夜晚當然係睇<勁歌金曲>啦, 有亞敬做嘉賓! 我開始覺得唔出面支持佢都可以, 因為有時最正O既就係默默咁支持, 自己知就夠喇! 前幾日睇左個電視節目, 唔係好記得個節目名喇, 不過就好確切咁俾我睇到"渴睡症"O既患者係點O既, 其實聽就聽得多, 見都係第一次見, 其實都幾慘架, 因為"渴睡症"O既患者, 佢地唔能夠控制到睡魔O既出現, 所以令到日常生活都有好多好多不便! 究竟點解地球有咁多病架呢?!

今天你生日 --> 今日係二家姐生日大日子, 我祝你幸福! "れ誕生日, れバザシよ"!

返回


15/5/2003

今日都冇咩特別, 夜晚就要返學, 不過好唔乖咁早走左呀, 因為實在太太太得人驚喇, 家下 SARS 咁勁, 課室都已經冇開窗架喇, 果D傻O既同學仲要將所有冷氣熄哂! 嘩! 實在係一個高危O既環境, 所以O我同家姐極速討論之後, 決定要做逃學威龍呀, 因為真係命仔緊要! 之後就去左行左一陣啦, 嘩, 勁呀, 俾我地發現到一個地方有我地想買O既雜誌喎, 我真係第一次O係香港見到有得賣架咋! 所以好開心咁買左兩本! 不過好奇怪, 兩本都冇我想睇果個O既???!!!

發奮 --> 呢首歌亞 YU 唱得唔錯喎!

返回


16/5/2003

今日終於又睇完<GTO>, 真係又再一次被感動, 真係幾好睇! 最衰套碟啦, 如果唔係一定 KEEP 番套! 今日天氣真係好熱呀 所以特製左一杯凍朱古力, 真係正! 哎唷, 點解俾我睇報紙睇到果段新聞架! 唔諗喇! 因為真係好 DOWN ! ( 244 仲咩唔等我?!), 不過算了, 因為可能係假O既, 同埋我朋友話一個聰明O既女仔, 應該O係適當時候失憶! 另外今日收到消息話盧巧音決定將 5 月 24 日晚佢O既演唱會, 最貴O既門票會每張捐 100 蚊去抗炎, 其實真係唔錯喎, 起碼唔會好似其他公司果D咁, 買幾廿蚊野先捐得果一毫子丫, 雖然一晚演唱會最貴O既飛唔會真係太多, 不過每張捐 100 蚊喎, 真係好感動呢!

SAKURA DROPS --> 睇完張れ花見O既相之後, 真係好想好想親眼去睇一次!

返回


17/5/2003

今日去左將軍澳飲茶呀, 飲完之後行左一陣, 買左少少野啦, 仲有抽獎活動添! 今日又見到有一件好感動O既事, 白花油呀, 我無意中睇到原來而家O係萬寧有白花油套裝喎, 十蚊一套, 但係就全數都捐出黎, 人間有情! 我今日好開心呀, 因為搵到幾個亞敬電台訪問, 我可以一生一世咁 KEEP 住喇, 唔洗成日上網聽咁麻煩!!

回首 --> "那些欺偏說話無謂再三回首", 呢句好正!

返回


18/5/2003

今日去左行荷里活廣場呀, 人都算幾多架, 不過真係冇咩行O既, 本來O係 VEEKO 睇 ARM 條褲架, 不過冇我尺碼丫, 真係衰架O者, 好鍾意個紙袋架嘛! 唯有下次再去睇過啦(紙袋呀紙袋!)! 四點令返到屋企啦, 之後沖完涼睇左一陣電視, 但又唔知點解好眼訓喎, 所以訓到六點幾七點先起身食飯!

我一個人住 --> 呢首歌我近排聽番, 發筧真係好好聽喎, 唔知係咪D舊歌可以百聽不厭架呢?!

返回


19/5/2003

今日又去左飲茶, 之後行左一陣, 買左兩包餅餅! 返到屋企聽收音機啦梗係, 不過真係好攪笑, 唔知點解o既呢!

家有惡女 --> 係好有趣o既歌手"有耳非文"o既歌, 真係好得意架, 不過好似深左少少!

返回


20/5/2003

今日O係屋企無聊左一陣, 之後就去左附近一個商場, 諗諗下都成三個月冇去過喇! 都唔錯, 幾清潔丫! 不過好多間野執左! 冇買到野呀, 因為都睇唔 ARM ! 租左好多碟睇呀, 不過都買唔到我最想搵O既果隻碟, 因為間野冇哂果堆貨喎, 唔知佢拎左去邊呢, 早知咁樣上次就買左佢啦! 好掛住 244 呢! 唔知佢O係他方O既國家元唔元氣呢?

元氣飯團 --> 都係"有耳非文"o既歌, 其實我好想真係有呢種飯團, 食左會元氣就正喇!

返回


21/5/2003

今日都係冇出過街O既, 因為一來天氣熱啦, 二來又好似冇咩地方想去喎! O係屋企睇左<千與千尋>(好感人喎, 亦好得意), 之外仲睇左<乒乓>, 雖然好似好另類咁, 不過都幾有趣架喎!

習慣失戀 --> 我好鍾意幾句歌詞: "知我是個無法討好的人, ..., 我可討厭到如此乞你憎", 呢幾句歌詞真係填得唔錯, 而且 JOEY 都好似唱得進步左咁!

返回


22/5/2003

今日去左飲茶, 因為我表弟同埋佢女朋友黎同我地飲茶! 飲完茶之後返左我屋企啦, 我表弟仲教我打 BIO HAZARD 添, 都幾好玩, 又幾得人驚咁! 我要努力, 因為 244 勁愛呢個 GAME, 我要努力! 之後又教我玩果個學英文 GAME! 我又要再努力! 之後就要返學喇, 佢地都同我一齊落樓坐車返屋企! 夜晚返學都學左少少野啦, 唔知係咪冇咩人返學定係仲有好少野要教呢, 因為而幾堂都係教左好少野! 之後就同家姐去左食野, 好攪笑, 我見到陳錦鴻喎, 佢望左我一野喎! 之後行左一陣, 再去左食麥麥啦, 點知又見到李家鼎個細仔, 嘩! 勁扮野呀, 仲要以為我同家姐係佢 FANS 咁! 真係好心 SAVE IT 啦! 呀, 食野之前去左打機喎, 玩左部彈琴機呀, 玩左兩首歌, 嚇死人呀, 我玩得太差喇! 要練下先! 不過都好好玩, れパウボゆ! 下一個目標係"太鼓ソ達人"! 今日好開心呀, 因為買左隻<模倣犯>, YEAH! HEEHEE, 成十一點幾先返到屋企添!

但願他珍惜你 --> 行 VCD 店時聽番呢首歌, 但好似變左係郭富城唱, 真係好怪!

返回


23/5/2003

今日落過去買野, 仲買左好好味O既油皮蛋撻, 真係好好味! 本來諗住睇下寬頻架, 點知果檔野冇開喎, 尋晚都見到有O既! 之後返黎當然要沖涼啦, 之後就睇番尋冕錄O既錄影帶, 點知睇睇下好眼訓喎, 可以講係好好訓呀, 由五點幾訓到七點幾呀, 真係好幸福呀!

雪榚車 --> 好耐冇食過雪榚車O既雪糕, 不過我諗一定冇以前果D咁好味!

返回


24/5/2003

今日睇左<怪獸公司>, 好攪笑呀, 同埋又好得意喎! 夜晚就係睇<1:99 音樂會>, 好耐都冇辦過一個咁大型O既慈善音樂會喇, 仲要O係香港大球場喎! 亞敬都有份演出, 佢染左個新髮色呀, 有少少嚇親添, 但我覺得唔太適合佢咁! 講開呢個音樂會呢, 我不得不講下一樣野呀, 就係我發覺有好多所謂O既歌星呢, 都以為係佢地O既個人演唱會咁, 唔止一個歌星係咁, 我眼見O既有: 蕭XX、啤X、蘇XX、楊XX等等! 同埋好奇怪架喎, 雖然係每人都唱少少咁, 但係都唔該尊重下呢個活動, 其實身為一個歌星(其實應該係歌手, 不過我覺得似歌星多過歌手!), 唔係應該唱歌第一架咩? 點解會有好多個歌星都係走音、 唔記得歌詞? 甚至夾口型呢? 雖然都應該係做慈善行先, 但係都唔該真係要專業少少嘛, 或者呢D就係香港樂壇O既"特色"掛! 我開始明白到 BEYOND 前排所指O既"香港樂壇 = 娛樂圈"係咩一回事喇! 成晚我係覺得張學友先可以稱為歌手! 起碼你睇到佢係真係唱得好, 而且著得比較尊重大會! 今日香港第一次零感染, 其實真係應該開心, 不過我唔認同就等於唔洗去戴口罩, 雖然世衛講得 ARM, 戴口罩應該係有病O既人! 不過你要知道, 試問O係香港有邊個病左真係會戴口罩咁有品呀? 零感染並唔代表 SARS 冇左喎! 開心得太快喇掛! 當然冇人會想 SARS 再黎過, 不過, 請相信呢個現實啦, SARS 係存在架, 唔係話一到零感染就可以唔戴口罩, 其實O係而家香港呢個教育背景黎講, 戴口罩完全係保護自己O既一種做法! 因為我地一直唔會好似日本咁一病就會自動自覺戴口罩, 保護自己架咋! 其實有時我真係覺得政府好多人都好天真! 真係唔好咁短視呀, 因為呢個問題係存在架嘛!

我一個睡 --> 今日聽到呢首歌喎(個歌星好似叫黃蓉), 我好鍾意D歌詞, 大約話佢已經慣左一個人睡, 男主角反而變左係佢驚O既野!

返回


25/5/2003

今日突然落好大雨, 所以攪到冇得去街街添! 今日好肚痛呀唔知點解, 唔通食得野太多?! 今日係大日子呀, 因為 244 + 51 o既大日子! 嘻嘻! 祝演出成功! 夜晚聽到蘇永康現場唱<哭泣遊戲>, 亞敬彈琴伴奏! 不過真係俾蘇先生o既歌聲嚇到我半死! 破壞左首歌添!

我太強 --> 又係一個值得討論o既問題: 女性太強, 係咪有罪呢?!

返回


26/5/2003

今日肚痛好左少少啦! 不過都因為咁樣而冇落到街街! 今日試用左一個新軟件, 就因為咁樣, 攪到試驗左成 7 個鐘先知成果! 好彩唔洗我坐住o係部機睇住佢o者! 今日睇左套<不死情謎>, 雖然唔鍾意黎明, 不過女主角瀨戶朝香好正呀, 好鍾意佢, 因為佢好鬼型架!

落錯車 --> 今日第一次聽呢首歌, 感覺好似"跳傘"咁, 原來一睇, 真係 GIGI 作曲架喎!

返回


27/5/2003

今日去左飲茶呀, 好好味, 所以個胃有少少唔係太舒服咁, 之後去左行好多地方呀, 不過買左少少野食咋! 返到屋企都五點幾 LU ! 睇左套<衛斯里之藍血人>, 其實個故事唔錯, 但係如果佢再講得詳細少少會好好多! 呢套戲都不過不失啦! 仲有呀, 今日睇左<落錯車>O既 MV , 又靚又好睇!

VOYAGE --> 係 HAMASAKI AYUMI O既舊歌, 我好鍾意佢果句: ニゑギグゾ ウやマオゆ, 無錯, 真係要幸福先至最好!

返回


28/5/2003

今日冇去到街呀, 因為今日好似想落雨咁(但係又冇落到喎!)! 今日聽森美小儀, 真係俾佢地笑死我呀, 竟然講講下溫泉, 都可以關亞敬事, 真係笑死人呀! 其實話時話丫, 我都想去玩下溫泉, 正如森美話齋, 我真係走唔出日本架喇! 差唔多日日O既生活都會同日本有關O既! 嘻嘻!!

高妹前後傳 --> 係胡諾言 + 杜雯惠O既歌, 我覺得佢地兩個本身O既聲線同埋唱功都唔錯, 不過呢首歌的確令我唔太欣賞!

返回


29/5/2003

今日聽森美小儀真係俾佢地笑死呀, LEO 剪果段"山寨王打到黎"真係笑到我肚痛呀! 其實我覺得 LEO 把聲唔錯! 如果去唱歌肯定好過生果先生呀! 夜晚就要返學, 今日家姐有事冇返添, 冇得去食麥當當! 返到屋企好正, 因為有人 SALE 寬頻, 聽日有結果! 仲有爸爸O既愛人麵麵食添! 今日睇左套<不速之嚇>, 嘩! 嚇死人呀, 真係估唔到個結局係咁!!

舞吧! 舞吧! --> 我幾鍾意呢首歌O既曲, 我亦覺得 YUMIKO 小姐唱歌進步左! 不過D詞的確有少少問題!

返回


30/5/2003

今日去左飲茶, 因為要去買 ETHERNET CARD ! 哈哈, 因為斯斯終於搵到間用到O既 ISP 轉寬頻喇(快D恭喜我啦!), 飲完茶之後去左行左一陣, 買左好多野呀, 之後仲見到有人採排喎, 不過真係冇個 ARM 我口味果下攪笑! 夜晚黎安左寬頻喇終於! 真係好開心, 因為 DOWNLOAD 快左勁多! 好開心! 今日報紙好多份都有亞敬呀, 切豬骨好攪笑! 之後仲要收到N先生O既醫貓, 估唔到佢呢排咁鬼忙都回我醫貓喎, 其實真係好令我感動呀! 真係要搵機會好好咁多謝佢先!

開心又過一日唔開心又過一日 --> 亞牛O既歌, 我好鍾意個歌名, 亦令我諗起呢兩日吳君如講O既野, 佢話有時憎一個人或者鍾意一個人或者識到一個人, 其實都好難得, 無論點都好! 我鍾意而家O既生活, 其實有時放鬆D就會好!

返回


31/5/2003

今日好忙呀, 都係忙於電腦呀! 實在太好喇! 夜晚識左個新網友, 都好有趣, 最好o既係我地有共同O既話題(有關日本O既!!!), 不過今日我聽聞 244 病左呀!! 嗚嗚嗚! 呢排真係辛苦佢呀, 咁多野做, 又冇咩時間休息! 真係令人擔心! 我好擔心呀! 希望佢快D快D好番!!!

我想 --> 呢首係王菲O既舊歌, 我好鍾意佢呢隻大碟架, 不過最唔賣得就係呢隻碟! "我想"呢首歌好正!

返回


inserted by FC2 system