今日我冇去街呀, 因為開始怕人多(Ｃ唔Ｃ丫!) O係屋企打下字咁啦, 練ING 日文打字! 夜晚睇 MODEL, 不過真衰, 我知道邊個贏左添! 唔係 ELYSE ... 嗚嗚, 我唔制呀! 我狂哭! 今日係 KENSHIRO O既生日呵! HEEE, 祝佢同剛剛幸幸福福, 鍚鍚! 夜晚同邦邦先生傾左一陣電話! 要努力呵!

面具 --> 瑄瑄呵, 呢首歌我聽親都好想笑, 因為瑄瑄真係好可愛!

今日本來冇街街去, 不過二家姐突然約我出街街喎, 出左去旺角, 行左好耐, 不過都有好多地方唔記得左行! 下次再去過先! 睇返尋晚梅姐個節目, 亞傑真係唱得勁正! YEAH YEAH! 夜晚去左食壽司任食, 好抵食呀, 有機會再去食先! 食完再行左一陣, 買到四張熊貓貼紙! 家姐好攪笑, 玩果支整估人O既筆筆, 俾支筆筆電左一野! 之後佢仲要好開心, 哈哈, 好攪笑! 之後坐地鐵返屋企 LU! 行返屋企時打左電話俾 HONEY KAZU ! 真係俾佢笑Ｃ我!

好心好報 --> 我都相信有好心得好報!!

今日我冇去飲茶呵, 因為有少少唔太舒服! 不過媽咪買左麥樂雞我食呵! 好味! 之後要返學呵, 今日家姐終於都放工放早左, 返到半堂! 家姐, 努力呀!! 放左學去左食麥當勞, 不過因為日頭食左麥樂雞, 所以就只係食左個蘋果批! 好味! 不過都係菠蘿批好味Ｄ!!

今天你生日 --> 呵呵, HONEY KAZU 生日!! YEAH YEAH!!!

呵呵, 今日去左飲茶 LU, 之後行左一陣啦! 不過天氣好熱呵! 之後不停咁打日文呵, 我要努力呵, 因為尋晚派返果份功課實在慘不忍睹! 冇理由少少日文我攪佢唔掂架嘛! 我愛人等ING我學好日文架嘛! 呵呵! 夜晚同邦邦先生傾左一陣電話啦, 呵呵, 唔錯! 習慣新環境, 真好! YEAH YEAH, YOKATTA NE~~~!

攪不懂愛 --> 似易又唔易, 似難但又唔係好難!

今日天氣都係麻麻地, 空氣好似好差咁O既! 今日都冇咩特別事發生呵, 幫人 DL 野啦, 幾勁, 幾個鐘就 DL 完, 夜晚香港Ｘ頻O既電話, 我真係好鬼憎呢間野架, 好鬼煩, 成鬼日好似講秘密咁, Ｃ都要搵到個申請果個人聽電話, 所以今晚我係鬧左果個人幾野, 因為我真係忍左好多次架喇, 就當今晚打黎呢個職員唔好運啦!

面具 --> Ｄ歌詞好好笑架, 係講狗仔隊, 而且個感覺唔錯!

今日空氣都麻麻地咁, 個鼻好唔舒服咁, 真係好辛苦咁! 今日又去左飲茶喎, 因為同亞姨飲呀, 嘻嘻, 食左好多好味O既點心! 之後當然係行左一陣啦, 不過又真係冇咩野行咁! 之後返到黎本來想溫書, 不過又懶啦, 我成日都想做下功課俾果個女人改下, 但係就係懶, 諗諗下, 星期一交果幾句野我都未作添, 好! 未來幾日我要努力! 近排開始對仲間由紀惠有少少改觀, 本來好唔鍾意佢架, 因為做親Ｄ角色都好衰, 不過近排我反而對佢有少少改觀, 我諗我遲Ｄ睇完＜圈套＞仲會改多Ｄ掛!!

DREAM --> Ｃ啦, 近排日日聽徐若瑄Ｄ新歌, 越黎越鍾意呵, 因為佢填O既詞呢, 好特別架, 有好多一邊聽一邊會同佢一齊傷心, 但係又有好多聽完會好 GENKI 架!!

今日我都冇出到街, 個鼻都依然係怪怪咁! 今日一口氣溫左差唔多十課日文! 仲做埋功課添! 幾叻叻! 不過我還需努力!!

愛是有故事的旅行 --> 李泉新歌, 呢個歌名好有詩意, 睇個名都夠 LU!

今日都係冇出到街, 因為今日落大雨! 所以我又係做下功課, 溫下日文咁啦! 本來諗住睇套日劇架, 不過最後溫左幾個鐘頭書, 就冇時間睇喇! 我聽日都仲要再溫下日文先, 因為實在有好多太混亂! 夜晚 NUT 妹妹教左我幾句韓文, 勁! 不過又同時發現到我放版版Ｄ圖果個網頁空間唔掂, 攪到我幾個版版都冇哂Ｄ圖! 激Ｃ我!

I'M PROUD --> YES! I'M PROUD! YEAH YEAH!!

今日本來冇街街去架, 不過後尾又約左二家姐去街街, 仲去左吉野家食野, 仲"立"左兩張 SAMMI 添! 好靚架呵! 之後不停咁行旺角, 行左幾轉, 買左熊貓簿仔啦, 幾本雜誌呵, 唔知點解好平呵! 不過家姐收穫大好多, 因為有鞋鞋啦, VCD 啦! 仲有雜誌啦, 呵呵! 夜晚我地去左食肯德基呵! 不過舊雞蝦我, 激Ｃ我! 之後又行左一陣啦, 先前家姐諗住買扭蛋蛋, 不過又衰喎果間野, 寫到唔清唔楚, 抵佢冇生意, 嘿! 不過好攪笑呀有樣野, 就係我地行行下兆萬, 突然間聽到一把女仔聲用國語講: 親愛的, 快聽電話 ...! 哈哈, 原來係其中一個女仔個手提鈴聲, 真係好攪笑!!

你未講過 --> 其實我係想講我今日同家姐講左一件我未同人講過O既事! 呵呵, 真係我想搵返果個感覺, 呵呵!

尋晚因為追睇＜淘氣雙子星＞, 所以成三點先訓! 今朝又八點鐘到起身喎, 真係 ...! 之後過左海啦, 食完野聽完野, 諗住去行下銅鑼灣架, 不過之後有個爸爸O既朋友打黎, 去尖咀飲茶喎, 咁就坐船過返去尖咀, 行左一陣再去飲茶啦, 飲完茶四點令就再去行左一陣, 由尖咀行到去旺角, 之後我再一個人行返去尖咀返學! 仲去左零食物語買野飲添, 估唔到果支綠茶都幾好飲喎! 我當然係冇遲到啦, 不過好眼訓咁, 果個女人又要我講左一句日文, 佢仲係專登行埋黎再話: 等我問一個靚女一條問題先! 唉, MISS 我知我靚, 不過唔好咁大聲嘛! 之後同家姐去左食麥當當, 仲見到個麥當當姐姐拎住左一個好大O既薯條野, 唔知咩黎架呢, 可能遲Ｄ有得換架! 之後就坐車返屋企喇, 家下好眼訓添!

突然想起你 --> 就係有時因為一刻O既感覺, 就會想赸某Ｄ人! 呵呵, 尋晚睇完＜淘氣雙子星＞, 我突然想起黃翊哥哥呵, 只怪當年我膽小! 我真係希望O係未來日子裡面會有機會親身見到你, 因為我想同你講我當年到而家一直都想同你講O既野! 你快Ｄ出現啦!

今日我冇出到街, 睇左一集＜淘氣雙子星＞, 聽下收音機咁, 不過唔知係咪天氣凍左, 所以好眼訓! 所以都訓左一陣! 夜晚打邊爐呵! 好味!

BANG BANG --> 又令我諗起鄒靜隻碟, 好多歌都好感動!

今日去左飲茶呵, 之後就出左旺角行左一陣, 不過咩都冇買到, 因為都睇唔 ARM ! 天氣凍左, 其實唔錯架, 不過皮膚就乾左少少, 同埋打字時隻手都唔太聽使咁! 夜晚都係打邊爐, 好好味呵!

將愛 --> 原來呢首歌個意思係"將愛進行到底", 唔錯唔錯!

今日好好喎, 邦邦先生個電話令我醒左, 打黎傾左一陣, 之後收線, 佢食完 LUNCH 又打黎傾多一陣! 之後就係上下網呀咁, 夜晚出門口先發現剛剛隻 CD 收到喇, 原來係對方寫錯左地址(激Ｃ人)! 大約用左個令鐘去到機場, 集合後仲要行個幾鐘先上機喎, 不過好好笑呵, 無意中接到鱷先生喎, 笑Ｃ我! 諗諗下我都成五年冇坐過飛機喇! 今次目的地係韓國!

緊張 --> 講真丫, 真係幾緊張架, 好耐冇出過門!

大約凌晨十二點半起飛, 坐左大約兩個多鐘頭就到左韓國喇, 坐左一陣車就去到溫泉喇, 不過其實果個唔算正式溫泉, 而係浴場, 不過我冇浸到呵, 因為唔想同團O既人見到嘛, 呵呵, 不過韓國人好有趣, 真係個個訓哂O係裡面Ｄ地下度! 我都訓左一陣, 因為實在太眼訓喇! 之後就坐車去左一個叫做＜夢幻樂園＞O既地方, 仲見到有人拍ING 韓劇添, 不過好可惜, 一個演員都唔識, 如果識O既我會衝埋去架, 呵呵! 今次黎＜夢幻樂園＞仲第一次坐吊車(即係腳 FING FING 果Ｄ山兜呢!) 真係好恐佈架! 見到裡面有好多店都有好多熊貓呀, 不過我冇買, 其實唔係貴呀, 而係我傻豬左, 因為唔習慣計韓幣, 見到個熊貓頭頭, 五千韓幣, 我以為好鬼貴所以冇買, 點知走左之後先認真咁計, 原來只係三十幾蚊港紙, 不過走ED 啦, 冇計, 所以大家下次再去＜夢幻樂園＞記住話俾斯斯知, 幫幫手! O係裡面食左個炸豬扒飯, 幾好味喎! 幾個後就坐車去＜龍平渡假村＞, O係架車度勁訓呀真係, 因為實在頂唔順, 凌晨機都冇訓過咁! 大約夜晚六點去到渡假村, 返房坐左一陣, 六點半就去食韓燒, 不過只係得豬肉同埋茶咋, 都幾好味架! 食完之後行左一陣, 就返房沖涼喇! 不過我要同一個隔離團O既"亞豬媽媽"一間房, 因為冇計啦, 我單丁, 不過好早訓呵, 大約韓國時間九點就訓喇! 今日行程我發現到, 韓國Ｄ可樂好似甜Ｄ, 同埋冇咁多汽!

緣份 --> 我信緣份架, 因為我O係飛機上面, 一開個電台就播ING KINKI O既歌, 你睇下幾有緣!

今朝早 MORNING CALL 本來係 8:20 O既, 不過同房O既"亞豬媽媽"個 MORNING CALL 就係 7:45 , 佢唔止有鼻寒, 而且仲要五點幾就起身喇, 攪到我冇覺好訓! 之後九點鐘就去樓下食早餐喇, 係自助早餐, 不過冇咩野食咁! 食完早餐就坐左吊車上去渡假村個雪山, 今次吊車唔驚 LU, 尋日腳 FING FING 我都試過, 呢Ｄ有哂成個盒咁, 驚咩喎! 雖然冇落到雪, 不過地下都有少少雪呵, 好開心架! 原來呢度個賣點係拍過＜冬戀＞(俾果仁妹妹見到一定開心Ｃ佢), 影左好多相呵! 同埋勁多 POSTER, 不過非賣品! 好大風呵, 有一野我真係爭Ｄ吹走左我呵! 之後去左果度果間餐廳, 唔係食野, 只係影下相行下咁, 佢果度可以寫低Ｄ MESSAGE 架, 我寫左"KINKI KIDS FOREVER", 呵呵! 之後坐返吊車落返去, 其實吊車都幾耐架, 差唔多二十五分鐘! 返房拎齊行李, 十二點就集合去左個唔知咩紀念館, 睇左一陣, 影下相咁, 之後就坐車去食 LUNCH 喇! 係一間地道O既韓式料理(火鍋)! 坐地下O既, 幾有風味咁架! 食完之後就坐車去左新O既酒店 (HOTEL SONGDO BEACH), 今日終於三個人一間房, 因為有三張床O既, YEAH! 因為同房果個亞豬媽媽好夜訓同埋好早起身, 同埋最重要O既係, 同一個唔識O既人同房其實超冇安全感架, 所以好醒呀我, 好唔方便! 之後放低行李就坐車去海邊喇! 行左一陣啦, 仲見到有人放煙花喎, 其實好想玩架, 不過你知啦, 同父母去就一定唔會陪我 DIN ! 買左支可樂 1650 韓幣(1.5L), 不過原來韓國買野係冇膠袋架, 吾, 又唔係冇O既, 不過要另外俾錢! 晚餐食海鮮呵! 係加錢食O既, 有魚生呀果Ｄ, 不錯不錯! 不過要咬住條生八爪魚黎影相, 我影果陣條八爪仲要想啜我個額頭, 所以張相我個樣好狼狽下架! 之後坐車返酒店喇! 返到酒店照鏡發現到原來我俾條八爪魚啜到個咀角有兩點紅紅的! 全日節目完, 聽日落 SEOUL 漢城喇!

想太多 --> 其實"影相 OBBA"(因為有個韓國人隨團幫我地影相架), 都幾不錯架!

今朝 7:45 MORNING CALL! 之後食早餐, 食完就坐車去左東大門! O係果度行左兩個鐘, 買左好多熊貓O既精品, 其實都係好平好簡單O既野! 之後又坐車去左 COEX MALL, 行左一個鐘頭左右啦! 好多精品店呵, 都有熊貓, 不過今次真係太貴唔捨得買! LUNCH 食中餐, 不過真係唔好食呵, 因為韓國人煮中餐都係怪怪咁! 食完之後就去左 LOTTE WORLD 喇! 玩左幾樣野咋, 包括: 仙巴大冒險、小火車(不過冇駛出出面, 因為好大風呵)、動感影院(冇＜夢幻樂園＞果個咁正), 冇玩其他 LU, 因為太多人, 同埋主要原因係我細膽! 買左少少紀念品啦, 因為好靚呵, 我真係好有眼光呢! 不過發生左件好好笑O既事, 原來好多人都以為我好細個, 有個團友問我係咪 15,6 歲! 導遊 MICHAEL 估我 18 歲, 而影相 OBBA 就估我 22,3 歲, (呵呵, 睇下我外表 KEEP 得幾好! YEAH!), MICHAEL 問我係咪識國語(因為佢講國語O既), 我就話我有學過, 之後佢話佢都我識聽, 因為坐車時佢講野見到我笑, 佢就知我識聽喇! 七點幾睇埋巡遊就走了! 坐車去左附近 DINNER ! 今晚 DINNER 好正, 係石頭飯+鐵板燒! 石頭飯真係好好架, 我第一次食咋! 之後去左一陣 7-11, 就坐車返酒店喇! 今晚住＜華克山莊＞, 好可惜我又要同亞豬媽媽一間房! 真係冇計啦! 呢間酒店仲要住兩晚添! 第時單丁真係唔好預我去旅行呀! 因為真係幾煩架, 好驚架嘛! 不過冇計啦! 仲未買到野俾果仁妹妹添, 我要努力加油先得! PS, 今日仲有去過 2002 年世界杯會場架, 不過"好記性"O既我, 唔記得左幾點去O既!

想太多(X2) --> 影相 OBBA 真係不錯喎, 最衰冇學少少韓文啦, 我連佢叫咩名都唔知道呢, MICHAEL 話影相 OBBA 叫 JACKSON 喎! 佢地夾埋咪係"MICHAEL JACKSON"咯! 呵呵!

今朝 MORNING CALL 8:20, 不過我當然又係俾亞豬媽媽一早嘈醒左啦! 九點集合食早餐, 不過唔係O係酒店食, 去左一度食山東早餐, 不過所謂山東式早餐就係餃子呀... 果Ｄ怪怪野! 食完之後就去左總統府! 影下相咁, 之後就坐車左人蔘專賣店喇(買左兩盒仔啦, 希望真係對身體有益啦!) 再去左冬虫夏草店(冇買到!), 之後就坐車去食 LUNCH 喇! LUNCH 係食人蔘雞呵, 我都係第一次食, 我覺得好好食呵, 真係好好食! 食完之後就去左＜景福宮＞, 當然係要影下相啦, 仲聽左少少韓國歷史! 仲同左領隊 CAROL 姐姐合照, 呵呵! 之後又坐車去 DINNER, 去到嚇Ｃ我地呵, 因為勁多勁多人, 仲要係自助餐! 勁多大陸團喎, 我真係唔係話歧視呀, 而係果Ｄ大陸團O既人食自助餐好怪架, 企正O係個拎野食果張桌果度, 拎左一大碟野企左O係度食喎, 一邊拎一邊食, 冇郁過, 咁你叫人地點拎丫! 所以 MICHAEL 即刻扯火拉大隊走! 走左去 LOTTE WORLD 果度果間野, 都係食自助餐, 食完 8:35 上車啦, 點知突然間又話 9:00 先集合, 所以就去左行 LOTTE MARK 喇! 嘩嘩嘩! 大發現呵, 原來韓國有一隻果汁個招紙係熊貓黎架, 最正係就連個樽都有個熊貓頭O係度架! 所以我買左一支, 其實佢有六隻味架, 不過六支真係拎唔到, 所以揀左支黃色O既! YEAH YEAH! 之後坐車返酒店喇! O係房坐左一陣 (當然唔係我同亞豬媽媽間房啦), 因為要落賭場(WALKER HILL), 我咁大個女第一次去賭場架咋! 所以我玩左一舖"大細", 我贏左呵, 不過好少O者, 贏左五千韓幣! 之後冇玩喇! 送左個好靚O既鎖匙扣呵! 不過又要講一次大陸Ｄ遊客真係好咩架, 明明我地企左O係張賭桌果度啦, 點知果個咁O既女人, 一行埋黎就狠狠的撞開我地喎! 大佬呀, 就算你趕住輸都唔洗咁下嘩! 真係好過份呵! 行左一陣之後就返房沖涼訓覺喇! 聽日 LAST DAY 喇! 有少少唔拾得添!

想太多(X3) --> 其實好想同影相 OBBA 影相, 不過唔敢!

今朝 8:00 MORNING CALL, 不過冇 CALL 到我間房, 所以係亞豬媽媽叫醒我架! 去返媽咪房集合啦(係我地一家人集合! 呵呵), 九點出發坐車去食早餐喇! 坐左大約一個鐘就到! 有白粥啦..., 我個腦突然間諗起一句"活在當下", 以就主動出擊! 當影相 OBBA 幫我裝完粥時, 我同佢講"COME沙MI打", 我講完呢句仲好笑! 佢呆左一呆! 因為應該係嚇親! 之後佢用國語講"唔好客氣"(佢只識幾句國語呢), 都 OK 喇! 哈哈! 食完之後去 TOILET 啦, 好攪野架, Ｄ TOILET 係男女一齊架, 不過係有兩格, 但出面有個尿兜咁! 所以幾特別(得意就唔敢咁講! 係幾特別!), 之後就坐車去戰爭博物館、東大門, 不過冇野買到, 因為太貴, 一係就係唔會買! 有行到"新世界"百貨公司, 媽咪買左件披肩! 幾靚架, 都係萬五韓幣, 質地好好! 之後集合後就去左水晶城, 買水晶, 我真係冇咩興趣! 又貴, 佢講到話Ｄ水晶好勁, 其實我唔多信! 我信自己多Ｄ! 之後又去左一間"榮華雜貨店", 買土產, 不過真係勁貴呢, 比起出面Ｄ超市貴三倍到啦, 我見到一個鎖匙扣, 諗住買俾果仁妹妹架, 不過真係真係太貴, 我冇錢呢! 買完之後就去機場喇, 坐 7:30 機, 不過我地 6:10 到先到機場, 因為係專登O既! MICHAEL 話唔洗等咁耐, 之後好快就寄左行李呀果Ｄ, 始終都係冇同相 OBBA 影到相啦, 不過算啦, 我諗我Ｄ妄想症發作O者! 呵呵! 之後同 MICHAEL 同埋影相 OBBA 道別之後就過關上機喇! 真係唔太捨得架咋真係, 因為呢幾日真係好好玩呵, MORNING CALL 又唔太早! 車程又唔辛苦, MICHAEL 吹水又好笑! 同埋全部路程都係順路, 唔辛苦咁! 坐飛機返香港, 本來係同同團果個三歲小朋友坐架, 不過佢真係太過活潑喇, 我俾佢 MEET 左幾野(勁痛), 又蝕底左少少佢, 真係..., 所以飛定左之後見到有吉位, 就調左去坐喇, 費事啦! 大約 10:15PM (香港時間)到香港喇, 之後坐機場巴士返屋企, 返到黎十二點過少少啦, 之後執掂左Ｄ行李就上下網, 打下日記咁, 不過真係好鬼眼訓! 以上就係斯斯韓國五天團O既情況喇, 相片遲Ｄ等我整理好再俾大家睇下丫!

想太多(X4) --> 其實呢, 今次都係一個好好O既回憶, 就好似短暫O既一段感覺咁, 不過我希望下次去旅行係可以同一個我愛佢而佢又愛我O既人(即係堂本先生, 呵呵!)去啦, 因為會好幸福O既!

本來以為今日會訓到好晏添, 點知都係十一點令就醒左, 又唔係太累咋喎, 因為去旅行時日日都訓足八個鐘, 其實真係幾好, 全部去O既地方都好順路, 又唔洗話坐太耐車, 唔錯架! 去左飲茶呀今日, 因為都成六日冇飲過喇! 食左我最愛O既炸雲吞呵! 呵呵! 之後行左一陣啦, 好正喎, 買到一本 SAMMI X 空間演唱會特集! YEAH! 之後行左一陣就返屋企喇! 都冇咩特別 LU, 都係執返少少野, 不過到食完晚餐時覺得唔多夠咁, 唔知係咪呢幾日都食足三餐O既關係呢?! 哎唷, 其實我真係好後悔去韓國時第一日傻豬左而冇買到個熊貓頭頭呵, 嗚嗚! 同埋又好後悔唔記得左買人香口膠, 好好味架, 我就係太好記性完全唔記得左買Ｄ返黎俾大家食下! 唯有等等等我下次再去先買俾大家食下啦!

心動 --> "過去讓它過去, 來不及從頭喜歡你, 白雲纏曉著藍天", 係我今日諗起O既一首歌!

今朝邦邦先生打黎, 同我傾左一陣啦! 都不知幾開心, 呵呵! 今日冇落街, 睇左一集 SHINDOI, 剛剛同獅子仔玩, 令我諗起去韓國第一日去＜夢幻樂園＞時睇果個野生動物園呀! Ｄ熊人真係好鬼可愛架, 又乖又叻叻喎!! 唔知我呢Ｄ係咪旅行後遺症呢?!

MOONLIGHT --> 突然間好掛住個月光添!

今日對眼好累呀, 唔知點解喎! 所以都係冇落街, 聽聽下收音機, 四點令訓著左都唔知喎, 五點過少少醒左關左部收音機再訓過, 真係唔知仲咩對眼好累呀! 夜晚寫左封信俾 YUMIKO , 今次郵費一定過二十呀, 因為好多野寄俾佢呢! 今日睇左少少＜女教父＞, 都不錯咁喎, 我要努力先!! 俾Ｄ O係韓國影O既相大家睇下先!

今朝十點幾自然醒過喎, 仲睇左套咩...棋魂卡通片添! 之後食左個麵麵, 坐左一陣就出門口喇, 因為約左 CATCAT 去街街! 行哂成個旺角, 買左好多野呀, 有熊貓貼紙啦、熊貓簿仔等等! 不得不提今日終於買到一粒熊貓頭噹噹電話繩! 超可愛架呵, 吾吾... 不過我電話已經有三條電話繩喇喎! 另外買左Ｄ野俾兩個表妹仔! 不過見到對熊貓拖鞋, 冇買到呵, 仲有好多熊貓野冇買呵! 嗚嗚! 夜晚去左味千食呵, 幾好味呵, 多謝 CATCAT ! 今日我收到份生日禮物呵! 係我生日果日O既大熊熊! THANK YOU CATCAT !!! 大約十一點令返到屋企, 今日真係幾累呵!

每天愛你少一些 --> 可能咁樣做會好Ｄ!

今日我冇出到街呵, 不過天氣凍左! 唔知點解隻牙好痛添, 可能係韓國後遺症, 熱氣掛! 今日睇左幾隻＜女教父＞, 嘩! 都幾感動架喎, 雖然係有少少似ＧＴＯ, 不過都幾有趣, 因為我未見過仲間由紀惠咁惡咁勁, 平時Ｄ劇佢都係好女人架嘛! 今次咁樣反而唔錯!

全靠我沒有 --> 呢首歌好好聽架, 就係譚耀文唱O既, 好感動O既歌詞!

今日去左樓下間新開O既酒樓飲茶, 食物都 OK, 不過O係美麗O既裝修裡面真係睇到好多好攪笑O既地方! 所以話呢 ...! 之後聽收音機啦, 好攪笑喎, 因為森美小儀要去排劇, 變左苦榮同埋小苦妹做節目, 真係笑Ｃ我呢! 人都開心Ｄ呀! 夜晚當然係返日文啦, 一開始有一個日本人黎左, 佢係表演藝術架, 黎幫我地練左基本日文發音同埋教左我地做少少歌舞技, 都幾有趣! 之後同家姐去左食麥麥呵, 傾左好多野呵, 當然包括韓國之旅啦! 差唔多十二點先返到屋企呵! 呵呵!

假如愛有天意 --> 假如愛有天意, ... 我相信上天會睇住我O既!

今日冇出到街呵, 聽下歌咁啦! 夜晚呢, 契媽黎食大閘蟹呵, 不過我真係唔太鍾意大閘蟹, 食完兩隻仲有少少敏感添呀衰! 原來大家都收到斯斯O既信喇! 好好, 星期六寄咁快收齊喎! 勁!

BEAUTIFUL ONES --> 聽返 SUEDE 呢首歌, 諗返起你!

今日睇哂咁多集＜女教父＞喇, 不過又好似未完咁, 而家仲爭個 SP 未睇O者! 四點令到落左街行左一陣呵! 之後返黎聽下歌咁啦! 今日買左個織手繩O既野, 好方便呵! 織左一條, 天蠍座, 都不知幾靚! 呵呵! 今日大煲茶終於都播徐若瑄專訪下集喇! 等左成個月都有呵, YEAH!

同情心 --> 尋日聽到架, 係趙頌茹O既新歌, Ｄ歌詞唔錯呵!

今日天氣涼左少少, 不過我覺得不知幾好! 今日我勁呵, 一口氣睇哂梁芷珊O既辦公室愛情系列! 都唔錯O既, 不過睇完之後就有少少覺得工作真係會改變一個人, 仲要變得好勁添喎!

容易受傷的女人 --> 表面上我唔係!

今日同左亞姨去飲茶! 之後行左一陣, 仲買左個好可愛O既拉鍊扣仔! 今日亞表弟仔借左部叮噹遊戲機我玩喎! 嘩! 估唔到又真係幾好玩架喎, 裡面有好多小遊戲啦! 仲可以唱歌添! 睇到說明書講仲有好多款架添呀, 我就想玩哈姆太郎果盒, 仲有一盒係打 BOXING, 我都幾好興趣呵!!

落地開花 --> CANDY CANDY! 等左巧音隻碟好耐, 終於都出喇!

今日日頭冇咩特別, 不過就睇左一套兩集完O既新日劇, 叫做＜兩個人(一起走的路)＞, 係型仔長瀨智也做架! 不過女角係深田恭子! 都有幾個感動位架! 斯斯我推介俾大家有機會睇下丫!! 差唔多七點先出去呵, 因為約左家姐行街街, 去左食麥當當啦, 我仲換左隻 QOO 仔添! 不過個麥當當姐姐好似俾少左四張咭仔我! 嗚嗚! 冇計啦! 唉!!! 唉!!! 食完之後行左一陣, 不過都冇咩買到野, 因為可能夜左少少, 所以好多都 CLOSE 左! 十一點半到返到屋企, 今日行唔夠添! 下次要努力!!

命犯桃花 --> 都係 candy, Ｄ歌詞真係幾好!

今日去左將軍澳行左一陣! 買左少少野, 不過都冇咩野行! 六點令返到屋企, 天氣係凍左呵, 不過還可以呵! 今日都仲未溫到書添! 聽日一定會溫下架喇, 希望我真係有時間同心機溫下啦! 呢幾晚發夢都仲O係韓國玩緊! 尋晚仲有韓國 OBBA 添!

發奮 --> 我... 我真係要發奮先得, 記性又唔好, 日文呀日文!!