背景音樂 : NAZE
| 1/9/2003 |
|
又好容易咁到左九月一日喇, 開學雖然同我冇咩關係, 不過話時話喎, 今日上網個速度都快左好鬼多, 可能真係因為學生們都返哂學!
今日去左飲茶呵! |
| 2/9/2003 |
|
今日竟然又打八號風喇! 雨就唔算好大, 不過聲好得人驚, 希望唔好行雷啦, 如果唔又訓唔到架喇! 嗚嗚!
夜晚九號風球添! 我仲發生左件好怪O既事, 我 DL 左成日O既果個 FILE, 竟然無 LALA 冇左! 我部電腦今日成日O既功勞泡湯喇! |
| 3/9/2003 |
|
尋晚睇旅遊節目, 介紹左個日本新開O既雪糕城, 好正呵, 我要去我要去! 今日斷斷續續咁落雨喎! 所以我又係冇出街,
一個人O係屋企傻下傻下咁! 收到學日文O既信, YEAH! 15 號開始返 LU ! 我要努力加油! 要入日資公司做野! YEAH YEAH!! |
| 4/9/2003 |
|
今日終於收到亞妹張請簡, 後日我會盛裝出席架喇! 今日好似好累咁O既, 係真係成身都冇力咁! 都唔知仲咩鬼! |
| 5/9/2003 |
|
今日好失敗, 買唔到禮物, 希望車車妹妹你唔好介意啦, 遲Ｄ請你食飯補數啦! 我都好緊張添, 等待聽日!
今日得知梅艷芳患左癌症, 我都 SHOCK 呵, 希望佢早日康復啦! |
| 6/9/2003 |
|
今朝不停咁落雨! 我第一次一個人坐船過海! 我好準時咁去到香港大會堂參加亞妹O既婚禮! 大約五點就走喇我,
之後第一次一個人坐叮叮喎, 之後都係行大吉之島同埋 SOGO 咋! 買左一支清酒化粧水、磨沙、日本將棋同埋一塊野(用黎"痴"椅腳O既)!
對腳真係好累呵, 仲好似有少許屈親添! 不過我買唔到 DARS 呵! 又買唔到炭 MASK ! 激Ｃ我咯! 今日拎左部數碼出去勁影,
不過都唔太好咁, 因為天氣唔好咯! 俾大家睇幾張先! |
| 7/9/2003 |
|
今日睇左套＜新紮師妹 2 之美麗任務＞, 都幾好笑O既! 四點幾時突然落勁大雨, 係勁大果隻! 人都變得悶! |
| 8/9/2003 |
|
今日去左飲茶同埋行左一陣! 今日睇左集 SHINDOI, 勁正! 三歲O既 HARA CHAN 好可愛呵! 我愛人都好有愛心!
好有耐性呢! 嘻嘻, 今日係我親愛o既表弟(亞康)生日! 祝佢生日快樂! |
| 9/9/2003 |
|
今日發覺有少許頭暈, 同埋塊面仔有少少甩皮添! 夜晚睇 TVB, 原來家下有一Ｄ課程係俾Ｄ小朋友試做律師架喎,
都幾特別架, 同埋咁都好架, 因為可以令到呢Ｄ小朋友可以加強左法律O既意識! |
| 10/9/2003 |
|
聽日都中秋架啦, 仲好似咁鬼熱咁o既, 真係激Ｃ人咯! 今日同左樓上個姨姨飲茶傾計! 之後都係咁架啦我,
今日唔知係作病定係用左Ｄ清酒野, 好似醉醉地咁! 呵呵! |
| 11/9/2003 |
|
今日係中秋節, 亦係 911 兩週年, 只係希望大家都可以開開心心就足夠! |
| 12/9/2003 |
|
今日睇左幾集＜PS: 俊平我很好＞, 睇完都仲好好睇(因為有王子呵), 朝香我喜歡!! |
| 13/9/2003 |
|
今日約左 CATCAT 去行街街, 我今日好左到呀, 因為超 LUCKY 一去到車站就有車(平時係要送車尾O既),
不過我早到時 CATCAT 仲早過我! 之後當然係去哂年青人鍾意去O既地方啦! 不過我買唔到我想買O既野喎,
只係買左一本雜誌啦, CDR 啦同埋一張 3R, 都總算唔錯啦! 夜晚食麥麥喎, 好大杯汽水好開心呀, 太約十點令返到屋企啦,
真係想快Ｄ再去行街街! |
| 14/9/2003 |
|
YEAH YEAH! 今日二家姐約我去街街, 所以食完 LUNCH 就坐地鐵去銅鑼灣, 當然係大行特行果幾間日本百貨啦!
好開心呀, 因為之後又過左去旺角食野同埋掃雜誌! 不過當然仲有好多本雜誌我唔捨得買啦! 夜晚去左果間咩 KK BAR 食飯,
都 OK 好味! 不過果度Ｄ待應都好自我架! 之後又去左睇玩具, 不過都係只睇冇買, 得意就幾得意, 不過太貴喇真係!
今日仲買左一粒熊貓祈願匙扣! YEAH YEAH! |
| 15/9/2003 |
|
今日用左好耐時間去研究點將 DVD 轉去 MPG, 不過我相信都仲要研究多少少時間先成功! 夜晚就返我第二年日語課程O既第一堂!
不過果位 MISS 我真係唔知點形容佢! 勁想轉返去亞 SIR 果班! 因為再係咁落去我怕我會用我畢身所學最粗O既說話罵呢個 MISS!
真係過份呀呢個人! 算! 我有修養(係暫時都仲忍耐到)! 日後唔知會點! 嘿嘿! 不過真係好影響我學日文O既進度!
我唔要咁呀! 放後去左食野, 好累 + 激氣呵! |
| 16/9/2003 |
|
今日精神幾好! 終於都將隻 DVD 轉左做 VCD FORMAT! 不過真係轉左好鬼耐! 不過要謝謝邦邦先生O既!
呵呵, 不過你快心多Ｄ啦! |
| 17/9/2003 |
|
今日都冇咩特別事! 不過夜晚又有隻超大小強飛左入黎! 好驚呀! |
| 18/9/2003 |
|
今日落左去飲茶, 不過今日好明顯我不在狀態, 好似好眼訓咁, 做咩都提唔起勁! 攪咩呢?! 唔知! |
| 19/9/2003 |
|
今日我又冇出到街呀, 呢排都唔想點郁咁! 睇報紙睇到話徐若瑄同 GACKT 拍拖喎! 嘩! 好呀, 都幾襯架!
感覺唔錯! 不過果陣 GACKT 明明話唔鍾意Ｄ KAWAII O既女仔, 因為會好多野講好煩! 所以諗起有少少攪笑!
但係如果係真O既, 瑄瑄都幾慘! 因為 GACKT 話過佢唔會結婚亦唔會生小朋友! 同埋佢亦講過話唔會再真正地投入一段感情!
當然我只係希望 GACKT 只係講下啦, 我都想瑄瑄幸福, 因為佢過往太唔開心喇! |
| 20/9/2003 |
|
我今日有奇遇呀, 竟然足不出戶就有朱朱食喎!!!! 幾奇呀! 好開心呀! 多謝 NUT 爭! ONNI 都老懷安慰咯!!
乖(好清楚 ONNI 心意!)!! 我今日冇出呀, 因為真係天氣好熱同埋又冇地方好去! 同埋呢排都真係咩都唔感興趣咁! 係咪有病呢?
唔理咁多, 呢排都係唔知點咁架喇! 影左今日封密函同埋排朱朱俾大家睇下先! |
| 21/9/2003 |
|
今日我終於出左街街喇! 去左將軍澳, 不過好多人呀! 之後返到屋企又做咩都提唔起勁咁! |
| 22/9/2003 |
|
今日成日都唔知點咁! 又唔太舒服咁, 夜晚要返日文呀, 好不安咁返去, 我今晚第一個人返到添! 個 MISS 好左少少啦,
都 OK O既! 放左學之後去左食野喎, 傾傾下都唔記得左時間! 哈哈! 不過今日我同家姐行去麥當當時, 我竟然撞到我以前 TI 個同學仔
(鐵漢)喎! 不過因為佢電話ING, 所以我只係同佢打左招呼, 然後就走左喇! 估唔到咁多年冇見佢都仲認得我喎! |
| 23/9/2003 |
|
今日去左飲茶喎, 仲拎左少少旅行單張睇下添(冇錯! 係睇下O者!), 飲完茶之後行左一陣先返屋企喎, 因為前幾日心情唔好,
所以都冇落到街, 今日就好似困左我十年咁, 哈哈哈! 有奇遇添呀, 去書店諗住睇下有咩電腦書啦, 點鬼知好邪地,
二拎起本書濕濕地架喎, 攪到我即刻要去洗手間洗手, 點鬼知洗手間Ｄ洗手液好鬼差架, 洗完手好乾! 返到屋企都係咁啦,
不過我就終於睇哂咁多隻 AZUMANGA TAIKAN (學園漫畫大王), 真係好攪笑, 但又好感動! 睇到我眼濕濕! 千代妹妹真係好 KAWAII !! |
| 24/9/2003 |
|
今日冇落到街呵! 不過就睇左一集金田一! 勁! 勁! 勁! 好睇! YEAH YEAH!! |
| 25/9/2003 |
|
今日落左去飲茶之後去左行街街, 不過冇咩野買喎! 另外我發覺我屋企O既 SCANNER 同埋 PRINTER 都好鬼有性格!
因為星期一果晚 SCANNER 蝦我, 之後到個 PRINTER, SCANNER 都叫做好返啦! 因為我勁搖左佢幾野就掂左喇!
不過部 PRINTER 呢, 仲係蝦ING 我O既, 明明新架嘛盒墨, 佢冇墨喎! 激Ｃ人! |
| 26/9/2003 |
|
今日冇落到街, 不過就學左用一個叫 BT O既軟件, 好似有少少驚驚地咁! 不過我估冇事掛! YEAH! 夜晚玩左 NETMEETING,
好攪笑! 因為我好天然咁, 唔記得左連左線, 俾邦邦先生聽到我無 LALA O係度唱歌! (面紅ING)! |
| 27/9/2003 |
|
今日冇咩特別, 不過就好開心咁搵到套 GTO ! 正, 因為 GTO 好好睇! 講起上黎, 我今個星期未溫書添! |
| 28/9/2003 |
|
今日冇落到街呀, 因為尋晚(應該係今朝)差唔多四點先訓! 睇左果套＜OFFICE 有鬼＞, 好得人驚喎! 因為個結局我估唔到,
同埋個過程都幾得人驚! 今日我填左張 FORM 啦, 皇上同太后幫我拎野去影印啦! 講起上黎, 我今日好眼訓! |
| 29/9/2003 |
|
尋晚本來諗住早Ｄ訓架! 不過因為要教上海姑娘整個 ICQ, 最後都係兩點幾先訓! 今朝睇左一個有關自閉症O既節目,
其實自閉症都係一個謎, 唔知點形成, 都 ... 有少少無奈! 之後去左飲茶喎! 之後去完超級市場就返屋企喇!
夜晚堂然要返學啦, 不過唔知仲咩坐車去時暈車浪喎, 所以有少少唔舒服咁! 返到去又係我第一個人返! 今日上堂都算 OK,
不過俾我發現到呢個 MISS 冇咩常識, 佢竟然話開冷氣唔洗開抽氣扇喎! 真係唔知咩叫衛生! 睇黎以後返學都帶定個口罩返去穩陣Ｄ!
今日家姐因為工作關係, 所以我約左佢放學後去食野! 所以一邊食一邊傾到十一點幾先走! |
| 30/9/2003 |
|
今日都係咁啦, 溫左一陣日文(尋晚教O既一種句型), 不過當然仲未係好掂啦, 不過我會努力、加油! 今日個頭有少少痛,
唔夠訓?! 睇左套＜PANIC ROOM 房不勝防＞, 都唔錯好睇! |
