私日記。私のにっき

背景音樂 : 街(みち)

歡迎睇我任何一日私日記!
(私のにっきです、どうぞ！)

1999	2000	2001	2002
2003
JAN	FEB	MAR	APR
MAY	JUN	JUL	AUG
SEP	OCT	NOV
1/12/2004	2/12/2004	3/12/2004	4/12/2004
5/12/2004	6/12/2004	7/12/2004	8/12/2004
9/12/2004	10/12/2004	11/12/2004	12/12/2004
13/12/2004	14/12/2004	15/12/2004	16/12/2004
17/12/2004	18/12/2004	19/12/2004	20/12/2004
21/12/2004	22/12/2004	23/12/2004	24/12/2004
25/12/2004	26/12/2004	27/12/2004	28/12/2004
29/12/2004	30/12/2004	31/12/2004

1/12/2004

今日上半日冇出街, 溫左一陣書, 不過今日的確精神唔係太集中, 所以都係明天繼續!! 食左碗米粉先返學喎, O係架車度溫習左少少, 不過的確O係車睇書好頭暈, 所以溫左一陣咁大把咋!! 之後返學啦, 同個同學 DORA 研究下星期日要考咩, 因為其實有Ｄ野係未教過架, 係令人有少許擔心O既, 因為真係唔知識唔識, 不過仲有三日! NE, GANBARUYO !! 返到屋企白白豬完又食左碗米粉(今日食左兩碗 LU :P), 之後睇左今日果集＜D NO ARASHI＞, 嘉賓又係果個"山口MOE", 腦袋有問題, 仲話 AIBA CHAN 係 BAKA, 好彩 AIBA CHAN 一個直接反攻!! 嘿嘿!! AIBA CHAN YEAH!! 今集睇到好多好攪笑O既野, 例如: 乾冰放落唔同地方啦, 戴住個望遠鏡黎跨欄 <-- 勁爆笑呀, 笑到我眼水都出埋( NAMIDA GA DEMASHITA !!), AIBA CHAN 超可愛!!!

FURU NO NIOI --> 冬天O既氣味?! 唔知係咪雪味呢?! FUFUFU !!

2/12/2004

今日溫書呀, 溫書呀!! 終於都溫完上兩年O既野, 今年果Ｄ未開始!! 不過就好大膽咁做左 2001 年O既試題, 雖然合格, 不過分數真係唔太理想, 我明天會繼續努力!!!

JIBUN NO TAMENI --> 為左自己~ GANBARIMASU, 仲有兩日!

3/12/2004

今日有少少擔心, 因為仲未收到拍賣買果Ｄ野!! 今日去左飲茶, 再行左一陣, 亦搵埋考試果朝坐果架車個車站喇! 今日都唔係溫左太多野咋, 總算溫左今年教果Ｄ, 同埋一Ｄ未教而又要考O既野(使役形/使役受身形), 記呢Ｄ都有排記, 不過我會盡力架一定, 因為俾左錢架嘛, 同埋又關乎到 CEF 喎, 仲有自己O既未來! 呵呵!! 夜晚上網先知道原來我頭先話擔心拍賣果Ｄ野, 原來個賣家寄左俾春天家姐喎, 春天家姐, 麻煩哂你星期日拎俾我喇!! YEAH!!

KISEKI --> 奇跡, 只要相信, 奇跡一定會出現!

4/12/2004

今日溫下書咁啦, 其實都冇咩特別, 聽朝就考喇! 少少驚啦, 不過已經覺得盡左力就夠!! 做左 2002 年份卷, 今次有 307 分! 我希望聽日都過 300 分啦!!!

NE, GANBARUYO! --> 我會努力加油奮鬥!

5/12/2004

本來較左鬧鐘 7 點, 不過六點半又醒下, 六點九又醒下咁, 準時起到身, 仲準時出到門口, 去到時 DORA 已經到左喇! 之後就坐車去到試場, 有少少緊張啦, 不過緊張冇用! 因為識就識, 唔識就唔識, 所以都平常心啦!! 先係考左文字同埋聆聽, 我估都 OK O既, BREAK 左 35 MINS 後(其實呢個 BREAK 都係排隊去 TOILET!!), 之後果份文法, 吾, 合格掛, 因為好亂呀, Ｄ自動詞同他動詞好亂, 不過我估合格O既!! 12:30 就考完喇! 返左屋企一轉, 之後坐車出左旺角, 因為約左春天家姐去街街!! 行呀行呀, 呵呵!! 之後陪家姐去左食吉野家, 之後傾左一陣, 家姐返學, 我就返屋企, 先頭諗住坐巴士, 但係等極都冇, 咪坐地鐵囉!! 晚餐係打邊爐, 好正!! 呵呵!! 仲有呵, 春天家姐送左一份 (... 係幾份先 ARM!!) 禮物俾我呵, 除左有 TSUYO O既貼紙, 仲有 ARASHI 貼紙呵, 係家姐自己 PRINT 架呵, 仲有一本日記呵, 我果本係: LIFE IS HARD DAKARA HAPPY !! 家姐果本係: LIFE IS HARD DAKEDO HAPPY!! 呵呵, 寫左日記/事交換黎睇, 呵呵, 不過四格漫畫唔得, 呵呵呵!! (大家如果唔明我寫咩O既話, 咁就要睇下 PIKA☆NICH 同埋 PIKA☆☆NICH DOUBLE 喇, 呵呵)!

深愛(KOU O既歌) --> 呵呵, 其實ＣＣ覺得人生太短, 所以不如將呢一份深愛俾有需要O既人, 唔好只係掛住戀愛先得架呢!

6/12/2004

各位!! 今日有"私夢記"睇呀, 呵呵, 因為呢排夢就有發呀, 不過成日都唔記得!! 今日冇落街呵, 都冇去飲茶!! 又冇咩特別咁, 食食下飯(係烏冬先 ARM), 有個人打電話俾我喎, 嚇Ｃ人咩, 明明唔識佢架嘛, 不過原來係一年幾前果個寬頻 PROMOTOR, 話轉左第二間公司, 問我地續左約未喎, 不過我兩個幾月前續左啦, 佢都幾攪笑架喎, 咁都得!!!

冬 NO UTA --> 睇左十一月頭果集 MS, 原來關於冬天O既歌都好多架喎!! KIRORO 呢首我鍾意呵!

7/12/2004

各位!! 今日都有"私夢記"睇呀, 仲係一個好正O既夢添!! 今日都冇出街呵, 收到 TSU 寄俾我個包裹, 好開心呵!! 天氣凍凍地, 不過幾有聖誕 FEEL !! 尋晚開始睇＜光とともに。。。＞, 係一套講自閉症兒童O既日劇, 喊到我收唔到聲, 真係好感動!! 一陣再睇先!!

LEGEND(中島美嘉) --> 好鍾意最後果一句: 夢で会いましょう!

8/12/2004

今日睇左幾集＜光とともに。。。＞, 又係喊到Ｃ咁滯, 不過又係感動好溫暖果隻眼淚! 睇左兩集＜寵物情人＞, 又係好感動, MOMO 好乖呵!! 雖然呢段關係唔係太正常, 不過又好有趣喎! 我都想有一個 MOMO 咁乖咁溫柔O既"寵物", 呵呵呵!! 夜晚返日文, 今堂學O既野我上星期自學左 LU, 冇計啦, 因為考試要考!! 放學坐車果陣打俾春天家姐, 不過冇人聽, 返到屋企沖完涼食完野, 睇＜D NO ARASHI＞, 都話果個"山口MOE"好有問題架啦, 真係越黎越憎佢, 嘿嘿!!! YEAH!! 終於睇到＜ANNIVERARY＞O既 PV, 好正呀, TSUYO 個笑容好正, 好幸福呵!!

LAST SMILE --> Love Psychedelico ..., 其實佢地Ｄ歌幾好聽, 不過聽得多真係唔知佢唱咩架, 所以我都要搵下Ｄ歌詞先, 呢首歌幾好聽, 不過好衰唔衰令我諗起改編過呢首歌果個人, SAI AKU!

9/12/2004

今日本來出尖沙咀飲茶O既, 但後來改左O係佐敦, 所以就坐車去喇, 唔知點解真係咁鍾意坐巴士, 真係好鍾意!! 飲完茶後就行左去旺角, 買左 CDR, 行到四點令五點就返屋企喇! 沖完涼後急不及待要睇＜寵物情人＞, 食完飯又睇, 終於睇完喇, 好感人呵, 呵呵, MOMO 好可愛呵!! 夜晚終於搵到春天家姐喇, 呵呵, YEAH!! YAHOO拍賣好麻煩呀, 家下佢無 LALA "重新提交"由 5 次改成 1 次! 即係意味住我日後要多左好多功夫, 唉, 點解咁架!!!

萬花筒 KIRAKIRA --> 係一個日本組合唱O既, 係＜光とともに。。。＞O既主題曲, 歌詞好感動呢! 家下再去睇埋後半先!

10/12/2004

今日睇左一集＜光とともに。。。＞, 又係勁感動!! 開始睇返＜ムコ殿＞, 好感人呀都, 雖然睇過幾次, 不過今次係知道 AIBA 後第一次睇!! 另有一番感覺呢!! 仲未睇過 TSUYO 新果個任天堂 CM 添, 我好心急呢!!

君は君だよ --> 係 SMAP O既歌, 令我好感動, 因為你就係你, 令我諗起＜輕輕緊握你的手＞裡面講O既: 可能你有好多野做唔到, 但係亦都有好多野係你先俾到 BB!! 呢句我好記得, 每個人都唔同, 都有佢地O既特別地方!

11/12/2004

終於睇完＜光とともに。。。＞, 好感動!! 本來約左春天家姐四點, 不過之後改左! 大約五點過少少就o係地鐵站等, 之後約左個賣家o係 J-FRIENDS, 之後交收完就行呀買呀咁, 我買左一本 TSUYO 一個人封面, 係第一次 SOLO CON 時O既會訊, 好正!! 好怪呵, 因為成個旺角都冇 1 月號O既 WINK UP, 要下星期先有貨, 千其唔好買唔到呵!! 去左食吉野家, 之後行多陣就返屋企喇!!!

A DAY IN OUR LIFE --> SHO Ｄ RAP 勁正!! 呢首真係迷住!!

12/12/2004

今日冇咩特別, 睇左幾集＜ムコ殿 2003＞, 當然冇＜ムコ殿＞咁好睇啦, 不過見到亞哥就夠了!!!

12月Love song --> GACKT 好勁呀, 好勁呀, 好勁呀!! 因為呢首歌計有日文版/英文版/國語版後, 有韓文版呀, Ｄ發音仲好似不錯咁(不過斯斯唔識聽), GACKT 好有語言天份呀, 分少少俾我啦不如!!

13/12/2004

今日去左飲茶, 之後去左超級市場買野, 今日條腰有少少痛, 頸又有少少痛, 唉, 廿幾歲女周身痛, 點算?!!!!

万華鏡キラキラ(RYTHEM) --> ＜光とともに。。。＞O既主題曲, 好好聽, 好感動!!

14/12/2004

今日冇咩特別, 做左聽日交o既功課, 亦都溫左幾課書, 因為聽晚好似要測驗!! 夜晚打俾春天家姐, 不過冇人聽呵, 又冇飛去留言, 所以我就應承左個 ARASHI 賣家星期六晚, 我記得家姐好似話唔洗返學, 呵呵, 希望佢唔洗返學同埋得閒啦! 呵呵, 原來家姐返學, 我都唔記得左添!! 睇左 ARASHI 5X5 隻 DVD, 好正, 好多 PV 都好好笑!! 聽左 12/4 AIBA CHAN 個電台節目, 佢真係好傻呵, 雖然我唔係 100% 聽得明白, 不過佢講果Ｄ野, 有時連日本人都唔明, 哈哈! 佢仲讀左好多聽眾O既信, 都係講佢 12/24 22 歲生日O既企劃!!

RIGHT BACK TO YOU --> "I'll coming right back to you ..."!

15/12/2004

今日上半日冇咩事發生, 不過好攪笑, 竟然冇人記得我今晚要返學, 我預備煮野食時, 媽咪先話: 仲咩呀?! 咦, 係喎, 你返學喎!! 幾好笑!! 今堂完之前有個 QUIZ, 我估都合格O既, 因為有點突然, 我估 SENSEI 係想知道我地O既程度!! 放學時, CONNIE 打俾我呵, 哈哈, 十個月前果餐飯終於有回音!! 希望今次攪得成啦, 好似話去 BBQ !! 返黎又食左碗米粉, 成屋Ｄ公仔米粉就黎俾我食哂喇, 因為每個星期三都食兩餐米粉!! 呵呵!! 睇左＜Ｄの嵐＞, LEADER ... 真係唔知話佢厲害好丫, 定係話佢痴線好, 真係乜鬼野都放入口食! 食唔Ｃ佢真係算好彩!!

願い --> 春天家姐作病呀好似, 希望你快Ｄ好返啦, お大事に!

16/12/2004

今日冇出到街, 收到台灣封掛號信, 又幾快喎, 不過過幾日先寄貨俾佢!! 三點時好邪地, 有線寬頻突然間, 係突然間上唔到網, 基本上係連到線, 但係又話唔會睇到網頁咁呢, 打去 HOTLINE, 我相信係突然間有個 SERVER DOWN 左! 所以線路好忙, 之後有個人聽話遲Ｄ請同事回返我, 仲問我係咪上唔到網, 大約六點令就好返, 好彩O者!! 約左個賣家聽日交收, 叫埋我爸爸去, 因為好多野我一個人拎唔到!! 辛苦了!!

我贏了(朱茵) --> 成隻碟呢首比較好, 歌詞都幾慘架呢!

17/12/2004

今日約左個賣家一點三, 順利交收完, 辛苦爸爸幫我手幫返屋止!! 點知返屋企先見到有一本俾錯左我, 所以又打返俾個賣家, 下星期先再約到喇!! 之後去左飲茶, 行左一陣就返屋企, 我又好努力咁將Ｄ雜誌分屍, 放左上去賣, 希望快Ｄ回本啦! 夜晚睇 ATV, 果個唔知咩節目, 講果個男人去到邊都要拎住隻熊貓公仔, 呵呵, 隻公仔好可愛呢!! 等我都搵日同我Ｄ公仔影下相俾大家睇下先!!

告一段落 --> 哈哈, 而家我只係一心一意咁諗住 TSUYO 架咋! 冇再諗某人 LU!

18/12/2004

今日冇咩特別, 睇下 VCD 咁, 到左四點春天家姐打俾我話佢走得, 出到去行下信和咁啦, 去左 J-FRIENDS, 大減價, 終於買到 KOKONO NI... O既 SINGLE 了! $30 咋, 仲係全新同埋初回! YEAH!! 我又買左幾樣野, 同埋買到 DONNMONYA 喇! YEAH!! 之後去左地鐵站交收, 之去左食吉野家, 再之後又行呀咁, 最後坐車去左尖沙咀, 因為家姐要買野, 之後諗住去 MIYURA 拎野, 點佑 9 點幾就關左喇喎, 咁衰架!! 之後行多一陣, 十一點返屋企!

身體健康 --> 我只想身體健康, 因為 ... 作病, 喉嚨痛同埋好似有少少發燒, 都係早Ｄ訓!!

19/12/2004

今日喉嚨仲有少少痛, 不過冇尋日咁痛喇!! 三點果陣我自己一個人去左將軍澳行街, 好失敗呀, 話說係咁O既, 買到一隻"天使消失的街角"O既 OST, 好開心啦, 因為同我自己果隻唔同樣, 又平喎, 咁就買左喇! 之後又見到有一張寫住"金田一"O既 POSTER, 心諗: 最多錯極咪係松潤, 咁可以俾春天家姐丫! 又平喎, 所以又買左喇! 行到五點幾返到屋企, 即刻睇下今日O既戰利品啦, 點知 ... 果隻 OST 同我有果隻完全一模一樣O既!! 而果張"金田一", 竟然係卡通片金田一 ... 真係 ... ... !! 唯有放上去拍賣, 希望快Ｄ有人買左佢啦!!!

THINKING UNDER THE MOON --> 呢幾日都聽呢首歌, 係 GACKT O既, 好鍾意佢呢個唱法同埋個 FEEL !!

20/12/2004

今日好番少少喇, 不過睇黎都係作感冒呢!! 去左飲茶同埋行左一陣, 又去下銀行咁啦! 返到屋企又冇咩特別, 睇左少少 24 小時, 不過都係未睇哂O既!! J-FRIENDS 減價減到 23 號咋, 點算呢, 好想再去睇多一次, 但係又冇時間, 主要係冇人陪我去!! 同埋今日收到嘉倫仔仔張聖誕咭, 真係有心, 年年都有!! YEAH!!

健康歌 --> 果頭作感冒, 夜晚食完個木瓜又胃痛, 唔通鍾意 TSUYO O既個胃都有事, 家下佢感冒我又感冒添!! 呀, 同埋 CONCERT 開催中! YEAH!

21/12/2004

今日變左感冒呵, 兩點幾時落左一落街, 因為要寄信同埋去地鐵站交收, 終於都換返本雜誌喇! 之後冇行到喇, 即刻返屋企沖涼洗頭, 再訓O係張床度聽收音機, 不過唔知幾點訓著左喇, 到 6:30 媽咪叫我先知我自己訓左喎, 可想而知Ｄ藥幾勁丫! 夜晚開始整一樣野, 係諗住俾春天家姐O既, 果然幾成功呀下!! HEE HEE~~ 下次見到春天家姐就可以送俾佢喇, 希望佢鍾意啦, 因為整得唔太靚!! 另外, 聽日出新 SINGLE 同埋精選碟喇, 本來諗住早少少出去買完再返學, 不過諗諗下拎住張 POSTER 返學好危喎, 驚佢返到屋企不似 POSTER 形咁咪Ｃ, 同埋又病ING, 都係過幾日等過左聖誕, 先約春天家姐去買喇, 最衰我聽晚要返學, 春天家姐後晚要返學丫, 星期五已經係聖誕喇, 我怕佢男朋友就黎殺Ｃ我架喇, 所以都係耐心Ｄ等過埋聖誕先再約出黎, 碟呀, POSTER 呀, 你地要乖乖地等我呀, 咪加價呀, 同埋唔准賣哂架下!!!

感冒 --> 呢Ｄ感冒時候唔寫呢首歌寫邊首?! 勁貼題呢!

22/12/2004

今日出碟喇, 不過都係過幾日同春天家姐去街先買!! 今日要返學, 都係好亂咁, 成腦都係使役形同埋使役受身形, 我要少少時間攪清楚佢地!!!

Anniversary - 20th.memorial Ver --> 呢個 VER 好好聽呵, 我要等多幾日先有實物呢!

23/12/2004

今朝十點幾起左身, 之後大約一點出門口去左尖沙咀飲茶, 再行左一陣, 之後影下相咁, 再去左將軍澳, 因為約左舅父同舅母打邊爐, 食左好多野呢, YEAH !!

I MISS YOU --> 君はコンサートをしているので忙しいね、でもほんとうに　ＭＩＳＳ　ＹＯＵ!

24/12/2004

今日都係好早醒左, 食完 LUNCH 落左去銀行同埋行左一陣, 不過, 食完夜晚大餐後, 就不得了喇! 因為我食完後好唔舒服, 未夠九點就開始訓, 訓下又去下廁所咁, 去左好幾次, 嗚嗚嗚!! 到左十一點到好Ｄ! 咁就開住個收音機一邊聽最後一集"八十大壽", 點知聽到十一點半就暈左, 完全唔知佢地講過咩, 醒果陣已經係十二點, 完左喇, 嗚嗚嗚!!!

身體健康 --> 我要身體健康呀, "王子的詛咒"快Ｄ走呀!!!

25/12/2004

今日冇咩事喇, 係咳咳地咁!! 之後睇下碟咁啦, 四點果陣春天家姐打黎約我去街街, 點知到六點都仲未打俾我喎, 咁我就打俾佢, 之後出左門口喇, 不過我都早左到, 之後食吉野家, 好味呵, 謝謝家姐!! 之後去左 J-FRIENDS , 我終於買到果本 I WILL GET THERE O既書喇!! YEAH!! 之後去左買 KINKI 隻碟, YEAH!! 之後又行下咁, 再去左食許留山, 好味呵, 之後就坐車返屋企 LU, 十一點幾返到黎, 嘩嘩嘩!! 好驚喜呀, 因為收到一份好好O既聖誕禮物, 事緣係呢, 我早在半年前知道昭仁返香港做節目後, 就諗住要寫封信俾佢, 點知拖下拖下咁, 咁就到左十二月喇, 咁佢做到聖誕咋嘛, 所以我十二月十幾號時就寫左封信俾佢, 其實我完全冇諗過佢會回我架, 雖然佢唔係真係回信俾我, 不過佢好有心咁, 送左一張佢O既親筆簽名板俾我, 呢, 日本人簽名果Ｄ板呢, 真係好開心好感動呢!! 我希望佢返番日本會繼續努力, 我有時間同埋有機會的話, 會睇下佢Ｄ電視節目架喇! YEAH!!!

CHRISTMAS IS ALL AROUND --> 今年聖誕過得好開心, YEAH!!!

26/12/2004

今日咳咳, 所以冇出到街街, CONNIE 同 FREDA 打電話俾我呵, 約左聽晚!! 都冇咩特別, 夜晚食左隻藥好左好多!! 希望聽日完全冇事啦! 夜晚睇＜勁爆＞, 吾... ... 冇意見!! PING PUNG 有獎真係好, 不過係咪真係值得開心?! 聽日要去買禮物添, 因為聽晚要交換禮物, 好緊張呢, 不過仲未諗到買咩好!! 今日泰國(南亞果邊)因地震發生海嘯, 好得人驚!! 真係希望一切都平安!!

我沒意見 --> 吾吾, 我沒意見 ... !

27/12/2004

今日都係咳咳, 睇完＜女婿大人＞, 之後落左去買禮物, 6:30 出門口, 竟然又等車又塞下車咁, 真係 7:30 先到尖沙咀和民喎, 好彩我唔係最遲果個, 食左好多野呵, 之後交換禮物, 好好笑呀, 我同 LISA 抽到對方份禮物喎! 真係有緣架O者! 之後傾左一陣, 十點幾就埋單, 再去左文化中心果度影燈飾, 未夠十一點就散左喇, 約左新年燒野食同埋唱Ｋ, 好開心呢, 十一點令返到屋企, Ｄ咳又好似返番黎咁呢!!

Pride♂the End --> 鍾意呢首歌個 FEEL , 不過我到而家都其實分唔到 TAKKI 同亞仔把聲!

28/12/2004

尋晚一訓著就咳醒, 所以訓唔到, 所以今朝九點就落左去睇醫生, 點解家下Ｄ醫生咁貴架, 唉, 冇計啦, 鬼叫自己頂唔到去睇街症咩, 睇完醫生返黎沖完涼洗完頭就大覺訓!!

身體健康 --> 我呢幾日都係要寫身體健康!!!

29/12/2004

今日好左好多, 不過仲係間唔中咳咳地咁, 都係勁訓覺, 食左藥係會不知不覺訓左都唔知O既, 訓到五點突然間俾收音機嚇醒左, 所以就起身食野返學, 最攪笑O既係又係冇人記得今日我要返學, 遲到左呵, 因為遲左半個鐘出門口, 好眼訓呢! 差少少就訓著左, 本來諗住早走, 不過諗下諗下咁辛苦出到去冇理由早走, 點知我諗下諗下, 就放學喇!! 返到屋企十點半 LU, 今晚冇 ARASHI 睇, 等我早Ｄ訓先, 因為病真係好辛苦呢!!

身體健康 --> 我呢幾日都係要寫身體健康!!!

30/12/2004

今日好左好多, 仲係有兩聲咳咳咁, 都係勁訓覺, 今日訓到六點半添呀, 我估計都係訓返我平日訓唔夠果Ｄ時間, 希望聽日會完完全全好返就好喇!!!

身體健康 --> 我呢幾日都係要寫身體健康!!!

31/12/2004

今日好左好多好多, 食哂藥 LU, 不過我懷疑醫生俾左坑生素我食, 不過我掉左個藥袋, 失敗!! 好驚呢, 個醫生唔會咁變態俾坑生素我下嘩! 唔好喎!! 今日去左飲茶, 本來唔想去架, 不過媽咪話今年最後一日, 所以就去飲啦, 之後行左一陣, 都冇咩特別丫!!!

身體健康 --> 新O既一年斯斯希望大家都健健康康, 同埋平平安安!!!

我的拍賣