私日記

背景音樂 : 街

歡迎睇我任何一日私日記!

1999	2000	2001	2002
2003
1/1/2004	2/1/2004	3/1/2004	4/1/2004
5/1/2004	6/1/2004	7/1/2004	8/1/2004
9/1/2004	10/1/2004	11/1/2004	12/1/2004
13/1/2004	14/1/2004	15/1/2004	16/1/2004
17/1/2004	18/1/2004	19/1/2004	20/1/2004
21/1/2004	22/1/2004	23/1/2004	24/1/2004
25/1/2004	26/1/2004	27/1/2004	28/1/2004
29/1/2004	30/1/2004	31/1/2004

1/1/2004

今日食完 LUNCH 之後去左將軍澳, 買左 MASK 啦, CREAM 啦, 仲有好多好多! 行到差唔多七點返到屋企, 係喎, 今日係 2004 年O既第一日! 好多謝大家去年O既照顧! 今年都請大家多多照顧, YOROSHIKU!! 今日日記改左少少, (其實都唔少架喇!) 今年斯斯希望可以寫多Ｄ"私夢記", 因為去年一係懶一係冇記性, 所以寫左好少"私夢記"咋! 不如我講下今次日記改變O既原因啦, 首先我相信大家睇"私日記"個 LOGO 都有少少悶, 所以斯斯就改成有海洋感覺同埋有兩隻我個"妹"O係度, 係咪好靚呢?! 至於背景音樂改成我最愛O既其中一首歌 --> DOMOTO TSUYOSHI O既＜街＞, 呢首歌斯斯好鍾意, 所以希望大家聽到都會開心Ｄ, 努力每一天! 另外就係底紙喇, 改為可愛向日葵, 其實係為左我愛人先改架咋, 因為向日葵令我感覺到生命力! 希望大家會鍾意呢個新面貌O既"私日記"啦!! 夜晚聽收音機直播, 一月一日又係商台頒獎禮o既日子! 成晚個心情都好有起伏, 因為好多得獎嘉賓講O既話都好感動! 安仔話"大家今晚返屋企, 對你愛O既人講聲--我愛你, 唔好怕醜, 因為時間係唔會等你! 要活在當下!", 呢番說話令我好感動, 正如安仔所講"呢一刻我係最開心, 但同時間, 呢兩日係最唔開心!", 悲喜交雜, 心好痛! 真係希望 2004 年一切會好!!

今天你生日 --> 今日係 KOICHI 王子生日呵, 最後一場 CONCERT 要成功呵, 今年也請多多照顧我愛人呢!

2/1/2004

尋晚斯斯同左好多朋友講"我愛你", 因為時間係唔會等我地O既! 係咪?! 今日本來落街行下架, 不過又有人黎整熱水爐喎, 呵呵! 今日我部電腦個 HD 最低點呀, 得返百幾 MB, 攪到我要不停咁燒碟, 好彩都不負眾望, YEAH!! 夜晚睇返尋晚頒獎禮Ｄ片段, 真係好感動! 令我想起雷頌德O既一段說話, 佢話要知道自己係咪巨星, 只要諗下自己大吉利是唔O係度果陣, 你O既歌夠唔夠電台做一個通宵節目? 同埋係咪每首歌都令人感動!! 鏡頭一轉影到安仔, 相信呢番話都感動到好多人! 同埋順帶一提"KinKi Kids 24/7 G TOUR"大成功! YEAH! 睇左少少＜紅白歌合戰＞, 嘩! GACKT 同埋 SMAP 真係勁正喎! 不過我都係第一次覺得 HAMASAKI AYUMI 唱歌唱得幾好喎, 唔知點解佢Ｄ雞仔聲冇哂喎! 唱得仲唔錯添, 希望佢真係俾心機Ｄ唱啦! 同埋佢當晚個唇膏顏色幾靚呵!

及時行樂 --> "原來快樂很重要 ...", 大家記住要快樂呵!!

3/1/2004

今日冇出到街, 因為頭好痛, 唔知點解呢?! 或者同空氣差有關掛! 今日睇左 SHINDOI 12-24 O既 SP, 真係笑Ｃ我呀! 不過好羨慕果家人, 可以同我愛人開個 PARTY ! 我又要開!! 又睇左一套叫做＜與鬼同桌＞O既韓國鬼片, 其實就唔算好得人驚O既, 不過好多野要睇完慢慢諗下先明白! 同埋其實有好多地方都唔需要講出黎O既根本! 不過, 都算係一套幾好睇O既鬼片! 但係就諗唔到點解要搵全智賢去演! 夜晚睇＜第 54 屆紅白歌合戰＞, 真係好鬼正呢, 有一個叫做"一青窈"(HITOTO YOU) O既女歌手, 唱得幾好喎! 一查之下, 原來佢係台日混血, 仲識講國語添! 當晚佢唱果首歌叫做 "MORAINAKI", 唔錯唔錯!! 大家有機會聽聽丫! 尋日日記講過O係＜紅白歌合戰＞裡面, 斯斯好欣賞 GACKT ! 呵呵, 今晚再睇, GACKT 果 PART 我睇左四次! 真係好吸引到斯斯架O者, 如果你叫我講咩地方吸引我我又 UP 唔出! 正如如果大家問我點解咁愛我愛人, 我都係講唔出理由! 愛一個人係冇原因架!! GACKT 真係正呵, 不過當然我愛人正Ｄ! 呵呵! 斯斯 CAP 左幾張 GACKT O係＜紅白歌合戰＞O既相, 俾大家睇下呢, 斯斯唔知點解好鍾意呢一刻O既 GACKT !!

似水流年 --> 留下只有思念, 真係要珍惜!!

4/1/2004

呵呵, 今日做左少少功課啦, 亦溫左一書O既! 今日再一次睇 SMAP O既紅白, 正呀! 唱果首歌又正喎(世界唯一的花), 首歌個意思唔錯呵!! 不過始終仲有好多段片段好想好想睇返, 好想好想 KEEP! 要等下先!

LAST SONG --> 呵呵, 原來 GACKT O係＜紅白歌合戰＞就係唱呢首歌, 佢唱歌個樣真係好鬼正, 睇完尋日Ｄ相就知正啦!!

5/1/2004

今日去左飲茶, 之後去左買碟喎, 買到幾套 DVD 啦!! 夜晚返日文, 呢個代課 MISS 教得不錯! 不過可惜代埋呢一堂咋! 放左學都係去麥當當啦, 之後傾左好耐呵, 仲有一個關於"嵐o既二宮和也"笑話, 呵呵, 笑到我同二家姐兩個肚都痛埋!! 今晚成十二點三先返到屋企呵, 呵呵!

回憶是紅色的天空 --> 尋晚睇左套叫做＜FRIENDS＞O既日韓劇, 令我諗起一段回憶! 回憶真係會留O係心中, 呢種感覺不錯呵!

6/1/2004

今日食完 LUNCH 坐車出左旺角, 好好彩俾我買到兩隻 KINKI O既 SINGLE, 好抵呵! 呵呵!! O係信笸仲見到好多本雜誌封面係 KINKI, 不過因為太多同埋幾貴, 所以都係下次再去買! 去完信和行行下, 竟然俾斯斯撞到王喜哥哥呵, 不過冇叫佢呵, 因為一來佢近排有唔開心野啦, 二來我都冇相機! 不過正如亞 NUT 妹妹講, 我真係唔知點解一見到佢就係注意下佢個咀咀喎! 呵呵!! 換左一打西餅食呵!! YEAH!!

HANABI --> 唔記得斯斯有冇講過斯斯想一生中有一次去日本玩住 HANABI 咁 OHANAMI 呢?! 最好係同我愛人啦!

7/1/2004

今日又出左旺角呵, 仲買左一隻 SINGLE 同埋一隻 ALBUM 添! 抵買!! 又買左件衫啦, 其他都冇咩特別! 都有少少累架! 今日坐車都有戴口罩, 因為而家真係有好多唔顧衛生O既人!!

約束(YAKUSOKU) --> 呢兩隻漢字其實係解承諾/約會! 斯斯覺得對人有 YAKUSOKU 係好重要架, 所以斯斯講得出做得到!!

8/1/2004

今日去左飲茶, 之後去左買碟呵, 買左好多隻呵, 好抵, 又值得買喎! YEAH YEAH!! 之後返屋企睇＜冬戀＞, 我希望我快Ｄ搵到我自己O既北極星! 夜晚有人黎整電話線, 點知整完一大輪 ... 整唔到, 激Ｃ人! 之後煲碟啦, 原來有一個 GAME 叫做"牛舌 GAME", HAHHA, 好攪笑, 不過唔曉點玩添! 好攪笑架玩果陣!! 之後整理左張電影 LIST ! 不過個 PRINTER 冇 INK, 唯有聽日先攪啦!

BEST FRIEND --> KIRORO 呵又係, 呢首歌好正呵, 係講點先算係 BEST FRIEND, 要支持, 大家O既笑容救左我好多次!!

9/1/2004

今日有少少頭痛同埋頸仔痛! 不過都有執呀野咁啦!!

USOTSUKI --> 都係 KIRORO 呵, USOTSUKI 其實就係解騙子或者大話精, 其實如果愛上一個騙子都支持, 咁係唔係 BEST FRIEND 呢? 哈哈哈!

10/1/2004

今日落過街一陣, 買左幾隻 DVD, 寄左封信啦又! 不過今日個 IE 有事呵, 無 LALA 睇唔到加密O既網頁, 整極都整唔到, 問埋 HOTLINE 都唔掂, 明明冇整過任何 CONFIG, 但係又真係無 LALA 睇唔到, 點解架, 有冇人幫幫我?! 嗚嗚嗚!! 今日買左盒百事呵, YEAH! 有 SAMMI 利是封送, 好靚呵!

ZUTTO WASURENAI --> 都係 KIRORO 呵, 意思係一直都唔會忘記, 其實, 同意呵, 有Ｄ野係一直都唔會忘記O既!

11/1/2004

HELP 呀, 個 IE 都仲係睇唔到加密果Ｄ網頁呀, 點解!!! 唔掂呀, 咁點算好呵! CHECK 哂都冇 SET 錯野, 但又真係去唔到喎, 咁點算呀!!! 天呀!!! 點解俾Ｄ咁O既難題我!!! 唉 ...!

救救我 --> 求下大家, 有冇方法救救我 ... 嗚嗚嗚!

12/1/2004

好消息好消息! 斯斯個 IE 好返喇, 原因係斯斯尋晚將個 BACKUP 拎返出黎, 好返喇! 不過代價係 ... 軟件要再安裝過哂, 整到今朝四點幾, 訓到十點幾俾爸爸嚇醒呵, 因為佢突然間同亞媽講野, 嚇醒左! 所以今日眼圈比較黑o既!! 電腦總算乖乖, 希望佢日後乖乖地生生性性啦! 落左街飲茶, 之後返左屋企做功課同埋溫書, 夜晚個 TEST 總算 OK 啦, 半 OPEN BOOK 咁啦, 不過仍需努力!! 放左學去食野啦梗係, 不過呢, 麥當當Ｄ魚柳唔太好味, 不過今日買送O既, 但係 ... 普通! 之後同二家姐傾左好多野呢, 傾左好多野, 包括左梅姐O既事, 睇到吳君如好假, 不過算啦, 每個人所做O既, 神都知道!! 順帶一提, 今日係日本O既"成人日", 也稱為 HAPPY MONDAY!! 呵呵!

鍚哂你 --> "鍚哂你, 洗乜講我直頭鍚哂你 ... !" 以上O既歌係對我好愛好愛O既"電腦 SAN"唱架, 斯斯鍚哂你架, 要乖乖地聽話呵!

13/1/2004

今日冇咩特別, 不過條頸好鬼痛O者! 同埋近日覺得自己塊面好似歪歪地咁, HAHAHA!! 唔知係咪呢?! 夜晚收到 CONNIE 個話呵, 下個月我要做姊妹, YEAH! 好緊張添, 要用呢一個月整靚下自己先, 呵呵!

結婚 SHIYOUNE --> 要同我朋友 CONNIE 講聲"OMEDETOU", 恭喜!

14/1/2004

今日出左尖沙咀, 因為約左人飲茶, 之後夜Ｄ先去左行旺角呵, 不過好失敗咁忘記左買耳筒, 又買唔到碟喎, 因為都冇入新貨! 行到八點幾返到屋企, 之後坐左一陣就落去食野喇, 之前又行左一陣, 買左套卡通片呵!! 其他冇咩特別呵! 今日買左個袋呵, 好靚架, 仲好鬼抵添! 不過代價就係 ... 唔知幾時唔見左隻戒指, 好彩唔係貴架o者!

WHEN YOU WISH UPON A STAR --> 呢首歌個歌名我好鍾意呵, 因為我好希望星星可以幫到我實現願望, 我也希望找到自己的南極星!

15/1/2004

今日條頸依然好痛! 可能係姿勢有少少唔太 ARM ! 今日無意中發現到我個 YAHOO EMAIL 有問題喎, 整左好鬼耐先攪掂, 其實可能一直都係有呢個問題, 只係我發覺唔到, 不過家下總算攪掂左喇, YEAH!!!

SWEET DAYS --> 今日心情好好呵, 因為係 19TH SINGLE 發行大日子! NE, GANBARUYO !!!

16/1/2004

今日去左飲茶, 之後行左好耐呵, 買左好多好多野, 呵呵!! 之後返左屋企, 又再出過去買百事喎! 因為正呵, 嘻嘻, 有暉春送呵, YEAH!!!

新聞女郎 --> 呢首歌記錄左 2003 年O既大事, 聽返有時都唔知點咁!

17/1/2004

今日大約三點幾去左將軍澳呵, 真係好在有去咋! 因為一去到就見到張 POSTER 話四點會有韓國有名O既"亂打(NANTA)"睇呵, 雖然只係短短O既半個鐘, 不過真係好值得睇呵, 先前諗住唔會好睇啦, 點知真係超好睇呵, 如果佢地O係香港公演, 我真係會去睇架, 因為真係值得睇! 睇完之後一陣呢, 二家姐打電話黎約我去街街喎, 正! 所以即刻坐地鐵出旺角, 之後行旺角啦梗係, 不過因為星期六同埋近新年呢, 勁多人喎! 所以都行左一陣, 買左兩本雜誌同埋一隻 CD ! YEAH!! 今次買到O既係"KINKI KIDS SINGLE SECTION", YEAH!! 本來想買新果隻"NE, GANBARUYO!"架, 不過貴左少少, 雖然有 POSTER 送! 不過都係過左年先, 等銀包充足Ｄ先!! 夜晚食吉野家呵!! 好味又抵食喎! 之後再行左一陣, 但係因為人太多同埋都係人太多O既關係, 所以決定下星期再去行過! 十點幾返到屋企, 仲俾爸爸嚇左一嚇, 因為我一插條鎖匙入門, 道門自己開喎! 原來 ARMARM 爸爸O係門後面揀緊碟睇!!

忘記歌詞 --> 我就忘記睇電視, 因為今日電視播"熱烈的中華飯店", 有我最愛o既朝香姐姐呵, 睇黎都係睇自己果 SET 喇, 朝香好型好可愛好靚架!!!

18/1/2004

今日冇出街呵, 因為又凍又勁落雨喎, 所以O係屋企睇多次＜ＥＶＩＴＡ＞, 嘩! 正呀, 果然ＤＶＤ正好多! 之後仲睇左＜CIRQUE DU SOLEIL -- ALEGRIA ＞, 真係正呀!! 真係想買ＤＶＤ呀, 不過又未O係香港見過有喎! 睇黎都要下次外遊假時(發夢中)先有得買 LU!!

從開始到現在 --> 我深信從開始到現在命中註定果個都等ING我, 愛就是力量!!

19/1/2004

今日去左飲茶, 之後返屋企溫下書咁, 今日好凍呵, 妹妹個 WMP 又出事喇, 但係諗唔掂添!! 返日文就冇咩特別, 夜晚又係食麥當當, 傾左一陣啦, 今日早左返屋企呵! YEAH!!

世界唯一的花 --> 我諗我患上一個叫做"KIMU TAKU 偏愛症", 因為有親 KIMU TAKU 都覺得好正, 唔知關唔關細細個就睇佢O既關係呢!!

20/1/2004

今日有落過街買野呵, 不過因為太多人, 所以我三點令返左屋企先! 睇返尋日Ｄ帶啦! 不過好嬲呀有件事, 因為睇果套＜ITSUMO FUTARIDE(永遠兩個人)＞, 明明係柏原崇架嘛, 點知突然間第三集變左第二個人喎, 攪到我睇到幾唔開心, 因為冇左柏原崇呵!! 我估係佢果排整親受傷休息果陣啦, 唉, 真係衰架O者!

今天你生日 --> 今日係寶姨O既生日呵, 祝你生日快樂! 身體健康!

21/1/2004

今日都落過街, 不過今日好凍呢, 但係凍Ｄ又真係好Ｄ架喎! 睇左今朝果集＜冬季戀歌＞, 哎唷, 真係兄弟咁點算呵? 好慘呵!! 唉唉!!!

及時行樂 --> 今日係羊年最後一日, 斯斯希望大家猴年可以及時行樂, 活在當下!!

22/1/2004

大年初一呵, 首先祝大家猴年健健康康、開開心心! 今日好好訓呵, 首先去婆婆屋企, 食左三碗湯丸, 好味好味! 之後坐車出旺角, 因為約左二家姐!! 不過好攪笑呵, 一落到去巴士站時, 竟然撞到 CINDY 喎! 真係約都未必咁 ARM 呵, 傾左幾句啦, 佢冇咩點變喎又, 唔錯!! 今日旺角都有地方開門架, 不過就街邊檔多左勁多, 今日買左好多野, 差唔多十本(?!)雜誌啦, 行左一陣就坐車去西九龍, 本來諗住食壽司架嘛, 點知冇開門添, 之後就決定去食哈迪斯喇! 好好味! 之後食完因為好早啦, 所以又去左行一轉旺角, 不過都係睇果Ｄ野, 所以最後九點幾就坐車返屋企喇! 十點令返到屋企啦, 呀, 係喎, 今日買左隻好抵O既熊貓呵, 同佢沖左涼喇! YEAH YEAH!!!

YUME NO NAKA --> 尋晚發左個好攪笑O既夢, 見到 TOMOYA 喎! 好怪呵!

23/1/2004

我我我終於睇完＜ITSUMO FUTARIDE(永遠兩個人)＞喇! 都幾好睇O既, 美中不足係柏原崇突然消失左!! 不過受左傷冇計啦!!! 今日都係咁凍啦, 所以我O係屋企都戴住表弟送O既熊貓頸巾!! 夜晚同婆婆、舅父(2個)、舅母去我屋企樓下食飯, 不過就俾果個女侍應激Ｃ! 新年流流攪Ｄ咁大吉利是O既事, 不過唔好講咩事喇, 總之就大吉利是過佢啦, 真係要"恭喜發財"佢呀!!

MOU SUKOSHI --> 無錯! 有時真係差少少, 就好似一套日劇(神樣, MOU SUKOSHI DAKE!), 有時有心去做, 但係只差少少時間!

24/1/2004

今日都好凍呵, 手仔凍冰冰呵!! 今日睇左櫻井淳子果集ＤＢ, 真係笑親我呢, 實在太攪笑喇, 原來櫻井小姐去年結左婚喎!! 又睇左兩集 SHINDOI, 亦都係笑親我架, 因為真係真係太 KAWAII 喇!! 今日隻手好痛呵, 因為前日俾個袋整損左, 呢幾日咁凍更加痛添呵!

SAKURA NO TOKI --> 好想好想去日本一次! IKITAI !!!

25/1/2004

今朝九點幾起左身, 因為要入天水圍呵, 大約用左個半鐘就到達目的地喇, 之後等齊人就上左 CONNIE 同學屋企, 食呀食呀, 傾呀傾呀, 玩呀玩呀!! 呵呵, 不過最攪笑O既係我地都冇咩傾過婚宴O既野, 呵呵!! 之後坐西鐵轉地鐵返屋企, 最攪笑就係我地坐車返屋企時先諗到好多野要著手攪喎, 仲有一個月時間, 希望可以做到啦!! 所以聽日約左去睇下衫呀咁! 諗落都幾好玩喎, 又玩下化粧、SET 下頭咁! 不過兩樣我都唔多識!! 我七點鐘先返到屋企, 表弟同埋佢女朋友一早黎左喇, 真係唔好意思喇, 食完飯傾左一陣! 今日我好累呵, 不過好想減下肥添!

我最好的朋友 --> (呵呵, 出過呢首再出!!), 今日同一班好朋友見面, 諗諗下都識左九年 LU!

26/1/2004

今朝都好早起身, 因為約左 CONNIE、亞珊去行旺角, 因為呢, 要睇下姊妹衫, 行左一陣, LISA 就黎 JOIN 我地喇, 之後再行左一陣, 睇中左條裙, 不過未買住, 因為要返黎再諗諗先, 好緊張呵!! 行到六點幾先坐地鐵去尖沙咀返學, 遲左少少啦, TEST 同埋溫下書咁, 都冇教新野, 下堂又要 TEST, 再下堂就 MID-TERM 添呀, 真係快呀!! 要努力Ｄ先! 放左學行左一陣, 再去麥當當食野, 仲撞見 C.C AUNT 添! 呵呵, 今日食少左呵, 因為要食少Ｄ, 做姊妹都要靚靚架嘛!! 十二點到返到屋企, 終於收到 MOMO 果本 F CON O既書, 不過冇相O既, 但係好勁喎, 真係好詳細紀錄左 F CON O既每一場O既每一句說話! 勁!!!

出生入Ｃ --> (呵呵, 因為新正頭, 所以用個"Ｃ"代替!) 今日同姊妹們傾到, 我地真係要 KEEP 住呢段咁難得O既友誼, 識左咁多年, 希望第日大家都 KEEP 住咁好朋友, 過多幾個九年後都仲係咁好朋友呵!!

27/1/2004

今朝個鬧鐘又唔嚮喇! 所以晏左少少先起身, 食完野就同爸爸媽媽打左一陣牌啦, 不過輸左呵我(哭)! 夜晚珍釚突然打黎話有飛睇＜左麟右李演唱會＞喎, 所以就拿拿林食左少少野就落去喇, 同埋舅父舅母一齊去睇, 嘩! 好睇呵, 今晚坐第八行, 好正呵, 不過我冇帶相機添, 同埋呵, 我爭少少就同克勤哥哥握到手喇, 不過我隔離果個"亞豬媽媽"一拎封利是出黎, 克勤哥哥就掛住拎利是 LU! 今晚個 SHOW 好好睇呵! 睇得好開心, 多謝哂珍姨張飛先!! 差唔多十二點返到屋企, 之後沖澡先煮麵食! 好味!! 要同二家姐講聲唔好意思呵, 因為實在太太太趕喇, 所以 CALL 唔切你去睇呵!! GOMEN!!

大會堂演奏廳 --> 嘩! 今晚聽左成晚 CONCERT, 真係暴露左我O既年齡添, 好似呢首歌咁, 由頭唱到尾!

28/1/2004

今日去左飲茶呵, 之後行左一陣就返屋企喇! 又玩左一陣好衛生O既玩意, 今日贏左少少! 夜晚放返隻 FLOPPY 入機時, 發覺開唔到, 儲左咁耐O既精選歌詞集冇哂! 不過冇計啦!

緩慢 --> 偶然咁聽返呢首歌, 仍然覺得好想喊, 好傷感O既感覺!

29/1/2004

今日冇贏冇輸, 呵呵!! 夜晚約左二家姐去食壽司, 今日食得唔太多, 因為大家都唔想食得太飽! 食完之後行左一陣旺角, 不過呢, 可能夜左少少, 所以好多舖頭都 CLOSE 左! 家姐買左幾隻耳環, 呵呵, 遲Ｄ我又買果Ｄ掛O係隻耳果Ｄ耳環先, 因為好型呵!! 十一點令返到屋企, 今日唔錯! YEAH!!!

ARIGATOU --> 要同二家姐講聲: SUMIMASEN, SUSHI, ARIGATOU!!!

30/1/2004

今日媽咪出左街街, 本來同嗲Ｄ去九龍城架, 不過最後我冇去到, 睇左＜冬戀＞大結局啦, 不過係一邊睇一邊幾炆架, 因為我唔太認同佢地O既做法, 因為佢地呢個做法, 令到大家浪費左三年寶貴O既時間, 有時時間真係唔會等人架, 如果我係"惟珍"的話, 我係一定一定飛去 NEW YORK 搵 OBBA 架, 絕對唔可以咁輕易就放棄呢段咁難得而又珍貴O既愛情!! 又睇左兩集＜熱烈的中華飯店＞, 朝香Ｄ廣東話都幾有趣架!

Ｃ者的呼喚 --> 尋日又突然聽返 ASOS O既呢首歌, 估唔到咁耐冇聽, 歌詞同埋意境都依然係令我感動!

31/1/2004

今日去左同 D舅父等飲茶, 返到黎之後發現我個 ICQ CONNECT 唔到喎, 到而家(8點幾)都仲係咁樣, 我真係冇計添, 又唔係我個 UIN 有事, 因為用咩 UIN 都 CONNECT 唔到, 希望快Ｄ好返啦, YIK CHAN 仲 SENDING FILE 俾我添架, 點算好呢?! 唉, 好 DOWN 呵!! ICQ 呀 ICQ , 快Ｄ快Ｄ幫幫手, 乖乖地 CONNECT 返好唔好?? 乖呀下!!!

AIUEO --> 呵, DL 左個 ICQ 日文聲音, 好正呢, 不過都係希望 ICQ 快Ｄ CONNECT 到啦!

我的拍賣