今日冇咩特別, 睇下電視咁, 為左個論壇整左個 LOGO, 不過唔太靚, 但係用住先啦!!!

SHAKE --> 係 SAMP 前輩O既歌呵, 好耐架喇, 不過呢首歌幾得意!!

今日同樓上個姨姨去左飲茶, 飲完茶傾呀傾, 之後又去左買日用品, 成四點幾五點先返到屋企, 好累呢!! 講開又講, 仲未記熟星期一晚 ORAL Ｄ題目添, 睇黎未來兩日真係要 GANBATTE 先得!! 係呀, 嘻嘻, 尋日收到 SENSEI 封 EMAIL, 因為我之前有少少問題問左巨, 佢答返我, 仲話我一直以黎 WELL DONE, 呵呵呵, 我一定要加倍努力! 一定要升到班!! 呵呵!!

OH FATHER --> 麥當娜姐姐O既歌, 真係勁正架, 我仲好記得個 PV 係點! 家下聽返呢首歌都好感動, 好想喊架!!!

今日雖然話過要努力讀下日文, 不過今日依然係出左街, 去左將軍澳, 買左好多野呀, 終於換到熊貓杯杯同埋熊貓拖鞋喇, 仲有買到兩隻爬地, 齊一套喇終於, YEAH YEAH!! 好累呢, 不過聽日一定一定要讀熟Ｄ ORAL 題目! 冇理由衰架嘛, 係咪先?!

星ズ願ゆメ --> 我都想向星星許願: 幸福!!!

今日落左去行左一陣, 買左幾件衫, 好靚架, 同旺角差唔多價錢! 返到屋企沖完涼就開始溫聽晚O既 ORAL 喇, 原來都幾多野要背架喎, 家陣都叫做ＯＫ啦, 不過依然有少少緊張, 你知啦, 一緊張可能咩都 UP 唔出! 希望聽日再溫下, 咁就順順利利就正喇! 我係有兩三條O既圖片題唔係太熟, 其它果Ｄ作都作到O既!! 希望一切順順利利!! YEAH! 除左希望聽晚 ORAL 順順利利之外, 亦同時希望聽日睇牙順利啦, 希望唔洗再去啦, 好鬼遠呀真係, 車錢又貴!!

GANBARIMASHOU --> 一齊努力加油!! YEAH YEAH!! 我一定要戰勝聽晚個 ORAL 同埋 19 號個 EXAM, 嘿嘿!! FIGHT !!!

今日自己煮左個麵食, 之後執下野, 呢度 HAIR 下果度 HAIR 下, 咁又夠鐘出門口喇! 好彩都唔係等左好耐車, 如是者, 車程大約一個鐘, 之後又行上果條好鬼長O既路, 大約 3:50 就到左牙科醫院喇! 但係等到成 4:30 先到我! 但唔夠五分鐘又走得!! YEAH!! 傷口好返, 唔洗再覆診!! 咁見時間仲早, 所以就行左去上環果間吉之島十蚊店! 嘩, 原來都幾多野睇, 仲以為好細添, 好多野想買, 不過最後都冇買到, 因為聽日去街街!! 之後就坐巴士過返尖沙咀, 六點幾過到去, 行左一陣啦, 大約六點九到就返到課室, 溫下書咁等我O既口試時間 7:15, 終於都到左 7:15 , 諗住到我啦, 點知點個男同學話佢 7:10 喎, 明明佢自己遲到呢, 一個唔該都冇就衝左入去考試, 唉, 算!! 等到大約 7:25 到我喇!! 好緊張呢!! 雖然只係五分鐘, 不過都好順利呀, 係有一兩題答得唔太好, 不過同 SENSEI 傾得好開心, 我指O既係問考試題目, 唔係真係傾計!! 我諗問左我大約七分鐘至八分鐘啦, SENSEI 讚我呵, YEAH!! 仲讚我一直都好細心, 叫我努力讀上去!! 呵呵, YEAH!! 我要努力, 起碼讀埋呢幾年, 等我教下日文都好, 學到好勁時就去日本同 TSUYO 相遇之後相愛!! 呵呵!! 大約 8:15 返到屋企, 亞爸亞媽好好呵, 等埋我食飯呢!!

LA LA LA LOVE SONG --> 其實有好多歌一聽就會諗起某一D野, 呢首係其中一首, 令我諗起悠長假期! 感動O既故事, 同埋木村前輩呵!!

今日都係自己煮左個麵食, 之後坐巴士出旺角, 因為約左春天家姐去街街, 發現到一間買二手ＣＤ好正, 好多 SINGLE 好平, 不過我揀唔 ARM !! 之後行呀行呀, 不過呢, Ｄ日劇店全部冇開, 哎唷, 咁點算呀!! 之後行左好多地方! 仲去左買"貼身物品", 呵呵!! 之後行行下諗不如去第二度行, 最後坐左地鐵去左將軍澳行, 仲食左夾餅添, 不過俾果個人呃, 攪到家姐第一次食呢檔, 但係又唔好食! 真係 SUMIMASEN !! 下次再去食過好味O既!! 之後行左好耐呀, 諗住去椰林閣食晚餐啦, 點知又 ARMARM 過左特價時間(至到 19:30 , 但係 19:35 先去到), 咁所以就計劃行去吉之島果邊喇! O係果邊食左肯德基, 好味!! 不過見到兩個好鬼曳O既O靚妹!! 之後行吉之島, 有去到十蚊店呀, 搬左位喎, 不過我都睇唔 ARM 野添, 因為我想買左木盒仔黎放寶貝ＣＤ呀! 不過睇唔 ARM !! 行呀行呀咁, 之後就坐地鐵返屋企喇, 因為行到Ｄ店都關哂咁滯!! 十點幾就返到屋企 LU !! 呀呀, 要謝謝家姐送我o既 DERU DERU 坊主呵!! 仲寫左一個願望: TSUYO CHAN NO KANOJYOU NI NARITAI !! 呵呵!!

SEE YOU IN MY DREAM --> 哈哈, 係 TSUYO 新碟O既歌, (又要儲錢!!), 呢首一定要講下, 因為我 FEEL 到有個 YAKUSOKU 呀!!

今日都係食麵做 LUNCH 喎! 之後睇返尋日Ｄ電視啦, 再用左幾個鐘去整理返我果幾百隻珍藏 VCD, 真係好多呢!!

VERY SIEEPY --> 喂喂, 我冇打錯字架, 真係 "SIEEPY", 唔係 "SLEEPY", 其實係 TSUYO 黎緊新碟O既一首音樂, 點解係 "SIEEPY" 呢?! 因為隻碟名叫 [Si:], 哈哈, 點解?! 讀下我個名咪知囉, 呵呵!

今日去左飲茶, 之後行左一陣, 都冇咩特別, 天氣好熱好熱!! 呀, 今日又有人為左 SARS 而辭職, 其實我有少少唔多明白, 因為呢, 其實 SARS 果陣佢地都真心咁為左大家好, 應該O既都做哂! 但而家好多人就話佢地失職, 吾~~ 都有少少唔太公平, 當然, 有人過左身係會唔開心, 之但係佢地都唔想, 係佢地O既控制範圍之外, 其實過左去就讓佢地過去!!!

KANPAI --> 一齊為左明日而乾杯!! 聽日我一樣要努力呢!!

今日冇咩特別野做過, 睇左一集好攪笑日本整估人O既節目, 真係笑Ｃ我!! 上去 OC 睇到一段傳聞又話八月 TSUYO 會宣佈同後藤訂婚, 汗一個啦真係!! 就算係訂婚都唔會係同呢個可惡女啦!! 所以我亦都回應左我O既想法, 唉, TSUYO 開心係因為又可以有 SOLO, 同埋 TSUYO 唔係成日話俾Ｄ魚治療架咩, 總之我好煩厭成日後藤啦!! 我就放長雙眼等八月, 嘿嘿!!!

TONIGHT I FEEL CLOSE TO YOU --> 我感覺到同 TSUYO 好近, 好近!! AI WA POWER DAYO!! 呢樣係真!! NUT 妹妹話: 相信就永遠相信、相愛就永遠相愛! TSUYO 我相信你!!

今日冇落到街, 突然間五點幾有人噤鐘喎, 原來係 I-CABLE 黎換 MODEM, 真係俾佢嚇親呀!! 之後速度真係快左喎, 之但係換左個令鐘後就斷左線, 再上唔返網, 打去問啦, 原來係因為呢區都整緊個網路, 果個人叫我十點半再試, 當然, 十點半試左都係唔得啦, 果個人再 CHECK 返, 原來話仲係整緊, 因為呢幾日係O係我呢區換 MODEM 同埋提升技術, 佢話聽朝會正常返架喇, 唉, 冇網上真係差好多呢, 起碼冇得同人傾下計咁!! 呀, 今日好失敗呀, 因為諗住整叮噹包啦, 點知失敗左, 之後整雞翼啦, 點知又失敗左, 因為落唔夠叉燒醬, 我估計係因為我太耐冇煮野食, 日後都要煮返多Ｄ先!!!

ITSUMADEMO HOHOEMIWO --> 無論幾時都要微笑, 無論咩事都笑住面對!!

今朝個網仲未上到喎, 原來係話咩唔見左我舊果隻 MODEM, 唔放 IP 俾我! 真係好想鬧佢地呀, 關我鬼事咩! 攪到我冇得上網, 影響好大呀真係!! 由於冇網上所以就去左行將軍澳, 不過都冇野好玩, 所以就返左屋企, 不過真係好悶!!!

為你解悶 --> 同春天家姐講聲多謝, 因為佢為我解悶, 陪我傾左半粒鐘電話, 呵呵!!

今日冇咩特別, 冇得上網勁悶! 溫左兩本書, 大約 25 課到啦, 但係今次OTAL廿要考 40 課呢, 所以我仍需努力!! 到左四點令就有人黎整寬頻喇! 原來部新 MODEM 壞鬼左, 汗呀! 用左個幾鐘就壞左! 咩機黎架!! 不過家下總算上到網, 因為換左第二款新 MODEM , 快左好多喎真係, YEAH !!

聽見月光 --> 唔知點解呢兩日個腦都諗起月亮, 真係奇怪!!

今日去左飲茶, 之後行左一陣, 買到一張 POSTER !! 仲未溫哂書添, 點算!! 努力努力!! 一定要升到班!! 今日亦都好努力咁 UPLOAD, 目標係 244 點, 今日總結係有 15 點!! 哈哈, 有排先到目標呢!! 呀, 要賀一賀我表弟(STEVEN), 因為入到間好中學, YEAH YEAH!!

多得他 --> SAMMI 翻唱呀, 呢首歌好好聽架!! YEAH YEAH!!!

今日好熱呢, 今日溫過書啦, 不過好多單詞要記, 仲未開始溫文法添!! 不停咁 UPLOAD , 今日總結係有 71 點, 呵呵呵, 我要再努力, 244 快到!! 契媽打電話黎, 講左"十蚊張"O既事件, 所以我就幫佢打返果幾頁中文啦, 家下我個腦有好多"這樣"、"那麼"、"就是", FUFUFU !! 不過原來我打中文都幾快架喎, 呵呵!!

唯獨你是不可取替 --> 明白的人自然明白, 呵呵!!

今日去左飲茶, 之後我就返屋企喇, 因為好熱, 同埋想溫下書, 今日都係溫左單詞, 仲未開始文法, 吾, 有少少驚添!! 今日總結有 154 點喇!! 幾勁, 不過要同亞 NUT 妹妹講聲謝謝, 因為佢都有份幫手呢, 剛 OBBA 一到手的話, "9 大包"係唔會走左你O既, 嘿嘿!! 不過我今日都發生左"電腦恐佈事件"喎, 就係諗住 BOOT 機, 點知 BOOT 唔到, 但部機又著左, 最後要熄大制再返, 著返仲攪左一陣先入得返 XP, 好彩!!

我不快樂 --> 其實係替 LISA 不快樂, 想同佢講: 傻貓離開左, 一切都留在回憶中!! 要珍惜呢二十年O既緣份, 同埋珍呢一份回憶!! ^V^ !

今朝一起身, 嘩!!! 圓規變左八號風球喎!! 呢個圓規果然勁呀!! 原來呢, "圓規"唔係畫圓果Ｄ, 而係日本O既一個星座(聽聞), 今日打風更加冇得出街啦, 所以都係咁, 聽日要努力加油咁溫書, 因為星期一晚係喇!! 呵呵, 今日冇分數報呵, 因為活動暫停兩日, 但係我同亞 NUT 妹妹都係咁 UPLOAD, 呵呵, 244 快到!!

仍是會想你 --> 呢幾日唔知仲咩諗返咁多舊事, 舊人, 唔通老?? 想當年??!

唉, 今朝一起身又 SHOCK 啦, 唉 ... 個 UPLOAD SPEED 又好似上次咁超勁慢, 1K 都冇, 咁打去投訴啦, 今日我都算有突破咯! 因為平時我真係打去投訴投訴得好鬼斯文架, 所以成日唔理我咯, 今日打去我就惡喇! 完全唔友善, 過左幾個鐘試, 都係唔得, 咁再打去啦, 今次仲惡, 點知果個人都唔弱, 佢只係不停咁話明白, 又不停咁話之前 CHECK 過訊號冇事, 之後我就不停咁話你明白係對件事冇幫助, 事實上係唔得, 之後佢又叫我十點令再試, 結局當然又係唔得啦!! 唉, 我又拎返部舊電腦出黎試, 都係唔得, 換過條新 MODEM 線, 都係唔得, 咁一定唔係我問題啦, 上次都試過係咁, 叫佢黎整都係唔知咩事, 之後果個人一走就 OK, 我估係佢去左個機樓度整, 唉, I-CABLE 攪咩架, 一直都信任佢地, 之但係問題我又特別多O既!! 問題解決唔到呀今日!! 激Ｃ人!! 唉唉唉, 仲要O係呢Ｄ咁趕急O既關頭!! 呀, 我要謝謝亞 NUT 呀真係!! 得到你O既幫助, ONNI 真的萬分感激!!!

煩 --> 我煩呀, 我煩呀~~~ I-CABLE 真係一直在線?? 唉 ... 係O既, 之但係 UPLOAD SPEED 仲咩仲衰過用 56K, 激氣!!!

今日個 UPLOAD SPEED 都仲係咁, 打左電話去, 最快都要星期二先黎睇, 真係激Ｃ!! 今日溫左幾個鐘頭書, 應該ＯＫ掛!! 今日報分 204 點!! 聽日就ＯＫ架喇, 真係要多謝亞 NUT 妹妹呢, 真係要!!!

RIVER --> KOKIA, 好聽呵, 真係!! 聽日考試, 要努力!!

YEAH YEAH !!! TSUYO 2ND SOLO ALBUM ＧＥＴ!!! YEAH YEAH!! O係呢度我要多謝上海姑娘同埋亞 NUT, 如果唔係得到你地幫忙, CC 一定拎唔到隻碟!! 特別要嗚謝亞 NUT, 因為妹妹你實在幫左 ONNI 勁多, 真係鍚哂你!! 不過而家仲未知可以 GET 到初回定係通常盤, 當然我希望係初回啦!! 呵呵!! 今日讀書呀都係, 不過都唔知識唔識架, 因為一邊讀書一邊玩電腦(PASUKON WO TSUKAE NAKARA BYYUU KYUU SHIMASU!!), 五點半出門口, 坐地鐵去啦, 點知企企下個心跳得好唔正常, 之後標冷汗再黎眼前一花, 過左一陣先冇事, Ｃ啦, 係咪有暗病呢?? 早左好多去到呀, 所以去左買左杯百事飲, 呵呵, 之後六點半就去試場喇, 係北角個 CENTER, 嘩! 真係好鬼多人等 LIFT!! 之後都冇再溫書喇, 因為就識, 唔識都冇計, 好彩, 比我預期O既易, 考到八點半就完喇, 休息半個鐘再考 LISTENING, 呢份反而有少少難道, 唔知 ARM 幾多呢, 因為有幾題都唔係好聽清楚佢講咩!! 總算考完喇! YEAH!! 行去巴士站坐巴士啦, 點知我幾鬼豬呀, 發雞盲呀我, 行過左個站都睇唔到, 攪到我行左去再下一個站坐喎, 真係都唔知做咩咁豬!! 十點三到返到屋企, 煮左個米粉食, 因為真係好肚餓呢, 不過我相信都可以升到班, YEAH YEAH!!!

(無題) --> 啦啦啦, 興奮中, 諗唔到野講!! 呵呵!!

今日有人黎整 I-CABLE, 之但係整左幾粒鐘到家下(23:30)都未整好, 嗚嗚嗚!! 夜晚去左食椰林閣, 冇以前咁好味O者, "逃離密室"個 GAME 都仲未破到關, 而第二代呢, 就爭少少就過到關, 唉 ...!!

今天你生日 --> 今日係媽咪生日, 祝佢身體健康! ^V^!!

激Ｃ人激Ｃ人激Ｃ人!!! 仲未整好個 UPLOAD, 離哂譜!! 真係好激氣呀!! 唉... !! 今日睇完左＜愛的和弦＞, 其實好感動, 不過又有少少不滿喎, 真係好想 YUKI 可以好番!! 唉 ..., 不過真係幾感動!!

自由 --> 幾時先整好個 UPLOAD 架, 我要自由自在咁上網呀!!!

今日冇出到街呵, 其實唔知點解近日唔太想出街咁, 可能真係太熱啦, 呵呵! 個 I-CABLE 話最快要 24 號先整好, 玩下手要到 27 號先 OK, 或者連 27 號都唔得, 真係好困擾呢!!

戰爭 --> 呢首歌好感人呢其實, 聽完都有一種反省O既感覺!

今日當然仲未整好個 UPLOAD 啦, 激Ｃ人!! 去左飲茶, 之後行左一陣啦, 不過今日都幾熱咁!! 夜晚打左電話俾春天家姐, 約左聽日 LU, 一齊去書展, 我一陣間都要寫低自己有邊Ｄ書先, 聽日諗住去買張小嫻同埋 WINK UP, 希望有啦, 梁芷珊果Ｄ唔睇 LU, 因為佢而家Ｄ文筆變成唔係好 ARM 我口味咁! 今日睇報紙, 話亞哥呢, 同步姐去 NEW YORK 玩喎, 仲影到幾張機場相, 亞哥真係好體貼架O者, 睇唔出佢咁溫柔, 睇黎都快有個亞嫂 LU!

INSIDE --> ＜天使消失的街角＞插曲, 今日再一次睇呢套劇, 其實真係幾感動, "世上沒有沒用的零件, 全都是重要的!!"!

今日一點幾就出左去喇, 因為約左春天家姐去書展, 一如我地所料, 係好多人O既, 係咁行呀睇呀買呀!! 呵呵, 我買左一本日文三級能力試O既詞語O既書, 同埋買左一本張小嫻最新作品＜吸血盟＞, 其實係幾驚咁O既, 希望唔會俾呢本書嚇親啦, 仲有買左一本雜誌俾上海姑娘, 因為好平, 呵呵, 同埋遲Ｄ我都要盡下地主之儀O既! 行到大約六點到掛, 咁就坐巴士過左旺角, 諗住去信和買野啦, 不過又真係貴得滯, 都係遲Ｄ先買啦!! 好開心呀今日, 因為呢, 終於食到"可麗餅"喇, 一直都想試下, 之但係前排隻牙未好返唔食得蛋, 今日食到喇, 我仲食左 TSUYO 最愛口味: 朱古力 + 香蕉, 不過如果朱古力醬再多Ｄ就會好味好多喇!! 行到八點幾就返屋企喇, 因為今日真行得好累, 同埋條腰好鬼痛!! 呀呀, 今日個 UPLOAD SPEED 終於 ... 終於好返喇! YEAH YEAH!

好多的夢想 --> 哈哈, 日文版小丸子主題曲, 好攪笑架!

今日冇出街街, 因為太累喇, 條腰冇咁痛 LU, 不過仲未執好尋日Ｄ戰利品, 呵呵, 真係懶!! 同埋仲未回信俾 YUMIKO 添! 夜晚諗住 CHECK EMAIL 啦, 點知 LOGIN 極都話我個 PASSWORD 錯喎, 之但係明明係咁架, 同埋全部係細寫喇喎已經, Ｃ啦, 唔係俾人亂 LOGIN 左入去改左個 PASSWORD 下嘩?? 千其唔好呀!! 呢個 ACCOUNT 我用左七年架喇, 好有感情架, 千其唔好呀!!!

士多啤梨蘋果橙 --> 唔知點解呢兩日成日諗起呢首歌, "士多啤梨啤梨蘋果橙 ..."!

今日去左飲茶, 之後行左一陣! 我個 YAHOO 好番喇!! 唔知點解架呢?? 不過好番真係好, 尋日都不知幾咁擔心, 又怕呢樣又怕果樣, 都話我係緊張派啦!! 夜晚終於都回左信俾 YUMIKO 喇, 今次我諗佢好辛苦呵, 因為我全封信都係用日文寫, ARM 唔 ARM 呀?? 吾 ... ARM 掛!! 今次寫左三頁紙, 冇睇 NOTES 架, 不過有上網查過Ｄ字 ARM 唔 ARM , 因為有時諗到點讀但係又驚寫錯音, 呵呵呵, 我要努力!! 呀, 同埋今日睇到有個 COURSE, 寫左 EMAIL 去問, 不過我估都入唔到架喇, 鬼叫自己冇讀中七咩!!!

遙遠的東西最美麗 --> 呢樣係真架!! 得唔到係最想要!

今日三點幾出左深水"步"同埋旺角, 不過都冇買到咩野, YEAH YEAH! 有部 MP3 機 LU!! 呵呵, 六點幾返到黎, 好累呢, 呀呀, 日條腰冇咁痛, 我諗真係訓O既姿勢唔好喇!

我的驕傲 --> 呵呵呵, 希望我快Ｄ學好Ｄ日文, 我要去日本讀書, 嘿嘿!

今日冇出到街, 串返隻熊貓仔, 不過好唔小心咁串錯左少少, 攪到佢家下個頭仔側側地!!

別輕視愛 --> 好鍾意呢個歌名, 唔好輕視"愛", 因為" AI WA POWER DAYO!! "!

今日好多時間都係落雨呢! 天氣都好熱!! 終於都睇左上兩個星期o既 SHINDOI 喇!! 果然我大部份都聽得明O既, 只係有少少關西音聽唔明白!! 我要努力!! 嘿嘿!!!

無限 --> 鬥志係無限, 之但係機會有限, 唉 ... !

今日去左飲茶, 之後去左百佳啦, 因為今日出新百事, 有電話繩送, 不過搵黎搵去都冇 SAMMI, 仲唔小心界損左隻手指! 激Ｃ人啦!! 呢排我又訓得唔太好喇! 因為成日都越訓越累! 真係未老先衰!! 唉! 今日聽左 PAUL哥哥隻新碟, 真係幾正喎! 唔覺唔覺就播完成隻碟喇, 果然係好音樂!! 睇新聞, 話周永恆判左 18 個月感化令, 其實都算好喇, 因為感化令某程度上都係好過坐監O既, 希望大家都要識得珍惜自己啦!!

不要害怕 --> 呵呵呵, 過幾日上海姑娘黎香港喇, 唔好驚唔好驚, 希望果日會好開心啦, 其實我幾擔心我Ｄ國語唔掂 :P!

今日約左春天家姐去觀塘, 因為 J-POINT 執笠, 買左三本書同埋兩隻 TOKIO O既 CD, 之後坐巴士去左旺角, 信和呀, 呢度果度, 勁行, 今日買到好多正野呢, 不過有排唔可以咁買(其實係咁大個女未試過買咁多野 :P), 仲有好正咁買到未有O既 B ALBUM & F ALBUM, 仲有一隻 SINGLE, 呀呀, 同埋好開心呀, 因為終於買到 DREAMS COME TRUE O既 MARRY E?一O既 SINGLE 喇! YEAH!! 仲要係平喎!! 仲有呀仲有呀, 買到 TSUYO 去年果個學年曆, 好平呀, 終於都平喇!! YEAH !! 不過我要一段長時間唔准自己再買野喇! 因為實在今日太瘋狂!! 夜晚又去食左可麗餅呵, 今次食士多啤梨, 不過太酸喇! 下次食咩味好呢, 諗ING!!

-I CAN'T STOP LOVING --> 呢句野係對住一個人講O既! TSUYO !! 呵呵!