今日做功課, 因為襯仲記得, 所以要做下練習!! 今日睇左＜救命＞, 好得人驚呀真係, 真係要帶眼識人呢!! YEAH YEAH! 今日終於買返盒墨喇, 不過買左黑色咋, 嗚嗚嗚!!!

大雄 --> 好得意呵, 但又好 WARM!

今日去左飲茶, 之後行左一陣, 不過買唔到野呵!! 呢幾日開始睇返＜聖都之行進＞, 好慘呵, 真係集集都睇到眼濕濕呀, 石田一成真係做得好呵, 我希望佢而家做左爸爸會生生性性啦!!

對不起不是你 --> 亞敬新作呵, 努力加油!! 斯斯支持你!

今朝早起身呀, 不過好攪笑, 訓訓下我爸爸入黎睇下我較左幾點鬧鐘, 見到未夠鐘又行返出去, 我九點幾出門口, 不過又等唔到車喎, 所以就遲左少少先去到覆診, 今日要去拆線呀隻牙!! 嘩!! 拆到幾鬼痛呀, 仲要等左成個幾鐘先到我添!! 之後坐左叮叮去銅鑼灣, 行呀行呀, LUNCH 食左麥當當喎, 一個人去都幾特別!! 之後呢, 梗係勁行街啦, 不過雖然好多野好想買好想要, 不過真係勁勁勁貴呵, 好多雜誌好正, 不過真係好貴, 太貴喇!! 最後只係買左三樣野咋, 其中一樣係熊貓仔封箱膠紙, 終於俾我買到呢!! 行到四點幾五點返到屋企, 有少少累呢!! 夜晚收到貓豬妹妹個電話呵, 好突然呢, 不過又好開心呵!! 多謝哂貓豬妹妹先, 仲有就係要多謝 V.LEK 同埋 DIDO, 同時亦要多謝大哥啦, 原來你成日都有睇"安天地"O既!! 謝謝!! 感動ING!!

心之戀人 --> 真係聽完又聽都咁好聽, 今日O係架車度聽聽下突然覺得好感動!! TSUYO 謝謝!!

今日去左飲茶, 不過呢幾日都唔知點咁, 硬係好似唔太舒服咁!! 要多謝貓豬妹妹個幫助先, 因為佢今日 SEND 左尋晚Ｄ相同埋 REPORT 俾我!! 真係太感動呢!!

系 --> 中島美雪, 亦係＜聖者之行進＞主題曲, 聽到後又會令我諗起呢套劇, 真係集集都感動到喊!!

今日實在好熱!! 睇左兩套恐佈片呀, 好驚呀!! 今日好開心呵, 因為個拍賣網終於好返!! 不過又好唔開心, 因為本來幫上海姑娘 BID 左兩本 WINK UP, 但係果個賣家太過份, 兩本書只係 13 蚊, 但係郵費要收我成廿蚊, 真係過份, BID 之前話郵費五蚊一本咋嘛, 家下成功拍賣又加價! 所以呢Ｄ係原則問題, 俾我負分都係咁話!! 真係係原則問題, 如果唔係呢個郵費O既話, BID 之前唔好話到咁肯定係五蚊!! 嘿!! 你估我好蝦呀?? 嘿嘿!!

一夜成名 --> 我覺得傅佩嘉Ｄ歌幾好聽架!! 不過我都係最愛"絕"!

今日天氣好熱, 間中仲落雨添!! 晏晝上上下網, 知道左一件令我好 SHOCK O既事, 就係窪塚洋介隋樓, 懷擬係自殺不成功, 真係好 SHOCK 呵! 點解咁架?? 我真心希望佢快Ｄ好返啦, 成家人等緊佢!!

身體健康 --> 真心希望大家都身體健康, 窪塚 SAN 早日康復, 演戲咁好, 唔好放棄呵!

今日去左飲茶, 之後夜晚返學, SENSEI 又好攪笑咁話: 你一定講到O既, 你平時Ｄ功課做得幾好! 哈哈, 攪到我要講: 唔好講呢Ｄ野啦, SENSEI 仲勁笑添, 呵呵!! 放學同春天家姐去食麥當當, 傾左好多野, 當然都感覺到佢O既擔心, 不過吉人自有天相, 正如今日亞 WAYNE 讀果個點唱咁, 開心返笑返啦!! 十二點三先返到屋企呢!! 呵呵呵, 今日我仲問左家姐一個攪笑問題: 如果 SMAP 五個中要選邊個做老公?! 家姐話木村前輩會係一個好為家庭O既人! 我同意呵, 而我會選邊個?? 我諗我會選慎吾呵, 因為覺得如果同佢一齊生活的話, 每一日都會好開心, 傻下傻下咁又一日! (不過當然如果唔係O係 SMAP 五子的話, 會另有答案啦!)

今天你生日 --> 今日亞敬生日, 雖然好耐冇見, 不過我覺得默默咁支持你都唔錯! 祝你日日都開心!

今日冇咩特別, 睇左 HOME DRAMA, 好慘呵, 因為我好唔明白點解人地生活得咁開心咁好感情, 但係又要去偷拍人, 雖然唔係真係一家人, 但係咁又有咩咁出奇呢?! 好彩到最後都冇事!!

藍色飛揚 DARE FOR MORE --> 百事!! 呵呵, 好聽呵呢首歌, 感覺幾特別!

今日睇左一集 SMAP X SMAP ! 嘩, 果個陳慧琳, 又話日本讀過書, Ｄ日文咁鬼水皮架, 由頭到尾都只係不停講: OISHII, 仲要勁講Ｄ英文單字喎, 又話咩職業英語O既?! 唉, 陳小姐你真係"掂", 總之成集成三十分鐘, 我都完全聽唔到佢講左咩日文, 係咁講: OISHII, 仲話自己日文好掂, 唉!! 收到 CONNIE 個電話喎, 好攪笑呀, 原來佢尋日先拎到結婚果日O既ＤＶＤ, 所以就想搵我地出黎食下飯再派下相咁, 好期待呢!! 順帶一提, 今日係＜waver＞出版大日子! 過幾日去買先!~

ARIGATOU --> 真係想同 TSUYO 講聲 ARIGATOU, 因為的確佢改變左我不少!

今日好擔心呢, 因為前景一片 ... 死寂! 唉, 點解架呢?! 今日好鬼熱呵, 所以都冇落街, 好乖咁做下功課溫下書, 不過仲攪笑, 做做下張 QUIZ, 先發現上一堂都係派左呢張, 大頭蝦O既我, 做左兩次, 呵呵, 同埋都做左考 ORAL 果張題目紙呀, 看似簡單, 但係我驚到時要講我就好驚驚呢! 因為平時最叻都係講: TSUYOSHI GA DAISUKI!! 最"上手"係呢句, 嘻嘻!! 所以有少少擔心, 其實講擔心呀, 最擔心都係七月中個期終試呀, 考唔到唔洗升班, 升唔到班的話, 咁我個日文計劃就... 嗚嗚嗚! 我唔制呀, 我要努力向上!! 加油加油! FIGHT!!

KOI NO KAMAITACHI --> DEAR TSUYOSHI !!!

今日去左飲茶, 不過今日都唔知仲咩好似暈下暈下咁, 唔通 ... 唔夠血糖?! 唔知呢!! 夜晚睇＜娛樂大搜查＞, 講到尋日原來係家駒O既生忌, 突然間令我諗起一件事, 就係我唔記得左尋晚定前晚發夢係有提過"家駒"架, 真係唔係太記得內容, 吾, 有少少感慨添!!!

我在存在 --> 黃貫中哥哥O既新歌, 我好鍾意呢隻 FELL, PAUL 哥哥, 加油呀!!

今日睇下ＶＣＤ咁啦, 之後四點半春天家姐打黎約我去街街, 所以就好快速咁出門口, 不過由於架車太慢1, 所以都成五點三先到, 行左一轉信和, 嘻嘻, 買到＜ORIGINAL COLOR＞初回喇! YEAH!! 之後睇, 買開日劇果檔變左少少喎, 家下賣台版日劇, $90/SET, 不過聽朋友講O係台灣好似賣 $50 到, 吾吾!! 之後就行左去吉野家, 因為仲係下午茶時間平好多, 食完之後行返去旺角中心果邊啦, 呀, 點知出左吉野家門口冇幾耐, 唔知點解我無 LALA 望入停ING站O既果架巴士度喎, 望下望下, 呀咁熟口面O既果個人! 呀!! 原來係 CATCAT 喎!! 咁所以我就好身手敏捷咁行去架車旁邊係咁揮手, 之後佢見到我, 哈哈, 好攪笑呀, 因為咁都俾我見到喎(因為正常黎講唔會望架巴士裡面Ｄ人架嘛!), 佢同佢屋企人一齊, 佢O既屋企人仲好開心好熱情咁同我揮手, 揮完一輪手之後我就走左喇, 不過真係好有緣呢!! 之後行左去旺角中心, 今日O既目標係黃色衫, 本來係諗住買綠色衫O既, 不過我愛人話"我的綠色 BOOM 已經完結了, 最近是黃色的 BOOM", 呵呵, 身為佢愛人O既我當然要跟貼Ｄ啦, 不過話時話, 買衫都幾難架, 因為好多時就係個色 ARM 但係款唔掂, 一係就係個款好掂但係個色唔 ARM !! 真係難! 一路係咁行, 再行去花園街呀等等, 好彩, 今日都有收穫, 就係兩件衫: 一件係黃色, 另一件係白色啦, 不過兩件衫O既共通點除左都係衫之外呢, 就係都係有隻熊貓仔O既, 嘻嘻, 春天家姐都買左一隻有熊貓仔呵! 哈哈, 不過佢果件衫有個袋, 呵呵, 亦因為咁我地仲笑左一大餐添, 呵呵!! 本來仲睇中左一件彩虹 FEEL O既熊貓架, 不過太多啦好似, 呵呵!! 行到九點幾本來陪春天家姐去搵佢男朋友仔, 不過又緣慳一面呢, 呵呵!! 今日仲買左一本雜誌呵, 嘻嘻, YEAH YEAH!! 好明顯斯斯係一個好易滿足O既人, 汗!! 要多謝春天家姐, 呵呵!! 記住下次著件袋袋熊貓俾妹妹睇呵!! 呵呵!!!(傻笑中)

Зヱэみ⑦ --> 其實即係 SCREEN 咁解!! 呵呵, TSUYOSHI 呵, 快快跟我夢中相會!!!

今日去左將軍澳行街, 冇咩特別野買到添, 好掛住尋日見到果件彩虹熊貓衫添, 好想買呵, 嗚嗚嗚!! 呀, 今日著左黃色果件熊貓衫, 因為今朝洗好, 呵呵!! 行行下百佳仲攪笑喎, 話說我行行下百佳時, 見到迎面行黎有個女仔著住件熊貓衫喎, 但係我未見過佢呢件Ｔ架, 咁不由自主咁望住佢件衫, 望望下, 我又見到佢眼定定咁望住我件熊貓衫喎, 之後大家對望左一野, 其實我有少少想問下佢件衫O係邊買架, 佢都可能係咁諗, 哈哈!! 呢個經歷幾有趣!! 行到成六點半先返到屋企呢, 企得太耐, 條腰好痛呵, 嗚嗚!! 不過比起條腰, 右邊面仔仲痛, 因為唔知仲咩腫左少少!!

心痛 --> 其實諗返尋日睇到朝香姐姐本寫真集, 真係好心痛!

今日突然間想食麵, 所以冇同家人去飲茶, 夜晚返日文啦, 今堂我都唔蝕呀, UP 左兩句日文啦都, 都已經不錯架喇, 因為我覺得講得多先學快Ｄ! 放左學去食麥當當, YEAH YEAH!! 又係十二點三先返到屋企, 成日都 MISS 左架車架, Ｄ司機等多十秒都唔得, 衰!!

舊人 --> 有一句歌詞係"男友是新的好", 哈哈, 乜會咁架咩? 其實愛過o既每一個人, 我地都O係佢地身上學到一Ｄ野, 不可多得呵!

今日都冇咩特別, 係發現自己好似肥左少少咁, 呵呵, 要做多Ｄ運動先得, 唔通真係要以三日為基準, 唔食殿粉質?! 再做下引體上升同埋買條 PON PON PON 返黎?? FUFUFU, 大家唔洗理我講咩架, 其實我估基本上都冇咩人明我講緊咩, 呵呵, 『明白的人自然明白』, YEAH !! 呀, 搵極都搵唔到 SENSEI 尋晚上堂時搵果首歌, 因為我覺得有歌詞又知意思, 幾有趣味咁, 我要再努力Ｄ先!!

孖公仔 --> 係 CREAM 三個小妹妹唱O既歌, 幾有趣架, 呵呵, 我同春天家姐係孖公仔?? 真係咩?! 呵呵!!

今日都冇咩特別, 睇左幾隻＜銀狼＞, 好攪笑喎, 點解由 KO CHAN 變成 銀狼 時, 髮型唔同左但係冇人發現, 哈哈, 不過都係金田一好睇好多, KO CHAN GOMEN NE!! 夜晚春天家姐打電話黎呵, 因為想問下我聽晚點, 不過因為冇飛, 所以就講話要等埋聽日先知喇!

戰爭 --> 陳冠希 + 胡蓓蔚, 呢首係斯斯近排推介O既作品, 真係好正, 好鍾意胡蓓蔚把聲呵!!

今日好鬼死熱呀, 所以都冇出到街, 睇哂＜銀狼＞, 不過真係金田一正好多, 呵呵, 同埋我都一早估中邊個係 金狼 ! 不過有一個好似 KO CHAN O既O既細佬又真係唔錯喎, 銀狼 就 ARM 做 ... 哥哥, 呵呵!! 夜晚 CONNIE 打電話黎, 傾左一陣, 好攪笑地佢傾傾下仲好似落錯車添, 真係可愛呢!!!

今天你生日 --> 今日係上海姑娘生日呀, O TANJOUBI OMEDETOU NE!!!

今日都好熱呀, 去左飲茶, 好平喎, 所以我見咁平就我請啦, 呵呵!! 之後行左一啦, 呀呀, 我今日著白色熊貓仔衫呀! YEAH !! 返到屋企聽返頭先亞 WAYNE 個節目, 呵呵, 終於有讀到我個點唱喇, 不過呢, 佢又 SKIP 左好多野, 同埋錯左幾粒字, 呵呵, 哎唷大哥呀, 我唔係用左Ｄ太勁O既護膚品先面仔痛架, 哈哈, 係能係上次 MOCK 智慧牙郁親Ｄ神經線, 所以腫腫地同埋痛痛地, 嘻嘻! 令到你Ｒ哂頭都諗唔明真係唔好意思喇, 因為個點唱唔記得寫返個原因添!!

所以懂了 --> 呢首歌係林曉培唱架, 就係本來係張佩金唱O既, 不過因為車所以 SHINO 填詞再唱埋, 好感動呵!!

嗚嗚嗚, 我終於知道為蝦米會面仔痛喇, 原來傷口發發地炎呀, 嗚嗚嗚, 好痛呵! 打去診所, 但係星期六放假, Ｃ啦, 要等星期一呵, 嗚嗚嗚, 唯有自己食下消炎藥先啦, 真係, 嗚嗚嗚!!

顏 --> 就係果晚 SENSEI 俾我地聽果首歌, 係 NAGABUCHI TSUYOSHI 唱O既, 雖然都係叫 TSUYOSHI 呵, 不過唔係我鍾意果個 TSUYOSHI 呢, 但係呢首歌歌詞寫得好呀, 不過仲未搵到添!

今日係爸爸節, 大家有咩節目呢?! 我就都係冇出到街o既, 因為好熱同埋好多人, 所以就只係陪亞爸打左八圈, 不過今日真係好熱呀!! 呢兩日從上海姑娘口中知道同佢一齊做論壇果個人都幾鬼衰架喎, 自己開咩區就得, 人地話要開又唔得, 仲要粒聲唔出刪左人地開果個區, 總之果個人就衰啦, 明明一齊有份出錢但又要人聽哂佢講果Ｄ呢, 最低!! 呢Ｄ人真係唔知點形容! 不過我呢Ｄ優質蕃薯黎O既, 做好自己本份就夠喇! 呀呀, 等我貼兩張圖大家睇下先, 係上姑娘特別為我管理果兩個區而整架, 不過我諗都就黎俾Ｄ唔理人感受O既人 DEL 呢兩張圖架喇, 所以我要貼黎呢度!! 因為我真係覺得整得好靚呵!!





今天你生日 --> 大家姐生日生日生日呀!! YEAH YEAH!! 祝家姐生活開心, 快Ｄ生ＢＢ(笑)!

今朝打左電話去牙科醫院, 約左今日兩點去睇下, 所以是但咁食左兩塊包就出門口喇, 因為坐車都要個幾鐘, 好彩落樓時趕到架巴士咋, 如果唔係會遲到架呵, 睇左成個幾鐘都唔知咩原因傷口會發炎, 所以星期四又要再去睇多次, 睇到三點幾先走得, 其實真係好擔心呢, 因為醫生都唔知咩原因, 唉 ..., 本來諗住去行姛鑼灣O既, 不過呢, 因為星期四又要去果頭, 所以就坐左車去行旺角喇, 行呀行呀, 本來諗住買件彩虹熊貓衫, 不過最後都冇買到, 因為呢排太多呢一類衫喇, 所以忍一忍先, 但係就買左三隻二手ＣＤ, YEAH YEAH!! 之後由旺角行去尖沙咀返學, 勁呢!! 呵呵, 放左學就去食麥當當呵, 食完之後行左一陣先返, 今晚終於都坐早左一班車, 所以十二點返到屋企喇! 不過家下對腳超累!

世界末日的早上 --> 克勤哥哥新歌, 不過單係個歌名都幾吸引! 大家唔知有冇諗過, 如果今晚就係世界末日, 你地會做Ｄ咩呢?!

今日好好好好累, 成身都好鬼痛, 我諗係因為尋日天氣太熱同埋行得太累, 成身好似好熱咁, 不過又冇發燒, 哎唷, 為蝦米會咁架! 睇黎都要早Ｄ訓!!

遺失的美好 --> 張韶涵O既歌, 佢有好多歌都好好聽架喎, 呢首我覺得都不錯呵, 而且睇個歌名就知好有詩意!

嘩, 尋晚真係好得人驚呀, 我咪話唔係咁舒服O既, 點知一入房諗住訓時, 突然間覺得好凍, 係凍到震哂果隻喎, 咁我就即刻熄左個冷氣開窗啦, 應該係好熱架嘛, 但係我仲覺得好凍好凍, 即刻要攬實張"被"喎, 一直攬實張"被"成三個幾鐘先有少少汗出返, 真係發冷呀, 作病呀, 好彩今朝起身時冇哂事喇! 不過始終都係病病地, 所以今日冇出到街, 不過好攪笑, 因為又開始睇＜TO HEART＞, YEAH ! 我覺得我係有＜TO HEART＞情意結, 呀唔係, 應該係 YUUJI 情意結先 ARM !! AI WA POWER DAYO!! YEAH YEAH!! 其它冇咩特別, 係今日天氣怪怪地咁, 勁落雨, 之後又出太陽, 過幾分鐘又勁落過, 幾有趣咁!!

夠鐘食藥 --> 因為作病, 同埋聽朝又要去睇牙, 食藥仔訓豬先!!

今日真係, 唉 ...!! 今朝一早起身就坐車去覆診睇牙, 點知 ... 好大件事呀, 家下又做左個小手術塞左塊野入去個傷口度, 下星期一又要再去過, 星期一又諗唔起要返學喎, 我驚星期一拆完線但又要整返開佢拎返塊野出黎, 如果好似今日咁痛就Ｃ咯, 好辛苦咁兩點幾返到屋企, 都要訓左半粒鐘先可以去沖涼, 沖完涼先完頭先上床訓, 由三點幾訓左上床, 不過聽住收音機咁, 不過未夠五點就藥力發作, 一路訓到七點幾, 不過因為聽見亞爸亞媽食緊飯, 咁自己又食唔到, 咪等佢地食完哂先出去, 我都係食左塊方包咋, 因為食藥點都要食Ｄ野, 今次大件事架都, 因為要食抗生素, 唉 ... 家下又痛又驚, 唉唉, 因為都唔知咩事!!

痛 --> 嗚嗚嗚, 好痛呀, 嗚嗚嗚, 仲腫左添, 嗚嗚嗚!

今朝八點醒左食藥, 但係食完之後又藥力發作訓 ..., 竟然可以訓到兩點先起身又食藥, 不過今次食完藥就冇訓到喇, 之但係又標冷汗喎, 可能Ｄ抗生素太勁, 好彩過左一陣就冇事喇, 之後都係O係房休息下睇下電視咁, 因為真係冇咩力, 本來想做下功課溫下書咁, 不過真係唔係太有力, 希望拿拿聲星期一拆返個野出黎就唔洗再煩啦, 因為Ｄ藥真係好散呀, 不過好彩就係家下唔係太痛, 所以止痛藥都冇食到, 因為食太多都唔係咁好咁, 之但係抗生素就一定要食哂先ＯＫ, 希望快Ｄ好返啦, 雖然夜晚開始食返飯, 不過始終都唔係咁舒服咁, 快Ｄ好返就正, 可以勁食嘛, 同埋家下個口少少少少咁痛, 都真係幾難受架呵!

ォゲシ抱わウバギゆ --> 嗚嗚嗚, 人O係呢Ｄ唔舒服O既時間, 真係特別掛住一Ｄ人, TSUYO 呀, 嗚嗚嗚!

今日好好訓, 七點令食完藥又再訓過, 十二點令起身, 食完野, 呵呵, 見到春天家姐 ONLINE, 咁所以就相約出左去喇, 首先係去九龍塘, 因為想睇下有咩課程讀下, 不過都冇咩收穫! 之後坐車去尖沙咀, 因為想去埋中大同港大O既校外課程, 不過都係冇家姐想讀O既科目, 所以就坐巴士去旺角行街街喇, 今日我咩都冇買到添, 家姐買左好多靚靚衫, 呵呵呵, 不過今日旺角實在太多人喇! 而且我又要返屋企食野, 因為始終有傷口, 食完要即刻清理, 所以就六點令就走左喇, 七點三到返到屋企 LU, 食粥仔! 哈哈!!

LOOK INTO MY EYES --> IF YOU LOOK INTO MY EYES, YOU MAY SEE THE LOVE, THE ONLY LOVE FOR YOU!! 呵呵!

今日本來諗住去將軍澳行下架, 不過咁熱, 都係O係屋企好Ｄ! 用左個令鐘做左聽晚交O既功課, 不過仲未有時間背低五號考 ORAL 果Ｄ野添, 其實真係有少少緊張, 雖然只係考五分鐘, 不過硬係覺得 SENSEI 會出Ｄ深Ｄ O既俾我答咁O既, 有少少驚驚, 不過我會克服!! 嘿, 大大話話讀左年幾兩年日文, 唔會俾呢五分鐘嚇親O既!! 其實都有少少驚聽日, 希望個傷口好返啦, 因為果Ｄ抗生素食到我好辛苦, 同埋始終好唔方便, 神呀, 真係請你幫助我!!!

我愛你，再見 --> 好鍾意呢首歌O既音樂風格同埋俾我O既感覺!

今日食完個麵坐左一陣就出門口喇, 好險呢, 因為車程平時要一個鐘架嘛, 我成 2:40 先上到車, 但約左 3:45 喎, 車站離牙科醫院仲要行成兩個幾三個字, 不過冇計啦, 班車遲左好多, 呀, 但係奇怪喎, 竟然 3:35 就到落車站, 行到上去 ARMARM 好冇遲到, 等呀等, 等呀等, 終於等到 4:15 先到我, 仲要係第二個醫生喎, 話本來果個趕唔切黎, 不過呢個新醫生好好多, 佢好快手咁幫我拉返上次放入牙肉果舊野, 之後又好快咁幫我拆哂Ｄ線, 真係完全唔痛, 嘩! 睇開我果個呀, 真係拆線到到想痛罵佢一番呀, 上次仲流勁多血, 但今次冇咩, 直情佢話拆完我仲以為佢講笑! 未夠五點走得, 行左去坐巴士過尖沙咀, 因為返學嘛, 早到左, 所以行左一轉先, 不過都睇唔 ARM Ｄ衫! 都係旺角果Ｄ靚好多!! 今堂都係溫下書咁, 不過我發覺真係好多都唔係好記得!! 放學呢, 今日特別呀, 因為我叫左家姐唔好等我放學, 因為唔知覆診覆成點嘛, 所以坐巴士返屋企, 去到屋企附近間麥當當買返屋企食, 不過就俾果位姐仔激Ｃ, 叫一個餐, 錯幾百樣野: DIET COKE 少冰變左普通 COKE(冰勁多)、冇問我新地要咩就整左杯士多啤梨, 之後叫佢換朱古力冇花生, 但係最後都係朱古力花生新地、個餐 $21.5, 俾 $22 佢竟然冇找錢, 之後我話佢冇找錢, 個經理行過黎幫佢整啦, 咁佢仲話: 五毫子咋喎! 個經理話: 五毫子你都要找架!! 其實真係唔係五毫子O既問題, 而係冇理由咁架嘛!! 唉, 買個餐O者, 竟然可以錯咁多野, 極品!! 哈哈, 唔記得左講, 今日姑娘俾左個針筒我! NONONO, 唔係果Ｄ針筒, 支針粗好多好多, 係用黎洗下個傷口O既!! "果Ｄ野"我係唔會試架!! 要謝謝春天家姐幫忙過數!!

幹掉你的胃 --> 突然間聽返呢首歌, 真係個 FEEL 不錯!!!

今日一起身好想去飲茶喎, 所以就去左飲茶喇, 飲完茶去左行左一陣, 不過都睇唔 ARM Ｄ衫, 之後返屋企涼冷氣, 呵呵!!

TRUE LOVE --> 聽返呢首正歌呀, 真係突然間腦中閃現返愛情白皮書呀! YEAH YEAH!!

今日突然間約左春天家姐去街街呀, 首先就去左九龍城, 行左一陣咋, 因為真係完全冇野行, 之後食左個 TEA, 再坐車去旺角, 家姐O係架車度一跌左個錢竟然搵唔返喎, 之後第一站去左花園街, 一心諗住去買左件熊貓仔啦, 點知, 嗚嗚嗚, 冇左呀件衫! 我唔制呀!! 不過冇計啦, 嗚嗚嗚!! 所以就去買左件彩虹熊貓喇! 唉 ... 以後真係要活在當下!! 再行左陣之後就坐車過左銅鑼灣, 行十蚊店, 買左好多野呀, 終於買到紅豆沙呀, 唔係糖水果Ｄ喎, 係做甜品果Ｄ呢, 又買左塊 MASK, 其實好多野都想買!! 行呀行呀咁, 之後九點幾先去食野, 家姐帶左我去食拉麵呀, 正呀真係!! 嘩嘩!! 食過之後呀, 真係完完全全明白到點解家姐話味千果Ｄ唔好食!! 因為實在真係好好好好味呀!! 要謝謝家姐拉麵!! 真係好好好好好好好味呀!! 之後再行左一陣先走, 今晚好特別呀, 因為坐巴士走, 呵呵!!

情熱 --> 天氣好熱呢, 真係好熱!