今日去左飲茶喎, 之後返屋企啦, 點知中途我竟然中 "BIRD C", 真係激Ｃ我 + 嚇Ｃ我呀!! 我一返到屋企就洗衫再洗頭, 雖然我個頭係冇中到O既, 不過為求安心!! 真係唔好經歷, 有禽流感就Ｃ啦(睬睬!!)!! 夜晚返學, 不過返學之前都行左一陣架, 又遇到一個女騙徒, 又係果Ｄ話咩想搵你做 MODEL 咁, 所以我咩都冇講報以一個看不起O既眼神就轉身走左!! 睇到有Ｄ衫同埋裙都好鍾意架, 不過冇買到, 因為想遲Ｄ先啦, 今日又帶唔夠錢喎!! 下次先啦都係!! 今日 SENSEI 冇返學, 上次代課果個日本人代課!! 一放學就坐車返屋企喇, 有飯同湯食喎, 正!!

馴悍記 --> 呢首歌好得意架, 真係好"有耳非文"!!

今日落雨所以冇出街, 整左樣野俾 YUMIKO, 嘻嘻!! 睇左一集好舊O既 PAPAPA PUFFY !! 好攪笑呀, 原來 PUFFY 有客串過亞視果套野架!! 笑Ｃ我囉, 仲睇左集 PUFFY 上 SMAPXSMAP, 笑Ｄ我啦!

我應該得到 --> Ｃ啦, 上個月頭 BID 果套熊貓郵票仲未收到, 唔係咁賤連十蚊都呃下嘩?!!

今日食完 LUNCH 落左去行左一陣, 本來想去 VEEKO 買衫, 不過睇唔 ARM !! 行到屈臣氏喎, 見到張好大好大好大O既 SAMMI 呀, 係新果支唇膏O既宣傳海報, 好想要!! 呵呵, 不過 ... 拎唔到!! 果套熊貓郵票, 果個人話再寄過俾我, 因為之前果套應該寄失左, 希望今次收到啦!!!

魅力燃燒 --> 【KOICHI DOMOTO 1/2 LIVE TOUR 2004】予定!! YEAH , 王子要努力呵!!

今日冇落街呀, 有少少頭痛!! 打左陣牌啦, 之後都冇咩特別!! 夜晚終於搵到 WILLIAM HUNG (孔慶翔)O既網頁, 唔識佢??? 咁 OUT 架!! 佢好勁架而家!! 佢係一個香港人, 參加左＜AMERICAN IDOL＞, 雖然 OUT 左咋! 不過家下人氣好勁呀, 佢有一句名言架! 就係 : I ALREADY GAVE MY BEST. AND I HAVE NO REGRETS AT ALL.", 大家有機會快Ｄ睇下啦!!

美味關係 --> 今日煲左煲紫米露, 不過整得唔夠時間, 有少少失敗添!! 下次我會努力!! 有朝一日煲俾 TSUYO 食!

今日去左飲茶, 之後行左一陣, 買左件衫呵!! YEAH !! 仲拎到一本好靚好靚O既 SAMMI !! YEAH!! 學化妝先!! 不過我今日感覺到自己好熱氣, 因為個口好痛, 定係講得野多?! (汗~~)! 今日睇左＜安娜與武林＞, 麻麻地!!

我愛你, 再見! --> SAMMI 新歌, 哎唷, 好傷感呵!!

今日日頭冇咩特別丫, 夜晚 7:30 約左 FREDA、LISA 同埋亞倫O係旺角等喎! 好攪笑咁去左唱Ｋ, 我諗唱左兩個鐘多少少啦! 唱到十點到就走了, 去左影貼紙相喎, 講真好多年冇影過呢, 估唔到家下Ｄ貼紙相機又真係幾好玩架喎, 有活動背景板換啦, 仲有可以加好多效果啦, 不過亦由於我地幾個都太耐冇玩過呢家野, 所以錯漏百出啦, 揀少左好多張相啦, 又噤錯幾多分割啦! 哈哈, 不過影O既過程又真係幾好玩喎, 相信我地日後見返呢幾張貼紙相, 我地都諗起今晚O既開心回憶!! 影到大約十一點半就散 BAND LU!! 坐小巴返屋企, 候嚨有少少痛添!!!

舊生會 --> 今日個感覺就似開舊生會咁, 雖然得四個人, 不過呢, 好開心, 因為都成年幾兩年冇咁樣四個出黎玩過喇! 當然我仲要同 LISA 姐講聲謝謝你餐Ｋ呢!!

今日開始睇＜成田離婚＞, 幾好睇喎, 幾好笑!! 朝香姐姐仲係好正!!!

喜歡 --> 想搵返個人添!

今日去左飲茶, 之後十左少少出門口返學, 因為想去買牛仔褲, 終於搵返上星期行過果間店, 仲買到條超抵O既牛仔褲, 39 蚊咋!! 仲勁 FIT 添! 個款又正, 呵呵, 女性心態, 買到平靚正O既野真係可以開心成日架!! 放左學同家姐去左食麥當當啦梗係! 之後去左行左一陣, 仲約定左星期六去 SHOPPING 呵!! YEAH!!!

世界之最(你願意) --> 不得不佩服夕爺O既詞, "貧窮疾病困惱挫折也要與你終生一起, 這樣立誓獨不可怕是我, 拿被熱戀的擋箭板, 憑重度做笑話, 自問我永遠都不怕, 你倦才挑選了她", 呢句寫得好好, 真係好感動!

今日冇落到街街, 織左條手繩啦, 不過今日好似蒙蒙地咁, 唉!!!

MARRY ME --> 係 DREAMS COME TRUE O既舊歌, TSUYO 好喜歡架, 所以我都要聽下先, 不過搵唔到歌詞添!

尋晚睇左＜豪情＞, 嘩, 谷袓琳真係完全認唔出喎!! 今日睇左＜無間道 3＞, 吾 ... 點講呢 ... ! 幾好睇咁啦, 不過諗極唔明點解劉嘉玲同鄭秀文係同一個角色黎O既, 差咁鬼遠!! 今日有新O既健身單車, YEAH ! 我要減下肥先!

WOULD YOU MARRY ME --> 係 DO AS INFINITY O既歌, 感覺都不錯呵, 我都喜歡呵!

YEAH, 今日睇左三集 SHINDOI 呵, TSUYO 真係好可愛!! 學左個好攪笑O既 GAME, 其實係同森美玩果個"我係傻佬幾多號"係一樣O既!! 今日開始踩單車(健身果隻), 踩左十分鐘, 好累喇已經, 不過我希望我 KEEP 到每日都踩十分鐘啦!!

TRY AGAIN --> 如果可以的話, 其實好多野我都想 TRY AGAIN, 想做得更好!

今日出左尖沙咀飲茶, 之後行左一陣, 飲左杯 ICE COFFEE, 不過我又一次証明到我受唔到咖啡, 因為飲完之後好眼訓(汗~~)!! 以後都要多加注意先得!!!

期待 --> 今晚會睇＜成田離婚＞大結局, YEAH!! 好期待呢~~~!

食完 LUNCH 打左一陣牌(汗~~~), 之後同二家姐去行旺角, 我就買左三本雜誌同埋三張大貼紙, 家姐勁呀, 買到小窪O既 POSTER !! 今日講開, 真係有衝動買張 GACKT 大大 POSTER 返黎貼呢, 因為呀, 好衰架我, TSUYO 果Ｄ真係唔捨得貼, SAMMI 貼出黎果張都係咁多張中最唔靚果張!! 唉, 夜晚去左食家鄉雞(汗 X 2!! 雞唔驚掛!!), 之後再行左一陣, 今晚真係超早返到屋企, 八點九到啦!!

怪怪房 --> 其實係怪怪機就真, 因為唔知點解突然間同上海姑娘傳唔到 FILES, 不過又應該唔關我部機事咁!

今日天氣涼左少少咁, 其它都冇咩特別咁!! 五點幾果陣睇睇下小新訓著左喎! 我估係唔知仲咩咁累喇!! 仲未睇尋日買果三本雜誌添!!!

SUKIYO --> 我愛人去左泰國呵, 早知我又去啦! 今日係 WHITE DAY !! TSUYO, SUKIDAYO!!!

今日去左飲茶!! 之後返日文啦, 因為又早左所以又去左行左一陣, 不過好憎呀, 因為我行條嘉連威老道, 竟然有好幾個人叫我, 呢 ... 果Ｄ話咩做 PART-TIME MODEL 果Ｄ呢, 好憎呀真係, 呃人就行遠Ｄ啦, 成日鬼鬼崇崇咁, 呃人都呃得專業Ｄ大方Ｄ嘛!! 嘿!! 今日都冇教新野, 係溫返以前Ｄ野, 不過都唔太記得清楚!! 放學去食麥當當, 傾左好多攪笑野, 例如 KINKI O既同人小說啦、TOMOYA啦! 哈哈, 真係好好笑, 之後行左一陣, 家姐買ED兩條靚靚裙! YEAH!!

士多啤梨蘋果橙 --> 哈哈, TWINS O既新歌, 幾攪笑喎!

今日我冇落到街呀, 終於都收到套熊貓郵票喇, 都真係汗汗汗呀, 因為 BID 左成個幾月, 好彩!! 睇左套 BL O既卡通片, 不過我真係唔多接受到呢類卡通, 吾 ... 可能我睇唔Ｄ公仔唔可愛啦, 如果好似進進同步步咁O既公仔我又可以接受到喎!! 尋晚好辛苦呀, 因為唔知仲咩訓到四點肚痛喎, 之後五點又痛, 六點又痛一次, 攪到我成晚冇覺好訓, 攬住支白花油, 好彩今朝冇咩事, 不過因為呢件事我訓晏左, 連今朝冇水我都唔知, 同埋失去左一個去麥當當食早餐O既機會呢!!! 陳冠希尋日無 LALA 俾人打喎, 不過呢件事真係反映出香港人係冇咩幫人之心!! 呀, 另外係我親愛O既亞 NUT 妹妹生日, ONNI 祝你日日都開心, 同埋快Ｄ見到 OBBA 啦!!

擔心 --> 哎唷, 泰國有人Ｃ於禽流感, TSUYO O係泰國添架! 唉...!

今日冇咩特別, 好想去日本見識下, 不過真係要計劃一下先, 咁多年黎真係一事無成! 唉!! 今日有點灰心!!!

MORAINAKI --> 真係想對自己同情地哭!

今日食 LUNCH 時, 珍姨打黎約去行街街喎, 所以食完就出左旺角, 行左好多地方呵, 都買左幾件衫啦, 好靚架呵!! 哈哈!! 之後行到四點幾就去左大家樂 TEA 喇!! 好味!! 約左亞 NUT 妹妹 18:15 , 不過我早左到, 所以去左商務睇左一陣書, 有一本日文書都幾好, 不過貴左少少!! 哈哈, 到左約定O既時間就見到喇, 之後就去左食麥當當, 食到七點鐘到啦, 就開始等開場喇, 係亞 NUT 妹妹個 OBBA O既電影呀!! O係呢度要謝謝佢請我睇戲呢(笑!!), 套戲大約兩個鐘, 都幾好睇, 哈哈, 不過係三級片架呢(:P), 不過都有感動O既情節架!! 睇完戲之後就行返去旺角, 影左張大頭貼啦, 之後去左食許留山喎, 傾左好耐, 不過就因為太好傾, 傾傾下都唔知時間, 成十二點先醒覺到咁夜呢!! 大家都安全返到屋企呵!! 不過今日有件趣事, 就係我地撞到"郭記"呀, 哈哈哈, 係一間叫"郭記"O既舖頭, 賣果Ｄ佛像定唔知咩架!! 但係好攪笑!!! 順帶一提好開心呀, 因為返到黎睇到呢個消息: 金10 「Home Drama！」TBS（4/16∼）, 希望快Ｄ有得睇!! TSUYO, 你要 GANBRUYO!!

永遠都不夠 --> 同好傾O既朋友傾計, 時間真係永遠都唔夠用呢!

今日又去左飲茶, 之後去左銀行整野, 不過媽咪好攪笑, 佢以為今日係星期一, 仲無 LALA 叫我返屋先, 因為要返學喎!! 之後我做面膜啦, 點知媽咪又叫我仲咩唔返黎先做, 咁我就問佢我要去邊啦, 佢仲話返學喎, 好攪笑, 原來佢真係以為今日係星期一! 我笑左好耐呢!!!

我為你傷心 --> 夜晚同上海姑娘 ICQ, 好可憐呵, 佢唔小心令到 5GB 珍藏片段冇左!! 嗚嗚, 如果係我我一定哭Ｃ!

唉, 朝早又一早肚痛醒左, 都唔知呢排仲咩成日都咁!! 所以今日都冇出到街呀, 本來亞姍尋日打黎約我去行街街架, 不過先前都諗住要溫下書, 所以推左, 亞姍唔好意思呢!! 今日都不負眾望, 我都有溫到日文呵, 不過的確越黎越多野要記住喇!! 又係O既, 唔努力Ｄ, TSUYO 咪要等我好耐, 為左 TSUYO 同自己O既幸福著想, GANBARUYO !! 今日睇左套韓戲＜黑幫千金要結婚＞, 都幾攪笑喎, 不過個結尾好殘忍好慘!!!

THIS IS THE DAY --> YEAH YEAH!! 亞 NUT 妹妹個勇俊 OBBA 到港啦!! 勁勁勁!

今日又冇出到街呵, 唔知點解好 ENJOY O係屋企O既感覺, 睇左＜真的戀愛了＞, 都幾感人喎, Ｄ歌都幾好聽!! 突然間發現原來我尋日O既日記都未寫喎, 所以拿拿聲寫先, 因為近排記性唔太好呢!!!

KIMI NO TAME DEKIRUKOTO --> 係 GACKT 新歌, 如果我冇譯錯的話, 呢個歌名O既意思應該係: 為你而做O既事!! 我能為你而做O既事就係好好咁過我每一日, 同埋學好日文!!

今日去左飲茶, 之後聽下收音機咁啦, 不過今日有少少眼訓添!! 夜晚要返學啦, 溫習左幾個句型, 原來都要下多Ｄ苦功先用得最合適!! 放學後又係去食麥當當, 食完之後行左一陣, 不過都係果Ｄ衫啦!! 哈哈, 又打包左個巨無霸返黎, 聽日 LUNCH 食先!!

死性不改 --> 我覺得 TWINS 唱得好 FEEL Ｄ!!

今朝俾Ｄ怪聲嚇醒左喎, 因為真係好怪架, 你合埋眼就聽到, 一睜開眼又停架喎Ｄ聲, 真係嚇Ｃ人呀!! 夜晚就去左將軍澳食飯, 因為約左兩個爸爸媽媽O既朋友!! 本來係打邊爐架, 不過睇落都唔方會新鮮, 所以都係就咁食飯穩陣Ｄ!! 大約十一點令返到屋企啦! 都不錯呵!! Ｄ野唔算好味, 但都唔難食!! 呀, 今日幫亞 NUT 妹妹拎左幾個 OBBA O既影片, 好開心呢!!

Sen No Yoru To Sen No Hiru --> HIJIME CHITOSE SAN O既歌, "千個夜千個日", 好正架!! 我成日唱呀, 哈哈!!

今日冇落到街呀, 不過唔知仲咩今日凍左好鬼多喎, 真係好凍呀!! 一邊睇張小嫻本書一邊聽收音機, 點知四點幾五點時訓鬼著左都唔知喎, 訓到七點正, 真係唔知仲咩好累呵! 唔會有病掛!! 睇新聞話可以去試下照顧安安, 仲可以同佢影相添, 好想去添, 不過要二百幾蚊喎!!!

親朋勿友 --> 係兩個餅女唱架, 又幾好聽咁喎!!

唉, 真失敗呵, 因為呢, 我尋晚突然間諗起Ｎ耐冇寫到"私夢記"喎, 咁所以尋晚訓之前就同自己講一定要記住個夢!! 點知 ... 都係唔記得, 幾個月都唔記得左, 一係就只記得一兩個鏡頭, 唉, 點解記性咁鬼差架!! 今晚訓果陣真係要記清楚先!! 今日落雨, 所以亦係O係屋企自由活動!! 哈哈!! 同媽咪一齊整左幾個蛋糕仔, 好味!

香港地 --> 歌詞好有意思呢, 同埋我喜歡呢種 RAP !! LMF FEEL 嘛, 梗係啦, LMF 果個 MC 仁有份作架好似!!

今朝一早起身就聽到話忽週登左話森美有個一歲O既仔喎!! 哈哈, 其實係都唔奇O既, 同埋都好正常架O者, 佢私人生活唔關工作事架嘛!! 不過真係唔知係咪真喇, 冇所謂啦, 如果係真O既我反而羨慕佢添呀真係! 因為呢Ｄ係幸福!! 去左飲茶, 之後好開心咁買左兩盒雪糕呀, 好好味架! 尤其係天氣凍凍地果陣食! 行過ＣＤ店, 見到＜魔幻廚房＞出左喎, 嘩! 仲有ＤＶＤ特別版添呀, 特別版送食譜、環保袋同埋製作特輯!! 正正正, 不過好貴!! 之後都冇咩特別 LU!!!

不能沒有你 --> 櫻庭裕一郎(長瀨智也), OH!! 好聽呵!! 我都不能沒有你呵!! TSUYO !!!

今日天氣凍呵, 亞姍打過俾我, 不過有少少頭痛所以推左佢, 真係唔好意思呵!! 夜晚同我親愛O既表弟傾左電話喎, 哈哈, 真係好耐冇過喇! 希望一切都會好丫!! 第時唔好忘記你表姐我呢, 呵呵!!

一個人的牙刷 --> 都係櫻庭裕一郎(長瀨智也), 呢首歌好慘呢, 本來兩隻牙刷並排一齊放, 點知而家得返一隻!

今日食完 LUNCH 入左將軍澳行街街, 呵呵, 買左好多野呀, 我就好開心地買到一盒熊貓糖, 個鐵盒好鬼靚架!! 仲見到"肥媽"煮野食添, 佢瘦左好鬼多呢!! 行到六點幾返到屋企, 有少少累呢!!!

NO WAY TO SAY --> 呢首都相信係我第一首鍾意O既 HAMASAKI AYUMI O既歌!

各位呵, 終於有＜私夢記＞睇喇!! YEAH!! 今日去左飲茶, 之後返屋企, HAIR 下咁啦, 夜晚返學, 好多野記呢, 放左學本來諗住同家姐轉下地方食野啦, 點知吉野家九點後都冇平O既, 明明有平架!! 所以最後都係去左麥當當, 不過就俾果度果兩個店員激Ｃ, 我叫左杯朱古力新地唔要花生, 家姐要左杯新地只要花生, 點知我地講左咁多野都好似冇講過咁, 黎到兩杯都係朱古力新地加花生, 你話激Ｃ唔激Ｃ丫!! 唉!! 傾左日劇啦, 家姐真係乖, 佢真係一個星期睇哂成套 MOTOKARE 喎, YEAH!! 我又要再睇, 因為好好睇, 涼子好靚呵!! 當然男主角先係我O既目標!! YEAH YEAH!!

我們的合唱歌 --> 呢首歌係就係幾好, 不過呢, 填詞好怪呀填到, 填到我覺得要是兩個廣東話唔正O既 2R 唱, 會唱得好吃力, 同埋不討好!

尋晚成晚行雷喎, 不過唔係好大聲果種, 不過就足以令到我訓唔到呢!! 今日成日都落雨咁, 所以都係自閉家中! 唉!! 呀, 今日睇到上海姑娘張相喇, 同我想像果個樣有少少似呢!!

夢中的婚禮 --> 我要夢見夢見夢見, 絕對夢見!

今日都冇咩特別! 不過我好想概嘆時間過得真係好快!! LESLIE O係山頂O既蠟像今日開幕!!

MARRY ME --> DCT 呢排真係好愛呢首歌, 唔知點解呢!