背景音樂 : 街(みち)
 歡迎睇我任何一日私日記!(私のにっきです、どうぞ！) |
| 1/11/2004 |
|
唉, 十一月了! 我會努力!! 今日落左街飲茶同埋行左一陣, 行行下O係間快圖美, 無 LALA 有個大約 ... 4 歲O既小弟弟行埋黎問我幾多歲,
好鬼攪笑, 佢個樣都幾得意架, 呵呵!! 夜晚就寫左一段日文, 呀, 始終真係唔明點解話今星期 SHINDOI 係第 100 回,
明明係第 97 回咋嘛, 點 ... 點解架呢?! 天然O既事又發生了, 我竟然唔記得拎張八達通出黎, 攪到"佢"O係洗衣機白白豬完先知,
嗚嗚嗚! |
| 2/11/2004 |
|
今日天氣唔錯, 冇咩特別!! 吾, 好擔心 CATCAT, 希望佢快Ｄ好返啦! |
| 3/11/2004 |
|
今朝冇咩特別呵, 返學前去左郵局寄信, 之後同媽咪坐巴士, 哈哈, 不過佢出到旺角咋,
因為佢要去契媽屋企玩, 我要返學 ... 冇我份, 嗚嗚嗚!! 其它都冇咩特別 LU ! |
| 4/11/2004 |
|
媽咪今日先返黎, 真係玩得好開心呢, 唉, 冇我份!! 唔記得左講我尋日開始有新 LIFT 用呵, 不過今日就壞左喇!
離哂譜!! 停左兩個月換左部新 LIFT , 唔夠一日又要整! |
| 5/11/2004 |
|
今日去左飲茶, 之後坐巴士去左金鐘, 因為我要拎上學年果張日文 CERT, 呵呵!! 好順利咁拎左, 之後行左去銅鑼灣,
因為約左亞 NUT , 好準時呵!! 行左一陣又行左去灣仔, 因為我之前搵唔到個 188 商場, 終於搵到了! 買左三隻二手碟,
呵呵, YEAH!! 其中有一隻係家姐O既!! 食左吉野家, 好味呵!! 之後行左一陣, 我就坐車走了, 好失敗呢, 因為真係唔記得左拎尋日張報紙,
亞 NUT 妹妹記住幫我 KEEP 住呵!! |
| 6/11/2004 |
|
今日冇咩特別! 夜晚天氣凍左, 作病添! 今日睇左幾段片, 有 TAKKI & 翼, 又有 GACKT, 呵呵, 好好笑呀,
亞仔本來話一定會羸 TAKKI, 但頭兩個 GAME 都輸左, 之後玩最後果個 GAME (呢, 一人拎住一個野, 之後用呢個野推個圓片,
圖片入對方龍門就羸, 唔知叫咩名添!!), 最初亞仔同中居前輩一組, 點知輸左, 中居前輩話要換 PARTNER,
點知一換變左亞仔一個對三個(兩個主持 + TAKKI), 中居前輩同亞仔講話如果亞仔一對三羸O既話, 就係 STAR,
呵呵, 最後亞仔羸左! 全場人一齊大聲叫"TSUBASA WA STAR, TSUBASA WA STAR ...", 亞仔仲話感覺好好, 呵呵!!
亞仔好野!! |
| 7/11/2004 |
|
今日去左將軍澳, 好開心呀, 因為終於買到個裝 CD O既盒(上次買唔返), 又買到集 TAKKI O既 DVD, 睇完可以賣左佢!
天氣涼左少少咁, 其實凍少少又好Ｄ O既! |
| 8/11/2004 |
|
今日去左飲茶, 轉左間好耐冇去O既酒樓, 都幾好味呢!! 之後行左一陣, 好開心呵, 買到隻超可愛O既熊貓公仔呵,
真係超可愛架, 個頭側側地咁爬住架! 好得意呵!! |
| 9/11/2004 |
|
今日冇咩特別呢, 有少少頭痛!! 睇左集草"弓剪"剛主持O既節目, 佢Ｄ韓文真係超勁呀, 只係學左三年半, 我都要努力學日文!!! |
| 10/11/2004 |
|
今日好頭痛呢, 不過夜晚都係要返學O既, 冇約到人食野呵, 所以就可以遲Ｄ出門口喇, 今日學左 NONI(唔係NINO, 笑), NODE ...
越黎越亂添, 諗諗下都真係要開始溫書喇! 12/5 就黎呢, 但係仲係一舊雲咁, 我一定要考到架, 因為考到的話,
對搵到有關O既工好有幫助!! 剪左頭髮呵, 本來想試下剪下 TSUYO 個髮型O既, 不過我剪到一半冇咩信心, 所以都係咁啦!
睇左＜山口智子＞O既 SMAP X SMAP, 笑到我肚都痛埋呵, 中居前輩真係勁攪笑! |
| 11/11/2004 |
|
今日好頭痛呢, 不過夜晚都係要返學O既, 冇約到人食野呵, 所以就可以遲Ｄ出門口喇, 今日學左 NONI(唔係NINO, 笑), NODE ...
越黎越亂添, 諗諗下都真係要開始溫書喇! 12/5 就黎呢, 但係仲係一舊雲咁, 我一定要考到架, 因為考到的話,
對搵到有關O既工好有幫助!!! |
| 12/11/2004 |
|
今日去左飲茶同埋寄掛號信, 寄完信仲衰, 我幾日前咪話有新 LIFT 用O既, 點知呀, 又壞喇! 其實又唔係壞O既,
只係平均一日困 LIFT 一次(唔係我呀, 睬!), 本來有三部 LIFT, 家下新果部要整啦, 另一部又O係前幾日開始換新 LIFT 喎,
所以成座樓就只有一部 LIFT 啦, 攪到我住左O係度廿幾年(我都仲係 ARMARM 過左 26 歲生日咋!), 第一次坐 LIFT 要排隊,
仲係排左成三個字先入到 LIFT, 真係唔知咩 LIFT 黎架, 得個靚字有咩用呢?! 實用先得架!! 夜晚我好勤力呀,
因為呢, 竟然做日文功課喎, 不過冇計啦, 其實都係時候努力下架喇! 因為 12/5 又考試了, 今次仲要好有用架,
因為如果考到呢, 好多工有用架, 我向住呢個方向走ING!! GANBARIMASU!! 今日收到 YUMIKO O既 EMAIL, 知道地震對佢冇影響我都安心Ｄ,
雖然呢個幾星期發生左好多次地震, 不過真係十年前神戶地震後最厲害喎, 果年都係因為太大破壞力先組成 J-FRIENDS 咋嘛,
今日 J 家都有活動為新潟地震O既災民籌款, MINNA GANBATTE KUDASAI !! |
| 13/11/2004 |
|
今日冇出到呵, 本來諗住去將軍澳, 不過最後都冇去到, 睇左森美果套＜甜絲絲＞, 不過老實講句, 森美真係唔太適合走呢Ｄ靚仔路線,
真係架, 好怪呀呢套戲個角色! 其實係有少少失望O既!! 今日用左隻新洗頭水, 哈哈, 好正呢, Ｄ頭髮好滑好順呀,
(汗! 睇完＜甜絲絲＞講洗頭水好似 ...)!!! |
| 14/11/2004 |
|
今日食完野就出左去, 點知行完地底信和(陪春天家姐買 ARASHI ! YO!!), 又發生甩底事情, 攪笑O既係,
今日我係著波鞋! 真係想暈低, 雖然未甩哂, 但係去走左去花園街, 買左對拖鞋著住先呵, 冇計啦, 因為而家Ｄ鞋好核突呀,
又貴又唔靚, 咁我情願買對拖鞋算!! 其實都冇咩特別丫! OK 喎!! 之後行左好多地方呵, 買左好多雜誌, 東京書店大平賣喎,
買到好多本都係 $3 OR $5 咁, LUCKY!! 今日家姐好多收穫呢, 我搵到工的話, 一定又入 KINKI 呵呵!! 去左食吉野家,
好好味呵, 之後又行左一陣咁, 九點幾就返到屋企喇! 不過車上發生左一件事, 話說係有個三十幾歲O既男人,
竟然成份肯德基拎上車食喎, 其實真係好過份! 最過份O既係, 佢竟然成杯百事倒瀉左喎, 仲要無動於衷喎, 最最最過份O既係,
我親眼見到人對人O既誤解! 就係話說果個男人坐左邊Ｄ位啦, 咁坐我前面(我坐右邊Ｄ位)有個十歲到O既小男生,
咁果Ｄ百事同埋小男生距離都好遠下架其實, 即係點都冇可能係佢攪到咁, 點知我親眼見到有三個路人甲/乙/丙,
O係唔同時間落車, 見到成地百事, 都勁望住個小男生, 仲話: 有冇攪錯呀!! 我真係親眼睇到架, 小男生真可憐(雖然佢唔知俾人誤會左三次),
不過人性就係咁, 一定會覺得係小朋友整到咁, 不過呢, 果個男人真唔應該啦, O係巴士係唔准食野架!! 唉!! |
| 15/11/2004 |
|
今日冇咩特別, 終於放返隻熊貓公仔落黎, 因為話說佢唔洗得喎, 咁上星期買返黎, 掛起左佢抗菌一星期呀!
另外睇左兩集 SHINDOI, 好彩 TSUYO 都話應該係第 97 回, 係 STAFF 計錯左, 呵呵!! |
| 16/11/2004 |
|
今日同左樓上個姨姨飲茶, 撞到 KAZU 喎, 真係 ARM 喇!! 收到幫上海姑娘買O既 CD, 都唔錯! 幾有效率!!
其它冇咩特別喇! 係個 IE SHORT SHORT 地啦! 唉, 用到嬲嬲地!!! |
| 17/11/2004 |
|
今日個 IE 又好返少少咁!! 乖乖地呀下!! 今日冇咩特別呵, 天氣涼左, 著左件新褸返學, 好靚架!!
唔知點解上堂時有少少眼訓, 真係唔知點解, 今日拎住本 3 級書黎睇(係日語能力考試O既 3 級, 並唔係你地諗果Ｄ 3 級!)
因為今日收到准考証, 諗諗下, 仲有兩個幾星期! 有少少驚, 要 GANBATTE !!! |
| 18/11/2004 |
|
今日天氣凍左好多呢, 因為尋晚俾個袋整損左隻手指, 家下好痛!!! |
| 19/11/2004 |
|
今日去左飲茶, 又見到 KAZU, 不過佢見唔到我呢! 之後行左一陣再返屋企坐左一陣, 就坐車出深水"步"喇,
點知唔知仲咩, 塞車喎, 真係塞左成個鐘呀差唔多, 之後又行左一陣, 又行返出旺角, 之後媽咪去買野, 我就去新世紀 "DO" 八達通,
再O係 MTR 會合坐車返屋企, 夾 ARM 時間O係 MTR 交收! 順利, 返到屋企最嬲, 因為又要排隊等 LIFT, 離哂譜呀真係!!!
今日買到對熊貓筷子呢! YEAH !! |
| 20/11/2004 |
|
今日睇左幾隻碟!! 春天家姐打俾我呵, 原來發生左電腦事件, 希望快Ｄ冇事啦! 夜晚播 E.T. 呵, 好感動呵,
同埋呢, 個小妹妹原來就係＜每天愛你第一次＞個女主角, 佢細細個已經同家下一樣樣, 好可愛呢!!! |
| 21/11/2004 |
|
YEAH! 家姐個電腦好返!! 約左去行旺角, O係信和撞返個幾年前識O既人, 哈哈! 今日我只係買左三本雜誌咋,
好開心呀, 因為買到 2002 年果本 FINEBOY 喇! YEAH !! 之後去左西九龍食壽司, 好味呵, 不過坐果個位真係睇到人生百態,
不過唔知點解次次食完壽司, 凌晨果陣都好餓架(好似而家咁!), 不過咁夜唔好食野喇! 寫埋日記訓 LU !!! |
| 22/11/2004 |
|
今日去左飲茶, 之後去買野, 又有少少頸痛添, 其它冇咩特別, 仲等緊回音, 希望快Ｄ OK 啦!!! |
| 23/11/2004 |
|
今日好累呵, 我估計係呢排都訓得唔好, 頸又痛咁!! 唉, 所以五點未夠就暈左, 訓到六點半先醒, 仲好明顯我好累,
因為個幾鐘都冇郁過, 起身成身都好痛!! |
| 24/11/2004 |
|
今日條頸真係好痛呵, 真係唔知咩原因!! 夜晚要返學啦, 呵呵, O係屋企食左野先返! 雖然塞車咋, 好彩都冇遲到!!
今日開始擔心個日文考試添, 我要再努力Ｄ先得喇!! 放學返黎個電腦無 LALA 突然間咩冇得睇喎, 只係得黑色底綠色直線咁,
我都係第一次見架咋!! 好驚呀, 但 BOOT 完機又冇事呵, 乖啦, 唔好有事呀, 唔好嚇我呵, 會嚇Ｃ我架!! 乖!!
ONLINE 睇左＜D NO ARASHI＞, 真係爭少少就笑Ｃ左! 因為實在太太太好笑喇!!! 收到 CATCAT O既 EMAIL,
知道佢冇事我都安心喇!! 快Ｄ好返啦, 如果唔係旭旭好擔心你架呢!! 希望大家都健健康康!! |
| 25/11/2004 |
|
今日冇咩特別, 頸同婹都痛, 我懷疑係我睡姿有問題!! 仲未努力咁溫書, 聽日一定點都要睇下Ｄ日文! |
| 26/11/2004 |
|
今日去左飲茶, 再去左銀行, 再行左一陣, 買左對耳環, 好型呢! YEAH!! 睇左＜PKIA NICHI DOUBLE＞,
好感動呵, 尤其係 SHO 因為工作關係要上果架船, 之後衝返屋企攬住老婆同仔仔喊果場戲, 真係太感人喇!!
我聽日開始真係真係要好好咁開始溫日文, 因為再係咁我真係會Ｃ呢!! |
| 27/11/2004 |
|
今日去左交收, 其實係換貨, 因為好奇呢, 因為盒魔術個盒同件貨唔同, 應該係因為出廠時有錯誤, 不過都好利咁完成!
之後坐車出左旺角, 因為約左春天家姐, 不過好對唔住呵, 因為塞車, 遲到左! 仲攪到冇得食吉野家添! 不過,
之後就去左食肯德基! 好好味呢! 行呀行呀, 行左好多地方呢, 不過出奇地我冇買到野呵, 因為睇唔 ARM !!
十點令就返到屋企, 聽日一定, 一定要溫日文喇! 再唔溫真係會Ｃ!! 仲有呀, 行行下見到 I LOVE YOU BOYZ ,
真係好 XX 架佢地, 真係頂唔佢地, 攪到年青人O既水準低哂!! 呀, 同埋今日勁同春天家姐講 ARASHI, 我發現我對 SHO 有一種欣賞!
呵呵, 當然點都代替唔到 TSUYO O既地位啦!! |
| 28/11/2004 |
|
今朝起身唔見哂Ｄ人, 哈哈, 原來出左去買野!! 食完 LUNCH 休息左一陣啦, 之後就溫左大約四個幾鐘日文,
我發現唔經唔覺我都學左幾多野架喇喎, 拎住份補充教材勁寫勁寫, 寫到手指尾抽筋呀, 總算由 CH.1 溫到 CH.19 啦,
聽日仲要加倍努力!! 夜晚 ONLINE 睇左即時O既＜堂本兄弟＞, 好攪笑呀, TSUYO 仲話作歌俾 KO CHAN, 仲幫佢諗返舞步,
仲話 2/14 發片, 賣 1700 YEN, 真係俾佢笑Ｃ我! 呢件事當然係假架啦, 不過真係好攪笑!! 佢地又為左 KEN CHAN O既體積大小又發生爭執!!
TSUYO 還以超快速度大聲講: うるさい！！ 哎唷, KO CHAN, 你就唔好再講 KEN CHAN 係假O既迷你腸臘狗啦,
好傷心架嘛!! |
| 29/11/2004 |
|
今日去左飲茶, 之後就即刻返屋企喇! 一早就白白豬( SHAWA- WO AGIMASHITA )再溫書喇! 今日成績唔錯, 家下溫到 CH.28 到啦, 離目標仲差好遠!
不過我做左上一堂O既功課喎, 幾乖( IIKO DESHOU NE!! )!! 聽日仍需努力( ASHITA MO GANBARIMASU!! )!!
大家可能會見我日記有好多時會寫日文拼音架, 因為順便溫習下Ｄ生字, 請大家唔好介意呢! 為左ＣＣ O既將來( CC NO SHOURAI NO TAMENI )!
大家就忍一忍( GAMAN SHITE KURERU?! )!! 春天家姐問我拎左百幾張 TSUYO O既相, 究竟 ... 攪咩呢 ...???
MA IGA (算啦!~), 因為過幾日我會知道係咩攪作, 呵呵!! 好期待呢 ( TANOSHIMI DAYO!! ) |
| 30/11/2004 |
|
今日冇落到街, 因為要進入溫書O既狀態! 都幾順利啦!! |
