今日本來飲茶日, 但因為前晚個包未食, 所以我就自己一個人食包啦!! 之後突然間覺得個地好耐冇洗(其實係我唔知咋), 所以就吸塵洗地!! (真係轉性呀我!), 之後上下網咁, 越黎越發現"愛嵐"Ｄ人超冇禮貌, 我真係好憎Ｄ人冇禮貌, 點解"嵐"五個人都咁有禮貌, 但係身為佢地O既 FANS 會咁冇禮貌架(當然我係指一部份人, 唔係全部啦!! 我都識一Ｄ好有禮貌架, 好似春天家姐咁!!)!!

ITSUKANO SUMMER --> 雅紀首新 SOLO, 依然覺得雅紀把聲好難形容!! 但好可愛!

今日依然係冇落街! 尋晚唔知仲咩突然好凍, 所以冇開冷氣訓!! 回左 KIDNEY O既 EMAIL, 知道左好多出版社O既苦處, 唉, 冇計啦, 人總係會將"老師"覺得係高人一等!! 冇計!! 食左舊朱古力卷蛋, 太好味喇! 不過 ... 點解呢個卷蛋冇皮O既?! 俾人撕左?! 但係蛋糕皮唔係連埋架咩?! 即係焗出黎就本身有架嘛, 好奇怪呢!!

W/ME --> 松潤 SOLO, 唔知點解, 覺得好係松潤O既感覺, 一邊聽一邊可以幻想到如果要拍 PV 會係點!!

今日唔係太舒服, 所以冇落街, 又熱呢!! 又有一段時間上唔到網, 都唔知點解!! 睇左＜SLOW DANCE＞CH.5, 麻麻地啦真係, 但追緊就追埋落去睇咁!! 有少少喉嚨痛添!!!

秘密 --> NINO SOLO, 其實有少少失望唔係佢自己作, 但呢首歌個 FEEL 都好輕快, 一邊聽忍唔住跳下咁!!

今日冇落街, 因為太熱就唔想郁呢, 吸左塵, 仲做左個炭面膜, 呵呵, 唔錯! 睇極都好多野未睇, 但電腦又冇咩位咁, 要努力睇下先得!! 夜晚太后整左春卷, 皇上整左雲吞, 實在太正!! 夜晚上上下網, 無 LALA 自己 BOOT 機喎, 好驚, 唔知係太熱定係電壓唔夠?!

RAIN --> LEADER SOLO, 都係好 ARM 佢唱, 不禁令我諗起佢 NOW TOUR 果個 SOLO, 跳得好勁!!

今日去左飲茶, 之後就返屋企先, 沖完涼就開始睇"課外教材", 因為實在太多野未睇, 黎緊又有好多會睇, 睇左幾集＜天才! 志村動物園＞, 好攪笑, PAN KUN 真係好鬼叻架O者!! 仲叫 JAMES 幫佢影相, 真係實在太聰明! 睇左前晚O既＜D NO ARASHI＞, 雅紀做主持, 我唔制呀, 會唔會冇 A NO ARASHI 架!! 希望佢地快快拎到 10 個 AIBACCHI, 再分過組啦, 不過就算分過都唔會再係"雅紀+SHO", 唉!! 夜晚睇左少少 MS, 嘩! ARASHI 好型, 呵呵, 真係好型!! 今日太后同埋皇上送左個 NAKAYOSHINET O既熊貓護手碗俾我, 呢, 用 MOUSE 時用果Ｄ呢, 超可愛, 有少少唔捨得用, 過幾日影張相俾大家睇下先!!

YES? NO? --> 除左 SOLO, 呢首可以話係最鍾意O既一首, 因為 SHO D RAP 實在太太太正, 呢首最最最正, 第一次聽真係呆住左!!!

今日同太后去左行將軍澳, 出奇地冇咩人喎, 但行左一陣就走了, 因為買左好多野!! 尋日寄俾亞 CAT O既野, 佢收到喇喎, 真係快!! 出門口前其實睇左＜電車男＞CH.5, OK 啦, 不過不失!! 睇極都咁多野未睇架, 部機又滿滿!! 仲等緊好多節目! 好期待 MS 全集! BTW, 今日見到有畫衫果Ｄ頻料, 不過冇買, 因為再睇定Ｄ先!

NATSU NO NAMAE --> 夏天! 又愛又恨!! 夏天好有活力感覺, 但亦同時好熱 ... 太熱了!!

今日冇落街, 睇左 3 集＜拭掉眼淚＞, 不過唔知點解, 日播播下"CAKE"住!! 仲睇左＜龍櫻＞CH.5, 實在太正啦, PP 好型, TEPPEI 都唔錯, 依然可愛, 而且劇情好感動!! 終於睇到 MS 全集啦, YEAH!! 其實係未完全睇O既!! 呢排唔知仲咩拍賣Ｄ人咁鬼衰, 好唔守信用, 一拖再拖!! 唉, 一於信埋佢地呢次, 再冇反應就一定一定取消, 唉!! 睇左尋日O既 MAGOMAGO, 好感動, 果個遲來O既結婚 PARTY, 真係好感動!! 另外睇左志村動物園, 我個細仔點可以咁鬼可愛架!! 同隻海獅仔傾計, 仲帶佢去泳池玩, 真係實在太可愛!!

LAI-LAI-LAI --> 其實真係有少少 SHOCK, 仲以為佢地上 MS 會唱"NATSUNO NAMAE"添!!

今日約左個賣家交收, 之後去左飲茶, 今日契媽黎同我地飲茶呢!! 飲完茶行左一陣, 經過一間店喎, 果個人真係寸, 掂下件貨咋嘛, 即刻話: 請你放低佢啦, 唔好攪啦!! 之後仲勁冇禮貌咁話叫我地以後唔好去喎, 所以我地都回敬左佢一句, "抵你執笠"(因為執笠清貨中), 但係咁O既態度, 真係離譜!! 之後冇咩特別, 傾下計咁!! 夜晚回左 KIDNEY 封 EMAIL, 呵呵, 一講到日本我就停唔到!! 之後同 SIMON 傾左一陣 ICQ!! 我發現, 我真係放低左! 吾吾, 仲同 DORA 傾左陣 ICQ, 真係都有兩個幾三星期冇傾過計, 過多個令兩個星期就會一齊去報日語能力試, 今年諗住駁一駁考二級! 希望成功!! 我估計得掛, 不過好難講, 因為二級同三級個距離差好多!! 不過我會努力!!

DAYS --> 都係 ARASHI 新歌, 覺得呢隻碟其實真係幾好聽!!

今日春天家姐突然打俾我, 呵呵, 約左今晚出街, 去買下書咁!! 所以我就睇左幾集＜拭掉眼淚＞, 又因為"CAKE"住幾野, 有少少唔係好知佢講咩咁, 睇到 5 點幾就出門口, 先去郵局, 唉, 家下Ｄ人真係好冇信用, 我講Ｄ拍賣買家, 近排真係遇盡呢Ｄ人!! 真黑仔!! 因為約左 6:30, 但係我 6:00 就去到, 所以自己行左轉, 去左 MIYURA 拎 DM, 之後再行下屈臣市咁, 之後就同家姐去左行商務, 不過搵唔到想搵O既書!! 之後就去左大快活食 DINNER, 因為我地諗起, 好似識左咁多年, 未一齊去過食大快活, 因為成日都係麥記/肯德基/吉野家呀咁!! 頂多係去 哈迪斯!! 大快活都真係好似第一次!! 食左個意粉, 之後就行去旺角, 因為天氣幾涼!! 去左信和, 嘩! KINKI 隻 DVD 仲加左價, 所以更加唔會買!! 之後去左好多間樓上書店, 嘩! 我仲發現寶藏, 因為有一間勁多日語能力試Ｄ書, 仲勁平, 唉, 早知書展唔買果本啦!! 所以我過幾日再出黎時再睇真Ｄ要買邊幾本! 因為決定左今年考 2 級!! 雖然真係向難度挑戰, 不過起碼搏一搏, 好過再考多次 3 級嘛, 點解?! 因為 3 級上年合格左啦, 呵呵!! 之後行行下, 肚痛, 一定係碟意粉, 之但係家姐又冇事!! 或者我腸胃真係弱Ｄ, 有時唔好唔信, 真係自從迷上左亞剛後就係咁!! 所以行到 9 點幾就走喇, 因為家姐都買左好多書!! 返到屋企, 好累, 仲好似有少少作病, 真係陰公!! 終於睇哂＜拭掉眼淚＞, 好感動呀, 結尾時, 佢地四兄弟姐妹同"勝男"道謝時, 我真係不停咁拭掉眼淚呢!
呢隻就係前幾日講, 皇上同太后送俾我O既熊貓滑鼠護手碗喇!! 幾可愛!!


ROMANCE --> 都係 ARASHI 新歌, 呢首歌都係每日聽住, 我估亞剛唔會介意掛 :P!!

今日個肚都仲有少少痛, 真係以後唔太敢去大快活, 就算去都唔會再食果Ｄ意粉!! 嘿嘿!! 今日落雨, 我冇出街, 都係吸下塵, 做下炭面膜咁, 開始覺得自己Ｄ生活似主婦(笑), 睇左前日O既 SMAP X SMAP, 亦睇左 HEYHEYHEY, 睇返好多以前果Ｄ好好笑O既比賽片段!! 今日去左"速水"個官網睇, 因為新開, 睇完先知原來佢今日 21 歲生日! 呵呵, 希望佢越黎越紅啦!!

SUBARASHIKI SEKAI --> 好正O既世界!! 其實一個人都幾好丫! 點解廿幾歲一定要拍拖?! 結婚?! 呵呵, 一個人也不錯! 真的不錯!!

今日冇咩特別, 又話好多工?! 但我今日睇過唔多覺 ... 經驗要幾年咁, 但我會再努力!! 今日睇左＜HARUKA 17 歲＞, 都 OK, 但始終唔太鍾意佢!! 之後終於開始睇＜女系家族＞, 真係少Ｄ留意都唔明, 都幾好睇, 係講爭家產!! 幾攻心計, 果然人係幾恐佈!! 睇左＜TOKYO TOWER＞ MAKING OF, 總係覺得"愛嵐"翻譯果Ｄ唔太好, 不過 SHOCK O既係, 原來見到果Ｄ TOKYO TOWER O既場境, 係合成架喎!!

風見雞 --> 都係 ARASHI, 仲未得閒查下係咩意思添, 但呢首歌幾好聽, 有少少民族感覺!!

查到啦, 查到啦!! 原來"風見雞(KAZAMIDORI)", 係解雞型O既風車!! 幾得意喎!! 今日睇左前晚O既＜D NO ARASHI＞, 都幾特別, 今次係 SOS 擔當, 睇左好多"一生分"O既野, 都幾有趣!! 亦睇到下星期係＜A NO ARASHI＞呀, 太好啦, 仲以為雅紀做左主持會冇! YEAH!! 之但係 ... 嘉賓又係果個"山口MOE", 仲咩成日搵佢架(其實又唔係成日, 第二次O者), 不過的確好唔鍾意佢, 呢個女人個腦有問題!! 亦睇左光一上 TOKIO O既日行一善節目, 少許感動, 之但係覺得其實有少少假!! 睇左少少雅紀+SHO+OHNO O既＜青木家的太太＞, 好攪笑, 因為有好多都係要佢地玩場爆肚!! 今日成日都一號風球, 夜晚仲落雨添, 唔知聽日會唔會又係咁呢?! 我想去旺角買參考書呢!! BY THW WAY, 今日珍姨打過黎, 呵呵, 先謝謝你Ｄ手信先!!!

REALIZE --> MELODY O既歌(其實唔知咩人黎), 不過呢首歌係＜龍櫻＞O既主題曲! 幾好聽呢!!

今日家姐打黎問我今日出唔出, 但係見落大雨, 所以話一點先覆佢, 之後食 LUNCH, 發現又冇咩落雨喎, 所以就打俾家姐約時間, 約左 2:30, 咁我 1 點幾就出門口, 坐巴士時讓左俾個婆婆坐, 點知佢好大聲咁話我乖, 呵呵, 由佢上車講到落車, 我相信佢係想講俾其它人知, 因為呢位婆婆行動唔方便, 但係除左我之外冇人有反應要讓坐! 真係冷血!! 車程本來都好順利, 但眼見仲有兩個站落車O既我, 竟然 ... 塞車!! 仲塞左兩個幾三個字添, 所以遲到!! 首先行左信和, 嘩! KINKI 隻 DVD 又升左價, 家下係 750, 真係賺Ｃ間店啦, 簡直好過去搶!! 之後我地行左去太子, 買左 9 月號!! 睇到Ｄ相冇 UCHI, 其實真係正如家姐所講 "家下見到錦戶亮真係笑唔出!!", 唉, 希望真係快Ｄ冇事出返黎啦!! 之後再行左陣, 先頭諗住食吉野家, 不過家姐突然話想食味千, 所以就去左食味千喇! 我地依然係叫左"豚肉拉麵", 嘻嘻, 我地次次都好似係叫呢樣!! 要謝謝家姐, 呵呵!! GOCHISOSAMA!! 之後又行左去新世紀坐低睇 9 月號!! 睇完之後就去左買書喇, 果Ｄ樓上書店, 好正, 我買左四本 2 級書(日語能力試), 好平呀, 4 本都係七十幾蚊, 真係實在太太太正!! 之後再行左朗豪, 其實冇咩睇, 真係想行下咁咋!! 之後落好大雨, 所以十點幾就走啦, 返到屋企攪下拍賣咁, 不知不覺又成兩點幾先入房, 但又唔知點解訓唔著, 差唔多四點先訓著呢!! 睇黎我會同熊貓越黎越似 TWINS!!!

OVERTURE --> ARASHI, 不過 ... 點解係 "I LOVE SHE"??!

尋晚開始個 PDBOX 怪怪地, 唔知仲咩果個網只睇到Ｄ電台節目, 所以到目前我仲未搵到 MAGOMAGO, 我唔制呀, 我要睇呀!! 嗚嗚!! 睇左＜龍櫻＞CH.6, 太正啦, 其實佢果Ｄ讀書方法都真係應該 WORK 架喎!! 又有趣味, 又真係學到野!! 最衰日文唔叻, 如果唔係真係去考東大! 其實明白左個評分方法, 真係好易咁, 起碼英文果科有把握, 呵呵!! 夜晚睇左少少＜ONE＞O既 DVD, 好精彩, 實在太多野睇, 雅紀依然超可愛!! 如果他日去日本, 一定會去千葉O既＜桂花樓＞, 如果遇然咁見到雅紀, 除左會點下頭問候下之外, 仲好想做一次"A NO ARASHI" 個動作佢睇下, 呵呵!! 幻想ING!! BY THW WAY, 亦睇左＜電車男＞CH.6, 吾 ... 有少少估到會發展成咁!! 訓之前睇左一個好感動O既節目, 其實節目本身一Ｄ都唔感動, 不過我睇到真係喊!! 話說果個節目叫做＜ZUBARI IUWAYO!＞, 係一個占卜節目, TAKKI 有份主持, 而占卜果個就係 67 歲O既"細木"SENSEI, 日本人大部份好唔鍾意佢, 因為佢講野好難聽(係個內容), 因為佢係好聽O既野唔會講, 會講Ｄ好刻薄O既說話!! 但尋晚睇果集好感動, 話說係現場黎左 100 個女高中生, 去講一Ｄ問題O既意見咁, 其中一條問題, 亦係最令我感動O既"你喜歡你的爸爸嘛?!", 當然 100 人有人 YES, 有人 NO, 問左幾個人點解會係 NO, 其中一個話佢亞爸個口好臭, 又 DIRTY, 沖完涼Ｄ水好 DIRTY 咁, 所以 NO!! 但之後"細木"SENSEI O既答案, 真係讓我好感動!! 佢話:"如果覺得咁O既, 自己出去自立啦, 仲咩要O係度?! 亞爸口臭?! DIRTY?! 你自己咩都唔關心, 咁樣講野?! 有口氣, 一定係內藏身體出現問題O既一個訊號, 咁你可以同亞爸講話為左健康, 為左我, 去醫院檢查下啦!! 只係咁話好臭好唔鍾意亞爸! 你咁樣你呢一世只會活O係地獄般O既人生!!", 另外一條問題就係"男女平等", 有一個女學生話, 佢覺得雖唔平等, 不過佢可以同男人鬥過, 一定可以!! 之後"細木"SENSEI 答O既亦令我諗左好多野!! 佢話"男女絕對冇可以平等, 雖然在於人黎講, 係有同等權利等等, 不過 ... 你要睇下男同女O既質, 係永遠唔會平等, 正如男人去打扙, ... 咁女人守住個家, 生ＢＢ, 男人出去戰爭/賺錢, 有咩問題?! ...", 佢仲叫大家站o係爸爸立場諗下, 其實真係好辛苦, 所以好多人聽完都喊!! 其實諗下又係喎, 點解成日話要男女平等, 其實上帝造人O既時候, 已經唔係平等, 因為好多野男人做到女人做唔到, 亦有好多野女人做到男人做唔到!! 吾, 真係幾有道理!!

KIRAKIRA --> 呢首係＜ISHOUNI GANBARIMASHOI＞O既主題曲, 諗起呢套劇又諗起 UCHI!!

今日一早落好大雨, 之後去左飲茶, 之後仲買左少少野同埋又買左卷蛋, 呵呵!! 值得一講O既係, 飲茶時見到個男仔著住左件黑色背心, 後面有一個白色O既"嵐"字, 好鬼靚架O者, 唔知O係邊度買架呢, 睇黎好新下, 吾, 好想要一件添, (咳, 當然我想要有個"剛"字O既多Ｄ啦!!)!! 今日有少少口痛, 係!! 係個口好痛, 應該唔係講得野多掛 :P, 同家姐傾左一陣 ICQ, 但當我諗住叫佢幫我聽日便入左錢俾個賣家先果陣, 佢 OFF 左 LINE, 所以就 SMS 左佢, 不過估計佢訓左掛?! 聽日先算 LU!! 呢兩日都唔算太熱, 都係訓先開冷氣, 不錯不錯!!

萬華鏡 KIRAKIRA --> 無意中聽返呢首歌, 想睇多次＜與光同行＞添!!

今日冇落到街, 打左俾家姐, 因為諗住問下佢可否幫忙先入錢俾個賣家, 佢話放工先去入, 所以到時先打俾我!! 之後我都係上下網咁, 仲未開始睇＜青之炎＞添, 都係時候要開始睇下, 家姐講到本漫畫同埋小說咁正!! 家姐放工時打俾我, 傾左幾句, "愛嵐"仲係上到嬲, 唉, 都唔知點解咁!! 夜晚收到珍姨O既手信, 謝謝呢, 呵呵, YEAH!! 有人參香口膠食! YEAH!! 補下氣嘛!!! 原來 MIHO 又去左日本返黎, 佢話買左Ｄ KINKI O既相送俾我, 真係謝謝你!! 夜晚睇左 13 號果集 MAGO, 覺得 NINO 真係好乖, 仲專登去睇書睇下點照顧一Ｄ身體唔太好Ｏ既老人家, 呢個孫真係乖!! 一開始時仲見到 ARMARM 有團係參觀電視台, 如果咁 ARM 係我去到, 而佢地又勁大叫"ARASHI DESU~~~", 我諗我會衝埋去都有份, 就算唔衝埋去都大叫"MISAKI KUN!!! SHO KUN!!!!"咁啦!!

擔心 --> 日本今日地震, 仙台/岩手有影響, 等我 EMAIL 俾 YUMIKO 先!

今日斷斷續續咁落雨, CALL 左個買家, 過兩日再約時間! 3 點到落左街, 行下同埋買西餅食! 今日"愛嵐"好似冇再欺負我!! 睇左＜SHIAWASENI NARITAI＞CH.5, 呢套真係唔錯, 都有Ｄ感動位!! 睇左幾段雅紀果陣宣傳"志村動物園"O既片段, 實在真係只能講"可愛"呢兩個字!!

TODOKANAIAITO SHITTEITANONI OSAEKIREZUNI AISHITSUDUKETA --> GACKT 新歌, 目前係日文歌歌名最長O既!!

今日冇落街, 其實都冇咩特別! 亦係好努力咁睇好多片, 但唔知點解真係睇極都仲有咁多未睇!! 睇左尋晚O既 D 嵐, 雅紀真係太太太可愛喇, 真係只可以用"可愛"兩個字去形容!! 另外睇左一集＜世間奇妙物語 10週年＞, 真係幾得人驚!! 好早入左房睇電視, 亦比平時早訓左!!

KIZUNA --> ORANGE RANGE, 佢地Ｄ歌真係幾好聽, 雖然目前為止我只聽過幾首!

今日同左樓上個姨姨去左飲茶, 飲到四點幾返屋企, 即刻沖涼洗頭, 我Ｄ潔辟真係好似嚴重左!! 同亞 CAT 傾左一陣 MSN, 今日收到好多信, 包括幫家姐買果份野啦, 亞剛把心形扇啦, 仲有 MIHO 送俾我O既亞剛Ｄ相, 真係好開心!! 謝謝你呢!! 六點幾突然間諗起家姐喎, 一咁諗 ... 電話就響喇! 呵呵, 約左聽日去銅鑼灣, 呵呵, 希望唔好落雨啦, 唔好落咁大都好丫! 聽日要約個買家, 本來諗住今日打, 不過我 SMS 左佢話聽日答佢, 咁就聽日先啦, 希望佢 OK 啦!!!

NE, GANBARUYO! --> 呵呵, 一陣要努力寫返呢個幾星期O既"交換日記"先!!

今日十點到醒左, 睇下電視咁, 之後煮左個米粉食, 太好味喇! 又見無聊, 所以就用左個新方法諗住畫指甲, 不過失敗左, 聽日再試先, 之後兩點令出門口, 先去左寄信, 坐 MTR, 點知好黑仔, 聽到話有故障, 所以就打俾個買家, 佢叫我到太子打俾佢, 好彩都唔係遲好多咋, 順利交收成功後(順便一講, 個買家幾好人同埋幾有禮貌!!), 坐 MTR 去銅鑼灣, 因為約左家姐, 最後我成 3:20 先到, 因為 MTR 嘛, 約左家姐O係 SOGO 超市個飲品雪櫃等, 哈哈!! 之後我地去左十蚊店啦, YEAH!! 又俾我發現左一隻好可愛O既熊貓喎, 所以即刻買左!! 之後又週圍行下咁, 之後家姐買左支炭面膜, 真係推介呢!! 之後經過 GACHA-GACHA(扭蛋) , 所以就扭喇, 我扭到個"水風船", 其實 ... 係一塊野咁扮係架咋, 都幾得意!! 不過如果係個劍球仔仲得意!! 之後行 CITY SUPER, YEAH!! 買到兩支好靚好可愛O既熊貓 4 色原子筆, 兩支都只係 $9 咋, 真係抵!! 其實仲有好多熊貓都好平, 不過都係下次先買!! 之後勁行啦, 去左食哈迪斯, YEAH!! 我地都係食二人餐, 之後行呀行呀, 行到十點未夠就走人, 因為原來家姐聽朝要早起!! 所以我就坐巴士返屋企, 點知!! O係仲有一條馬路就到屋企樓下時, 左腳 ... 隻波鞋竟然又發生"甩底"事件, 好彩冇甩哂咋, 同埋就返到屋企, 太好彩!! BY THE WAY, 去緊銅鑼灣時, O係金鐘時, 有一對國內的夫婦問路, 好彩我Ｄ國語都唔算太差, 某程度上我仲覺得唔錯添!! :P!

NANDE X2 DAME --> 其實係想講, 尋晚個夢好怪, 請看"私夢記"!!

今日本來冇諗住落街架, 不過點幾時, 英國返黎果個表弟打黎話想黎我地屋企, 咁所以就黎啦, 到左大約五點幾就同左佢落去食 PIZZA, 食完送左佢坐 MTR 後就行左一陣先返屋企喇!! 買左一盒 6 色O既畫衫顏料, 一陣試下畫先!! BY THE WAY, 睇左＜龍櫻＞CH.7, 真係覺得佢講果Ｄ讀書方法真係唔錯! 唔錯!! 今日仲有睇左幾段＜ＯＮＥ　ＴＯＵＲ＞O既密錄, 好好笑!!

DAYS --> 今日睇呢首歌密錄, 真係笑Ｃ我, OHNO 都忍唔住笑!

今日飲茶日, 之後又行左一陣, 發現因為就黎開學, 所以好多書局都減價, 我就好好彩咁, 買左Ｄ文具, 呵呵, 當然係熊貓先會買啦, 好平呀, 買左一 SET 文具套裝仔 + 熊貓小小盒仔 + 熊貓印仔 MARKER !! 夾埋折實都係 16.2 元, 抵!! 之後返屋企, 到左六點幾就約左珍姨去睇下野咁, 之後七點幾就返屋企食飯!! 食完飯仲用尋晚買O既顏料, O係件衫度試驗下, 畫左隻熊貓, 家下要等佢乾睇下點 3D 先!! 同 DORA 傾左一陣, 諗緊好唔好報埋個 JETRO 做後備, 萬一 2 級 ... 咁都有保險!! 希望聽日收到成績啦, 咁樣星期三就可以去一次過報哂名佢, 唔洗分幾次!!

Destination --> 目的地 ... 終點 ... 係咩呢, 死亡?! 永恆?! 迷惘!

今日都冇咩特別, 呢兩日都好好, 冇落雨!! 不過就熱左少少!! 尋晚畫果隻衫乾左喇, 當然唔太靚, 因為我未掌握到要點, 畫多幾次應該 OK !! 本來唔想落街架喇, 不過又想知張成績寄黎未, 所以四點幾落左一落去信箱睇下, 點知仲未有, 真係激Ｃ人!! 唔係真係要等到 25 號先到下嘩! 如此一來聽日咪同唔到 DORA 去報 COURSE 同埋考試, 唉, 咁唯有辛苦佢幫我報考試喇!!

最佳位置 --> 一直O係電台無意中都會聽到有一個女仔唱呢首歌, 一直就諗: 咦, 唱得仲好過原唱喎, 前幾日先知原來係趙學而, 有少少嚇親!

今日睇左＜SLOW DANCE＞CH.8, 同埋＜SHIAWASE NI NARITAI!＞CH.6, 都幾好睇喎, 大約三點落街, 諗住行下同埋買西餅食! 落到去開信箱, YEAH!! 收到成績喇終於!! 結果發表: CREDIT DESU!! YEAH!! 之後打左電話俾 DORA, 或者聽晚去報 COURSE!! 希望順利報到尖沙咀果班啦!! 呀, 同埋亞 CAT SEND 左段熊貓攪笑動畫我睇, 真係太好笑喇!

我可以不愛你 --> 唔知點解呢幾日都諗起呢首歌!

今日有少少眼訓!! 上上下網走左去睇錄影帶, 之後五點食左個麵, 大約五點九就出門口, 因為約左 DORA 去尖沙咀報 COURSE, 早左少少去到, 所以就研究下 JETRO 呢個日文試, 過左一陣就見到 DORA 喇! 順利報左日文 COURSE, 之後就坐 MTR 去石硤尾報 2 級, 不過好失敗, 因為一時醒唔起 CEF. 退款要証明合格O既文件, 但目前唯一果張 ARMARM 用左黎報名, 所以唯有等十二月拎左張証書先申請退款啦, 不過下年一定記住唔可以咁, 因為我個戶口好似上年九月開, 所以下年九月就到兩年!! 一定要有記性, 因為退款好大數目下!! 順利到達報名中心, 冇咩人喎, 亦好快就報到名喇! 之後傾左一陣, 一齊坐巴士(因為順路), 以後返尖沙咀好好多, 因為上個學年返美孚, 真係成個鐘先返到屋企, 家下返尖沙咀方便好多!! 本來諗住買麥當當返屋企食架, 不過諗諗下都係唔好, 所以返到屋企沖完涼就食左兩件西餅喇! 同 SIMON 傾左一陣 ICQ, 不過都係傾日文成績果Ｄ咋! 呵呵, 都傾過幾句日劇O既, 除左呢Ｄ冇咩講 LU!!

夢 --> 有一句歌詞幾正: ANATANOMIRAI WATASHINOMIRAI HAKITTO(你的未來, 一定係我的末來)!

今日去左飲茶, 不過去返樓下果間, 飲完之後去左行左一陣, 再買左西餅同蛋撻! 好味!! 返到屋企都係上下網, 再睇返星期六晚個節目, 而家寫埋日記就會寫"交換日記"呢!!

緊張 --> 聽日會見到 KIDNEY 啦, 仲可以拎到佢幫我地O係日本買O既野添, 不過有少少緊張!

今朝起左身後都係上下網咁, 同 SIMON 傾左一陣 ICQ, 之後就坐車出旺角, 準時到達, 不過家姐打黎話要遲少少, 所以我就行左去油麻地 MTR 過返錢俾個買家, 再行左一陣信和, 會合左家姐後就去左食麥當勞, 新果個粟米都幾好味喎, 之後又去左行, 行到三點幾O係信和等 KIDNEY, 突然間有個人行埋黎問係咪 CC, 呵呵, 原來佢係 KIDNEY, 咁傾左一陣, 再拎到佢幫我地買O既野, 之後就去左行第二度!! 奇怪O既係, 成個旺角都冇一間店有"WHITEBAND"賣, 真係有少少嚇親, 所以冇計啦, 夜晚 EMAIL 俾 YUMIKO 請佢幫忙!! 有行到花園街, 我買左件衫呢, YEAH!! 家姐都買到衫衫!! 之後行下行下, 傾開我尋晚睇"腦力QUIZ"某一集, 係講一個有聽障O既女仔, 夢想成為一個幼稚園教師, 節目中影左佢去實習O既情況, 為左呢件事, 差Ｄ同家姐嗌交(:P), 雖然家姐講得 ARM, 佢話係冇咩可能可以做到, 就算畢到業都冇人會請呢個女仔, 但係我就覺得, 既然大學收佢讀呢一科, 佢自己亦有呢個夢想, 亦為此而不斷努力, 做唔做到大家都唔知, 有冇人請大家都唔知, 但係我覺得呢個女仔有呢個夢想已經好好, 好似我咁, "夢想"呢樣野唔係太存在O係我O既生命裡面, 起碼目前係!! 夜晚去左食吉野家, 睇左"ARASHI"果本寫真, 好正呢, 不過字太多, 睇唔哂! 食完野再行左一陣, 之後就返屋企喇!!

1DAY 1NIGHT --> TSUBASA, SOLO, 太好啦!! TSUBASA 要努力, 唔好輸俾 TAKKI!

今日冇落街, 因為好熱呢, 用左個幾鐘頭用"小畫家"整左個 LOGO, 我覺得幾正呢, 係整左個"244"巴士站牌, 仲整左個"ARASHI"俾家姐, 雖然我覺得唔算太靚, 但係對於我呢Ｄ對美術有陰影O既人(中學果"條"所謂美術老師, 我到家下仲記得講過Ｄ咩傷害到我! 相信佢一定唔知道佢一句說話可以影響我咁耐, 我到而家仲記得佢個名同埋佢個樣! 嘿!!), O係呢個陰影下, 攪到我一直對美術都冇咩信心, 不過今日可以話重拾信心, 因為都唔錯O既效果呢!! 另外睇左兩集＜天才! 志村動物園＞, 原來 PAN KUN 之前仲有一代架喎, 都完全冇睇過添!! 又睇左＜龍櫻＞CH.8, ＜HARUKA 17 SAI＞CH.6, 同埋＜電車男＞CH.8, 三套都幾好睇, 尤其係＜電車男＞喎, 期待到第 8 集, 小栗旬先講野, 實在太好喇!! 而家準備睇尋晚O既 MAGO!

PINK --> 不可以輸, 要戰鬥!!!

今朝十一點未夠醒左, 之後十一點幾出門口, 因為約左珍姨, 去到葵涌佢地食左少少野, 就去左我地今日O既目的喇! 睇完之後, 再行左一陣, 大約 1:45 就去返之前果度問少少野, 點知還遇到個超級冇禮貌O既人, 所以我就直斥佢冇禮貌, 之後佢都驚我地投訴佢, 所以立即好好禮貌咁話道歉, 太后仲好攪笑咁好大聲話"我接受(你O既道歉)!!", 之後攪掂哂就走啦, 先前諗住坐車去葵芳行下, 不過咁 ARM 又見到架巴士出旺角, 咁珍姨要去旺角幫表弟買書開學, 所以就直接出左旺角喇, 去到果間稻香已經三點幾, 但依然好多人, 好彩唔係等左好耐, 飲完茶都四點幾, 之後都係行左一陣, 買完書, 呵呵, 真係好, 好快返到屋企!! 夜晚同春天家姐 MSN 左一陣, 第一次將我果條"美術老師"O既事件同人講, 原來講左出黎真係好好多, 家姐仲笑住咁話好彩個老師唔係遇到今日O既我, 如果係的話, 佢肯定冇好日子過!! 所以話呢, 身為老師就唔該大家諗清楚先同學生講每一句說話, 因為說話能傷人, 好似我咁, 我記住果條老師果一句話到今時今日, 真係好大陰影, 相信佢完全冇諗過佢一句冇經大腦O既話, 會影響到我咁厲害!!! 呀, PS, 樓上個姨姨突然間落黎, 送左盒"鳳梨酥"俾我地, 好好味呀, 多謝哂!

TRIANGLE --> ARMARM 睇左一段仔今年O既"24小時", 好單純地俾 SMAP 唱O既呢首歌感動到!!!

今日大約兩點幾落左街, 寄信同埋買野, 去睇左我要買果本日文書, 好貴呢, 所以都係搵日去銅鑼灣果間買, 有折!! 五點到返到屋企, 同珍姨傾左一陣 MSN, 呵呵, 終於睇到"1號" "2號"熊貓, 好攪笑!! 夜晚繼續繡果張圖, 因為要趕貨, 其實繡又唔太難, 只係要數格仔, 怕會錯, 好彩我Ｄ手工都幾 PRO !! :P!

MATSUMOTOJUN NO UTA --> "MATSUJUN OTANJOUBI OMEDETOU, KOREKARAMO GANBA!!", 祝 MATSUJUN 生日快樂!!

今日冇落街, 因為實在好熱好熱!! 成日大部份時間都係趕工, 不禁要讚下自己好有毅力, 亦好有藝(術)力!! 相信多兩三日就可以完成! 呢百幾蚊真係有血有汗, 不過唔辛苦又點得世間財呢, 呵呵!! 都有Ｄ細藝咁, 唔錯!!!

SEIKAIHASOREWO AITOYOBUNDAZE --> ＜電車男＞主題曲, 其實第一次聽覺得呢首歌好煩好嘈, 但係聽聽下又幾好聽喎!!