今日好返好多好多好多喇! 今日係 2005 年O既第一日, 我希望今年我唔好再咁黑仔!! 快Ｄ搵到工, 搵到錢再去日本讀書!! 講返今日呢, 冇咩特別, 睇下電視咁, 本來想同春天家姐去街街, 不過我怕去左之後又病過! 所以都係等好番, 下星期再去丫!! 同埋呢, 今日係王子生日!! 我祝你生日快樂!!

身體健康 --> 祝大家新O既一年健健康康, AKEMASHITE OMEDEDOU!!

今日食完 LUNCH 去左將軍澳, 去左行吉之島, 不過十蚊店搵唔到想買O既野, 之後去左行超級市場, 好多人呢!! 之後食左吉野家, 行到五點幾就走了, 返到屋企六點幾, 有少少累呢!!!

無常 --> 世事真係無常, 希望今次海嘯受影響O既人, 快Ｄ好過來!!

今日同左樓上個姨姨去左飲茶, 之後行左一陣, 買左盒 MONAKA !! 好味!! YEAH!! 今日好開心呀, 因為 YIK CHAN 話送本 MOMO 出O既書我啦, 夜晚 ONLINE, MIHO CHAN 返左黎 HK, 話拎左幾張 TSUYO DM 俾我!!! YEAH!!!

祝你愉快 --> 希望海嘯中o既死者安息!!

今日我冇落到街, 病好左喇終於!! 夜晚上網時好開心, 因為第一次同媿個 OC O既人傾 MSN, YEAH!! TSUYO 今年個學年曆我唔洗買喇!! 因為 OC 送俾我, YEAH!! 都係多得我一直努力上傳 FILES, YEAH!!! 今日睇左田恭子果套＜下妻物語＞, 都幾有趣喎, 最後果度深田都幾型!! 但係成套戲我鍾意果個 土屋 ANNA, 因為佢真係好型, 明明係女仔, 但係又真係好型!! 不過唔係好識佢呢, 唔知佢係歌手定係演員呢?!

Believe Your Smile --> 因為你O既笑容把我救活了!!

今日返學之前做左洗衣工人, 因為將斯斯O既＜訓覺三寶＞洗呀洗呀, 其實應該唔止三寶, 不過係咁叫啦!! 洗完乾完 ARMARM 好食埋野返學, 今日除左教埋上堂O既尊敬語外, 仲教左新O既謙讓語, 好難呀, 不過我會努力!! 夜晚同"小兔"同埋"散步"傾 MSN, 原來"小兔"真係幾幸福, 我都想去日本讀大學! 唉, 訓下可能會得O既!! 不過我都會努力搵工, 不過斯斯唔明白點請文員都要三年經驗, 有一份一年經驗O既, 不過返沙頭角! 真係唔得佢死!!!

NE, GANBARUYO! --> BOKU WA IKUYO!! NE, GANBARUYO!! (TSUYO 呀, 你快Ｄ黎搵我相遇相愛算啦, 斯好累呵)!!

今日冇落街呵, 冇咩特別, 搵下工咁!! 夜晚 OC 發生左件事, 就係另一個下載區版主竟然轉載左人地論壇果個 FILE, 本來都冇咩証明架, 不過就真係豬在人地段片加左 LOGO, 邊有人咁豬架!! 最豬係仲要O係人地論壇話截左人地段片! 真係豬得佩服!! 呵呵!! 所以話呢, 咪咁豬先得架!! 睇左 12/24 O既 MS SP, 嘩~ GACKT 好正, 佢唱完歌仲要講左句: AISHITERU YO!! 我仲見到有人聽到喊!! 不過, GACKT, 你真係好正架O者(:P)!

HANAMIZUKI --> 好鍾意 HITOTO YO SAN 呢首歌呀, 好感動!!

今日去左飲茶, 不過有件貨就打回頭, 原因係果個買家寫錯佢自己個地址, 真係麻煩!! 不過有件好開心事呀, 因為收到 MIHO 妹妹O既信呀, 好開心呀, 真係好多謝哂呢, 因為佢之前去左日本睇 CONCERT, 佢冇忘記到我呵, 拎左Ｄ DM 俾我, 好開心呀真係!! 謝謝 MIHO 妹妹!! 睇左少少＜紅白＞, 今年 GACKT 冇上年咁正, 睇一次就夠, 去年果個真係百看不厭(家下都想再睇), 估唔到亞嫂又唱得幾好, 真係唔明點解佢講野咁鬼雞仔聲, 但係唱歌又唔同架喎, 唔錯!! 另外值得睇O既係 DREAMS COME TRUE, 真係好正!

身體健康 --> 我又好似作病添, 我要身體健康呀, 王子呀, 你放過我啦, 唔好再詛咒我啦!!

今日冇出到呀, 因為又好似傷風咳咁, 唉!! 不過無 LALA ＜木村情意結後群＞發作呀, 所以就睇返＜戀愛世紀＞, 目前為止已經睇左八隻碟呢, YEAH!! 一陣再去睇先, 因為實在太好睇喇!

身體健康 --> 唉, 都唔知冷親定熱親!!

今日又咳返喇! 哎唷, 仲好似上次咁, 有點呼吸困難!! 唉!! 不過都約左春天家姐去街街, 首先食完吉野家, 本來想再坐耐Ｄ, 不過隔離桌有一個怪男人, 可能見到Ｄ我地見唔到O既野, 所以攪到我地好快就走左! 之後行呀行呀, 呵呵, 行到咁上下再去麥記食朱古力新地, 呵呵, 之後再傾左陣, 再去左電腦廣場, 之後就坐車返屋企喇!! 不過去到屋企樓下, 唔記得左個密碼, 所以打電話返屋企問!! 返黎食左藥, 不過可能太勁, 手不停咁震, 所以斯斯要早訓!!

HEAR ME CRY --> 今朝睇埋＜戀愛世紀＞結局, 好正!! 不過我家下的確想喊, 因為病得有點辛苦!!!

今日探熱, 仲燒,緊今朝係 100.2 度, 所以一點幾食完野就去左睇醫生, 不過由 2:14 等到成 3:45 先睇完, 等真係辛苦, 我真係以為 SARS 架!! 我有咁個醫生, 佢話家下冇呢樣野, 同埋我個肺好靚, 冇雜聲, 亦冇肺炎, 呵呵, 只係感冒!! 返屋企前去左寄信, 嘩! 好開心呀, 因為買到張新O既郵票, 英文字母果張呢, 好開心呀, 仲要係貼紙咁貼架, 呵呵, 好得意呀, 不過 $42 一張(30個), 又冇理由專登買張黎儲架!! 我諗住下次寄信俾 YUMIKO 時貼佢個名呀, 我諗一定好特別!! 食左藥訓到七點幾先起身, 好好訓呢!! 今日都係唔寫日記住(係同春天家姐寫果本), 等我聽日先補返啦, 話時話, 尋日都未寫添!!

有你在懷 --> 吾!~ 盡在不言中!!

今日退左燒喇! 亦好返好多喇!! YEAH!! 不過依然係冇落街, 依然係好眼訓!!

FANTASTIPO --> 新電影期待中!!

今日仲有少少咳咁啦, 不過都係冇咩事O既!! 夜晚返學, 嘩! 好多野要記添, 下堂用新書, 更加要努力添!! 聽 DORA 講話原來尋晚個節目係鄭嘉輝做, 仲送左好多福袋有好多 KINKI 架, 哎唷, 冇聽到添, 不過鄭輝講野好快呢, 真係要超留心先聽到佢講咩!! 放學未返到屋企發生今日第一件"黑仔事", 嗚嗚嗚, 就係我個鎖匙扣張相唔見左呀, 只係唔見左張相同埋個蓋咋, 嗚嗚嗚, 好心痛呀, 我本來估計O係書包, 但係返到黎搵過哂都唔見, 我唔制呀我唔制呀!! 嗚嗚嗚!!! 返到屋企同契媽同埋 MANDY 姐姐傾左幾句電話, 之後就沖澡, 沖完澡煮緊野食果陣, 第二件"黑仔事"就發生喇, 話說係因為我好耐冇轉過個 IP 喎, 有少少擔心, 所以就走去 RELEASE 再 RENEW 個 IP, 點鬼知佢 RENEW 完上唔到網喎!! 就算 BOOT 埋機呀果Ｄ都唔得, 所以就打去 HOT-LINE 啦, 想唔頂佢都唔得(真係唔講呢個字表達唔到感覺), 明明應承左話 12 點前回覆, 後來就梗係冇回到啦, 咁咪再打去囉, 點知話 OFFICE HOUR 只係到 12 點, 之後就 CUT 左我線!! 有冇攪錯呀!! I-CABLE 咁大間公司, 你咁O既, 攪到我一切計劃失去預算, 今日仲要 OC 開會添架, 家下連線就連到, 亦有個 IP, 不過只係連到線同埋有個 IP O者, 上網?! 你就想呀, 佢係連左線係有個 IP 呀, 但係就偏上唔到網, 咩網都去唔到, 咩 ICQ 呀 MSN 都連唔到, 俾個假像我!! 我每個月俾百幾二百蚊原來有咁O既服務!! 好嬲呀真係, 雖然係我自己 RENEW 個 IP 在先, 之但係我又唔信個 HOT-LINE 真係忙到咁呀, 我 11:30 前打去等到 11:45 先有個人聽話叫我留電話回覆我, 你慌唔係根本就冇人做野, MARK 低哂留返俾聽朝Ｄ人做, 咁大間公司, 同埋呀, 人地起碼都 24 小時 HOT-LINE 啦, 你估個個都日頭得閒打去問架?! 我真係好嬲呀!!!

眠RENAI夜HA眠RANAI YUMEWO --> 唉 ... 睇黎今晚都訓唔著!!

今朝起身時, 部機上到網喇, 唔係 I-CABLE 整返好喎, 係爸爸攪掂架咋, I-CABLE ?! 家下凌晨 12 點半, 覆電話?! 等佢救命Ｃ左好耐喇!! 今日本來唔想落街架, 不過又約左個買家喎, 所以四點幾落左街, 不過好得人驚, 因為差少少困 LIFT, 真係邪, 明明話 P 字, 但開門係 4 字樓, 嚇到我同幾個人即刻衝左出去行樓梯!! 交收完返黎買左少少菜, 就返屋企, 真係要排隊坐 LIFT 呀又要, 真係痴線架, 唉!! 今日海關拉左個人放 BT 喎! 仲好似話係 ISP 供佢出黎, 仲係 I-CABLE 添, 唉, 不過呢單野都有排攪!!

花 --> ORANGE RANGE O既歌, 好聽呀, 多謝 DORA 介紹及歌詞!!

今日太好訓喇! 同左樓上個姨姨一齊去左飲茶, 之後行左一陣, 冇咩特別! 本來想睇 ARASHI Ｄ DVD 架, 不過我部 DVD 機 PLAY 唔到, 前幾日都 PLAY 到, 所以就睇左 2004 ARASHI CONCERT DVD, 好正喎!! HAHAH, 我係第一次覺得亞包個 SOLO 咁正!! 當然 SHO 個 SOLO 仲正啦!! 夜晚聽到 AIBA CHAN 個電台節目呀, YEAH!! 又聽左 903 森美小儀, 最後一日喇! 下星期改去夜晚 LU, 同埋冇左 LEO LU!!

YESERDAY & TODAY --> 呀, 第一次好認真咁聽呢首歌, 又幾好 FEEL 喎!!

今日冇落街呀, 亦都冇去街, 因為都未病好哂, 都係好好咁休息下好Ｄ!! 夜晚聽 TSUYO 個節目, 我發覺我Ｄ日文聽力好左好多, 因為我都明白一半O既, 以佢講得咁快, 佢唔似 AIBA CHAN 講得咁慢, AIBA CHAN 果個我可以聽得明八成O既!! 呀, 其實我應該做下功課, 因為下堂教新一本書 LU, 幾快!!

愛NOKATAMARI --> "在街中感到跟你一樣的香水, 一舜間會感到溫暖, 隨之會跟著走呢!!

今日冇落街呀, 睇哂 ARASHI 2004 CONCERT, 好正呀, MC 果 PART 好攪笑呀, 不過最衰唔明得哂丫~ 同埋我好鍾意佢地Ｄ SOLO 呀, NINO 個 SOLO 真係好感動!! SHO 更加正啦!! 另外仲睇左兩隻 24 小時, 開始對亞包改觀, 原來佢都好好人架!! 好感動呀果 PART, 係講佢教十一個有聽障O既少年少女跳舞, 仲O係 CONCERT 度做出支持O既手語, 完全改觀呀真係!! 夜晚教"冇禮貌"用軟件, 佢真係丫, 你講一句佢駁十句借口, 我用心咁教佢用佢又唔聽, 教到我放棄喇, 佢又話開到個軟件, 總之就激Ｃ啦!! 另外要多謝亞 NUT 妹妹呢, 因為佢一心幫我, 但係佢部電腦唔知點解用唔到, 但係都好多謝你呵, 抵鍚!!!

如無意外 --> 何韻詩, 幾鍾意呢首歌Ｄ詞喎, 唱功就 ...!!

今日去左飲茶, 之後行左一陣咁啦!! 返黎沖完澡無 LALA 又想睇 ARASHI 個 CON 喎! 所以就又睇過, 不過今次係主力睇 SOLO 同埋 EYES WITH DELIGHT(當然係勁睇 AIBA 同 SHO O既角度啦), 睇左好多次, 睇到我亞爸走入黎問我點解聽黎聽去都係呢首歌!! 春天家姐又冇 ONLINE 添!! 夜晚無 LALA 又上唔到網, 打去投訴又話覆電話, 真係覆佢條命呀, I-CABLE 真係咁O既服務架!! 最後梗係自己攪返掂啦!! 嘿!!

痕跡 --> 係 NINO 個 SOLO, 真係好好聽, Ｄ歌詞好感動呵, 睇到有少少想喊!!

今日落左街寄信, 坐左部新 LIFT, 好得人驚, 因為要用手動黎關門(真係用隻手推道門先關到先郁), 唉!! 睇左少少＜SUMMER SNOW＞, 又睇左光一個 SOLO CON, 又睇左 ARASHI 2004 CON SOLO, 夜晚打過電話俾春天家姐, 原來佢 ARMARM 放學去食糖水, 咁正, 我又去!! 不過有一點 ABUNAI, 吾, 過幾日先迫功下先!! 聽日要返學, 但未做功課添, 聽日一定要做!!!

UNTI UNTI --> 係 SHO 個 SOLO, "I GO YOU JUST WAIT...", HAHA, 好呀!

今日冇咩特別, 係因為之前Ｄ藥太勁, 所以又爛咀, 嗚嗚嗚!! 夜晚返學, 用左本新書, 好難呀今日學果Ｄ, 真係要再用心研究一下!! 放學返到屋企, 睇＜D NO ARASHI＞, 嗲Ｄ媽咪買左支藥膏我! 好有效咁!!!

KIMINOTAMENI BOKUGAIRU --> 呵呵, 係咪?!

今日冇落到街, 頸痛又發作!! 睇下＜SUMMER SNOW＞咁, 睇到我喊添!! 夜晚同春天家姐傾左一陣, 吾~~ 約左人溫書, 吾~~ 有Ｄ野呀下!! 仲話過兩日唔得閒要去溫書, 吾吾~~~ !! 唉, ＜安天地＞個版版Ｃ左! 攪到上年六月開始到家下O既留言全部冇哂!! 唉, 好灰添!!

今天你生日 --> 親愛O既寶姨生日快樂!! 身體健康!!!

今日去左寄信同埋飲茶, 之後去左買日用品, 夜晚諗住食 PIZZA 啦, 之後變左打邊爐!! 睇完＜SUMMER SNOW＞喇, 又係喊到Ｃ!! 唔知點解我睇左四次都仲係喊到咁勁! 尋晚發夢見到王喜同張智霖喎! 好邪呢! 呀, 仲有呀, 上戶彩果個買家呢, 送左套上戶彩O既咩... 網球日劇俾我喎!! 真係好多謝呢!

我信 --> 愛是信仰~~~~~~~~!

今日冇出到街, O係屋企無無聊聊咁, 不過呢排真係俾個 I-CABLE 激到就黎Ｃ, 因為成日都斷線喎!! 嗲Ｄ終於忍唔住打去啦, 因為我打左幾次都冇人理我! 中間差唔多四個鐘冇得上網, 唉!! 呀, 仲打過個電話俾春天家姐, 因為我驚下星期冇 2 月號賣, 所以請佢買左先!! 但我聽步步講今個月賣 $120/SET , 點解咁貴架!!!　家姐, 考試要努力呵!! 夜晚聽 KINKIRA WORLD, 小剛呀小剛, 你真係好溫柔呢, 但係又好攪笑, 差Ｄ笑Ｃ我呢!

TOMOTACHI HE --> SMAP 新歌!! 來頭好勁, 不過聽過現場O既人都大叫救命!! 斯斯有待証實!!

今日去左將軍澳, 不過行去坐車時, 樓上突然間倒水喎, 好彩我走得快, 不過都濕左少少, Ｄ人真係好賤呢!! 行左一陣啦, 其實都冇買到Ｄ咩!! 返到屋企上下網(不過可惡O既 I-CABLE 又係有問題呀下!!), TVB 播返以前Ｄ攪笑片段, 扮歌星唱歌果Ｄ呢, 好好笑呢!! 呀, 唔記得講我今日試食左李錦聯煮O既牛肉卷, 幾好味!!

LA FAMILIA --> 係 JUN O係 2004 CONCERT 自己寫O既 SOLO, 好感動架, 係講佢地 5 個人!!

今日去左飲茶, 之後返左屋企 LU, 寄左信去應徵文員, 呵呵!! 又寫左信俾 YUMIKO, 仲貼左佢個名O既郵票, 希望佢鍾意啦!! 夜晚聽到 SONIM 唱O既韓文版＜I LOVE YOU＞, 真係希望佢唔洗再行返條舊路啦, 因為佢樣又唔差, 又可愛, 唱歌都唔錯呵!!!

I LOVE YOU --> 亞剛好鍾意呢首歌架(日文原裝版), YEAH!!!

今日有落到街, 因為要去銀行, 再行左一陣!! 買左條腰鍊, 好靚架, YEAH!! 本來諗住要做功課架喇, 不過呢, 又見個書櫃好亂喎, 所以聽日先做喇要!! 睇左一集 USO, 好得人驚呀, 真係好得人驚O既隧道, 好彩 SHO 同 JUN 冇事咋!!

LUCKY MAN --> SHO 少爺生日呀, 祝你 RAP 能力提升再提升再再再提升升升升升~~!

今日 LUNCH 時婆婆黎左我屋企一陣, 之後我又係咁啦, 睇下電視咁出門口返學之前發現個 JOQR 怪怪地, 所以講低左俾嗲Ｄ知之後就返學喇, 今日學果Ｄ唔算難, 不過好亂下呀我家下!! 返屋企沖完澡後食米粉, 呵呵!! 睇左少少 SHINDOI, 同埋睇左少少＜D NO 嵐＞, 真係差少少笑Ｃ, 實在太得意喇, 今次亞包同埋 NINO 喎, 佢地拍幾段片, 將Ｄ野好似倒帶咁做喎, 拍完後倒返帶睇返, 真係好攪笑呀, 不過最後只有 0 平台, 如果係我我會俾 3 平台架, 因為真係好攪笑, 好可愛, 好得意!! 難怪 NINO 都話: 真係唔係女仔唔得! 因為今集係男嘉賓!

KIMITOIRU JIKANNONAKADE --> 平原綾香 O既歌, 幾好聽喎又!! 歌名又有意思~!

今日冇落到街, 睇左兩集＜優ウゆ時間＞, 幾好睇喎, 不過 NINO 出得太少!! 出多Ｄ啦!! 今日天氣凍左少少咁!! 夜晚同 DORA 傾左一陣, 佢話我完全唔似 26 喎, 話似同佢差唔多(佢 20 ), HAHAHA, 外表真係呃到人呢我!! 今日收到小捷送俾我O既台版 CD, 嘩~ 正!! 真係唔好意思, 要佢破費, 呵呵呵!!

KONOYORUGA OWARU MAENI --> GACKT 呀, 唔知夜晚完結前咁又會點呢?!

今日去左飲茶再去左買野, 之後返屋企冇咩特別, 春天家姐打俾我呢, 呵呵, 聽日去街街, YEAH!! 可以去買 TSUYO Ｄ野!! TSUYO 真係好可愛, 真係 ... 敗給他!!

明日 --> 係＜YASASHII JIKAN＞O既主題曲, 平原綾香唱架, 佢Ｄ歌都幾易明白喎!

今日約左春天家姐去街街, 本來仲約左個賣家架, 不過佢話要改下星期, 冇計啦!! 去到旺角, 行信和呀果Ｄ啦, 買左隻 FANTASTIPO 初回, YEAH!! 夜晚去左食麥當當呵!! 之後又去左食甜品!! 哈哈! 返到屋企一心想聽下今晚個 KINKIRA WORLD 啦, 點知話 FILE ERROR 喎, 冇理由架, 之後仲黑仔!! 因為話個 WMP 要升級, 咁咪噤囉, 點知噤完我個惡夢就開始喇! 因為 ... 攪到要安過個 XP, 我狂哭!! 終於整到凌晨四點幾先訓, 明天繼續!!

傷 --> 我哭~~!

今朝未夠十一點就醒左, 之後再整返少少野, 又出左去將軍澳喎, 仲撞到芳姨添, 我入到去將軍澳 ARMARM 睇到子華哥, 因為佢隊 BAND 有活動, 聽到幾首歌, 之後行左一陣, 走果陣又撞到芳姨喎, 真係有緣!! 夜晚攪埋少少手尾, 部親愛O既電腦都應該 OK 喇!!

明日 --> 係＜YASASHII JIKAN＞O既主題曲, 平原綾香唱架, 佢Ｄ歌都幾易明白喎!

今日去左飲茶再去左買野, 之後返屋企再執埋Ｄ手尾尾尾, 因為係執返靚部機Ｄ野, 所以有咁多個"尾"字!! 夜晚我親愛O既表弟打黎, YEAH!! 星期五有 DVD DRIVE, YEAH!!!

後遺症 --> 不如講下我個 XP 安裝過後有咩唔同, 日記由打到日文變左打唔到, 但係 IE 由唔能夠直接打日文變成打到喎! 真係有得有失!