背景音樂 : 街(MACHI)


歡迎睇我任何一日私日記!
(私日記。WATASHINO NIKKI!)
1999
2000
2001
2002
2003
2004
JAN
FEB
MAR
APR
MAY
JUN
1/7/2005
2/7/2005
3/7/2005
4/7/2005
5/7/2005
6/7/2005
7/7/2005
8/7/2005
9/7/2005
10/7/2005
11/7/2005
12/7/2005
13/7/2005
14/7/2005
15/7/2005
16/7/2005
17/7/2005
18/7/2005
19/7/2005
20/7/2005
21/7/2005
22/7/2005
23/7/2005
24/7/2005
25/7/2005
26/7/2005
27/7/2005
28/7/2005
29/7/2005
30/7/2005
31/7/2005

1/7/2005

回歸日, D人都話話今年好左, 因為董伯伯下左台, 其實我覺得董伯伯只係唔好彩!! 今日冇落街呵, 睇左前晚O既<D NO ARASHI>, 其實有少少悶, 因為係"巨大魚"完結篇, 不過終於有少少成果都算係咁啦, 而且好好彩, 扣左一個 NINOMIYA 咋!! 好彩好彩!! 夜晚好乖咁答左下星期三晚考O既 ORAL 問題, 不過硬係覺得冇理由咁簡單O既, 都係時候預備下, 因為得返幾日就要考呢!!

煩 --> 突然間俾個韓網果個人 BS, 入唔到去, 不過我又唔驚喎, 因為我自己一定睇到想睇O既節目, 因為又唔係得佢一個網!

返回


2/7/2005

今朝唔記得開手機喎, 一開就收到春天家姐個 SMS, 呵呵, 約左今晚去街街, 又係打下機咁, 五點九正想出門口時, 春天家姐打黎問我O係邊, 原來佢早左放學! 所以我就即刻飛 VAN 出旺角, 不過果架車又唔知兜下兜下, 唔知O係邊放低左我, 所以攪到我比約好O既時間仲要遲左, 真係唔好意思喇!! 家姐約左個賣家交收, 點知真係好少咁大頭蝦O既賣家, 拎錯左件貨, 咁唯有買住另外雨樣先, 春天家姐話俾住呢兩樣錢先, 下星期同樣時間先再交收返果本寫真, 點知個賣家仲好突然咁, 好似想春天家姐俾哂全部錢佢先咁, 佢都太天真呢!! 之後行左轉信和, 家姐本來想買 NewS 隻碟, 但又諗唔到買咩版本好, 所以就話行下先再決定, 之後行呀行呀咁!! 去左太子果間麥當當, 本來想食開心樂園餐換個印仔, 點知個印仔要 17 號先開始換, 所以只好到時再食!! 之後食完行左陣朗豪坊, 一路行到差唔多十點幾返到屋企, 玩左陣<明星三缺一ONLINE>, 不過佢個 SYSTEM 好有問題, 因為佢個回歸比賽, 夠等級又唔俾入, 明明嬴左但後黎又扣左我錢, 真係激親!!

CAROLS --> 好聽呵, 亞嫂O既歌!!

返回


3/7/2005

今日冇落街, 因為又熱又懶 :P, 打機, 上網!! 夜晚睇返上星期O既<開心大發現>, 其實都係想知佢抄左<伊東家食卓>幾多野, 之後睇左份 ORAL , 練習左兩三次, 都應該 OK, 因為真係好似好簡單咁, 唔似上年, 上年真係讀到我C!! 但今年講左邊D題目, 雖然都唔知到時會點問, 因為有幾題要睇下佢到時點答我先再答到落去, 不過應該冇問題!!!

輸得漂亮 --> 今日突然間拎返兩隻 SAMMI O既碟出黎聽, 呢首個 FEEL 幾好!!!

返回


4/7/2005

今日去左飲茶, 之後行左一陣, 買下日用品咁!! 其它冇咩特別! 睇左<ENGINE>大結局, 好感人呢, 係有少少好似夾硬完咁, 不過又真係幾感動!!!

NE, GANBARUYO!! --> 後晚考 ORAL, 吾, 其實 ... 應該 OK O既, OK 掛 ~~ 好!! 冇問題O既!!!

返回


5/7/2005

今日冇落街呀, 因為聽晚考 ORAL 喇, 所以食完米粉就練習下咁, 左半個鐘到啦, 都應該 OK, 不過硬係覺得D答案好簡單咁, 不過我又 CHECK 過時間, 答哂 20 題, 起碼要用 8 分鐘, 但係聽晚考 4 分鐘咋喎! 不過冇謂啦, 因為 4 分鐘咋嘛, 唔驚, 我平時自言自語O既日文都唔止 4 分鐘啦, 呵呵!! 呀, 仲一邊睇"IZA, NOW TOUR 2004"O既 DVD 一邊溫, 呵呵, 實會問點解係呢隻, 其實本來諗住睇 [SI:]~FIRST LINE~ 架, 不過如果睇呢隻我就真係唔會練習 ORAL, 仲會又感動到喊添, 所以就選左隻"IZA, NOW TOUR 2004"喇! 話時話, ARASHI 又就黎開 CONCERT, 講開又講, 果間 J-FRIENDS 真係奸商, 果日去行, 見到話接受預訂 ARASHI SUMMER CONCERT O既飛, 入左會應該有抽飛果張表, 但係又冇收過喎, 咁家下佢地有飛賣, 咁心水清O既你, 應該知道D抽飛表格去左啦呵, 亦應該知道D飛點黎架啦呵!! 真係想 EMAIL 去 JOHNNY'S 舉報佢炒飛!! 無良奸商!!

NE, GANBARUYO!! --> 聽晚考 ORAL, 吾, GANBARE, GANBARE!

返回


6/7/2005

今日食完兩塊包就出門口喇, 首先去左樂富攪少少野, 之後行左果間吉之島, O係間十蚊店見到隻好可愛O既熊貓呀, 係笠O係手玩果D, 所以就買左喇!! 之後坐 MTR 去鑽石山, 行左陣荷里活, 再食左杯朱古力新地, 加左價喎, 咁架!! 之後五點幾就坐 MTR 去美孚喇!! 未夠六點就返到去呢, 估唔到都有幾個同學同我一樣咁早喎! 不過 SENSEI 話六點返, 但最後差唔多 6:20 先返到黎, 所以我就考第二個, 打俾 DORA, 聽唔到我電話添, 不過過左一陣佢就返黎喇! 再過左幾分鐘就到我喇!! 少少緊張, 不過一開始就衰左, 因為我唔記得左要講自己係咩性格, 所以情急之下, 唔知點解講左話 KAWAII, 真係差D凍C SENSEI同埋自己!! 其它都答得好順利, 因為真係好簡單! 超速地O係唔夠 4 分鐘答哂 20 題!! 等埋 DORA 考完就走喇! 本來話一齊去食飯, 不過佢有事, 所以改第二日再去, 我差唔多 8:15 先返到屋企, 攪到要皇上同太后等我先一齊食飯真係唔好意思呢!!

NE, GANBARUYO!! --> 係呀, 都仲係呢首呀, 因為原來仲有十日就要考試, 仲以為好耐添, 要努力呢!

返回


7/7/2005

今日去左飲茶, 不過又落雨, 但冇帶傘, 好彩唔係好大雨咋!! 夜晚睇<開心賓館>, 真係幾好笑喎, 因為我上次去韓國旅行, 個導遊真係咁架, 真係好好笑!! 睇左尋晚O既<D NO ARASHI>, 原來蜜瓜未熟果陣係咁O既, 不過個嘉賓真係太好啦, 一俾就俾左 7 個 NINOMIYA 俾"LEADER 松本", 攪到平手, 果一刻見到亞 SHO 個樣好唔願意, 睇黎"天才與紙一重"下一集要努力, 不過又唔想咁快改組喎, 因為我個細仔 + 亞 SHO 好好睇呀, 好好笑!! 唔想轉!!

KA-KO --> KIRORO 呵, 其實有少少擔心, 唔知會唔會解散呢, KIRORO 咁好聽, 不過我諗就算唔解散, 都要等一排先再有新歌, 起碼等綾乃生完BB先嘛!

返回


8/7/2005

今日冇落街呵, 同寶姨傾左一陣 MSN, 之後睇左少少果套 ... 咩 ... 生命電池 咩 ... (唔記得咩名添), 不過睇左半集就冇再睇, 因為覺得好似係專登攪喊人咁, 之後又睇左一集"通天塔", 睇係因為有柏原崇同埋廣末涼子, 不過我睇左一集多少少, 廣末都只係出過把聲, 而成套劇又怪怪地, 所以又冇睇到!! 最後開始睇<拭去眼淚>, 呢套幾感動喎, 係 NINO , 之前已經知道有 上戶彩, 今日睇先知, 原來仲有神木小朋友, 都係好可愛!! 而且真係幾感動!!!

NE, GANBARUYO! --> 仲有唔夠十日要 EXAM, 不過仲未開始溫書添, 睇黎都係時候努力!

返回


9/7/2005

今日冇落到街呵, 雖然春天家姐有打黎約我去街街, 不過因為諗起我未溫書, 同埋又落雨, 所以我就冇出喇! 開始溫日文, 溫左大約三個鐘啦, 不過仲未溫到今年果D野, 都係溫返之前兩年果D, 同埋寫左幾張 NOTES 用黎溫習!! 聽日仲要努力!!

NE, GANBARUYO! --> KOREKARAMO GANBA !!!

返回


10/7/2005

今日都係冇去街, 上下網, 玩下 GAME, 當然有溫書啦, 雖然只係溫左幾個 CH. 不過已經算唔錯! 睇黎聽日會開始溫今年O既野, 其今日都開始左今年O既野, 不過諗起果D極語, 有少少驚!! 我仲有無數咁多生字未溫, 希望夠時間啦!! 應該夠O既, 不過唔知係咪天氣問題, 我今日成日都好似好眼訓咁!! 夜晚睇左<小遙 17 歲>同埋<龍櫻>, 前者不過不失啦, 平山小姐我都唔係太喜歡, 不過都 OK 有趣咁, 後者好好睇呢, 因為見到 PP 好型, 雖然唔算主角, 不過我覺得都幾值得睇, 仲有人氣急升O既小池徹平同埋長澤 MASAMI !! 不過都係睇 PP 算喇!

NE, GANBARUYO! --> 呢個星期都係呢首歌架喇, 因為我真係要加油先得喇!!!

返回


11/7/2005

今日去左飲茶, 之後行左一陣, 去下銀行咁, 返到屋企都五點幾 LU, 沖完涼就開始溫書喇, 今日雖然溫得唔多, 不過總算 OK !! 未來幾日都決定唔出街, 要專心溫下書, 因為好衰架我, 一定要食晚飯前先溫得入腦, 因為由細到大都係咁!!

NE, GANBARUYO! --> 加油!!!!

返回


12/7/2005

今日冇落街, 溫左兩個鐘頭習, 進入最後十課, 其實預計聽日溫埋果十課, 後日就溫詞語, 星期五同六就係大總結! 如冇意外就係咁計劃!! 希望成功, 唔知點解我呢兩日對眼好累, 但係都要衝埋呢幾日!! FIGHTING!!!

NE, GANBARUYO! --> 倒數考試 5 天!!

返回


13/7/2005

今日都係冇落街, 溫左最後果十課, 總算叫做溫過一次, 聽日就可以溫一大堆詞語, 其實我都係弱項, 因為成日識講唔識寫, D音唔知點解寫唔 ARM, 同埋D漢字成日寫錯左! 不過我一樣會努力!! 同春天家姐傾左陣 MSN, 我發現我同佢真係好鬼夾架O者, 成日都係佢未問我我就答左佢, 又好似傾開話唔知 PP 隻耳環寫咩字, 最後經網友答左話係寫住 "NIGHT", 咁果一刻我就諗: 咦, 買隻 DAY 都好喎!! 果頭諗完果頭去睇返春天家姐O係個網個回答, 佢又係話不如買隻 DAY, HAHA!! DAY & NGHT 咁!! 真係講你都唔信呢!!

NE, GANBARUYO! --> 倒數考試 4 天!!

返回


14/7/2005

今日都係冇落街, 今日溫詞語, 不過我低估左, 今日溫左成四個幾鐘都仲未溫完, 所以聽日要溫埋最後六課o既詞語, 同埋再開始大總結!! 但又唔太驚, 因為總覺得唔會好深!! 都係會努力!!!

NE, GANBARUYO! --> 倒數考試 3 天! FIGHTING!

返回


15/7/2005

今日都係冇落街, 今日都係溫詞語, 同埋溫返D句型, 不過都仲係未掂!! 我發現我對一D長音果D唔太清楚!! 聽日要作最後努力!! 夜晚睇左<HARUKA 17 歲>第二集, 都係果句, 雖然唔太喜歡"平山 AYA", 不過呢套都算可以, 只係有少少嘈!! 不過都幾有趣, 亦有感動位!!!

NE, GANBARUYO! --> 倒數考試 2 天! FIGHTING!

返回


16/7/2005

今日都係冇落街, 食完晏時, 無 LALA 心血來潮, 去睇 BUBBKA 個網, 其實自從上次雅紀張相得我就冇再去, 但唔知點解今日突然間想去睇下, 就睇到今日日本報紙講 NewS 某 18 歲成員前晚醉酒事件, 好大件事咁, 不過諗諗下都係細雞野, 所以就去溫書喇, 我發現好多句型好似, 我家下個腦仲好努力咁記緊: 受身形/使役形/使役受身形 ... 仲有尊敬語等等, 希望聽日會順利, 唔洗高分, 合格就夠!! 夜晚同春天家姐傾左一陣, UCHI 件事攪到好大件事, 仲話可能會雪佢, 原來尋晚O既 MS UCHI 都已經冇出現, 但奇就奇在, 我尋日睇左十次, 都冇留意到添!! 有少少緊張添, 希望聽日D題目唔好太難啦, 應該掂掛!! 努力加油!!

NE, GANBARUYO! --> 倒數考試 1 天! FIGHTING!

返回


17/7/2005

尋晚其實唔太訓得著, 今朝八點正起身, 之後食左個米粉就出門口, 坐 MTR 去灣仔考試, 不過我發現原來離個 MTR 站好遠下!! 返到去見唔到熟人喎, 不過就見到 SENSEI, 之後準時十點開考, 不過我好快做完份卷喇, 因為其實有D係同 NOTES 一樣, 不過係擔心D生字, 唔知D長音有冇錯!! 考到 11 點 35 分, 放 BREAK, 見到 DORA, 原來佢話今朝五點先開始溫!! 之後 12 點就考 LISTENING, 其實都簡單架, 因為可能我平時睇得"課外教材"多啦, 所以應該冇問題!! 結果發表! 好眼訓!! 考完同 DORA 行去 MTR 站, 之後我就自己去左行街街喇, 由灣仔行到去銅鑼灣, 去行十蚊店, 又去行 SOGO, 好開心呀, 因為買到支 DAKARA 飲, 呵呵, (見下圖), 幾好味呢, 個樽都好靚, 之後去左 SOGO 書店, 諗住睇下有咩書睇啦, 不過又搵唔到, 因為我本來想睇 GACKT 果本自傳, 之後睇睇下春天家姐打俾我話佢而家出黎, 所以就約左 4:15 O係信和等, 我睇多陣就去左坐 MTR 去信和喇!! 行下呢度行下果度咁, 再去左太子買 8 月號, 再去左食肯德基, 不過唔知係咪餓過龍, 我食完個薯塊就好飽, 所以就將個包打包返屋企喇!! 之後就去左新世紀坐低睇雜誌, 再去左某店睇衫, 見到 MANDY 姐姐添, 不過冇叫佢呢, 之後去左電腦廣場, 因為家姐要買 DOUBLE LAYER O既 DVD, 之後就去左旺角中心睇耳環, 不過冇想搵果隻, 山 P 果隻"NIGHT", 真係冇, 最多都只係得幾粒石咁, 希望快D搵到啦!! 行到十點到返到屋企, 之後整下拍賣咁!! 呀, 唔記得左講, 今日買左對布鞋呵, 好抵, 同春天家姐一人一對, YEAH!!


ARIGATOU --> 謝謝亞剛呵, 因為你, 我有戰鬥力!! 今日你地攪 LIVE SHOW, 一定成功!! YEAH!

返回


18/7/2005

今日好好訓, 因為上星期都訓得唔太好掛, 去左飲茶, 好攪笑, 我完全睇唔到樓上個姨姨坐O係我地隔離, 呵呵!! 之後行左一陣, 就返左屋企喇, 因為今日真係好熱呢!! 其它時間就係上網睇下日文娛樂新聞啦(因為 UCHI 好大件事呢), 都冇咩特別!! 不過我諗緊仲追唔追睇 UCHI 做果套劇好, 因為第四集開始會 CUT 哂佢D戲!! 唉...

NAGORI YUKI --> 真係越黎越鍾意呢首歌, 雖然好舊好舊, 不過真係唔錯, 雖然 ... 我唔係聽原唱版!

返回


19/7/2005

今日冇落街呵, 都係勁睇返D FILES, 不過仲係有好多!! UCHI 件事好似越黎越大咁, 今日處罰左當晚有去一齊飲酒O既十個富士電視台職員!! 不過始終希望 UCHI 唔會就咁就玩完啦, 今日就連套劇O既官網都刪左 UCHI 個名!! 尋晚睇左<龍櫻>第二集, 真係睇到喊呀, 果場迫 PP 賣自己前途俾佢果段, 真係好唔甘心, 但最後佢放低 PP 個喇叭俾佢時, 又好感動, 所以真係眼濕濕!! 又睇左一個 TEPPEI(小池徹平) O既訪問仔, 佢瘦左冇咁好O者, 好似極道2 時就最正, 不過佢依然好可愛!! 咳, 當然我細仔最可愛啦, 呵呵!! 呀, 順帶一提, 今日睇左個節目(TAKKI 主持果個算命占卜節目), 教左人點樣著"浴衣", 原來好鬼難架, 手頭上又冇浴衣, 冇得練添, 日後去日本買件先!!

NANDEx2 DAME --> 好鍾意 NewS 呢首歌, 希望 UCHI 快D可以出返黎, 好有誠意咁道個歉就好了!

返回


20/7/2005

今日係我最愛O既太后生日!! 呵呵, 所以就去左尖沙咀飲茶, 之後再行街街, 六點到返到屋企附近食"椰林閣", 不過碟飯實在太大碟, 所以我食唔哂, 因為浪費食物係好折墮O既, 所以我就打包返屋企, 聽日 LUNCH !! 之後返屋企沖涼, 上網!! 不過諗起聽日開始一連四日, 9 至 6 都冇食水, 就真係覺得實在太離譜!! 你話點算丫! 6 點有返水, 都唔好用黎煮野食啦, 咁 DIRTY, 個管理員仲好輕鬆咁話: 係呀! 冇辦法架喇!! 咁又真係冇計O既, 管理員又唔係住呢度, 睇下佢住呢度果陣會唔會咁輕鬆!! 所以返屋企前買左麵包, 以防萬一!!

身體健康 --> 呢樣最緊要 :P!

返回


21/7/2005

今日係冇水O既第一日, 發現真係好唔方便, 雖然已經裝定好多好多水黎用, 但始終唔方便!! 所以冇出到街, 因為實在太熱, 如果去完街返黎唔可以立即沖涼, 實在太難想像!! 今日睇左 SLOW DANCE 第三集, 其實不過不失, 又唔係話特別好睇!! 再睇左 UCHI 果套O既第二集, 真係想像唔到由果位"田口"先生做 UCHI 個角色會係點, 所以決定左, 睇埋第三集就唔睇喇! 因為田口先生做果個角色對我黎講完全冇說服力, 亦冇吸引力!! 呵呵!!!

10 YEARS --> 今日係出道 8 週年, 呵呵!

返回


22/7/2005

今日因為天雨關係, 冇停到水, 不過去左飲茶, 再行左一陣!! 返黎當然係立即沖涼啦, 之後睇左三集 DB, 不過都係好耐之前, 自從某件傳聞之後, 我越睇越覺得 "木村 KAERA" 好唔順眼, 唔鍾意佢, 真係唔知點解, 冇可能令到我鍾意佢, 儘管個傳聞係假O既!! 夜晚寫返過去呢兩個幾星期O既日記, 因為左春天家姐聽日去書展!!!

身體健康 --> 小剛感冒, 一定係熱親啦, 小心身體先得架, 衰~!

返回


23/7/2005

今日早上冇咩特別! 大約兩點就出門口, 因為去書展, 本來諗住坐巴士, 不過諗諗下都係坐地鐵穩陣D!! 不過排左好耐先入到去會場呢, 唉, 人又多, 其實人多都預左, 之但係 ... D人唔知點解總係睇唔到我, 係咁撞埋黎, 唔通我真係食玻璃大架咩?! 之後我買左本日語能力試 2 級O既文法, 80蚊 8折, 之後就不停咁行, 家姐好勁, 買到佢想買O既<青之炎>小說同漫畫, 最衰果間野冇出亞剛果D劇O既小說, 如果唔係我都會買, 之後行到去 KIDNEY 工作O既地方, 但又唔敢打俾佢, 所以就 SMS 佢, 但又唔見有人似係佢, 所以我估計佢可能唔O係呢個位置, 所以再等左一陣就走左喇!! 其實本來有少少想買<不良少年之夢>架, 但係一諗到上年果本張小嫻都未睇!! 好奇咁見到畫衫果D顏料, 本來想買架, 不過佢 65蚊一 SET, D色又唔係完全想要, 我只係想要一兩支螢光色咁, 諗住畫上件黑色 T-SHIRT 度, 所以最後都冇買到, 我估計出面都有賣啦, 要搵下先!! 之後行到大約七點就走, 去左食哈迪斯, 好好味呀, 真係好味, 最衰唔係度度都有! 之後再行左陣 188 同埋去左 CITY SUPER 買好大筒O既 HAICHU 軟糖, 呵呵, 家姐仲叫我快D刨木會變個心(大家唔明白係正常, 因為要睇過亞剛個 CM 先會明白!!), 之後坐地鐵過左旺角, 陪家姐去間黑店拎會報, 不過我好失敗地唔記得左問家姐借黎睇下!! 再行左一陣, 行到十點幾就走喇!! 夜晚同 TSU 同埋小兔傾 MSN, TSU 好慘呢, 佢呢個星期好黑仔, 今日仲要再裝過部電腦, 又去換左幾次碟, 攪左十幾個鐘都仲未掂!! 至於小兔呢, 我又再一次發現佢想得太多, 希望佢 RELAX 啦!! 不過都要多謝佢, 因為佢話今後每年都會送亞剛個學年曆俾我, 其實真係唔好意思, 但係佢一講完就叫我唔好拒絕, 仲一野走左, 吾, ARIGATOU NE!!! 另外尋晚個夢好攪笑, (由於太短, 所以唔寫去"私夢記"), 無 LALA 去左行山, 又突然間去左間卡拉 OK 房, 見到D人打緊邊爐, 點知我坐低之後, 見到雅紀同埋 SHO 坐我左右邊, 雅紀仲問我食唔食蝦!! 哈哈!!

街 --> 聽到上星期個 LIVE O既版本, 真係聽呢首都夠!! 真係太正!! (唉, 其實點解隊 BAND 要有 木村 KAERA, 真係快D離隊啦, 雖然咁講好唔公平, 不過真係 ...)!

返回


24/7/2005

今日冇落到街, 睇左<龍櫻>第三集! 之後睇左 PP 做嘉賓果集"花丸 CAFE", 佢講得 ARM 呀, 如果讀緊書O既學生睇<龍櫻>係幾有幫助, 可惜我讀完書N耐呢!! 夜晚睇"香港先生選舉", 真係實不相瞞, 我只係頂到頭兩 PART 咋!! 真係嚇親我呀, 現場D女人好似第一次見男人咁, 真係嚇C我!! 果位先生成身肌肉, 咁肉酸 ... 但係D女人猛咁尖叫, 同埋又唔明白 ... 乜香港D男人咁架咩?! 完全唔型唔靚仔, 某程度上仲算係有少少騎呢!! 乜香港男人真係咁架咩?! 唔通我唔係香港人??!

痕跡 --> "KYOU NO BANGOHAN NANISHIYOU, CHIISAINA SUGOKUCHIISAINA FUUTSUNO SHIAWASE ...."!

返回


25/7/2005

今日去左飲茶, 不過呢兩晚都發現房部冷氣好凍, 明明開好細都好凍, 所以我懷疑可能作作病!! 飲完茶行左一陣, 買左少少野, 仲有買左兩筒 HAICHU 軟糖, 呵呵, 好味呢, 不過估計會肥呵, 呵呵!! 夜晚睇<一起加油>CH.3, 不過睇埋呢集唔會再追落去, 因為易角, 冇心情再睇, 田口... 家姐仲話都 OK, 不過我真係接受唔到, 同 UCHI 差太遠, 田口某程度係算 XX 架呢!! 今日睇新聞好嚇人呀, 雲南颱風後, 沖左隻海怪上黎, 死左, 但係真係又大又怪架!

TEPPEN --> NewS D歌其實幾好聽喎又!

返回


26/7/2005

今日冇落街, 唉, 日日都係咁架啦!! 今日睇左兩集<SHIAWASE NI NARITAI>, 深田恭子O既, 雖然佢都係咁O既樣, 又係成日扁咀咁, 不過又幾好睇喎, 有少少感動, 所以會追落去!! 仲睇左 7 月頭O既 HEYHEYHEY, 嘉賓係 NewS, 都好攪笑, 雖然果兩個 關8 上黎講 UCHI 同埋亮O既野果陣好關西呢, 都明O既, 係冇咁細節O者!! 不過一邊睇一邊又覺得無奈, 節目中有位女嘉賓仲提過果個"菊間"女主播添, 咪就係佢類C UCHI 囉, 唉, 雖然我唔係 UCHI FANS, 不過真係好唔抵嘛, 當然佢自己都要負責任!! 今日報紙仲話 UCHI 同"菊間"有特殊關係, 唉, 點解世上有人係唯恐天下不亂?! 人地今年都冇望再出黎, 仲要咁講人?! 識唔識收下口架?! 唉, 不過都係無謂嬲, 因為唯恐天下不亂O既人係唔會覺得佢地自己有問題!! 我只希望 UCHI 前途唔會就咁完啦, 因為原來佢真係上緊位架, 唱歌都企 PP 隔離!! 另外越黎越覺得亞剛好可愛, 佢今日o既"LOVE FIGHTER"更新, 佢話今日日本有颱風, 所以就係作詞日, 仲特地出去淋雨, 同埋食左一碗暖O既烏冬, 仲話唔好意思, 因為報告D咁無聊O既野!! 哎唷, 你感冒就唔好去淋雨啦, 小心身體呢!!

BEST FRIENDS --> 玉成千春有左BB呵, 今年 KIRORO 真係好多喜事呢, 恭喜!!

返回


27/7/2005

今日同亞 CAT 傾左一陣 ICQ !! 三點令就出左去行西九龍, 仲食左個牛扒意粉, 好味! 之後就行左去旺角, 好多人呢, 行左一轉信和, 見到得返一間有 ARASHI 果本<SEVENTEEN>, 所以就打俾春天家姐睇下洗唔洗幫佢買左先, 點知原來佢話佢 ARMARM 行完信和, 但冇買, 本來諗住會合佢架, 不過諗諗下都係唔好, 因為我唔太想過海! :P ! 好開心呀, 因為拎到一本鐵達時新O既 SAMMI, 好靚, 真係好靚呀!! 之後坐車返屋企, 今日天氣唔算太熱, 不過條街真係太多人!!

可愛女人 --> 呵呵, 今日打俾家姐時, 好好笑, 佢問我點解唔洗返學, 呵呵, 又醒唔起我考完試唔洗返學呢!

返回


28/7/2005

今日同左樓上個姨姨去飲茶, 之後行左一陣, 仲換左個叮噹電話繩, 係亞福(小夫)黎架, 呵呵!! 最衰唔係日日買報紙, 如果唔係我真係想儲埋一 SET 呢!! 之後去買左個卷蛋食, 原味最正!! 之後返屋企, 冇咩特別!! 呀呀, 今日買左兩對耳環, 夾架啦, 我都冇穿耳, 不過好靚架!! 凌晨 1:30 電話響, 係咪傻架!! 唔洗訓架?! 雖然係 FAX, 不過都唔該睇睇個鐘先丫! 即係咁都唔嬲呀, 睇清楚 NUMBER 先打啦, 凌晨點幾鐘 FAX 錯黎!! BTW, 睇左第一集<電車男>, 都幾得意喎!

NE, GANBARUYO! --> 今日睇報紙話 UCHI 冇份參加 SUMMARY CONCERY, 小山尋日向歌迷道歉, 話令到大家夢想破滅, 會場仲要全部 UCHI 樣O既週邊都禁賣, 相信損失好大下!

返回


29/7/2005

今日冇落街呀, 有幾段時間上唔到網, 都唔知點解!! 今日睇左<TOKYO TOWER>, 終於俾我等到啦, 都幾好睇, 雖然覺得有D內容可以講更多, 但係都算唔錯, 小准同埋松潤都演得唔錯! 黑木曈又好靚!!

RAIN --> 尋晚開始落大雨, 心情都有少少唔知點咁添!

返回


30/7/2005

今日都係咁啦, 兩點幾家姐打俾我, 話有事件發生, 所以本來約 6:30, 但家下 OK, 所以我就立即換衫坐車出去喇! 不過開始落雨呢, 旺角好多人呢!! 先去左信和, 嘩! KINKI 隻 DVD 好大隻! 但又好貴, 都係睇定D先!! 之後行左去太子, 買左本雜誌, 再行返去信和, 家姐買左隻<ONE>O既初回, 要借我睇同埋聽呀!! 之後坐 MTR 去左尖沙咀唱K, 第二次去唱日文K呢, 本來諗住唔去架, 不過落雨又冇咩地方行, 所以就去唱啦, 唱到 SAKURA SAKE 啦, 不過 KINKI 新歌未有! 都係唱果D歌啦, 我仲唱左 NAGORI YUKI, 呵呵, 幾好喎又!! 之後唱到八點幾就走喇, 之後去左食肯德基, 又係食唔落個包, 所以聽日 LUNCH 有著落!! 返到屋企大約 11 點掛, 有少少累呢!!

大阪 RAINY BLUES --> 今日唱左呢首歌, 奇怪呢, 我竟然唱關八D歌!!

返回


31/7/2005

又到左七月最後一日, 唉, 呢個月都係冇咩改變, 咩回音都冇! 唉唉!! 今日冇落街呵, 落雨嘛!! 今日睇左<龍櫻>CH.4, <SHIAWASE NI NARITAI>CH.3, <電車男>CH.3, 睇黎真係日劇吸引我多好多呢!

YUMEDEIIKARA --> SHO 新碟O既 SOLO, 正!! 其實其它果D都正,一不過咁 ARM 我第一首就聽呢首, 因為個歌名好正!!

返回




我的拍賣 查看我的拍賣 inserted by FC2 system