背景音樂 : 街(MACHI)


歡迎睇我任何一日私日記!
(私日記。WATASHINO NIKKI!)
1999
2000
2001
2002
2003
2004
JAN
FEB
MAR
APR
MAY
1/6/2005
2/6/2005
3/6/2005
4/6/2005
5/6/2005
6/6/2005
7/6/2005
8/6/2005
9/6/2005
10/6/2005
11/6/2005
12/6/2005
13/6/2005
14/6/2005
15/6/2005
16/6/2005
17/6/2005
18/6/2005
19/6/2005
20/6/2005
21/6/2005
22/6/2005
23/6/2005
24/6/2005
25/6/2005
26/6/2005
27/6/2005
28/6/2005
29/6/2005
30/6/2005

1/6/2005

哈哈, 仲記得上個月 1 號, 好黑仔!! 不過今個月係個好開始!! 朝早冇咩特別, 今日早左少少出門口返學, 因為約左個賣家交收, 順利交收呵!! 不過佢用黎裝件貨個膠袋好鬼臭! 所以我返到課室就掉左! !

LUCKY MAN --> 前幾晚發夢, SHO 對住我一個人唱<LUCKY MAN>呀, 好正好好笑, 仲真係"WHEN I SAY LUCKY YOU SAY MAN!"!

返回


2/6/2005

今日冇落街, 冇咩特別添!! 平凡過左一日!! 尋晚開始個胃有少少痛, 唉, 剛命O既就係胃比較弱! 真係唔好唔信!! !!

THE BUBBLE --> 好聽呵, 雖然都係 ARASHI, 但係個 FEEL 好正!

返回


3/6/2005

今日冇去飲茶, 食左沙律後, 就坐車去深水"步"行左陣, 再去左行旺角, 買左少少野, 都係我媽咪收穫好多!! 行到五點令六點就坐車返屋企喇! 今日好累呢, 唔知點解呢, 或者天氣太熱啦!! 仲有呀, 好攪笑, 今日去郵局寄信, 個郵差叔叔竟然好大聲咁叫我個名, 睇黎我真係太多奇怪 SIZE O既信呢!!

好久不見 --> 呵呵, 我係講<私夢記>, 原來都三個幾月冇寫, 今日終於有喇!!

返回


4/6/2005

今日一早入左將軍澳飲茶, 再去左買 DVD 錄影機, 係呀, 之前果部報左銷左喇! 唔好講之前果部衰野喇!! 返到屋企玩左陣電腦, 夜晚煮米粉食! 點知洗完碗一出客廳, 好驚呀!! 竟然突然間有差唔多十隻飛蟻入左屋, 一輪戰鬥後, 我再嚇然見到窗出面起碼有一百隻喎, 所以立即關窗開冷氣, 再打俾亞媽, 因為我知道一定會落勁大雨, 叫佢冇咩就早D返!! 睇左殘酷一叮, 又有上年日文個同學! 不過的確唱得唔好!! 夜晚同亞 CAT 玩左一陣<明星三缺一ONLINE>, 今日輸左好多添, 明日再續!! 今日 LUCKY DAY 呀!! 因為去將軍澳飲茶, 竟坐到 244 號桌喎, 真係正!!

一思案 --> 有一句係"出生真的太好!!", 我都覺得! :P

返回


5/6/2005

今日冇落街呵, 因為想好好咁休息下(雖然日日都休息緊!), 睇左好多野, 同亞 CAT 傾左陣啦, 幫佢 BID 左野, 個賣家幾衰呀, 話兩日內要入錢, 住銀行架咩而家!! 不過算, 每個人都唔同!! 打左俾亞 CAT 講左佢知個戶口, 之後都係聽下歌, 上下網咁!!!

I WAS BORN TO LOVE YOU --> 少有地, TVB 播<PRIDE>, 攪到我想睇多次添!

返回


6/6/2005

今日去左飲茶, 之後行下街咁, 返到屋企, 打左陣<明星三缺一ONLINE>, 不過輸哂, 要聽日先有得再玩, 食完飯就同媽咪落街, 因為要去交收, 順便行下咁, 買左公文袋, 之後就返屋企喇, 用左爸爸個戶口打牌, 哎唷, 又嬴左好多喎, 激C人!!

明日 --> 少有地, 約左春天家姐聽晚, 唔知家姐會唔會唔記得呢?! 等我寫返呢個幾星期O既日記先!

返回


7/6/2005

今日都係幫亞 CAT BID 下野咁, 睇左前幾晚果集<MAGOMAGO 嵐>, 真係超攪笑!! 一來又再証明一次 NINO 真係唔洗做O既, 都幾少爺, 所以要佢打掃真係好"羅"佢命!! 另外我俾我個細仔O既一個反應嚇親!! 衰仔丫! 鏡頭面前就唔好咁啦!! 真係 ... (哈哈, 因為件事有少少 18 禁, 唔係咁方便講! :P)!! 之後六點出門口, 諗住早D去行下街先, 點知一上車春天家姐就打俾我話佢都係 ARMARM 上左車, 所以未夠七點就會合左, 行左一陣信和咋, 都冇咩野睇, 之後去左食肯德基, 好味呢, 但好熱氣!! 睇左春天家姐本日記喎, 佢近日好邪下喎, 都係唔好睇咁多 USO 啦!! 但遲D TSU 寄左黎又勁多 USO 睇喎, 呵呵!! 之後再東行下西行下咁, 行到十點到就去左食雪糕! 再行左陣就返屋企喇! 今日我買左件寫住 ARMY O既背心, 好靚架, 本來想送件俾春天家姐, 但佢話佢唔著迷彩喎, 呵呵!!! 夜晚寫日記時發現今日係我個表弟仔"細佬"O既生日, 祝佢乖乖地, 學業進步! 身體健康!! 另外寫寫下我先嚇然發現, 今日係亞敬生日! 祝生日快樂!

擔心 --> MON 呀 MON, 你乖乖地啦!! 唔好有事呵!

返回


8/6/2005

今日依然係咁啦, 冇咩特別, 夜晚返日文, DORA 終於返啦, 呵呵, 都係咁啦, 今當學果D野好多都係以前學過, 不過我又要溫返D"使役受身形", 真係有少少頭痛!! 但又好有用咁!! 之後返到屋企, 有媽咪煮O既愛心米粉, 好多火腿呵! 呵呵!! 之後都係咁, 發現 OC 有個人超級灌水, 所以就警告左佢, 唉, 冇意見喇! 有少少心淡!

JAM --> ARASHI, 呢首歌令我諗起 NOW TOUR 時O既 OPENING!

返回


9/6/2005

今日冇出到街, 睇左<ENGINE>8, 勁感動呀, 不過當我最感動想喊時, 咁 ARM 皇上行出廳, 咁唔好意思架嘛, 所以忍住!! 但係D小朋友真係好可愛, 果個叫"俊太"O既小朋友好可愛!! 真係幾好睇, 反而唔係咁鍾意岡本綾, 所以話一個角色真係好影響架, 對上果次佢演亞剛個老婆, 我又覺得 OK 喎, 但今次呢個角色, 真係個造型已經唔鍾意, 有一種拒人於千里之外O既感覺!!

擔心 --> MON 呀 MON, 你真係要乖乖地呀!! 千其千其唔好有事呵!

返回


10/6/2005

今日去左飲茶, 之後行左一陣, 都冇咩特別! 六點幾春天家姐打俾我, YEAH!! 原來大家姐尋日生左BB喇! YEAH!! 好開心呀!! 所以就諗住星期日去探大家姐同埋BB, 收左線之後我又諗下, 可能星期日出左院, 所以又打俾春天家姐, 最後約左聽晚! YEAH!! 好緊張呵!!!

KONNICHIHA AKACHAN --> 突然間好想唱呢首歌呀, 雖然只識唱一句!!

返回


11/6/2005

今日日頭都係上下網咁, 大約六點就出門口, 因為約左春天家姐一齊去探大家姐同埋BB, 買左最有用O既雞精! 呵呵, 會合左一個大家姐O既同事就去醫院喇! 一去到, 首先睇左好多相, 哈哈, 好可愛呀!! 囡囡呵!! 好可愛呵真係!! 真係好可愛, 除左呢句真係諗唔到其它形容詞!! 之後去左睇BB, 真係超級可愛, 收左水後, 都唔似"小丁"喇, 呵呵, 真係好可愛, 同大家姐一樣, 鍾意伸下"利"仔咁, 不過因為BB都係要訓覺, 所以只係見到佢對眼仔眨左幾下, 之後又訓過!! 真係實在太可愛啦, 手仔腳仔都郁下郁下咁, 咀仔好可愛, 其實真係好可愛!! 順便一講, 個同事問D野好奇怪, 冇理由會問D咁O既問題, 不過算啦, 萍水相逢!! 大約八點令就走了, 去左食許留山, 之後就坐巴士返屋企喇! 對鞋"刮"腳添, 不過諗起BB好可愛, 真係好可愛!!!

SMILY --> 見到BB真係只係識笑, 真係實在太可愛啦!! 好想快D同佢玩呀, 想摸下佢呀, 呵呵!

返回


12/6/2005

今日睇返之前錄左D電視節目, 再睇左幾集<世間奇妙物語 05 春季特別篇>, 真係幾好睇喎, 大家有機會睇下, 真係幾奇妙架, 仲好感動添!! 我發現我有好多野未睇添!! 同埋近排冇咩工 ARM, 唉, 因為唔夠D畢業生爭啦, 唉!!

10 YEARS --> 好聽呀, 呢首歌係今次 KINKI 新單曲裡面我最鍾意O既一首!!

返回


13/6/2005

今日去左飲茶, 再行左一陣, 今日著左件新衫 -- ARMY!! 之後都係咁, 冇咩特別! 睇返<HOME DRAMA>, 都依然係好感動!!!

Street Dreams --> ZEEBRA, 係睇手越弟弟套劇先識佢, 原來佢係 HIP HOP, 都幾正咁!!

返回


14/6/2005

今日兩點令落左去郵局, 同埋行左一陣, 又撞到樓上個姨姨, 好攪笑呢, 真係有緣架喇!! 之後返屋企沖完涼睇左<LAST PRESENT>, 頂唔順, 我唔係話難頂果隻, 而係真係實在太感動啦, 我一邊睇, 一邊喊, 喊到差D收唔到聲, 見到亞剛喊我仲喊先過佢, 內容又好感人, 雖然冇字幕, 好多"漫才"都唔係好明白, 不過真係好好睇, 希望快D出字幕版啦, 同埋 MIHO 做得好好呀, 原來佢專登唔食野, 整瘦自己黎扮病人, 唔怪之得佢瘦左咁多啦, 拍完 SP 快D食返野, 因為肥少少好睇好多呢!!!!!

我討厭你 --> 原來唔係得我覺得果位"佐藤珠緒"難頂(今次係真係好嘔心果隻難頂), 佢今年又被選為女性心中最討厭女星第一名, 其實我覺得扮可愛唔緊要(深田小姐都係扮可愛架, 不過人地冇佢咁小白), 最記得有一次睇節目, 佐藤小姐竟然O係條魚畫左樣"小新"好鍾意O既野, 真係嚇壞人呢, 常識都冇! 佢真係唔止小白, 大白添呀!

返回


15/6/2005

呢幾日個心都好痛, 真係痛果隻, 唔係講笑!! 我懷疑我胃酸倒流 ... !! 兩點幾收到電話話 TSU 寄俾我O既野到左, 但係要我自己去拎, 所以拎齊哂日文書就出左去拎, 嘩, 好大盒呢, 攪到我要去麥當當坐低拆左好耐, 先攪掂放左入兩個膠袋裡面, 之後順便食左個雙層芝士漢堡, 好味呢!! 之後就坐車返學, 其實都有少少重架D野, 不過冇所謂啦! 今堂都冇咩特別, 原來仲有三堂咋, 時間真係過得快, 意味住又要準備下 ORAL 同埋 EXAM !! 因為我仲要升班架, 唔會放棄架!! 放學同 DORA 傾左一陣, 佢真係好人架喇, 見我拎咁多野, 所以幫我拎把傘, 呵呵!! 之後坐巴士返屋企, 唉, 又遇著果個女人, 呢位女人呢, 好煩架, 次次都坐我隔離, 佢又好臭喎, 絕對唔係歧視呀, 係真係好臭! 仲要成日坐我隔離, 又望下望下咁, 記得有一次我鬧過佢架, 大家唔好以為CC唔禮貌呀, 因為果次佢差D嚇C我! 話說係坐坐下, 咁我聽緊 MP3 架嘛, 佢突然間摸我手臂喎, 大家係咪話好驚喇, 之後雖然發現佢係唔覺意掂到我, 不過果一刻我真係好驚呀, 大家都知我"雞婆"(台灣用語)架啦, 所以果次我就話:"睇清楚係咪自己隻手先摸啦!!", 雖然大家聽起黎好攪笑, 不過果一刻我係極度嚇親之下衝口而出O既!! 唔講佢喇都係!! 返到屋企沖完涼, 食埋野就拆野喇! 嘩! 好多亞剛呀!! YEAH!! 不過奇怪喇! TSU 話果個人收左佢 3.X KG 錢, 但係 HK 呢邊張單寫 2.4 KG, 上海間野食水咁深?? 雖然都好平, 但係冇理由差咁遠! 我絕對相信 TSU 架, 大家唔好誤會佢, 我直覺覺得係上海間野呃錢! 因為今次換左第二間野, 吾, 所以我立即 PM 左 TSU!! 聽日開始有大量 USO 睇, 不過的確有少少驚, 前晚唔記得左夜晚, 而睇左一集, 真係嚇親!!

BIRO-DO NO YAMI --> 今日係 21 張 SINGLE 首日發售, 一定又可以破健力士! 勁!

返回


16/6/2005

今日睇左<ENGINE>9, 其實都幾感動, 好想知道最後會點, 其實都估到少少!! 之後落左去買野, 再返黎沖完涼就一口氣睇左三集<USO>, 不過實在係太恐佈, 所以一入夜就唔再睇, 夜晚睇左尋晚果集<D NO 嵐>, 笑C我! 我個細仔真係可愛, 勁可愛, 佢D"實驗結果"好攪笑, SHO 同佢一齊做實驗又攪笑!! 呵呵, 睇得我好開心!! 睇返前排本雜誌, 有影到一隊四人韓國組合, 一睇就覺得好靚女! 再睇埋D字, 先知原來佢地四個都係變性人, 但真係好靚女喎, 聽講佢地四個仲係能歌善舞! 仲好似話會黎香港宣傳咁, 另外又睇到台灣有間整容店, 係專整翻版明星, 唉, 好心D人啦, 整容已經唔太好, 仲要整到自己同某D明星勁似咁, 真係冇左自己呢!!

SAIKAI-STORY --> DOUKOKARAKIKITAI, DOUKOHEIKUNDAROU, DAISETSUNA YASAIIHITO, KIMIDAKEGAINAI!

返回


17/6/2005

今日去左同樓上個姨姨飲茶, 之後返屋企喇, 後黎又睇 USO, 不過真係好恐佈, 所以一天黑就唔睇, 家下勁聽返歌沖淡下先, 如果唔係又發惡夢!! 夜晚用左太后部手機 SMS 俾春天家姐, 因為可以打到中文, 但原來九方輸入法對我黎講實在好難, 所以打打下都打返好多英文, 十點幾春天家姐打電話俾我, 傾到十二點幾呀, 因為好多野傾囉!! 最後約左聽晚, 希望有 ORICON 買啦, 因為要幫步步買, 自己都想買, 爭札緊買唔買新 SINGLE, 不過都係聽日先算!!

生日快樂 --> NINOMIYA KAZUNARI 生日快樂!!!

返回


18/6/2005

今日都係勁睇 USO, 五點幾就坐車出旺角, 不過因為等唔到車, 所以遲到添, 春天家姐真係對唔住喇! 買左 KINKI 21 張 SINGLE O既初回, 之後去左食麥當當, 家姐俾左本新日記簿我, 不過 ... 家姐話佢寫埋呢本唔再寫, 好決絕! 雖然家姐好少堅持一件事咁耐, 不過突然間咁講, 真係好少少突然, 同埋好 DOWN! 不過冇計啦, 唉!! 之後去左買雜誌, 7月號呢, 同埋幫左步步買 ORICON, 再去左新世紀睇雜誌, 睇睇下都十點幾, 所以返屋企, 覺得今日家姐好似有少少唔同咁, 或者佢太累啦, 又或者我太煩啦, 呵呵!! 又整好D野放上去拍賣! 好累呢!!

妒忌 --> (其實係羨慕先 ARM)同小兔傾左一陣 MSN, 嘩! 真係好, 唉, 我都想知多D情報, 不過算啦, 呢D整定!

返回


19/6/2005

今日大約兩點幾入左將軍澳, 本來諗住去果間"天使"買洗臉野, 不過果間冇得賣, 唯有下次去旺角買啦! 之後行左一陣, 買左野食呀, 同埋一張有熊貓O既貼紙!! 六點未夠返到屋企, 之後睇左兩集 USO, 一天黑就停止喇, 費事自己嚇自己!!

THE BUBBLE --> 原來有一種零食好得意架, 好似吹肥皂泡咁, 但係D泡泡食得架, 真係想食下!!

返回


20/6/2005

今日起身, 突然唔想落街, 所以就自己煮米粉食, 佢地就去飲茶!! 唔知點解今日好似好累咁, 所以都冇咩特別野, 睇下<USO>, 手又痛, 最重要係心口痛, 真係可能唔講得笑!!!

生日快樂 --> 今日係大家姐生日呀, 今年好特別吧!! 多左個囡囡陪住!! 你要幸福呵!!

返回


21/6/2005

今日都係冇落街, 又冇咩特別咁, 有一種有心無力O既感覺!! 都幾危險呢!! 都係睇<USO>, 都唔知點解成日要我細仔一個人留低D咁危險O既地方!! 好彩家下呢個節目做完咋, 咁都安全D!!

煩 --> 好煩呀, "愛嵐"D人好煩呀, 只係好自私咁叫你 SEND 咩 SEND 咩! 你話丫, 得寸進尺, 睬佢地都傻!

返回


22/6/2005

今日睇報紙, YEAH!! 亞剛會拍一套同迪士尼合作O既劇! 8月會播, 仲有可能會全世界播添, 係就太好喇!! 另外睇到報紙話 SAMMI 自殺呀咁, 唉, 真係好想D傳媒可以俾 SAMMI 靜下!! 望都望人好架啦, 邊會咁咒人架!! 夜晚返日文, 唔經唔覺尾三堂喇!! 今晚 DORA 比平時早喎, 我都有少少嚇親呢!! 教果D野似簡單, 其實又好難咁, 但又好自然識用喎!! 最後講到下星期會話俾我地知 ORAL 係咩 GROUP, 7月6日考 ORAL 喇! 其實有少少緊張, 但又覺得好難唔合格喎! 同埋今日我又再一次証明自己D記性都唔錯架, 因為講到"GARU"呢個用法, 我就記得以前有講過, 之後搵左一輪, YEAH!! 俾我搵返果陣D NOTES, 勁就勁在未搵到之前我都記得當時個例子係講咩!! DORA 都不禁講左一句: 証明你個腦冇事呢!! 今晚早左放學, 返到屋企沖完涼食完野後, 就開始上網喇!! 收到春天家姐個 ICQ, 唔知仲咩個 126 郵箱俾人 LOCK 左, 不過算啦, 冇計啦, 由佢啦!!!

街(MACHI) --> 哈哈, 我前幾日先知, 街(MACHI) 同埋 道(MICHI) O既分別! 因為一直以為係一樣, 原來日文好唔同, MACHI 係城市呢!!

返回


23/6/2005

今日去左飲茶, 之後行左一陣, 落好大雨呢!! 返到屋企睇下<USO>咁啦, 一樣都係一入黑就停止唔睇!! 夜晚睇左尋晚O既<D NO ARASHI>, 俾 TOM SAN 減左 8 個 NINOMIYA, 其實都幾陰公, 好彩唔係"天才與紙一重"咋, 真係好彩!! 希望下星期可以達到十個 NINOMIYA 啦! 不過睇左今集, 終於知道珍珠奶茶D"珍珠"點整!!

Metamorphoze --> GACKT 好型!! 亞 CAT 話佢O係個 PV 係扮果個主角, 但真係好型!!

返回


24/6/2005

今日冇落街, 天文台發出本年度第一個紅色暴雨!! 都係睇下<USO>咁, 好好笑, 教人整人工三文魚子, 又真係幾似喎!!!

ORIGINAL COLOR --> 百聽不厭!!

返回


25/6/2005

今日冇落街呵, 打下 GAME, 上下網咁!! 睇埋前幾晚O既<ER>!! 食晚飯前個 BOX 個 SPEED 突然好快, 所以就趕快啦, 不過食完飯一睇又慢左, 有少少心淡!! 不過冇計啦!! 夜晚春天家姐突然間打俾我, 哎唷, 原來我唔記得左今晚"愛嵐"踩樓活動呀, 已經太遲啦, 春天家姐勁啦, 又踩到 617, 上次就踩到 OHNO, 真係可遇不可求! 換左分做高速 ... , 吾, 雖然我唔介意, 不過亦希望下次講一聲先! 我唔會反對架嘛, 不過想講聲先!! 傾左個幾鐘, 之後我就上下網咁!!

RIGHT BACK TO YOU --> 個 FEEL 真係好正, 吾, 不過唔講太多, 怕俾人誤會!!

返回


26/6/2005

今日都冇落街呵, 尋晚睇<MAGOMAGO ARASHI>, JUN 第一次做 MAGO, 不過都幾慘喎, 個道場 15 年完全冇打掃過! 不過都算係咁, 我估計如果俾 NINO 真係會仲激!! 果個 OJIICHAN 好攪笑, 話記得 SATOSHI 個名, 點知立即拎張紙出黎, 原來話張紙寫左 SATOSHI 個名, 真係唔知好嬲定好笑!! 今日終於睇埋最後果幾隻<USO>喇, 一個字: 驚!! 都好陰公架, 被迫去果D地方, 好彩家下冇咩事咋!!!

KEEP A PEAK --> 唔知我人生O既高峰會係幾時?! 又 KEEP 唔 KEEP 到?! 係一個 ... 謎 ...!

返回


27/6/2005

今日去左飲茶, 不過正想出門口時又落雨, 所以就帶左把傘, 之後去左買薯片食, 唔知點解隻手同背有少少痛, 唔通訓得唔好?! 我指個質素而唔係時間!! 之後冇咩機會掂部電腦, 因為皇上要打<明星三缺一ONLINE>, 係幾好玩O既, 到左夜晚我先有得玩, 又係整下呢樣整下果樣咁, 卡樂B個網有個蝦 GAME 幾好玩架都!! 佢果D分可以換禮品, 不過我情願俾我換包薯片好過, 起碼食得嘛, 佢家下換果一個野, 都唔好玩O既, 係似包蝦條咁, 但係會有笑聲同會郁下郁下咁, 仲要 4 萬分先換到, 不如可以換野食好過, 實際幾多!! 夜晚我都有玩<明星三缺一ONLINE>, 仲要唔知點解噤錯左去一局要 4 番起, 嚇得我丫, 不過我發現又 OK 喎, 羸左少少啦, 唔洗咁慘!! BTW, 今日好乖, 做左功課! YEAH!! 呀, 唔記得左講一個奇遇, 係飲飲下茶, 又見到 KAZU O係身邊行過, 所以就"督"左佢一野, 點知好攪笑, 佢只係望一望被"督"O既位就走左, 所以我就即刻打電話俾佢, 原來佢話以為唔知邊個食野食到對筷子咁高"督"親佢, 俾佢激C, 明明係用手指"督"佢架嘛!!

RIGHT BAKE TO YOU --> 唔知點解, 真係好鍾意呢首歌!!

返回


28/6/2005

今日冇出到街, 亦冇落到雨, 不過想O係屋企週圍攪下咁, 所以上下網呀, 通屋咷下行下咁!! 學識左 BOX O既一個新 FUNCTION, 不過對住全個韓文網站, 有少少頭痛!! 我今日突然間發現, 原來我接受唔到一D冇系統O既野, 例如: OC 個 BOX 咁, 好彩我一早分哂類, 如果唔係真係頭都痛, 同埋我唼受唔到一D未話我知之前而去做O既一D野, 例如: 前幾晚O既"換分"事件, 不過唔同人唔同觀點, 又唔可以要大家跟我呢套O既, 只係好似 OC 個 BOX 咁, 唔知咩人去換左高速我都唔知, (家姐起碼噤完後即刻話我知嘛), 最慘係 OC 果個公用O既, 根本冇得追查!! 我呢D性格我懷疑係星座?! 血型有關, 睇過一個節目講血型, 有一種血型O既人係咁架, 銀包D錢一定要排好, 其它野一定要放好, 但唔記得左係咩血型添, 不過估計我就係果種人吧!!

身體健康 --> 真係好重要, 吾, 希望大家都健健康康, 平平安安啦!!

返回


29/6/2005

今日發現果套咩 ... 數碼子?? 卡通版幾攪笑! 雖然係嘈左少少, 不過我好鍾意果D卡通會突然間變細粒, 好可愛果D樣!! 五點幾出門口, 去完郵局就坐車返學!! 今日可以講係最後一堂, 因為下一堂考 ORAL, 之後 7 月 17 日考 FINAL, 咁就再等果再升班咁!! 時間過得好快下呢, 不過我呢一年都係冇變, 唉 ...!! 同 DORA 傾下計咁, 仲改左 ORAL 時間, 諗住下星期考完一齊去旺角食飯!! 放學落大雨呢, 好彩我有帶傘咋, 真係唔講得笑, 就算明知唔會落都帶定好D!! 遲左放學, 因為 SENSEI 唔記得左講 ORAL D野, 所以攪到咁夜, 坐遲左一班車, 差唔多十一點先返到屋企, 沖埋涼食埋野, 都十一點半有多!! 家下D頭髮仲好濕呢!!

SUKI NA HITO --> KIRORO, 呀, 綾乃有左BB, 真係好, 見到佢就開心, BB一定好開心, 因為綾乃本身成日都笑, 不過希望唔好好似綾乃咁天然啦!!

返回


30/6/2005

今日去左飲茶, 因為聽日紅假冇得飲, 落大雨呢, 之後行左一陣, 我對波鞋又甩甩地, 所以今日冇著, 又要再整下佢先得!! 之後睇返尋晚O既<ER>, 不過點解D醫生越黎越唔掂?! 冇以前果D咁好睇添!! 夜晚玩左一陣<明星三缺一ONLINE>, 因為今晚同聽晚都有特別活動, 不過呃人O既, 輸左好多 I 幣添!!!

KIMIDAKE WO OMOTTEIRU --> "只係諗住你", 呵呵, 當然係堂本先生啦!!

返回




我的拍賣 查看我的拍賣 inserted by FC2 system