背景音樂 : 街(MACHI)
(私日記。WATASHINO NIKKI!) |
1/3/2005 |
今日冇落街, 好凍左!! 做下功課咁, 冇咩特別!! 今日好攪笑, 無 LALA AIBA 做左我個細仔, HAHAHA!!
好乖呢!! 雖然今日無意中睇到張好令我心痛O既相!! |
2/3/2005 |
今日上下網咁啦, 返學前無 LALA 洗頭喎, 我覺得自己有少少攪笑!! 遲左少少出門口, 因為要睇 YASASHII JIKAN,
好感動呵, MASTER 終於懷疑 拓 CHAN O既附近, 好感動呵, 拓 CHAN!! GANBATTE!!! 夜晚返學!! 坐車返學時,
前面有一個我估計兩歲令O既小妹妹好可愛呵, 無 LALA 望住我喎, 咁我就同佢笑啦, 之後佢又勁笑, 仲同我 HI 喎,
我又同返佢 HI 啦, 之後仲勁俾飛吻我添呀, 真係好得意呢!! 今堂派返上堂份卷, YEAH !! 我有 154/190 分,
而 LISTENING 就有 81/100, 都唔錯吧!! YEAH!! 不過錯果D好多都係唔小心咁錯! 真係唔抵!! 坐車返屋企,
落左車時, 變左哥斯拉喎!! 因為凍到口吐白煙!! |
3/3/2005 |
今日凍凍地, 攪到對眼好乾, 所以成日都好眼訓咁!! 今日冇咩特別!! |
4/3/2005 |
今日去左飲茶, 之後都係冇咩特別咁, 好凍!! 錄影機先生壞左!!! |
5/3/2005 |
今日冇咩特別丫!! 睇左一集<不良少年重返校園>, 好感人呀真係!! 仲有一集結局!! 究竟, 會點呢??!
之後三點幾出門口, 約左春天家姐四點, 不過我又遲到, 呢排都唔知仲咩成日都遲到, 真係唔好意思!! 之後行左一陣,
再去食吉野家! YEAH!! 再行下咁, 再去麥當勞食雪糕!! 嘩! 果杯朱古力新地真係講你都唔信呀, 好似D朱古力唔洗錢咁,
好甜!! 再行多陣就返屋企 LU, 不過唔記得左 KINKIRA !! |
6/3/2005 |
今日去左將軍澳, 好正咁買到好平O既 DVD 錄影機, 仲有好多野送!! 夜晚都係睇下野咁,
因為實在太多野未睇, 部機就黎冇位!!! |
7/3/2005 |
去左飲茶, 之後行左一陣買下日用品咁!! 睇左好多 ARASHI 呢, 因為部機就黎冇位! 睇左一個係講三對幼稚園情侶,
真係人細鬼大, 嚇親添!! |
8/3/2005 |
今日本來唔想落街架, 不過約左交收, 順便咪去埋郵局, 再之後買埋野飲聽晚返學!! 今日睇左 ARASHI O既<新鮮組>,
係我個細仔同埋 SHO O既"罰 GAME", 睇完之後好心痛呢, 因為細仔要三連發, 真係嘔都嘔C, SHO 就要去潛水採鮑魚,
見到佢都好慘呢, 斷斷續續O係個海度 9 個鐘, 中途想放棄, 不過佢冇放棄, 值得學習!! 慶大生果然唔同D!!
最慘係, 佢地兩個冇份食! 真陰公! 邊個叫你地兩個做唔到四個月前定下O既目標丫! 哈哈, 下次定個簡單D架呢!!
知嘛!!! |
9/3/2005 |
今日返學前睇<極道鮮師 2>, 不過好似 1 好睇好多, 今次D學生好怪呢!! 之後坐車返學啦, DORA 好攪笑,
佢話頭先四點幾先記起佢今晚要 PRESENT !! 之後放學返屋企, 都冇咩特別! 不過尋晚個夢好得人驚, 見到春天家姐喎,
佢講左一返話令我覺得好驚, 呢度唔寫係咩夢, 不過同春天家姐果本交換日記一定寫, HAHA!! |
10/3/2005 |
今日都係咁啦, 但好似發現自己肥左少少咁, 呵呵!! 睇左 YASASHII JIKAN 7, 好感動!! 亞梓真係有少少多事,
拓CHAN 要努力呵!! 下集會更好!! 聽日去寄信, 希望今次有回音!! MOUICHIDOU YATTEMITAI!!! |
11/3/2005 |
今日寄左封信, 之後去左飲茶, 再去左行一陣, 返左屋企後又落左去, 因為要交收, 落微微雨添!!
夜晚開始睇返<女教父>, JUN 果套, 真係正好多喎, 同埋好睇過家下果套好多, 因為兩套都好似, 都係講果D野!! 唔知一陣會唔會夢見 JUN 呢?! |
12/3/2005 |
今日冇落街呵, 睇下<女教父>咁啦, 再一次失敗於整銅鑼燒O既手上! 唉 ... !! 突然間有少少怨自己唔識會計添,
當年讀好D咪好囉, 呵呵, 因為聽聞有間公司請會計!! 不過冇計啦, 會考會計得個 E 咋, 家下就唔洗講, 完全忘記!!
夜晚寫交換日記, 哈哈!! NINO 話日日寫日記會防止老人痴呆!! 唔知係咪架呢?! 不過本交換日記今天用完!!
春天家姐會唔會唔記得買呢?! |
13/3/2005 |
今日都冇出到街街呵, 好凍呢, 得十度咋, 好凍, 真係好凍!! 冇咩特別~ 係凍到有少少眼訓!!
電視又冇咩好睇, 都係睇<女教父>咋, 睇ING SP!! 講開 SP, 亞剛套 SP 拍完 LU,
又會咁快同埋咁秘密O既?! 好期待呢!! |
14/3/2005 |
今日終於都出街呀, 其實只係屋企樓下咋, 飲下茶, 買下野咁, 買左料整銅鑼燒, 希望今次成功啦!! 失敗左兩次呢,
我一度懷疑自己冇煮食天份(笑)!! 夜晚整 DVD 呀, 因為將表弟同表妹們細個果陣拍果D VIDEO 錄做 DVD,
的確係幾花時間, 不過睇返的確係好得意! 今日係白色情人節呢! ^v^ |
15/3/2005 |
今日學到整 PANCAKE 喇! 仲整左個唔係好同樣O既銅鑼燒, 好味!! 我諗緊係咪用蛋糕片會好D呢?! 吾, 研究下先!!
冇咩特別!! 夜晚七點令春天家姐打俾我呵, 有少少出奇, 原來佢見到亞剛 ... 去年個學年曆減價, 所以問我要唔要,
哈哈, 要呀要呀!! 仲預備星期六去街街!!! |
16/3/2005 |
今日落左去行左一陣, 我今日先知原來郵局有一個磅俾人自己量下要幾多郵費架喎, 我真係今日先知咋, 會唔會遲左少少?!
夜晚又係連唔到個電台, 吾, 應該話係同另一個台 JAM 左, 係就係聽到光一把聲, 不過就咩內容都聽唔到, 仲衰過連唔上!
激C我!! 可唔可以唔好再蝦我O者!! 呀, 順便一提我今晚唔洗返日文, 因為校慶喎!! 講開校慶 ... 我今日先醒起上星期六係母校O既校慶,
先頭仲諗住返去睇下添, 家下我D記性真係"好"呀!!! |
17/3/2005 |
今日都有落到去郵局呢, 之後去左飲茶同埋買野, 返到屋企仲睇左一集好好笑O既<哈姆太郎>呢!! 夜晚仲冇 LALA 自己整紅豆湯丸食,
OISHII !! 今日熱左好多好多~~ |
18/3/2005 |
今日都有落到去郵局呢, (汗, 好似呢排成日去咁!!), 之後去左超級市場買野!!~ |
19/3/2005 |
今日見到電視播 KINKI O既歌, 有少少突然!! 之後出左去旺角, 又係勁行, 大豐收呢, 因為信和果間野唔知仲咩半價喎,
春天家姐買左好多 ARASHI, 我又買左少少 KINKI !! 之後買埋四月號就去左食吉野家, 原來 PS2 出左個吉野家 GAME 喎,
好似好得意咁, 好想玩添!! 之後去左信和果間野大掃貨!! 再之後去左太子果間麥當當, 發現計錯左錢添, 有一樣野冇計半價,
唉!! 之後傾左一陣就返屋企 LU!! 又放彩頁上去拍賣, 希望今個月會有好收穫啦!! 春天家姐送左幾張咭仔我呵,
5 張 SHO, 但係得一張亞仔仔喎!! BTW, 今日俾我估中, 家姐冇整日記, 所以去買左兩本新O既, 我拎自己果本返去先,
春天家姐話等佢返去 PRINT 果張封面, 吾~~~ 係咪架!! |
20/3/2005 |
今日同屋企人又出左旺角, 黃金呀咁, 買到 CRANBERRIES O既一個 CONCERT, 正!! 不過最衰得一隻, 都冇我想搵果兩隻!
之後行呀行呀, 有去信和, 不過果間野冇新貨呢, 咁梗係啦, 尋日先去完掃貨, 人地清貨嘛, 邊有咁快有新野丫!
之後返屋企喇, 都冇咩特別呢, 不過呢兩日都係唔知點咁, 怪怪咁 ...!! |
21/3/2005 |
今日例牌飲茶日!! 之後又去左超級市場!! 好緊張, 因為聽日去拎成績, 唔知點呢!! |
22/3/2005 |
今朝唔洗鬧鍾就起左身, 不過落大雨喎!! 本來諗住坐巴士去中環拎成績O既, 不過一睇, 原來至到兩點, 如果過左兩點要三點半先有得拎,
所以就拿拿聲去坐 MTR, 仲好攪笑咁出錯左個出口, 又要走返落個 MTR 站度再出過個出口! 之後拎完!! 啦啦啦~~
合格!! 仲考得幾好添, YEAH!! 之後就去左坐叮叮, 我煩惱緊應該坐邊架叮叮時, 就有架鑼銅灣叮叮喇, 所以就衝左上車,
不過又衰, 竟然塞叮叮喎!! 好彩, 冇遲到, 早過亞 NUT 少少啦!! 之後我地去左食吉野家, 再去行十蚊店呀咁,
再行左去灣仔睇二手 CD, YEAH!! 買到隻 SINGLE, YEAH YEAH!! 之後又行返去銅鑼灣 CITY SUPER, 都冇黃色帽帽賣O既!
之後就坐 MTR 返屋企喇, 夜晚食 PIZZA, YEAH!!! |
23/3/2005 |
今日冇咩特別!! 夜晚返日文, 果然放左一星期假就唔係好記得上次學左咩喇!! 哈哈!! 我懷疑 SENSEI 唔記得左要 PRESENT !!
放學時仲攪笑, 唔知仲咩我行去巴士站時, 又會行左去隔離條線, 仲差D上錯車!! 你話攪唔攪笑丫!! 好彩冇上錯咋!!! |
24/3/2005 |
今日食 LUNCH 時先知聽日開始復活節假期喎!! 冇落街, 無 LALA 走左去執書櫃, 而家將書櫃D雜誌放左去衣櫃,
原來我真係好多雜誌呢, 順便撕埋D賣得O既出黎, 好多!! 執到凌晨一點幾, 再上多陣網就訓喇!!! |
25/3/2005 |
今日本來約春天家姐去街街, 但係又唔舒服, 所以改聽日, 契媽又突然間黎喎, 所以去左接佢再行左一陣,
夜晚就將尋日拎出黎O既雜誌頁分類再放上去拍賣, 希望好生意啦, 幫補下都好嘛!!! |
26/3/2005 |
今日同春天家姐去街街, 冇買到野呵, 因為睇唔 ARM, 家姐買左幾本會報俾我放上去拍賣, 希望好生意!!
今日講過好多攪笑野, 例如睇左咩文章咁啦, 去完旺角, 再過左去銅鑼灣, 家姐好野, 買到 ARASHI D二手 CD,
YEAH!! 就齊喇!! YEAH!! 之後十點幾就坐車返屋企 LU!!! |
27/3/2005 |
星期日, 冇出街, 冇咩特別, 夜晚做金像獎, 鈴木杏黎左香港喎原來, 不過唔知點解覺得佢冇以前咁好樣咁!! |
28/3/2005 |
今日都冇去街, 同契媽傾左陣電話, 先醒起我好耐冇 CHECK 過自己個 EMAIL, 所以就去 CHECK, 汗呀,
又有成十日冇回 CATCAT EMAIL 添!! 唔好意思呢!! 呢排D記性真係"進步"左!! 睇左 YASASHII JIKAN 10,
嗚嗚嗚, 好感動呵, 拓 CHAN, GANBATTE!! 不過其實 拓 CHAN 呀, 紋身係可以整甩架, 唔洗用呢個方法, 睇到我心都痛埋!!
夜晚跟春天家姐學左點整字幕, 都幾好玩, 不過就做O既過程有少少複雜咁, 不過學多樣野都唔錯!! |
29/3/2005 |
今日去左飲茶, 之後行左一陣, 返屋企上下網咁, 今日熱左少少, 但係又突然好涼喎, 都唔知天氣想點!!
之後大約六點個賣家打黎, 之後我同亞爸就出門口去交收, 交收順利!! 返到黎食飯, 之後沖涼睇下電視咁,
好彩我心血來潮聽多陣 DONNAMONYA 咋, 原來今晚比平時遲左成半個鐘先開始, 不過依然係冇 TSUYO!! 整左個新O既拍賣"自我介紹"O既 LOGO,
睇黎我都要學多幾種軟件, 會有用O既!! |
30/3/2005 |
今日一口氣睇左 UTABAN 總集, SMAP X SMAP, HEYHEYHEY 2時間 SP, 幾勁!! 之後返學! 有少少落雨!! 今日 DORA 冇返呵,
因為佢話聽日要交功課!! 放學回家, 冇咩特別!! 春天家姐突然上網, 約我聽日, YEAH!! 好呵!! 聽日見啦!! |
31/3/2005 |
今日本來諗住去飲茶, 但之後又冇去, 食通心粉!! 之後大約 3 點幾就出門口去郵局, 之後坐車去旺角,
約左春天家姐嘛, 呵呵!! 去完交收就去左銀行, 再去左行左一陣, 再去左食吉野家, 之後行下咁啦, HEEEEE,
多謝春天家姐呵, 送左把 小剛扇 俾我呢, 好靚呵!! 之後就去左麥當當食雪糕, 再之後行左陣, 就返屋企喇!! |