今日 12 點幾時拎返個 HD 俾 DORA, 之後返屋企食野, 過左一陣就去左將軍澳, 行到六點幾就返屋企, 之後睇下日劇同埋其它野咁, 不過, 突然發現一件大件事, 因為我突然間發現唔見左拍賣Ｄ記錄, 嗚嗚, 99.9% 係夾埋O係今朝件貨物寄埋出去, 唉, 點會咁架!! 但又真係搵哂全間屋都唔見, 唉, ... 我呢Ｄ 244 本命, 遇上 51 (5月1日), 真係唔好唔信!! 真係黑!! 平時會 CHECK 幾次先 PACK, 但今日冇 CHECK 就 PACK, 唔制呀, 點會咁架!! 唉, 好灰!! 點算好?!

LOVE XXXX --> 亞剛填詞架!! 我要同王子講: 唔好以為嚇到我!! 我始終都係鍾意亞剛, 嘿嘿!! 王子的詛咒, 我唔驚!! (雖然你O既詛咒令到我今日咁大頭蝦寄埋張野, 不過我唔驚你架!!)!

今日去左行 AMP , 行得勁辛苦!! 去一次就夠, 絕對唔會去第二次!! 之後竟然俾我搵到一隻 SINGLE, 所以就買左佢, 因為要幫 TSU 買!! YEAH!! 夜晚都仲係好熱!! 好想開冷氣!!!

KOKOROHA ITSUDEMO 17 SAI --> 個心永遠都 17 歲, 吾吾~!

今日去左飲茶, 之後行左一陣!! 之後安返隻眼仔, 不過唔知點解 MSN 用唔到隻眼仔, 要再諗下有咩方法先!! 伐日做左功課, 亦練習左一次聽晚個 PRESENTATION, 不過係有少少緊張!! 希望聽晚快Ｄ到啦, 因為完成個 PRESENTATION, 可以安心做埋其它Ｄ功課!! 其實有少少想睇果套 ANEGO 架, 不過, 有山口XXX, 我真係唔想睇!! 所以都係唔睇喇! 友板里惠真係唔好意思, 因為咁, 所以我睇唔到你O既演出呢!!

生涯, NANIGAATTEMO AISURUHITOHE --> 第一次聽 NINO 呢首 SOLO, 好正呢!! 無論發生咩事, 給愛著的你!

今日天氣好熱!! 夜晚返學, 今日係我 PRESENTATION O既大日子, 好彩順利完成, 雖然都講到有少少唔太順, 不過完成就夠!! 其它都冇咩特別!!!

假面 --> TAKKI & TSUBASA 新歌, 都係我個大仔正Ｄ, TAKKI 開始變變地樣咁!! 呵呵!

今日冇出街, 個 MSN 依然係用唔到個 CAM, 反而經過表弟仔一提醒之下, 用 NET MEETING 又用到, 但係點解 MSN 用唔到架呢?! 我真係好想解決呢個問題!! 但係傾語音又只限兩個人(MSN), 有冇得可以多人一齊傾架?! 今日係日本O既兒童節, 當年就係呢日兩位堂本先生第一次見面O既日子!! 今日收到 51 寄錯俾人果份野!! 真係麻煩哂個買家, 真係好好人!!

BEEF STEW --> 焞牛肉~ 呵呵!! 雖然個歌名有少少攪笑, 不過Ｄ歌詞幾正!

今日飲茶! 再行左一陣!! 返到屋企好乖咁幫春天家姐準備 NewS O既 VCD, 我仲睇左少少添, 一陣睇埋佢先!! 睇左幾集＜小鬼帝國＞, Ｄ小朋友真係好可愛!! 今日升級左個 MSN, 咦, 咁怪O既, 又用到個 CAM 喎!! YEAH!! 又會 6.2 用唔到, 但 7.0 又用到, 真係怪!!

未來航海 --> TAKKI & TSUBASA, 亞仔越唱越好!! 不過天然還是天然!!

今日同表妹仔地傾視像, 真係年中慳唔少長途!! 食完 LUNCH 再坐左一陣就出門口了! 第一站行信和, 之後又行下咁, 約左步步俾少少野佢, 真係麻煩哂, 謝謝!! 之後行去太子, 又行左去尖沙咀, 因為想去睇下果間 DOREMI 卡拉 OK 幾多錢, 問左又 OK 喎, 所以就去左唱 K, YEAH!! 全部唱哂日文歌, 我地當然勁唱 ARASHI 啦, 有唱 KINKI, 仲唱左好多我想唱O既歌, 例如: 除你以外誰也不愛, FANTASTIPO, DAISUKI DAYO, HANAMIZUKI, 大家 ... 等等, 真係好開心呀, 仲有 GACKT 啦, GACKT 果Ｄ仲係真人 PV 添, YEAH!! 唱左三個鐘, $62, 都 OK, 幾個月去一次先, 因為等佢多Ｄ新歌先再去!! 之後去左食肯德基! 傾左好多野喎, 有擔心O既(TSU事件), 有攪笑O既野, 亦有一Ｄ有關 ARASHI O既有趣提問, 吾, 如果選其中一個陪自己一日, 春天家姐會選我個細仔, 如果係我, 我就要睇下當時咩心情, 如果係冇唔開心, 就一定係我個細仔, 但如果係唔太開心O既心情, 一定會選 SHO, 然後同佢講: NANIMO IWANAIDE, DAITETE!! 之後十點幾就坐車返屋企, 有少少累呢!! 其實今日係同春天家姐提前慶生, 但好似同平時冇咩唔同咁, 我又冇禮物買俾佢, 呵呵, 等我再留意下先!!

過份 --> BALENO 好過份呢, 尋日先去買完話可以買一送二, 連鞋都係, 今日就唔係喇, 仲諗住同家姐一齊買鞋架嘛, 咁過份架!!!

今日係"媽媽節", 所以食完 LUNCH 就去左將軍澳行下, 都唔錯, 人雖然有少少多, 不過都買左少少頭飾同埋背心, 仲好正咁俾我無意中見到一 SET ＜GO! 大暴走＞O既電話咭, 所以就打俾春天家姐問下佢要唔要, 佢話要, 所以就去買左喇!! 唔知張電話咭過左期未呢?! 如果未又幾抵喎, 又有得傾電話, 又可以有窪塚!! 行完就返屋企喇! 冇咩特別!!

真的愛你 --> 哈哈, 媽媽節梗係要老土少少寫呢首歌啦!!

今日去左飲茶, 之後行左陣咁, 不過今日落好大雨呢!! 其它都冇咩特別! 睇左少少＜翼魂＞, 大仔, 你係得喎, 連東山前輩都去睇你!! 嘻嘻, 努力呀!!

ROMANTIC --> ＜翼魂＞個 FEEL 真係幾正, 最衰冇公開發售 DVD, 唉!!

今日都係落雨! 不過我冇落街呵, 睇＜金田一＞, 嘻嘻!! 夜晚同親愛O既表仔傾左一陣電話!! 冇咩特別 LU!

DAISUKO DAYO --> 金田一!! YEAH YEAH!!!

今日冇咩特別事呵, 只係睇下野, 夜晚返學, SENSEI 好攪笑, 佢話睇到我份功課作果句野, 諗左一諗係咪話佢對我唔夠親切, 之後我連忙要講只係作句, 唔係認真咁講!! 之後冇咩特別咁, 不過失眠!!

LOVE SO PURE --> YEAH!! 愛永遠都係純真O既, YEAH YEAH!

今朝四點幾先訓著, 點知八點幾又醒左, 所以睇前兩晚O既＜開心大發現＞, 點知俾佢悶到又訓返!! 冇出街呵, 不過今日勁多電話打黎, 好煩呀, 一時又推廣一時又問卷咁, 我屋企個電話係唔係咁旺成日抽中呀, 最誇張O既係, 某間超速寬頻, 仲要連續同一個人打兩次黎, 真係佩服!!

傷 --> 今日睇到個傳聞, 雖然只係傳聞, 不過原來我真係接受唔到呢Ｄ傳聞, 雖然真係想小剛幸福!!

今日去左飲茶再行左一陣, 冇咩特別事, 不過值得一提O既係今日係黑色星期五, 好彩冇咩事發生!! 夜晚睇返三月尾播2困集 ＜世代密林＞SP, TOP 10, 有一集係講生命! 訪問左一個患左肺癌, 只剩返兩年命O既人, 真係好感動, 我覺得真係要當人O既生命剩返唔多時間時, 會覺得, 原來能夠醒, 能夠食, 已經好幸福! 因為意味住自己生存緊! 所以又開始唔係好明白自殺O既人, 原來一個人擁有生命/健康, 真係唔係必然, 聽日係點, 大家都唔知道, 所以真係要珍惜一切! 同埋要珍惜自己!!

平凡最浪漫 --> 細看之下, 原來身邊擁有一切係咁美麗!!

今日突然間諗起, 所以 SEND 左個 SMS 俾春天家姐祝佢生日快樂! 之後家姐打俾我問我今晚得唔得閒, 所以就話夜Ｄ出黎喇! 咁我就好似平日咁食飯/上網/睇＜金田一＞, 之後大約六點幾收到春天家姐電話, 就出門口喇, 今日目的地係銅鑼灣, 不過坐 MTR 時, 三連發! 首先係一上車, 企我隔離果個男人成身酒味再加上佢有異常O既動作, 所以我就立即走左去第二個車卡, 點知二連發, 突然間企我左邊個男人撞到好耐冇見O既朋友, 就好大聲咁叫佢個朋友, 嚇到我丫, 往後幾個站都係左右立體聲!! 之後轉車, 搵左個位坐低, 點知三連發! 坐我左邊果位先生勁咳, 係好"自由"咁咳, 真係唔得佢Ｃ!! 所以, 唉, 三連發!! 會合左家姐之後, 首先去左麥當勞食開心樂園餐, 因為有隻熊貓! YEAH!! 之後去左 CITY SUPER, 因為買 PINO 食! 好味呀, 哈哈!! 再之後去左行十蚊店, 買左個迷你劍球同埋熊貓毛毛面具, 好可愛架!! 之後再行左一陣, 咁就坐巴士返屋企喇!!!

今天你生日 --> 除左要祝春天家姐生日快樂之外, 仲要祝 DORA、貓豬同埋 V.LEK 生日快樂!!

今日冇出街, 亦冇咩特別, 不過 DVD 錄影機先生又傻傻地! 希望"佢"乖Ｄ啦!!

小麥色 --> RYTHEM O既歌, 呢首感覺幾好!!

今日姑姐同姑丈黎左我屋企, 之後去飲茶, 但諗諗下不如入將軍澳飲, 所以就坐車入左將軍澳, 行左一陣就有位喇! 飲完茶後又行左一陣, 之後就坐車返屋企, 買左個新"咪"呀, 因為媽咪話傾 MSN 用個 HEADSET 唔太方便, 所以就買左個坐桌O既"咪", 都幾型架呢!!!

HAPPY PAST DAYS --> 睇返好多過去O既＜D NO ARASHI＞, 太好喇, 因為都幾好睇, 學到好多知識同埋日文, YEAH!!

今日同左樓上個姨姨去飲茶, 飲飲下茶收到個電話, 好, 後日要 GANBATTE!! 之後冇咩特別, 返屋企, 上下網咁, 睇下＜D NO ARASHI＞咁, 我尋晚發夢見到 SHO 同埋我個細仔呀! 不過個夢太短, 所以都係唔寫＜私夢記＞呢!!!

SUKI NA HITO --> DOUSHITE YUMENONAKANI SHO KUN GA MIETA?! SUKI NI NATTA KOTO DESUKA?! TSUYOSHI KUN, HONTOUNI GOMEN, WATASHINIHA WAGARAHEN YA!

今日日頭勁睇＜D NO ARASHI＞, 好有趣呢!! 返學前食左個魚柳包, 如常咁返到學校, 今日教Ｄ野都幾簡單!! 所以冇咩唔明! 放學出到去先知落好大雨, 好彩有帶傘, 不過 DORA 冇帶呢, 坐車返屋企時, 一邊見到好大雨呢, HIDOI AME GA FUTTEIRU!! 希望聽日唔好落雨啦, 我唔想咁狼狽呢!!!

NE, GANBARUYO --> ASHITA, GANBARUZO!!!

今日九點未夠起左身, 之後大約九點九出門口, 順利準時到達尖沙咀, 因為今朝要見工, 呵呵, 等左一陣就開始見喇, 其實都冇咩特別, 而家要等星期一, 睇下點, OK 的話再約時間 IN, 盡左力, 冇期望自然冇失望!! 平常心!! 之後行下咁啦, 同亞爸亞媽會合後再行左一陣就去左飲茶, 飲完茶後就行左去旺角! 行左五點幾就返到屋企, 好累呢, 因為行左成日! 原來今日亞妹都見工, 都係尖沙咀添, 不過時間唔 ARM, 所以撞唔到!!

SMILY --> 用微笑去面對一切, YEAH!!

今日因為落大雨, 所以冇落到街!! 睇左幾集結子O既＜不開心的基因＞, 麻麻地啦, 但又唔算好差果隻, 都係木村果套正好多!! SEND 左個 SMS 俾春天家姐, 因為佢幾日都冇上網呢!! 夜晚見到家姐上網, 約左聽日去街街, YEAH!! 尋晚個夢都好似有亞 SHO, 吾, 點 ... 點解架呢!!!

HERO --> 近排聽返呢首歌, 真係幾有鼓勵呢!

今日食完 LUNCH 就坐車出旺角, 春天家姐因為塞車, 所以遲左少少, 咁我地就去行信和喇, 不過好奇呀, 二樓果間先前裝修嘛, 仲以為佢裝修完會開返週邊店, 點知變左賣 4 仔! 好 SHOCK 呀! 同埋發現本來賣日劇果間, 都變左賣韓劇! 之後行左去太子買 6 月號, 再行左去尖沙咀, 行呀行呀, 去左食肯德基, 之後行到九點令就走喇! 返到屋企都係睇下野咁, 冇咩特別, 不過最特別O既都係 --- 天氣特別熱!!!

HOWEVER --> 最怕係"不過 ..."!

今日日頭都係睇＜Ｄ NO ARASHI＞, 細仔超可愛!! 大約 5 點就去將軍澳喇, 因為約左珍姨同鴻舅父等人食飯, 不過都等左個幾鐘先有位!! 之後行左一陣, 再上左去鴻舅父屋企一陣, 就返屋企喇, 有少少累!!

緊張 --> 有莫明的緊張, 聽日, 究竟 ... 會點呢?!

尋晚唔係訓得咁好! 今日好早醒左, 睇下電視咁, 之後去左飲茶, 行左一陣就返屋企, 有消息喇! 吾, 都係唔成功, 不過當拎個經驗啦, 冇咩O既, 因為早就有心理準備!! 正如亞 NUT 所講, 唔請我地係公司蝕, 呵呵!! 努力!! 之後我就執下我Ｄ雜誌咁! 都冇咩特別! 呀, 仲有 SEND 左個 SMS 俾春天家姐!! PS: 今日收到 YIK 送我O既 HOME DRAMA DVD! YEAH!!

常言道 --> 吾, 平常心, 常言道, 哈哈!! 吾, 大約係咁!! 我都唔知自己講緊咩!! :P

唔記得左講尋晚睇哂＜不開心的基因＞添, 不過個結果好似好求其咁! 不過睇完就算!! 今日冇落街呵, 因為頭痛呢, 次次失眠後都係咁, 唉!!!

ANOTHER WORLD --> 乜我同春天家姐寫果Ｄ唔係中文咩, 冇理由Ｄ人唔明, 不過好明顯係Ｄ人冇留心睇就回帖, 唔通我地係O係第二個星球黎O既?!

今日都冇咩特別呵, 攪下拍賣咁啦!! 夜晚返學, DORA 冇返呵, 坐車返屋企時, DORA 打俾我, 話不如今年試下考 JETRO, 唔考 3 級(因為 CEF, 要考多次), 不過 JETRO 好似好深咁O既, 800 分滿分, 530 分先合格, 不過的確應該會深好多, 所以都係睇下 CEF 要幾多分先 OK 先! 如果太難太冇把握就情願考多次 3 級呢, 穩陣Ｄ咁!!!

身體健康 --> 放學返黎, 聽到一個消息, 希望冇事啦!! 神會有佢O既安排!!

今日都冇落街, 完全係執房O既!! 執下衣櫃咁, 拍賣今日幾好生意咁, 不過遇到個好煩O既買家, 又唔睇我個自我介紹, 總之係煩啦, 本來話寄去香港, 之後又話要寄掛號去上海, 咁一早講左只包本地郵費, 我聽日去問下先, 唉, 雖然明白消費權益, 之但係佢Ｄ電郵好冇禮貌嘛, 不過算啦, 做完今次生意就列佢入黑名單!! 因為對住呢種人, 細胞都死得快Ｄ!!

忘卻 --> 大件事, 我唔記得左曬相, 驚趕唔切添, 因為想俾個驚喜春天家姐!

去左郵局問野, 再去左飲茶, 再行左一陣就返屋企喇!! 食食下晚飯, 一個雷, 哈哈, 中左條天線, 攪到 19:15 開始冇電視睇, 最後 22:30 先有返 TV 咋!! 同春天家姐傾左陣電話, 約左聽日!!!

TYPHOON GENERATION --> 成日行雷閃電, 今晚千其唔好, 如果唔係一定訓唔著!

今日剪下相咁, 因為收到前晚曬果Ｄ相!! 之後大約 3 點出門口, 塞塞地車, 春天家姐又塞車, 先去左陪家姐還書, 再去左信和, 因為約左兩位買家, 遲左少少真係唔好意思!! 之後行下信和咁啦, 之後去左食肯德基, 好味呵!! 再之後去左行朗豪坊, 真係行到暈暈地!! 之後春天家姐買左本 MILK, 之後行行下, 咦!! 咁熟口面O既!! 咦咦, 原來係大家姐呵!! YEAH!! 好耐冇見呢, 幸福媽咪!! 呵呵, 好期待小寶寶呢, 下個月見小寶寶呵!! 好開心呵, 大家姐摸左兩次我個面珠仔!! 呵呵, YEAH!! 好幸福呢!! 之後我同春天家姐去左新世紀坐低睇雜誌, 徐若瑄好可愛呵!! 大約十點就返到屋企, 有少少累呢!! 呀, 唔記得講呀, 坐巴士去旺角時, O係架車度好驚呀!! 因為好似見到集"白紋伊"呀!! 嚇Ｃ我呀, 好彩冇俾佢咬到咋!!

SMILY --> 嘻嘻!! 笑, 微笑, 大笑!! 總之要開心!!

今日冇落街呵, 整理下我Ｄ KINKI FILES 啦! 仲有睇返尋晚O既電視節目啦!! 夜晚終於完成左好耐之前開始砌果幅 KINKI 砌圖, 太好啦!!!

多謝 --> 嘻嘻!! 今日要多謝一位"愛嵐"O既人, 因為佢幫我整左個空間黎放野, 唔知點解我整極都整唔到, 但係佢又整到! 謝謝!

今日飲茶日, 之後行左一陣咋, 冇咩特別! 返到屋企, 同小兔傾左一陣, 原來佢係咁諗o既, 我都唔知點算好, 要同 TSU 傾下先, 但又好 "CAKE" 手!! 唉, 其實我係覺得佢地搵唔到個平衡點, 真難攪!!!

攪不懂愛 --> 我係指人同人之間, 點解Ｄ人硬係鍾意簡單事情複雜化架?!

今日冇落到街, 同 CATCAT 傾左一陣 ICQ, 我好努力咁整埋兩段字幕, CATCAT 教我玩＜明星三缺一 ONLINE＞, 幾有趣喎又, 我好鍾意玩果個明星砌磚小遊戲呵!! 之後清電腦O既野, 個 ICQ 唔知仲咩唔識 AUTO ACCEPT FILES, 今朝都仲得架喎, 唉, 真難明白!!!

明日 --> 呵呵, 聽日O既＜MATTHEW BEST TV SHOW＞有亞剛呀, YEAH!!!