今日係國慶, 咁又一個月, 仲係冇咩特別, 要努力讀日文, 好過日日唔知做咩咁!! 落過街, 買左好多野, 返到屋企食左個蛋撻, 再做埋日文功課, 發現自己Ｄ詞語真係識講唔識寫, 大件事呢!! 距離 JETRO 仲有一個半月, 距離 2 級仲有兩個月, 真係要努力, 唔好講笑!! 今日紅假, 話好多自由行, 所以冇出旺角, 好彩!!!

嘻嘻哈哈 --> JAN 新碟, 雖然覺得冇＜的士夠格＞果隻碟咁正, 不過的確聽到佢賞試唔同O既野!

今日好忙呀, 執衣櫃啦, 執書櫃啦, 換床單啦, 哈哈, 好忙, 其實個書櫃打左風好耐, 今日執一執, 仲掉咁Ｄ野, 即刻整齊左好多!! 心情都好左!! 睇左三集＜大奧＞, 有排追, 同埋好好睇!! 夜晚個 MSN 突然間 CONNECT 唔到喎, 原來唔止我係咁, 咁都安心Ｄ!! 睇左＜HARUKA 17 SAI＞大結局, 都有感動位, 不過個結局就的確係好求其, 同埋冇意思!! 講開又講, 真係好憎一個日本男攪笑藝人, 唔知佢叫咩名, 不過次次都著到成身皮, 之後做Ｄ令人不安O既動作!! 好笑咩?? 我反而覺得係好冇禮貌, 同埋係性騷擾O既一種!! 所以睇親Ｄ節目有佢都飛!!

今天你生日 --> 今日係嘉倫仔仔生日, 唔知收唔收到我個 SMS 呢?! 呵呵, 得閒約埋佢地出黎食飯啦, 呵呵!

今日去左飲茶, 再去左超級市場, 仲買左西餅食添, YEAH YEAH!! 返到屋企改左少少份功課, 因為諗諗下好似咁寫好Ｄ, 再查清楚一Ｄ字O既意思同讀音, READY!!!

GLAMOROUS SKY --> 原來中島美嘉黎左 HK, 抽唔到飛睇 NANA 首映添, 美嘉 ... 走左喇!!

今日唔錯唔錯, 睇左 SAMMI 訪問, 不過越睇就越唔鍾意果個崔建邦, 好討厭呀真係, 成日講野以為自己好風趣, 雖然好似做足準備功夫, 不過始終講到尾, 都係冇乜傳媒良心, 唉 ...!! 食左個米粉就出門口返學, 點知"送車尾", 坐下一班車又塞車, 好彩我準時到課室, 不過 DORA 竟然仲遲過我, 今堂有個環保袋, 幾靚喎又, 本來想拎多個, 但係又唔係咁好咁, 好靚架真係, 有好多櫻花, 條帶係粉紅色架!! 吾 ...!! 放學行去坐車時, 發現尖沙咀開左間 SOGO , 實在太 SHOCK, 雖然早排睇財經節目都有講話會開, 但係估唔到咁快開到, 搵日去行下先, 不過最想吉之島將個十蚊店搬黎尖沙咀, 我意思係好似銅鑼灣咁大間O既, 先有野行嘛!! 一見到就立即打俾春天家姐, 不過唔聽我電話喎, 一定係又聽唔到電話響喇! 返到屋企沖完涼食左個米粉就開始上網, 攪左拍賣一輪, 但又跌左舊擦膠, 彈彈彈, 唔見左! 仲好好擦添架!! 整左少少圖, SHO 果張藝術感, 唔知點解好鍾意, 覺得好好 FEEL, 聽日再整先, 其實想學返好個 PHOTOSHOP 呢, 多一技之長嘛!! BY THE WAY, 今堂日文好攪笑, 講講下姓, 就講到金田一呢個姓, SENSEI 問金田一一, 個"一"字點讀, 但係個個話讀 ICHI, HAHAHA, 所以我就大聲咁話"HAJIME", 講到金田一邊個夠我黎呀??

SAKURA NO TOKI --> SAKURA 好靚, 真係好靚, 果個粉紅色真係好特別!!

今日冇咩特別, 織左條手繩, 同時又搵返我條"螢光粉紅"出黎戴, 真係好呢, 因為我Ｄ記性真係好左咁, 練下 SUDOKU 真係有用, 要再練多Ｄ先!! 發現個好好方法練日文, 家下有好多人同我用日文傾計, 唔錯唔錯!! 夜晚終於開始寫我果個"故事", 一邊寫我一邊覺得, 原來我都係一個幾"暗"O既人, 唔怪之得同亞剛咁夾啦, 呵呵! BY THE WAY, 今日有整埋過Ｄ日文課外資料, 仲貼左去本 NOTES 度添!! 幾有心機!!

SUKI NA HITO --> 好聽呀, KIRORO, 不過要等下年先再有新歌聽 LU!!

今日三點令落左街, 因為想行下同埋買野織手繩, 仲買左條繩整我個熊貓護身符添!! 買左兩件衫, 比較成熟少少, 因為我成日著到十幾歲咁, 哈哈, 行出街Ｄ人話我最多 18 歲, 真係雖然開心, 但係有時改變下都幾好!! 再去左行超級市場, 買左好多野呢!! 依然係回左好多日文 MESSAGES, 真係唔錯, 希望有用啦, 其實真係有用O既, 起碼打下日文, 知道個音 ARM 唔 ARM, 有冇長音呀咁, 唔錯唔錯!! 今日收到 YUMIKO 封信, 真係開心, 因為佢呢排都好少咁快回信!!

AB KATA NO FUTARI --> 幾好笑, AIKO O既歌, 講兩個 AB 血型O既人, 其實我有少少懷疑我係 A 型 定 AB 型?!

今日去左飲茶, 之後本來諗住去遠少少行下, 不過都係冇去, 都係行附近個商場咋, 買多幾條顏色繩, 用黎織反幾條特別Ｄ O既手繩, YEAH YEAH!! 夜晚幫部電腦大掃除, DEL 左好多野!! 睇到廣告, 一陣 11 點幾播果個扮野節目, 好似有 PAN KUN, 好掛住佢呢, 一陣一定要睇下先!!

DOUSUTE --> 點解自從前晚寫左個"故事"開頭後, 寫唔到落去添, 要努力諗下先!

今日約左春天家姐O係尖沙咀, 所以就坐巴士啦, 點知唔知仲咩, 今日等左好耐車, 上左車諗住頂多遲十分鐘到, 點知又唔知仲咩, 勁塞車, 終於我比約定時間遲左足足九個字, 真係悶親家姐, 好對唔住, 真係好對唔住!! 真係唔知點解咁塞車!! 之後去左行 SOGO, 好多人呀, 仲要有班咩 TVB 人O係度, 仲要唱歌, 直情真係嘈音, 老實講, 完全唔知咩人黎O既, 唱歌走音走到嚇親人, 但係竟然有 FANS, 真係奇怪!! 由於太細同埋太多人, 所以行左陣就走左, 之後一直行到去佐敦, 去左十蚊店買野, 之後行去旺角, 約左步步俾本 ORICON 佢, 佢仲介紹左個人我識, 但係我又唔係好知係邊個!! 只知應該係亞剛 FANS, 之後行呀, 行呀!! 多謝家姐送我一隻"邪流丸王子"(我將會寄俾表妹仔), 亦多謝 KERORO, 呵呵, 對眼可以轉款架, 好可愛, 唔通 ... 開始進向"OTAKU"?? 呵呵!! 之後去左食 KFC, 傾到六點幾就走, 因為家姐要返學, 所以陪家姐行返學校後, 我就坐巴士返屋企, 又好彩咁 ARM 見到架巴士上緊客, 所以就走過去上車, 太好,彩相信係因為今朝塞左車, 所以補償!! 返到屋企, 太后同皇上仲未食飯, 呵呵, 家下諗住睇左 G NO ARASHI 先, 再睇 MAGO, YEAH YEAH!!!

PEACE --> 要和平, 不過好似冇咩可能咁!

今日早上冇咩特別, 下午時落左去買野, 點知又唔記得帶張餅券, 要聽日先有西餅食 LU!! 買左部 PRINTER, 係黑白架咋, 唔印彩色, 用碳粉O既, 雖然碳粉好貴, 不過買一次可以印千幾張文件, 都 OK 丫!! 都好少 PRINT 彩色O既! 夜晚睇左兩集＜TOKIO(向父親傳言)＞, 又幾感人咁, 雖然冇字幕, 不過都唔太難明白!! 搵唔返我想搵果幾集＜天才! 志村動物園＞, 因為好想睇 PAN KUN, 又想寄俾表妹們睇下, 好可愛!! 我要努力問下人先, 最衰上次睇完就 DEL 哂, 只係 KEEP 返雅紀果Ｄ!!

今天你生日 --> 今日係我乖乖表妹安怡生日!! BE A GOOD GIRL, OK?! 另外仲係邦邦先生O既生日, 你爭我餐飯呀下, 呵呵!!

今日飲茶日, 天氣係比之前涼左, 之但係依然好熱!! 希望再涼Ｄ就好喇!! 飲完茶去左行百佳, 不過好衰, 明明話磁石未派哂, 但問佢又話冇, 所以只係買左包豬肉, 其它果Ｄ野唔買!! 嘿嘿!! 之後一口氣煲哂之前果個幾星期O既＜大奧＞, 都係＜大奧第一章＞好睇好多咁, 無線真係好怪, 又會播左＜大奧第一章＞先播＜大奧＞架, 真係越黎越唔明呢間電視台諗咩!! 唉, 真係!! 夜晚睇左＜電車男 - 另一個結局＞, 好好笑, 但都感動, 好勁呀, 竟然O係巨蛋唱歌(結他男), 係真O係巨蛋, 相信電視台都好落本下!! 而家睇埋套＜離天國最近的男人＞SP 先, 因為尋晚睇左上半, 家下睇下半, 石田壹成真係好型!! 不過佢呢個角色有少少恐佈!!

除你以外誰也不愛 --> 真係好鍾意呢首歌, "如果我有一瞬間軟弱, 你也應該感到不安 ..."!!

今日睇左一個法律節目, 有少少似＜百法百中＞啦, 不過人地好睇好多, 起碼勁攪笑!! 睇完先知原來磯野貴理子個老公都好攪笑!! 又睇左＜世代密林＞SP, 嘩~ 日本Ｄ跟蹤狂好得人驚呀, 仲話有時係自己個男朋友偷聽呀咁, 好得人驚!!!

幻 --> 柴田淳O既歌, 估計真係要多謝 NINO, 唔係佢我唔會聽柴田淳Ｄ歌, 都幾好聽架!!

今日冇出到街, 全日聽新歌, 其實又唔算新, 只係我尋日開始聽, 所以新!! 今日終於織左條深紫+淺紫O既手繩, 其實織左好多人, 雖然唔夠長, 不過都好鍾意, 雖然唔夠完美!! 終於幫 OC 清左少少帖, 今日雖然慢, 不過都好過冇, DEL 左足足二百幾個帖, 真係 ...!! 睇左前幾日O既＜極道2 SP＞, 原來只係講下趣事同埋睇下未公開咁, 我仲諗住有個番外故事添, 不過依然係覺得小池徹平好可愛!! 播返大結局個畢業禮, 又真係好感動!!

STORY --> 係一個叫 AI O既女歌手, 雖然唱日文, 但係睇佢個樣同埋口音應該係外國人, 呢首歌Ｄ歌詞好正呵! "現在我能夠笑, 係因為有陪我喊O既你存在!!"!!

今日冇落街, 因為有少少熱!! 睇左＜TOKIO(向父親傳言)＞, 真係好睇呢!! 做左幾個 SUDOKU, 睇返前幾日果集叮噹! 準備睇尋晚O既＜G NO ARASHI＞, 今次係雅紀同埋 SHO 出外景, 唔知會點呢?! 仲睇左＜鬼嫁日記＞CH.1, 真係好誇張, 不過都好好笑, 小池徹平真係好可愛, 不過個角色又係成日講ＢＢ話, 希望佢唔會太過啦, 因為如果過份左就唔可愛!!

PURANETARIUMU(即係 Planetarium) --> 大塚愛新歌, 好聽呀, 估計歌詞係講果個男仔已經唔O係度, 然後個女仔用個天象儀望住天空許願, 好慘O既歌!!!

尋晚睇O既＜G NO ARASHI＞, 俾雅紀笑Ｃ我, 佢猛話佢可以打羸果個 6 戰 6 敗O既拳手, SHO 都話唔可能, 佢硬係話可以!! 真係好好笑, 好可愛!! 今日去左飲茶, 之後去行左一陣, 買左蛋撻, YEAH!! 睇左兩集＜大奧＞!! 織左條手繩, 太后就開始整佢個布袋仔, 呵呵, 奸爸嗲!!

STAY --> 雖然 YAHOO 拍賣話 11 月 1 日起要收費, 不過其實都合理, 所以都會放野上去拍賣, 但係只放彩頁!!

今日去愛嵐睇下有冇家姐個 PM, 真係有喎, 所以就打俾家姐約左三點!! 今朝睇哂＜瘋狂＞喇! 雅紀好型呀, 個故事都好感動呢!! 完全估唔到!! 好睇!! 食完 LUNCH 上左一陣網就準備出門口, 咁 ARM 太后同 AUNT 返黎, 所以傾左幾句我就出門口喇! 會合左家姐後行信和啦, 再行左好多地方, 陪家姐去左 KFC 食 LUNCH, 之後又行左一陣, 再去買左雜誌, 夜晚去左食吉野家, 呵呵, 食完睇完一輪雜誌, 家姐就返學喇, 我就行左去佐敦果邊坐車, 因為好似近過行返旺角咁!! 返到屋企七點幾啦, 之後整拍賣, 不過都發生一件好天然O既事, EMAIL 錯左Ｄ拍賣品俾買家, 仲要連續錯左兩次, 真係自己都佩服自己!!!

RINGO NO UTA --> 林檎之歌, Ｄ歌詞原來幾有趣!!

今日冇落到街, 睇返以前幾集"志村"同埋 MAGO, 好好笑, 雅紀太可愛(梗係, 話哂自己個細仔, 呵呵!!)!! 基本上今日好熱真係好熱! 做左後日交果份日文功課, 夜晚同 SIMON 傾左一陣 ICQ, 先發現我本日文書果幾隻 CD 都係甩左Ｄ膠落去, 好彩皇上幫我攪返掂!! 其實今朝發生左一件事件, 係有關"麻辣"同埋一個"好冇禮貌O既香港O靚妹", 不過係咩事就唔講 LU, "麻辣"果邊好快處理左, 已經 DEL 左佢個 ID! 只差"愛嵐"呢邊點處理!! 已經同家姐講左, 合理就行 PLAN A, 唔合理就行 PLAN B!! YEAH!!

WISH --> 開始有少少期待潤潤O既"流星花園", 睇左少少片段, 比我想像中更似道明寺~!!

今日去左飲茶, 之後行左一陣, 太后近日對十字繡著迷呢(笑)!! 買左西餅, 之後返屋企!! 食飯前睇左＜野豬改造＞第一回, 都幾好睇, PP個角色性格係有少少怪 ... , 不過"爆MON"先生真係好難頂, 但係為左 PP, 我會忍!! 有一刻好感動, 就係當個女仔俾人蝦, 走到去果間書店, 書店個老闆叫做救左佢啦, 之後個老闆講左一句"呢度係我創造O既世界!", 唔知點解我覺得好感動!! 夜晚終於見到"愛嵐"對於"好冇禮貌O既香港O靚妹"事件處理方法, 都感滿意!! 而呢位"好冇禮貌O既香港O靚妹", 雖然有O係 MSN 向我道歉, 不過點解又加一句話"現應失的都好像全失了~ 多謝親的做法", 過獎喇! 正如家姐話齌, 呢Ｄ係自己做O既事, 要怪就請怪自己!! 另外睇左＜歌笑 HOT HIT 10＞, 都幾好笑, 不過唔太喜歡冇左 RAG FAIR, 因為冇好歌聽呢, 但又估唔到Ｄ攪笑藝人唱歌都幾叻喎!

今天你生日 --> TSUBASA, 生日快樂呀!! HEEE, 大兒子, 吾吾, 生日快樂!!!

今日冇咩特別, 查過下字典咁!! 之後上下網睇下野就夠鐘返學喇! 由於出到去早左, 所以就行左一轉十蚊店, 不過都冇野 ARM !! 係多左好多魔術用具!! 之後早左返課室, 過左一陣 DORA 都返到, 今堂個 SENSEI 係咁講佢自己Ｄ靈異經歷, 好彩佢都一句日文一句中文咁, 都學到聽力!! 今日返學前睇左＜龍櫻＞SP, 相信果Ｄ讀書方法真係幾有用咁, 等我試下用黎溫日文先, 因為黎緊有兩個能力試, 我要努力, 一定唔可以衰!! 夜晚睇到"冇禮貌O既香港O靚妹"O既所謂道歉帖, 真係不知所謂!! BY THE WAY, 新聞睇到美國有隻小熊貓命名, 叫做"泰山", 真係好可愛, 好似陪我訓果隻公仔咁!

今天你生日 --> 嘻嘻, 今日係我親愛O既皇上生日!! 生日快樂!!!

今日落過去行左一陣, 仲食左吉野家下午茶添!! 之後睇左＜野豬改造播放前 5小時番宣＞, 原來 PP 畫畫都過得去, 起碼似丫, 另一位先生真係完全唔知佢畫咩!! 開始整果個十字繡袋仔, 因為太后買俾我架呢! 不過搵唔到熊貓十字繡, 唔制!! 夜晚整左張日文 NOTES, 係"擬音語", 真係多到暈, 所以我都係搵左幾十個, 整左 3 頁紙就算, 因為無窮無盡!! 係咪好勤力呢!! 哈哈!! 終於都睇左前幾日O既 MAGO, NINO 實在太可愛, 下一集係 SHO + 雅紀, 太好喇! 終於等到, 不過我個細仔一定又好論盡, 引發好多笑料, 哈哈! YEAH!!!

BE MY LAST --> 宇多田光新歌, 不過係比較另類, 因為唔太似日本歌風格!!!

今日食完 LUNCH 同太后出左旺角行街, 行左花園街/女人街/旺角中心等等, 又買左幾個十字繡, 因為好平呢, 行左一陣就返屋企!! 我一次過睇左 5 集 SHINDOI, 其實都係飛黎睇, 因為Ｄ嘉賓來來去去都係果幾個!! 幾時先請 JOHNNY'S Ｄ人呢?! 因為成日都係果幾個真係有少少悶!! 夜晚整左少少果張十字繡, 諗緊其實係咪可以自己畫圖架呢?! 我想繡隻熊貓呵! 嗚嗚!

幸福的輸廓 --> 徐若瑄, 個感覺真係不錯, 雖然我最鍾意O既都係"我愛你 X 4"呢隻碟!!

今日去左飲茶, 之後行左一陣, 都冇咩特別呢!! 返到屋企上左一陣網, 回下 EMAIL 咁, 之後就連續煲左幾集 DB, 笑Ｃ我啦真係, 華原朋美真係好攪笑, 真係佢答果兩條一問一答, 真係俾佢嚇Ｃ!! 仲以為佢仲咩咁 OPEN !! 發現＜花樣男子＞主題曲係近排我好鍾意O既大塚愛O既 PURANETARIUMU(即係 Planetarium), 唔知點解有少少開心, 當然真係好期待 JUN 版O既＜花樣男子＞, 同埋今日知道做"道明寺家姐"竟然係菜菜子, 真係好懷疑佢點做到呀, 要好鬼惡架喎, 吾, 真係好期待, 估計過兩日有得睇, JUN 好型呢!!

青春 AMIGO --> 點解 PP 要夾 KAME 架, 會嚇Ｃ人架嘛, PP 咁可愛, 如果唔係有 PP , ＜野豬改造＞一定唔會睇!!

今日食完 LUNCH 就出左去, 因為預早時間嘛, 先去左地鐵站換禮物, 之後就去到信和喇, 會合左家姐後, 快速行左轉信和, 發現越黎越少野睇咁!! 之後再行左好多地方, 當然傾左好多野啦!! 仲無意中見到兩個著得好 XX O既女仔, 真係好佩服佢地O既勇氣!! 夜晚去左食吉野家, 因為早左喎, 所以又去行多轉信和, 家姐買到隻 ALBUM 喇!! 行行下, 見到許冠英喎!! 佢睇緊外國音樂!! 再行左一陣, 就送左家姐返學, 之後我就行去佐敦果邊坐車, 返到屋企都係 7:30 未夠, 沖完涼就做日文功課, 好攪笑, 因為課書係講鬼, 所以Ｄ題目都係同鬼有關, 我就好攪笑咁將我O係 USO 睇果Ｄ故事寫左落去, 都算唔錯呀, 不過諗起都有少少驚!! 要謝謝家姐幫忙截左好多張圖, 因為我唔確定 SHO 講果句係咩, 所以請家姐幫手截圖我睇! 上上下網肚餓, 所以食左幾塊朱古力餅, 不過家下胃痛! 唉 ...!!

NEKONI 風船 --> 近排真係覺得大塚愛Ｄ歌幾好聽, 呢個女仔真係幾叻咁!!

今日食完 LUNCH 成家人去左行將軍澳, 買左兩件衫、手工藝材料、熊貓書簽、食物, 最緊要O既係 ... 買到我想買左好耐O既熊貓頭形O既車枕, 好平呀, 所以買左兩隻熊貓頭, 同埋一隻兔仔頭, 好可愛呢!! 5 點幾坐車返屋企喇, 之後 DINNER 完第一時間走去睇＜HANA YORI DANGO＞CH.1! 嘩! 小潤做O既"道明寺", 真係好正, 好想大叫"MOE~~~~", 井上真央O既"杉菜"都好討好, 真係真係好正!! 值得一提O既係 小栗旬O既"花澤類", 係型得黎又真係好特別好溫柔, 好想快Ｄ到 CH.2, 不過要等一星期呢, 真係太好睇喇!! 再咁落去其實係幾危, 哈哈!!

WISH --> ＜HANA YORI DANGO＞O既主題曲, 感覺其實都幾有活力咁, 幾 ARM ARASHI 呢!

今日同樓上個姨姨飲茶, 之後行左一陣就返屋企喇! 都冇咩特別! 尋日買果三隻野(熊貓頭 X 2 + 兔仔頭)乾左喇, 今晚可以攬住訓, YEAH!!!

KAZAGURUMA --> HITOTO YOU, 頭幾次聽真係麻麻好聽, 但家下又覺得唔錯咁!

今日溫習, 因為今晚要 QUIZ, 不過都係溫左一陣咋, DORA 打過俾我傾下功課咁啦, 之後我睇左少少＜歌笑 HOT HIT 10＞, 又有果個成日身皮果個男人, 佢真係動作好不雅, 都唔明仲咩佢咁多人鍾意, 如果佢O係我面前做果Ｄ動作, 我唔飛踢佢都醒佢兩巴啦!! 突然間郵差話有速遞喎, 嘩! 原來係小捷寄俾我O既, 真係好開心, 因為收到我今年第一份生日禮物, 係熊貓公仔一隻同埋兩支試管 ... 其實唔識形容係咩黎, 吾 ... 試管裡面有一條電話繩咁O既, 而係用有顏色O既粗鐵線, 屈左我個名, 好特別架, 小捷真係好有心, 因為有兩支嘛, 一支係我個中文名, 另一支係"堂本剛", 呵呵, 真係感謝! 不過同時其實有少少唔開心, 因為又要佢破費, 我又好冇記性, 唉 ... 但都謝謝!! 夜晚返學, 遲左班車但反而早左到喎, 所以又去行十蚊店, 好攪笑, 俾我見到一隻熊貓O既 ... 野, 因為有少少難形容, 係木做O既熊貓, 細細個咁, 但佢頭頂有一條好長O既彈弓, 咁可以拎住佢, 咁佢就會上下上下咁係咁彈, 好可愛架, 或者遲Ｄ影張相俾大家睇下啦!! 夜晚返學, QUIZ, 都應該有 80 分掛, 係詞語果 PART 有幾個唔記得, 其它都 OK, 因為唔算太難!!!

NE, GANBARUYO! --> 原來仲有 25 日, 就要考 JETRO, 真係要努力下先得!

今日落左街, 去左食左杯軟雪糕, 再行左一陣就返屋企喇, 做下面膜咁, 睇左幾集 DB, 笑Ｃ我, 木村 KAERA 走左, 真係太好太好喇! 多謝"步步送俾我O既幾張 WALLPAPER, 真係好靚呢!!

WILL --> I WILL BE HAPPY EVERYDAY!!

今朝食左個包就出門口, 因為約左珍姨去旺角行街飲茶, 行左花園街等等地方, 又去左稻香飲下午茶, 飲完茶後就去左行左陣, 一路行到五點幾, 坐車返屋企喇!! 要多謝珍姨O既禮物!! 返左屋企上左一陣網, 就落街食 KFC, 好好味呢, 食完再行左一陣!! 雖然今日係大日子, 不過六合彩都唔中! 激Ｃ人!! YEAHYEAH!! 又大一歲, 我要努力!! 兩個日文試, 要努力!!

多謝 --> 多謝好多朋友好有心, 家姐/CATCAT/步步/小兔/邦邦/小唯/SIMON/DORA/長腿叔叔 等等 ... 特別要多謝 TSU, 因為專登 SEND 左個長途 SMS 俾我, 我有回呀, 不過希望佢收到啦, 因為上次 SMS 去外國都收唔到!!

今日食左 LUNCH, 未夠兩點出門口, 好攪笑, 俾郵差叔叔叫返轉頭, 原來寶姨寄黎O既手帶收到, 不過個郵差好好, 因為見裡面好似有野咁, 所以唔夾硬放入郵箱, 幫我 KEEP 起左, 所以見我行過就叫返我轉頭, 最攪笑O既係, 佢好大聲咁叫"妹妹!!", 哈哈, 廿幾歲仲得到呢個叫法, 真係唔錯!! 之後坐 MTR 去天后, 因為約左 CATCAT O係中央圖書館大堂等, 不過我實在早得好緊要, 未夠 2:40 就到左, 所以我就去行左中央裡面果間文具店(?!), 好貴呢Ｄ野!! 之後三點發現 CATCAT, 所以就上左去搵書, 不過搵唔 ARM, 所以就行左去銅鑼灣, 十蚊店呀, 書局呀咁, 我買左少少野, 之後五點幾就去左食麥當當, 不過好奇怪, 因為明明係換緊"邪留丸"架嘛, 但唔知點解唔係喎, 所以就冇食開心樂園餐!! 食完之後再去左行玩具反斗城, 真係覺得而家Ｄ小朋友好幸福! 好多都好好玩咁, 發左達一定去買返幾十 SET 玩下先!! 之後行到七點幾就走了, 因為好多人呢!! 我返到屋企都係八點幾O者, 不過, 唉, 發現真係冇記性, 因為 ... 我竟然還錯碟俾 CATCAT, 隻＜明星志願＞點解仲O係我屋企架?? 我仲諗緊究竟我還左Ｄ咩俾佢, 唉!!

BEST FRIENDS --> 睇返"堂本兄弟 LIVE"O既花絮, 實在好感動, 特別講到 LIVE 完左後"千春"宣佈有左ＢＢ, 仲話果日 LIVE 原來 KIRORO 係四個人! 真係好感動!! 好幸福!!

今日 LUNCH 好正, 因為皇上知道我今晚同春天家姐食埋晚飯先返, 所以專登整左好多正野我食! 之後兩點到出門口, 不過坐左另一架巴士出旺角, 因為坐開果架又走左班車, 小巴又冇車, 準時三點到, 先係 CALL 左個買家交收左先, 會合左家姐就行左一轉信和, 修二 & 彰 隻 SINGLE 出左, 不過家姐諗左好耐, 都係唔買, 呵呵!! 行呀行呀, 又去左買衫, 再去左搵 MANDY 姐姐, 不過冇叫佢, 呵呵!! 之後行到五點幾去左食吉野家, 傾左一陣, 再行左一陣, 送左家姐返學, 我就返屋企喇!! 剪左頭髮呢, 今次剪短左好多, 唔知聽日家姐發唔發現呢, 真係 ... 好難講!! YEAH YEAH!! 聽日去唱 K, YEAH YEAH!! 希望想唱O既歌都有!! 唔知果頭Ｄ卓悅有冇想搵O既香水仔呢!!

GLAMOROUS SKY --> 希望聽日有得唱呢首!!

今日 LUNCH 完好堅決要睇埋＜花樣男子＞CH.2 先, 實在 ... 實在太正!! 花澤類好溫柔, 好 ARM 小栗旬演呢, 另外真係 ... 好好睇, JUN 依然好型(雖然有點胖 :P), 但已經感覺到道明寺司鍾意左杉菜, 總之今集好型好正啦, 係語言唔可以形容!! 大約兩點珍姨打俾我話拎Ｄ野俾我, 最後仲車埋我出尖沙咀, YEAH!! 真係麻煩哂!! 不過, 我就O係東海堂門口等左好耐, 先見家姐, 嗚嗚!! 之後去唱Ｋ, 點知又話 4 點先有房, 所以行左一大個圈, 亦因為咁, YEAHYEAH!! 搵到 BLUE JEANS O既香水仔!! YEAHYEAH!! 4 點過Ｄ去唱Ｋ, 點知一睇, 都唔係好新咋喎Ｄ歌, 好多想唱都冇, 人地想唱: 大塚愛/中島美嘉/... 仲諗住唱電車男首主題曲, 總之好多都冇啦, 失望!! 不過唱左＜大奧＞果首主題曲兩次, Ｄ字真係好深呢, 不過又好好笑喎首歌!! 仲唱左"MATSUKEN SANBA", 亦好攪笑, 令我諗起 ONE CON O既 JUN!! 未夠 7 點, 就要我地埋單, 不過我地都唱到 7 點半呀好似, 第一次O係呢間Ｋ唱唔係日文歌, 呵呵, 唱左 3 首徐若瑄, 咁快就有喇喎, 真係正!! 之後就行左去中港城果邊, 去左 CITY SUPER 食野, 因為唔太餓, 所以一碗拉麵兩份, 都好大碗呢!! 之後行玩具反斗城, 不過原來 9 點 CLOSE, 所以係咁易行左一個圈咋!! 之後見到有架唔知咩船喎, 好似係唔知幾多年前O既唔知咩船, 其實我真係冇咩心機睇果個介紹, 因為只係覺得呢架船好得人驚, 令我好不安! 不過家姐話好靚喎 ... !! 睇完後就坐車走了, 因為好累呢, 家姐聽朝又要返工!! 返到屋企上下網咁, 冇咩特別, 不過真係有少少累!! BY THE WAY, 唱完Ｋ時行行下家姐話見到張燊悅, 雖然O係我身邊擦身而過, 不過我真係冇留意, 家姐講完我先回頭望下, 不過望唔真呢!! BY THE WAY (AGAIN :P), 我發現我同家姐俾亞 SHO 教壞左, 哈哈, 因為係唔係都 YEAHYEAH!! 講野又粗聲粗氣左咁, 呵呵!!

ARIGATOU --> 多謝家姐今日O既款待, YEAHYEAH!!!

今日本來係飲茶日, 不過我冇去到, 因為之前四日都出左街, 好累呢, 所以一個人O係屋企, 一邊 LUNCH, 一邊睇＜野豬大改造＞CH.3, 好感動, "O係感到快樂之前, 係需要時間O既!!", 講得好!! 之後吸下塵咁, 今日開始做＜伊東家食桌＞講果個減肥法, 雖然做果陣有少少攪笑, 不過好似幾有效咁, 所以試下先!! 我都希望一星期減到一吋腰~ 呵呵!! 發現到原來有好多人O既思想我都唔係好理解到! 開始又再懷疑我係外星人呢, 呵呵!!

DOUSHITE --> 尋晚睇返以前Ｄ小新, 突然間諗起, 我地猜程尋時講果句"青侵磨教叉燒包", 係咩意思呢?!