歡迎睇我任何一日私日記!
(私日記。WATASHINO NIKKI!)
1999
2000
2001
2002
2003
2004
2005
JAN
FEB
MAR
1/4/2006
2/4/2006
3/4/2006
4/4/2006
5/4/2006
6/4/2006
7/4/2006
8/4/2006
9/4/2006
10/4/2006
11/4/2006
12/4/2006
13/4/2006
14/4/2006
15/4/2006
16/4/2006
17/4/2006
18/4/2006
19/4/2006
20/4/2006
21/4/2006
22/4/2006
23/4/2006
24/4/2006
25/4/2006
26/4/2006
27/4/2006
28/4/2006
29/4/2006
30/4/2006

1/4/2006

又到四月喇, 仲係未有回音, 不過我會等!! 今日冇咩特別, 我冇出到街, 因為春天家姐唔得閒呢! O係屋企睇左幾集堂本兄弟, 夜晚同太后睇埋果幾集<極道2>, 真係幾感動!!!

風再起時 --> 今日雖然係愚人節, 但亦係張國榮O既死忌, 時間過得真係快, 唉!!

返回


2/4/2006

今日 LUNCH 完後去左將軍澳行左一陣, 買左兩排三角朱古力, 真係太好喇!! 返到屋企有少少頭痛添, 可能係空氣唔多好啦! 睇左一集 USO, 竟然真係曾經有一位副機師, 飛飛下話畏高! 真係唔知好嬲定好笑!!!

WISH --> 一切都希望順利!!

返回


3/4/2006

今日去左飲茶, 之後行左一陣啦, 收到個壞消息, 希望一切都順利同平安啦!! 唉!!!

WISH --> 一切都希望順利!!

返回


4/4/2006

今日冇咩特別, 夜晚返學, 返學前都係 SCAN 野, 返到屋企有少少累, 天氣又好熱呢!!

WISH --> 一切都希望順利!!

返回


5/4/2006

同亞 CAT 傾左一陣 MSN, 希望大家都一切平安!! 之後同太后出左旺角, 搵 MANDY 姐姐一齊食野, 之後換返對鞋, 再行左一陣就走喇, 因為今日旺角真係好多好多人, 亦有點累!

WISH --> 一切都希望順利!!

返回


6/4/2006

今日冇咩特別, 去左飲茶, 之後行左一陣咋, 都真係冇咩特別!! 夜晚睇左一集<c no arashi>, 真係有少少嬲, 因為見到有個人鬧雅紀!! 另外睇左尋日個<g no arashi>, 又有少少心痛, 因為 MATSUJUN 竟然一把打埋雅紀度, 真係 ... 嗚嗚!!

WISH --> 一切都希望順利!!

返回


7/4/2006

今日冇出到街, 執下屋咁啦, 睇下片咁, 平凡o既一日!! 夜晚睇<C NO ARASHI>, 抽脂肪手術, 真係幾得人驚, D人又係怪, 好人好者攪D咁O既野!

WISH --> 一切都希望順利!!

返回


8/4/2006

今日 LUNCH 完落左街行左一陣, 樓下間超級市場好多人呢, 可以講係從未見過咁多人!! 收到 YUMIKO 封信, 問我有咩地方想去, 話佢知, 等佢安排下行程, 不過主要係未知幾時去呢, 但又真係好多地方想去喎, 好期待呢!! 夜晚睇左少少金像獎, SAMMI 有出席, 見到佢健健康康已經夠, 雖然拎唔到獎, 另外, 吳君如個肚真係好大喎, 大到真係好難形容!

WISH --> 一切都希望順利!!

返回


9/4/2006

今日冇出到街, 天氣熱左少少, 發現我部電腦原來有個啤牌 GAMES, 好耐冇玩, 突然間記起, 發現又真係幾好玩, 無咩特別O既一日!! BY THE WAY, 今日係 PP 生日, 希望大家都事事順利, 身體健康!!

WISH --> 一切都希望順利!!

返回


10/4/2006

今日冇出到街, 做下功課咁啦, 因為我又發現我兩星期冇做到功課呢!! 今日 lunch 食左兩塊麥包, 實在太好味喇!! 今日係亞剛生日, 好消息係 6/28 會同一日出兩隻 SINGLE, 分別係 KINKI 同埋 ENDLI, 生日歌尋晚唱左 ... 俾自己聽, 雖然唔係我生日!!

WISH --> 一切都希望順利!!

返回


11/4/2006

今日好特別, 帶一點傷感, 但又有少少慶幸O既感覺, 發生O係兩點幾, 上上下網聽到好大聲"砰"一聲, 但我以為係對面地盤起樓爆石, 所以不以為意, 之後亞爸亞媽4點幾時出門口, 無幾耐就打俾我, 話唔知點解 XX 果度封哂路, 同埋勁多警車同救傷車, 之後我立即去 yahoo 睇下有咩即時新聞, 就睇到原來 XX 2點幾時發生左煤氣爆炸, 1死8傷, 到我5點幾出門口返學時, 因為巴士站同d路全部封哂, 所以我只好坐mtr~ 到放學返到黎時, 都仲未解封, 因為真係好大件事~ 我~~~~突然間諗起, 本來我今日去日本, 咁我皇上同太后一定會去飲茶, 而2:45果陣, 大多數係飲完茶~ 之後例必去 XX 行下, 而發生爆炸果度, 係每一次行 XX 都一定會行! 所以 ... 咁樣一諗, 覺得實在係好巧合~ 亦覺得真係好似係命中註定咁~~ 諗落真係寒一寒, 覺得傷感O既係, 因為有人死同傷, 但慶幸O既係, 我地全家都平安無事, 世事真係好似整定咁, 好不可思議!! 講返少少返學, 今日唔知點解上堂氣氛有點怪, SENSEI 有少少發脾氣咁啦, 而D同學又唔知點解冇咩精神咁, 實在係好不可思議O既一日!!

WISH --> 下星期 ..., 大家都要努力, 加油, 希望一切都順利!!

返回


12/4/2006

今日去左飲茶, 之後行左一陣, 現場依然封閉, 但遇到一位好有禮貌O既警察!! 唔係講緊反話!! 之後去左百佳買雪糕, 遇到個好冇禮貌O既職員, 係, 我係有少少唔 ARM, 但係佢D態度真係奇差, 所以我都不甘示弱, 反駁返佢兩句, 我唔出聲唔好以為我好蝦先得架, 有時我唔出聲, 外表睇起黎好弱, 但其實蝦到埋身, 我D真本性先會出黎架!!

WISH --> 下星期 ..., 大家都要努力, 加油, 希望一切都順利!!

返回


13/4/2006

今日 OC 發生左事, 真係好煩! 但就表面証功黎睇, 我地又的確冇錯! 不過又再見識到一個人有冇教養真係好容易知道! 其它都冇咩特別事 LU!!!

WISH --> 下星期 ..., 大家都要努力, 加油, 希望一切都順利!!

返回


14/4/2006

今日本來諗住 LUNCH 埋先出去, 但皇上太后又要出去, 所以我食左塊包, 一點幾出門口, 坐小巴去旺角, 不過果個司機又好衰咁O係好遠掉低成車人, 攪到我又要行一大餐, 見到有人派野喎, 咁我當然係唔蝕底啦, 不過原來係戒煙香口膠, 得物而無所用, 之後O係信和等左一陣就會合左春天家姐, 之後行左一轉信和, 順利將 YUMIKO 寄黎O既 小WA POSTCARD 交到家姐手上! 之後行呀行呀, 去買左五月號, 送左條手鍊, 都幾靚咁!! 之後行到去尖沙咀, 去左食 KFC, 不過真係好多人, 同埋人真係好自私呢, 再加上D職員O既服務態度真係讓我側目! 食完之後我地去去左商場裡面果D"魚仔"度坐, 睇雜誌, 今期都會放返上去拍賣, 因為唔負責任O既買家實在太多, 唉, 所以真係好煩下架, 所以放返上去拍賣好似好D, 不過的確自從 YAHOO 拍賣收費後, 少左好多人, 唉!! 之後行 HMV, D碟真係好過去搶呢!! 之後就坐巴士返屋企喇! 有少少塞車, 車裡面有個亞伯真係好煩, 唔知係咪燥狂, 因為呢, 咁塞車, 係因為有架車撞左定壞左, 佢就勁大聲咁話"乜人地坐車你先黎撞車架, 正一 PK (現場當然係講兩粒中文字)", 真係想答佢"亞伯, 有得揀O既話, 你估下果個司機會唔會揀撞車丫!", 之後過左一陣, 車尾有個女仔嘔喎, 係一個 3, 4 歲O既女仔黎O既, 其實我都明白到, 要嘔起上黎真係忍唔到, 之後燥狂亞伯又好大聲咁話"係咪痴線架! O係架車度嘔, 臭死人咩!!", 我又好想答佢"你估下小妹妹有得揀, 會唔會揀嘔丫?!", 我發現我近排好沉唔住氣!! 雖然係攪到架車有少少味, 不過其實有時D車好臭, 都係咁O既味, 又唔係話好臭, 因為我都明白到, 佢都唔想, 所以我冇表現出不滿, 之後見到有一個大約 8 歲O既O靚妹, 真係勁冇禮貌, 一野衝去落車果個位, 之後用極速 9 秒 9 咁勁郁隻手, 仲一邊郁一邊話"好臭呀好臭呀!!", 都係好大聲, 即係咁, 係小朋友, 我真係原諒你仲細, 唔識得去體諒人, 不過呢個動作同呢句說話, 講十次咩都夠啦, 佢不停咁做左同講左 5,6 個巴士站, 如果我識佢O既話, 真係想教精下佢, 唉, 家下D人都唔知咩家教!! 之後 8 點正返到屋企, 攪下拍賣咁, 不過 YAHOO MAIL 傻左, 勁慢, 又 ATTACH 唔到 FILES, 真係激C!!

KITTO DAIJYOUBU --> 下星期 ..., 大家都要努力, 加油, 希望一切都順利!!

返回


15/4/2006

今日一早起身睇叮噹, 都幾得意, 之後食 LUNCH, 上下網咁, 但天氣涼左, 到四點幾沖完涼, 入房睇埋今朝集叮噹, 不過唔知點解, 睇睇下訓左都唔知, 到左六點幾太后叫我起身食飯我先知我訓著左!! 夜晚睇 TVB 播O既<電車男>, 發現佢有D字幕錯左呢, 雖然我只有二級日文能力, 但係都知道佢錯左!!!

KITTO DAIJYOUBU --> 下星期 ..., 大家都要努力, 加油, 希望一切都順利!!

返回


16/4/2006

今日食完 LUNCH 落左去行左一陣, 不過始終攪唔明點解個 OUR MUSIC 同 MF 有畫面冇聲, 之後同和舅父傾左一陣, 佢幫我問左佢朋友, 咁叫我安左個軟件, 其實安完都有畫面冇聲, 但都謝謝!! 不過世間真係又邪又有奇蹟, 就我攪到D CODEC 亂哂時, 諗住 UNINSTALL 左佢再黎過, 點知, UNINSTALL 左, 又 PLAY 到, 你都咪話唔邪, 不過果段 OUR MUSIC 都係邪邪地, 我要將佢變左勁靚O既 AVI (2分幾O既片竟然轉完係 1 GB幾), 之後再將1GB幾O既 AVI 轉做 MPG, 先 OK, 好彩好彩! 家下去睇 PP 果套 "詐欺師" 先, 聽講好好睇!!!

KITTO DAIJYOUBU --> 下星期 ..., 大家都要努力, 加油, 希望一切都順利!!

返回


17/4/2006

今日溫下書咁, 因為聽晚要 QUIZ, 今次勁多生字, 真係有點頭痛!! 之後冇咩特別(其實係唔係好記得, 因為我係 4/20 先嚇然記起冇寫咁多日O既日記!!) 年紀真係大左, 記憶力衰退!! 正因為咁, 我所以玩返明星三缺一ONLINE, 預防老人痴呆!!

KITTO DAIJYOUBU --> 大家都要努力, 加油, 希望一切都順利!!

返回


18/4/2006

今日我冇去飲茶, 因為夜晚要返學嘛, 我係怪怪地架喇!! 溫左一陣書, 不過其實又冇咩點溫!! 返學啦, 冇咩特別, 只係覺得今日做 PRESENTATION 果位小姐好呃人時間, 因為 PRESENTATION 要 5 分鐘, 佢就唱左首 HITOTO YO O既歌, 雖然勇氣可嘉, 不過真係唔係好知佢想表達D咩!! 放學返到屋企食左幾塊小小多士, 再上下網咁!

KITTO DAIJYOUBU --> 大家都要努力, 加油, 希望一切都順利!!

返回


19/4/2006

今日屋企冇電, 所以十二點到行樓梯落去, 再出左旺角行左一陣, 之後約左契媽去飲茶, 之後再行呀行呀!! 行到六點幾去左茶餐廳食野, 不過的確唔太好食!! 之後再行左一陣, 又坐低傾下計咁, 到九點先坐巴士返屋企, 好累呢!!!

KITTO DAIJYOUBU --> 大家都要努力, 加油, 希望一切都順利!!

返回


20/4/2006

今日我都冇出到街, 因為真係有點累, 冇咩特別O既一日呢!

KITTO DAIJYOUBU --> 聽日要加油!! 大家都要努力, 加油, 希望一切都順利!!

返回


21/4/2006

今日我都冇出到街, 不過就忙左成日, 吸下塵/抹下野/洗下洗手間, 真係忙個不停!! 3 點幾皇上打黎話一切順利! 咁都安心D!! 之後我睇左真人版小丸子, 個小妹妹幾得意, 都有幾個感動位, 只係好唔鍾意大人版小丸子果位小姐! 之後睇 UTABAN, 果位全日本第四位O既 AIR GUITAR, 竟然做左 UTABAN 嘉賓, 仲同果個巨乳女星組左一個組合唱歌, 日本O既藝能界真係特別!! 夜晚 8 點幾皇上同太后返黎, 希望一切順利!

KITTO DAIJYOUBU --> 大家都要努力, 加油, 希望一切都順利!!

返回


22/4/2006

今日我都冇出到街, 好少有星期六唔出呢!! 今日睇下野咁啦, 冇咩特別, 係好少有地整左個晚餐: 叉燒奄列+蘋果沙律, 一陣貼張相大家睇下先!! 之後睇左幾集 C嵐, 我覺得佢地做呢個節目真係幾陰功, 成日要俾人鬧!! 夜晚睇左一個節目, 係用春天花花黎講中華文化, 都幾得意!
晚餐:

KITTO DAIJYOUBU --> 大家都要努力, 加油, 希望一切都順利!!

返回


23/4/2006

今日我都冇出到街, 有少少唔舒服 :p, 睇左幾集 C嵐, 又睇左一集 USO, 真係嚇人!! 晚餐食左自創O既: 紫菜多士, 真係幾好味喎!! 終於聽到同睇到 KITTO DAIJYOBU O既現場表演, 正!! 夜晚突然間行雷閃電落大雨, 睇黎今晚好難訓得著!!

KITTO DAIJYOUBU --> 希望一切都順利!!

返回


24/4/2006

今日去左飲茶, 之後我就返左屋企, 其實都冇咩特別! 六點幾時收到個電話, 聽朝有事情, 只希望順利, 盡左力就算! 不過真係遠左少少, 係灣仔, 我聽晚要返學, 但又冇理由行幾個鐘架, 我好鍾意留O係屋企架嘛, 點好呢?!!

KITTO DAIJYOUBU --> 希望一切都順利!!

返回


25/4/2006

今朝九點半起身, 之後十點出門口, 坐 MTR 去左灣仔, 由於早左好多到, 所以O係地鐵站呆企左半個鐘, 之後十一點上到去, 等左成兩個字先叫左入去, 估唔到先黎個測驗, 真係嚇親, 不過好彩佢條題目果D英文我都仲睇得明! 十五分鐘測驗完左後, 又坐返出去等, 等左一陣又叫左我入去 INTERVIEW, 不過其實冇咩問到, 只係對返D學歷, 其實除左 HKCEE 果張外, 咩都冇睇, 再傾左幾句就走得喇! 家下等兩星期就知結果!! BY THE WAY, 係我今朝見工O既過程!! 之後坐巴士返屋企, 因為天氣太熱, 同埋夜晚要返學, 梗係返屋企啦, 半個鐘到就返到屋企附近, 之後 LUNCH 完上下網咁, 到左四點幾就煮左碗米粉食, 之後五點幾出門口返學, 返學冇咩特別, 下一堂到 DORA PRESENTATION, 我叫佢 PRESENT AIR GUITAR, 佢又唔肯, HAHAH, 所以提議佢 PRESENT 一個"都市傳說", 因為夠哂簡單呢!! 放學返到屋企, 食左兩塊多士, 之後上網, 本來見到春天家姐好想講下今朝O既事佢聽, 不過家下冇 MOOD 喇! 呵呵!!

KITTO DAIJYOUBU --> 希望一切都順利!!

返回


26/4/2006

今日去左交收, 之後返到屋企睇睇下片, 收到個電話, 原來係尋日見果份工, 成功喇! 雖然係臨時工, 後日返工, YEAH!! 之後再睇下片, 七點幾落左去食大快活, 食完再行左一陣就返屋企, 希望一切都順利啦, 呵呵, 唔洗點用腦O既工最 ARM 我!!

KITTO DAIJYOUBU --> 希望一切都順利!!

返回


27/4/2006

今日冇落街, 因為係我O既怪性格, 呵呵!! 上下網咁, 今日好早訓, 不過成點幾先訓得著, 但係一個鐘醒一次, 果然係好緊張!!!

KITTO DAIJYOUBU --> 希望一切都順利!!

返回


28/4/2006

今朝七點正起身, 好辛苦!! 又落雨喎, 食左兩塊麵包, 七點半出門口, 八點就去到, 以後唔洗咁早出門口, 之後O係樓下企左半粒鐘, 上到去發現有好多個 ROOM, 但係又冇寫邊間先係, 所以打去人事部問, 一開始填下 FORM 咁, 等到發荒呀, 因為由八點九等到成十一點先上左十八樓, 一開始做D好簡單O既野, 就係貼下號碼咁, 之後今日早左放飯, 十一點九就放, 去左飯堂食, 唔難食, 價錢都過得去啦, 食到十二點九返番去, 分派左少少卷, 之後一點半就又去左見部門O既人, 點左我去去做 receipt, 雖然唔係勁多電話, 但係咩鬼都唔識答, D人有D仲好鬼惡添, 不過好彩, 同埋果度D空氣勁差, 好多病菌味道, 攪到我頭痛左成日, 本來果個人叫我下星期繼續做, 不過真係唔掂, 雖然我明白佢地係優待我, 不過有時真係溫柔會傷到人, 好彩, 星期二再返去去另一組度做, 不過未知做咩, 大約係入 DATA 或者對資料, 最攪笑係我一點幾已經做, 但做到六點先有個人出黎話教我點樣駁線呀咁, 之後我話我放六點三, 佢先話"呵, 咁唔教你用喇, 因為你下星期都唔係做呢個位!", 真係好佩服佢地O既"效率!!", 本來聽日要返, 但佢話唔洗, 因為聽日要出去出面做苦力, 所以我有優待(不過鬼咩, 唔洗我返唔洗俾果日人工), 我今日都無 LALA OT 左半粒鐘, 不過攪到成六點九先走得, 真係蝕, 返到屋企沖完涼都七點半, 先食米粉, 家下好頭痛, 真係好頭痛!! 仲有, 今日 ... 整損左隻手指!! 但其實我覺得今日好浪費時間, 講真, 如果我係做 RECEIPT O既材料, 或者係適合做O既, 我洗咩家下咁少錢一日咁做O者, 仲講到好優待我咁, 我明白, 不過真係唔好講到人人都適合做呢樣野先得架, 我一邊做一邊好大壓力, 又頭痛, 又焗, 又嘈(因為D開門關門聲好大聲好嘈)!!

KITTO DAIJYOUBU --> 希望一切都順利!!

返回


29/4/2006

尋晚出現幻聽(成日聽到電話聲同埋開門關門聲), 唉, 果然情緒病又想發作, 不停咁發下夢咁, 今日成日都冇出街, 但又 DINNER 前冇咩上網喎! 睇左幾集<KIMINOTE KAKASAITEIRU>, 睇左幾次都仲覺得好好睇, DINNER 完主要係睇電視, 唔知點解唔係好上上網, 同左太后傾下計咁, 可能呢排真係好少時間傾計咁, 唉, 皇上話我出現幻聽係俾借口自己, 其實我都唔知, 講真丫, 我都想我做得黎 RECEIPTION , 因為如果性格外向少少, 其實係不錯, 不過天生我性格就係咁, 果陣做 SALES 真係攪到情緒失控, 我都好想做到, 但係發惡夢/壓力大/標冷汗/手震, 呢D如果控制到O既我都控制, 但係我真係控制唔到, 我都覺得自己好冇用, 唉, 不過算啦, 過左去!!!

KITTO DAIJYOUBU --> 希望一切都順利!!

返回


30/4/2006

今日我都冇出到街, 唔知點解, 對放出街同埋上網興趣大減, 五點令沖完涼竟然入左房睇日劇睇左個幾鐘, 再煮野食, 成日都唔係好想講野, 但又唔想皇上同太后擔心, 我真係冇鬼用呢!!!

KITTO DAIJYOUBU --> 希望一切都順利!!

返回


我的拍賣 查看我的拍賣
http://hk.geocities.com/atynpanda/ inserted by FC2 system