歡迎睇我任何一日私日記!
(私日記。WATASHINO NIKKI!)
1999
2000
2001
2002
2003
2004
2005
JAN
FEB
MAR
APR
MAY
JUN
JUL
1/8/2006
2/8/2006
3/8/2006
4/8/2006
5/8/2006
6/8/2006
7/8/2006
8/8/2006
9/8/2006
10/8/2006
11/8/2006
12/8/2006
13/8/2006
14/8/2006
15/8/2006
16/8/2006
17/8/2006
18/8/2006
19/8/2006
20/8/2006
21/8/2006
22/8/2006
23/8/2006
24/8/2006
25/8/2006
26/8/2006
27/8/2006
28/8/2006
29/8/2006
30/8/2006
31/8/2006

1/8/2006

又一個月, 唉!! 今日冇出到街, 因為好熱, 寫左封 EMAIL 俾我個細仔, 睇下片咁啦, PACKAGE OK 左, YOKATTA!!

KITTO DAIJYOUBU --> 希望一切順利!!

返回


2/8/2006

今朝好早醒左, 之後食左個麵, 再去左交尾數, YEAH!! 返黎成身濕哂, D雨實在太勁, 有傘都完全冇用呢!! 夜晚出奇地, <東張西望>會播 ARASHI 個記招, 真係好奇怪!!

KITTO DAIJYOUBU --> 希望一切順利!!

返回


3/8/2006

今日本來想去飲茶, 但最後都冇去, 由於太大雨, 都唔想落街, 夜晚睇左我細仔果套 SP 劇(TORIPURU KICCHIN), 幾好睇, 幾好笑, 但係我個仔就出得少左少少呢!! 另外睇 G 嵐, 差D笑C, 估唔到 SHO 呢個"運動音痴"會 WIN 左, 但睇落又幾好玩咁, 雖然亞仔攪到流血(心痛)!! BY THE WAY, 尋晚夢到 SHO、JUN、手越同埋小池, 但係唔係太記得成日夢係點呢!!

KITTO DAIJYOUBU --> 希望一切順利!!

返回


4/8/2006

今日去左飲茶, 之後就屋企, 因為要等百佳送貨黎呢, 之後上下網咁啦, 我今日先知原來編寫行程係幾難架, 有排攪, 仲有咩地方漏左呢?! 聽日去打下釘先!

KITTO DAIJYOUBU --> 希望一切順利!!

返回


5/8/2006

今日食完 LUNCH 坐車出左旺角, 三點正到信和, 好彩咋, 原來果個 KENNY(?!) 有簽名會, 聽姐姐講話如果我早幾分鐘到, 就會見到勁多妹妹仔!! 之後都係行呀行呀咁, 之後行到五點幾去左食吉野家!! 之後再行咁啦, OH?! 我今日先知原來D牌呀扇果D自己整, 吾, 之前唔係咁講架, 不過無所謂啦, 只要到現場時一齊開開心心咁 ENJOY, 同埋互相拎住對方個牌 HC 一下就好喇! 食完飯再行下書局, 打下書釘咁, 之後去左文化中文出面坐左一陣, 大約傾下行程咁, 其實都大約有左個路線圖!! 大約十點幾返到屋企, 之後都係上下網, 突然間心血來潮上個網路曬相果個網睇, 原來話所有帳戶會O係 8月31日 到期, 嘩, 我諗起我仲有幾十蚊未用, 所以立即睇下有咩相要曬, 都係曬返上個月食飯O既家庭相果D啦, 同埋幾張亞剛啦(笑), 我估星期一會寄到黎呢!!

KITTO DAIJYOUBU --> 希望一切順利!!

返回


6/8/2006

今日冇出到街, 拎左張咭紙整左把扇, 不過唔係好穩陣, 都係聽日去文具店買張咭紙整牌算呢, 因為原先想發揮最經濟O既原則, 但睇黎屋企冇合適O既原料, 只好去買啦!! 夜晚 TVB 有個節目講熊貓, 真係好可愛呢!

KITTO DAIJYOUBU --> 希望一切順利!!

返回


7/8/2006

今日去左飲茶, 之後去左文具店買 CARDBOARD, 不過只有大張冇細張, 之後剪左D字, 不過唔貼住 LU!! 夜晚, 唉 ... 點解發生D咁O既事架?! 快D冇事啦!! 睇亞視新聞, 咦?! 又訪問我親愛O既表弟呢!! 果然每逢放榜前就見到佢!

KITTO DAIJYOUBU --> 希望一切順利!!

返回


8/8/2006

今日冇落到街, 突然間諗到一個可以發洩心理O既方法, 就係"暴走日記"!! 哈哈, 係唔會公開網址俾大家O既, 因為一來係日文(順便練下日文嘛!), 二來好多說話都係平時唔會講O既, 呵呵, 同埋都係為左發洩下心情, 而唔係要俾人知道, 亦唔需要有人睇到, 自己寫完舒服D就可以喇!!

KITTO DAIJYOUBU --> 希望一切順利!!

返回


9/8/2006

今日去左飲茶, 好多人呢!! 之後行左一陣, 咦?! 我前排參加設計比賽果個作品貼左出黎呢, 不過點解冇獎架!! 行左轉文具店, 唔知點解冇一張張O既 A4 SIZE O既顏色紙賣O既?! 我記得以前有架呢!! 夜晚開始落雨, 希望聽晚唔好落雨啦!! 最後想講一句: "BOUSOUNIKKI HA KIKUWA!!"! 我只希望平靜, 同埋睇左我細仔D訪問, 更加覺得友誼可貴, 起碼我到而家仲係相信"友誼"呢兩個字, 盡力做到令對方舒服O既朋友就 OK, 至於自己?! DOUDEMO II!! 唔係扮偉大, 只係發現到毫無保留咁表達自己真實一面, 對方未必接受到, 可能會變成傷害, 觀點與角度問題掛!! "UTSUKUSHII ARUTAMENI KATTEDATTA MONO~~~", 今日突然俾呢幾句歌詞感動, "HONTOU YOWAIDESU, MADAYASASHIRODESU, ATASHIGAWARUINANDE IWASENAIYO!!", 越聽越覺得小剛好厲害, 點解我到今日先識去欣賞呢首歌O既歌詞?!

KITTO DAIJYOUBU --> 希望一切順利!!

返回


10/8/2006

今日同太后兩個人去左飲茶, 之後行左一陣, 太后就坐巴士出左街街, 我去左一轉樓下商場果間文具店, 果然係呢D舊式文具店, 先有一張張顏色紙賣, 不過個 SIZE 好怪, 所以買左一張紅色O既, $1.5, 其實有點貴, 但係如果要我買幾十張紅色又冇用, 所以只好咁樣!! 返到屋企攪掂哂D紙愛心, 寫埋 MESSAGES 呢!! 大約五點三就出門口, 好好彩咁等左一陣就有巴士, 亦完全冇塞車!! 亦好好彩咁俾我o係花園街買到一件熊貓 T-SHIRT, 之後去左行新世紀O既大眾書局, 行左一陣家姐打黎喇, O係麥當勞搵左位坐低食野, 食完野就去睇<死亡筆記>, 好彩家姐前日去買定飛咋(麻煩哂!!), 因為真係好多人睇呢, 呢套戲都唔錯喎, 但係其實有少少得人驚, "人"真係幾得人驚, 出發點係為左正義, 但只要有少少諗歪左, 成件事就變哂, 正如主角一樣, 不過睇到最後, OH, 未完咁O既, 相信好大機會有續集!! 要提一提, 瀨戶朝香好型呀, 雖然戲份少左少少!! 同埋我好攪笑咁成套戲將"藤原龍也"當做 SAMI 咁睇, 都幾有趣!! 睇完行左一陣, 坐車返屋企 LU!! 大約十點半返到屋企呢, 好彩冇落雨!! 希望一切都會好過黎!!!

KITTO DAIJYOUBU --> 希望一切順利!!

返回


11/8/2006

今日食完 LUNCH, 落左去行左一陣, 再去埋拎機票, 不過真係想同果個職員講"你越幫越忙!!", 明明個信封寫住有機票同酒店券, 佢夠膽同我講話係唔洗酒店券, 拎護照去 CHECK IN, 我返屋企再望真D!! 車~~ 咁大張酒店券竟然話冇!! 又話到時如果O係台灣有咩事, 可以打返黎 HK 個電話, 人地張券有寫埋果邊電話呀, 公司名呀咁, 雖然果個職員不停強調佢唔係機票部, 但係, 都冇理由話我知用護照 CHECK IN 嘛, 仲子肯定咁話冇酒店券!! 不過, 家下有哂機票果D O係手, 就實在左好多, 遲D攪簽証同埋其它野就 OK!! 話說我仲未諗掂帶咩行李箱去!! 因為一係太大一係太細, 又唔會去買! 睇到 DORA 個 BLOG, 有少少擔心, 希望快D冇事啦!!

KITTO DAIJYOUBU --> 希望一切順利!!

返回


12/8/2006

今日冇咩特別, 睇返前排D節目!! 上下網咁, 天氣好熱呢!! 聽左少少 嵐 CON 密音, 亞仔太可愛喇!! "MA CHAN~~~", 令我感到好奇O既係, 原來 SAMI 唱到平井堅喎, 勁!! 今日少有咁冇出街, 吾, 希望只係時間問題!! "AKIRAMETARA HANARETEICCHAUKARASA", 珍惜身邊O既一切!! 今日新聞話"浩園"有 29 個墓碑俾人惡意破壞, 真係好 SHOCK, 有少少唔開心, 因為長眠"浩園"O既, 都係為保護香港而過世, 咁樣做, 真係好過份!!

KITTO DAIJYOUBU --> 希望一切順利!!

返回


13/8/2006

今日冇出到街, 一口氣睇左好多集<女王教室>, 好得人驚!! 如果我係裡面O既學生, 我估計我唔會返學!! 當然, 總係覺得佢係出於好意, 只係目前我睇O既呢幾集, 實在覺得D學生O既精神壓力太大, 俾我一係失眠, 一係發惡夢, 對於精神上唔太健康呢!!

KITTO DAIJYOUBU --> 希望一切順利!!

返回


14/8/2006

尋晚同今日睇哂<女王教室>連特別編, 好好睇, 呢個老師的確唔錯, 原來係用心良苦, 好感動, 喊左好多次呢!! 今日一點幾時家姐打黎, 其實真係好開心, 話我知今期"新假期"送本台北O既書仔, 所以我就飲茶前去左買本黎睇喇, 好實用呢!! 飲完茶就返左屋企喇, 因為實在太熱!! BY THE WAY, 收到 YUMIKO O既信, 好可愛呢佢, 寄左舊羊羹俾我, 真係多謝哂呢, 過幾日開黎食下先, 因為 ARMARM 尋日開左舊抹茶味O既羊羹, 不過冇茶味呢!! 睇完<女王教室>, 學到樣野, 就係唔好用自己O既意願去迫其它人接受, 因為只會令到人地感到"迷惑", 如果真係為對方好O既, 就要做好受傷同埋人地唔了解都冇所謂O既覺悟, 聽落去好亞 Q, 同埋好似好偉大咁, 其實諗真一層, 又的確係, 因為對人好並唔係要得到回報, 只要真係對對方好, 就夠!!!

KITTO DAIJYOUBU --> 希望一切順利!!

返回


15/8/2006

今日出左去旺角飲茶, 不過原來改左好多野呢!! 但係真係好唔公平, 因為O係我等緊位O既期間, 有三位外國人黎到, 但係佢地就快過我有位, 唉, 真係香港人!! 之後行左一陣, 買到兩件熊貓衫! YEAH!! 之後四點幾就返左屋企喇!!

KITTO DAIJYOUBU --> 希望一切順利!!

返回


16/8/2006

今日本來係冇落街架, 但 DORA 話佢今日收到成績, 所以我都落左去拎信, 同埋順便去圖書館影印, 返到屋企沖完涼就開始攪下 CEF, 嘩! 原來 SPACE 好麻煩架, 因為 CEF 張 FORM 要學院蓋印, 但原來又唔係立即可以做到, 話要 3 至 4 星期先 OK, 就要影印好多野俾佢, 所以頭先去影印果D都唔夠用, 因為原先諗住係用黎寄去 CEF, 原來 SPACE 都要!! 所以聽日又要再去印過, 同時間我打左去 CEF 問, 接話果位先生, 好似趕住收工咁, 用一D勁唔好O既語氣去解答我O既疑問, 不過真係暈低, 因為之前問又話係要 FAX 去, 後黎又話要寄信去, 但今日又話 FAX 就 OK, 所以我唔理咁多, FAX 左先, 諗住聽日或者後日去報名, 不過今次個 COURSE 好貴呢!! 但貴都要讀架, 冇計, 早知今年先申請 CEF 啦!!!

KITTO DAIJYOUBU --> 希望一切順利!!

返回


17/8/2006

今日同太后去左飲茶, 之後就坐車出左尖沙咀, 因為要去報名呢, 原來 SPACE O既 CENTER O既影印只係 $0.3 一張咋, 早知唔洗飲茶前去圖書館影印, 仲要遇著個麻煩亞叔, 用超慢同埋行黎行去咁影印, 一時又話冇紙, 一時又要人地俾張 A3 佢, 圖書館邊會有 A3 紙呀, 仲要一路影印一路話部影印機壞! 但好地地架喎, 攪左好耐先到我呢!! SPACE 仲有趣, 明明寫住話要用公文袋入住D CEF, 但後黎果個人又話唔洗, 早知唔用啦!! 報完名就去左行嘉連威老道, D OUTLET 都唔平呢, 仲去左元綠換壽司, 都幾好味!! 之後去行左轉十蚊店, 之後就坐車返屋企喇, 五點幾 DORA 打黎傾左陣, 之後我六點幾落去大快活食飯, 又同 DORA 傾左一陣, 食完飯行埋超級市場就返屋企喇!!!

KITTO DAIJYOUBU --> 希望一切順利!!

返回


18/8/2006

尋晚睇<A NO ARASHI>, BAKA 實驗, 真係幾有趣, 好好奇, 炸西瓜皮呀、香蕉皮呀... 果D真係咁好食?! 不過又唔會無 LALA 走去炸黎食架, 但見佢地勁話勁好食, 又真係好想試下!! 今日去左飲茶, 不過坐正同桌果兩個人, 好 DIRTY!! 飲完茶去左買野, 之後就返左屋企, 睇左<怪誕屍新娘>, 都唔錯, 幾有趣!!!

KITTO DAIJYOUBU --> 希望一切順利!!

返回


19/8/2006

今朝起身睇左陣電視, 之後煮左個麵食, 未夠兩點就出門口坐巴士出旺角, 呵呵, 早到左, 連家姐都話我近排早左, 因為冇塞車呢!! 之後行信和, 不過冇收穫, 之後去左黑店, 少有黑店咁多人, 可能好多人唔知佢O既黑暗!! 然後行左去新世紀, 睇下書店咁, 之後去左太子, 買左雜誌呢, 再去左旺角行人專用區果間麥記, 點知好多人, 所以就去返太子對面果間, 食完後睇左陣雜誌, 就行左去坐車返屋企喇, 因為家姐有節目, 七點幾返到屋企附近, 估計皇上同太后會去大快活食飯, 所以就行左去撞佢地, 真係俾我估中左喎, 坐左一陣, 我就返屋企先, 佢地去左行超級市場, 返到黎拿拿聲沖完涼, 再整埋D雜誌, 再上下網咁!!!

KITTO DAIJYOUBU --> 希望一切順利!!

返回


20/8/2006

今日冇落街, 因為天氣太熱, 攪到好累咁!! 都係上下網, 冇咩特別!! 睇左尋日O既 MAGO, SAMI 驚人O既發言, 攪到亞仔都要講佢地幾個唔係"相思相愛"(爆)!!!

KITTO DAIJYOUBU --> 希望一切順利!!

返回


21/8/2006

今朝起身暈暈地咁, 本來約左兩點交收, 但係個買家一點打黎話就黎到, 所以拿拿聲換衫行過去, 仲要交收完又早得滯未夠鐘飲茶, 但又費事返屋企, 所以去左行書局, 但好怪, 兩間書局都冇螢光粉紅O既 PVC 賣, 我諗黎諗去都唔記得果陣O係邊度買O既!! 之後兩點去左酒樓, 的確天氣太熱好暈!! 飲完茶去左樓上姨姨屋企一陣, 仲送左條運動褲俾我, 多謝芳姨!! 之後返到屋企沖完涼就開始整理台灣O既資料!! 但係到左六點幾突然間覺得又暈又唔舒服又標冷汗咁, 所以入左房一陣, 後來發現係肚餓得滯!! 夜晚同亞 NUT 傾左一陣, 先要謝謝佢幫我去交收先, 因為果個賣家好麻煩, 又話時間地點就我, 我話旺角佢又話要我俾車費, 個拍賣又冇寫喎, 唉, 不過算, 好彩亞 NUT 肯幫忙, 實在麻煩哂! 以後對住D新做O既賣家, 真係問清楚先, 費事好似今次咁, 如果唔係見佢賣得平, 同埋有一D可以賣返出去, 本來想放棄唔買呢!

KITTO DAIJYOUBU --> 希望一切順利!!

返回


22/8/2006

今日全日隻左眼好似有少少問題咁, 因為好似好累, 又好似隻眼皮咁, 相信係作病!! 三點幾同太后落左去行左一陣, 好眼訓, 呢排唔知仲咩訓極都好累, 唔通真係老化?! BY THE WAY, 今日 CEF 打黎話批左我延期, 真好!! 亞剛再三加場, 真係好勁, 9 月再黎廿幾場, 小心身體呵!

KITTO DAIJYOUBU --> 希望一切順利!!

返回


23/8/2006

今日冇落到街, 睇返以前D志村, 亞仔真係好危險, 成日都俾D動物 ..., 其實真係一邊睇一邊好擔心呢!! 今日發現台灣O既政府總部原來好近西門町, 到時真係要小心D先得, 因為 9 月有倒扁行動呢!!!

KITTO DAIJYOUBU --> 希望一切順利!!

返回


24/8/2006

今日同太后去左飲茶, 之後行左一陣就返屋企喇, 因為好似想落大雨咁呢!! 重睇<花樣男子>, 因為真係幾好睇!! 夜晚睇<伊東家食桌>先知原來果個大地真央, 今年已經 50 歲喇, 真係完全唔似, 以為佢頂多 40 歲呢, 唔通佢講果D營養早餐真係有用?!

KITTO DAIJYOUBU --> 希望一切順利!!

返回


25/8/2006

今日去飲茶, 出門口時仲咁 ARM 皇上買完汽水返上黎, 所以等埋佢一齊去酒樓喇!! 之後行左一陣, 就返屋企喇!! 收到 SPACE 寄返張 CEF FORM 俾我, 果然好快手, 都係一個星期到!! 所以立即攪掂埋D野, 入左信封寄去 CLAIM CEF, 聽日寄!! BY THE WAY, 飲茶前家姐打俾我, 嘻嘻, 原來聽日開始放假!! 我今日睇埋果幾集<花樣男子>, 係呀, 我翻睇呢!! 好好睇, 好攪笑, 好期待下年一月O既 PART 2!! 嗚嗚, 今日睇新聞, 話冥王星唔再係九大行星, 要變成"矮行星", 唔知點解有少少失落O既感覺!

KITTO DAIJYOUBU --> 希望一切順利!!

返回


26/8/2006

今日同D表妹傾左陣 MSN, 之後同太后一齊坐巴士出旺角, 會合左家姐後, 行完信和就去左食麥當當, 原來家陣開心樂園餐送 KERORO 喎, 不過冇食到開心樂園餐呢!! 之後行下呢度行下果度咁, 一路行到去尖沙咀, 坐低傾計, 傾左好耐下!! 傾到就黎八點先走, 最攪笑係, 行緊去車站時, 有個女仔, 好熟口面, 對方都覺得, 然後果個女仔問家姐:"浸會人? 浸會人?!", 之後答唔係呀, 但佢勁問係咪浸會人, 就係咁就走左喇, 後黎相信對方係培道人, 應該同我地同級, 所以好熟口面!! 返到屋企沖完涼大約九點, 對腳都好累!!

KITTO DAIJYOUBU --> 希望一切順利!!

返回


27/8/2006

今日我冇出到街, 先發現原來 TVB 又重播 GOOD LUCK! 睇左尋日個 MAGO, 亦突然間心血來潮睇今年O既 24 JIKAN, 本來諗住 KAT-TUN 唔睇, 但係睇睇下, 又幾好睇, 好感動, 仲破例咁睇埋 24 JIKAN O既 SP DRAMA, 夜 MAMA 對住個 MON 喊到收唔到聲, 都可以算係經典!! BY THE WAY, 我只希望開開心心, 真係想打電話鬧果個XX, 因為佢, 攪到家下成日都感情受損, 真係好想講粗口, 好想暴走, 去暴走下先!

KITTO DAIJYOUBU --> 希望一切順利!!

返回


28/8/2006

今日同左樓上個姨姨飲茶! 之後就返屋企喇, 我睇埋未睇O既 24 JIKAN, 不過真係仲有好多未睇, 亦係好感動!! 睇 24 JIKAN, 果然要用好多眼淚!! 夜晚同家姐傾左陣電話, 約左聽日! 好快咁設計左幾個 LOGO, 不過如果要自己畫, 真係難左少少咁!!

KITTO DAIJYOUBU --> 希望一切順利!!

返回


29/8/2006

今朝十點幾就醒左喇, 食左兩件朱古力蛋糕, 之後皇上同太后買左D燒春雞返黎, 所以食左少少就出門口, 未夠一點就到左金鐘, 再會合埋家姐, 去左力寶中心個中旅社拎台証, 好快就攪掂左呢, 之後坐 MTR 去左銅鑼灣, 行左十蚊店, 我終於忍唔住買左包果D整飯團O既三文魚料(即係整落D飯度再整飯團果D), 之後去左麥當勞食下午茶, 其實又唔算勁平, 之後坐 MTR, 去左家姐屋企, 好多年冇去過呢, 我估有十年喇! 一邊睇 NOW TOUR, 一邊整個牌, HEEEE, 果然唔錯唔錯!! 下半部份要麻煩家姐幫忙攪掂, 之後伯有煮飯呢, 好味呵個雞!! 食完飯傾左一陣行程, 再坐車去返個商場行左一陣, 再坐巴士返屋企喇!!

KITTO DAIJYOUBU --> 希望一切順利!!

返回


30/8/2006

今日去左飲茶, 之後行左一陣咋, 冇咩特別!! 夜晚睇埋 24 小時, 目前手頭上O既都睇哂, 不過應該仲有好多未睇, 因為都未完!! 我想睇果兩個人到終點果陣呵, 實好感動!! L SHO 踩樓, 但我完全唔記得左, 所以都係近完結時先參加左一陣, 今日係 JUN 生日! 生日快樂!!

KITTO DAIJYOUBU --> 希望一切順利!!

返回


31/8/2006

今日冇出到街, 煮下意粉食咁啦, 好好味, 真係好好味!! 睇哂全套<妹妹戀人>漫畫, 對於我呢個"漫畫音痴"黎講, 都可以講係一個奇蹟, 因為冇攪亂D人物呢!! 夜晚食咖喱飯, 雖然話係咖喱, 但其實一D咖喱味都冇, 因為我唔食得辣呢!

KITTO DAIJYOUBU --> 希望一切順利!!

返回


我的拍賣 查看我的拍賣
http://hk.geocities.com/atynpanda/ inserted by FC2 system