歡迎睇我任何一日私日記!
(私日記。WATASHINO NIKKI!)
1999
2000
2001
2002
2003
2004
2005
JAN
FEB
MAR
APR
MAY
JUN
JUL
AUG
SEP
OCT
NOV
1/12/2006
2/12/2006
3/12/2006
4/12/2006
5/12/2006
6/12/2006
7/12/2006
8/12/2006
9/12/2006
10/12/2006
11/12/2006
12/12/2006
13/12/2006
14/12/2006
15/12/2006
16/12/2006
17/12/2006
18/12/2006
19/12/2006
20/12/2006
21/12/2006
22/12/2006
23/12/2006
24/12/2006
25/12/2006
26/12/2006
27/12/2006
28/12/2006
29/12/2006
30/12/2006
31/12/2006

1/12/2006

今日本來係飲茶日, 不過皇上同太后約左朋友飲茶, 所以我就自己煮米粉食! 之後睇下電視, 再睇埋<14歲媽媽>ch.8, 同埋幫我屋企D熊貓影左相, 仲有精品呀咁, 仲未拎收埋左果D公仔出黎影呢, 影好左我會放去 BLOG, 大家千其唔好嚇親呵!! 因為真係唔少架呢!! BY THE WAY, 今日 CATCAT 打過俾我, 原來佢去左珠仔街掃貨!! 呀, 今日睇到消息話 GACKT 會拍下年O既大河劇, 個造型真係唔錯, 之但係大河要追一年, 所以 ... 睇唔睇好呢??!! 同埋今日聽左幾首 AYAYA O既歌, 發現都唔差呢!! 係D快歌高音左少少!!

KITTO DAIJYOUBU --> 希望一切順利!!

返回


2/12/2006

今日三點幾同太后落左去行街街, 只係買左個卷蛋咋, 不過其實雞蛋驚唔驚架?!! 返到屋企樓下果陣, 發生左件好驚O既, 話說我地等緊過馬路, 點知身邊架的士突然倒車, 輕輕咁撞到太后, 不過真係好彩冇事, 因為係好慢咁倒車, 之後個司機話睇唔到有人喎, 我呢D做女O既, 梗係鬧個司機啦, 真係咩火都黎埋, 咩叫做睇唔到有人呀?! 盲架?! 的士咁矮, 有兩個人企左O係後少少都睇唔到, 盲O既唔好做的士司機啦!! 好彩冇事O者, 有咩事你係咪養我全家成世先?! 其實自從前排好多倒車意外後, 我地都唔會再企O係車尾果度, 不過咁 ARM 想過馬路時有架車經過(冇紅綠燈), 所以先停一停等架車過左我地再過馬路, 就O係果幾秒, 真係好嬲架!! 真係好彩冇事咋, 佢仲要講句話好彩係慢慢倒車, 頂佢丫(大家原諒我, 因為我真係好興!!), 唔係快同慢O既問題, 而係的士咁矮O既車, 兩個大人企O係度, 日光日白, 咁都睇唔到, 點做司機架你!! 倒車要睇倒後鏡架下嘩! 我地又唔係鬼, 係人黎架喎, 日光日白無可能睇唔到啦, 咁你睇唔到即係對眼有問題啦, 對眼有問題仲做的士司機?! 你個腦冇事下嘩?! 真係好興!! 其實佢唔講果句話好彩慢慢地倒車, 佢唔講呢句我真係冇咁興!! 佢個車牌係 LA 271 (定721), 真係好彩個人冇事O者, 唉~ 真係好興呀!! 返到屋企 DINNER 完執衣櫃, 之後順便拎哂D熊貓公仔出黎影相, 之後亦將所有熊貓收藏品O既相放左上 BLOG, 大家可以去 BLOG 睇下, 或者直接到 這裡 ! 我家下要去冷靜下先, 寫完日記發現自己真係仲好激動!! BY THE WAY, 5n SEND 左張 POSTER O既相我睇, 好靚呀, 要先多謝你呢!!

KITTO DAIJYOUBU --> 希望一切順利!!

返回


3/12/2006

今日 LUNCH 完本來諗住全家去將軍澳行下, 不過掛住傾視像, 傾到差唔多三點, 後黎我同太后去將軍澳行左一陣, 不過都冇買到咩, 係買左四支汽水, 因為橫掂坐車, 所以仲近過O係屋企附近買呢!! 行到六點幾返到屋企, 之後 DINNER 係打邊爐, 真係幾開心!! 夜晚上網, 都冇咩特別!! 今日考日本語能力試O既大家"OTSUKARESAMA!!", 祝大家有好成績!!

KITTO DAIJYOUBU --> 希望一切順利!!

返回


4/12/2006

今日去左飲茶, 但又掛住傾視像, 所以皇上落左酒樓搵位先, 飲完茶行左一陣, 買左卷彈力魚絲, 諗住用黎串手鍊, 之後返屋企, 因為皇上用電腦, 所以我就入左房睇碟, 終於睇哂<CXDXG NO ARASHI>, 真係有好多睇完再睇都好好笑!! 夜晚都係打邊爐!! 原來家姐病左, 希望佢快D好返啦!! 天氣轉, 好多人都病病地!! 再加上我地呢D剛命O既, 真係唔係講笑, 好幾個都跟住亞剛感冒, 我目前仲頂得住, 因為我有食藥阻止佢發出黎!! BY THE WAY, 終於整好左隻 DORORO 啦, 而家只係爭 KURURU 一個, KERORO 小隊就齊人喇!! YEAH!! FIGHT!!



KITTO DAIJYOUBU --> 希望一切順利!!

返回


5/12/2006

今日 LUNCH 完就都係上網同睇野, DORA 打俾我佢又返唔到學呢, 因為工作關係!! 五點左右食左個米粉, 之後就返學喇, 等左成十幾分鐘先有車, 所以直接返學, BREAK 時就去左問 SENSEI FAX 交功課得唔得, 因為 DORA 叫我幫佢問, 我發現我一對住外國人講外語真係 DOKIDOKI SURU!! 唉, 真係要練多D先得!! 另外同左坐我隔離果個人傾左一陣, 都係講能力試D野!! 放學返屋企, 沖完涼食下朱古力曲奇咁, 之後上網, 再 SEND 返今日D NOTES 俾 DORA!!

KITTO DAIJYOUBU --> 希望一切順利!!

返回


6/12/2006

今日 LUNCH 完, 坐左一陣就同太后出左去深水"步"同埋旺角行街街, 不過無咩買野, 但飲左杯珍珠奶茶, 但好似好細杯咁O既, 佢唔會俾錯我掛!! 行到六點左右, 個賣家打俾我話佢到左 MTR, 所以就立即去交收(見下圖), 其實呢個賣家真係可能係拎D貨辦出黎賣, 如果唔係冇理由咁平同埋貨源咁充足, 不過我唔理 LU, 因為我都係估O者, 重要係平靚正!! 交收完後, 立即坐小巴返屋企, 因為行左成日真係幾累呢!! 但 ... 惡夢就黎喇!! 因為電腦個硬盤出現 BAD SECTOR, 真係唔知點算, 呢幾日電腦係慢左架喇, 估唔到係 BAD SECTOR 咁大件事, BOOT 完機佢硬係過唔到個 SCAN DISK, 所以上網 SEARCH 有咩方法, 初時只係見到話要成個 HDD 換左佢, 真係唔好喇掛, 腦海閃出好慘O既景像, 但好彩, 俾我搵到一個好正O既軟件, 話可以修復 BAD SECTOR, 講到好勁!! 所以都要試下, 但怪就怪在, 佢係要先整左隻 BOOT 機 FLOPPY 黎 SCAN, 搵左好耐先搵到隻 FLOPPY, 因為呢個 A:, 好似用過一兩次咋, 因為唔係次次都 READ 到隻 FLOPPY, 真係好彩上次冇掉哂全部 FLOPPY 咋!! 其實都真係入第二隻落去先整到隻 BOOT 機碟, 第一隻話 ERROR, 真係一步一驚心, 一整好左隻碟就立即 BOOT 黎 SCAN 下, 平均 1GB 要 SCAN 5 分鐘, 之但係我個 HDD 係 120GB, 所以都係望左佢一陣, 整左樣手飾就入左房睇電視, 好擔心呀, 如果萬一整唔返, 我 ... 嗚嗚嗚!! BY THE WAY, 今日係 WAYNE 生日, 生日快樂!!




KITTO DAIJYOUBU --> 希望一切順利!!

返回


7/12/2006

尋晚發惡夢, 成晚都掛住部電腦, 本來較左鬧鐘八點起身整電腦, 因為計過 120 GB 大約 SCAN 到八點, 但因為尋晚訓得唔好, 所以都十點幾先起身, 一睇, 仲未 SCAN 完喎, 因為最尾果度有好多 BAD SECTOR, 所以 SCAN 得好慢, 後黎一路等到一點幾先 SCAN 完, 好彩, 我部電腦冇事喇!! 太好喇!! SCAN 左先知有成千幾二千個 BAD SECTOR 喎, 真係汗!! 好彩整得返, 真係太好喇!! 呢個軟件實在太神奇喇!! 上左一陣網就落左去飲茶, 好彩今前攪掂好咋, 如果唔係我估計我冇心機去飲茶, 飲完茶之後去左行左一陣, 返到屋企沖完涼就入左房睇DB, 因為皇上要用電腦, 因為呢兩日都冇用到呢!! 不過其實 BAD SECTOR 果D係冇好返, 只係個軟件將佢地無視左, 因為我發現我個 HDD 好似少左 5 GB 幾空間, 唔太肯定, 因為之前冇好留意!! 但總好過要買過個新O既!!!

KITTO DAIJYOUBU --> 希望一切順利!!

返回


8/12/2006

今日冇出到街, LUNCH 係米粉, 好好味呢!! 之後整埋隻耳環, 再剪左個紙樣, 開始做 KURURU, 用左個新方法, 就係將D手手腳腳同個身一齊, 以前一直係分開再縫上去, 但就好難整, 希望今次成功啦!! 睇左 FNS, 不過今年咁少 KINKI O既, 估計係唱完歌就走左, 因為之後冇再見佢地坐O係台下呢!! SABISHI!! 夜晚仲整埋隻戒指(用螢光粉紅繩織左上一隻舊戒指度)!! 好開心呀, 因為真係好鍾意個色!!

KITTO DAIJYOUBU --> 希望一切順利!!

返回


9/12/2006

今日傾左陣視像, 嘩!! 果邊發生老鼠事件, 真係嚇人!! 如果我O係果邊, 我會立即坐車走!! 之後上下網, 睇左半個鐘<冰點>, 不過手越弟弟仲未出, 而且好悶, 所以我放棄!! 之後未夠六點出門口, 點知又送車尾, 所以等左十幾分鐘先有車, 我未到姐姐就打黎話佢到左旺角, 後黎我塞完車又塞人, 都唔明白點解D人可以一路行一路打機, 或者一路 SEND SMS, 又或者企正O係路中心咁傾計、等人!! 之後O係麥當當會合, 食完飯後我地就去行街街喇, 第一站係信和, 多謝姐姐O既 iD ALBUM, 實在唔好意思!! 之後我買埋隻 SINGLE - HARMONY OF DECEMBER(見圖1~3)!! 因為 ALBUM 張 POSTER 要下星期先有, 所以只能影 SINGLE O既 POSTER 喇!! 下星期拎到再補返呀下!! 行信和時, 我買左套叮噹扭蛋(見圖4), 因為好平, 都係俾安媚同安怡呢(請自己返香港拎!!)!! 之後行左好多地方, 旺角中心果間好多熊貓衫O既店見到件熊貓衫好可愛, 不過 $89, 真係貴左少少咁, 都係再諗下先!! 之後十點幾坐車返屋企, 返到屋企沖完涼, 就開始同D戰利品影相, 今次隻 SINGLE 有送手帶, 有紅色或藍色, 我選左藍色, 其實我係一直都想要藍色, 返到屋企睇到 SINGLE 內頁, 亞剛都係戴藍色, 我就激動喇!! 但同 TSU 講, 原來一直以來亞剛都係藍色, 光一一直都係紅色(汗), 我真係而家先知, 我真的一直都冇留意有分, 仲要話好似係出道開始已經有分, FANS 失格!! 我去面壁!! 再同"人間失格"親講, 佢話 COUNT DOWN 時, 年年佢地果兩個"咪"都有顏色, 我真係 ... 唔知道!! 我諗, 如果我買左紅色, 我可能會喊, 雖然我唔算係 TO, 因為冇 KOICHI, 亦冇今日O既 TSUYOSHI, 所以我係好感激佢, 不過, 好彩買左藍色!!



KITTO DAIJYOUBU --> 希望一切順利!!

返回


10/12/2006

今日天氣凍左少少, 實在太太太好喇!! 起碼似聖誕多D!! 今日冇出街, 因為不停咁睇野, 仲睇左尋日家姐講果集<康熙來了>, 果個叫"宣宣"O既女仔真係好慘呢!! 之後上網 SEARCH 左一D有關呢個女仔點解要拍 AV, 原來因為當年佢媽媽有病, 需要錢, 所以先拍, 其實都好陰功, 最慘係佢唔似有D女仔因為好奇或者想要錢買名牌咁, 而亦因為有過呢個過去, 所以好多人都覺得佢一定好隨便, 咁當然, 佢係咩人, 我都唔太知, 因為真係第一次知道呢個人, 之前我仲以為係另外一個, 因為之前睇<康熙來了>, 又係有一個台灣O既女仔去左日本拍 AV 紅左, 但我最記得佢O既出發點係好奇! 完全唔係為錢, 當時 小S 同埋蔡康永真係嚇到傻左! 竟然係因為想知道拍攝過程呀等等, 而去拍, 小S 仲話佢個腦一定有病! 唔知攪咩出發點係咁!!!

KITTO DAIJYOUBU --> 希望一切順利!!

返回


11/12/2006

今日去左飲茶, 之後行左一陣啦!! 返黎沖完涼就睇左一陣碟, 一邊睇一邊做個新o既面膜, 之但係果個面膜真係好有效, 因為話係會令你好訓D!! 的確我敷完之後真係好眼訓, 就算家下上網都好累咁!! DINNER 食我最愛O既上海雲吞, 好味呀!! 之後整埋隻 KURURU, KERORO 小隊終於齊人(青蛙?!)喇(見圖1~2)! 下個目標係整俾家姐O既迷你蛋糕仔, 希望整得靚呢!!


KITTO DAIJYOUBU --> 希望一切順利!!

返回


12/12/2006

今日好似涼左少少, 但係又好似好熱咁, LUNCH 同埋返學前都食雲吞, 真係好好味呢!! 今日睇報紙話有個女仔食完生蝦, 感染左食肉菌, 好得人驚呢, 真係要小心D!! 返學前去左十蚊店, 買左個盒裝 KINKI O既 CD, 其實一直都有, 不過真係唔夠裝喇!! 返學都冇咩特別, DORA 亦冇返, 攪到我同果位講國語O既同學練習對話, 我對於陌生人真係"苦手"呢!! 放學返屋企, 整左舊朱古力蛋糕仔, 不過諗唔到加士多啤梨好定係 CREAM 好, 本來諗住問下家姐, 不過佢心情好似唔太好咁, 所以都係聽日先!! 希望佢快D好過來啦!! BY THE WAY, 去左 YOUTUBE 睇片, 睇左幾個攪笑藝人O既"NETA"(即係攪笑O既片段//橋段), 實在太好笑, 我好鍾意"ANJYASSHU(UN JUST SHOE)", 佢地果D"偶然對話"真係笑到我爬地!! 仲有"Oriental Radio"O既武勇傳, 實在笑到我暈低!! 值得推介O既係"ZOXY DOLL", 佢"NETA"O既特色係對某D事不滿, 而大聲咁講出黎, 真係好好睇呢!! 仲有就係"犬井HIROSHI", 佢次次都係唱歌, "XXX O既 BLUES"咁, 都好好笑!! 不過唔知點解呢一個月都冇人放<ENTA NO KAMISAMA>呢個節目, 我睇過兩三集咋, 真係好好睇呀, 真係好好笑!! 仲可以練下日文!! 呀, 當然我都鍾意睇"SAKURADUKA YAKKUN"O既"NETA"啦, 佢其實真係幾聰明, 畫畫都好掂呢!! 唉, 攪咩我呢排咁鍾意睇攪笑藝人?! 可能開始覺得人生係開心時就要盡情咁開心吧!!

KITTO DAIJYOUBU --> 希望一切順利!!

返回


13/12/2006

今日繼續整蛋糕仔, 戟絨果隻!! 天氣凍返喇, 實在太好呢!! 不過我依然短袖衫, 因為未至於凍到著長袖訓覺!! 講開訓覺呢, 呢幾日我都好眼訓, 唔知係咪因為果塊面膜呢?! 因為係甜睡面膜, 咁有效?! 夜晚知道家姐心情好返, 我都放心D!! 仲有就係睇左前幾日 CNN 訪問 HAMASAKI AYUMI, 其實出奇地, AYU D英文都 OK 喎, 雖然好多都係答日文, 但係佢有時答英文, D發音都好明白呢!!

KITTO DAIJYOUBU --> 希望一切順利!!

返回


14/12/2006

今日繼續整蛋糕仔, 因為要整六舊將佢地合埋變成一個完整O既蛋糕呢!! 我越整越快, 因為熟左點整就易好多呢!! 由於要保持神秘感俾家姐, 所以等我送左俾佢先貼俾大家睇啦!! 今日去左飲茶, 之後行左一陣, 冇咩特別!! 睇左幾集<花樣男子>, 唔知點解突然間想睇道明寺!! 夜晚收到個電話, 令我好激氣!! 話說食完飯電話響啦, 我一聽, 係一個男人聲, 話係唔知咩調查公司想做電話訪問, 以下就係我地O既對話:---

佢: 請問有冇 18~54 歲O既男士可以接受呢個電話訪問?!
我: 冇喎!
佢: 呵! 咁請問佢會幾時返到黎架呢?!
我: 冇呀!!
佢: 呵! 咁即係呢度冇男士住O既?!
我: 總之冇 18~54 歲囉!!
佢: 呵?! 咁即係幾時返呀?!

之後我就收左線, 我不得不佩服呢位先生O既耳朵同埋腦袋!! 根本就唔係對話, 我懷疑係我一直講O既都唔係廣東話, 定係其實我係用左叮噹D百寶, 轉左我所講O既語言?! 真係幾有耐性O既人, 無名火都起呢!! 短短幾句O既說話, 佢竟然係一句都冇聽清楚, 大家睇到, 以上O既根本就唔係"對話", 只係兩個人O係度"發音"!! 佩服!! 其實我係明白佢一心想搵個人訪問佢先有人工, 之但係, 都聽下人講野丫嘛!! 我"發完音"後都黑線呀, 因為實在太好笑!!

KITTO DAIJYOUBU --> 希望一切順利!!

返回


15/12/2006

今日冇咩特別呢!! 天氣凍左, 實在太好!! 睇左<14歲媽媽>, 實在太感動, 反町隆史突然間出現, 令我有驚喜呢, 不過男主角(其實唔太算主角, 我講緊果個 BB O既爸爸), 依然係好討厭, 其實唔關佢個人事, 而係佢個角色真係太討厭, 集集都唔知佢想點!! 太無用!! 今日無意中睇到徐若瑄O既訪問(娛樂直播), 不過實在太唔鍾意果個崔健邦, 完全唔知佢問咩, 同埋最憎D人訪問只係勁問人地O既感情問題呀, 失戀經驗呀咁!! 同埋好明顯佢冇聽 VIVIAN 講野, VIVIAN O既姆指外翻係天生, VIVIAN 打頭第一句就講左係遺傳, 但人地答完一大段後, 呢位崔先生竟然話 VIVIAN 著得高跟鞋多!! 另外同埋我唔明白, 點解要話人地係破碎家庭同埋屋企有問題囉! 咩意思呢?! 唔該訪問多D人地O既歌啦, 所以雖然好開心睇到 VIVIAN O既訪問, 之但係崔先生成為左呢個訪問O既污點!!! 凌晨時份, 心血來潮去左<安天地>睇留言, 估唔到我冇去一個星期, 變得熱鬧起黎, 睇返呢個星期O既留言, 原來 V.LEK 上次講果個係防火 SHOW, 我仲以為係咩新人 SHOW, 所以話唔去, OH NO!! 不過, 睇到大家O既留言, 我真係好感動, 感動到眼淚真係忍唔住流左出黎, 令到我回想起 1999 年O既某一日, 決定要開<安天地>, 再搵到大哥訪問, 然後由我同姐姐兩人 HC , 不知不覺變成多左人黎玩, O係留言仲知道大哥生日做節目前, 仲俾同事捉佢上去<安天地>睇留言, 真係好感動!! 起碼唔係白費!! 我承認我有一排唔太重視<安天地>O既大家, 少左聯絡, 最後變左冇再聯絡, 真係對唔住大家!! 好多謝大家到今時今日仲會去<安天地>傾下計!

KITTO DAIJYOUBU --> 希望一切順利!!

返回


16/12/2006

今日突然提議不如去工展會, 所以傾完視像就坐車過海, 之但係唔知仲咩好耐都冇車, 仲俾人打尖, 仲要上到車冇位坐, 企到過左海先有位坐咋, 都好迫下! 落車就先去左銅鑼灣十蚊店, 不過唉... 十咩蚊店丫! 竟然有D係 15蚊, 20蚊, 30蚊, 40蚊, 50蚊, 100蚊, 講真, 唔係十蚊我洗咩買佢呢?! 同埋佢十算, 咁咪賺唔少?! 少左好多吸引力添!! 之後決定唔去工展會, 因為要俾入場費, 同埋又真係冇咩特別咁!! 行左陣 SOGO, 買左盒大大O既雪印牛油! YEAH!! 仲送一個米粉同埋一把牛油刀!! 之後去左行 CITY SUPER, 不過其實冇咩特別!! 最後坐 MTR 返屋企附近食野, 去左間餐廳, 開左咁耐都係第一次去, 食左個牛柳餐, 好辣呢!! 不過有少少貴!! 之後返屋企, 有少少累呢!! BY THE WAY, 今日終於銅鑼灣某間 7-11 買到一SET KERORO 糖糖(見圖1)! BY THE WAY X2, 尋晚造左棵仙人掌(見圖2), 得唔得意呢?! 下一個目標係造俾 TSUTSU O既迷你三角君同埋迷你小蛋糕!! 要謝謝 TSUTSU 送我 ALWAYS SINGLE!! 真係太唔好意思喇!! 尋晚又發惡夢喇!! 雖然都好記得咩內容, 但係真係太邪, 所以唔寫<夢日記>LU!!


KITTO DAIJYOUBU --> 希望一切順利!!

返回


17/12/2006

今日本來諗住去將軍澳, 不過最後都冇去到, 只係O係屋企上下網咁啦, 近排冇哂學校請文職, 之前果D又完全冇回音, 其實都仲諗緊自己其實想做咩類型O既工?! 點解其他人都咁易搵到自己O既目標?! MA~ 唔好同人地比較, 因為"KURABETA JITEN DE MAKETERU"(O係比較果一刻就輸掉!!), 而且社會真係充滿左歧視, 唔係親身經驗真係唔知呢!! 不過, 最難過時一定要笑, 咁事情就未算最差!! 睇左好多野, 因為呢幾日都冇坐低睇片, 睇左尋日O既 MAGO 啦, 仲有好多, 夜晚睇埋最後一集<WARAERUKOIHA SHITAKUNAI>, 好感人(詳細感覺請移玉步去 BLOG 啦)!! 仲有睇左三集<康熙來了>, 小豬果集好攪笑, 小豬真係幾特別, 吾 ... 個樣其實唔差, 我覺得佢幾聰明, 就係知道靠樣唔可以長久, 所以唔介意攪笑, 扮醜呀咁!! 佢變果個魔術真係幾勁喎, 我諗唔到係點解呢?! 呀, 同埋今日睇左徐若瑄果套<人魚朵朵>, 係講一個女仔細細個要坐輪椅, 然後做完手術行得返, 所以呢個女仔變得好鍾意買鞋, 然後有一日, 因為車禍, 令佢再次失去雙腳, 都有感動地方, 不過都其實有少少悶, 節奏好慢呢, 但好耐冇睇過 VIVIAN 演戲, 所以睇得都好開心!!

KITTO DAIJYOUBU --> 希望一切順利!!

返回


18/12/2006

尋晚諗住早少少訓啦, 點知見 TVB 播<大奧>喎, 仲係我未睇過架呢, 好特別, 叫<大奧(明治篇)>, 但係又係同之前幾輯<大奧>有少少關係咁, 係講 MARU (池協千鶴)離開左大奧後, 佢講返轉頭O既故事, 其實我幾鍾意千鶴架呢, 應該係因為<SUMMER SNOW>O既關係, 之後佢同妻夫木聰果套戲我都有睇!! 講返今日先, 今日去左飲茶, 之後去左行左一陣, 仲去左奇華餅店買野食, 因為有張餅咭, 之但係D中式餅唔太吸引, 所以都係選左幾樣比較吸引O既野! 之後再行多陣就返左屋企, 睇下 KERORO 呀咁, 呀, 仲有睇左尋日O既<新堂本兄弟>, 嘉賓係 TEGOMASS, 好好笑呢, 手越弟弟依然好攪笑, 亞剛依然好鍾意同佢玩, 手越弟弟仲黎個亞剛O既 "MONOMANE" (模彷), 真係有少少似呢!! 而 MASU 呢, 笑容依然可愛!! 大約 5:30 出門口, 等左一陣就有車喇, 有少少塞車啦, 不過我都早左到, 意外O既係我早左到, 但去到已經見 PP 到左, 之後我地等到七點左右姐姐就黎喇! 我地先行左信和, 我就拎埋 iD ALBUM 張 POSTER(見圖1), 但奇就奇在間 CD 店竟然冇入到<BOKUIMO>O既 MAKING OF O既 DVD 喎, 所以 PP 同姐姐都有少少失望咁!! 之後我地就陪 PP 返酒店放低野先, 再去左尖沙咀食拉麵, 不過由於我唔記得左我有帶相機, 所以影唔到我地個晚餐俾大家睇呢!! 食飯時發生左幾件攪笑事, 我想講話"食辣野O既人個胃好似強D!", 點知講左"食辣野O既人個胃好似長D!", 自己都忍唔住爆笑!! 然後家姐突然間話"個面好咸!!", 我同 PP 都呆左, 因為我地都意識到係"塊面好咸!", 所以諗唔明, 原來家姐係話碗拉麵好咸, PP 仲攪笑, 佢話佢以為我地多數對住個海, 所以塊面會咸, 哈哈, 真係好攪笑!! 咳, 希望家姐唔會飛 PIA 我啦!! 亦提起當年中學時, 我食"葡國雞飯"辣到喊O既事件, 我係咪好勁呢?! 家姐講返話當時呆左, 以為我突然仲咩咁感觸, 原來係太辣, 葡國雞飯都辣到喊喎!! 應該全世界都得我咁勁呢!! 我地食完麵後就送 PP 返酒店喇, 因為佢今日行左成日都好累呢!! 而我同家姐就行返去旺角, 我又買左杯珍珠奶茶, 不過 ... 嗚嗚, D珍珠好似西米咁細粒O既, 之前都唔係咁, 我對呢間店O既珍珠奶茶O既夢想幻滅, 我諗我冇動力再去買黎飲, 因為珍珠變左咁細粒, 都唔好飲O既!! 之後行左去太子, 諗住買雜誌, 點知一去到佢 ARMARM CLOSE 左, 而家D店真係早收!! 唯有睇下我邊日行開果頭先買啦!! 坐巴士返屋企, 返到屋企好似未夠十一點, 沖完涼就影下 POSTER 啦, 再上下網, 寫下 BLOG, 我發現寫 BLOG 幾好玩, 起碼估計我個 BLOG 多人睇過呢個網頁呢!! 漸漸我會成日寫 BLOG, 希望多D同呢度唔同O既內容, 都好影多D相放去 BLOG, 因為呢個網頁得返幾 MB 位, 所以放唔到太大張O既相呢!! 所以大家, 記住多D支持我個日記同埋 BLOG 呀!! 如果果日我有 UPDATE BLOG, 日記O既日期右邊會有隻小熊貓話俾大家知, BLOG 更新! 另外, 要多謝 5n, 兩張 POSTER 我好鍾意(見圖2~3), 其實(圖3)果張係細好多, 只係影左出黎好似同(圖2)果張差不多大, 其實真係細張好多!! 5n 呀 5n, 下次我想要"把臉貼過來"果張, 1:1 丫唔該, 哈哈, 之但係 5n 係睇唔到呢個網頁架呢!! 同埋貼返送左俾家姐個戟絨蛋糕先(圖4),


KITTO DAIJYOUBU --> 希望一切順利!!

返回


19/12/2006

今日冇咩特別呢, 不過返學前好正, 因為買左快熟雲吞, 所以食到飽飽先返學, 不過又等車又塞車, 所以冇得去行下先, 今堂 DORA 終於返到喇!! 而呢一堂係代課, 果個男人 ... 好唔掂!! 首先, 佢話佢係日本人(因為有個日文名啦), 但從外貌、發音各樣都唔似一個日本人, 佢D日文發音真係好怪!! 好難聽得明白, 同埋佢教書, 咩都話應該教左, 之後教課文, 一黎就叫我地答書後面O既問題, 雖然, 我地係應該先備課先黎上堂, 之但係都唔係 100% 識哂課書架嘛!! 同埋我覺得今晚係上左堂英文堂, 因為佢成日都用英文去解果D詞語, 講書又好悶呢!! 其實都唔知係咪專登搵個咁悶O既黎代課, 等我地知道我地個 SENSEI 好有趣, 講書好好咁!! 好不容易放學, 下星期真係可能做逃學威龍, 因為一來明明紅假都要返學, 二來要返金鐘, 好遠好貴架嘛!! 三來, 下堂仲係呢個唔似日本人O既日本人代課呢!! BY THE WAY, 今日派左個環保袋同埋記事簿呀月曆咭咁, 証明學費收多左幾多?! 返到屋企沖完涼, 又一齊食雲吞, 因為佢地O係我返學前同我一齊食左, 所以頭先冇食 DINNER, 所以咪一齊開餐囉!! 呀呀, 今日 HAMASAKI AYUMI 黎左香港, 仲話有望來年黎開港開演唱會, 我有少少想去睇添!! 因為其實佢D歌同埋舞台效果等等都幾好呢!! 夜晚同 TSU 傾左一陣, 應承左整隻 DVD 佢, 之但係我試極都唔成功!! 點解呢?! BLOG UPDATE 左, 係講倖田來未同小豬O既<TWINKLE>PV!! 唉, 我個咀又開始腫腫地!!

KITTO DAIJYOUBU --> 希望一切順利!!

返回


20/12/2006

今日熱左少少, 不過都冇出到街, 因為唔太舒服!! 上網, 哎唷, 仲未睇到家姐對份聖誕禮物O既反應, 有少少心急呢!! 呀, 尋日發現有首歌幾得意, 叫做<TARAKO. TARAKO. TARAKO>, 其實之前都聽過幾句, 唱果兩位妹妹, 其實麻麻地可愛, 只係覺得首歌都唔差!! 下午茶食埋果盒"讓人佩服的紅豆糯米滋"(想知點解?! 去 BLOG 睇下丫! 笑)!! 夜晚開始整送俾 TSU O既小蛋糕及迷你三角君, 順利完成(見圖1~2), 亦都放左去 BLOG!! BY THE WAY, 我真係迷上左寫 BLOG 呢!


KITTO DAIJYOUBU --> 希望一切順利!!

返回


21/12/2006

今日 LUNCH 食煎餃, 好味! 之後落左去行左一陣, 買左支熊貓擦膠筆(見圖), 好平呢!! 之後返屋企沖完涼, 睇左一集<花樣男子>, 因為唔知點解又迷上"道明寺司"!! 六點幾樓上個姨姨落左黎坐左一陣, 之後佢走左我地就開餐, DINNER 係燒鴨瀨粉, 好味!! 今日都有更新 BLOG, 仲一連 4 篇, 分別係"KINKI 的學年曆..."、"我的(熊貓)★精品(7)"、"The Cranberries", 同埋"讓人佩服的紅豆叮噹餅"(呢篇要睇呀, 係"讓人佩服的紅豆糯米滋"下集!! 我都唔明點解咁多人話奇華D野好食!!), 同埋今日有去 SANA 個 BLOG 睇(http://www.wretch.cc/blog/sana217), 佢D漫畫真係幾攪笑, 相信亦因為咁, 先會有人搵佢出書呢!! 但係, 佢前幾日入左院, 希望佢快D好返啦!! 因為冇野緊要過健康!!


KITTO DAIJYOUBU --> 希望一切順利!!

返回


22/12/2006

今日去左飲茶, 之後行左一陣, 去左超級市場掃貨(汽水), 之後返黎沖完涼, 睇埋<14歲媽媽>大結局, 又一次証明整預告片果個人好厲害, 因為睇左上集預告後, 我一直以為係 SAD ENDING, 但估唔到都係一個 HAPPY ENDING 呢!! 今日係"冬至", 不過都冇咩特別, DINNER 有蝦食, 不過對海鮮過敏O既我, 食完變左厚咀唇, 好彩過左一陣就冇事喇!! 係食蝦蟹先咁勁呢!! 我仲想去食海鮮餐添, 吾~~ 最多帶埋敏感藥!! 飯後甜品係紅豆湯丸(見圖), 好耐冇整喇!! 如果想知整O既過程, 請去 BLOG 吧! 因為果邊多D相!! 食完太后洗碗時, 話我應該日後出街拎相機去, 將身邊O既野拍低放上 BLOG, 咁又係喎!! 一於下次開始咁做!! 雖然我冇咁勇將自己D相放上 BLOG (不過其實大家有睇開我網頁, 有時都有放一兩張我O既相), 但真係一個幾好O既回憶錄呢!!!


KITTO DAIJYOUBU --> 希望一切順利!!

返回


23/12/2006

今日 LUNCH 完後就一家大細咁坐車去左將軍澳(照片請到 BLOG), 買左少少野啦, 不過人唔算太多, 亦冇咩特別濃厚O既聖誕氣氛, 係見到有人扮聖誕老人、鹿、聖誕樹同埋聖誕禮物, 不過由於驚嚇程度太厲害, 所以冇影到相, 我都嚇到立即退後幾步呢!! 之後四點幾就返屋企喇, 沖完涼後, 我睇埋<花樣男子>大結局, 潤演O既道明寺果然好正, 好鍾意佢O係杉菜選 TOJ 時, 好大聲咁叫D人收聲, 仲話"呢個係上流社會選舉, 庶民收聲!!", 我果然有 M O既傾向!! 夜晚<L SHO>踩樓, 中左 244(BLOG 有截圖), 不過中唔到 410(俾 S 中左~), 我只踩到 411(哭!), 因為係雅紀生日, 所以我呢個媽媽都算 LUCKY, 因為"地雷"同"國寶"都中左幾次!!!

KITTO DAIJYOUBU --> 希望一切順利!!

返回


24/12/2006

今日心情好好, 因為始終細仔生日, 再加上平安夜(其實係咪調轉左黎講?!)!! 睇左前幾日o既 MS SP LIVE, 好正!! 夜晚食聖誕大餐(見圖1 或 BLOG), 食完大餐終於畫左人生中第一個 4 格漫畫(見圖2 或 BLOG), 係幾惡攪O既故事!! 我又想寫惡攪文喇!! 而家去寫先!! 希望 12 點前完成!! BTW, 今日突然諗到日記可以直接 LINK BLOG D相!! 咁咪慳返D位囉!! 攪咩我今日先諗到?!


KITTO DAIJYOUBU --> 希望一切順利!!

返回


25/12/2006

今日聖誕節, O係度祝大家聖誕快樂, 身體健康, 日日開心!! 同表妹仔地傾左 MSN, 之後"乙水"左太后出旺角行街, 其實唔算太多人呢!! 亦順便買埋雜誌, 行行下見到聖誕老人派糖喎, 我其實都好有童真架, 不過又一次証明我存在意識比較薄弱, 如果我係 KERORO 小隊, 咁一定係 DORORO!! 成日俾人遺忘!!(原因請到 BLOG "聖誕老人的糖果"), 之後行左一陣咋, 去左彌敦道新開果間十蚊店, 好大呢, 人都好多, 有好多野未見過, 不過都依然係好多野唔係十蚊!! 見到有熊貓碟, 不過廿蚊唔買, 都有個熊貓杯, 雖然十蚊, 但係都唔買, 因為好細隻, 飲汽水好蝕底(笑)!! 之後坐車返屋企附近再行左一陣, 夜晚依然有得踩樓喎!! BY THE WAY, 尋晚睇 MSSP, 令我又再一次愛上 DREAMS COME TRUE, 佢地唱左果首"MOSHIMO YUKINARA", D歌詞真係令到我差D忍唔住喊!! 好感動, 首歌真係好好聽!! 呀~~呀~~, 好想要 KINKI 今日個演唱會果把扇, 不過冇人幫我買, 又再一次証明, 我人緣幾差呢!!
20061225-1.jpg

KITTO DAIJYOUBU --> 希望一切順利!!

返回


26/12/2006

今日係 BOXING DAY, 大家有咩禮物拆呢?! 我冇呢, 因為一早拆哂!! LUNCH 完落左去行左一陣, 買左我最愛O既"夏日三色"雪糕, 仲見到劉玉翠添!! o係書店見到本書叫"占占與笨笨", 唔抵呀!! PAN KUN 同 JAMES 俾人盜用俏像權呀!! 一定要話俾佢主人知!! 之後返屋企都係睇下片, 因為好多野未睇, 電腦亦冇咩位呢!! 夜晚上上下網, 家姐話佢感受到地震, 我都唔信架, 不過無幾耐, 到我感覺到, 後黎睇新聞簡報話震得好厲害, 係我人生第一次感覺到地震呢!! (詳情請參閱"我...感覺到地震呵!~") 另外仲貼左一D我今日O係商場影O既相(當然冇我個樣啦!!), 仲有呀, 我今日做左壞孩子, 做左逃學威龍, 因為實在頂唔順果位代課老師, 都係下星期, 等三松 SENSEI 返番黎先返!! 亦因為地震, 我部機再次出現問題, 燒壞左兩隻碟呀!!

KITTO DAIJYOUBU --> 希望一切順利!!

返回


26/12/2006

尋晚再次用軟件黎修復 HDD O既 BAD SECTOR, 真係唔明點解咁易有事, SCAN 到今朝, 但 BOOT 機又 SCAN 到94%停左, 冇理由攪掂左D BAD SECTOR 都仲係咁, CHECK 返佢話 mpshhook.dll 發生錯誤, 所以又去搵軟件修復, 之後 BOOT 機再 SCAN 就 OK 喇!! 之後發現 ICQ/MSN CONNECT 唔到, 好多網都去唔到, 咁我以為係個網絡咭出現問題, 又安又刪咁攪左好耐都係咁, 就o係呢個時候, 新聞先講話地震整爛左一條線, 所以好多網都去唔到, 白攪左一朝早!! 之後去左飲茶, 因為之前兩日紅假都冇飲到!! 飲完再行左一陣!! 返到屋企沖完涼先睇到 KAT-TUN 個買家話想今日交收, 不過因為沖左涼, 所以就話不如約星期五!! 都係睇下片咋, 因為好多網都去唔到, 就連我個 BLOG, 都係睇到但 UPDATE 唔到, 所以寫 BLOG 寫傻O既我, 今日冇得 UPDATE 呢!! 呀, 今日仲搵到個軟件用黎清理電腦垃圾, 一清, 意想不到!! 因為個 C: 立即多左 5GB 幾呢!!

KITTO DAIJYOUBU --> 希望一切順利!!

返回


28/12/2006

今日冇出到街, 雖然網路依然有問題, 但係都努力咁用盡佢!! 睇左一半 12/25 O既 TOKYO FRIEND PARK, 幾好睇, 果個蛋糕好大個好想食呢!! 做左兩份功課, 因為做左壞孩子都要做返次乖孩子嘛!! 夜晚無咩特別, 甜品係"雜果涼粉"(見圖1 或 BLOG "甜品 12/27 & 12/28")! 整左個戟絨銅鑼燒(見圖2 或 BLOG)! 其實唔太似, 不過都 OK 得意呢!! DORA 打過俾我, 問幾時拎 CERT !! 好彩後黎佢搵返張 FORM, 而又未過期呢!!
20061228.jpg IMGP1659.jpg

KITTO DAIJYOUBU --> 希望一切順利!!

返回


29/12/2006

今日去左飲茶, 之後行左一陣, 再去左交收, 之後就返屋企喇, 今日天氣凍左少少!! 呀, 我行屈臣市時, 終於見到有新o既 NAKAYOSHINET 精品, 係一個"冷熱敷"(見圖1~2), 放入雪櫃可以冷敷, 放入熱水或微波爐可以作熱敷之用, 好開心呢!! 屈臣市快D再入多D其它 NAKAYOSHINET O既貨啦, 因為好少見到有, 以前就好多, 我想要把傘呢!! 夜晚打邊爐, 因為凍左好多嘛!! 今日<東張西望>竟然少有咁播 KINKI O既 HARMONY OF DECEMBER O既 PV, 真係好奇怪!! 仲係獨家首播!! 希望呢個係黎 HK 開 CONCERT O既前奏啦!! 不過真係睇完一肚氣, 果個崔健邦, 係咪真係覺得你自己好風趣架呢?! 成日亂講野, 咁樣好容易引起公憤架喎!! 你唔識潮流真係唔怪你, 但係咪有必要咁講一句戴綠帽先?! 我覺得主要係個 PV 吧!! 我聽完完全係黑線囉!! 崔先生, 好心你收下把口啦, 你講野真係好幼稚架, 一D都唔好笑, 除非你將憎你討厭你O既人當成你 FANS 啦! 咁你就真係好多"FANS"喇!! 你身為一個主持, 冇可能咁樣講野(雖然你唔係第一次出口傷人!! 上次訪問 VIVIAN 又係咁口賤!!), 不過希望你可以收下把口囉!! 我唔想俾人地覺得香港人係咁幼稚同埋咁低層次! 亦唔想因為咁而今佢地唔黎開演唱會(雖然我知你冇咁大影響力!!), 但影衰你自己好喇, 唔好影響香港O既名囉!! 同埋亞剛又冇惹到你, 我真係唔希望街撞見你, 唉 ...(不過好明顯你惹到好多 KINKI FANS!!), 做人積下口德好D!! (我自問今日日記已經寫得好留手, 因為好多詞語我都冇寫出黎!!)
IMGP1662.jpg IMGP1663.jpg

KITTO DAIJYOUBU --> 希望一切順利!!

返回


30/12/2006

今日傾下視像咁啦, 都係唔太順, 打下網上麻雀, 五點幾就出門口喇, 好似好凍咁, 等左一陣就有巴士喇!! 出到旺角, 人都好多呢, 就行到麥當勞時家姐打黎話佢到左, 收左線我先發現自己行過左間麥當勞, 仲要成條街, 所以又要行返轉頭, 食左個"開心樂園餐", 換左隻"咖啡犬"(見圖1), 估計都係安怡O既!! 之後行信和, 俾我見到有"THE RAINBOW STAR"O既通常盤(見圖2), $28, 所以就買左喇, 好開心呢!! 不過其實我仲差一隻 KINKI SINGLE 就齊喇!! 之後週圍行下咁, 行左去尖沙咀, 跟住又返番返去旺角喎, 十一點幾我就走喇, 咁 ARM 又有巴士, 所以立即上左車, 返到屋企沖完涼差唔多十二點 LU, 都係上下網咁啦!! 冇咩特別呢!! 睇到官方消息話聽晚 COUNT DOWN, NewS 會出返黎, 而 UCHI 同埋草野會由零做起, 我非常希望聽晚會見到 UCHI, 我估我可能會開心到喊!!
20061230-2.jpg20061230-1.jpg

KITTO DAIJYOUBU --> 希望一切順利!!

返回


31/12/2006

今日係 2006 年最後一日, 不過都係好似平時咁, 對生活依然感到無力!! 天氣開始凍, 真係唔錯, 不過就好乾燥呢!! 新O既一年大家有咩期望?! 我要搵到好工, 因為呢幾年都黑到冇人信!! 尋晚本來以為 COUNT DOWN 會見到 UCHI, 但今日先知, 原來 UCHI 由零開始, 即係 JR. 都不如, 只係要上堂, 冇得表演住, 其實真係點解 UCHI 果單野會攪到咁大件事?! 真係好小事咋喎!! BY THE WAY, 尋晚其實發夢, 所以有<私夢記>, 好耐冇 UPDATE 過呢!! 但願今晚都夢亞剛, 同埋來年開始行好運!! 亦祝大家日日開心, 身體健康!!

KITTO DAIJYOUBU --> 希望一切順利!!

返回


我的拍賣 查看我的拍賣
http://hk.geocities.com/atynpanda/ inserted by FC2 system