 歡迎睇我任何一日私日記!(私日記。WATASHINO NIKKI！) |
| 1/3/2006 |
|
三月, 唉, 依然係咁, 冇改變!! 我發現年年 3月1日 前幾日都會有怪怪野發生, 就係都會無 LALA 諗返起某人,
因為佢係 3月1日 生日, 而且仲會夢到佢添, 點解架, 唔通真係陰影?! 唉 ... !! 咁又係O既, 目前我送過最有心思O既禮物就係送俾佢,
果陣仲要半年前準備, 唔知佢仲有冇 KEEP 住果份禮物呢?! 今日冇咩特別, 都係上下網, CHECK 下價咁, 唉 ...!! |
| 2/3/2006 |
|
今日冇咩特別, 上左一陣網就出左去旺角行街, 買左個熊貓牌仔, 好平! 之後行信和, 諗住幫家姐睇下 NewS 個學年曆,
不過見得一間有, 仲要冇開門, 所以冇打俾家姐, 之後六點幾就去左酒樓, 因為爺爺生日, 約左一齊食飯! 有利是呢,
多謝爺爺! 之後家姐打俾我喎, 原來佢咁 ARM 去左信和買學年曆, 仲買返 HOW IT'S GOING 添, 遲Ｄ借我睇呀下!!
世界上真係可能有"心靈感應"架, 真係好不可思議呢!! 食飯食到九點到, 就走喇, 好快返到屋企呢! 有少少累!! |
| 3/3/2006 |
|
今日先去左圖書館, 終於借到 SENSEI 寫果本書O既其中一本, 之後去左飲茶, 之後行左去拎野, 再行左轉 aPM,
依然係冇咩野行, 五點幾返到屋企, 其實真係唔知點解有少少眼訓! 可能係天氣凍, 所以成日掛住訓掛! 夜晚聽雅紀電台,
係＜女兒節＞O既 QUIZ, 仲唱左女兒節O既歌添, 我睇叮噹時聽過呢!!! |
| 4/3/2006 |
|
今日 LUNCH 完上左一陣網, 又勁玩果個 GAME, 好好玩架, 三粒一樣色O既波波就可以消除咁, 好難形容,
可能大家覺得小兒科, 不過我真係幾鍾意玩呢Ｄ GAMES 呢!! 3 點出到去旺角, 見到亞剛本雜誌好想買, 不過 78 蚊,
太貴, 望就望下個月仲有賣啦!! 之後都係行果幾個地方, 五點幾去左食吉野家, 食完之後就同家姐一齊諗下有咩要注意呀,
要咩地方要去呀買呀咁, 諗諗下其實真係好趕下呢!! 希望成功!! 最緊要唔好貴, 因為冇咩錢買野!! 一路行到去尖沙咀,
本來諗住去睇下果間 JTB, 不過佢竟然收 18:30, 真係嚇親! 行到九點幾返屋企, 終於都回信俾 YUMIKO, 因為一直太懶,
不過家下又要話佢知, 等佢有個心理準備先!! 其實估計明白我今日日記O既人, 真係唔會有幾多個! |
| 5/3/2006 |
|
今日冇咩特別, 一口氣睇哂成套＜ANEGO＞, 其實一直諗住唔睇架, 因為有某個女人, 係好肯定唔睇, 不過聽春天家姐講得多,
話亞仁好型, 同埋好好笑, 所以就睇喇, 當然自動隔左某個女人, 好彩果個女人都係大大大配角, 正如家姐所講,
亞仁真係幾型喎, 唔錯呢!! 開始有少少怕唔識路添!! 哎唷, 個 PRESENTATION 仲未寫, 我要努力Ｄ先得! |
| 6/3/2006 |
|
今日寄信俾 YUMIKO, 之後去左飲茶, 之後行左一陣, 不過行萬寧時, 真係差Ｄ俾果位化粧小姐嚇個半Ｃ, 人地好地地咁睇緊野,
好似平時咁勁煩都冇所謂, 佢係突然間好近咁出現O係我眼前, 要留意, 果一刻我係望緊好低O既貨架, 佢係突然間有少少彎低身,
向上正一正咁望住我, 好近, 仲要問"搵Ｄ咩呀, 介紹返Ｄ咩俾你丫...", 我真係俾佢嚇親, 真係唔係講笑, 如果我心血少Ｄ的話,
一定暈低, 真係冇誇張, 我亦都係好驚咁好大聲咁講左一句"嘩! 嚇死人咩~~~~", 因為我真係好驚, 因為前一秒眼前都仲係貨架,
下一秒就係一個人樣, 好彩近排冇睇鬼片咋, 呢位姐姐咁做, 係十足十O既"趕客", 真係要反省一下!! 夜晚都係諗緊個行程果Ｄ,
不過的確未收到護照, 有少少擔心, 快Ｄ收到啦, 唔該!!! |
| 7/3/2006 |
|
今日上網睇下 SOLO CON D 飛O既行程, 小兔終於上返網喇, 希望佢真係肯幫我去買飛啦, 因為如果過到去先買,
容乜易冇哂架, 時間又唔多, 唉!! 又開始寫個 PRESENTATION 要講O既野, 不過真係好似好簡單咁, 下星期到我喇!
不錯不錯! 因為拿拿聲做完好過拖, 希望呢兩日我可以再加少少野, 咁就有幾日練下/做下功課/溫 QUIZ 喇!!
係有少少緊張O既, 不過正常O既!! 呵可!! 夜晚返學, 冇咩特別, 放學返黎食米粉, 呵呵! |
| 8/3/2006 |
|
今日一家人出左去西九龍, 行左一陣, 又去行西九龍中心喎, 其實係冇野行架呢, 行到五點幾, 太后話不如食壽司,
難得皇上肯陪我地去食喎, 所以就食喇, 好抵食呢, 食完之後就坐車返屋企 LU! 睇左一隻釋由美子O既＜SKYHIGH＞,
題材幾有趣! |
| 9/3/2006 |
|
今日我冇出到街, 皇上同太后去左睇戲, 真係開心架喇! 我一口氣睇左幾隻釋由美子O既＜SKYHIGH＞, 冇想像中咁好睇,
可能係因為好幾年前啦, 可能續集會正好多!! 做返未做O既兩份日文功課, 不過其實仲有一題未答, 因為暫時未諗到,
PRESENTATION 份野算寫好掛, 過兩日 PRINT 佢出黎再練幾次就 OK, 因為其實點都唔會低分得去邊!! |
| 10/3/2006 |
|
今日去左飲茶, 之後行左一轉, 收到 2 級成績 ... 果封信, 要下星期先有得去拎, 有少少緊張, 不過緊張都冇用,
因為已經成左定局呢!!! |
| 11/3/2006 |
|
今日本來唔出街架, 不過後來春天家姐話 OK, 咁就先去左一個地方, 唉, 不過少左一日, 其實真係有少少唔係好想去,
因為本來 5 日都勁趕, 家下 4 日, 仲趕多幾錢重, 應該係去玩, 但點解有少少似走難咁 FEEL 架呢?! 而且我真係好怕咩都未定到,
當然, 我都想去睇 CON, 不過真係計埋得頭尾 3 日, 唉 ... 失去左少少興奮O既心情添!! 之後去左行鑽石山同埋黃大仙,
其實真係冇咩行, 行到九點幾返屋企, 因為其實家下我好煩惱呢! |
| 12/3/2006 |
|
今日冇出到街, 睇埋＜SKYHIGH＞最後一集, 真係有少少感動, 仲有睇左＜西遊記＞CH.9, 慎吾講果句"回答我,
你要去天堂定係去地獄", 真係好型下呢!! 夜晚食大餐, 好滿足!! 之後睇左上戶彩果集單元＜折翼天使 - 名緩＞(好似係呢個名),
都幾好睇呢!! 亞剛個 SOLO CON 場地起好左喇, 不過唔夠三千人一場, 睇黎真係買飛方面有少少難度, 不過好果邊諗,
唔夠三千人, 即係無論坐邊都應該好近, 如果 100 人一行(因為有人估計係一個圈咁), 咁 TOTAL 都係 30 行O者,
當然係我自己估架啦, 不過都係唔好諗住, 過幾日先算!! 今日做埋份日文功課, 寫埋個 PRESENTATION, 練習左幾次,
不過聽日都仲要溫書, 因為要 QUIZ 呢!! |
| 13/3/2006 |
|
今日去左飲茶, 之後入電話錢, 仲行左一陣, 返黎後睇左＜歌笑＞, JUN 同 JIN 又嗌交, 真係攪笑!! 下畫時,
有個電話, 攪到我又要叫佢試下第二間, 希望 OK 啦, 雖然係少左一日, 雖然係貴, 雖然係好趕, 但其實真係幾想去!
希望有好消息啦!! 話時話, 今日只練左兩三次 PRESENTATION, 但係未溫聽晚 QUIZ D 詞語呢, 家下努力下先!! |
| 14/3/2006 |
|
今日米粉日, 哈哈, LUNCH --> 米粉, 好味!! 上左一陣網, 又溫左一陣 QUIZ 同 PRESENTATION, YEAH!! FIGHT!!
早左少少出門口, 但世事就係咁, 當你早出門口時又冇車, 等左差唔多二十分鐘先有車, 仲比平時遲左添, 18:35
返到課室, 溫下詞語咁啦, 之後Ｄ同學比平時遲返左喎都係!! 一心以為會 QUIZ 先啦, 點知 SENSEI 同我地溫左幾個助詞,
之後 PRESENT 埋先 QUIZ, 我 PRESENT 先O既, 唔知點解不其然把聲好震, 呵呵, PRESENT 完後, SENSEI 話我發音好準,
內容好有趣, 仲話我應該O係屋企好鍾意讀下書咁(其實真係想講係Ｄ"課外教材"有用!!), YEAH!! QUIZ 都唔錯,
因為算好容易, 之後復習, 放學返屋企! 今日都未收到電話添, 一日未 CONFIRM 都真係好此忑不安呢!! |
| 15/3/2006 |
|
今日睇左套完全唔明O既電影, 有小池徹平做架, 叫做＜DAREGA TAME＞, 睇完完全唔明白佢講咩, 真係 ...!!
之後收到個壞消息, 日本行計劃告吹, 因為訂唔到酒店, 真係黑仔, 唯有過左旺季再去啦, 冇計啦!! 就當我同亞剛O既緣份未到啦,
呵呵! 失望當然有啦, 不過忘記左香港人好鍾意去日本, 其實應該早就諗到會 BOOK 唔到呢!! 夜晚同 TSU, 家姐, CATCAT, 小兔 傾 MSN,
要多謝小兔呢!!! BY THE WAY, 關八 Ｄ歌原來唔錯架喎, 今日聽左成日呢!! |
| 16/3/2006 |
|
今日 LUNCH 完突然間一家人興起, 去左行街, 去左尖沙咀, 亦因為咁, 先發現部數碼相機張咭傻左, 又要拎去整,
唉!! 行左一陣, 之後好攪笑, 行行下星光大道, 有咖啡飲喎, 原來幾好飲架, 不過真係唔係好 ARM 我!! 仲去左 JTB 拎章程睇,
拎到張奈良地圖呢, 好開心呀, 因為一直O係十蚊店見到都好想買, 家下竟然拎到, 唔洗買, 呵呵!! |
| 17/3/2006 |
|
今日去左飲茶, DORA 打電話俾我, 攪到我有少許緊張!! 之後去行左一陣, 再上左圖書館影印身份証, 5毫子一張好平呢,
(雖然我記得 SPACE 係 3毫子, 不過Ｄ位置唔太就腳呢!)!! |
| 18/3/2006 |
|
今日 LUNCH 食左少少野, 因為今晚去血拼壽司自助餐, 呵呵!! 約左家姐三點信和, 不過因為一位有 80% 似志村園長O既小巴司機,
狠狠咁早左幾條街叫哂成車人落車, 所以我遲左差唔多十分鐘, 真係抱歉! 之後行左一陣, 家姐買左 NewS 隻通常盤,
買左雜誌啦, 之後就坐地鐵去左西九龍中心, 再行左轉書局, 先去食野, 今日都唔記得左數下食左幾多碟, 不過就食左好幾碟北寄貝,
真係唔知點解我咁鍾意食架呢?! 之後食完就返屋企喇, 沖完涼又攪下Ｄ雜誌咁, 又攪下個 BOX!! |
| 19/3/2006 |
|
今朝五點幾俾隻衰蚊針左幾野, 攪到我訓唔到, 捉又捉佢唔到, 真係好激氣!! 今日冇出到街, 雖然天氣涼左, 一來好多野未睇啦,
二來家下 BOX 衝金, 所以要盡下力咁!! 睇左三個 NINO SP 劇O既番宣, 只係睇左少少片段都好想喊, 睇黎一定要拎定紙巾先睇得!!
聽日去拎成績喇, 好緊張呀, 真係希望合格啦, 唔合格都唔知點算好呀!! 唉, 雖然已經一早考左, 不過都仲係好緊張呢!!
講Ｄ開心野先啦, 今日係亞剛 SOLO CON 第一場, 努力呀, 我都好希望 5月時能夠去睇到!! 雖然週邊就一定冇哂!
仲睇中左個杯添架, 好鬼靚呢! |
| 20/3/2006 |
|
今朝九點幾起左身, 之後過左海, 首先去拎日語能力O既成績, 登登登戥!! 277 分! 雖然唔算高, 不過合格都夠,
YEAH!! 2級合格, YEAH YEAH! 之後去左領事館, 再之後坐叮叮去左中央圖書館, 不過亞 SIR 本書依然搵唔到,
之後就去左行中蚊店, 買左支炭 MASK, YEAH!! 再坐 MTR 去旺角飲茶, 都等左一陣先有位, 飲完茶去行花園街, 人好多呢,
買左少少野就坐車返屋企, 返到屋企都五點幾 LU, 好累呢!! BY THE WAY, 今日因為"神木隆之介", 而睇左＜妖怪大戰爭＞,
熟我O既人都知其實我有少少驚睇呢Ｄ妖怪呀, 怪物呀咁架, 不過為左隆之介, 所以坐到離個 MON 好遠咁睇, 呢套幾好笑喎,
因為好多日本式O既鬼怪, 好多仲係前排日文書O既課文有講過, 所以幾好睇, 當然有好多奷怪都唔知叫咩名,
但套戲都有Ｄ攪笑位, 所以都唔錯呢! |
| 21/3/2006 |
|
今日有少少唔舒服, 所以入左房睇返幾集堂本兄弟, 之後四點幾食左野就準備出門口返學, 早左到, 所以行左轉十蚊店,
之後返學, 派返上次 QUIZ, 81分, 唔錯呢!! 放學返屋企, 食左碗燒賣米粉, 係咪好特別?! 之後睇左段 SAMI O既 SOLO CON O既片段,
差Ｄ噴水呢, 因為 SAMI 竟然扮其它四個人O既 SOLO, 仲其實好似添!! |
| 22/3/2006 |
|
今朝五點幾, 開始嘔, 全日嘔左三次, 真係唔知食錯Ｄ咩! 所以成日都冇精神上網, 睇左兩個鐘電視, 另外基本上就係爆睡,
好彩 SMS 左個賣家話今日交收唔到, 下星期先交收啦唯有!!! |
| 23/3/2006 |
|
今日好左好多, 不過都訓到十點幾醒左一陣, 之後食左藥又訓咁, 訓到七點幾就起身食粥, 好左好多, 冇咩事,
估計係Ｄ菠蘿出左事, 唉 ... 終於有返少少精神上下網咁!! |
| 24/3/2006 |
|
唔記得講尋晚訓之前睇左 NINO 果套 SP 劇＜SUKOSHIHA, ONKAESHIGADEKITAKANA＞, 其實本來一直都忍到唔喊,
但係到最後, 佢亞哥返到屋企見到"和憲"已經走左, 仲話佢走之前願望係唔好話俾哥哥知, 因為唔想佢半路中途返返黎日本,
果一刻真係忍唔住, 實在好感動!! 一來故事好睇, 二來 NINO 真係演得好好, 真係好好!! 講返今日先, 去左飲茶,
之後去左拎護照, 再行左一陣, 不過果度原來冇咩行, 所以返左屋企附近行左一陣!! 都冇咩特別!! 已經好返好多,
不過聽日都係在家休息一下好Ｄ!! |
| 25/3/2006 |
|
今日冇出到街, 睇下日劇咁, 睇左前日 KAT-TUN 果集 UTABAN, 真係笑Ｃ我, 差Ｄ發生事件, 不過實在太好笑,
攪到亞龜話一陣要開個內部會議, 但最嚇親O既係, 原來話田口有拍過模倣犯, 我都唔知添, 不過我有 VCD, 得閒(即係真係好鬼得閒果隻)睇下先!!
一陣睇埋＜GACHIBAKA＞大結局先! 下季又好似冇咩劇好睇咁, 係想睇 PP 果套啦, 上戶彩果套都有少少想睇O既!!
今日個 TVBT 有少少唔順, 唔會又係我個網有事掛! BY THE WAY, 今日係＜安天地＞第一次嫁女, V.LEK 恭喜哂!! |
| 26/3/2006 |
|
今日本來想去將軍澳, 不過落雨, 所以都係留O係屋企!! 冇咩特別事, 都玩下 GAME, 睇下野, 上下網咁!!
夜晚同太后睇＜極道2＞O既第一集, 今次係我第二次睇 LU, 不過集中力都係O係小池同埋速水身上, 不過會多左留意亞仁,
因為上次睇＜ANEGO＞真係幾正!! |
| 27/3/2006 |
|
今日寄左信, 之後去左飲茶, 之後行左一陣, 本來諗住行到交收時間, 但又好晏, 所以返左屋企先, 個買家成五點幾先放學 call 我,.
所以就落左去交收, 之後都冇咩特別呢, 睇返幾集＜小鬼帝國＞, 同埋＜極道2＞o既第二集!!! |
| 28/3/2006 |
|
今日冇咩特別, 睇左幾集＜小鬼帝國＞, 真係幾攪笑!! 之後食左米粉再返學, 上堂冇咩特別, 返到屋企,
由於上星期O既教訓, 所以只敢食左兩塊包咋, 唔敢食咁飽!! |
| 29/3/2006 |
|
今日早上冇咩特別, 大約一點出門口去左旺角, 行左一轉信和, 不過冇買到野, 之後會合左皇上同太后去左飲茶,
之後行左一陣, 返到屋企五點幾, 之後上下網, 睇下野咁!! JUN 果套＜僕妹＞真係好似幾好睇咁, 學生 LOOK 不錯呢!! |
| 30/3/2006 |
|
今日雖然冇出到街, 不過真係忙足一日呢, 食完 lunch 後, 開始執衣櫃, 之後執下個書櫃, 因為打大風左好幾個月喇!
總算執好左, 不過我發現個櫃唔多夠我用喇!! 一邊執一邊播僮 REA 個 CON, 聽到我有想哭O既衝動, 因為實在太正喇!
夜晚冇咩特別, 同 CAT 傾左一陣 MSN, 希望細佬快Ｄ好返啦!! |
| 31/3/2006 |
|
今日去左飲茶, 之後行左一陣, 遇到個好煩O既收銀員, 不過算啦, 佢都係打工O者!! 突然間發現原來我 MISS 左好多集志村,
仲要係搵唔返添, 好多 PAN KUN 冇得睇, 我唔制!!! |
