 歡迎睇我任何一日私日記!(私日記。WATASHINO NIKKI！) |
| 1/5/2006 |
|
勞動節假期, 都係冇出到街, 訓左成日, 仍然對上網冇咩興趣!!! |
| 2/5/2006 |
|
今朝未夠八點半返到去, 點知話我返九點先 ARM, 真係咩部門黎架!! 之後做左一日野, 又 PACK 箱又搬野,
真係好辛苦!! 本來諗住放 5:30, 點知要放 6 點, 咁要返學, 先頭諗住去到尖沙咀先買麥記食, 但諗諗下都趕唔切,
所以行緊去 MTR 時買左個漢堡包同埋中汽水, 一路行去 MTR 一路食, 五分鐘攪掂, 真係咁大個女未試過咁慘,
一路行一路食 DINNER! 返學仲要遲到左十幾分鐘! 之後上上下堂閃電落大雨, 突然間全課室Ｄ燈冇哂, 好彩一野O者,
之後放學 DORA 傘我去車巴士站, 真係謝謝你!! 返到屋企沖涼, 好累, 經過家庭會議後, 決定聽日返去講話唔做!!
因為再咁落去, 我怕我一係情緒病, 一係抑鬱症, 真係唔係講笑, 我已經去到隨時喊得出o既地步!! |
| 3/5/2006 |
|
今朝返九點, 我打左去人事部問手續, 好快就攪掂, 之後開始今日工作, 雖然今日比尋日好好多, 不過都係要抽卷,
好彩唔係過隔離 ROOM, 果邊真係唔做Ｃ都受傷!! 不過發現咩分數都有, 零分真係都有好幾個, 有少少 SHOCK 呢!!
基本上今日全日都係抽下卷咁, 發現亞 WING 都幾得意, 呵呵, 交換左電話同 EMAIL, 之後 LUNCH 都係飯堂,
今日個照燒雞扒飯真係幾正, 不過好奇怪, 我地個個都係好肚餓, 但又食唔哂咁, 因為飯堂Ｄ飯有少少唔知點咁,
之後都係咁啦, 放六點正, 我還返Ｄ衫同埋証之後, 去左 OFFICE 攪手續, 走之前同尋日見過果個新同事傾左幾句!!
之後就坐 MTR 返屋企, 返到黎沖涼同煮野食呀咁, 之後亞 WING 打黎, 估唔到傾左成九個字, 我張電話咭真係突然少咁Ｄ咁,
呵呵, 家下有少少眼訓添!! BY THE WAY, 今日聽到兩句好好O既說話, 亞 WING 話: "如果你成日"形"住有問題, 就真係會有問題!",
而 LUNCH 時, EVA (係叫 EVA 掛, 因為今日先傾計)話: "其實唔可以話係你唔挨得, 因為每個人都有佢地自己不同O既地方同埋苦處!" |
| 4/5/2006 |
|
今日一覺訓到十一點幾鬧鐘嚮先醒, 其實仲係好累好眼訓, 全身都好痛, 因為實在搬左野兩日真係好累,
今日去左飲茶, 好耐冇飲喇, 所以好好味, 食左好多野!! 之後行左一陣, 再返屋企, 沖完後因為伋然好累,
所以入左房睇電視, 到左大約七點就煮野食, 煮左個好豐富O既湯飯, 住家飯係正好多, 家下我完全明白喇!
之後睇下有咩工 ARM 咁, 因為呢次O既經驗, 都留意多左工作範圍係咩, 不過其實都冇用, 一陣佢好似今次咁,
講一句"其實我地工作範圍會有調動, 都希望你可以配合!", 唉, 幫政府做 TEMP 真係唔識講, 雖然都係, 我都明白呢一點,
但係請我時話係入 DATA 同埋對野, 後黎變左搬野/入箱呀咁, 會唔會出入大左少少呢?! 話時話, 我返左呢三日,
完全冇掂過個電腦, 見電腦都冇咩機會添呀, 唔好話入 DATA!! 其實諗諗下, 可能佢請咁多人都係有原因, 因為流失量好大,
我眼見都有好多人好似我咁做左幾日就唔做, 有Ｄ只係見過佢一日就唔見左人, 梗係一次過請多Ｄ, 預左Ｄ人只做幾日,
真係唔識講, 不過, 我都仲會睇下考評局請咩職位, 有適合O既我依然係會去 APPLY, 我要令到我張 DEGREE 起作用,
唔會浪費, 唔會再俾人睇少!! 嘿!! |
| 5/5/2006 |
|
今日都係訓到十一點幾, 其實仲可以訓架, 因為好眼訓, 好累!! LUNCH 完上左一陣網, 之後春天家姐打俾我,
約左三點信和, 準時到達, 行左一轉信和, 不過我冇買到野, 之後去左太子, 都係冇買到野, 之後行左去尖沙咀,
行呀行呀, 行到六點幾去左食拉麵, 之後傾下計咁, 謝謝家姐, 家姐仲送左本書俾我, 就係我一直好想買O既"150 CM LIFE",
國內版, 終於都出左喇, 希望繼續多埋其它啦, 咁平好多嘛!! 之後再行左一陣, 到左八點幾就去左食許留山,
我食左個"什果楊技金撈", 不過唔係太好食, 早知食返以前食開果Ｄ野啦, 之後行左 HMV, 九點幾就走喇, 返到屋企,
皇上同太后原來都係 ARMARM 返到一陣, 之後沖涼, 上網咁, 愛嵐尋日出左公告話會關閉, 其實真係唔太想 ...
BY THE WAY, 其實今日有一樣野有少少唔開心, 雖然我明白家姐係講事實, 不過當佢認同我話我自己好無用果一刻,
其實真係好唔開心, 但又唔想再講呢個話題, 所以只好轉換話題, 其實真係每個人都有佢地自己O既弱點同埋難處,
所以我真係好希望朋友們都可以體諒一下我O既處境, 雖然在你地黎講, 可能好難明白 ... |
| 6/5/2006 |
|
今日冇出到街, 諗諗下, 原來呢幾個星期六都係O係屋企, 電視都冇咩好睇, 夜晚睇左春天家姐尋日送俾我果本＜150CM LIFE＞,
好攪笑, 但本書一打開就散左, 所以請皇上幫忙"痴"返好本書, 另外都上網睇下有咩工 ARM, 不過其實相信結果都係一場歡喜,
因為社會都係現實O既, 明白的人自然明白, 雖然我明白到當同人地比較果一刻就即係代表認輸, 不過有時現實係好殘酷,
呢一點係唔可以否認O既!! |
| 7/5/2006 |
|
今日都冇出到街, 睇下電視上下網咁, 發現有少少問題, 聽日又要打去人事部攪埋Ｄ手尾, 真係好煩!!
我幾時先可以唔好成日咁黑仔, 搵到工都實俾人玩咁, 唉!!! |
| 8/5/2006 |
|
今日去左飲茶, 之後返屋企, 終於搵到人事部果個人, 佢話幫我 CHECK, 之後隔左一陣, 觀塘果邊有個人打黎,
又話呢樣又話果樣, 之後又話要問返果條友(就係果 3 日連續"線"左我幾次果條友), 話 CHECK 完後覆返我,
我決定如果佢地唔肯出返 OT 俾我, 我真係投訴佢地, 因為我真係有開到 OT, 又真係果條友叫我返 8:30, 如果唔係佢叫我返 8:30,
我仲咩無 LALA 咁早返去, 我唔好訓多半個鐘, 真係越諗越嬲, 係咪我真係好蝦Ｄ架!! 為左轉換心情, 夜晚無 LALA
整左個蛋糕, 雖然係蒸O既(因為費事用焗爐), 不過都唔錯喎, 好似Ｄ馬拉糕咁, 好有趣! |
| 9/5/2006 |
|
今日都有去飲茶, 因為今朝皇上同太后去左睇牙醫, 飲完茶返左屋企, 上左一陣網, 再食左個麵, 坐車返學喇,
今日 DORA 冇返呢, 如事者都係咁啦, 放學坐車返屋企! 沖完涼就食左個梅菜扣肉飯, 正!!! |
| 10/5/2006 |
|
今日冇出到街, 天氣真係好熱呢, 好奇怪地, 突然間睇吾郎果套＜ＢＵＳＵ ．．．＞, 而家睇左兩集,
都唔太差, 其實又怪怪地咁!! 夜晚食扣肉飯, YEAH, 好味!! |
| 11/5/2006 |
|
今日同左樓上個姨姨去飲茶, 之後行左一陣咁, 夜晚睇左兩集＜ＢＵＳＵ ．．．＞, 真係好戲劇性發展呢!! |
| 12/5/2006 |
|
今日都去左飲茶, 之後行左一陣, 冇咩特別!! 夜晚特製左壽司飯, 正!! |
| 13/5/2006 |
|
今日食完 LUNCH, 上左一陣網, 睇左尋日O既 MS, 雅紀好可愛, 真係唔知點解, 覺得佢成熟左少少, 但係又可愛左少少喎!
兩點令出門口, 落左車一陣, 春天家姐就打黎, 話佢已經買左 ARASHI O既新 SINGLE, 嗚嗚, 好衰架, 人地諗住送初回俾你架嘛,
今次係家姐第一次買碟而有 POSTER 送, 恭喜恭喜!! 本來諗住襯佢唔覺唔覺咁拎一張返屋企 HC 下, 不過唔忍心,
呵呵! 行左轉信和, 之後行左去太子買 6 月號, 之後就去左朗豪坊食蛋糕 TEA, 其實 ... 唔太好味, 果杯凍奶茶更加係 ...
難以用文字去形容!! 之後就走喇, 因為家姐趕住有野做, 同埋要整隻新 SINGLE, 呵呵! YEAH!! 未夠 6 點返到屋企,
沖完涼, 整左一陣雜誌, 再 DINNER, 之後又上下網, 整下雜誌咁, 再回下 EMAIL!! SHO O既 RAP 真係好正 ...
我真係控制唔到 ... 咁迷上了! |
| 14/5/2006 |
|
今日冇出到街, 雖然係母親節, 但其實又冇咩特別節目, 因為我母親好忙呢, 睇左＜ＮＡＮＡ＞, 真係幾好睇,
夜晚煮左好耐冇煮O既甜甜雞翼(好似生炒排骨果Ｄ汁咁), 好好味!! 同亞 WING 傾左一陣電話, ...!! 今日除左係媽媽節外,
仲係我最愛O既春天家姐, DORA, 貓豬, V.LEK O既生日, 祝大家生日快樂, 身體健康! |
| 15/5/2006 |
|
今日表弟黎左一陣, 一齊去左銀行, 之後去左飲茶, 好耐冇試過唔係下午茶呢, 之後表弟走左, 我地再行左一陣,
買左少少野就返屋企喇!! 做左份功課, 之後整左個蛋糕, 今次呢個好味過上次呢, 可能係我攪多左好多空氣入去,
"發"得靚好多, YEAH!! |
| 16/5/2006 |
|
今日依然係一號風球, 呢Ｄ天氣我幾鍾意, 非常之涼, 雖然落雨!! 睇左幾集＜魔女之條件＞, 估唔到咁多年後睇返都 OK!!
四點幾食左個麵, 之後寄完信就坐巴士返學, 好彩我行緊去巴士站時就見到架車, 趕得切上車呢! YEAH!! 早左返到去,
所以去行左一轉十蚊店, 之後返學, 冇咩特別, 同 DORA 講左前排果句"說話", 佢都好驚訝, 點解會講句咁過份,
所以我都唔知點好!! 放學就返屋企, 好彩冇落雨!! 返到黎沖完涼, 食左蛋糕同埋多士, 好味好味!! |
| 17/5/2006 |
|
今日打三號風, 我冇落到街, 亦O係呢個打風O既日子, 服務左我地全家好多年O既 IBM 電腦顯示器先生, 終於都用唔到喇!
一直以黎, 謝謝 MON 先生O既幫忙, 令到我呢個冇得上網會 ... O既人生活充滿左色彩!! 亦因為咁, 所以買左部 LCD MON,
17 吋, 有少少唔太習慣咁大個畫面, 同埋Ｄ顏色都唔太慣, 仲有就係因為冇左塊濾鏡, 亦有少少唔習慣!! |
| 18/5/2006 |
|
今日我都冇出到街, 打下機, 上下網咁, 今日勞工處個網 DOWN 左添!! |
| 19/5/2006 |
|
今日十一點幾出門口, 因為約左珍姨O係旺角飲茶, 出奇地茶樓都蠻多人咁, 不過都唔洗好耐就有位喇!!
飲完茶去左行左一陣, 又去左零食物語買野飲, 嗚嗚, 佢個檸檬茶唔同左味, 檸檬味多過以前好多, 但 ...
我覺得以前好好多好多!! 之後行到五點令返屋企附近又行左一陣, 之後就返屋企喇!! 同春天家姐傾左一陣 MSN,
亦都將＜嵐域＞O既事攪掂, 果個 HIROMI 返左黎, 真係唔走就奇!! |
| 20/5/2006 |
|
今日我冇出到街, 睇埋最後兩集＜魔女之條件＞, 個結局都 ... 好夾硬咁, 不過都 OK 好睇!! 又睇左尋日O既＜KUROSAGI＞,
唔知點解今個星期O既＜BUSU ...＞咁遲都未出呢!! |
| 21/5/2006 |
|
今日我冇出到街, 睇左＜BUSU ...＞, 其實真係唔係太鍾意個女主角, 唔係因為佢係 BUSU, 只係一見到佢就諗起上次 SHINDOI 嘉賓時,
對亞剛好惡好過份咋!! |
| 22/5/2006 |
|
今日去左飲茶, 之後返左屋企上網, 本來諗住去交收, 不過個買家話有Ｄ事, 所以就改左星期三, 之後沖左涼,
再整左個蛋糕, 再溫下聽晚個 QUIZ, 不過都唔知記唔記得Ｄ生字呢!! 夜少少珍姨拎左Ｄ野上黎, 之後就走左喇!
夜晚聽皇上同太后講返, 真係好想破口大罵果個護士, 做得呢行唔係預左架咩? 仲咩要影響病人情緒呀, 一於投訴佢就 ARM,
離哂譜架, 完全染污左"白衣天使"呢個稱號呀!! 我 BS 你!! 雖然唔知你係邊個, 但係真係實在太過份! 唔配做護士呀!!!
另外今日睇到, 原來 SUMMER 時, 亞剛個 SOLO 會加演, 我真係好想去睇, 順便可以睇埋 ARASHI, 不過 ... SUMMER 喎,
一定貴到飛起~~!! |
| 23/5/2006 |
|
今日落雨, 好彩返學時只係好細好細雨咋, 但坐巴士塞車塞左半個鐘有多, DORA 冇返, 所以我幫佢拎左 NOTES,
堂係溫習, 硬係覺得時間過得太快呢, QUIZ, 果然Ｄ生字係唔記得哂!! 放學都冇落雨, 太好!! 返到屋企食尋日我整O既蛋糕,
之後上網, 打下 ONLINE 麻雀咁, 好勁, 最後一局, 我食左奇牌!! 大三元+對對糊+混一色, 19 番!! 不過只係 GAME O者,
打真O既就發達!!! |
| 24/5/2006 |
|
今日冇咩特別, 三點幾四點, 個買家打黎, 所以就換衫落去交收喇!! 之後行左一陣咁啦!! 今日上網 SEARCH 野喎,
好開心呀, 因為俾我搵到"樂天熊仔餅"果 109 款公仔樣, 唔講唔知, 原來佢出過好多週邊架, 仲有防狼器添,
雖然唔 ARM 用, 但係覺得小朋友零食送防狼器又真係好有趣! |
| 25/5/2006 |
|
今日去左飲茶, 之後行左一陣, 發現有間野賣我想要果 SET 熊貓扭蛋, 不過都係諗下先, 過幾日出旺角睇下先!
之後返到黎冇咩特別, 同 CATCAT 傾左一陣 MSN, 希望佢果件事快Ｄ冇事啦, Ｄ傳媒又真係好厭!! 發現左一個勁多 GAMES O既日本網站,
真係好好玩, Ｄ公仔又得意喎, 玩左成晚呢, 攪到我唔記得左睇 G 嵐, 都係聽日先睇, 因為好眼訓!! |
| 26/5/2006 |
|
今日睇左 G 嵐, 笑到我肚痛, NINO 然試做 HOST, 仲好自然咁講"KAZU DESU!!", 真係好攪笑!! 今日依然沉迷果個日本 GAMES 網,
真係太多野玩, 好可愛!!! |
| 27/5/2006 |
|
今日食 LUNCH 前, SMS 左家姐, 問下佢今日出唔出, 不過好似收唔到咁, 不過之後家姐都打黎問我出唔出,
當然出啦, 所以我順便約埋步步拎個學年曆, 早左去到, 打俾家姐竟然係留言信箱, 點知一轉身一望, 見到家姐又拎住個手提,
原來我地好夾咁同一時間打俾對方, 所以 JAM 左線!! 之後行信和, 不過都搵唔到我想買果套熊貓, 之後行到四點幾步步打俾我,
之後佢問我邊度有"紅白藍"賣, 真係考起, 真係唔知呢!! 之後行去太子, 再去左十蚊店, 再去左尖沙咀, 食拉麵,
之後去行 CITY SUPER, 好多野想買呢!! 之後行到九點幾就走喇!!! |
| 28/5/2006 |
|
今日冇出到街, 越黎越想買果 SET 熊貓仔添, 因為實在太可愛, 點算好呢?! 本來想整砵仔糕架, 不過屋企包黃糖唔夠用,
聽日去買返包先, 另外我真係好想知道 上新粉 OR 丸子粉 係咪即係糯米粉, 如果係就便宜好多!! 又想整個芝士蛋糕喎,
不過 D NAMA CREAM 都幾貴, 快Ｄ減價啦! |
| 29/5/2006 |
|
今日去左飲茶, 買左片糖整砵仔糕, 飲完茶就返左屋企, 睇下電視, 睇完叮噹就開始整喇, 不過原來要整凍Ｄ糖水,
所以整完Ｄ糖水, 就煮左麵食, 食完麵再繼續整, 其實真係好簡單, 不過要蒸好耐, 同埋我懷疑我落得水多得滯,
所以好似稀左少少咁, 我食左, 真係砵仔糕味, 我開始覺得我幾有整甜品O既天份, 說不定仲係天才添, 哈哈!!
終於睇左＜巴士亞叔＞, 真係 汗 一個!! 另外仲睇到一段大學生旺角非法示威, 而俾人拉O既片段, 睇完之後,
真係戥果班大學生O既父母可憐!! 因為真係估唔到大學生係咁, 影衰我地香港人, 就連最基本, 當警察要查我地身份証時,
我地市民係有義務合作, 呢一個咁基本咁基本O既常識都唔知道, 真係戥佢地父母可憐, 咁辛苦供Ｄ仔女讀大學,
點知原來一個二個讀X片!! |
| 30/5/2006 |
|
今日食左皇上O既炒公仔麵, 唔錯唔錯! 之後約左珍姨去旺角飲茶, 所以就出門口, 之後行左一陣, 差唔多時間,
我就去左行十蚊店, 之後去左食麥當勞, 再返學, 好攪笑, 一上到課室果層, 有個人突然同我傾計, 係果度果Ｄ亞姐,
問我今日洗唔洗返學(...汗), 之後話我地返學越黎越晏, 話以前六點鐘已經有人返, 之後上堂啦, 都冇咩特別,
放學立即返屋企, 食左幾塊多士, 好好味! |
| 31/5/2006 |
|
今日本來去將軍澳, 不過之後都冇去到, 因為又落雨, 所以我今日都係上下網咁啦, 開始搵返以前Ｄ碟睇,
不過發現有好多都唔想再睇, 所以黎個小掃除, 開始睇徐若瑄果套＜本家之嫁＞, 都幾好睇咁!! |
