又到新一個月, 緊張症好左少少!! 今日一心諗住四點幾交收完就去德祥買戟絨整野, 點知係咁等, 等到五點個賣家先打黎, 話佢帶唔夠錢, 返緊屋企拎, 只好等啦, 早左少少落去, 行左轉書店, 之後交收完就去左坐巴士, 不過上到車都差唔多六點, 所以改變計劃, 直接去左旺角, 又塞下車咁, 先頭諗住太子落, 點知車上面有個男人連續打左 7 個"克次", 所以我衝到落車, 無意中入左去 7-11, 仲俾我發現 MEKO 果支 LEMON V 送熊貓野(見圖1), 所以好豪咁買左兩支, 一飲! 嘩! 咁似"的達"糖味O既?! 再去左中南書局, 俾我見到一支熊貓鉛芯筆(見圖2), 6 蚊, 上次O係花園街果間要 8 蚊呢, 所以就買左喇!! 原來都幾多野睇呢!! 之後去左家樂, 行左一轉, 太后打黎問我要買咩色O既戟絨(見圖3), 佢話佢幫我買(因為皇上同太后出左去), 之後行返落樓下, 家姐就打黎, 會合左後去左仙跡岩食, 貴左好多呢, 所以食左個平平地O既!! 食完之後去行信和呀咁, 發現到賣"豐天"果間野, 不過冇我地想搵O既字, 而假果間, 又冇 ARM 喎, 假O既果然平好多!! 其實真係如果假O既 ARM, 我都唔介意假O既, 因為真O既果間冇價錢牌, 係好危險呢!! 之後行女人街呀咁, 家姐買到要買O既衫, 再行左陣咁, 差唔多十點就返屋企, 坐架巴士飛左好多站, 又好似賽車咁, 所以 10:15 就返到, 返到屋企發現我房部錄影機壞左, 錄唔到＜白色巨塔＞添!!





KITTO DAIJYOUBU --> 希望一切順利!!

今日涼左好多, 實在太好喇!! 心情即刻好左好多!! LUNCH 完上左一陣網, 之後落左去銀行, 同埋行左一陣, 返到黎又食下野上下網咁! DINNER 完開始整戟絨公仔, 一黎當然整隻熊貓啦, 因為咁 ARM 搵到 PATTERN, 不過發現, 剪Ｄ裁片出黎都幾難, 冇書果Ｄ剪得咁靚, 同埋總係整得唔太好咁(見圖1), 當然啦, 人地出書架喎! 幾經辛苦, 終於整到喇(見圖2), 幾攪笑架真係, 相信會越整越好, 第一次係咁上下呢, 雖然以前整過"飯團", 不過飯團有幾難呢, 呵呵!! 等我聽日又整下第二樣先!


KITTO DAIJYOUBU --> 希望一切順利!!

今日去左飲茶, 之後行左一陣, 買左公文袋, 因為日本城 85 折喎!! 返到屋企上下網, 睇下 KERORO 咁, 之後又睇下電視咁啦!! 今日 TVB 開始又播返 KERORO, 不過Ｄ配音完全唔同哂, 之前果Ｄ近原裝個 FEEL 多少少!! 而且佢播果Ｄ我睇左, 所以完全冇興趣 LU! DINNER 後開始整隻熊貓, 今次整果隻大隻少少, 不過原來整一隻都幾用時間, 所以我仲未整完, 應該聽日先可以完成呢!!

KITTO DAIJYOUBU --> 希望一切順利!!

今日睇左小丸子真人版, 好可愛亦好感動!! 睇到我都眼濕濕!! 大約 4 點幾, KIDNEY 打俾我, 所以我就立即換衫, 再落左去, 順便寄信, 去到 MTR 等左一陣, KIDNEY 就黎到喇! 仲著左件"AKIBA系"O既衫!! 真係謝謝幫我買亞剛本寫真集!!(見圖1~3) YEAH!! 傾左一陣就返屋企喇, 再睇左陣 KEORO, 之後沖完澡又開始整尋晚未整完果隻熊貓, 終於整好喇, 不過都係好攪笑, 主要係佢本身個樣就好攪笑!!(圖4為原圖, 圖5為本人傑作!)!! 睇左今日O既 MAGO, 雅紀太可愛喇! "讓"青椒食得多, 真係未食過青椒"讓"肉呢!! 果個小妹妹真係幾可愛, 果然 DO S 番長係唔太受小朋友喜愛! 始終會有少少驚吧!!




KITTO DAIJYOUBU --> 希望一切順利!!

今日好努力咁清左一Ｄ FILES, 發覺由尋晚開始好得閒, 因為睇哂手頭上O既 KERORO, 但個腦勁諗住Ｄ內容咁!! 今日我冇出街, 大約 6 點到契媽黎左我屋企呢, 因為今日係佢生日(生日快樂!!), 傾下計咁, 佢大約十點就走左喇!! 夜晚同 L SHO 開左會, 唉, 總算有少少野做到啦, 再改左個圖, 明明只係開始, 但已經感到無力, 仲有少少?苦黎辛O既感覺, 雖然話發起人係我O者, 咁大家都要合作下架, 開會掛住講其它野, 不過, 自己對自己負責就夠!! 其實今日好破例咁睇 HAMASAKI AYUMI 2006 O既 CONCERT, 原來又幾好睇架喎, 因為 AYU O既演唱會係好著重視覺享受, 所以好多舞台設計等等, 同埋我發現, 原來我識唱佢好多首歌呢!! 另外睇小Ｍ個 BLOG, 發現被點名, 內容如下:

1.請報上姓名，且告訴我們名字的由來？
CC, 由來呵~ 因為中文名字有個"斯"字, 而偶的英文名沒太多人唸對過, 所以為了方便大家就叫"CC"(我也是蠻國際化的, 因為廣東話/國語/英文/日文~也是CC)

2.對於傳此接力的人有什麼樣的印象？
雖然未完全了解(快點給我機會完全了解YOU!~笑), 但是覺得小M很溫柔~很熱情~~ 跟她聊天很放鬆~~ 而且超級可愛的小BABY~

3.性別、種族為？
是女的呵~~ 種族呵...OTAKU?? (是日本的OTAKU吧~ 笑)

4.現在用的手機機種為？
MOTOROLA的C168~ 主要是因為是信用咭的贈品:P

5.平常穿著？
大都是T恤+牛仔褲, 在家就是T恤+短褲~

6.今年幾?？
已經到了不太想提起的年齡~比較成熟的飯吧!

7.哪三種東西吃了一定會死！
馬蒂 <-- 不知道是不是這樣寫, 就是那種爽爽的食物~
芋絲 <-- 那種白色的, 沒有味道的, 多數加於火鍋的~
辣的東西 <-- 主要是不受辣, 吃了後一定完蛋~

8.現在住在什麼地方？
香港特別行政區~

9.有犯過法嗎？
現實世界沒有~但是跟小M一樣~ 腦內常犯 :P

10.現在回答接力會覺得睏嗎？
沒有呵, 因為問題有點有趣~

11.你是屬於夜貓子還是一般作息？
夜貓子~ 因為太早睡不著~ 早起更是苦手~

12.你是連續劇派還是卡通派？
我想是連續劇吧~雖然近日不停的看KERORO

13.畫妝or不畫妝？
不畫的, 因為不懂化妝, 畫了更醜~

14.很會打保齡球嗎？
小時候打過一次(好像還是用拋的), 所以不會呢~

15.歌唱得很難聽？
這個我蠻有自信, 以前常去KARAOKE~

16.專長於機械？
還是可以呢, 我對於這個有點好奇, 試過把CD機修好(笑), 完全不怕被電死~

17.你是簡訊派？還是打電話派？？
兩方面吧! 以前絕對是打電話派, 不過現在很怕對方沒反應, 要是沒反應我就有點火, 所以有時候還是簡訊, 但也怕回覆是"OK", "好的"之類~

18.喜歡的動物是？
熊貓, 家裡滿是熊貓的娃娃, 可能有一百個吧! 也不停在收集不同的精品~ 到達了一發不可收拾的狀態

19.你屬於哪種性格？
怪怪~ 決定要做便全力去做, 跟大多數人認為的重點是不太一樣

20.現在想大喊的事？
究竟自己的人生目標是什麼~~

21.請把這個接力傳給７個人。
這個嘛...不答了~~因為要是數不到7個人, CC會傷心~~(自己答了就好了~呵呵)



KITTO DAIJYOUBU --> 希望一切順利!!

今日本來有諗過唔去飲茶, 因為肥左少少(嗚嗚), 不過最後都去左飲茶, 飲茶前去左寄信俾 YUMIKO, 拖左成兩個幾三個月呢!! 之後行左一陣, 仲O係"萬寧"見到隻熊貓公仔呀, 圓碌碌架, 不過百幾蚊, 又唔係好抵, 所以非禮左佢幾野就走左喇!! DINNER 前開始整整蛋糕(戟絨果Ｄ)!! 不過原來果本書係冇 PATTERN, 所以要加上自己O既想像, 經過幾個小時努力, 成功左喇, 不過未整粒士多啤梨, 整好哂再影相俾大家睇丫!! 不過我果塊白色戟絨真係唔多白, 都唔知點解!! 夜晚得知幾個 BBS 都同意左個聯署, 真係幾開心!! 同埋我今日先發現, 原來個留言版 SETTING 錯左, 攪到留唔到言, 唔怪之得黎黎去去都係得我果個留言啦!!

KITTO DAIJYOUBU --> 希望一切順利!!

今日冇咩特別!! 聽下歌上下網咁!! 果然睇哂＜KERORO＞, 生活變得有少少空虛!! 五點到食左少少野, 之後出門口返學, 雖然有少少塞車, 但係都早左返到去, 所以行左轉十蚊店, YEAH!! 俾我搵到把"左撇子"較剪(見圖1)!! YEAH!! 所以諗都冇諗就買左喇! 之後返學, O係洗水間撞到 DORA, 之後原來佢等埋我先返入課室, 因為我聽緊 MP3, 完全聽唔到佢同我講等埋我! 之後依然係教書啦, DORA BREAK 時走先, 因為不在狀態!! 放學立即返屋企, 沖完涼就立即試下把較剪, 果然好正!! 十蚊抵用!!


以下請讓我宣傳下個聯署活動:

活動名稱: ORETACHINO WISH (因為呢個日記顯示唔到日文)

計劃的開端是看到嵐在台灣開演唱會,
相信大家也跟我們一樣,
希望他們也能到香港/上海等中國地方開演唱會的,
所以才想到聯署!

雖然聯署活動或許起不到什麼作用,
但仍想努力試試!~

把大家小小的力量集合起來,
變成更大的力量!

希望想參與的朋友們,
能把這個計劃傳開去,
歡迎連結到任何 BBS/BLOG/網站 等等~~

聯署留言版: http://www3.ezbbs.net/40/arashisign/

有關聯署的BLOG: http://arashisign.blog77.fc2.com/
(能在這裡看到計劃進度/提問/意見...等等)


KITTO DAIJYOUBU --> 希望一切順利!!

今日冇咩特別, 係條"利"好痛, 本來諗住唔落街, 所以一早沖左涼, 但五點幾太后打黎話不如落街食, 所以睇左集 HEYHEYHEY(THE ALFEE, 好攪笑!!), 睇完大約六點半就落去喇, 坐左一陣皇上同太后就黎到, 要謝謝幫忙買戟絨同埋配件呢(見圖1)!! 我整左個較剪套俾我果把"左撇子"較剪(見圖2), 雖然整得唔係太靚, 不過我覺得套左上去後, 感覺非常好!! BY THE WAY, 謝謝姑姐送我熊貓公仔!! 食完之後就返屋企喇, 我當然係再沖過涼啦, 落過街點可以唔沖涼呢?! 之後開始整戟絨公仔, 今次係挑戰 KERORO, 因為安怡鍾意, 諗住試下整隻送俾佢啦!! BY THE WAY X2, 喵喵突然同我講果個 H O既事, 真係好過份, 歧視香港人不特止, 仲將個計劃好似當係佢自己咁, 不過, 都預左係咁, 開講有話"江山易改, 本性難移", 古人果然有道理!!



KITTO DAIJYOUBU --> 希望一切順利!!

今日繼續整隻 KERORO, 越整越攪笑, 經過一日努力, 終整好左(見圖1,2), 但千其唔好笑我呀, 因為係O係冇紙樣O既情況下整架, 仲攪到損哂添呀!! 不過整左出黎都幾得意, 所以好開心!! 皇上同太后都話好得意, 呵呵! 計劃下整隻 TAMAMA 先!! 一陣我要整返粒士多啤梨俾個蛋糕, 整好左先影相!! 我發現我好鍾意整呢Ｄ小手工, 係咪真係有少少自我呢?! 因為一個人係咁整, 好開心!! 呵呵, 粒士多啤梨整好喇~ 所以影埋個蛋糕先(見圖3~5)




KITTO DAIJYOUBU --> 希望一切順利!!

今日 LUNCH 煮左米粉食, 真係好好味呢!! 之後傾左一陣視像, 之後我整左隻熊貓, 係同第一次整果隻"訓覺"熊貓一樣, 因為安怡話要!! 整完大約四點, 再換下衫咁, 四點半到出門口, 等左一陣就有巴士喇, 首先去左旺角中心隔離果度買珍珠奶茶飲, 好味!! 之後去左花園街, 打俾太后諗住 JOIN 佢地, 點知太后話佢同皇上O係行人專用區果邊, 就黎走, 所以我自己一個人行, 本來諗住買 KERORO 俾安怡, 不過睇唔 ARM, 再行到六點幾就去左買戲飛, 因為今晚同家姐睇＜死亡筆記 - 最後的名字＞, 好好睇呢, 不過係唔明Ｄ人仲咩咁鍾意睇戲講電話, 冇較震機都算, 咁電話響你就好聽(其實應該係即劇 CUT 線), 坐我左邊果位亞姐都唔知想點, 鈴聲已經嘈, 仲係一首唔知咩歌, 仲要拎住佢係咁望住部機, 又唔聽又唔 CUT, 真係唔知佢想點喎!! 成套戲, 左邊亞姐電話響左起碼三次, 仲要聽!! 家姐右邊果個又係, 後面果個又係, 仲要好大聲咁話"我睇緊戲呀, 你 CONFIRM 左打俾我啦!", 大姐呀, 間戲院你架咩! 真係冇公德心呢!! 睇完戲再去行左一陣, 返到屋企大約十一點九喇! 樓下個看更仲好開心咁同我 SAY HI!! 真係太熱情呢!! 無意中發現到徐若瑄個 BLOG, 好開心呀!! BY THE WAY, 星期日佢會O係朗豪坊攪簽唱會, 好想去呢, 希望家姐得閒啦!! 因為真係唔知點解, 好鍾意 VIVIAN 呢!!

KITTO DAIJYOUBU --> 希望一切順利!!

今日冇出街, 因為空氣實在太差, 所以全日都專心整戟絨公仔, 今日製成品係一舊唔係好似朱古力蛋糕O既朱古力蛋糕(見圖1~3), 仲將佢同上次件士多啤梨蛋糕黎個合照(見圖4), 其實仲有咩味O既蛋糕可以整呢?! 因為我想整六舊合埋做一個蛋糕!! 晚飯後, 開始整 TAMAMA, 整左隻 KERORO 唔係好捨得送俾安怡添, 不過冇所謂啦!! 呵呵!! 今日心血來潮, 搵返 SAMMI Ｄ CD 出黎聽, 真係好好聽喎, 攪到我再次想買齊佢Ｄ碟添!! 聽日朗豪坊有 VIVIAN 呀, 真係好想去, 不過又未知家姐得唔得, 因為家姐都好似有少少想去!! 我要見徐若瑄呀!! 真係唔知點解, 我真係好鍾意佢, 不過又唔會儲佢Ｄ野果種, 所以好微妙O既感覺!! BY THE WAY, 尋晚發夢見到"彌海紗", 真係好奇怪!!




KITTO DAIJYOUBU --> 希望一切順利!!

今朝俾個電話嘈醒左, 之後食左叉燒河, 好好味!! 之後上網, 家姐話可以去, 所以就約左 2:30 朗豪坊等, 去黎仲咩?! 因為今日有徐若瑄簽唱會, 其實我尋晚儲定相機電, 呵呵!! 所以快速換衫, 大約 1:45 出門口, 等左一陣就有巴士, LUCKY! 我早左少少到, 所以先去左睇下多唔多人等先, 都有三十人到啦, 排隊簽名, 不過我冇買佢隻碟, 又冇可能o係朗豪坊買到三百蚊野, 所以今日只係想去見下佢!! 會合家姐之後, 因為仲早, 所以行左一陣朗豪坊, 大約三點再去左會場, 好好地企到好前, 係第二排, 而前面係幾個小妹妹, 所以好清楚, 個簽唱會本來話三點半開始, 不過最後等到四點幾先開始, 亦因為好明顯我地企果邊, 冇 FANS, 所以 VIVIAN 都係多數望另一邊, 唱左三首歌, 而且佢真係太太太可愛喇, 廣東話都講得好好, 我地拍左好多短片同埋相, 有數碼相機真係好!!(短片同照片, 大家請移玉步到 → 按我按我) 佢真係太好人喇, 我目前仲忍到, 我只會留意佢Ｄ歌呀/訪問呀咁, 未去到買佢Ｄ雜誌, 不過瑄瑄真係一個好特別O既女仔, 係真係會連女仔都鍾意佢果隻, 好似今日咁, 在場真係女 FANS 多過男 FANS, 一直我都以為會係男仔多Ｄ!! 實在好激動, 真係唔知點解!! 同家姐傾返, 原來我地都好耐冇出商場 SHOW, 自從 WAYNE 唔洗再做商場 SHOW 後, 我地都冇再去 LU, 換句話講, 都好幾年喇!! 不過我地冇等到佢走就走左喇, 因為唱完歌, 做完訪問, 佢就開始簽名會, 所以睇左一陣就走喇!! 其實最邪O既係, O係人堆中見到一個人, 不過過左去又唔係咁想再講, 話唔定佢仲有黎我網站, 如果仲有黎睇的話, 實在感謝!! BY THE WAY, 今日現場有 BIOTHERM 試用裝派(見圖), 其實我想拎多Ｄ架, 因為係一支洗面 GEL, 應該幾正, 不過始終都係唔係咁好, 所以拎左一份, 家姐因為唔用呢隻, 所以佢俾埋佢果份我, 謝謝!! 之後去左飲珍珠奶茶, 再行下銀行中心果個新商場, 原來比想像中大, 之但係冇咩睇!! 之後去左信和, 無意中俾我見到兩個趴地野, 好似係套落個樽蓋度果Ｄ野黎架, 5 蚊一個, 所以就買哂佢果兩個趴地喇!! 之後一路行到去尖沙咀, 去左 KFC 食, 不過我真係以後, 係以後, 唔會再食 KFC 果個咩宮保雞咩咩, 真係好難食!! 個包似隔夜, 仲有一陣雪味!! 食完之後行左去 SOGO, 之後大約九點半就走喇, 又好好彩一去到等左兩分鐘就有車, 返到屋企沖完澡, 立即睇返今日拍O既片同埋相, 睇返仲好開心, 好興奮, 仲好激動!! 不過美中不足O既係, 果位保安員哥哥係咪行黎行去, 攪到我成日影到佢個頭, 但睇返真係好開心!! 再上左一陣網, 嵐O既韓國 CONCERT, 最後一場安歌左 4 次, 偏心!! 嘿嘿!!! 真係希望快Ｄ黎香港啦, 咁樣真係方便好多, 亦熱鬧好多, 亦唔會有殘念!!

KITTO DAIJYOUBU --> 希望一切順利!!

今日去左飲茶, 之後行左一陣先返屋企, 就係咁就 MISS 左瑄瑄 903 個訪問, 不過唔緊要啦!! 整左一陣戟絨, 因為隻 TAMAMA 仲未攪掂!! DINNER 後, 我O既天然又發作, 今次幾嚴重, 話說食完飯, 咁去洗手間, 諗住用個 WATER JET(見圖) 黎清潔下牙咁啦, 唔知點解開左制, 但係冇水出喎, 攪左好耐, 之後都係咁, 唯有向太后求救, 之後太后幫我睇下係咪壞左啦, 點知! 哎唷!! 我知點解喇, 因為我唔記得裝水, 咁冇裝水, 當然係冇水出啦, 呼呼!! 真係笑Ｃ我!! 訓前去左 YOUTUBE 睇片, 因為呢兩集＜ENTA NO KAMISAMA＞都冇人放, 所以只好去睇返以前果Ｄ片段, 真係好攪笑, 今日主要睇 SAKURADUKA YAKKUN, 笑到肚痛, 好難解釋!!


KITTO DAIJYOUBU --> 希望一切順利!!

今日一開電話, 收到 DORA 個 SMS, 希望快Ｄ冇事啦!! 之後我都係上下網, 睇下電視咁, 四點幾煮左個米粉食, 之後再睇左一陣電視, 大約五點半就出門口喇, 又早左到, 所以又去左行十蚊店, 不過冇收穫, 因為實在去得太密!! 三小時O既日文堂, 其實都好長, 但一星期一堂又好少!! 放學後立即坐車返屋企, 返到屋企沖完澡就食左兩件朱古力西餅, 好味!! 再上網, 今日決定開始寫 BLOG, 雖然日日都有寫網頁日記, 但 BLOG 好似幾好玩咁, 所以就將之前果個寫台灣遊記O既 BLOG, 改左做我O既 BLOG, 不停期更新, 但係應該會寫Ｄ特別O既事, 好似今日咁, 我寫左一個我一直都解唔開, 但今日突然解開左O既"螢光粉紅"謎! 大家有興趣的話, 請移玉步到 → 按我按我!! 而亦為我個網頁黎左一次大清洗, 因為其實好多野都冇咩用, 所以為左留返Ｄ空間俾我寫日記, 所以 DEL 左好多野!!
KITTO DAIJYOUBU --> 希望一切順利!!

今日冇出街, 因為落雨呢, 所以上下網睇下電視, 同埋發現左一個幾正O既網上 PLAY LIST, 真係幾正, 而家我個網頁同 BLOG 都冇咁單調喇!! DINNER 前整下 TAMAMA 啦, 真係好得意!! 今晚 DINNER 係打邊爐(見圖1), 天氣涼左少少, 真係太太太好喇, 不過落雨就麻煩左少少!! BY THE WAY, 今日沖沖下涼, 太后返黎, 但又冇帶鎖匙, 攪到我"呢咁 HAIR"呢!! 好!! 等我攪掂埋隻 TAMAMA 先, 因為好攪笑, 今晚要睇勁歌金曲, 因為有 VIVIAN !! 我果然開始萌女生!! 呵呵, 家下 11 點, 我整好左個 TAMAMA 喇(見圖2~3), 仲幫佢同佢最愛O既 軍曹SAN 黎個合照(笑)(見圖4)!!




KITTO DAIJYOUBU --> 希望一切順利!!

今日 LUNCH 完大約一點幾同太后坐巴士去左旺角, 因為約左兩點幾 BODY CHECK, 早左去到, 所以行左一轉女人街, 之後就上左去檢查身體, 都冇咩特別, 冇問題! YEAH!! 不過果位幫我檢查O既姐姐好攪笑, 因為本來檢查只需要 5 分鐘左右, 但係佢就捉住我同我傾左十幾分鐘, 攪到太后等左我好耐, 之後檢查完就同太后去左行街街, 最開始去買左兩杯珍珠奶茶行住飲, 去左花園街, 人唔算太多呢, 買左好多 KERORO 野俾亞妹, 不過冇熊貓野喎, 嘿嘿!! 之後再行呀行呀, 好似行到五點幾就返屋企, 因為開始人多, 同埋有少少累呢!! DINNER 完就開始整 GIRORO, 哈哈, 勁呀呢!! 我迷上左呢!!

KITTO DAIJYOUBU --> 希望一切順利!!

今日一早約左去身體檢查, 係同尋日果個唔同O既, 而因為要驗血, 所以由尋晚 12 點開始只准飲水, 今朝 7 點幾起身, 仲要係唔洗鬧鐘果隻, 打開雪櫃, 差Ｄ忍唔住食左舊西餅添!! 之後 8 點出門口, 坐 MTR, 好多人, 好辛苦先坐到去中環, 9 點到就到左診所, 等左一陣就到皇上喇, 佢好快喎, 第二個就到我喇!! 真係好緊張好驚, 真係唔係講笑!! 入左間房, 先係度高同埋重, 然後係心跳同血壓, 都正常!! 然後護士話抽要抽左手, 我就話之前都係抽右手O既, 所以佢話要拎Ｄ幼ＤO既針筒黎, 隔左一陣, 佢連個高級Ｄ O既護士都帶埋黎, 問我係咪堅持要抽右手, 如果係O既話, 佢可以試下!! 我心諗: 試下?! 唔係講笑下嘩!! 所以我以 9 秒 9 答佢: 如果係咁, 咁抽左手啦!! 感覺到自己把聲有少少震!! 好順利咁抽完血, 佢地兩個仲一邊抽一邊講某個同事O既是非!! 抽完之後我就出返去坐O係皇上隔離, 但係越黎越暈, 最後頭暈加眼花, 真係咩都睇唔到, 同上一次一樣!! 攪到皇上一時不知所措, 就話俾個護士知我暈, 護士就扶返我入頭先間房張床度訓, 呢一刻太后都抽完血出黎, 問皇上我仲咩事, 聽講果一刻我塊面係青哂!! 面冇血色就係呢隻!! 之後高級Ｄ果個護士就拎左兩條朱古力條我食, 仲話如果抽完血會暈, 下次一定要事前出聲, 如果唔係好危險!! 再飲左杯水, 好好多喇!! 不過都再休息多一陣先起身, 再行左去房出面再坐左一陣先走, 果一刻實在太辛苦, 成身都標冷汗, 驚驚!! 之後去左大家樂食早餐, 講真, 好難食, 真係好難食!! 食完之後就行左去新碼頭果度坐船過海去尖沙咀, 再行左一陣, 果間尚書房貴Ｄ O既, 下次去返旺角果間先!! 之後再行左一陣, 先頭諗住去旺角飲下午茶, 不過因為太累, 所以決定返屋企附近飲, 所以就坐巴士返屋企, 咁 ARM 去到酒樓附近, 樓上估姨姨打黎約飲茶, 所以就約左O係酒樓見喇!! 都係傾左一陣咋, 因為好累, 我好想返屋企休息下, 所以三點左右就返左屋企, 我當然係沖涼先啦, 之後睇下電視, 仲睇埋＜鬼來電 FINAL＞同埋＜14 歲媽媽＞CH.6, 好好睇!! 夜晚都係打邊爐, 因為方便丫嘛, 呵呵!! 我仲為左我今日O既抽血暈倒事件, 黎個照片回憶(見圖1)!! 夜晚換左個滑鼠同埋滑墊(見圖2~3), 因為舊果個滑鼠好似唔多聽話, 咁 ARM 屋企有個無線滑鼠, 都冇用過, 所以就試下, 唔錯呢!! 而滑鼠墊呢, 因為都好幾年冇換過, 所以順便換埋佢, 不過因為搵左好耐先搵到, 仲攪到成手損哂! BY THE WAY, 夜晚同 5n 傾 MSN, 我一定係傻傻地, 因為勁同佢傾 PINK 話題(爆~)



KITTO DAIJYOUBU --> 希望一切順利!!

今日 LUNCH 前打左俾家姐, 問佢今日得唔得閒, 家姐話不如聽日, 我又唔知點解話今晚先決定, 我一定係尋日朝抽完血, 抽到個人都傻左!! LUNCH 完好得閒, 所以就提議去將軍澳行下, 買左張 ARASHI POSTER 俾家姐, 不過我冇打開黎睇, 應該係果張掛, 果間店幫襯佢仲可以自選一張 POSTER 作為贈品, 咁 ARM 見到張 F4 (台灣O既), 所以就選左, 過幾日拎俾 CATCAT 先, 之後行左好耐, 真係攪笑, 講到話個環保袋就黎爛, 咁 ARM 有活動派環保袋喎, 真係巧合!! 扭左隻蛋係 DORORO, 好明顯都係俾亞妹O既!! 返到屋企附近個報紙檔, 見到有部老翻 KERORO 扭蛋, 1蚊1次, 幾得意咁, 所以就扭啦, 點知扭第二次時, 入左錢冇蛋出, 所以話俾果個人知啦, 點知佢好似我呃佢咁, 勁問係咪我入錢入錯地方, 部機有幾大呢, 同埋得一個位入咋喎, 再講, 我又唔係第一日扭蛋, 講左好多句先好唔願意咁俾個 1 蚊我再扭過, 唉, 大姐, 唔係話咩呀, 係呃都唔呃你果 1 蚊啦, 有心呃你我就話係扭十蚊果部啦, 以後唔去果間野扭蛋, 太唔吉利!! 之後返屋企, 沖涼呀咁, 再整左兩舊飯團仔, 因為太后要睇＜一公升眼淚＞, 佢今日追左三集呢!!

KITTO DAIJYOUBU --> 希望一切順利!!

今日 LUNCH 完大約一點九就出門口, 因為約左家姐去行街街, 等左一陣家姐到達, 之後行信和啦, 不過冇收穫, 之後行左好多地方, 又去左買雜誌, 大約五點幾就坐 MTR 去西九龍中心食壽司, 好多人呢, 唔知係咪太耐冇食, 所以食得好少, 食完之後行西九龍中心, 發現到一間文具精品店, 好多野都未見過, 所以行左好耐, 買左好多野(圖1), 仲有買左俾兩個表妹添(圖2), 之後再返去旺角行花園街, 買左條圍巾俾寶姨, 不過唔記得影相添, 呵呵!! 十點幾返到屋企, 整下雜誌咁啦, 冇咩特別, 玩下今日買果枝神奇筆, 寫O既字係要用筆頭黎照先睇到(見圖3~4), 好得意!! 今日係有少少累呢!



KITTO DAIJYOUBU --> 希望一切順利!!

今日冇出街, 因為我無 LALA 喉嚨痛, 所以唔想飲茶, 所以自己煮左米粉食, 之後整埋Ｄ雜誌!! 要再整過隻 TAMAMA 呢, 因為寄左俾安怡, 仲有兩件蛋糕都要整過!! 但上上下網先發現唔記得寄隻熊貓俾佢, 失敗! 夜晚仲扮乖, 做左份功課!!! 今日鏗鏘集講培道, 作為培道女兒, 我其實幾讚成起新校舍, 因為我讀果陣, 舊果座校舍其實真係好舊下, 起新O既, 其實長遠黎講只係好, 唔會係壞事!! 而且而家借用O既學校, 我覺得環境唔錯呢!! 各位師妹就俾少少耐性, 年後就有新校舍用, 真係唔錯呢!!

KITTO DAIJYOUBU --> 希望一切順利!!

今日 LUNCH 後都係上網咋, 落大雨, 仲行雷添!! 大約五點就食左米粉同埋湯, 之後遲左少少出門口, 咁 ARM 去到車站有車, 但都早左到, 所以又去左行十蚊店, 行完出黎落好大雨, 今日 DORA 都有事冇返到, 今堂教果Ｄ都唔算深, 因為係教課文, BREAK 時, 突然有個同學過黎問我係咪鍾意 JOHNNYS, 原來佢一直有留意我拎住 NOBUTA 個袋(早幾個月考試時我就知你留意住我個袋呢!!) 咁傾左幾句啦, 又話有一次O係朗豪坊見到我, 之後佢話佢之前鍾意森田剛, 但果次O係 HK 見到佢後就唔鍾意, 家下鍾意 KAME ,... ... 傾左一陣咋都係, 因為 BREAK 完左喇! 早左少少放學, 落大雨呀, 把傘好難開呢!! 快Ｄ俾我搵到把熊貓傘就好喇!! 行緊去巴士站時見到走左架車, OH NO!! 等左一陣就有車喇!! 車上仲發現一個好冇公德心O既小妹妹(同埋佢媽咪), 真係第一次見人O係公眾地方, 仲要係原本好靜O既巴士車廂裡面, 用免提裝置, 大大聲咁講電話, 我完全理解唔到, 仲要亂扔垃圾, 唉, 無眼睇!! 返到屋止時都落好大雨, 把傘依然好難開!! 沖完涼食左朱古力曲奇餅, 好味!! 之後上下網, 同 TSUTSU 研究左幾題日文, 我發現真係好多都唔記得左, 因為我係上年考 2 級架呢!! 仲有兩星期大家又考 2 級喇, 大家要努力呵!! BY THE WAY, 上堂時, SENSEI 講開話紫色係老人O既顏色, 我真係滿頭黑線, 我...我...我好鍾意紫色架, 唔通我...!

KITTO DAIJYOUBU --> 希望一切順利!!

今日冇出到街呢, 因為有少少作病, 不過應該冇事!! LUNCH 煮左個米粉食, 之後睇下電視上下網, 沖完涼就開始整 TAMAMA 喇, 因為之前果隻寄左俾安怡, 所以要整過隻俾自己!! 皇上同太后出左街, 五點幾打返黎話要食埋飯先返到黎, 因為要等個電話整好先 OK, 所以我就六點幾時一邊睇＜新堂本兄弟＞一邊食米粉, 我真係好鍾意食米粉架呢!! 食完之後繼續整 TAMAMA, 不過硬係覺得之前果隻可愛Ｄ咁(見圖1~3)!! 八點幾皇上同太后返黎喇!! 亦收到前幾日O既驗血報告, 大件事呢, 我 ... 我 ... 膽固醇高左少少, 攪咩會咁架!! 雖然對上果次驗血都係高左少少, 之但係 ... 點解呢?!!


KITTO DAIJYOUBU --> 希望一切順利!!

今朝早左少少起身, 之後煮左米粉食, 十二點幾出門口, 因為約左 CATCAT O係西九龍中心!! 我遲左少少到, 第一站去左西九龍中心果間文具店, 我買左盒 KERORO 公仔[拆開先知其實係 KURURU](見圖1左方)!! 之後行珠仔街, 雖然短短一條街咋, 不過我地行左好耐, 收穫好豐富!! 之後去左"德祥", 買左噹噹同埋戟絨, 好開心, 因為有螢光粉紅戟絨喎, 所以我唔理咁多買左先, 雖然未諗到整咩!! 仲有三隻色同 CATCAT SHARE, 因為係比較少用O既(見圖2), 之後去左元洲街新開果間十蚊店, 比我想像中細好多, CATCAT 買左幾樣野, 最緊要係買到把較剪喇!! 同我果把一樣, 只係我果把係"左撇子", 佢買左"右撇子"版本(笑)!! 之後坐 MTR 去左太子O既始創, 因為想扭蛋, 始終我鍾意O既熊貓, 成日都"痴"埋其它幾隻, 命中率太低, 所以唔敢搏, 等遲Ｄ有得散賣先買!! 跟住我地去左朗豪坊個 FOOD COUNT 食野, 講真, 我今日先知朗豪坊有 FOOD COUNT, 因為成日行過都行到去味千果度就轉頭, 又睇唔到再過Ｄ就係 FOOD COUNT, 不過都唔平呢, 首先係分左Ｄ戟絨呀果Ｄ, 之後坐左一陣先買野食, 我食左個"海南雞飯"(見圖3), 而 CATCAT 就食左個炒飯(見圖4), 唔知係咪我口味唔同左, 我覺得細個食果Ｄ海南雞飯唔係咁O既味呢!! 食完之後冇再去行, 因為今日行左好耐呢, 所以傾下計咁, 仲講左一件好嚇人O既事, 人~ 真係好得人驚架!! 不過, 凡事都有得有失, 希望唔好再遇到果類人, 因為實在太得人驚!! 比鬼片更恐佈!! 傾到八點幾, 行去坐車喇, 返到屋企九點幾, 一入門口, 太后話頭先有隻螳螂O係個"哈姆太郎"玩具上面, 聽落都好得人驚呢!! 沖完涼後, 我整埋隻 GIRORO, 因為之前未有灰色, 所以今日買左灰色先整到佢條帶, 好攪笑呢(見圖5~6), 因為怕網頁空間會爆, 其它圖請睇 BLOG!! 要謝謝 CATCAT 送左盒熊貓印仔俾我呢(見圖1右方), 真係好得意!!




KITTO DAIJYOUBU --> 希望一切順利!!

今日去左飲茶, 雖然膽固醇高左少少!! 之後去左行到差唔多五點, 因為約左個買家交收, 之後返屋企睇左一陣電視, 沖完澡差唔多 DINNER!! CATCAT 話我知有隻網上寵物, 係熊貓, 所以立即申請左黎玩, 命名為 MASAKI(雅紀), 只係識食竹葉同埋行黎行去, 同雅紀有似(笑), 之後家姐搵到個 BLOG PET, 都係有熊貓, 所以又養多隻叫做 TSUYOSHI, 佢識得學單詞, 但汗O既係, 第一同第二句講O既係 TAMAMA 同埋 GIRORO, 想同佢地玩下?! 可以去我網頁首頁或者 BLOG 呢!! 拍賣我想 BID 果Ｄ野突然好多人同我爭!! 唉, 不過太貴就唔再 BID 喇! 呢Ｄ係緣份黎O既!! 諗住整 DORORO, KERORO 小隊就黎齊人 LU!!!

KITTO DAIJYOUBU --> 希望一切順利!!

今日冇出到街, 執左房成日, 因為我終於忍唔住間房咁亂!! 不過仲係好多野咁, 遲Ｄ再努力過先!! 其實我想有一個箱用黎裝週邊, 要諗諗先!! 夜晚諗住去 L SHO 踩樓, 點知成日都 LOAD 唔到, 所以我放棄!! 而家我去整個 (BLOG 更新 LOGO) 先!!

KITTO DAIJYOUBU --> 希望一切順利!!

今日食完 LUNCH 同太后落左去行左一陣, 咁 ARM 果間三聯有減價文具, 所以買左幾個 FILES, 同埋筆呀咁, 之後咁 ARM 又見到"基本法"宣傳, 所以拎左份宣傳禮物, 係項繩同埋 MOUSE PAD, 唔錯呢!! 再行左一陣, 再去街市買左少少野就返屋企, 不過返到屋企先發現買O既 FILES 其中有一包少左一個(應該係一包有兩個, 但果包得一個), 唉, 又冇証據, 所以都冇拎落去換!! BY THE WAY, 今日開始整 DORORO, 應該一兩日可以完成呢!! KINKI 首新歌好好聽呀, 有少少哭O既衝動!

KITTO DAIJYOUBU --> 希望一切順利!!

今日去左飲茶, 之後又去行左一陣, 再去三聯, 買左三支漿糊筆, 好抵!! 夜晚打邊爐, 好味!! 返到屋企沖完涼, 好乖咁做功課同埋溫習, 因為聽晚 QUIZ 呢!! 希望 DORA 返到啦, 因為近排佢太多野忙!! 夜晚本來諗住自己由頭到尾做過個 BLOG 風格, 但最後都係改左少少就算, 將兩條龍改成熊貓, 再改左最頂個張圖Ｄ字, 而家全部都係熊貓, 真係好開心呢!! BY THE WAY, 今日睇＜東張西望＞有 SAMMI, 好開心見佢出返黎呢, 不過果日個髮型同埋化妝唔太襯!!!

KITTO DAIJYOUBU --> 希望一切順利!!

尋晚為左睇電視夜左訓呢!! 今日 LUNCH 完都係上下網啦!! 睇左尋晚 ARASHI O既節目, 雅紀果然可愛, 真係實在太可愛喇!! 五點左右煮左個米粉食, 之後五點四十分左右出門口, 等左一陣就有車喇!! 早左返到, 所以去行十蚊店, 差Ｄ忍唔住買左個螢光粉紅墊, 但最後都忍手冇買, 因為屋企果個未爛, 同埋我估計螢光粉紅冇咩人會愛!! 今堂日文都係咁啦, DORA 有返, 真好!! 最後 QUIZ, 唔太識Ｄ詞語, 所以做完 QUIZ 早左少少走, 撞到果位龜飯同我講 BYE BYE, 之後全班最討厭果個男人, 行過黎唔知講左句咩就好誇張咁笑住走左, 我真係完全唔知佢講咩!! 係一個謎!! 十點三到返到屋企, 沖完涼食下朱古力曲奇咁, 實在太好味!! 再上下網咁同 CATCAT 傾左成晚呢!! 今日收到前幾日 BID 到果套生茶熊貓, 之但係點解 5 隻都係一樣O既, 問個賣家, 佢話佢俾日本賣家呃左, 原來只有 3 款, 所以會退返一部份O既錢俾我, 我當然係收齊錢同埋另外兩款, 我先會寄返多左果幾隻俾佢啦!! 真係好失望!!

KITTO DAIJYOUBU --> 希望一切順利!!

今日下晝出左西九龍, 同埋行珠仔街/十蚊店/德祥..., 終於買左上次O係德祥見到果包螢光粉紅色O既繩, 可以織手繩呢!! 之後皇上先走, 我同太后就行左去花園街, 買左兩個熊貓袋仔(今日O既收穫請看下圖)!! 六點令返到屋企, 好多野未睇添, 所以攪到我呢兩日都冇整個 DORORO! BY THE WAY, 今日癹現日本自遊行都唔算太貴, 如果真係同皇上太后去玩下就太好喇!! 因為始終我呢Ｄ不務正業O既人, 旅費平Ｄ, 剩返Ｄ錢去買野好過!! 呢種心情真係唔係人人都明白, 明白的人自然明白!! 請我去旅行就另作別論, 呵呵!!


KITTO DAIJYOUBU --> 希望一切順利!!

今日本來諗住落街行下, 不過最後都冇, 睇下片,因為不經不覺我又好多片未睇!! 夜晚睇日拍O既生茶熊貓時, 發現好多產品, 真係睇到我好羨慕, 真係 ... , 之後無意中搵到生茶熊貓個公式 BLOG, 嘩, 真係睇完仲慘, 因為實在太吸引, 全部我都想要呢!! 就係咁我就睇左幾個鐘, 貼左最新O既一個系列去 BLOG, 大家有興趣就噤上面個 LOGO 去我個 BLOG 睇下啦, 遲Ｄ我會再 UPLOAD 其它系列上去, 同埋我今日開始搵我Ｄ熊貓珍藏出黎影相, 遲Ｄ影好左再放上去俾大家睇下我幾咁瘋狂!!!

KITTO DAIJYOUBU --> 希望一切順利!!