歡迎睇我任何一日私日記!
(私日記。WATASHINO NIKKI!)
1999
2000
2001
2002
2003
2004
2005
JAN
FEB
MAR
APR
MAY
JUN
JUL
AUG
SEP
1/10/2006
2/10/2006
3/10/2006
4/10/2006
5/10/2006
6/10/2006
7/10/2006
8/10/2006
9/10/2006
10/10/2006
11/10/2006
12/10/2006
13/10/2006
14/10/2006
15/10/2006
16/10/2006
17/10/2006
18/10/2006
19/10/2006
20/10/2006
21/10/2006
22/10/2006
23/10/2006
24/10/2006
25/10/2006
26/10/2006
27/10/2006
28/10/2006
29/10/2006
30/10/2006
31/10/2006

1/10/2006

又到新一個月, 今日係國慶!! 睇新聞, 訪問左個小朋友, 問佢今日為左咩去睇升旗, 佢O既答案竟然係話慶祝回歸, 記者話回歸同國慶係唔同, 小朋友就話"都差唔多O者!!"!! 本來今日去交收, 點知四點個買家打黎話佢唔記得左約左我, 所以想改第二日, 好彩佢打黎咋, 如果唔係真係幾"呢 HAIR"!! 珍姨拎左張月餅券同埋手信俾我, 係一隻熊貓戒指, 同埋一條頸鍊, 多謝哂!! 夜晚 TVB 播"女王的教室"大結局, 我又睇多次, 都好感動!! 上網, OH, 等極唔見人, 又話今日開會O既?! 一定係唔記得左, 後黎 5N 加左我去工作組, 我寫左個帖, 係討論目前要決定O既事, 希望大家會湧躍D參與啦!! BY THE WAY, 今日用微波爐試整爆谷, 雖然成功, 好好味, 之但係要諗下有咩方法先得, 因為個碗同埋保鮮紙唔係好掂!!

KITTO DAIJYOUBU --> 希望一切順利!!

返回


2/10/2006

今日冇落街, 好熱呀今日!! SCAN 左功課, 不過未 PRINT, 諗住等埋 DORA 答我先, 睇下洗唔洗 PRINT 埋佢果份先!! 契媽打黎傾左一陣, 唔好轉飲咖啡啦衰!! 睇左兩集 KERORO, 真係笑C我, 太可愛喇!! 夜晚終於都開左會, 雖然唔齊人, 不過都算係咁喇!! 計劃名稱"ORETACHI NO WISH"!! 不錯不錯!! 而家諗住去醫治下D ARASICK, 因為準備睇尋晚O既 歌笑!!!

KITTO DAIJYOUBU --> 希望一切順利!!

返回


3/10/2006

今日好熱, 一D都唔似就黎中秋~~! 上下網咁, 到左 4 點, 個買家 CALL 我交收, 所以立即換衫去左 MTR 站, 交收完我仲去埋增值!! 再返左屋企煮野食, 之後再上左一陣網, 睇埋 9/16 個 MAGO, 之後出門口返學!! 返到去課室, 冇咩特別!! 好悶咁上左一堂, 行去巴士站時, 聽到 DORA 話攪緊狗狗領養, 見到佢開心返我都放心D!! 返到屋企樓下, 個看更叔叔同我傾計, 真係 ... 問點解成日見我亞爸亞媽, 但我好少落街喎, 我又唔好意思話佢知我呢D叫 OTAKU, 係要成日痴住部電腦!! 返到黎沖完涼, 再食左三塊朱古力多士仔, 食完先見到原來仲有一件蛋糕(OHOH!!), 之後上下網咁, 冇咩特別呢!! BY THE WAY, 今日睇左尋晚首播O既 NEWS ZERO, 嘩! SHO 真係真係好掂!!!

KITTO DAIJYOUBU --> 希望一切順利!!

返回


4/10/2006

今日一上拍賣睇, A-RE?! 個拍賣取消左O既?? 一睇, 原來有人投訴我個拍賣, 奇怪O既係, 好多人都係咁樣賣野, 但係其它人又冇事, 我諗左好耐, 得出結果係, 上次賣 KINKI 扇俾我果個人最可疑, 佢梗係見我賣返出去貴過佢賣俾我, 所以咁 ARM 又唔 ARM 規例, 所以投訴我啦, 吾!! 你好野, 算你狠!! 其實自從 YAHOO 要收拍賣費後, 我都少左用, 因為本來唔洗錢, 家下要, 就唔抵架嘛!! 算, 唔放 LU, 由佢放O係我屋企, 第時有人要先賣, 好彩 ARASHI D週邊一早賣左咋, 呼, 好彩!! 皇上出左街, 仲買左 DVDR 同埋 炭粉 返黎呢, 成功!! 個 PRINTER 非常好!! 夜晚做左第一份功課, 都有少少難!!!

KITTO DAIJYOUBU --> 希望一切順利!!

返回


5/10/2006

今日冇出街, 好熱呀依然, 真係就黎中秋?! 睇左東山前輩果套<kuitan SP>, 吾, 都 OK 啦, 但果兩個扮香港人O既人, 一聽就知唔係啦!! 睇呢套, 真係要忘記雅紀有份客串, 因為完全覺得東山前輩太過份, 得果五秒唔夠, 咁就唔好發到咁大叫大家期待啦, 唉!! 我仲懷疑下年o既 PART 2, 會將森田剛變左亞龜添呀!! 之後睇左 KERORO, 係開始果幾集, 好好笑呀, 有排追呢!!!

KITTO DAIJYOUBU --> 希望一切順利!!

返回


6/10/2006

今日係中秋節, 先祝大家中秋節快樂, 日日都開開心心, 最緊要身體健康!! 下晝時同皇上落左街, 先去下銀行, 再行下超級市場咁, 好多人呢, 好得人驚!! 本來諗住去百佳買壽司食架, 點知我想買之際, 聞到一陣酸臭味, 所以都係唔買喇, 一陣食左有咩事就大件事!! 返到屋企沖完涼又開始睇 KERORO, 真係笑到我肚痛, TAMAMA 真係好可愛, 佢豹變O既性格有少少似我, 呵呵!! DINNER 前 SMS 左家姐祝佢中秋節快樂, 之後 EMAIL 左個賣家入左錢, 哈哈, 收到後我可以 HC 下先俾返家姐, 呵呵!!

KITTO DAIJYOUBU --> 希望一切順利!!

返回


7/10/2006

今日 LUNCH 完上左一陣網, 就坐車出旺角喇!! 行信和, 不過冇收穫!! 之後行左去旺角中心, O係新之城發現到有間店新開O既, 係賣飲品架, 一睇睇到珍珠奶茶! 嘩! 正呀, 所以買左黎飲, 哎唷, 真係好好味呀, 估唔到我去台灣都冇見過O既珍珠奶茶, 竟然O係旺角可以消除到我O既怨念, 真係好好味呀!! 之後行左去新世紀, 諗住去睇下果間餐廳O既價錢, 嘩!! 貴到飛起! O係大眾書局買左兩樣熊貓野, 好靚架, 不過其實又有少少貴, 不過算啦, 都買左咯!! 呵呵!! 之後去左行花園街, 搵到三條四葉草O既頸鍊, 家姐將會送俾黎港玩果三位朋友作見面禮!! 之後又買到四葉草O既電話繩(都係家姐將會送俾字幕組O既朋友O既!!) 之後行左去尖沙咀, 首先行十蚊店, 不過都冇咩新貨咁!! 再經過柏麗大道, 好多花燈呀, 仲拎左兩張願望咭, 所以我地立即寫低自己個願望, 掛左O係最尾果個花燈果度喇(其實係掛O係圍住花燈果個野果度), 之後行左去海洋中心果頭, 去左美食廣場食野, 幫襯左果間叫 TOMIXXX (唔記得左咩名), 係食手打烏冬O既, 我叫左個餐, 係有一碗烏冬, 兩舊甜腐皮壽司, 再加一碗"O DEN", 好好味呀, 不過個"O DEN"好攪笑, 成碗野無論係咩, 個味道都係青紅蘿白湯咁O既味!! 食完之後行左轉 CITY SUPER, 之後去左 SOGO, 行完 SOGO 就坐車走 LU, 因為十點幾喇!! 返到屋企沖完涼都十一點幾, 再上下網, 睇左幾集 KERORO, 同埋睇左<UTABAN 10 週年>SP, 好攪笑, 係卡拉 OK 大賽!! BY THE WAY, 家姐話我性格太負面思想, 希望我可以多加注意一下, 其實我自己都知架, 我已經好左好多架喇! 雖然話係因為亞剛令到我有想同佢同一類人O既傾向, 但其實我覺得可能係我潛在性格係咁, 同埋始終人真係會變, 吾~~ 不過大家都係估估下O者, 冇人會切切實實咁講到個答案我地知, 所以都冇謂去深究, 我會繼續多加注意就是喇!! 因為我覺得, 雖然太負面思想唔好, 但有時太正面又太亞 Q 精神, 所以話人都係充滿矛盾, 我都唔係好識點去講, 精彩每一天便是喇!!

KITTO DAIJYOUBU --> 希望一切順利!!

返回


8/10/2006

今日係一個完全好普通O既星期日, 上網/食野/睇電視咁!! 下星期日開始 TVB 播<一公升眼淚>, 其實又突然間有少少想睇, 因為知道係真人真事改編, 但又真係會喊到C咁!! 睇左最新O既<世界奇妙物語>, 好得人驚呢, 最感人O既係"家族會議"呢個故事, !

KITTO DAIJYOUBU --> 希望一切順利!!

返回


9/10/2006

今日好好訓, 成晚攬住隻熊貓, 好舒服, 呵呵!! LUNCH 後上左一陣網, 兩點幾換衫出門口, 因為約左個買家O係 MTR 交收, 個買家好準時, 交收完我自己去行左一陣, 都冇咩收穫, 但係條街勁熱, 熱到我有少少暈!! 所以行左一陣就返屋企喇!! 好想睇 10/7 個 MAGO, 快D有啦!! 好期待!! 今日係安怡O既生日, 表姐就祝你日日都開開心心, 乖乖地啦!! 其實我識O既人當中仲有一個人都係今日生日, 只係我唔想再提起!!

KITTO DAIJYOUBU --> 希望一切順利!!

返回


10/10/2006

今日冇咩特別!! 終於睇左 10/7 個 MAGO, YEAH!! 太好睇喇, 睇到雅紀太寵愛D小朋友, 翔又好認真, 教小朋友做功課, SASUGA KEIO BOY!! 好明顯小朋友都係好鍾意佢地, 雖然玩得粗老左少少!! 今日成日都記住翔要果個小朋友道歉果一段, 真係非常爸爸 FEEL!! 差唔多五點時, 食左皇上煮O既愛心雞扒意粉(正!), 之後返學喇, 早左少少到, 所以行左一陣十蚊店, 買左包野, 係用黎混入D飯度食果D!! 之後返學, 唔知點解有人坐錯位, 攪到我坐左門後面果個位, 好彩好安全, 冇俾度門撞親!! 因為我預想到, 如果有人開門撞到我, 我會變 TAMAMA !! 即係豹變, 做D咩係估計唔到!! 今堂都教得比較慢, 不過都好, 起碼明白D, 只係我擔心會教唔切!! 發現原來 PRESENTATION 係 SENSEI 決定題目, 咁都好D, 因為自己諗真係唔知講咩好!! 同埋早D開始, 唔洗好似上兩年咁咁趕!! 同 DORA 傾左好多野, 好攪笑, 佢話今日坐巴士, 坐佢對面果個男人唔止"火車未到站", 係直情"未開車", 真係笑C我!!

KITTO DAIJYOUBU --> 希望一切順利!!

返回


11/10/2006

今日冇落街, 因為太熱喇, 都唔明點解過左中秋仲係咁熱O既?! 收到 CEF 封信, YEAH!! 兩個星期就可以喇!! 今日亦睇左好多集 KERORO, 果然好好笑, 好懷念 TAMAMA O既 "CHE SU TO", 有少少後悔冇 CUT 返果段仔出黎添, 仲要係咁 ARM 玩緊雙截棍, 真係約埋都冇咁 ARM!!!

KITTO DAIJYOUBU --> 希望一切順利!!

返回


12/10/2006

今日上下網咁, 收到 YUMIKO 寄黎O既禮物, 真係多謝哂, 係今年第一份生日禮物, 一陣貼張相大家睇下!! 其實我都仲未回信俾佢! 大約三點, 我落左去行左一陣, 因為想買支簽名筆, 因為新果D DVDR 黑色面, 用 MARKER 寫完睇唔到, 所以落去行下, 夾下價咁, 原來家陣D簽名筆咁貴, 我記得以前都好平, 最後O係商務買左一支粉紅色O既油漆筆, $8.5, 仲有 9 折, 所以只係 $7.7, 之後行多一陣就返屋企喇!! 果然用呢支筆寫O係黑色碟面, 真係好型, 好靚!! YEAH!! 夜晚睇到消息話赤西今年活動休止, 好 SHOCK, 好像話係去讀書, 如果真係O既都好, 但千其唔好一去不返, 因為赤西演戲點都好過 ... 要努力呵!!



KITTO DAIJYOUBU --> 希望一切順利!!

返回


13/10/2006

今日係黑色星期五, 真係唔到你唔信, 因為O係我訓醒之前, 本國(即係我屋企)已經發生左三件黑仔事, 首先係皇上打左兩樣野, 之後太后傾傾下電話發現冇左聲喎, 一睇, 嘩! 條電話線甩左喎, 仲要係個插頭爛左, 真係幾邪!! 好彩冇咩事, 係皇上整損左少少!! 今日冇落街, 睇下 KERORO 啦, 仲睇左<14歲母親>CH.1, 都幾好睇喎, 不過 SHOCK 係竟然有山口沙XX, 唉, 算啦, 都要睇架嘛, 個故事幾好睇咁, 但往後一定好陰公!! 之後搵到張圖, 串左粒四葉草出黎, 都幾靚呢, 所以決定用黎做見面禮!! 同埋今日好成功咁用紙杯整到爆谷, 成功過上次一百倍, 好味! 今日開始 L SHO 應援我呢, 好期待大家O既創意!!!

KITTO DAIJYOUBU --> 希望一切順利!!

返回


14/10/2006

今日 LUNCH 食雲吞, YEAH!! 之後同左皇上去行將軍澳, 拎左張 POSTER 俾家姐, 但又冇買到野喎!! 行左一陣就返屋企喇, 之後沖完澡又上下網, 睇下 KERORO 咁!! BY THE WAY, 終於收到個賣家D彩頁喇, 真係隔左好幾日, 又要麻煩郵差叔叔拎上黎, 真係唔好意思!!!

KITTO DAIJYOUBU --> 希望一切順利!!

返回


15/10/2006

今日好熱, 真係好熱!! 所以冇落到街, 睇下 KERORO, 上下網咁, 睇前幾日果個咩 SAEU 秋祭(?!), 都幾好笑, 不過 SAMI D體力真係差左少少!! 而家準備睇下<一公升眼淚>先, 應該好睇, 之但係唔知追唔追落去好, 因為一定好慘!

KITTO DAIJYOUBU --> 希望一切順利!!

返回


16/10/2006

今日去左飲茶, 個幾月冇飲喇, 不過冇左個碗仔翅呢!! 之後行左超級市場一陣就返左屋企喇!! 發現部電腦怪怪地, 有時D POPUP 冇左, 但又唔係軟件隔左喎, 要上網查下咩事先得!! 夜晚開始追看<一公升眼淚>, 真係幾好睇, 雖然真係會睇到唔係太開心 ...!! 點解仲未有 MAGO O既?! 等得有少少心急呢!

KITTO DAIJYOUBU --> 希望一切順利!!

返回


17/10/2006

今日係我大兒子(小翼)O既生日, 呵呵, 25歲生日快樂, YO!! LUNCH 後睇左幾集<一公升眼淚>, 果然真係好傷感, 之後四點幾食左幾隻雲吞, 五點幾就出門口坐車返學, 不過唔知點解大塞車喎, 我足足用左成個鐘先返到課室, 一如以往, 都係教得有少少悶, 不過又其實明白過以前好多, BREAK 時同 DORA 傾開, 我先發現自己又蠢左, 不過都 CLAIM 左 CEF, 冇計啦, 我發現好似自從決定去台灣後就成日都做埋D蠢野, 攪咩呀真係!! 課堂最後時, SENSEI 要我地用日文去講"潛烏龜"(BABANUKI)O既玩法, 真係唔好講笑, 原來真係幾難講架!! 同埋我先發現, 日本玩法同香港唔同, 我地係潛一隻先派架嘛, 日本係加隻 JOKER 落去當烏龜, 亦因為咁, 我地講左好耐先明白大家係唔同呢!! 放學立即坐巴士返屋企, 今日早左呢, 因為準時放學, 我發現果位"紫色"同學係同我同一架車, 不過的確, 我唔係好頂得順, 雖然咁講真係唔太好, 不過的確係事實!! 返到屋企沖完涼就食朱古力曲奇, 實在太好味!! 再上左陣網, 之後睇埋未睇O既<一公升眼淚>, 終於追完喇, 但係呢D劇真係唔好睇咁多, 因為的確係需要好多眼淚, 所以睇黎聽日開始要睇返D KERORO 中和下!!

KITTO DAIJYOUBU --> 希望一切順利!!

返回


18/10/2006

今日係皇上O既生日, 生日快樂呢!! 今日我冇出到街, 因為真係好熱, 唔知係咪我怕熱定真係好熱呢?! 睇左一集 KERORO, 真係好攪笑, TAMAMA 好可愛!! 因為皇上生日, 所以買左西餅, 好味!! 終於整好左見面禮喇, 因為尋日無意中發現佢地應該今個星期黎, 好彩收到風, 如果唔係真係"呢咁HAIR"!! BY THE WAY, 今日無意中睇到果套咩麵包咩卡通, 聽到一句真係飲緊水都噴呀! 講果個人食左麵包, 因為太好味, 所以 ... 進化左!! 如果真係會咁, 咁真係唔好食咁多太好味O既野(笑)!

KITTO DAIJYOUBU --> 希望一切順利!!

返回


19/10/2006

今日冇落街, 其實好想溫書做功課, 不過又懶喎, 所以都係聽日先做呢!! 諗落仲未寫信俾 YUMIKO, 哎唷, 真係隔左成兩個月都有喇! 真係要快D寫先得!! 我今日睇報紙先知原來前晚"芝 SEE 菇 BI"自殺, ... 唉, 要珍惜生命呢, 因為真係生命冇 TAKE TWO, 好彩冇咩事, 真係希望佢唔好再咁傻, 提起精神!! 今日係亞剛第一本 SOLO 寫真集O既發售日, 呵呵, 唔知 KIDNEY O係仙台搵唔搵到呢!! 勁睇 KERORO, 真係好好笑, 但其實睇得耐左又有少少嘈, 所以每日睇幾集!

KITTO DAIJYOUBU --> 希望一切順利!!

返回


20/10/2006

今日同左樓上個姨姨去左飲茶, 天氣算係涼左少少, 真係少少!! 飲完茶我返屋企先, 將D見面禮包得靚靚地, 希望大家會喜歡啦, 話時話, 我仲未整俾自己添!! 做埋新果份功課, 先發現好多都未教, SENSEI 咁樣下堂點 QUIZ 呢?! 夜晚聽雅紀電台, 真係笑到肚痛!! 點解真係可以咁可愛架?

KITTO DAIJYOUBU --> 希望一切順利!!

返回


21/10/2006

今日係 CATCAT O既生日! 生日快樂, YEAH!! 今日我冇出到街, 因為約左聽日, 聽日有兩個 L SHO O既成員黎 HK 呢!! 睇左片一日, 有少少傷精神!! 今日發現自己有少少老化, 唉...!

KITTO DAIJYOUBU --> 希望一切順利!!

返回


22/10/2006

今朝九點起身, 之後食緊西餅時, 家姐打黎, 原來佢已經接左 FEI 同 PP 喇! 所以我立即食埋件西餅, 再出門口, 好彩等左一陣就有巴士, 又好彩俾我諗到有個站近新世紀多D, 就去到時, 家姐打黎話佢地都 ARMARM 到左, 我用一個極速咁會合左佢地, 先頭諗住去美心飲茶, 因為太早, 信和一定未開, 點知要等成 60 幾張, 所以去左 Delifrance, 不過我冇食到, 因為食左件西餅嘛!! 之後差唔多 12 點就行去信和, 2 12 點都未開, 所以去左行下 DVD 店, 之後又去左影貼紙相, 好攪笑呢, 之後大約 1 點就去左 J-FRIENDS, 比想像中少野睇, 之後行下信和咁, 原來地庫間野搬左上六樓, 大左好多, 同埋D野整齊左好多, FEI 同 PP 都收穫豐富, 之後去左家樂果間台式餐廳食下午茶, 個珍珠奶茶幾正喎, 不過食完先見到隔離開左間仙X林, 之後又返左去信信行左陣, 大約五點就送左佢地去火車站喇! 真係唔好意思, 因為我未訓醒, 所以冇咩講野, 一定悶親佢地呢!! 之後我同家姐去左買雜誌, 之後又行左陣, 行埋去尖沙咀, 之後食麥當勞, 食完之後就返屋企喇, 因為真係好累呢!!!





KITTO DAIJYOUBU --> 希望一切順利!!

返回


23/10/2006

今日其實好眼訓, 但太后要我陪佢去銀行, 所以十一點就起身落左街, 去完銀行再買左打西餅返屋企, 返到屋企我就煮米粉食, 之後皇上同太后出左街, 我就沖涼(冇計, 因為落過街, 如果唔沖涼好多野唔做得), 之後攪左D雜誌拍賣, 再做功課, 同埋溫左一陣書, 聽晚 QUIZ 呢!! 中途珍姨打黎, 話識個人做緊果間公司請人, 所以叫我打俾果個人, 咁我就打左俾佢, 佢再叫我 EMAIL 左個 RESUME 俾佢個同事, 話如果 ARM O既先叫我見工, 不過老實講, 真係要做咩我真係唔知, 雖然佢有大約講下, 但自從上次件事, 我都唔太相信, 雖然可能係上次間野衰, 不過始終覺得未到正式係唔知要做咩!! 之後, 唔知係咪太緊張呢?! 肚仔痛!! 有少少擔心自己O既英文, 因為自從學左日文後, 英文就變得好怪, 個腦好亂, 想講英文就講日文, 想用英文發音又講左日文字, D文法錯到嚇人!! 唉唉, 不過煮到埋黎就食啦, 唔驚得咁多, 有得見, 見完又真係請先算啦!! 之後睇左尋晚O既<歌笑>!! 大約六點皇上同太后返黎, 我就入左房睇電視, 因為條頸有少少痛, 同埋有少少唔太舒服(已經攪唔清係緊張症定係真係唔舒服), 其實係咪應該去練下瑜伽?! RELAX 下呢?! 不過都係唔好, 一陣做唔到D動作仲緊張, 呵呵!!!

KITTO DAIJYOUBU --> 希望一切順利!!

返回


24/10/2006

尋晚訓得唔太好, 因為怕有電話打黎我又唔知醒, 雖然我都知冇理由咁快有消息, 不過就係不由自主, 已經盡量控制自己呢! 不過的確當你唔知果間係咩公司, 唔知幾時限期等等, 係非常不安O既!! 所以十一點未夠就起身, 因為每個鐘醒幾次!! 同安怡傾左一陣 MSN, LUNCH 食雞扒意粉, 太好味呢!! 之後睇左一個節目叫<ENTA NO KAMISAMA>, 其實係尋日先知有呢個節目, 好攪笑地, 係因為好奇, 想睇果個"SAKURADUKA YAKKUN"而睇呢個節目O既, 因為其實我都係呢幾日先知佢係男人, 一直睇雜誌都以為佢係女人, 所以知道佢係男人後有少少 SHOCK, 同埋佢真係有少少男生女相呢, 仲有就係幾好笑架, 而呢個節目係好多攪笑藝人攪笑, 好多都唔識, 亦有好多真係幾好笑, 我都係第一次睇果個"MACHA MACHA"O既 NETA, 真係幾好笑, 因為幾句咁, 好易明白!! 我估計我以後又多左個節目要追!! 因為做人呢, 最緊要係開心, 多少少"TAKKI 紋"都唔太緊要呢!! 真係心境開朗, 人都健康D!! 四點幾就食左少少意粉, 五點半左右就出門口返學喇, 不過早到左, 所以去左行十蚊店, 冇咩新貨呢!! 之後六點半到返到課室, 今晚要 QUIZ 呢, 不過老實講, 我尋日溫左少少咋, 因為好多都未教過, 而且尋日開始我個狀態又進入左奇怪 LEVEL, 所以週身唔妥咁, 更加冇咩心機溫書(小朋友千萬唔好學!)!! 今堂其實都唔係複習, 係真係教埋未教O既野, 其實我覺得仲有野未教哂呢, 九點鐘就開始 QUIZ, 一睇到第一 PART D生字, 真係汗一個, 只好靠平時睇"課外教材"果陣記得O既野黎答啦, 早左少少交卷, 因為真係識O既都寫哂!! 所以早左返到屋企, 我一入樓下大門就扮累(其實真係有少少累, 因為個書包好重!), 樓下個看更伯伯見我咁累就唔敢再問我野(YEAH!), 返到屋企沖完涼, 一口氣食左三件朱古力西餅, 好好味呢(唔知我會唔會進化呢?! ← 請參閱 10/18 日記)!! 之後上下網, SEARCH 左好耐都 SEARCH 唔到果間公司, 好不安呀!! 之後又睇多集<ENTA NO KAMISAMA>, 笑C我!! 我亦係第一次睇果幾隊人O既 NETA, 平時睇節目, 見佢地就見得多呢!! 我都其實要早少少訓, 因為聽日約左 CATCAT, 希望我知醒啦!! 其實尋日開始諗: 我又冇呢方面工作經驗, 未必見我呢, 所以我要 RELAX 少少!! BY THE WAY, 今日收到 DORA 送我O既生日禮物(請看下圖), 真係好多謝你呀, 我好鍾意呀, 唔太捨得用添!!



KITTO DAIJYOUBU --> 希望一切順利!!

返回


25/10/2006

尋晚依然訓得唔太好, 果然緊張症發作!! 11 點起身, 因為今日約左 CATCAT, 起身見到皇上留字條話佢同太后去左銀行, 之後會去飲茶!! 所以我就上左一陣網, 大約 11:50 就出門口喇, 因為要等車呢, 果然等左成十幾分鐘先有車, 如事者大約 12:45 到左西九龍中心, 人有少少多, 可能食飯時間啦, 等左一陣就見 CATCAT 喇!! 因為我未食野, 所以就去左食麥當勞, 之後就行去德祥, 不過好攪笑, 因為兩個都覺得唔係果條街, 咁就用左 CATCAT 部 3G 上網查下地址, 攪完一大餐, 原來就係果條街, 行左都好耐呀, 不過冇買到布整野, 因為都唔知要咩色好, 不過果度的確係平D! 出奇地俾我見到幾條手繩, 其中一條仲係螢光粉紅, 哎唷, 我鍾意呀(如下圖)!! 所以買左喇, 因為好平, 自己織係冇可能織到!! 之後坐 MTR 去左旺角, 先去左新之城, 因為我想飲珍珠奶茶, 之後就行左花園街隔離條街果間手工藝店, 途中仲去左果個賣玩具O既商場, 平時唔敢去架呢, 原來都好多野睇, 當然係幾貴啦!! 去完手工藝店就去左行花園街, 見到個熊貓野(用黎裝廁紙架), 18 蚊, 不過真係買黎冇咩用, 同埋好重下, 所以就忍手冇買!! 之後去左行信和, 冇收穫, 再去左銀城, 因為 CATCAT 要去拎手提電話D野, 咁O係等機O既時候就去左行銀城同埋兆萬, 見到有部蛋機係小丸子電話繩, 15蚊一次呢, 不過因為冇實物睇, 又真係放心唔落, 之後拎返部機就去左始創果邊, 因為去和民食飯, 估唔到六點幾已經好多人, 我地等左成個鐘, 差唔多八點先有位, 食左: 豬扒鍋、泡菜妙飯、海鮮燒餅、炸雞軟骨!! 都唔錯, 係個燒餅麻麻地, 冇計啦, 因為冇左個廣島燒餅, 嗚嗚!! 係咁一邊食一邊傾計, 唔經唔覺傾到差唔多十一點先走, 之後就行去坐車喇, 因為夜啦, 所以我就坐"過山車"(即係小巴)返黎, 果然以時速 70 幾咁飛到返屋企, 都只係十分鐘唔洗, 你都咪話唔驚!! 返到屋企差唔多十一點二十分吧, 太后話仲 armarm 想打電話俾我, 不過真係太耐冇見 CATCAT, 所以好好傾呢!! 今日都有少少累, 不過估計緊張症發作, 都唔太訓得好, RELAX!!



KITTO DAIJYOUBU --> 希望一切順利!!

返回


26/10/2006

尋晚依然訓得唔太好, 不過好過前幾日好多喇!! LUNCH 食上海麵, 太后話因為我生日要食(但聽日先係喎!), 之後煲左幾集 KERORO, 同埋睇左前幾日O既<TOKYO FRIEND PART>, 准一好厲害呢, 一跳就跳到去 CLEAR 果度, 俾我跳我諗都唔知"痴"唔"痴"到上去添呢!! 夜晚食上海雲吞, 正!! 之後睇左<14歲母親>CH.3, 好感人, 母愛果然偉大, 一陣再睇多幾集 KERORO 先!! 其實今日下晝時睇睇下片, 突然間電話響, 我個心真係差D跳左出黎, 點知原來係 FAX, 真係煩, 家下差唔多每日一次, 真係有冇得投訴架?! BY THE WAY, 我年紀大, 心血少, 請唔好再嚇我, 我真係要 RELAX 下!

KITTO DAIJYOUBU --> 希望一切順利!!

返回


27/10/2006

今日係本小姐生日大日子!! 呵呵!! 不過隨住時光飛逝, 做人變左要低調!! 不過好慘地, 尋晚發左個惡夢! 尋晚一到十二點, 家姐/CATCAT/和舅父/步步送上祝福, 謝謝!! 今朝起身, 收到 TSUTSU 越洋 SMS, 好開心呢!! 真係有心!! 之後同安怡傾左一陣 MSN, 去左飲茶, 其實同平時冇咩分別呢!! 返到屋企, 珍姨打黎, 謝謝你呢!! 之後我都係上網咁啦, 夜晚有一件好 SHOCK O既事, 就係無意中睇到一段 MUSIC FIGHTER, 原來果個人係男人, 佢有"性同一性障害", 不過完全唔似男人, 把聲都好女人, 首歌仲好好聽呢!! 佢叫做"中村中", 歌詞好感動! 仲要謝謝小唯, 咁好記性!!

KITTO DAIJYOUBU --> 希望一切順利!!

返回


28/10/2006

今日都係咁啦, 冇咩特別, 睇下D得意O既片, 睇左個節目叫<MONOMANE BATTLE>, 係D人扮D明星咁, 有好多真係好似, 好似扮 SMAP/KAT-TUN 咁, 真係好攪笑, 有好多唔止個樣似, 連把聲同唱法都似, 真係勁!! 先頭諗住早少少出去行下咁, 不過五點到出門口, 又等下車, 又塞下車咁, 攪到六點過D先到朗豪坊, 立即衝上去 4/F 睇下散左未啦, 一邊上去一邊聽到歡呼聲, 上到 4/F 時, ARMARM 完左, 雖然我唔係特別對佢地有興趣, 不過難得有日本藝人黎呢, 仲要咁勁, <死亡筆記-最後的名字>, 係同日本同步上映, 真係幾勁!! 之後諗住去影個 1:1 死神啦, 點知勁多人, 所以就落返大門口等家姐, 仲見到日文班果個人, 呢~ 上次話我個 NOBUTA 袋冇佢果個咁靚果個!! 之後, 等左一陣, 家姐就到喇, (嘩!! 好大袋禮物!!), 之後我地就行左上 4/F, 諗住影死神, 不過一睇, 嘩!! 要排隊影, 仲要係成5,60人排緊, 所以都係放棄, 之後一路行左去尖沙咀, 因為諗住去食和民, 但係要等廿幾張桌, 以前幾日O既經驗, 起碼一個鐘, 所以就去左食第二樣, 終於去左果間"蕃茄 CAFE"食, 真係唔好意思, 要家姐破費買咁多禮物, 仲要家姐請食飯!! 我食左個唔知咩意粉餐, 果碟意粉真係似用左好多奶粉咁煮咁, 完全有細細個食茶點O既感覺, 真係好"奶"下!! 之後仲有一件蛋糕, 好滿足呢!! 之後行左一陣果間日本書店, 有 CD 任拎, 不過都唔 ARM, 所以冇拎到!! 之後去左 OK 便利店買野飲, 因為 MEKO 出左支水, 黑色樽, 家下仲送<死亡筆記-最後的名字>O既電話頸繩, 所以我買左一樽(見圖2), 其實我覺得O係 2% 換果個袋靚, 不過又好多袋咁, 所以要諗下換唔換先!! 之後去行左一陣, 無意中見到有個金莎時裝展, 不過老實講, 真係麻麻地, 主要係唔明金莎同時裝有咩關係!! 同埋拎獎果D都麻麻地, 反而冇獎果D幾靚!! 之後行到去 SOGO, 點知關左門, 再去新世界又關左, 乜家陣D店咁早關架呢?! 10 點未夠喎!! 之後一路行左去嘉連威老道, 不過都冇咩睇, 再行左去美麗華果度, 就再行去坐車返屋企, 大約 11:15 返到屋企啦, 樓下個看更伯伯估計怕左我, 唔敢再同我講野!! 返到屋企沖完澡, 就拆禮物喇!! 嘩嘩嘩!! 熊貓... 熊貓... 熊貓... 呀(見圖1)!! 真係好開心, 呵呵, 多謝家姐!! 果兩隻大公仔好舒服, 仲有好多好多文具呀精品咁, 我唔捨得用呢!! 吾~~ 洗唔洗同佢地改返個名呢??!




KITTO DAIJYOUBU --> 希望一切順利!!

返回


29/10/2006

今日冇出到街, 因為唔知點解, 右邊身好痛, 係好似曬傷果D痛!! 睇左呢幾日"木更津"同埋 ARASHI D片, 下午茶整左爆谷, 好好味呢!! 夜晚上 YOUTUBE 睇片, 睇左好多<Oriental Radio>O既"武勇傳", 真係好好笑, 同埋好厲害, 短短兩句就攪掂, 果然名校大學生係唔同D!!!

KITTO DAIJYOUBU --> 希望一切順利!!

返回


30/10/2006

今日冇出到街, 依然係有好似曬傷果D痛!! 睇左幾集 KERORO, 又睇左前幾日O既<ENTA NO KAMISAMA>, 真係好好笑!! 睇日拍, 好多人賣果D自整公仔, 真係好靚, 攪到我都想整, 遲D去圖書館睇下有冇呢D書借黎睇下先, 因為最重要係有興趣先, 真係好有興趣再去買黎整下! 仲有人整明星Q版, 真係幾得意(雖然唔係太似)!! 呢幾日假期我好平靜, 不過相信明天開始又有緊張症!!

KITTO DAIJYOUBU --> 希望一切順利!!

返回


31/10/2006

今日去左飲茶, 唔知點解我夜晚要返學都肯去飲茶, 果然係忘記左日期!! 飲完茶就返左屋企睇 KERORO, 真係好攪笑!! 因為其實好 UPDATE, 佢地會講好多時興O既野!! 之後大約四點幾煮左米粉食, 五點半到就出門口喇, 早左少少返到去, 所以行左轉十蚊店, 今晚 DORA 冇返, 我今日都不在態, 天然又發作!! SENSEI 問"關連會社"點解, 我竟然答"有關係O既公司", 鬼唔知咩!! 答完自己都忍唔住笑!! 臨放學又同 SENSEI 示範左個對答, 我一時間竟然忘記左 SENSEI 姓咩, 攪到 SENSEI 話"CHINAMINI WATASHIHA MIMATSU DESU!!", 放學去左另一個站坐車, 好快就有車!! 不過有時真係未必係好事, 因為當仲有幾個站就到時, 架車突然發出怪聲, D人話好似係爆左汰, 之後個司機停低左架車, 攪左一陣, 後面有架車黎, 係下一班車黎O既, 所以就上左果架車, 所以結果我都係坐原本果班車返黎, 返到屋企沖完涼, 食下野咁, 再上下網, 發現有個日本牌子(豐天), D衫好攪笑, 有 DO M, DO S, 仲有好多好攪笑O既 LOGO, 聽晚去旺角睇下有冇賣先!! BY THE WAY, 我今日全日個心口都好痛, 係咪好病呢?! BY THE WAY 2, 睇到果段廣告喇! 原來要求要 2~3 年經驗, 唔怪之得仲未有電話呢!!

KITTO DAIJYOUBU --> 希望一切順利!!

返回


我的拍賣 查看我的拍賣
http://hk.geocities.com/atynpanda/ inserted by FC2 system