歡迎睇我任何一日私日記!
(私日記。WATASHINO NIKKI!)
1999
2000
2001
2002
2003
2004
2005
2006
JAN
FEB
MAR
APR
MAY
JUN
JUL
AUG
SEP
OCT
NOV
1/12/2007
2/12/2007
3/12/2007
4/12/2007
5/12/2007
6/12/2007
7/12/2007
8/12/2007
9/12/2007
10/12/2007
11/12/2007
12/12/2007
13/12/2007
14/12/2007
15/12/2007
16/12/2007
17/12/2007
18/12/2007
19/12/2007
20/12/2007
21/12/2007
22/12/2007
23/12/2007
24/12/2007
25/12/2007
26/12/2007
27/12/2007
28/12/2007
29/12/2007
30/12/2007
31/12/2007


1/12/2007

今日 LUNCH 完一家人坐車去左將軍澳行下, 坐車時咁 ARM 播緊新城勁爆流行榜添, 好耐冇聽過 WAYNE 做節目呢!! 亦好冇見呢!! 比想像中少聖誕氣氛, 今次新都城中心O既 THEME 係<夢幻森林>, 影左幾張相(見圖1~6), 另外無意中見到有一盒 KERORO 食玩, 好平, 所以買左!! 係 TAMAMA 黎O既(見圖7), 送左俾太后!! 仲買左兩隻熊貓公仔, 實在太可愛喇!! 買左燒鴨同燒肉作晚飯O既"送"(見圖8~9)!! 經過<零食物語>竟然見到有小新朱古力餅賣喎, 都係 $7 咋, 係香港版, 新出O既!! 本來想買, 不過冇買到!! 日本買果兩盒我食哂 LU, 其實有少少嚇親香港會有香港版出, 因為小新其實香港又唔算話好出名!! 行到四點坐車返屋企, 之後食左尋日買O既魚包柳, 沖完涼後就預備晚飯!! 亦都幫兩隻熊貓沖左涼, 沖涼前(見圖10), 沖涼後(見圖11)!! BY THE WAY, 今日又麻煩到 TSU 幫忙買野, 決定左唔買其中兩份, 因為都唔太抵買!! 仲有兩個賣家未聯絡到, 希望快D攪掂啦, 咁就可以快D收到貨!! 另外, 我今日終於收到學生証啦, 八月中報名時整, 竟然今日先收到, 不過張証又真係幾靚O既!! YEAH!!
20071201-01.jpg 20071201-02.jpg 20071201-03.jpg 20071201-04.jpg
20071201-05.jpg 20071201-06.jpg 20071201-07.jpg 20071201-10.jpg
20071201-11.jpg 20071201-08.jpg 20071201-09.jpg

KIMIHA KIMIDAYO --> SMAP O既舊歌, 歌詞真係唔錯!!

返回


2/12/2007

今日冇出到街呢, 因為通常星期日我都冇咩動力出街, 好怕同人迫!! LUNCH 完就攪網頁, 因為想加返D GOOGLE 廣告呀果D上去, 希望能殺出一街新血路啦!! 大家都幫幫手噤下我網頁O既廣告(呢頁頁頂有呵!!), 謝謝!! 不過唔知點解加唔到去 BLOG!! 之後同小兔傾左一陣, 決定左攪團購, 不過可能有少少困難, 因為遲左好多呢, 但只係一個開始呢!! YO!! 唔記得左講添, KINKI 以後都冇學年歷 LU, 因為已經十週年, 就唔會再出 LU, 冇計呢!! 另外要多謝 TSU, 因為佢幫我O係淘寶買野, 已經有兩樣野寄到佢屋企喇!! 好開心呀!! 另外睇左好多個人幫人買日本野(週邊果D), 可以賣得咁平, 不過估計係因為佢地本身去睇 CON, 所以可以拎埋返香港, 慳左郵費掛! 要再研究一下!!

沉默是金 --> 歌詞真係寫得好好!! 不可否認, 亞SAM O既歌詞真係深入民心呢!!

"夜風凜凜 獨回望舊事前塵
是以往的我充滿怒憤 誣告與指責積壓著滿肚氣不忿
對謠言反應甚為著緊

受了教訓 得了書經的指引
現己看得透不再自困
但覺有分數 不再像以往那麼笨
抹淚痕輕快笑著行

冥冥中早注定你富或貧 是錯永不對真永是真
任你怎說安守我本份 始終相信沉默是金

是非有公理 慎言莫冒犯別人
遇上冷風雨休太認真
自信滿心裡 休理會諷刺與質問
笑罵由人 灑脫地做人
少年人 灑脫地做人
繼續行 灑脫地做人"

返回


3/12/2007

今朝九點幾手機響, 原來係打黎叫我星期三去簽約, 係一份 PART-TIME, 不錯不錯, 希望唔會好似考評局果次咁啦, 不過簽左約都冇話工時幾多咁, 有 JOB 先叫你做咁, 但都算唔錯呢!! MUSIC ~~ !! 之後想訓返, 但又訓唔著喎, 而且發現右邊肩有少少痛, 可能尋晚訓覺冇咩郁到啦!! 十二點幾食左兩塊煎餅, 再大約一點落左街, 先去左銀行, 之後寄掛號俾 TSU, 麻煩哂你!! 再之後去左飲茶, 仲約左婆婆一齊飲茶添, 食左好多野呢, 之後同太后送婆婆去坐車後, 就行左一陣淘大, 去左書局打書釘, 竟然睇到原來而家有遊客著數, 只要用 3500 日元, 就可以有一張 NEX O既飛(去新宿價值 3110 日元), 同埋一張 SUICA(即係日本八達通, 價值 2000 日元), 實在太抵呢, 點解上次去時我唔知架, 上網睇原來3月尾已經有架喇!! 如果知道, 真係慳返唔少, 下次去一定要用下呢個著數(官方網站)!! 去左一轉街市買魚, 不過真係好怕行街市, 人太多, 而且個地好濕!! 返到屋企, 坐左一陣就沖涼, 再同 TSU 傾左兩句, 之後就預備開飯喇!!

KIMIHA KIMIDAYO --> SMAP O既舊歌, 歌詞真係唔錯!!

返回


4/12/2007

今日冇咩特別, LUNCH 完做功課, 係要查下香港O既出生率資料, 因為而家教緊果課書係講日本O既出生率!! 都係係咁易查左少少, 因為資料冇想像中咁多同埋咁齊!! 之後睇<宿題君>, 真係笑C我, 點解 SHO 同雅紀會兩個一齊誤會大家演O既角色架, 應該係警察O既 SHO 就以為自己係賊, 應該係賊O既雅紀又以為自己係警察!! 另外我發現家下日本人真係好興講 KY, 其實我覺得咁講幾型呢!! 睇今日日本娛樂新聞, 公佈左 2007 年O既十大流行語!! 裡面有兩個我成日都提成日都講架!! 首先係 IKKO SAN O既"DONDAKE~~"啦, 好耐之前我O係 BLOG 寫過解釋架!! 另外就係小島YOSHIO SAN O既"SONNANOKANKEINAI~~", 呢句我講得仲多!! 真係覺得自己走在時代尖端呢!! 其實日本真係幾有趣, 真係每年都有個十大流行語頒獎大會咁, 而且唔係大家所諗O既求求其實喎, 係真係一大盛事黎架, 我真係唔係講笑!! 如果香港攪十大流行語選舉的話, 估計都係果D"勁XX"、 "超XX"、"爆XX"呀咁, 聽落都係唔太禮貌咁, 果然係文化O既不同呢!! 講返今日先, 大約五點幾就煮左個米粉食, 之後準備返學, 遲左少少返到去, 行緊去課室時仲撞到 CHRISTINA SAN 添!! 要多謝 CHRISTINA SAN 呀, 因為佢送左包 ANA O既熊貓小食俾我(見圖1), 真係好可愛!! 有錢都買唔到呢!! 另外都要多謝 KEN SAN, 因為佢幫我拎左上個學年果張日語文憑(見圖2~3)!! 今堂都可以講係幾 ..., 話說 MISS 無 LALA 要我地企去白板前面向大家講下香港出生率O既資料, 其實我真係查唔到D咩, 亦因為冇諗過要咁企出去講, 所以都係好簡單咁寫左少少 POINT 咁, 點知 ... 就叫我企出去講喇!! 攪到我講得唔係咁好, 因為出到去睇住自己寫果D好冇連續性O既 POINT 時, 自己都覺得有少少唔知點好!! 好不容易講哂自己查到O既野(各位同學~ 阻左大家寶貴時間, 好對唔住!!), 返埋位後, 一心諗住告一段落時, 點知果個好多口O既女仔竟然向我發問問題!! 其實都唔緊要, 之但係, 佢問果個問題 ... 真係好難答!! 因為我講到 2004 年O既出生率上升左少少, 係因為好多國內O既婦女黎香港生BB, 點知佢問我覺得咁樣係好定唔好喎, 叫我點答喎!! 多國內人黎生, 增加出生率係好事, 但係如果都係低知識水平O既話, 又唔好, 但又唔可以話 100% 係低知識水平架嘛, 因為國內真係大把人叻過我地!! 所以攪到我都唔知點答, 好彩過左一陣 MISS 都幫我埋左尾, 的確係好難O既問題, 可能問曾特首都未必識答呢(笑)!! 遲左少少放學, 返到屋企先沖澡, 再食左幾舊豬扒同埋一個橙!! 之後就整理下D相, 同埋上下網咁!! 聽日去簽約, 希望順利啦!! 同埋希望多D O係牛頭角區工作啦, 呵!!
20071204-01.jpg 20071204-02.jpg 20071204-03.jpg

彈丸 FIGHTER --> SMAP O既最新歌曲, 個 PV 好型呀!! 而且首歌好好聽!!

返回


5/12/2007

今朝九點時俾電話嚇醒, 原來係長途!! 之後十點幾手提響, 原來係提我今日去簽約!! 之後十二點到同太后落左去食麥當勞, 換左隻 GIRORO 俾亞妹!! 再行左一陣, 就行去坐 MTR 去灣仔喇!! 出閘見到車費要 $11.X, 真係好貴呢!! 經過天橋, 見到派緊淳茶, 所以我就去排隊拎左一支, 因為咁 ARM 今日唔記得帶支水出去!! 早左少少到, 所以先去左洗手間, 之後再上去, 要填返好多野呀, 由兩點攪到差唔多兩點九, 家下就係要睇下佢幾時有工開, 就會 CALL 我再睇下我 OK 唔 OK 咁, 希望唔會好似考評局果陣咁啦!! 之後坐巴士返屋企, 只係 $8.X 咋!! 返到屋企先沖涼, 再執下野咁!! 食飯前睇左 <有閑俱樂部>, 再次出現亞仁O既喊樣呢!! YEAH!! 訓之前睇左子華哥O既<志雲飯局>, 真係睇到我好感動, 真係幾多辛酸史呢, 不過我始終係最鍾意子華哥O既楝篤笑, 其它果D真係 ... 笑唔出! 而且係子華哥O既楝篤笑先會引發到我去思想, 唔係睇完笑完就算, 而係每次都有野學到O既! 子華哥, 你是最好的, 你知道嘛?!

彈丸 FIGHTER --> SMAP O既最新歌曲, 個 PV 好型呀!! 而且首歌好好聽!!

返回


6/12/2007

今日冇出到街, 因為有少少唔太舒服, 空氣又唔太好咁!! 今日心情有少少緊張, 因為唔知幾時會有 JOB 叫我做, 終於 ... 今日係冇O既, 睇黎都係會O係我緊張完、差唔多唔記得時先會打黎架喇(笑), 我要 RELAX!! 另外, 收到好消息話媚媚件事好成功好順利, 咁我都安心D!! 希望佢快D好返啦!! 好耐冇睇攪笑節目喇, 所以去 YOUTUBE 睇左一陣, <UNJASH>(日本藝笑組合名稱)真係好好笑, 睇左幾段片, 真係笑到我拍哂手掌呢!! 另外, 今日係 WAYNE O既生日, 所以我亦好少有咁聽佢個節目(因為而家O既廣東歌, 我真係冇咩興趣呢), 除左讀左我個點唱, 都有讀貓豬、V.LEK、亞NUT個點唱添, 今年算唔錯唔錯!! 頭先我終於記得為我部手機影返張沙龍喇(見下圖), 因為我幫佢貼靚靚後, 一直都唔記得左影, 不過已經甩左幾粒, 唔怕, 遲D再貼過!
20071206-01.jpg

彈丸 FIGHTER --> SMAP O既最新歌曲, 個 PV 好型呀!! 而且首歌好好聽!!

返回


7/12/2007

今朝十點俾電話嚇醒, 原來係音樂事務處打黎確認我個 EMAIL, 嚇到我以為有工開添!! 同亞妹傾左一陣電話!! 之後去左飲茶, 飲完茶之後同太后行左一陣, 再去左買麥當勞, 仲一次過買左四個開心樂園餐, 換左四隻 KERORO (見圖1), 兩隻我兩隻亞妹!! 買完麥當勞時, 皇上打黎話同個朋友O係對面大快活, 所以同太后上左去, 打完招呼後我就自己返左屋企先, 食左好多薯條, 真係幾熱氣, 睇黎真係要學亞妹話齋飲下涼茶先得!! 飯後甜品有罐頭桃(見圖2), 好好味呀!! BY THE WAY, 今日先知吳國敬寫歌係 EO2 喎!!
20071207-01.jpg 20071207-02.jpg

彈丸 FIGHTER --> SMAP O既最新歌曲, 個 PV 好型呀!! 而且首歌好好聽!!

返回


8/12/2007

今朝十點又俾電話嚇醒, 原來係打黎問我星期一 OK 唔 OK, 不過 18:00~20:30, 時間就其實唔太好, 不過好就好在近我屋企, 行過去唔洗十步!! 所以就應承左喇, 我希望往後都係呢度就好喇!! 之後想繼續訓, 但係又訓唔著, 所以睇電視, 之後無意中睇左個日本節目, 以前係星期日朝早做, 但係而家改左星期六朝早播, 今集咁 ARM 介紹台場, 有好多地方都未去過呢, 仲好刺激咁添!! 之後 LUNCH 食尋日買果幾個開心樂園餐!! 之後本來諗住交收完去將軍澳行下, 不過突然間皇上同太后個朋友打黎話約飲茶, 所以我冇去到, 一點過少少買家打黎約交收, 我立即換完衫就出門口, 去到等左一陣, 原來個買家出左閘, 所以白等左一陣, 不過交收都好順利!! 之後立即返屋企, 因為條街太多人喇, 返到屋企上下網咁, 之後剪頭髮, 短左少少, 感覺都唔錯呢!! 沖完涼之後做功課, 終於寫好果篇作文喇, 不過其實都冇咩內容, 因為我真係唔知佢想我地寫D咩咁!! 之後睇左一套鬼片, 叫做<怪談新耳袋>(鬼嚇8), 有D都幾恐佈, 係好幾個短短O既故事組成O既, 但有D又幾感動喎!! 之後開始睇一套叫<戀空>O既電影, 目前睇左一半, 都幾好睇呢, 有少少唔太相信個男主角就係三浦春馬, 即係<14歲媽媽>果個男仔, 成個樣唔同左, 同埋演技好左好多, 而呢套電影個故事都唔錯!! 睇睇下有人送貨黎, 辛苦哂! 之後皇上同太后成七點先返黎, 之後放好D野, 再煮左豬扒烏冬食, 好好味!! 夜晚有線又播<我左眼見到鬼>, 我又再睇一次, 因為真係好好睇, 好感動!! 之後 睇埋<戀空>O既結尾, 果然係我估到O既結局, 不過都好感動, 推介!! BY THE WAY, 無意中睇到亞視播金馬獎, 其實都唔係出奇, 出奇就出奇在竟然有 CYRIL, 我之前冇諗過會O係香港電視見到 CYRIL 呢, 雖然佢表演果D魔術係好普通, 冇平時日本電視表演果D咁勁, 不過都睇得好開心!!

彈丸 FIGHTER --> SMAP O既最新歌曲, 個 PV 好型呀!! 而且首歌好好聽!!

返回


9/12/2007

因為幾個朝早都俾電話嚇醒, 所以今朝竟然好自然咁九點幾醒左, 眼光光到十點幾電話冇響, 先至再訓左幾個字, 之後傾左一陣視像!! LUNCH 後本來諗住去將軍澳, 不過諗諗下都係唔好喇, 所以就O係屋企睇下電視咁!! 睇到四點幾, 其實好想入房訓下, 但係又怕而家訓左今晚會訓唔著, 所以就堅持睇電視唔訓!! 天氣涼左凍左真係好容易想訓覺呢!! DINNER 完後, 又冇咩電視睇喎, 都唔明白仲咩星期日反而冇咩電視睇架!!

彈丸 FIGHTER --> SMAP O既最新歌曲, 個 PV 好型呀!! 而且首歌好好聽!!

返回


10/12/2007

今朝都係九點幾醒左, 之後十點幾先訓返!! 之後去左飲茶, 本來諗住飲完茶去一去德福架, 不過可能有少少緊張, 個肚又有少少痛, 所以就返左屋企, 睇左<MECHA IKE>同埋<新堂本兄弟>, 好好笑, 亞剛專登教錯光一佢地做小島YOSHIO O既動作添, 另外好期待下一回, 因為嘉賓係柳原可奈子呀! 五點幾食左幾塊餅, 大約五點八就出門口, 因為今晚有 PART TIME, 而地點就O係屋企隔離, 真係好近!! 所以我未夠五點九就到左, 仲O係樓下企左一陣, 之後上去果個人, 好彩佢都好 NICE, 仲話我係 PART TIME, 所以好多野都唔洗做、唔洗理!! 今日都係要我對下 DATA 咁, 所以好 RELAX 下! 本來放八點半, 不過八點過少少果個人就叫我執野, 之後八點三過少少就走得, 星期三繼續!! 返到黎都係八點四過D, 實在太正呢!! 地點真係好好, 不過時間就麻麻地, 因為要皇上同太后等我食飯, 佢地仲話以後唔等我食飯添!! 不過真係夜左少少, 最衰佢話呢個 CENTER 係夜晚O既, 因為D學生好多返全日, 所以日頭冇咩人學野, 所以只好夜晚啦, 都 OK 啦, 好過冇, 橫掂咁近屋企, 所以我一定做, 希望繼續有得做落去啦!! 搵返幾十蚊都好過冇嘛!! 可能唔太慣咁夜食飯, 同埋五點幾又食左幾塊餅咁, 所以都好似冇咩胃口咁呢!!

彈丸 FIGHTER --> SMAP O既最新歌曲, 個 PV 好型呀!! 而且首歌好好聽!!

返回


11/12/2007

今朝都係九點幾醒左, 一直都訓唔返呢!! 之後太后話契媽坐緊車出黎飲茶, 之後上左一陣網, 大約一點二契媽就黎到屋企, 之後幫佢整左盒錄影帶, 之後落左去飲茶, 我寄左張聖誕咭俾 YUMIKO 呢, 不過用果支筆寫得唔太好, 因為我用左O係日本買果支可以畫電果支筆寫!! 飲飲下茶, 又覺得好唔舒服, 肚又痛、頭又暈, 週身唔太自然, 都唔知係空氣唔夠定係食物唔乾淨, 大約三點幾返屋企, 都係維持住唔太舒服!! 大約五點幾, PART TIME 果度打黎, 話想我聽晚早半個鐘去幫手!! 五點八左右我整左個杯麵食, 因為今晚要返學, 不過其實冇咩胃口呢, 六點二左右同契媽一齊行去 MTR 站, 之後我再返學, 坐坐下有少少唔太舒服, 好似好難呼吸咁, 放學行返屋企時, 有少少唔係太夠氣呢!! 返黎沖完涼就整左個火龍果栗米肉鬆沙律!! 食完上下網咁, 不過而家仲係好似呼吸唔太順咁, 係唔係個肺有事架, 驚~~~! BY THE WAY, 要謝謝 TSU 幫忙買左件 T, 真係麻煩哂!!

彈丸 FIGHTER --> SMAP O既最新歌曲, 個 PV 好型呀!! 而且首歌好好聽!!

返回


12/12/2007

今朝都係九點幾醒左, 但好彩訓得返, 但真係幾要命, 希望唔好日係咁啦!! 食完 LUNCH, 睇左套<為愛痴狂>SP, 即係明石家個節目O既 SP 劇, 都幾有趣!! 之後睇埋<伽俐略>!! 睇到四點左右同太后落左街, 去左馬會拎野, 係一個變色O既鐘(見圖1~4), 仲可以當 USB HUBS 用! 真係唔錯!! 之後去左吉野家食左個牛肉飯, 大約五點返到屋企, 去下洗手間呀咁, 五點三就落樓喇, 因為今日有 PART TIME 呢, 都係早左去到, 果個人帶我行左一轉個 CENTER, 大約講下以後可能會有咩做咁, 其實都係幾簡單呢!! 今日O既工作都係同前晚一樣, 對下 DATA 咁, 都冇咩特別!! 無驚無險又到放工時間!! 下星期暫時返一同四, 真係好感謝上天終於俾我遇到一個好上司! 雖然係 PART TIME, 不過佢真係好 NICE, 仲話往後都會搵我返, 不過奈何上頭規定每星期唔可以多過某個工時! 不過都真係 LUCKY! 最衰冇得轉長工咋, 如果唔係真係立即轉呢!! 反正真係O係正隔離!! 返到屋企立即沖涼, 之後食飯!! 皇上同太后好好, 等埋我食飯!! 食完後又上下網咁, 冇咩特別呢! 剛開左盒朱古力食(見圖5~6), 真係又靚又好味呀, 有四種口味呢!! 不過目前食左三種咋, 一定又肥過喇!! 另外發現我個 BLOG, 不經不覺上載左 7777 張相喇(見圖7)! 係咪好勁呢!! 我期待 8888 !! 訓之前我沉迷左 YOUYUBE 睇攪笑節目, 真係笑到拍手掌!!!
20071212-01.jpg 20071212-02.jpg 20071212-03.jpg 20071212-04.jpg
20071212-05.jpg 20071212-06.jpg 20071212-07.jpg
I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


13/12/2007

今朝都係九點幾醒左, 本來好好訓O既, 點知皇上幫我網上理財後, 我係俾銀行個 SMS 嚇醒(即係俾雅紀嚇醒左, 笑)!! 之後訓唔返, 所以睇下電視咁!! LUNCH 後都冇出到街, 大掃除左自己房, 同埋電腦呀, 因為真係好大塵呢!! 洗D床單時, 仲專登加左滴露, 好香好好聞呀, 唔知點解我一聞到滴露味就有安心O既感覺!! 之後又不停咁清返未睇O既片, 不過因為近年尾, 好多節目O既 SP 呀, 又 BEST ARTIST 呀, 又 FNS 呀咁, 有排追, 遲D又有紅白呀咁!! 睇左<有閑俱樂部>, 再一次出現鬼呀, 真係估唔到咁漫畫呢(雖然係漫畫改編)!! DINNER 時, 契媽打黎問我有冇可能睇到日本播緊果場波, 所以幫佢搵左一陣, 不過因為場波踢緊, 所以我俾左果陣睇<大小愛吃>果個網佢睇下有冇, 食完飯我先發現另一個網有得睇日本電視台同埋富士電視台呢!! 不過要註冊, 一向好人O既我, 我仲幫契媽註冊左, 諗住 EMAIL 俾佢時, 佢就話睇緊喇, 所以唔洗住! 所以冇所謂啦, 但係又係一個好正O既網, 我仲見到一陣有一個攪笑節目有小島YOSHIO添, 一陣睇下先!! 唔記得左講添, 今日 DINNER 重點推介 -- 吊燒汁雞翼(見下圖), 皇上話要影相, 所以順便貼埋出黎, 真係好好味呢!! 頭先掛住睇子華哥O既 VCD(無炭用), 攪到我唔記得左睇有小島YOSHIO果個節目添!! 真係冇記性架喇!
20071213-01.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


14/12/2007

今朝十點幾有人打黎, 我又俾電話嚇醒, 唉 ... 難得今日冇九點幾自已醒, 唉 ... !! 之後太后話不如去食麥當勞, 因為今日換最後兩款 KERORO 呢, 所以就同皇上太后一齊去食開心樂園餐當午餐!! 終於換齊八款喇(見圖1~2), 不過亞妹得七款, 因為冇換到著住藍星服裝O既 KERORO 俾佢, 睇下呢幾日會唔會再去食啦, 會的話就換埋俾佢啦!! 一路坐O係麥當勞食野時, 除左發現麥當勞D包真係細左好多之外, 仲發覺時下O既年青人/學生, 生活真係好自我, 佢地唔會理你係唔係公眾地方, 亦唔會理會自己係著住校服, 從頭到尾都好似開 PARTY 咁, 大聲大聲笑大聲玩, 仲要唔止一班係咁, 係在場O既幾班學生都係咁, 世界真係變左喇!! 之後去行左一陣, 行下超市咁, 今晚打邊爐! YEAH!! 之後去左一轉銀行, 再返屋企, 同亞妹傾左一陣 MSN, 整左兩個戟絨飯團(見圖3), 因為我發現一直掛開果個大飯團舊左, 所以就整返粒新O既, 仲順便整埋粒細, 等粒大O既有個伴冇咁悶啦! 夜晚打邊爐(見圖4), 好好味呢, 雖然中途發生小意外, 不過好彩冇事!! DINNER 後上下網咁, 部電腦然間好似中左視窗炸旦咁, 本來以前可以噤掣 STOP 左個 IE 就OK, 但係今次竟然唔得, 攪到我要 COLD BOOT 部機, 我要搵金田一黎解開呢個謎!!
20071214-01.jpg 20071214-02.jpg 20071214-03.jpg 20071214-04.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


15/12/2007

今朝 ... 都係俾 SMS 嚇醒, 原來係 TSU SEND 黎, 話唔知點解已經俾左運費果個賣家, 但係收貨時仲要收錢, 所以叫我同個賣家溝通下, 之後再訓左一陣, 第二個 SMS 就黎喇, 係 PEOPLES D廣告, 真係成日傳黎呢!! 之後訓唔返, 所以睇下電視, 十一時睇左果個日本節目, 真係睇得幾開心, 果個 RIE 有少少怪, 但係幾得意! LUNCH 食烏冬, 好好味呀!! 再同亞妹傾左一陣 MSN, 俾佢笑C, 問左我地一條 IQ 題: 有咩野生果係最容易種?! 大家識唔識呢?! 大約兩點幾坐車去左將軍澳行左一陣, 買左D臘味同埋蛋糕仔, 好好味架!! 經過<零食物語>見到小新朱古力餅減左價, 所以忍唔住買左一盒(見圖1~2), 想睇下日版同港版味道有冇分別呢!! 再行左一陣, 大約五點就返屋企喇!! 坐左一陣沖涼, 沖完涼就上下網咁啦, DINNER 有燒鴨食, 不過真係貴左好多呢!! 到夜晚九點時, 開左個 NTV 睇<ENTA NO KAMISAMA>, 好耐冇睇啦, 因為都唔知點解冇人放!! 真係幾好笑, 不過有好幾個新人果D我真係唔太明白點解D觀眾笑得咁開心, 一D都唔好笑!! 我好期待既"UNJASH"出場喇! 今次係講一男一女O係網度識, 之後約出黎時, 發現原來係兩夫妻, 正當我睇到最緊張時, NTV 竟然斷線喎, 激C人, 之後十幾分鐘後先連得返, 相信我仲 MISS 左可奈子添!! 唉, 唯有希望會有人放去 YOUTUBE 啦! 又會咁 ARM 最期待果陣斷架!! BY THE WAY, 希望 TSU 唔好咁唔開心啦, 因為佢今日屋企有D事! 希望佢同佢家人都順變啦!! 訓之前睇左<MOP GIRL>O既大結局, 不過又係冇尾咁, 一定會有 SP, 因為最後 MOMOKO 見到, 係佢亞爸O既遺物(我認得係啦), 而且都冇交待清楚究竟係咩一回事! 其實近排D劇都鐘意 OPEN ENDING, 真係有時覺得好煩架, 因為又未完喎, 又唔知幾時有 SP 喎, 其實有冇 SP 都唔知, 係咁 OPEN ENDING, 吊人胃口!
20071215-01.jpg 20071215-02.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


16/12/2007

今朝雖然七點幾醒左一醒, 不過好好咁訓返, 仲訓到十一點幾先起身添, 好耐冇試過喇!! 今日冇出到街, 大為都冇咩地方想去!! 之後我又係去左 YOUTUBE 睇攪笑片, 搵到個<吉本興業>O既 ACC, 仲睇左好多段 ORIRAJI(即係 ORIENTAL RADIO) O既片, 原來慎吾試過同 HARISENBON O既春奈約會過(笑), 不過係前輩同後輩咁去食下飯O者!! 睇左<ABAREBON MAMA>O既最新一集, 都有少少感動, 下集將會更感動呢!! 一邊睇片一邊食尋日買O既小新朱古力餅!! 黎做個港版日版比較先!! 不同之處, 首先是包裝盒上的圖案有一點不一樣, 然後是內裡的包裝, 日版的大一點! 還有貼紙的包裝不一樣! 日版的貼紙共有 45 款, 但港版的只有 15 款! 至於巧克力餅的大小, 港版的很胖, 完全不像一顆星星! 味道方面, 我覺得港版比日版甜多了!! 然後我終於發現為什麼之前說味道像"桃哈多", 因為這產品真的是"桃哈多"來的(笑)!!! 夜D睇<新堂本兄弟>現場, 今晚係可奈子, 希望 ... 唔好睇睇下斷線啦!! 同埋原來下一季日劇有<蜂蜜與四葉草>呀, 仲係 toma 做男主角, 即係翔之前果個角色, 女主角係成海璃子, 我覺得佢比之前電影版o既蒼井優好少少, 因為起碼成海真係好細個, 雖然個樣完全唔似咁細個!! ARMARM 睇完<新堂本兄弟>喇, 好彩冇斷線, 係有幾秒唔太順咁!! 期待聽晚睇<SMAP X SMAP>及<宿題君>!! 而家十二點幾, ARMARM 睇緊 NTV 果個節目, 係講有一位學生, 因為長期受到 IJIME(欺凌), 而O係屋企自殺, 呢個節目係講返成件事O既經過, 同埋佢媽咪主動公開呢件事(包括佢個仔個全名同埋相片等等), 仲不停去到各大學校演講, 想去找尋佢個仔自殺O既真正原因, 我等左成晚, 開住個網就係等呢個節目, 點知 ... 睇睇下 ... 又斷左線, 其實唔係斷線添呀! 應該係維修, 好似話要整 24 小時, 咁即係 ... 我除左睇唔到呢個節目外, 聽晚仲睇唔到<SMAP X SMAP>及<宿題君>, 但係<SMAP X SMAP>及<宿題君>一定可以睇得返, 但係今晚呢個節目, 試問可以O係邊睇返呢, 唉 ...
港版:
20071216-01.jpg 20071216-02.jpg

日版:
20071118-06.jpg 20071118-07.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


17/12/2007

今朝都可以訓到十一點幾, 真係唔錯呢, 不過唔知係咪夜訓, 好似越訓越累咁呢!! 之後睇左一陣電視, 皇上話 GOOGLE 又唔批佢個廣告申請(因為唔支援 YAHOO!BLOG), 所以我話不如用我果個加去佢個 BLOG 度, 咁咪快D有錢收囉!! 一點幾落左去行左一陣超市, 之後去左飲茶, 食左好多野呢!! 飲完茶又去左行左一陣, 買左雪糕呢, YEAH!! 咁 ARM 淘大有個唔知咩活動, 影左兩隻 TAMAGOCHI (見圖1~2), 其實仲有其它架, 不過過幾日先再去影過啦!! 之後去左肯德基換左四件雞, 再去左麥當勞買<開心樂園餐>, 因為見藍星人 KERORO (見圖3)仲有得換, 太后話換埋俾安怡呢, 等佢有齊一套!! 返到屋企上下網, 同埋玩下<明星三缺一>咁, 好耐冇玩, 玩開又好好玩喎!! 玩到五點左右就食左兩件雞+漢保包(見圖4~5), 五點九左右就出門口, 因為今日有 PART TIME(YEAH!!), 早左少少返到去, 坐左一陣, 之後又開始對 DATA 喇! 我而家簡直係熟手技工呀, 因為真係做左第三次喇! 今日好開心呀, 因為好多要改野呀, 又可以勁 PRINT 野, 唔洗坐O係度咁悶, 有得郁下!! 差唔多八點時我已經攪掂哂今日O既 FORM, 其實真係幾有效率呢, 因為果度應該都有二百份左右吧! 之後交帶返D野咁, 我又拎返我今個月出糧用果張 FORM, 其實真係想叫佢星期四簽哂先俾返我, 不過冇計啦, 唯有星期四再帶去, 放低O係果度簽完先落去拎返啦!! 八點四左右返到屋企, 太后仲打趣話點解今日遲左(笑)!! 沖完涼食埋剩返果一件雞, 再加一個榮華蛋糕(見圖6), 真係好好味架, 大家有機會真係買黎試下丫!! 一邊食一邊睇旅遊特輯, 之後皇上落 ORDER 叫我幫佢搵過另一個 BLOG 可以放廣告, 所以我就用左個幾鐘去搵, 先頭諗住用 XANGE, 但係睇果個又要 LOG-IN, 好麻煩!! 之後諗住用 SINA 啦, 點知 SINA 係加唔到 HTML CODE O既, D人話可以O係某一度加, 但係我試左好耐都唔得, CSS 我又完全唔掂, 你俾個 HTML 我就完全冇問題呢, 不過 CSS, 真係眼都花埋!! 本來諗住申請個 FC2 俾皇上, 但係係日文, 佢用時又唔太方便, 真係諗左好耐, 大部份都係唔可以加 GOOGLE 廣告! 終於 ... 好遲先俾我諗起, 點解我唔去 IGOOGLE 試下果個 BLOGSPOT 呢, 佢係 GOOGLE 個親人, 咁一定可以支援啦, 一試, 簡直係正呢!! 因為唔洗改 CODE, 佢本身有個 FUNCTION 都已經係加 GOOGLE 廣告, 所以好放心咁決定用佢, 亦花左少少時間幫皇上 SET 好基本O既野, 本來諗住將佢 YAHOO!BLOG D POST 移埋過黎, 不過一睇, 太多, 所以就寫左個簡單O既用法就算, 因為我都要寫返今日日記同我個 BLOG 呢(笑)!!!
20071217-01.jpg 20071217-02.jpg 20071217-03.jpg 20071217-04.jpg
20071217-05.jpg 20071217-06.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


18/12/2007

今日好好訓, 雖然七點幾時醒左一陣!! LUNCH 食通心粉, 之後上下網咁, 我仲幫皇上將佢 YAHOO!BLOG D POST 搬哂去 BLOGGER 度, 我果然係熟手技工!! 之後我好乖咁溫左一陣書呢, 因為今晚漢字 TEST! 溫完後又去睇 YOUTUBE , 因為有好多 ORIRAJI 未睇過, 真係好好笑, 不過仲未有得睇返星期六果個節目O既 UNJASH, 希望快D睇到啦! 大約五點四同皇上及太后去左淘大, 食肯德基, 我食左三件呢, 之後行左一陣電器舖, 大約六點四左右行返學校, 今日我早左, 第一個返到, 基本上今堂就係討論, 句型咩都冇教, 進度真係慢左少少!! 出左 PRESENTATION 時間表, 我係二月中交稿, 三月中先到我 PRESENT, 今年好怪, 除左要自己 PRESENTATION 外, 仲要幫另一個同學做 PRESENTATION O既主持, 我真係 ... 我 PRESENT 幫我做主持O既, 竟然係果個女同學, 好煩果個呢!! 唉 ... !! 放學後返屋企, 沖完涼整左個"香蕉栗米肉鬆沙律", 但係我發現原來香蕉同其它所有野都唔太夾, 所以味道有少少怪呢!! 之後上下網咁啦!! 天氣好似涼左少少呢!

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


19/12/2007

今日冇出到街, 睇下片咁啦, 睇左<有閑>大結局, 好感人呢, 有少少覺得橫山裕幾型添!! 之後睇<伽利略>大結局, 其實有少少夾硬呢(笑)!! 不過我發現香取慎吾扮 KOU 真係扮得幾似!! 之後又去 YOUTUBE 諗住睇片, 點知我尋日 BOOKMARK 左果D片俾 YOUTUBE DEL 哂, 點解咁架 ... 嗚嗚!! 另外, 我終於搵到有我想睇果套 SP 劇喇, 其實係上年已經想睇, 但一直都搵唔到, 頭先無意中見到有, 希望快D睇到啦!! 呢套其實上年我都好似有O係日記講過, 叫做<WATASHI GA WATASHI GA ARUTAMENI>(為自己而生), 係講述三位變性人O既故事, 而其中演出O既演員, 本身真係變性人黎O既, 大家唔好太奇怪, 因為其實日本有好幾個都公開左自己係變性人, 而唔會受到太大O既歧視O既, 而其中一位, 就係我好鍾意佢O既歌"中村中", 亦因為有佢, 我先想睇呢套 SP 劇呢, 等我睇完再同大家講下感想吧! 我今日仲好手多咁, 諗住整下皇上個 BLOG O既版面, 點知就攪到個廣告位冇左, 但又唔知點解加唔返喎! 攪左好耐, 加返果一 PART CODE 又唔得喎, 最後我要去開個新O既 BLOGGER, 再 COPY 返D CODE 過黎先 OK, 好彩!! 晚餐有皇上特製O既餃子(見下圖), 真係好好味呢!!
20071219-07.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


20/12/2007

今日好少有咁去左飲茶, 因為平時只係星期一同五兩日去飲呢, O係電梯撞到芳姨, 期間一齊研究同 LIFT O既果個男仔個頭髮, 其實我同皇上太后都以為呢個男仔係芳姨D親人咁, 點知傾傾下先知原來係住頂樓O既, 攪到皇上同太后勁同佢講笑添, 一知道唔係芳姨D親人就有少少唔好意思呢!! 去返以前去開果間酒樓飲, 因為得閒要轉下好D!! D點心都唔錯呢, 同埋比去開果間平少少咁!! 飲完茶返左屋企, 我上下網呀, 打下機咁, 大約五點就食左幾塊餅, 因為今晚有 PART TIME 呢!! 五點十左右返到去, 今晚有少少唔同, 因為平時同我一齊果個女仔早放, 好似係有咩週年晚會之類啦, 變左得我同上司小姐留低, 因為佢唔去晚會呢!! 其實都冇咩分別都係對下 DATA, 特別O既係, 我呢生人第一次用碎紙機! 幾好玩!! 基本上係我有我做野, 佢有佢自己做野呀咁, 不過佢話我做野快呢!! 好似今日咁, 其實七點九左右已經攪掂哂, 所以先熄左機(因為費事O係佢面前上網啦, 反正我鍾意O係屋企上網多D!), 之後我都係呆坐咋! 佢好好人呢, 請我食朱古力(見下圖), 同埋其實佢大可以叫我上去鎖門果D架, 但係佢都自己做, 我只係坐O係度等收工!! 出左一月O既時間表, 平均都一星期有兩晚, 都算唔錯!! 不過有一晚星期二返唔到, 賺少幾十蚊添!! 收工前同上司小姐傾下計咁, 佢真係幾 NICE!! 返到屋企沖完涼, 食左沙律呀腸仔呀咁, 好滿足!! 再上下網咁!! 我要一月先有工開 LU, 原來話有D人簽左約一年都冇工開架, 所以我真係好好彩!! BY THE WAY, 我尋晚睇左<WATASHI GA WATASHI GA ARUTAMENI>喇(尋晚日記有提到), 其實睇完後令我諗左好多野, 劇中主角, 由出世開始就覺得自己係女仔, 但係又係男兒身咁, 其實都真係幾慘, 好多人就係只會覺得呢類人係變態, 易服呀, 人妖呀咁, 但其實佢地內心都好辛苦, 好似呢個主角咁, 點睇都係女仔, 仲係比女仔更女仔, 無論外表定聲音, 但無奈佢係男仔, 就連佢身邊o既朋友都唔知佢係男仔, 換言之一直唔可以完全公開自己真實o既一面咁, 除左朋友之外, 其實家庭壓力都好大, 至於有咩原因會有"性同一性障礙", 其實我都唔係好清楚, 但好似係同媽媽懷孕時有關係(呢個遲D我有資料再同大家講下), 睇完之後其實我真係覺得要改變下一D思想!! 往後如果見到喜歡女性打扮O既男性, 其實唔好再白眼佢, 因為佢做唔到真正O既自己, 其實都好慘, 正如劇裡面果個醫生話:"因為你本來係女仔, 但係攪錯左, 所以以男仔身體出世, 而家只可以將你個身體攪返 ARM!", 某程度都講得幾有道理呢!! 同埋我諗, 呢個世界都幾唔公平, 點解O係街見到D女仔作男性打扮時, 大家冇咩反應架喎, 仲可能覺得佢著得好型呀咁!! 但係相反, 如果係見到男性作女性打扮, 就會覺得佢變態呀, 大吉利是呀, 人妖呀咁, 所以 ... 要改改呢個想法呢!! 講返呢套劇, 其實真係幾感動, 睇到我喊呢!!
20071220-01.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


21/12/2007

今日同左樓上個姨姨&太后去左飲茶, 食左好多野呀, 飲到三點半左右返屋企, 換返屋企衫後, 我就上網打下機咁, 大約四點半就出門口, 諗住坐巴士唔洗一個鐘會到銅鑼灣, 咁就可以行一陣就合會 CATCAT, 點知等到五點先有車, 仲要塞車喎, 架車又焗喎, 最後我要用白花膏先冇咁暈咋!! 差唔多五點九先落車, 人好多呀, 所以我都係直接行左去時代廣場, 咁 ARM 門口有兩個人表演緊(見圖1~4), 之後我又影下D佈置咁啦(見圖5~14), 行左一陣時代廣場, 不過其實冇咩 ARM 我睇, 六點幾會合左 CATCAT 後, 我地仲攪笑, 排隊同聖誕老人影相, 不過由於影得我唔靚, 所以我唔貼 LU!! 本來諗住去和民食架, 不過估唔到六點幾已經好多人, 所以去左麥當勞, 其實食咩冇咩所謂O既, 重要O既係同咩人食架O者(笑)!! 又好好彩咁, 有個女人讓張桌俾我地, 仲要係望街架, 個 VIEW 都唔錯!! 一邊食一邊傾下計咁, 一路傾到十點半左右先走, 傾左好多野呢!! 行返去 SOGO 果邊坐車, 不過我又唔太記得個站O係咩位置, 所以打返屋企問! 等左一陣就有車, 好彩架車冇咩人, 冷氣又夠!! 十一點半左右返到屋企, 沖完涼發現 MISS 左個 CALL 喎, 原來係 CATCAT 打黎睇下我返左去未, 覆完電話俾佢, 我就拆禮物喇, 因為 CATCAT 送左好多禮物俾我呀(見圖15~17), 除左熊貓 T-SHIRT 外, 仲有一套<熊貓幼稚園>呀, 裡面仲有一隻係特別版呢!! 好開心好鍾意呀, 多謝哂!! 不過O係我執返D熊貓入房時, 我竟然唔小心整損左隻手指, 好彩唔係好深! 家下一點, 又想打下機添!!!
20071221-01.jpg 20071221-02.jpg 20071221-03.jpg 20071221-04.jpg
20071221-05.jpg 20071221-06.jpg 20071221-07.jpg 20071221-08.jpg
20071221-09.jpg 20071221-10.jpg 20071221-11.jpg 20071221-12.jpg
20071221-13.jpg 20071221-14.jpg 20071221-15.jpg 20071221-16.jpg
20071221-17.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


22/12/2007

今朝有睇 JAPAN TV TIME 呀, 好好睇呀, 今集介紹台場大江戶溫泉, 真係好似好多野玩咁!! 再傾左一陣視像, 大約兩點同太后落左街行一陣, 因為想去睇下D TAMAGOCHI 幾錢, 原來都要 $139 (第四代), 順便影埋前幾日未影O既 TAMAGOCHI 公仔(見圖1~4), 之後去左 KFC 下午茶, 食完野行返屋企O既途中, 見到開左間飲品店(見圖5), 就係果陣O係旺角果間, 我好鍾意佢D珍珠奶茶架!! 四點幾返屋企, 我又打左一陣機, 輸左三個 ACC 添!! 沖完涼就開始睇返D片, 因為我個 HDD 真係實在冇咩位, 黎緊好多 SP 呢, 同埋就黎紅白啦, 好期待呀!! 尋晚突然靈機一觸想用戟絨整一樣野, 所以今日上網搵左張圖參考, 如果真係整到, 應該會幾得意, 而且唔難整呢, 大約係一個 T-SHIRT 形O既電話繩!! 八點幾先知原來今日冇<ENTA NO KAMISAMA>, 見到係播 SMAP 同明石家O既 SP, 本來諗住睇, 不過播左幾秒又停左, 所以都係去睇返我D FILES, 過幾日再有先再睇過吧!! ARMARM 睇完尋晚O既<MUSIC STATION SUPER LIVE>, DREAMS COME TRUE 果一 PART 實在太感動, 睇到我眼濕濕, 見到美和其實仲係好唔開心, 不過係好正常O既, 仲要唱果首歌O既歌詞, 一路睇一路覺得其實呢個 JOB, 對佢黎講都幾殘忍, 不過可能因為 DREAMS COME TRUE 係兩個人, 所以美和唔可以咁自私, 所以點都要頂埋落去! 真係希望快D變返以前開開心心O既美和啦!! 夜晚睇<ABARENBO MAMA>大結局, 真係幾感動, 但係最最最尾果度, 又其實有少少夾硬黎呢!! 不過都係一套有笑有淚O既劇!! 不錯!
20071222-01.jpg 20071222-02.jpg 20071222-03.jpg 20071222-04.jpg
20071222-05.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


23/12/2007

今日我冇出到街, 因為想O係屋企睇下片咁, 點知就冇睇到片, 反而用左黎整戟絨野喎, 造左件 TETSU N.Y. T-SHIRT 仔!! 最難O既係果粒星星呢, 效果都唔錯!! 遲D送俾 KIDNEY 啦, 呵呵!! 下午茶食左個青瓜+番茄+粟米沙律, 真係好好味呢! 一陣真係要努力D睇多D片, 因為 HDD 真係好快滿啦!!
尋日新買O既潤膚霜, 我好鍾意呢個牌子架:
20071223-01.jpg

TETSU N.Y. T-SHIRT 的圖:
20071223-03.jpg 20071223-04.jpg

完成圖:
20071223-05.jpg 20071223-06.jpg 20071223-07.jpg 20071223-08.jpg
20071223-09.jpg

青瓜+番茄+粟米沙律!
20071223-10.jpg

20071222-05.jpg

I SHOULD BE SO LUCKY --> 我真係想高歌"I SHOULD BE SO LUCKY~~ LUCKY LUCKY LUCKY~~"!

返回


24/12/2007

今日天氣好明顯涼左少少呢!! 去左飲茶, 仲食左"紅油抄手"(見下圖), 有少少辣, 但都幾好味呢, 之後行超市, 再去左街市買今晚O既大餐!! 四點左右返到屋企, 上下網咁, 七點左右開餐, 好多野食呀: 牛扒、豬扒、雞翼、薯條、沙律, 不過掛住食, 唔記得影相添!! DINNER 後睇下片咁, 再現場睇左<SMAP X SMAP>, 好好笑, 另外仲同秋川雅史合唱, 真係好新鮮!! 而家就開住 NTV 睇緊<NEWS ZERO>, 咁 ARM 介紹絢香, 都有少少感動, 不過我係覺得 ... 佢得兩首歌好聽! ARMARM 睇完"ICHIMEN"先知道, 原來日本O既小麥 9 成係輸入, 而日本政府係會先向外國買入小麥, 再賣出去, 賺到O既就做國家O既資金(之類), 但係因為小麥O既收成比之前少左, 所以下年 4 月開始小麥O既價錢會加價, 估計仲會加大約 30% 添!! 其實好多食物都係由小麥造成, 所以相信影響都會幾大!! 果然睇"ICHIMEN"係學到野呢! 另外, 我發現網路同身邊都有好多唔識日文而要扮識O既人, 其實唔識日文都唔係一個問題, 只係唔識但又扮識, 睇節目都只係靠睇漢字再加上自己O既想像, 誤解意思! 雖然係自由, 但我覺得有少少睇低左我地呢D真係用心去學日文O既人, BAKANISURUNA!! 呵呵, 我竟然O係雅紀生日再加上平安夜黎吐嘈喎(笑), ANYWAY, 我做好自己就夠(大笑)!!
20071224-01.jpg

Friendship --> 今日係雅紀O既生日! 不過我今年寫唔出賀文呢, 但都祝你每日都開心!!

返回


25/12/2007

今日原本諗住去將軍澳行下架, 不過都係唔好喇, 因為其實安安靜靜咁O既屋企都係幾正!! 唔洗專登去同人迫!! 睇左前幾日 SMAP 同 SANMA SAN 果個 SP, 幾好笑呢, 係D女嘉賓嘈左少少!! 另外又睇左<工作狂>大結局, 都唔錯!! 睇睇下突然間諗起好耐冇整過蛋糕, 所以就立即去整左個蛋糕喇(見下圖), 雖然個樣唔太靚咋, 但係味道真係唔錯架!! 今日睇日本D網站, 嚇親我呢, 原來話中居前輩真係同倖田來未拍拖喎, 真係估唔到, 雖然都係小道, 但係聽聞係影到相, 真係太特別喇, 完全唔覺得佢地夾, 不過如果係真O既話, 我都祝佢地幸福O既, 不過有好多人話係宣傳!! 同埋又話松本潤同北川景子, 呢對真係完全點都拉唔埋, 仲話佢地戴一樣O既戒指, 其實好佩服發現呢件事O既人, 咁都睇到!! 好勁!! 不過睇完都係笑一笑就算, 因為其實係同係都冇所謂呢, 就算我反對, 都唔會對佢地有咩影響, 所以都係果句, 如果係真O既話, 我會祝佢地幸福!! 話時話, 仲未買呢個月O既雜誌, 希望唔會因為咁而得失D買家啦!!
20071225-01.jpg 20071225-02.jpg 20071225-03.jpg 20071225-04.jpg

Aishiteru no Sign ~Watashitachi no Mirai Yosouzu~ --> 近排好鍾意O既一首歌, 就係前幾日睇<MUSIC STATION SUPER LIVE>時, DCT 唱O既歌, 亦都係聽埋美和O既歌聲同表情而眼濕濕!!

返回


26/12/2007

今朝睇下電視咁, 之後太后話想去行下將軍澳, 所以就坐車去左行, 仲行左去東港城果邊, 因為想行下吉之島, 剛好小豬簽唱會(見圖1~2), 其實尋晚家姐有講過, 不過撞唔到佢呢(笑)!! 搵哂成個商場都唔見左間吉之島, 先至知原來執左, 二樓的超市(TATSE)有一家日本有名的蛋糕店(見圖3~4), 不過沒日本造的認真, 同埋都幾貴, 所以冇食到!! 好快就行返去新都城, 途中見到一個聖誕裝飾(見圖5~6), 去左食 KFC, 太后去買野食時, 發生左一件攪笑事喎, 話說我搵左個位坐低左, 點知突然間有一個四歲幾五歲左右O既男仔坐左O係我隔離, 我望一望佢, 之後佢又咁望住我, 側哂頭眨哂眼果隻, 之後我冇理到佢啦, 只係覺得點解咁多位唔坐佢要坐埋黎呢?! 過左一陣, 佢可能見我唔多望佢, 佢突然坐左O係我對面, 之後又咁眨眼咁, 好攪笑!! 之後我問佢幾多個人, 佢話兩個, 我話其實後面有張桌冇人架, 可以坐去果度, 點知佢話:"其實我兩個, 呢店夠坐呢!!", 跟住我見後面張桌冇人坐, 所以我坐左去後面, 因為我覺得有少少奇嘛, 又明明唔識, 但又坐埋一齊咁, 而且好多吉位!! 之後佢突然間發現唔見左我, 之後又發現我坐左佢後面喎, 佢好似好奇怪點解我要坐後面, 我不停咁睇下太后買完野未, 之後小朋友同我講:"你咁樣望, 望到天光都未望完啦!", 之後傾左幾句咁, 我就掛住食冇再理佢喇, 而家我諗返, 可能係佢媽咪叫佢去搵定位, 但係佢一個人又驚喎, 所以先坐埋黎我度啦, 真係好攪笑!! 食食下 KFC 仲撞到O係銀行果個職員, 真係有緣喇!! 再行多左一陣就走喇, 途中經過某琴行, 見到佢地唔知買滿幾多錢, 就送熊貓公仔添(見圖7~8)!! 返到屋企都六點喇!! 沖完涼就準備 DINNER, 今晚食燒鴨(見圖)河粉!!
20071226-01.jpg 20071226-02.jpg 20071226-03.jpg 20071226-04.jpg
20071226-05.jpg 20071226-06.jpg 20071226-07.jpg 20071226-08.jpg
20071226-09.jpg

Aishiteru no Sign ~Watashitachi no Mirai Yosouzu~ --> 近排好鍾意O既一首歌, 就係前幾日睇<MUSIC STATION SUPER LIVE>時, DCT 唱O既歌, 亦都係聽埋美和O既歌聲同表情而眼濕濕!!

返回


27/12/2007

今日冇出到街呀, 太后就去左同外國返黎O既朋友飲茶, 我同皇上就留守家中小掃除!! 睇左一集 SP 日劇(唔係准一果套 SP), 係 SPECIAL 黎O既, 深田恭子架, 叫做"Aoi Hitomi to Nuage", 不過其實睇完都唔係太明白佢想表達咩, 只係覺得好奇怪, 深田恭子O既身材真係好左咁(笑)!! 上下網, 打下機咁, 突然間有人噤門鐘, 原來係郵差叔叔, 有掛號信喎, 原來係我個 MPF 呀, 不過其實 ... 家下我開工不足呀, 就算供 MPF, 都唔會多呢(笑)!! 五點幾太后返黎, 仲有元朗手信添, 係老婆餅同埋皮蛋酥(見下圖), 係太后個朋友送俾我食架, 呵呵!! 所以急不及待食左一件老婆餅, 幾好味喎, 不過唔太同以前食果D感覺, 唔似冬瓜, 一睇, 個盒寫住白蓮蓉, 但又唔太甜呢, 幾好味!! 沖完涼就開飯, 我條"利"依然好痛呀, 希望快D好返啦, 已經成日"茶"西瓜霜, 但係仲未好, 嗚嗚!!
20071227-01.jpg 20071227-02.jpg

Aishiteru no Sign ~Watashitachi no Mirai Yosouzu~ --> 近排好鍾意O既一首歌, 就係前幾日睇<MUSIC STATION SUPER LIVE>時, DCT 唱O既歌, 亦都係聽埋美和O既歌聲同表情而眼濕濕!!

返回


28/12/2007

今朝八點左右就俾對面起樓嘈醒, 點解唔係九點先可以嘈架咩!! 好不容易再訓返, 但係十一點都起身, 食左個老婆餅同埋皮蛋酥, 都幾好味!! 先頭仲以為係一隻皮蛋, 但原來只有四份一隻再加白蓮蓉呢!! 同亞妹地傾左一陣, 大表妹家下超靚女呀真係!! 一點九左右落去飲茶, 途中撞見幾位同事, 不過因為我o係停車場裡面, 佢地見唔到我呢!! 飲茶食左幾多野呀, 我一個人食左三粒紅油抄手, 下次都係唔叫呢樣點心喇, 因為得我食, 太多!! 飲完茶後去行超市, 買左野煲湯飲, 實在太好呢!! 返到屋企上左一陣網, 之後沖完涼就睇下節目咁, 咁 ARM NTV 播緊一個"卡拉OK年度流行榜"之類O既節目, 好好睇呢!! 不過睇到一半開飯, 所以只好放棄, 過幾日睇下有冇人錄左先!! 意外地發現今晚有一個節目有 SHO, 係講解決科學家O既煩惱咁, SHO 自從做左主播後, 路線果然唔同左!! 希望到時候個 TV 生生性性, 唔好窒啦!! 另外我開始睇<惡作劇2吻>, 雖然目前只有兩集, 睇完第一集覺得太好笑喇, 林依晨幾可愛呢, 亞金仲可愛!! 不過裕樹大個左好多呢!! 睇完翔主持O既特別節目喇, 真係令我大開眼界, 講左 EU細胞/HP素/宇宙等等, 其實真係要多謝呢個節目搵翔參加呢, 因為如果唔係咁, 我根本唔會睇, 唔睇的話, 就唔會知道咁多咁深奧O既知識喇!!

Aishiteru no Sign ~Watashitachi no Mirai Yosouzu~ --> 近排好鍾意O既一首歌, 就係前幾日睇<MUSIC STATION SUPER LIVE>時, DCT 唱O既歌, 亦都係聽埋美和O既歌聲同表情而眼濕濕!!

返回


29/12/2007

今朝皇上同太后出左街, 所以我煮左湯再加湯丸(見下圖), 真係唔係講笑, 好好味!! 之後睇下片上下網咁, 先發現原來新城大地震, WAYNE 變左 PART TIME, 唉, 人生就係咁無奈, 只希望 WAYNE 快D有更好O既機會啦!! 聽返尋日<各位 ONLINE>, 最後 WAYNE 講<各位 OFFLINE>時, 真係好心酸呢!! 下午茶又係食左皮蛋酥同埋老婆餅!! 之後睇左<死化萛v>大結局, 感人!! 再睇埋<惡作劇2吻>第二集, 攪笑!! 再睇左少少小池平果套 SP 劇! DINNER 完, 睇 NTV, 播緊<志村動物園>, 咁 ARM 睇到 PANKUN, 之後 MVP 頒獎, 恭喜雅紀拎 MVP!! YEAH!! 之後睇<ENTA NO KAMISAMA>, 雖然途中有幾個地方唔太順, 不過都睇得好開心, 今集仲係一年之最, 到我最鍾意O既<UNJASH>時又係停左, 再駁返時, 好彩果個 NETA 我睇過架咋!! 不過仲未睇返上次果段, 冇人放, 嗚嗚!! 又發現左富士有個節目好有趣, 叫做<偉大的未來圖鑑>(類似), 真係好有趣, 今集介紹左好多新野, 例如: 內藏 PRINTER(真係用細胞 PRINT 左條血管出黎), 真係希望遲D可以 PRINT 到其它內藏, 令病患者可以好返啦!! 另外仲介紹左胸圍O既模特兒公仔, 感覺係近乎真人O既, 所以對胸圍O既改善同發明好有幫助呢!! 仲有介紹左吞O既攝影機, 可以用黎檢查體內O既狀況!! 仲有機械人, 會聽你講野後點頭, 話可以製造氣氛喎!! 仲有運用"雲精"O既郁動黎控制開關!! 仲有妖精攝影機啦!! 同埋"測真機"(即係測謊機O既真話版!!)!! 真係幾有趣呢!! 再一次覺得學左日文真係好, 因為真係透過呢D日本節目學識左好多野, 增廣見聞!!
20071229-01.jpg

Aishiteru no Sign ~Watashitachi no Mirai Yosouzu~ --> 近排好鍾意O既一首歌, 就係前幾日睇<MUSIC STATION SUPER LIVE>時, DCT 唱O既歌, 亦都係聽埋美和O既歌聲同表情而眼濕濕!!

返回


30/12/2007

今日 LUNCH 食麵包, 之後入下歌去 MP3, 大約 1:35 出門口, 等左一陣就有巴士喇!! 2:15 左右就到左信和, 所以行左一轉, 幫 TSU 睇下隻碟幾錢咁, 不過家姐 2:50 先到呢, 下次都係搵個地方有位坐O既集合吧(笑)!! 第一站行信和, 諗住去宇宙船買1月雜誌, 點知竟然冇 DUET, 所以諗住去太子果間睇, 其間聽到好幾次"MY BF", 我承認我係幾好記性, 可能對方唔記得啦, 所以冇所謂啦, 我都係作出冷淡反應, 希望 ... 明白啦, 你提小豬啦, 好嘛!!! 之後去左朗豪坊, 影左幾張相(見圖1~10), 再行左去太子, 點知太子都係冇果雜誌, 所以又行返去旺角, 黑店又冇, 童年夢又冇, 諗得出O既地方都冇!! 最後諗住尖沙咀果間日本書店應該有, 不過都係冇, 見到有本學廣東話O既書本來想買俾 YUMIKO 做生日禮物, 因為佢好似對廣東話幾有興趣, 不過 1800 日元O既書, 要賣 198 蚊, 未免過份左少少!! 再行左去 PAGEONE 、 CITY SUPER 、 SOGO 同新世界(影左幾張相, 見圖11~12), 都係冇!! 不過就俾我O係新世界中心果間百貨公司, 搵到一盒熊貓毛巾套裝(見圖13~14), $46.9, 上次O係千色店見一條毛巾+一對拖鞋要 $71, 上次唔捨得買呢, 所以今次就有買到喇!! 之後去食野, 去左 KFC, 但係好多人!! 可能附近有聚會 ARMARM 散會! 食下野傾下計咁, 食完後就行返去旺角, 因為我地發現係冇留意信和我地買開碟果間店有冇, 去到果然有喎!! 不過賣好貴, 80 幾, 所以O係果度買左 DUET, 再返宇宙船買其它兩本, 因為今次家姐買貴左書, 所以下月我請食飯!! 之後行左十蚊店, 但真係十蚊好貴(笑)! 再去左朗豪坊坐低睇雜誌, 十點左右就坐車返屋企喇, 返到屋企收到 MUSIC OFFICE 封信, 仲以為係話我知出左糧, 點知係話收到我出糧果張 FORM 而已, 本來諗住整雜誌, 但係都係太夜, 聽日先, 上網同 TSU 傾左一陣咁!! 其實我諗緊一月開始轉日記語言, 其實唔係全部日文O既意思, 只係將呢個網頁變做 SUPPORT 日文而已, 因為家下係唔 SUPPORT O既, 難得個網頁空間 SUPPORT 日文, 咁不變到可以寫日文吧, 但可能大家睇時, 有D中文字O既 SIZE 會變得怪, 冇問題架呵?! 一於一月轉啦, 不過轉左後, 我寫日記就煩少少喇, 要開 FRONTPAGE 先 OK, 唔知點解記事本打左日文 SAVE 完上傳上去後, D日文會亂碼, 但係 FRONTPAGE 就冇問題, 不過唔驚啦, 反正一日寫一次, 用慣左就 OK 呢!!!
20071230-01.jpg 20071230-02.jpg 20071230-03.jpg 20071230-04.jpg
20071230-05.jpg 20071230-06.jpg 20071230-07.jpg 20071230-08.jpg
20071230-09.jpg 20071230-10.jpg 20071230-11.jpg 20071230-12.jpg
20071230-13.jpg 20071230-14.jpg

Aishiteru no Sign ~Watashitachi no Mirai Yosouzu~ --> 近排好鍾意O既一首歌, 就係前幾日睇<MUSIC STATION SUPER LIVE>時, DCT 唱O既歌, 亦都係聽埋美和O既歌聲同表情而眼濕濕!!

返回


31/12/2007

今日起身就感覺到真係涼左好多!! 約左婆婆飲茶, 飲完茶就一齊返屋企, 咁 ARM 見媚媚未訓, 所以就同佢傾左一陣視像, 俾亞婆見下佢地!! 亞婆走左後我就沖涼, 之後抹下地咁, 之後再攪D雜誌, 計計下, 買家流失左幾個, 其實 ... 真係唔太掂!! 不過冇計啦, 失左蹤果個 V6 買家到家下都仲係冇左影, 又唔想放上去拍賣(要收刊登費, 好唔經濟!)!! 只好順其自然, 當然希望可以賣得出D存貨, 同埋快D搵到新買家啦!! DINNER 打邊爐, 真係太好喇!! 好滿足!! 今晚本來諗住睇完紅白再睇 JOHNNY'S COUNTDOWN 就 ARM 哂, 點知原來個網冇 NHK, 之後又發現我 CONNECT 唔到富士, 唉 ... 只好等人放啦!! O係香港想睇日本電視, 真係好困難, 反而台灣電視就易好多, 但奈何我係哈日呢!! 食左杯O者O厘(見圖1), 同埋開左O係日本買O既朱古力福袋其中一盒朱古力(見圖2~3), 不過口感好怪!!
20071231-01.jpg 20071231-02.jpg 20071231-03.jpg

Aishiteru no Sign ~Watashitachi no Mirai Yosouzu~ --> 近排好鍾意O既一首歌, 就係前幾日睇<MUSIC STATION SUPER LIVE>時, DCT 唱O既歌, 亦都係聽埋美和O既歌聲同表情而眼濕濕!!

返回


我的拍賣 查看我的拍賣
http://atynpanda.web.fc2.com/ inserted by FC2 system