今日都係落雨, 所以都係冇出到街街, 回歸十週年, 突然間覺得時間呢樣野真係幾無情(DONDAKE~~), 皇上一早落左戈郵局買回歸十週年紀念郵票(見圖1~4), 睇左＜特急田中3號＞結局, 同埋睇左兩集＜SHINUKATOOMOTTA＞, 沖完涼入左房睇電視, 不過睇睇下又訓左, 訓到七點三太后叫我準備食飯先知!! 真係好眼訓!! 整理返以前Ｄ郵票時, 搵到以前買落O既兩套紀念郵票(見圖5~10)! 雖然係回歸十週年, 不過Ｄ電視節目實在太悶!! 夜晚睇左套新O既深夜劇＜LIFT＞, 有朝香姐姐(我係因為咁先睇下), 都幾好睇喎, 雖然又係講學校O既欺凌事件, 不過今次個主角係決定同欺凌佢O既對抗, 幾好!! 所以我決定追看落去!




就是這樣的喜歡你 --> 其實好耐冇聽過萱萱Ｄ歌, 突然間聽返都幾好聽!!

今日我冇落到街呢, 聽聞樓下今日有巡遊, 所以皇上同太后落左去睇下, 仲影左幾張相返黎(見下圖), 好似幾熱鬧咁, 不過新聞都冇講!! 我亦唔係好知係咩團體攪O既! 今日睇下片咁, 但發現我仲未開始溫書, 真係 ... 點算好!! 因為同以前幾年都唔同, 以往O既而家已經係完哂課堂, 等考試咁, 就連 ORAL 都應該考埋, 但係而家仲有兩堂, ORAL 仲係 FINAL 後先考, 今年好怪呢!! 不過都係唔好俾借口自己, 真係要開始努力溫下書, 一陣有咩意外就喊都冇用!!




夢冒險 --> 前排睇酒井法子上 TOKIO 節目, 播返Ｄ舊片先知呢首歌係酒井法子唱架呢!

今日因為某Ｄ原因, 今日約左家姐去行下, 食完午餐(見圖1), 就坐車出左旺角, 我遲左少少到, 然後知道家姐仲有兩個站先到, 所以就諗住行一轉信和先, 點知我一入到間扭蛋店, 家姐就打黎話到左, 所以我立即去會合佢, 先去左銀行, 之後再行信和, 我買左個米奇印仔(見圖2), $5 咋, 真係好平!! 之後週圍行下咁啦, 發現原來美麗華酒店上面開左間商務書局喎, 行到大約五點幾, 家姐陪左我去食吉野家, 因為我今晚要返學, 食左個下午茶O既牛肉飯, 好味! 之後再行左一陣, 大約六點半到送左家姐去 MTR 站, 我再行返學校時, 諗起家姐唔記得俾本書我, 所以立即打俾佢, 好彩未入閘呢, 所以我行返去 MTR 站拎返本書, 再返學, 今堂都冇咩特別, 差唔多九點就 QUIZ, 一如以往, 我係幾考天材O既, 因為考天材, 所以詞語果 PART 完全唔掂, 反而後面文法果Ｄ我 OK 喎, 可能今次果兩課書比較簡單啦!! 早左十令分鐘走, 所以十點左右就返到屋企喇, 沖完涼, 整左個火龍果粟米粒雜果律(照片欠奉, 因為太餓), 好好味!


UNTI UNTI --> 呢首歌真係百聽不厭 :P!

LUNCH 食蛋+午餐肉+麵包, 之後同皇上及太后落左去銀行, 仲去左德福睇下果個＜尋秦記之兵馬俑展＞(見圖1~16), 不過冇想像中好睇, 之後再行下超市場咁, 皇上先返屋企, 然後我同太后行行下, 撞到婆婆喎, 仲見佢買左對鞋, 點知就O係呢一刻, 和舅父出現, 傾左幾句, 最後決定同和舅父去食下午茶, 所以去左大快活, 我食左個西多+雞翼(見圖17), 一邊食一邊傾下計咁, 因為真係有一段時間冇見, 大約五點幾就走喇!! DINNER 前我睇左＜花樣少男少女＞(日版)O既第一集, 都 OK 過得去咁, 因為真係有少少誇張, 不過都會繼續追落去!!






UNTI UNTI --> 呢首歌真係百聽不厭 :P!

今日冇出街, 因為成日落雨, 我同 MOTHER FA 一樣, 一落雨就心情麻麻地呢!! 睇左＜爸爸與女兒的7天＞(?!)第一集, 都幾好睇, 幾特別, 亦幾有趣, 雖然有"變態"演, 不過冇所謂啦, 都暫時頂到! 之後睇左 SHO 同 NINO 做嘉賓O既＜TOKYO FRIENDS PARK 2＞, 真係幾厲害, 估唔到 SHO 會飛中架車, 仲要送多架俾 NINO, 不如俾一架我轉賣丫!! 之後覺得我都係時候為黎緊O既考試做返Ｄ野, 所以就拎左Ｄ書出黎, 但係未正式溫習, 做左 ORAL 果份題目, 其實有Ｄ都唔知點答好!! 另外整理左要溫O既野出黎, 話多唔多, 話少唔少呢!! 其實相對以往, 今年O既份量係少左O既! 努力!! 去左生茶熊貓個 BLOG, 原來出左一個滑鼠+MOUSE PAD(2選1) O既 SET(見圖1~3), 不過要 2800 YEN, 太貴呢!! 雖然好得意!! 又無意中睇到一張 NINO O既雜誌(見圖4), 嘩, 你 ... 你真係男生?? 但係你對腳真係靚過好多女生呢!! 這陣子一直想把吊飾改造一下, 但是一直就是想不到怎樣改才好!! 終於 DINNER 後改了! 雖然說是改造, 但其實也只是把小熊貓的繩子換了, 然後把"小剛魚魚"由熊貓頭上移到＜MOTOKARE＞(海豚吊飾)而已, 成果請見圖5 (圖右上角紅格為以前的模樣), 雖然只是作了一點點的改變, 不過心情蠻不錯呢!! 夜晚睇左＜探偵學園Q!＞CH.1, 比想像中 OK 啦, 神木小朋友個樣冇上次雜誌咁 SHOCK, 故事都 OK, 所以應該會追落去, 不過果位"要潤"同套劇唔係太配!!



眼淚 --> 歌詞好!!

今日去左飲茶, 之後行左一陣, 因為又要去買開心樂園餐, 安怡換埋隻貓貓(見下圖), 之後返屋企, 食完個餐就沖涼, 沖完涼開始溫書, 不過講真, 今年o既文法真係比以前簡單, 因為好多都一早識!! 不過我都要努力, FIGHT!! 聽左＜TIME＞O既通常盤, 發現 SHO 把聲(定係唱法?!)同以前有少少唔同, 呢隻碟好多 RAP 呀, 實在好開心, YO YO!! 今晚首播＜山田太郎物語＞喇, 我打算等埋個 RAW, 再睇埋先訓!! 快Ｄ有 RAW 啦!! 終於O係12點幾有 RAW, 我真係睇埋 RAW 先訓, 好好睇, 好笑亦好感動!!


OH YEAH! --> (今日開始介紹＜TIME＞), 唔知點解我係聽到 OHNO 把聲, 唔通佢果 PART 大聲Ｄ?! 同埋呢首歌係會令到人好想跳呀跳呀咁!!

大家七夕快樂呀!! 雖然唔係中國O既七夕, 其實係日本O既七夕!! 通常七夕夜晚會有夏祭之類O既活動, 真係好想參與下!! 同埋今日好特別呢, 因為係 2007年7月7日, 數字黎講就係 070707!! 下次要等多 100 年呢, 果陣你同我都唔知去左邊"樹"囉(笑)!! 今日食完 LUNCH 上下網咁, 大約兩點幾三點家姐打黎, 話佢O係尖沙咀, 所以約左O係旺角等, 我立即換衫出門口, 直接坐小巴, 所以好快就到旺角, 約家姐O係信和等, 會合左後, 本來諗住去買 CD, 但家姐話都係唔買住!! 所以就行下信和咁, 之後諗住去搵某間 OK 便利店, 想睇下有冇果本旅遊書換, 最後因某Ｄ原因放棄左!! 之後去買野飲, 再行左去尖沙咀, 今日條街實在好多人, 真係比平時星期六夜晚多好多人!! 週圍行下咁啦, 其實係傾下計O者, 呵呵!! 大約五點幾去左食吉野家, 我排緊隊時, 有個"吉野姐姐"好好人, 話幫我買, 叫我返埋位坐, 真係好 NICE, 實在感謝你呢!! 食完後去左卓悅呀、萬寧呀、屈臣氏呀咁, 家姐買左Ｄ面膜咁啦, 我就買左支青蘋果味O既潤唇膏(見圖1), 其實我成屋都係潤唇膏, 不過見青蘋果味我忍唔住買!! 之後行左去新世界中心, O係門口有Ｄ野(見圖2~4), 其實我掛住影相, 都冇睇到係為左咩而整到咁O既!! 大約九點左右(好似係), 就走喇, 我等巴士等左一陣, 發現天氣實在太熱, 因為我隻手竟然係汗水, 突然諗起"好似條魚咁"O既汗, 呵呵!! 不過最攪笑O既係, 我差Ｄ唔記得落車, 因為果架巴士係分時段O既, 某一段時間佢會兜入去麗晶花園果邊, 但某Ｄ時間又唔會, 平時我坐開係兜入去O既, 所以心想有排兜, 點知睇睇下窗外O既風景, "咦?! 平時回程唔會見到九展咁清楚架??", 再睇一睇巴士個牌, 下一個站已經到我落車O既站, 所以我拿拿聲噤落車, 好彩都仲有一段路先到咋, 不過亦因為佢冇兜到入去麗晶, 所以我快左好多返到屋企!! 返到屋企沖完涼, 再食左個"火龍果+雜果+肉鬆沙律", 然後上左一陣網, 到十點就睇 ATV, 因為今晚開始播返小新呀!! 今日播左三個故事, 不過第一個故事我O係 YOUTUBE 睇過呢! 配音唔同左, 我覺得配小新果位姐姐把聲唔係太似, 不過有得睇已經好好, 因為小新我真係 MISS 左好多年冇睇過呢!!


Love so sweet --> (＜TIME＞), 令我諗起＜花男2＞, 呵呵!!

今日冇出到街, 因為係時候開始溫書喇, 所以 LUNCH 完坐左一陣就開始溫書, 溫到差唔多六點, 不過都未開始溫詞語同課文, 只係溫左文法, 其實文法真係算簡單呢!! 明珠台中午時播返尋日O既＜LIVE EARTH＞, 睇左 MADONNA 果一部份, 真係巨星風采!! 好吸引!! 睇到我眼定定!! 大家有機會真係搵黎睇下呢!! 今日新聞話有個亞爸懷疑因精神病而掉左個六歲O既囡囡落街, 之後自殺, 兩個都失去左保貴O既生命!! 成件事真係好恐佈!!
WAVE --> (＜TIME＞), 呢首歌好適合O係海灘唱, 如果拍 PV 請考慮以海灘做背景!!

今日去左飲茶, 坐低無幾耐就見到樓上個姨姨喇, 原來佢專登黎撞我地!! 飲完茶後去左 PEOPLES , 因為要轉返個我個手提電話過去, 好快就攪掂, 星期五就會轉到!! 之後我自己行左過去德福, 因為想去果間 OK 便利店睇下有冇 U MAGAZINE 果本台北書換, LUCKY, 順利咁換到, 加左 $20 換購左一套(見下圖), 雖然內容不算非常實用, 不過還是一個不錯的選擇, 因為這套書原價要 $128 的, 不過要是 $128, 我一定不會買(笑)!! 之後返屋企, 坐左一陣沖涼, 沖完涼就開始溫書, 今日開始溫課文內容, 聽日要溫下Ｄ詞語喇, 唔知會出邊一課課文呢, 果一 PART 直情係送分O既, 所以一定要識呢!!


We can make it! --> (＜TIME＞), 每次聽呢首歌, 我都諗起呢個 PV 拍得好似好趕時間咁!!

今日日頭有人黎整有線, 所以我只好睇電視, 原來播果套＜惡作劇之吻＞, 不過老實講, Ｄ男女角全部都好怪!! LUNCH 後睇左＜爸爸與女兒的7天＞(?!)CH.2, 真係幾好笑!! 之後溫書, 真係好多詞語, 大約四點太后問我食唔食吉野家, 我話好呀!! 所以皇上同太后落左街, 去完超級市場, 就買左個牛肉飯返黎俾我食(見下圖), 大約五點左右食, 好好味!! 之後大約五點九出門口返學, 今晚係最後一堂呢!! 都係全班一齊做左最後一份功課, 然後講返上次個 QUIZ, 我好少有咁有 84 分, 係衰哂O係詞語手上, 因為文法 TOTAL 佔 80 分, 我有 77 分!! 我真係要努力背下詞語, 正如 SENSEI 所講, 詞語係同聰唔聰明冇關, 只要努力就可以記到, FIGHT!! 早左五分鐘放學, 口頭上同 KEN SAN 同埋 CHRISTINA SAN 講左, 下學年選返星期二果班, 大家要努力呢!! 落左巴士行緊返屋企時, 見到個天好怪, 好似有Ｄ射燈照住個天咁, 但我又見唔到有射燈喎, 又唔係行雷, 本來想影張相, 不過咁夜, 而又得部手機, 所以都係冇影到!! 返到屋企沖完涼, 食左兩塊麵包, 之後上下網咁, 睇＜大小愛吃＞, 我同家姐都覺得尋日同今日果集好悶, 成日都唱歌, 我個人覺得唱得又唔係特別好呢, 所以佢一唱歌我就睇網頁/CHECK EMAIL呀咁!! 宿題君介紹果個朱古力火真係勁吸引, 好想試下呢!


Can't Let You Go --> (＜TIME＞), 插播呢首, 係 SHO O既 SOLO, 同我想像O既感覺有少少出入, 不過都好正, 因為一有 RAP 我就迷左落去呢(笑)!!

今日冇出到街, 大約由兩點溫習溫到六點, 依然係未開始溫詞語, 但其實詞語好重要呢, 我真係要再努力一下!! DINNER 後睇左幾個節目! 夜晚睇左少少有線重播o既＜OFFICE 有鬼＞, 其實都唔算係一套好睇O既鬼片, 不過都仲叫做有 D 故事, 睇到係放左心機落去拍O既!
Friendship --> (＜TIME＞), 係雅紀O既 SOLO, 一邊聽一邊幻想雅紀跳可愛O既舞步!!

今日都冇出到街, 天氣都依然好熱!! 不過就真係正如新聞講, 多左藍天白雲O既日子!! 大約兩點幾開始今日O既節目 -- 溫習!! 今日主攻詞語, 亦謝謝同學 KEN SAN O既 QUIZ 答案(因為果日我發燒冇返到, 所以 SENSEI 冇派到俾我!), 其實發現詞語真係好多, 而且睇返Ｄ QUIZ, 仲要唔係只係出課文內容O既詞語, 所以真係好大量O既詞語, 但我要 FIGHT, 因為詞語係只要努力就可以識, 同聰唔聰明冇關!! 雖然我承認我有小聰明(DONDAKE!!)!! 一直溫到六點幾, 沖完涼, 一邊做面膜一邊睇返＜動物橫町＞(因為幾得意), 之後 DINNER, DINNER 完睇左真央新果套月九＜FIRST KISS＞, 比想像中好睇, 雖然非常唔鍾意果位伊藤英明, 不過真央果個角色係小惡魔, 我好鍾意呢種角色!! 同埋都好好笑, 果然係月九, 好多好戲O既人有份演!! 所以都會追埋佢, 數下數下, 其實今季都幾多部 ARM 我胃口!! 先頭仲以為冇咩 ARM 睇, 不過話時話, 其實光一果套幾時首播?! BY THE WAY, 今日發生左一件 "ARIENAI~~" O既事, 就係有個人打去太后個手提, 我接聽左啦, 但對方都唔知講咩, 咁我猛咁問佢搵邊個, 問左幾次後, 佢竟然話"你搵邊個呀? 你係咪打錯呀?!", 我真係唔知好嬲定好笑, 立即答佢"你冇野呀, 你打黎話我打錯?!", 呢個世界真係咩人都有!!
Song for me --> (＜TIME＞), 係 LEADER O既 SOLO, 又一次証明 LEADER 唱歌真係好正!!

今日一點幾落左街, 去左寄信, 之後同樓上個姨姨一齊飲茶, 之後去超級市場買下日用品咁, 返到屋企沖完涼大約係四點幾, 所以就立即進行溫書計劃, 今日重點係副詞同埋接續, 溫到六點半食 DINNER, 其實仲有好多未掂, 不過仲有聽日全日時間, 要全力衝刺!! 因為始終係 MC, 我又唔係太緊張呢!! 夜晚嚇然發現今日係黑色星期五, 好彩都好安全, 冇咩事發生!! 聽日要先溫多一次文法, 然後係副詞同接續, 最後係背詞語, 聆聽我又完全唔驚, 因為我對我O既聽力都幾有信心O既!
Yabai-Yabai-Yabai --> (＜TIME＞), 係 JUN O既 SOLO, 一邊聽一邊覺得呢首歌 ... 真係幾 YABAI! 因為其實 ... 有少少怪 :P !!

今日係考試前一日, 所以一如以往, 係閉關唔出街O既!! 大約兩點開始溫習, 其都係主攻副詞&詞語, 因為呢方面我比較弱, 而文法真係好自然咁識用!! 盡左努力咁去睇果三課課文, 希望聽日一切順利啦!! 先頭諗住溫到六點就可以完成, 點知溫下溫 DINNER, DINNER 完再溫左一陣去沖涼, 沖完涼再繼續溫, 一直溫到九點, 可說係呢幾年溫得最勁O既一次, 聽日O既考試有信心合格!! 大家祝福我啦!!
虹(NIJI) --> (＜TIME＞), 係 NINO O既 SOLO, 其實如果 NINO 出 SOLO 碟都應該好有市場, 因為佢寫O既歌真係唔錯!!

尋晚諗住早Ｄ訓, 點知眼光光都係到差唔多兩點半先訓著, 但係訓下醒下咁, 較左鬧鐘同電話 8:00, 不過我 7:59 就醒左, 我係望住個電話等佢響, 發現用 "YES NO" O既 RAP 黎做鬧鐘幾好, 因為一定忍唔住起身 YO! 幾聲(DONDAKE!!), 食左幾塊餅+ ZERO 做早餐, 上左一陣網, 大約 8:45 出門口, 坐 MTR 去灣仔, 途中有望過一次果本"二級文法", 基本上係 OK!! 出左 MTR, 發現我竟然唔記得左灣景中心O係邊, 好彩行行下又記起, 真係好鬼遠!! 去到冇幾耐就入課室喇, PART 1 都 OK O既, 係有D詞語硬係唔記得有冇長音呀咁, 希望唔會選錯啦!! 文法部份應該都 OK, 讀解部份, 出左"李良枝", 我估好多人都鬆左一口氣, 其它讀解都 OK 掛, 但就有幾題個答案好似兩個都 ARM 咁!! 考到 11:45, 就放 BREAK, 我立即去左洗手間, 因為好多人排隊, 之後同 KEN SAN & CHRISTINA SAN 傾左一陣, 大家O既答案都差唔幾咁!! 然後 12:15 開始考 LISTENING, 有圖睇(問題1)果 PART 完全冇問題, 至於問題2, 都過得去掛, 但係問題3呢, 就可能有少少危, 因為唔係好記到Ｄ重點, 而且講得好快, 聽得黎寫低重點黎, 就 MISS 左一句, 考到 12:45, 然後走, 真係考完都唔知自己點, 估計合格掛!! 之後同 KEN SAN 行返去 MTR, 我自己坐 MTR 去左太古, 因為好耐冇行過果邊, 同埋想行下果間新開O既 APITA, 星期日果然好多人!! 行左 UNY, 嘩!! 有好幾部扭蛋機大減價, 出面要 $10, 佢而家只係 $5 咋, 所以都忍唔住扭左兩次 KERORO, 同埋一次叮噹, 另外仲扭左一個路牌貼紙, 但扭唔中我心目中想要果個!! 之後去左食麥當勞, 見到＜開心樂園餐＞原來送遊戲機喎, 所以就食左個豬柳漢堡餐, 仲用左兩張 $10 券添!! 但排隊時, 前面果位女人好煩, 因為先頭見得佢咋嘛, 咁咪排囉, 點知買完一個餐俾左錢, 佢再買, 因為眼見有4,5個O靚仔, 咁分開兩次買我都算, 但係佢一共係分開左6,7次咁買, 每次叫左一個餐就俾一次, 仲要等個職員去拎張單俾佢, 如事者真係足足等左成三個字, 點解Ｄ人可以咁自私, 唔可以將所有事做得有效率Ｄ O既(日文所說O既 TEKIPAKI=有效率, ARMARM 溫書記得, 呵呵), 好不容易終於到我, 我係快到前面個女人未行開, 我已經叫完野食, 佢一行開我就拎得喇! 全世界冇效率O既人, 快Ｄ跟我學下野!! 搵左個位坐低, 食完後去行街, 不過真係太多人, 同埋其實又冇咩特別, 所以行到三點幾就走喇, 買左一包小新貼紙, 好可愛架!! 返到屋企四點幾, 立即沖涼, 因為實在太熱, 太后話沖凍水涼, 我唔得呢, 咁凍!! 沖完涼睇返前日個＜動物橫町＞, 果隻兔仔真係幾得意, 所以話呢, 我真係鐘意Ｄ小惡魔!! 預計聽日"猛訓練" ORAL, 因為後晚考, 本來我係 20:05, 但上次 SENSEI 話會半小時前到, 所以我搏冇人咁早去考, 我果晚決定 6:10 返到去, 早考早走嘛, 呵呵!!
剪影:




戰利品:


Firefly --> (＜TIME＞), 好 ARASHI O既感覺!! 依然俾 SHO O既 RAP 迷住!!

今日去左飲茶, 之後去左銀行同埋超市, 不過冇買到野, 返左屋企坐左一陣, 上左一陣網, 就沖涼喇, 沖完涼就溫下聽晚 ORAL 題目咁, 其實都好難講, 因為總覺得 SENSEI 到時唔會跟張題目咁問, 不過我估計我應該 OK O既, 我要俾Ｄ信心自己!! 收到個電話, 原來係上星期寄果封信, 間學校打黎叫我星期三去 INTERVIEW, 話到時會考下打字咁, 果個人叫我要帶正/副本, 所以聽晚返去考 ORAL 前要去圖書館影印先(因為以前印落果 D 都用哂 LU)!! 亦因為果個人話要考打字, 所以我就搵返個測中文打字速度O既軟件出黎玩下, 估唔到我寶刀未老呢(見下圖), 不過我都唔抱太大期望, 因為總覺得佢地係係咁易見下我咁, 因為政府政策寫明係咁, 就當係轉運O既開始啦, 因為好耐冇試過有回音呢!


taiyounosekai --> (＜TIME＞), 第一次聽呢首歌係呆左, 因為 D RAP 太正, 係繼 YESNO 後讓我聽到呆左O既 RAP!!

今日日頭冇咩特別, 睇左尋晚O既＜宿題君＞, 真係好好笑, 因為做返"逆回轉", 不過估唔到 SK 退步左少少, 因為太耐冇玩吧!! 大約五點三出門口, 因為今晚考 ORAL, 本來約左 8:05, 不過又唔想咁夜, 所以一於早Ｄ返去搏冇人咁早到, 我真係早得好緊要, 未夠六點就到左附近, 所以去行十蚊店, 俾我發現到一隻可愛熊貓杯(見圖1, 圖2為與我而家用緊O既杯合照), 忍唔住買左!!之後行左一陣美麗華, 大約 6:15 返到課室, 已經有個同學到左等緊 SENSEI, 過左一陣 SENSEI 返到黎, 再過一陣就開始考喇, 我考第二個, SENSEI 都係問關於旅行同埋性格O既問題, 四分鐘好快就過去, 所以好快就考完, O係門口撞到 CHRISTINA, 之後同另一個同學講左幾句就走喇, 打電話叫太后等埋我先開飯, 就去到車站時走左班車, 等左十分鐘左右就有車喇, 好快就返到屋企, 之後沖完涼就開飯!! 不過食食下飯開始有少少胃痛呢, 唔知仲咩呢!! 另外皇上同太后今日去左行 MEGA BOX, 仲整左個喇叭返黎(見圖3), 不過好似好細聲咁O既, 定係我地慣左聽好大聲呢?! 今晚要早少少訓, 因為聽朝去見工, 係好難得有回音, 雖然我都預左唔會請, 不過就當係一個見工O既經驗吧!

Carry on --> (＜TIME＞), 歌詞好有意思!!

今早因為要去炮台山面試, 攪到尋晚訓得唔太好, 7:45 起身, 食左少少野就出門口, 出門口前好彩睇下對鞋咋, 又甩底事件!! 所以立即換左另一對鞋, 好順利到達炮台山, 不過搵左一陣先搵到, 攪到我 9:30 先到達, 雖然係約左 9:30 O既, 不過我先頭預計係 9:15 到, 等左一陣, 入到 IN 左幾鐘, 再等左一陣, 再去左做打字測試, 我再一次發現自己打中文快好多, 英文就真係 ...!! 大約 10:45 左右就走得, 去地鐵站好快咁影左幾張風景相(見圖1~11)!! 先返左屋企放低Ｄ野, 再換衫休息下咁, 11:30 出門口, 因為約左家姐 11:45 MTR, 去到等左個幾兩個字都唔見, ARMARM 想打俾家姐時, 家姐打黎喎, 原來佢企左O係我企果度過少少, 但大家咁 ARM 都睇唔到大家, 之後就陪家姐去睇牙, 大約等左一小時九個字左右啦, 我就不停咁睇 SAKURA MOMOKO 本書(見圖12), 很有趣, 就好像看小丸子一樣, 因為作者畫的小丸子時, 故事就是她自己的故事呢! 之後去左食麥當勞(見圖13~14)!! 食完坐巴士出左旺角, 行信和, 買左雜誌, 3本都係 KINKI 封面(見圖15), YEAH!! 本來想買 KINKI 隻 ALBUM 架, 不過都係唔買住, 因為帶唔夠錢, 遲Ｄ先算!! 之後行下十蚊店, 再行左去尖沙咀, 行到大約六點就去左食吉野家, 食完再行左一陣, 大約八點幾就走喇, 因為有少少累呢!! 返到屋企沖完涼, 食下火龍果咁, 再上下網咁, 皇上同太后拎左兩張熊貓 DM 俾我(見圖16)! BY THE WAY, 今日報紙話雅紀同水川 ASAMI 傳誹聞, 其實幾好笑, 成日呢Ｄ消息都係話"知情人仕"講, 但永遠都冇相, 所以睇完就算, 同埋其實水川 ASAMI 都唔錯丫!





ROCK YOU --> (＜TIME＞), RAP, YO! YO! YO~!!

今日本來諗住同太后落街行下, 不過諗下又好熱, 所以冇落到, 上下網睇下片同埋 PRINT 下野咁, 終於整返好部 PRINTER 喇, 因為之前印出黎有條白色線, 家下冇左喇, 太好了!! 今日突然間諗通左一點: 要學習接受看不順眼O既事!! 因為有時候, 見到唔順眼O既野, 一定自己好嬲, 不過嬲完, 對方都係覺得你有問題, 所以不如接受佢, 要接受世界上好多唔同O既人, 亦唔可能野都係 ARM O既, 所以而家一見不順眼O既事想嬲果一刻, 我會諗"由佢啦, 後果係點佢自己受返, 佢自己會負返責任"!! 另外今日報紙講雅紀十月有新O既舞台劇, 演一個有心藏病而沉默寡言O既人, 睇完呢段報導, 我個腦好快就諗到大約係咩樣, 因為前排亞仔唔夠訓同休息時, 都係差唔多咁O既 FEEL 呢(DONDAKE~~)!!
Cry for you --> (＜TIME＞), 音樂讓我覺得好激動!!

今天是我家太后的生日, 所以中午去了飲茶(見圖1~5)!! 然後去逛超市, 發現這個扭蛋機(見圖6~7), 每次竟然是 100 日元, 其實上月也看見了, 奇怪的是, 真的沒有人發現嘛?! 還是真的是要 100 日元?! 換了幾張最新的十元紙幣(見圖8), 其實應該說是"膠幣", 因為是用膠造的, 手感很特別, 完全不像真的錢呢!! 返左屋企一陣, 睇左＜爸爸與女兒的7天＞ch.3, 真係幾好笑呢!! 大約七點幾會合珍姨入左將軍澳食飯, 因為約左鴻舅父, 地點係"紫荊酒樓", 吃了很多東西呢(圖9~13), 有些來不及拍照, 大約十點八左右走, 十點十就返到屋企喇, 立即沖涼, 再整理下今日o既相, 原來影左好少咋! 另外, 珍姨送左個探熱針俾我地(見圖14), 好似係用超市Ｄ印花換O既, 謝謝!! 哈哈, 最後祝太后身體健康、日日開心!!





Love Situation --> (＜TIME＞), 音樂讓人想跳舞!!

今日係大日子呀, 因為十年前O既今日, 有兩個人出道, 而呢兩個人亦改變左我好多野, 佢地就係 KINKI 喇, 出道十週年, 恭喜!! 今日心情好好呀, 睇下片, 上下網咁, LUNCH 食上特製O既冷麵, 真係好好味呢!! 夜晚睇左套戲, ＜見鬼10＞, 其實都真係幾好笑, 不過個結局太差喇, 開頭一直講到好似好緊張咁, 但係結局真係汗!!
MUSIC OF LIFE --> (今日停一停＜TIME＞先), 呢首歌俾我個感覺, 就好似為呢十週年總結一下咁, 再去迎接下個十週年(好似八達通?! DONDAKE~)!!

今日冇出到街呢, 睇左幾集 MAGO, 因為原來我好多集未睇呢!! 夜晚整下網頁咁, 不過始終佢地未俾內容我, 所以都未完全攪掂, 我都係處於一個幾被動O既位置!!!
風 --> (＜TIME＞), 都係最留意Ｄ RAP, 點算?!

今日同寶姨傾左幾句, 大約兩點同太后落街飲茶(皇上先開位), 點知竟然發生左一件 ARIENAI O既事! 事緣係咁O既: 我地入左 LIFT 過左一陣, 大約到左 11字樓時開 LIFT 門, 見到有個送外賣o既女人, ARMARM 送完外賣入 LIFT 走咁, 但係開 LIFT 門果陣, 佢係蹲左o係個地度, 見到架 LIFT 門開左, 佢先施施然咁起身行入黎, 咁都算喇!! 佢入左 LIFT , 用個背挨住度 LIFT 門, 去到樓下打開 LIFT 門, 佢就完完全全咁阻住左個 LIFT 口, 而且仲一Ｄ都冇意思行出 LIFT 或者讓開俾其它人出, 之後太后就夾硬行左出去, 當我想出時, 佢又阻住左我~ 咁都算喇!! 佢行出左架 LIFT , 但仲阻住左我行唔到, 之但係佢企定左o係度數錢, 我住果度個大堂又唔大, 同埋又好多人想入 LIFT , 我行前又唔係, 退後又唔係, 所以我就講左一句: 請問你係咪行架呢? 唔行的話可否借一借?! 我講完後佢就望一望我, 咁我行到啦, 事件應該咁樣就完結~ 點知! 佢好大聲咁講: 嘩~ 而家行慢Ｄ都俾人鬧呀~ 有冇攪錯呀....xcxcdfdfdfdf!! 我咪一路行一路講: 你阻住我仲咁大聲!! 之後我就行左去, 但係佢就係咁O係後面大聲講, 仲要講黎講到都話: 行慢Ｄ都俾人鬧!! 其實真係好想反駁佢: 你唔係行慢Ｄ, 而係唔行企左O係度!! 不過~ 同呢Ｄ人講野就真係浪費氣力, 所以我冇理到佢就走左!! 之後O係商場都見到佢, 佢又係行行下突然企定定咁數錢!! 結果發表: 真係人O既質素問題!! 之後去左飲茶, 飲完茶去下銀行同超市咁, O係銀行見到個職員教緊個婆婆用簡易提款咭, 不過其實都幾難用, 當然眼力好同記性好O既係完全冇問題, 但我聽個職員講, 其實個過程都幾複雜咁, 見到個婆婆用完都唔係好知點用咁, 上左年紀記性唔好, 真係幾難呢, 正如前排我教婆婆用個手提電話, 我地覺得好簡單O既"鍵盤解鎖", 但係教左好耐都唔識噤, 所以而家唯有叫婆婆唔好鎖部機!! 返到屋企四點幾五點, 之後坐左一陣沖涼, 再攪下個網頁咁, 其實覺得係相片唔多夠呢!! BY THE WAY, 尋晚 KINKI 個 CON O既週邊實在超級可愛, 尤其係把扇(見下圖), 實在好想要, 不過今次又冇朋友去睇, 而出面一定炒得好貴, 所以都係睇下就算, 其實其它週邊都好可愛, T-SHIRT 係用返十年前O既相, 亞剛果張相真係鼻血都流埋(DONDAKE!!!)

Be with you --> (＜TIME＞), 唱第一句果個係咪 SAMI 黎架?! 把聲好似唔同左咁!

今日本來約左家姐 14:30, 不過後黎改左 14:00 O係黃大仙 MTR 等, 早左少少到, 然後去到美孚, 再坐小巴去左目的地, 我一個人去行左一陣就再次會合家姐, 再坐巴士出左旺角, 傾下計咁, 再行旺角, 先頭諗住我一定要買 KINKI 隻 ＜３９＞, 點知原來佢唔係 CD, 而係海鮮!! 因為價錢貴變得勁過海鮮!! 比上星期三貴左一百蚊, 我哭呀!! 點解上星期我唔買, 我張 POSTER 呀, 嗚嗚, 十週年 ... 唉!! 唯有請 KIDNEY 去日本時幫忙睇睇有冇啦, 我只能說"我好失敗!!"!! 之後行下呢度行下果度咁, 仲去左麥當當換左幾張美食券!! 好快就到左五點幾, 所以去左食吉野家, 真係好抵食呢, 教我落好多牛肉汁, 好似湯飯咁, 好好味, 我食得好快呀, 估計真係好餓O既關係!! 食完之後又去行信和一陣, 因為約左 KAT-TUN 個買家, 等左一陣就交收成功!! 之後我地行左去尖沙咀, 想去睇下支十六茶有冇果張貼紙, 點知搵唔到, 唉, 都唔知仲咩, KINKI 十週年, 我就 CD 又買唔到, 連支茶都搵唔到!! 唉!! 一路行到就黎十點就走喇, 返到屋企沖完涼再食左幾塊餅, 就睇＜大小愛吃＞, 不過果位嘉賓真係好難頂, 少野講都唔係咁誇張, 所以我覺得佢係裝扮出黎O既, 真係少Ｄ耐性都打左佢一身!! 某程度上, 我覺得人地問你野, 但你答親都係果兩三個字O既答案, 係幾冇禮貌O既事呢!! 家下對腳非常累!!
LIFE --> (＜TIME＞), 今次呢隻 ALBUM 實在充滿著 RAP, 注目注目!!!

今日冇出到街, 睇左 METORE G 同埋幾集日劇, 仲有睇返久前冇睇過果幾集＜惡作劇之吻＞, 其實台劇照計我就唔會有興趣, 之但係家下 TVB 播, 所以就會睇下咁, 但之前有幾集又冇睇少少, 所以就咁 ARM 有時睇返!! 今日突然收到 SPACE 封信, 嚇得我丫, 我以為要我補考, 原來係話 EXAM 時O既 LISTENING 第三題出左問題, 所以果 PART 每個人都拎到全部分數 30 分, 雖然係話 30 分咋, 之但係 LISTENING 係佔全卷 200 分裡面O既 10 分, 換言之以 100 為基準的話, 就只係得 1.5 分!! 突然間發現我仲未回信俾 YUMIKO 呀, 真係要寫喇!! 因為五月幾到而家, 實在有點耐!!
AOZORAPETARU --> (＜TIME＞), 有青春O既感覺!

今日冇出到街, 都係睇下有咩工 ARM 咁!! 同埋上下網, 睇下日劇咁!! 前幾日開始一直有一個感覺, 我希望做個有質素O既人!! 起碼做到人類最基本O既要求!! 因為覺得唔再堅決的話, 可能整個社會會退步落去!
AOZORAPETARU --> (＜TIME＞), 有青春O既感覺!

今日去左飲茶, 間酒樓果個埋單O既人真係, 計多左我地廿蚊, 好彩我地不嬲計左大約要幾多錢先去埋單咋!! 之後同太后行左一陣, 冇買到野, 返到屋企先記起唔記得左去行今日新開果間便服店添!! 返到屋企上下網, 再睇下卡通咁!! 原來"太陽之歌"(日劇)係山田孝之, 之前家姐話係藤原龍也, 雖然山田孝之我都唔太喜歡, 不過即管睇下好唔好睇啦!! 今日仲睇左幾個魔術!

今天的天空很美(看見這般美的天空, 覺得今天也能好好努力!!)


晚飯時試了這包梅子味的東西, 不知中文叫什麼, 就是用來拌白飯吃的東西!! 味道也算不錯呢!!


一邊看＜蠟筆小新＞, 一邊吃這包巧克力!! 真的太好味了!!


剛才抬頭一看, 月亮多麼的美, 忍不住又拍了一張照片!!


看來我今天的心情真的不錯呢!!
PEACH --> 大塚愛Ｄ歌真係好好聽!!

今日冇出到街, 因為一早起身發現又再次皮膚敏感, 都唔知點解, 所以 LINCH 完食左敏感藥, 不負眾望, 立即好眼訓, 所以由兩點幾訓到六點幾, 之後沖完涼又發現仲未好返哂, 奇怪, 明明訓醒時係好返哂!! DINNER 完本來諗住又食藥, 不過諗諗下都係臨訓前先食好Ｄ!! 睇左三集＜太陽之歌＞, 都 OK 好睇啦, 不過頭兩集就悶左少少!
KIMINOKAERUBASHO --> 時任三郎唱O既, 讓我諗起＜花嫁與爸爸＞O既感人場面呢!

尋晚都幾好訓, 因為訓前食左粒敏感藥!! 大約十二點四太后打返黎問我食唔食麥當勞, 差唔多十二點十皇上同太后返到黎, 我地就開餐喇!! 寶姨打左電話黎傾左一陣, 都唔知攪咩佢近排咁多事發生!! 希望唔好再發生呢類事件啦!! 之後睇左幾集＜太陽之歌＞, 都算 OK, 原來都幾多人做架呢, 有花男O既"櫻子"啦, 求婚大作戰O既 CHIBI 啦!! DINNER 後執拾左某一個櫃筒, 掉左Ｄ舊O既衫!! 大約九點半我準備去拎雪條食, 太后叫我拎支"椰林樹影"佢食, 下?! "椰林樹影"?! 諗左好耐, 原來佢係指果支"楊枝金露", DONDAKE!!~~(笑)! 晚上十一點九終於睇哂＜太陽之歌＞, 我覺得呢套劇幾有勵志O既 MESSAGE, 成套劇我都冇喊到, 只係最後果集, 當"薰"同 MISAKI 講話佢萬一有咩事, 也請好似而家咁成日黎佢間房, 咁樣佢爸爸媽媽就唔會覺得寂寞, 果一刻好感動, 可能佢自己都知道會變成最後咁吧!! 但最唔甘心O既係, 佢努力左咁耐, 而且仲將自己O既性命換成夢想, 但係只係爭少少, 都完成唔到夢想, 真係有少少覺得個編劇好殘忍!! 好彩到最後佢首歌都出到 CD, 都係一件好事!! 其實我唔係好知呢套係唔係真人真事改編, 但係都幾好睇, 有少少想睇埋套電影!!
TAIYOUNOUTA --> 呢首歌幾好聽, 但係 ERIKA 好似成日都演呢類角色咁!

今日睇＜惡作劇之吻＞, 不過依然覺得台劇O既節奏好慢!! 係快過韓劇咁!! 之後同樓上個姨姨飲茶, 飲完茶上左姨姨屋企坐左一陣, 之後返左屋企又坐左一陣, 沖完涼後, 見到某學校請人, 所以又好似抄咁填左果張好煩O既 FORM!! 今晚開始明珠台會播＜14歲媽媽＞, 攪到我又想睇多次, 雖然果個男仔真係好令人討厭(係指個角色本身, 同果位演員冇關O既!)!! 今日 JOHNNY 官網好少有地有得訂購 7/22 KINKI O既週邊, 不過因為種種原因, 決定唔訂喇, 因為我訂得咁少, 再計埋手續費+運費, 差唔多貴左一倍呢!! 我而家只係希望快Ｄ收到網頁O既回報, 同埋快Ｄ是但一份工請我, 咁我就可以快Ｄ去日本再玩下或者留學!!
My Generation --> YUI O既歌, 應該算係我第一次聽 YUI O既歌吧!! 但好似唔知O係邊聽過咁, 好熟!

今朝比平時早左幾個鐘醒左, 之後睇下電視咁, 睇左幾段 FNS 27 小時, 都好感動呢!! 夜晚本來約左珍姨O既, 不過後黎計劃有變!! 夜晚冇咩特別, 睇左有線果套＜豬扒大聯盟＞, 好似未睇過咁, 內容就一定冇架喇, 但總算叫做幾好笑!! 同某個朋友傾左一陣 MSN, 亦因為某個原因, 所以全程用日文傾, 我發現我講同聽同睇都 OK, 但寫就需要多少少時間!! 睇左段 NEWS, "MJ WALK"好正, 真係好型, 好有諗頭, 不過如果事先唔知O既情況下O係現場睇到, 你都咪話唔嚇親!! 今日唔知點解試過兩次好似中左視窗炸彈咁, 但 SCAN 過又冇事!
ENERUGI --> 我真係好受不住人地唔守承諾或者做事唔夠利落, YARITAKUNAINARA YARANAITTEITTEYO, SOREDE IIJAN?!!