尋晚諗住早D訓, 點知眼光光都係到差唔多兩點半先訓著, 但係訓下醒下咁, 較左鬧鐘同電話 8:00, 不過我 7:59 就醒左,
我係望住個電話等佢響, 發現用 "YES NO" O既 RAP 黎做鬧鐘幾好, 因為一定忍唔住起身 YO! 幾聲(DONDAKE!!),
食左幾塊餅+ ZERO 做早餐, 上左一陣網, 大約 8:45 出門口, 坐 MTR 去灣仔, 途中有望過一次果本"二級文法",
基本上係 OK!! 出左 MTR, 發現我竟然唔記得左灣景中心O係邊, 好彩行行下又記起, 真係好鬼遠!! 去到冇幾耐就入課室喇,
PART 1 都 OK O既, 係有D詞語硬係唔記得有冇長音呀咁, 希望唔會選錯啦!! 文法部份應該都 OK, 讀解部份,
出左"李良枝", 我估好多人都鬆左一口氣, 其它讀解都 OK 掛, 但就有幾題個答案好似兩個都 ARM 咁!! 考到 11:45,
就放 BREAK, 我立即去左洗手間, 因為好多人排隊, 之後同 KEN SAN & CHRISTINA SAN 傾左一陣, 大家O既答案都差唔幾咁!!
然後 12:15 開始考 LISTENING, 有圖睇(問題1)果 PART 完全冇問題, 至於問題2, 都過得去掛, 但係問題3呢, 就可能有少少危,
因為唔係好記到D重點, 而且講得好快, 聽得黎寫低重點黎, 就 MISS 左一句, 考到 12:45, 然後走, 真係考完都唔知自己點,
估計合格掛!! 之後同 KEN SAN 行返去 MTR, 我自己坐 MTR 去左太古, 因為好耐冇行過果邊, 同埋想行下果間新開O既 APITA,
星期日果然好多人!! 行左 UNY, 嘩!! 有好幾部扭蛋機大減價, 出面要 $10, 佢而家只係 $5 咋, 所以都忍唔住扭左兩次 KERORO,
同埋一次叮噹, 另外仲扭左一個路牌貼紙, 但扭唔中我心目中想要果個!! 之後去左食麥當勞, 見到<開心樂園餐>原來送遊戲機喎,
所以就食左個豬柳漢堡餐, 仲用左兩張 $10 券添!! 但排隊時, 前面果位女人好煩, 因為先頭見得佢咋嘛,
咁咪排囉, 點知買完一個餐俾左錢, 佢再買, 因為眼見有4,5個O靚仔, 咁分開兩次買我都算, 但係佢一共係分開左6,7次咁買,
每次叫左一個餐就俾一次, 仲要等個職員去拎張單俾佢, 如事者真係足足等左成三個字, 點解D人可以咁自私,
唔可以將所有事做得有效率D O既(日文所說O既 TEKIPAKI=有效率, ARMARM 溫書記得, 呵呵), 好不容易終於到我,
我係快到前面個女人未行開, 我已經叫完野食, 佢一行開我就拎得喇! 全世界冇效率O既人, 快D跟我學下野!!
搵左個位坐低, 食完後去行街, 不過真係太多人, 同埋其實又冇咩特別, 所以行到三點幾就走喇, 買左一包小新貼紙, 好可愛架!!
返到屋企四點幾, 立即沖涼, 因為實在太熱, 太后話沖凍水涼, 我唔得呢, 咁凍!! 沖完涼睇返前日個<動物橫町>,
果隻兔仔真係幾得意, 所以話呢, 我真係鐘意D小惡魔!! 預計聽日"猛訓練" ORAL, 因為後晚考, 本來我係 20:05,
但上次 SENSEI 話會半小時前到, 所以我搏冇人咁早去考, 我果晚決定 6:10 返到去, 早考早走嘛, 呵呵!!
剪影:
戰利品:
Firefly --> (<TIME>), 好 ARASHI O既感覺!! 依然俾 SHO O既 RAP 迷住!! |