 歡迎睇我任何一日私日記!(私日記。WATASHINO NIKKI！) |
1/6/2007  |
|
我真係今日先知原來今日係國際O既兒童節, 我仲以為係4月4日添!! 去左飲茶, 飲完茶後去左德福坐免費車去左 MEGA BOX(見下圖),
完全是因為 B&Q 這一家大型家品店開張, 所以去看一看, 不過現在只有三家店開了, 那個地方其實不太吸引呢~!
可以講唔想再去添呀, 不過遲Ｄ開哂就會好好多掛!! 行到五點幾再返去行左一陣德福, 再返屋企, 今日有少少累呢,
真係唔知係咪天氣太熱O既關係呢! BY THE WAY, 今晚步姐又會黎香港拍 PV, 不過最 SHOCK O既係男主角竟然係余文樂,
我無言! |
| 2/6/2007 |
|
今日同平時O既星六唔係好同, 因為家姐唔得閒, 所以就同左皇上同太后出左旺角, 其實係去換信用咭禮物(見圖1),
不過真係好多人又好熱!! 都冇咩心情行街睇野, 行到五點幾就走喇! 仲要坐小巴, 都幾快!! 另外, 今日收到O係拍賣幫喵買O既場外限定照片(見圖2)
真係幾靚, 不過好貴, 唔捨得買, 所以借左黎 SCAN 左就算喇!! 今日為左媚媚(我大表妹)而安裝左 YAHOO! Messenger,
不過唔知點解明明 SET 左話唔接受其它人邀請, 但係都好多人 ADD 我! 所以都係唔長開喇! 同埋諗住 MSN 話可以 SUPPORT Y!M,
點知媚媚O既 Y!M ONLINE, 但係 MSN ADD 左都見唔到佢ONLINE O既!! |
| 3/6/2007 |
|
今日冇落到街, 因為怕人多同埋怕熱!! 無意中睇返自己網頁個留言版, 先見到原來 HONEY KAZU 同埋 UNCLE RAYMOND 上個月留左言俾我,
証明我幾耐冇睇過自己個留言版呢!! 所以立即 ADD 左 HONEY KAZU, 同埋 EMAIL 左 UNCLE RAYMOND, 諗返先至醒起原來都好多年冇聯絡過!
我真係唔太識去珍惜身邊O既朋友! 要好好反省一下!! 報紙話 PANKUN 要被迫引退, 我去佢地個官網, 果然係冇左,
前幾日睇都仲有呢!! 雖然我知道佢地好辛苦, 但係依然會唔捨得佢地, 希望日後有機會的話, 去阿蘇動物園探下佢地啦,
聽講動物園起緊一個地方俾 PANKUN, 希望佢快Ｄ搵到女朋友啦, GANBATTE!! 翻睇左兩集＜與光同行＞, 依然好感動呢!!
夜晚同 HONEY KAZU 傾左一陣 MSN!! |
| 4/6/2007 |
|
今日睇新聞先記起係六四O既十八週年! 去左飲茶, 之後去左超市買野就返左屋企喇, 因為天氣實在太熱! 返到屋企沖完涼,
睇左幾集＜與光同行＞, 依然好感動呢!! 夜晚無意中搵到兩個心理測驗之類O既, 好奇地就測左(結果請看 BLOG, 日文的),
其中最令我 SHOCK O既係, 竟然話我係注重異性外表!! HAHA, 我承認我係鍾意靚仔, 但有邊個唔係呢?! 呵呵,
不過個結果好似幾準咁! MA~~ 玩下O者, 唔洗咁認真!!! |
| 5/6/2007 |
|
今日天氣依然好熱!! 皇上同太后又去 MEGA BOX 買野, 我就上下網咁啦, 睇左尋日O既宿題君, 雅紀真係實在太太太可愛喇,
攪到我忍唔住大叫"超~~KAWAII!!", 好彩屋企冇人咋, 如果唔係實以為我傻左!! 到左 5 點左右食米粉, 然後坐車返學,
我出門口時佢地仲未返到呢!! 早左少少返到, 所以就去左行十蚊店, 不過冇咩特別!! 返學都冇咩特別! 同 KEN SAN 傾左一陣,
佢又講得 ARM 喎, YEAR 6 係高級文憑, 梗係讀埋啦, (其實呢幾日煩惱緊讀唔讀 YEAR 6), 好!! 決定讀埋 YEAR 6,
因為又真係差一年有高級文憑, 抵讀呢(皇上太后, 唔好意思, 要你地供埋我讀 YEAR 6 喇)!! 放學返黎沖完涼就食左幾塊朱古力餅,
不過"林"哂, 但都好好味!! 突然間諗起今日睇O既＜堂本兄弟＞, 嘉賓講述佢曾經試過有癌症, 當時醫生話最多仲有一星期命,
佢話當時只係諗"咁我要努力, 令到死都無悔/無憾!", 我O係度諗, 他日要返神身邊時, 我能唔能夠做到死而無憾呢?!
呢一刻我知道我做唔到, 但係我都要努力, 希望他日時晨到時, 我可以死而無憾(大吉利是!!)!! 另外, 今日諗到一樣野,
一段友情, 最讓人心痛O既唔係嗌交收場, 而係唔知發生咩事, 對方有一日突然疏遠你, 果種莫名奇妙O既感覺,
比任何說話傷人, 就黎兩年喇(兩年前, 最後一次見面係你生完BB, 我去醫院探你吧!)! 唔知點解, 會覺得原來我地以前O既感情,
係咁脆弱, 而呢兩年間, 令我最驚訝O既係, 我地就好似從來冇O係對方O既生命出現過咁, 他日就算O係街撞到,
我估都只會好老土咁, 點下頭問候一下, 然後唔知講咩好! 不過, 我知道你生活開心, 囡囡健健康康, 生活幸福快樂,
咁就夠喇!! 我會好好珍惜以前一齊過O既日子!! HAHAHA, 突然間有感而發添!! |
| 6/6/2007 |
|
今日本來諗住唔落街, 但係婆婆話黎, 所以同太后陪左佢去飲茶(其實今朝起身時, 唔知點解覺得今日會係去飲茶!),
飲完茶後行左一陣, 去左奇華換餅, 不過其實真係得個合桃酥好味架咋, 我到家下仲記得果個"膠味O既銅鑼燒",
同埋"冇椰絲味冇糯米味冇紅豆味O既椰絲紅豆糯米滋"! 買完後返左屋企, 教婆婆用個手提電話, 然後大約五點就沖涼,
DINNER 完就睇 SMAP X SMAP, 然後突然間想將Ｄ一直好鍾意O既歌詞放去 BLOG, 所以就搏哂命咁貼, 點知原來一日只可以貼 30 個帖,
意味住, 今日滿左額, 之但係我又唔知佢點計喎, 因為日本同香港有時差, 希望一陣過左十二點就得返啦, 如果唔係我聽日就冇得更新個 BLOG 喇!!
其實最諷刺O既係, 咁 ARM 我想貼最後一首(目前), 亦係最鍾意, 最有意思O既一首時, 就滿左額唔俾我貼, 真係當堂苦笑!
BY THE WAY, 今日新聞話 SHINO(林曉培)今朝醉酒開車撞死左人, 真係唔明O既, 飲左酒真係唔好開車啦, 真係要知道後果真係好嚴重,
雖然我好鍾意 SHINO Ｄ歌, 但係今次呢件事真係絕對唔可以原諒, 因為真真正正改變左人地O既人生, 唔止係今次不幸O既果位小姐同埋 SHINO 本身O既人生,
佢O既家人/朋友/同事 ... O既人生都有影響!! 唉 ... |
| 7/6/2007 |
|
今日冇落到街, 上下網, 無無聊聊咁!! 今日真係冇咩特別事呢!! 突然覺得真係要好好珍借身邊O既野!!
攪咩呢幾日咁鬼感性架呢?! 覺得就算自己幾小心都好, 世界上總會有人唔守規則, 總有機會出意外, 意料之外!!
我都想O係我拜拜果一日能夠無悔今生, 就好似前幾日＜堂本兄弟＞果個嘉賓一樣!!! 講返Ｄ開心事, 我今日先知原來三角君有鈴聲架!!
JANICE SEND 左俾我, 真係超級可愛!! |
| 8/6/2007 |
|
今日同樓上個姨姨去左飲茶, 之後行超級市場, 見到竟然有"十六茶"賣喎, 不過冇價錢, 所以冇買到!! 返到屋企沖完涼,
睇左一陣電視, DINNER 完突然間又發現間房好亂喎, 所以執下個床下底, 終於將以前讀書時O既 NOTES 掉左, 剩返Ｄ書同埋寫 PROGRAM O既教程,
奇就奇在掉左成箱野, 但係間房竟然冇多左空間!! 勁!! |
| 9/6/2007 |
|
今日發現有少少皮膚敏感, 所以 LUNCH 後就食左粒敏感藥! 睇左＜我們的教科書＞CH.9, 真係好感人!! 好緊張!!
睇完真係頂唔住, 因為藥力發作, 好眼訓, 所以大約三點就訓, 訓到五點太后叫醒我, 然後就準備出門口, 大約五點九出門口吧!
等左一陣就有車喇, 比我想像中塞車時間少左, 所以六點三到就到左旺角, 一落車家姐打黎話要返一返屋企, 但係會盡快出黎,
所以我行左一陣就去左麥當勞搵位, 會合左家姐後, 就食我地O既晚餐喇!! 試吃了那一杯新出的"綠茶紅豆新地"(相片忘了拍),
但是這杯新地的味道, 只能用"黑線"去形容, 弄得我跟姐姐二人好不容易才吃完!! 然後也吃了新推出的"雙層魚柳包",
包裝全都是史力加呢(見圖1~2)!! 之後去行信和, 幫喵喵睇碟, 然後左睇右睇咁!! 大約十點幾就坐巴士返屋企, 十一點左右返到,
沖完涼食左少少野, 突然間電話響, 原來係 FREDA, 傾左一陣啦!! 以下是今天的戰利品: @ 翔 & 雅紀的扇(見圖3),
謝謝 HUHU 幫忙買, 也要謝謝 S 拿給姐姐, 也要謝謝姐姐拿給我!! 另外姐姐送的小銀包 / 彩色版熊貓印章($5而已),
值得一說的是右下角的兩個扭蛋, 真的超級可愛, 是求簽筒來的!! 我抽到一個正露丸及一支藥膏!!(見圖4)
其實還看見有一個熊貓的扭蛋, 只是還未有散賣, 所以等有散賣時才買吧! 這款扭蛋家附近只是$5/次, 信和竟然是$10/次,
但是還是不抽, 因為總不會這麼好運一抽即中熊貓吧!! 仲有就係硫黃島戰書 DVD(見圖5), 是姐姐借我看的!! |
| 10/6/2007 |
|
同亞妹傾左一陣電話!! 今日不停咁落雨, 所以本來諗住去 MEGA BOX 行街都冇去!! 大約四點珍姨打黎話佢地O係 MEGA BOX 超級多人,
而且係多人到唔俾入, 有排等果隻!! 所以就話不如去行黃埔O既 ESPRIT, 所以我同太后就一齊去!! 都行左個幾鐘,
我仲有禮物收添(見下圖), 真係要多謝姨丈同珍姨!! 差唔多七點幾返到屋企, 沖完涼就食飯!! |
| 11/6/2007 |
|
今日去左飲茶, 之後去左超市買野, 途中仲經過左今日新聞講O既明渠(今天看新聞說: 牛頭角一條明渠出現10多條塘虱，
每條有一呎多長，相信是連日大雨由暗渠沖出來。有市民用魚杆將塘虱釣起，每條約有7至8斤重。), 不過我倒沒看到塘虱,
反而是看到 TVB 的攝影機(見圖1~2)!! 買完野就返屋企, 上網睇下野咁!! DINNER 後突然間覺得好暈, 我估計又係作病,
因為今日個喉嚨有少少乾!! |
| 12/6/2007 |
|
尋晚十二點時突然間發燒+發冷, 以為出身汗就冇事, 點知今朝燒到 101 度, 食左藥就好左少少, 夜晚冇發燒喇,
不過實在太辛苦, 訓足一日, 只係夜晚十一點幾爬出廳睇＜大小愛吃＞, 本來諗住唔睇, 但最後都決定睇!!
BY THE WAY, 今日收到 FREDA 寄黎O既請帖(見下圖), 好替佢開心呢, 之但係我果日唔係好得閒 ... 另外今日病到返唔到學,
相信同學們一定覺得好奇怪呢! |
| 13/6/2007 |
|
本來諗住尋日退左燒就冇事, 點知今日又再次燒到 101.1 度, 真係暈下暈呀咁, 所以頂唔順去左睇醫生, 冇去衛生處果Ｄ診所,
因為 BOOK 唔到位, 所以去左屋企附近O既診所(見圖1), 就係同上次果個牙醫一齊開果度, 等左一陣, 原來話我"扁桃線發炎",
其實真係由細到大都成日係咁樣, 醫生仲話我個肺有Ｄ痰, 亦因為發炎, 所以要食抗生素!! 睇完醫生返屋企沖完涼食左藥,
四點正!! 入左房諗住睇下碟, 因為唔想成日訓, 點知最後係訓左都唔知, 到左六點幾太后叫我話亞康(我表弟)上緊黎食飯,
咁我先起身, 因為真係食左Ｄ藥好眼訓!! 過左一陣亞康就黎到喇, 傾下計咁啦, 之後食飯, 本來諗住出去食架,
不過我真係太暈, 所以只好請皇上下廚呢! 食完飯又傾下計咁, 亞康送左幾隻熊貓俾我(見圖2), 謝謝呢!! 大約八點半左右佢就走喇,
好抱歉今日冇咁同你講野呢, 因為我食左藥真係暈暈地!! 祝你一路順風啦, YO!! BY THE WAY, FAX 左功課俾亞 SIR LU!! |
| 14/6/2007 |
|
今日都係咁啦, 係就係好左少少, 不過夜晚都訓得唔太好, 仲有有少少咳, 食左Ｄ藥好暈下!! 口淡淡, 好辛苦下!! |
| 15/6/2007 |
|
今日都冇出街, 因為發現食左Ｄ藥有時會好暈!! 今日都係冇咩特別, 休息休息, 我只希望今晚可以訓得好Ｄ!!
因為前幾晚都訓到半個鐘再眼光光兩個鐘咁, 同家姐講左聽日唔出, 因為真係有少少暈!! 我希望快Ｄ好返啦,
而家個口又咩味都冇, 好辛苦, 有時飲水都想嘔呢!! |
| 16/6/2007 |
|
今日都冇出街, 要過幾日好返先可以幫喵買 CD 喇!! 雖然而家得返今日同聽日O既抗生素, 其它藥都食哂喇,
但係仲係間唔中咳, 同埋有少少痰咁!! 喉嚨仲係痛, 點解會咁架?! 好辛苦呀, 講野都唔係好想講, 但願食埋聽日Ｄ藥就好返哂啦,
尋晚訓之前食果次藥真係爭少少嘔, 因為個口淡到好辛苦, 我咁大個女真係未試過食藥食到想喊, 呢個醫生Ｄ藥真係 ...!!
我而家好怕食哂Ｄ藥仲要睇多次, 因為好似真係未好返哂咁!! 唉 ... !! 另外今日睇左＜我們的教科書＞CH.10,
好好好睇!! 另外睇左大半＜硫磺島戰書＞, 都幾好睇, 其實有少少想睇前半＜戰火奇蹟＞, 不過有時間先睇啦!
夜晚睇左國際台果個新節目, 係講個外國女仔去日本體驗當地文化, 都幾有趣喎, 令我最好奇O既其實係 ... LOVE HOTEL,
因為佢影出黎的確好似個主題公園咁, 有機會真係想去參觀下(係參觀O者!), 不過如果真係好似果個女仔講O既好臭, 咁就免喇!! |
| 17/6/2007 |
|
今日都冇出街!! 尋晚 TEGOMASS 去左台灣O既金曲獎(MASU依然好可愛!), 今日西門町有 MINI CON, 最幸福O既係今年十月 NewS 會去台灣開 CON,
台灣市場真係大呢, 幾時先黎香港呢?! 今日我睇埋後半O既＜硫磺島戰書＞, 都 OK, 因為戰爭片我唔太 ARM 睇,
好恐佈呢!! 我個喉嚨仲係有少少痛, 其實我覺得係損左果種痛, 會唔會係上次整果張 X-光呢?! 嗚嗚!! BY THE WAY,
尋晚訓之前睇左少少電視播果套好鬼得人驚O既電影, 真係好恐佈, 但我又唔知點睇到最後喎, 但又唔知點解唔太記得個戲名,
只係知道大約係講個朋友隻牙甩左, 然後有隻魔鬼咁, 會殺人O既, 但你只要留O係有光O既地方就安全, 好恐佈!!
另外是前幾天在拍賣場買的福娃磁貼(見下圖), 雖然我的目的只是熊貓的那一塊, 不過這還算便宜, 只是 $10 ,
本來有想過買這牌子的牛奶的, 不過差不多三十元送其中三款, 而且我不是常喝牛奶, 所以還是這樣買一套比較化算呢!!
另外今日除左係爸爸節之外, 仲係 TSUTSU & NINO O既生日!! 祝你地身體健康, 日日開開心心!! |
| 18/6/2007 |
|
自從上星期三落街睇醫生以黎, 第一日落街!! 去左飲茶, 叫左碟飯食, 之後去左超級市場買完野就返屋企喇,
沖完涼睇左陣日劇, 尋日開始搵返套＜MOTOKARE＞黎睇, 唔知點解突然好想睇!! 晚餐太后煲左木瓜雪耳湯, 飲完個喉嚨又真係好Ｄ咁,
亞姍同埋 CONNIE 分別打過俾我, 但好抱歉, 我聽日去唔到呢, FREDA 請唔好介意呵 ... 同 CONNIE 傾左一陣, 真係好攪笑, 遲Ｄ見面再傾過丫! |
| 19/6/2007 |
|
今朝十點幾醒左, 睇左大半集＜MOTOKARE＞, 之後飲左罐汽水, 再上左一陣網, 就出門口喇, 因為今日有聚會,
等左一陣就有車, 好準時咁去到瓊華門口, 等左一陣就見到家姐喇, 我地一黎就去左七樓果間＜壽司亭＞食 LUNCH,
食左個 SET, $55, 好多野食呢(見圖1), 家姐果個餐(見圖2), 仲有全單 85 折, 所以好抵食呢!! 之後去左朗豪,
再去信和, 但喵喵想要果隻碟賣哂, 所以冇辦法呢, 買左 7 月號雜誌, 然後又去朗豪, 再行去尖沙咀, 因為想影海港城出面果十隻大熊貓(照片亦請去 BLOG, 我亦懶得 COPY, 因為影左幾多),
影完就去左行書店, 夜晚去左食＜大家樂＞(見圖3), 再行左一陣就走喇, 我上到巴士大約 20:45 左右吧!! 見到個 TVB 男藝員上我坐果架巴士,
不過認得個樣唔知咩名, 仲坐我對面添!! 九點幾返到屋企, 好累呢!! 因為著左對新鞋, 有少少夾腳, 不過相信多著幾次就 OK!!
要對 FREDA 講聲抱歉, 冇去到飲, 因為今日個聚會的確好難得呢, 一早約好, 總之就好抱歉呢!!! |
| 20/6/2007 |
|
尋晚掛住睇＜MOTOKARE＞, 所以三點幾先訓! 今日冇出到街, 尋晚訓前 SEND 左個 ICQ OFFLINE 俾敏如, 今日佢 ONLINE 時傾左幾句,
好幾年冇傾計呢, 得知佢有左ＢＢ, 真係戥佢開心!! 傾左一陣, 我就睇下電視咁, 反而好少上網, 因為想睇哂＜MOTOKARE＞先,
BY THE WAY, 下晝時整左雜誌拍賣, 天氣真係幾熱!! 夜晚甜品有朱古力雪條(見下圖), 超級好味!! 真係暫時忘記要減肥呢一件事!!!
祝敏如今日生日快樂!! |
| 21/6/2007 |
|
今日本來諗住同太后去行下 MEGA BOX, 不過因為車站太太太多人喇, 所以去左行德福+淘大, 行屈臣氏果陣,
發現到一個好攪笑O既價錢牌(見圖1), 真係太攪笑!! 行左一陣, 去左＜吉野家＞食下午茶(見圖2), $14 實在太抵食!!
最衰唔記得拎張券, 如果唔係仲可以免費轉汽水!! 食完之後返屋企, 沖完涼咁 ARM 有人黎整電視, 所以我只好入房睇碟,
尋日開始睇＜STAND UP＞, 因為諗到有咩想睇呢!! BY THE WAY, 今日我終於拎到 SAMMI O既 SKII DM 喇(見圖3),
實在太開心喇!! |
| 22/6/2007 |
|
今日去左飲茶, 之後行左一陣超市就返左屋企喇, 因為真係好熱, SUMMER 點算好?! 沖完澡睇下卡通咁, 晚餐係沙律大餐(見圖1),
真係好好味好好味!! 不過食完飯一陣就覺得好肚餓, 所以整左個杯麵食!! 一定肥Ｃ我!! 另外睇左少少 SHINDOI,
原來 SANRIO 會O係7月6日出新O既公仔, 仲係一隻熊貓黎架(見圖2), 佢個名叫 PANKUN(系列叫做 PANKUNCHI),
哈哈, 同小猩猩 PANKUN 撞名添!! 好得意呀真係!! 睇黎好大機會破產!!! |
| 23/6/2007 |
|
今日冇出到街呢, 係咪好少有呢?! 因為家姐下星期放大假, 所以到時先再出吧!! 今日好衰呢, 原先諗住溫習,
因為七月中我就要 EXAM 喇, 不過又發現好多日劇未睇, 所以一口氣睇＜我們的教科書＞、＜花嫁與爸爸＞、＜特急田中3號＞、
＜鬼嫁日記＞, 前兩套都非常感動!! 我仲一邊食住肉麵包一邊睇添, 好好味!! 夜晚 DINNER 完見到個天好靚,
仲影左幾張相呵(見圖1~3), 相信聽日好大機會落大雨呢!! |
| 24/6/2007 |
|
今日天氣太熱, 冇出到街, 其它冇咩特別呢!! 夜晚睇左一陣電視, 其實好似好耐都未試過坐定定咁睇香港o既電視節目喇,
其實唔係因為個節目好睇, 只係我Ｄ日本節目睇哂(其實都未完全睇哂O既)! |
| 25/6/2007 |
|
今日同安怡地傾左一陣 MSN 視像, 之後去左飲茶, 飲完茶再同太后行左一陣, 再返屋企, 沖完涼上下網咁,
聽晚要返學, 其實仲未開始溫書, 仲有三個星期左右就考試喇, 我一定要合格呀!!! 睇左木更津電影版, 果然睇到最後,
我忍唔住喊左出黎, 同埋 SHO 個喊樣真係太正!! 攪到我勁截圖(見 BLOG), 我O既喜好果然好怪!! BUSSAN, BYE-BYE!!
另外, O係網上整左三個砌圖仔, 幾得意架, 大家都玩下啦!! |
| 26/6/2007 |
|
今日冇咩特別, 天氣報告話會落雨, 睇左＜求婚大作戰＞大結局, 係 OPEN ENDING, 都唔錯, 估計好大機會有 SP,
睇左尋晚O既＜宿題君＞, 果碗茶漬飯 ... 我真係頂唔順(雅紀對不起!!), 因為令我諗起當年中學時, 去個同學屋企玩時,
LUNCH 竟然係汽水泡飯, 真係諗起都想嘔, 果個同學仲話勁好味!! 大約 5 點就食我今日O既晚餐, 原因是因為夜晚要上日語課,
要是出門前不吃東西的話, 要等到差不多十一回到家才能吃, 所以雖然不餓, 但上課日出門前, 依然是會吃晚餐(?!),
今天吃的是豬骨湯杯麵, 看上去真的好像很美味, 還有充足的配料, 最神奇的是, 它真的有一顆雞蛋耶!! 再加上自家的粟米粒作配菜,
看上去真的 100 分!!(見圖1~5), 結果: 這個 ... 完全不好味~(哭)!! 出門口前落左一陣雨, 好彩我出門時冇落雨咋,
等左一陣就有巴士, 突然間覺得香港O既交通都幾發達, 因為巴士又平又方便, 仲好快添!! 就到目的地時, 突然間落大雨,
我仲諗住我落車一定要開傘, 不過好彩, 我落車時停左雨 LU!! 早左少少到達, 見到裕華門口有一張大熊貓呢(見圖6),
再行左一陣就返學喇, 問 KEN SAN 借返上一堂Ｄ筆記, 原來上堂大家都約左 ORAL O既考試時間, 同埋派左題目,
但 SENSEI 今日唔記得帶Ｄ題目, 所以話下星期先俾到我, 我都約左 ORAL 時間, 係晚上O既 8:05, OH NO!! 以往果 4 年我都係考第一個架嘛,
今年真係要考咁夜, 咁 ... 我點算好?! 唯有睇下可唔可以食完 DINNER 再出門口啦!! 扁桃線~ 算你狠!! 另外 SENSEI 話上次我 FAX 俾佢O既功課,
唔知點解好黑, 睇唔清, 好彩我今日有帶原稿咋, 因為出門口前有諗過唔帶!! 即時俾佢改埋, 今堂教O既野都唔算太深掛,
家下我開始擔心 EXAM, 因為雖然話大半係 MC, LISTENING 我都唔擔心, 其實我而家最驚動詞/形容詞O既變形(唔識講~~),
我成日都錯架呢!! 放學等左一陣有車, 亦好好彩冇落雨, 返到屋企都係十點四左右啦, 對鞋依然有少少夾腳, 一定要諗個方法先,
因為對鞋真係好貴!! 沖完涼整宵夜食, 其實也只是十一時左右吃的, 這天是"火龍果粟米肉鬆沙律", 材料: 火龍果一個、
粟米粒適量、肉鬆適量、沙律醬適量!! 做法: 把火龍果切成小塊, 再把其它材料放進碗中混合!!(見圖7~8), 雖然看起來不太吸引,
但其實味道真的讚!! 真係好好食!! 我都分唔到係健康定唔健康 LU, 因為咁夜食下生果呀咁又好健康, 但係沙律醬又可能食肥人,
不過唔理喇, 點都健康過食個麵(又令我諗起返學前食果個杯麵, 我期待左幾日, 點知難食成咁!)!! 聽日同家姐有個約會,
因為佢有飛睇＜惡童＞, YEAH!! 約左去＜壽司亭＞LUNCH, 本來諗住約佢去西九龍食壽司自助餐O既, 不過諗諗下,
天氣咁熱都係唔太好, 同埋去的話, 我一定忍唔住勁食北寄貝架, 貝類海產高危!! 所以都係唔好喇!! 其實壽司亭真係唔錯呢!! |
| 27/6/2007 |
|
今朝俾個電話嘈醒, 唔知咩野問卷咁, 所以我收左佢線!! 十二點幾食左個粟米肉鬆沙律 + ZERO 先出門口,
因為約左家姐行街街, 我早左少少到, 所以行左轉瓊華, 不過冇咩店開左門, 其實就算開左都冇咩野睇!! 等O既過程中,
無意中見到果間＜笑笑＞O既 SET LUNCH 都幾抵咁, 所以會合家姐後, 就提議不如去試下!! 環境都唔錯, 其實有少少似＜和民＞,
我叫左個三文魚+飛魚子飯, 家姐叫左個牛肉蛋包飯(見圖1~6), 都幾好食, 但我好失敗, 因為一邊食一邊其實覺得冇咩味,
點知食完家姐先醒起點解我唔加醬油食, 我先諗起有世界上有醬油呢樣野!! 不過我已經全部食哂!! 下次我一定會食之前記得!!
食完之後行下信和呀咁, 大約四點幾行左去油麻地百老匯電影中心, 因為家姐有兩張＜惡童＞O既換票証(見圖7~8), 所以就去換定飛先,
開六點正, 見有時間, 所以行左去尖沙咀, 行下呢度行下果度咁啦, 突然太后打黎, 原來佢自己去左行街, 仲買左幾個＜我們這一家＞O既袋呢(見圖9)!!
都好實用下, 抵買, 不過有兩個係安怡O既!! 另外, 我O係行街O既途中, 無意中O係某間屈臣氏見到我一直買唔到O既 DORORO 綿花糖喎(見圖10~11),
差唔多五點半左右就開始行返去戲院, 去到立即入場, 但套戲已經開始左, 望下家姐隻錶, 都係 18:10, 但覺得奇怪啦, 因為唔似 ARMARM 開始咁,
再拎個手提出黎睇, 原來己經 18:30 喇!! 遲左半個鐘添, 因為原來家姐隻錶突然間冇咩電, 時間行慢左, 不過冇所謂啦,
因為免費O既(笑笑笑)! 正如家姐所講, 呢套戲好暈呀, 我唔知點解真係對呢Ｄ好敏感下, 睇左一陣我就越坐越低,
最後要用手託住個頭先冇咁暈, 都幾好睇, 只係有少少恐佈!! NINO 配得唔錯呀, 蒼井優把聲唔係好似, 同埋完果陣睇字幕,
先發現有幾多配音O既人我都識O既!! 好似: 岡田義德/伊勢谷友介/宮藤官九郎!! 睇完大約八點, 所以行返去旺角 DINNER,
不過冇咩特別想食, 所以最後去左麥當勞(見圖12), 開心樂園餐隻薑餅人換哂喇, 所以幫唔到 CATCAT 換添!! 食完再行左一陣,
大約十點到就返屋企喇!! 返到屋企沖完涼, 我又忍唔住整左個"火龍果粟米肉鬆沙律"食!! 我發現我都真係幾食得呢!!
(圖13)係今日O既戲飛同埋O係信和拎O既 ONLINE GAME 試玩 CD-ROM!! |
| 28/6/2007 |
|
今日冇落到街, 因為落雨, 同埋唔知點解對腳好累, 可能尋日行得太勁!! 睇左好幾個節目, 因為呢幾日都冇咩點睇,
大約六點沖涼, 我實在太好彩喇, 因為我 ARMARM 沖完涼再洗手時, 發現Ｄ水力弱左好多, 原來大廈水箱有事,
所以係冇水, 水喉開到平時咁大都係得少少水(見圖1), 仲要好似唔知整到幾時, 冇食水真係好唔方便, 真係好彩我 ARMARM 沖完涼咋,
家下就黎十一點都仲未有, 真係有排!! 我諗諗下, 如果我今日好似尋日咁出左街, 返到屋企冇水, 沖唔到涼, 我真係唔可以呀,
真係會好困擾, 皇上就陰功咯, 佢要落去平台拎左幾筒水, 同埋只可以係咁易洗下身!! 希望快Ｄ整返好啦, 最慘O既係,
連咸水都冇, 真係完全感受到, 一直以為理所當然O既野, 一冇左真係好唔方便!! 整左個涼粉食(見圖2), 不過因為唔記得左放罐雜果入雪櫃,
所以只好用黃糖食住先啦!! 另外, 個窗望出去見到個月光好靚呢(見圖3), 人生真係美好!! BY THE WAY, 今日睇左＜花嫁與爸爸＞,
同埋＜生徒諸君＞O既大結局, 兩套都忍唔住喊, 前者超級感動, 同埋最後好好笑, 我都估到架喇!! 後者都好感動,
不過有少少＜極道＞O既感覺!! |
| 29/6/2007 |
|
今朝差唔多六點終於有返食水, 實在太感動喇!! 不過依然冇咸水!! 之後去左飲茶, 飯完茶去左銀行, 再去左麥當勞,
一口氣買左三個開心樂園餐, 因為今日開始又有三款史力加公仔換(見圖1), 所以就一次過換左俾安怡!! 買完就返左屋企,
冇行到街喇, 因為又落雨呢!! 返到屋企坐左一陣, 睇下今日買果本雜誌(見圖2~3), 都幾多野睇呢!! 介紹左好多熊貓O既活動! |
| 30/6/2007 |
|
依然冇咸水!! 個天不停咁落雨, 太后同寶姨(太后個妹究竟點稱呼呢?!)傾視像, 竟然由12點傾到兩點幾, 我等電腦O既期間,
仲不經不覺咁O係梳化訓著左, 仲用左 SHO O係 AAA DVD 裡面果個睡姿訓左, 原來幾舒服架喎!! 之後坐返埋部機先見到家姐O既 MSN,
原來 S 到左 HK, 不過話今日落雨, 不如聽日先出黎見下面咁!! 所以我就睇下片咁, 睇左＜我們的教科書＞O既大結局,
其實都感動架, 只係個結局有少少意料之外, 前面果十一集一直好緊張好感動, 但係結局就有少少覺得好馬虎,
老實講有少少失望!! 睇完先見到家姐個 MSN 話 S 聽朝走, 所以而家出去見一見, 我又諗起喵喵Ｄ相O係我度,
所以立即打電話俾家姐, 決定我都要出去, 家姐叫我要快Ｄ, 所以立即換衫再坐小巴, 果位司機亞哥都好似知我要快咁,
所以標 80 幾咪出到新世紀, 最攪笑係我打緊電話俾家姐時, 個司機問新世紀有冇人落, 冇人答佢, 然後先知家姐去緊新世紀,
所以一時間我又要叫家姐等等我, 我又叫新世紀落車, 佢停左車果一刻我先發現我又扣左安全帶, 個袋又未"咩",
電話又未收線, 所以真係"呢咁HAIR", 會合左家姐後, 再打俾 S, 再搵到佢, 俾埋喵喵Ｄ相佢, 原來佢整左兩隻 DVD 我同埋家姐,
先頭我仲諗住問家姐借添!! 之後同家姐行下信和咁, 買到一隻 DORORO 扭蛋(見下圖), 上次只係買到 KERORO 同 TAMAMA 咋,
唔知幾時再買埋 GIRORO 同埋 KURURU 呢, 行行下去左食麥當勞, 去左朗豪坊果間新O既麥當勞, 環境都幾好, 不過 MC CAFE 好多人都唔係食 MC CAFE Ｄ野,
但又坐左去果邊, 而好多職員見到都唔出聲呢!! 食完後再行左一陣咁, 大約八點令我就坐巴士返屋企喇, 落車時落好大雨呢,
返到黎沖完涼, 問太后有冇睇今日 TVB 果集＜我們這一家＞, 原來太后唔知呢, 所以噤返部 DVD 錄影機睇, 可惜 ARMARM 洗左開始果幾分鐘,
OH, 原來未睇過O既, 乜唔係播收費台果Ｄ咩??! 哭, 點算好?! |
