 歡迎睇我任何一日私日記!(私日記。WATASHINO NIKKI！) |
1/10/2007  |
|
今朝十點醒左, 因為 PP 話會黎香港, 點知等到十二點幾佢先打俾家姐話O係酒店, 夜Ｄ先搵我地!! 所以我同家姐出左黎先,
坐 MTR O係黃大仙月台等, 再去荃灣, 因為交收週邊, 順利拎到 TIME O既週邊(見圖1~2), 果兩把迷你扇好可愛!!
之後坐 MTR 去旺角, 其實我有諗過去西九龍食壽司架, 不過出門口前又唔係太舒服, 同埋今日十月一日一定好多人!!
所以就冇去食喇! 去左旺,角先陪家姐去還返部機, 之後週圍行下咁, 買左三粒 KERORO 扭蛋(見圖3), 都係 $5/粒,
好抵買!! 之後行左去尖沙咀, 因為家姐話想去豐天買鞋, 好好彩尖沙咀果間有咋, 如果唔係就要去將軍澳!! 家姐買左對紅色同埋藍色!
之後又週圍行下咁, 五點幾去左食麥當當, 不過真係好多人, 等左一陣先有位, 最攪笑O既係突然有位麥當當姐姐行過黎,
我同家姐仲以為做問卷定咩, 原來呢位姐姐係羅志祥飯, 佢見到家姐著住佢牌子O既褲同埋帽, 所以走埋黎問下咁!
就O係家姐同佢傾緊計時, PP 打俾家姐, 但係家姐叫我聽喎, 呵呵, 佢話佢返緊酒店, 所以我叫佢再出黎時先約我地,
所以我地食完野就行返過去佐敦果頭, 行行下佢打黎, 最後約左O係 MTR, 黎到拎左野俾我地佢就走喇! 要多謝喵喵送左隻熊貓仔俾我(見圖4),
之後我同家姐就行左去九龍站, 因為想睇下新開果個"圓方"(見圖5~6), 點知原來非常遠架, 行到我地 "C下C下", 不過都唔係好 ARM 行,
同埋好多名牌, 真係唔太 ARM 睇, 所以去一次都好夠!! 個洗手間仲話六星級, 但真係好肉酸!! 本來諗住行返出佐敦架,
不過真係太遠喇! 所以都係坐 MTR 走, 之係雖然話係 MTR, 但其實真係好遠, 要先坐去荔景再轉, 太子又要轉,
所以好唔方便!! 八點幾返到屋企, 對腳好累呢!! 沖完涼休息下咁, 不過聽日都要早起身, 因為聽日送冷氣機黎,
我有排執呢!! 希望順利啦!! 另外家姐今日送左粒叮噹印俾我(見圖7), 仲係別注版添呀, YEAH!!! |
| 2/10/2007 |
|
今朝十點起左身, 因為今日要安裝冷氣機(見下圖), 所以要將我間房一半O既野拎出廳, 係咁執到十二點幾, 就落左去飲茶,
原來呢個時間好難搵位下, 好彩都搵到O者, 食完之後就返屋企, 因為安冷氣果個人話兩點會黎, 最後等到兩點幾先到,
好快就安裝好喇! 之後又要將間房O既野再放返原位, 我發現我真係幾多野架喎! 執到五點幾, 總算叫做執掂左一大半,
之後食左個米粉, 因為要返學, 六點三左右就出門口, 點知落雨喎, 雖然有帶傘, 不過都係濕!! 今堂好慘, 因為上次講果位好煩好嘈同埋好討厭O既女仔(即係 MISS 講一句日文, 佢講返一句廣東話),
佢竟然唔知仲咩無 LALA 坐左O係我左手邊, 三小時O既日文堂, 佢把口冇停過, 無論 MISS 講咩問咩, 都關佢事!
就連 MISS 叫我讀果段課文都關佢事, 我一邊讀, 佢一邊又係係咁讀! 真係想叫佢閉咀! 就連我兩個朋友都話覺得佢好煩!
最後其實我都有少少忍唔住想寸佢, 事緣係 MISS 問一位同學咩野叫"有給休暇"(即係有薪假期), 咁其實大家都知係有薪假期咁解,
只係被問果位同學要諗諗點用日文解釋, 只係慢左少少, 之後左手邊呢個人, 就向住果位被問問題O既同學話"即係有薪假期呀!",
我立即忍唔住, 細細聲講"鬼唔知有薪假期咩!", 雖然我相信佢係聽唔到, 但係真係洗唔洗咁, 做助教咩!! 即係咁,
你咁多野講冇所謂, 但係因為佢咁多野講而阻到大家學習, 咁係咪應該俾返一半學費我呢?! 總之佢三個鐘把口真係冇停過!
我左耳好累!! 好多資訊!! 之後放學同同兩個朋友行左另一條路去 MTR, 三個人就盡情咁講對果個有人有咩不滿,
CHRISTINA SAN 仲叫我如果下次我讀課文時佢又係咁讀, 叫我"殊"佢喎(笑)!! 返到屋企沖完涼, 再食左個沙律!
之後就開始繼續執房, 因為張床同埋書櫃都未執掂呢! 最後執到十二點幾先叫做攪掂! 好累!! 之後睇左＜宿題君＞同埋＜堂本兄弟＞就訓喇!
開左一陣冷氣, 好舒服呢!! 另外今日睇到報紙, 話原來 DREAMS COME TRUE O既和美個老公不幸因病過左身, 我睇到都好 SHOCK,
因為太突然, 同埋結左婚都唔係好耐, 只有希望和美可以快Ｄ重拾心情吧! |
| 3/10/2007 |
|
今日冇出到街, 因為尋晚執野太累喇, 所以唔係好想出街, 呢幾日天氣涼左少少, 不過又成日落雨呢!! 新一季日劇未開始,
所以好得閒呢, 今日睇左＜WARATTE IITOMO＞O既秋祭 SP, 果幾套新劇, 目前只係想睇上戶彩果套, 因為好似幾好笑咁!!
另外好八掛咁去 YOUTUBE 睇左前幾日澤尻 ERIKA O係＜CLOSED NOTE＞初日舞台活動O既片段, 因為呢幾日都不停講呢單野,
睇完之後, 我真係戥鍾意佢Ｄ人慘! 雖然唔知佢仲咩事塊面咁黑, 但係真係好唔尊重果個場合/其它演員/工作人員,
最緊要係唔尊重入場睇戲O既觀眾!! 佢除左黑面外, 仲係勁寸, 全場 20 分鐘O既活動, 佢只講左 3 句說話! 而且係好冇禮貌,
套戲係自己主演都係咁, 有人幫佢解釋話因為佢為左呢套戲已經全日本咁飛黎飛去做左百幾個宣傳活動! 但係拍過咁多套戲,
又唔係新人, 應該都知道宣傳係咁, 就算幾唔想去宣傳, 都唔可以咁樣做到出面, 因為你係專業架嘛!! PRO 架嘛!!
睇完真係幾嬲, 其中仲影到佢"怒啤"當晚O既司儀, 睇黎真係冇架喇, 咁O既態度, 就算你演戲幾有天份都冇用!!
真係浪費左呢! |
| 4/10/2007 |
|
今朝冇食水, 下午冇咸水, 所以去左飲茶, 之後去左銀行同埋行左一陣, 四點左右就返到屋企, 睇下片咁, 發現左一個日本節目好好睇,
叫做＜KURONOSU＞, 每集玩O既野都唔同, 尋晚睇果集好好玩咁, 就係參加O既藝人衫O既背面會寫左個號碼, 再O係一個好大O既地方咁,
假如參加者見到其它參加者背面O既號碼, 就要打電話去總部度告密, 被告密O既人就會出局, 真係幾好玩幾好笑!
而且因為優勝者係有 CASH 架, 所以參加O既藝人都好落力! 今晚播＜縣民性 SP 5＞, 希望快Ｄ有得睇, 因為真係幾有趣!! |
| 5/10/2007 |
|
今日約左婆婆去飲茶, 之後行左一陣超市, 買左少少野, 再返左屋企, 坐左一陣, 沖完涼入左房睇電視, 同埋睇左十年前 KINKI 主持O既整估人節目＜STAR DOKKIRI＞,
真係好好笑!! DINNER 後繼續睇＜KURONOSU＞, 真係好好睇, 不過可惜已經播完左, 唔通派錢派得太多, 製作費唔夠?!
仲有最讓我 SHOCK O既係, 我尋晚先無意中發現原來菅野美穗好多年前出過一本好厲害O既寫真集, 真係估唔到佢拍過Ｄ咁O既寫真架,
仲要而家完全好似無發生過咁!! |
| 6/10/2007 |
|
今日冇落到街, 睇埋最後果幾集＜KURONOSU＞, 真係太好睇喇! 好似 10/17 有新O既呢!! 期待!! 突然心血來潮睇今日果集＜MAGO＞喎,
因為其實由 6月開始都未睇呢, 點知就發現係最後一集, 10/20 會改為新節目＜GRA＞, 應該會好好睇, 而且有柳原可奈子,
仲係集集都有果隻, 好期待佢地唔知會有咩攪笑火花! 今日收到封信, 係 1832 寄黎話成功, 今日仲見到佢地請人,
不過算, 就証明我唔適合呢份工呢!!! |
7/10/2007 |
|
尋晚個夢係攪笑藝人大集會(笑)!! 尋晚突然有少少唔舒服, 攪到我拿拿聲入房訓! 今日冇出到街, 因為依然有少少唔舒服,
睇報紙話 BOOTS 新出果支神仙水, 竟然成份只係水喉水, 真係離譜!! 睇埋下半集＜世界奇妙物語＞, 真係幾好睇呢,
最鍾意石原SATOMI O既＜未來同窗會＞, 真係睇到有淚光呢, 而城島茂果個故事都好感動!! 搵返Ｄ舊 VCD,
點知電腦都 READ 唔到, 真係難攪!! |
| 8/10/2007 |
|
今日約左家姐去行街街, 12 點幾煮左個米粉食, 之後大約 1:20 出門口, 先去左寄信, 再去巴士站, 等左一陣就有車,
去到信和過左一陣就見到家姐喇, 先去左柏裕度幫皇上拎部手機去整, 都幾多人, 拎左張 161 o既飛, 但果陣只係叫到 131 左右,
坐低傾下計咁, 之後話可能係耗電量有問題, 話要聽日先有得拎! 走時都已經就黎 2:45, 即係等左半個鐘有多,
打左電話俾皇上後, 就去左行信和, 不過冇買到野, 然後週圍行下咁, 去十蚊店又搵唔到想買O既野! 再去左新開果間遊戲機中心,
見到有"太鼓之達人10", 家姐玩左一局, 有 LOVE SO SWEET 呢!! 之後 5:45 左右行返去信和, 因為約左個買家交收,
過左一陣佢就黎到, 好順利交收完就去左＜壽司亭＞(見圖1) DINNER, 我食左個鰻魚飯(見圖2), 家姐食左個天婦羅 SOBA(見圖3~4), 多謝家姐請我食飯!!
之後行左去尖沙咀, 先發現原來佐敦間十蚊店執左喎, 之後去幫襯左個十星級 TOILET(笑), 再坐低左一陣, 因為家姐話 NDS 有個 KERORO GAME,
所以借我玩左一陣, 人生第一次玩 NDS 咋! 個 GAME 係找不同黎O既, 我最鍾意玩呢一類 GAME 呢, 不過都係玩左一陣,
因為家姐坐O係度睇我玩唔太好呢, 悶親佢!! 再經過左海港城, 見到好多好似豹O既野(個人意見)(見圖5~6),
原來是日本有名藝術家 草間彌生 O既作品! (別以為我這麼厲害認識她, 其實也是剛去網上查看才知道她呢!),
仲影左張百萬夜景(見圖7), 之後行返去九龍公園果邊坐車走喇!! 返到屋企樓下仲攪笑, 我突然間唔記得左個大門密碼喎,
唯有請個看更伯伯開門俾我, 佢問我係咪出面部機壞左, 我話只係我太耐冇噤密碼, 唔記得左幾多號, 之後看更伯伯笑住咁講話係 XXXX,
仲話好易記! 哈哈, 看更伯伯, 我都知易記, 但係我突然間失憶我都冇計 ... 呢!! 返到屋企沖完涼, 一邊食粟米(係粟米呀下, 唔係"濕米"呀!)一邊睇返子華哥套新劇,
都幾好笑, 我都唔知幾耐冇追看過香港劇集呢! 多謝子華哥!! |
| 9/10/2007 |
|
今日冇咩特別, 睇左尋晚關8 O既＜HEYHEYHEY＞, 好好笑!! 再睇埋尋晚O既＜宿題君＞, 不過都係冇咩特別, 因為播返之前實驗果Ｄ片,
因為過兩日會有＜ODOROKI 嵐 SP3＞!! 打算睇下今季深夜劇＜死化粧師＞, 唔知好唔好睇呢!! 夜晚返學, 有位新同學呢,
ARMARM 調班黎o既, 上年同班架(不過唔識串佢個名), 另外, 真係六合彩又唔見我中, 好煩果個女仔又坐我左邊,
今日佢雖然把口收左少少, 但係都好煩! 其中一 PART 要我地分組去寫某個段落O既大意咁, 我地幾個都好緊張,
不過好彩最後我係同 CRISTINA SAN 一組, 放學我地三個又行條新路, 返到屋企架 LIFT 又怪怪咁, 好彩冇事!!
返到黎沖完涼, 再一邊睇子華哥一邊食火龍果粟米沙律, 之後上下網咁! |
| 10/10/2007 |
|
今日冇出到街, 因為冇咩地方去!! 睇左＜死化粧師＞, 幾好睇喎, 原來有忍修成吾做, 我幾鍾意佢呢!! 裡面提到"SOMETHING BLUE",
唔知係咪真架呢?! 睇埋前晚O既＜SMAP X SMAP＞SP, 好好笑呢, 話時話, 木村扮 CYRIL 真係好似!! NIKKO VS IKKO 都好好笑呢!!
夜晚落雨, 涼左少少, 唔錯唔錯! 另外睇返一集＜USO＞, 播返Ｄ歌O既怪聲, 好得人驚呢, 相比之下, 中島美嘉果首＜LIFE＞裡面果聲"媽媽",
真係小兒科呢!! BY THE WAY, 睇左一集＜壽司王子＞, 又冇想像中咁差喎! |
| 11/10/2007 |
|
今日我都係冇出到街, 因為冇咩地方想去呢!! 睇下片上下網咁, 睇左廣末套 SP ＜LONG WEDDING＞, 最後好感動呢,
攪到我忍唔住喊, 而個故事真係講出文化唔同O既衝突(?!), 雖然係誇張左, 不過幾好睇!!! |
| 12/10/2007 |
|
今日本來係飲茶日, 但因為某件事, 同皇上太后, 以及樓上個姨姨去左西貢, 好多年冇去過西貢呢, 車程都幾遠下,
之後去左一個地方, 本來一直心情都唔錯, 但係最後就俾果個人O既一句說話, 攪到我好在意呢, 因為真係好怪!!
之後坐返小巴去返西貢市中心, 去左一間叫"全記"O既酒樓飲茶, 食左幾個點心咁(見圖1~7), 果然係做遊客生意,
因為都幾貴, 佢地無需要平俾你呢!! 食完野三點幾, 週圍行下咁, 其實都冇咩特別! 去左盧冠廷開果間野睇, 佢有同我地打招呼呢,
但感覺同以前非常唔同, Ｄ野的確好貴, 有冇用就唔係好知喇!! 行出店時, 我同太后同皇上都覺得裡面有種香味,
令到我地唔係太舒服咁!! 之後週圍影下相咁啦(見圖8~23)!! 之後坐返小巴返德福, 順便就去果間"專業遊運自由行"問下野咁,
果個姐姐真係好好禮貌同埋好好人呢!! 不過又冇 KEN SAN 講得咁平, 要諗諗先!! 之後去行左轉超市, 再返屋企喇!!
今日都有少少累呢, 頭有少少痛!! 依然好在意日頭發生果件事!! 夜晚發生左件天然事, 話說我想把今天拍的照片放進電腦裡!
首先先整理手機裡的照片, 由於我的手機是用藍芽來作傳輸的, 所以就開了藍芽的軟件, 然後開放手機的藍芽!
但軟件怎樣都說找不到我的手機, 弄了幾十次也找不到, 弄得很氣呢!! 幹嘛不行!! 然後試了大約十分鐘還是不行,
所以只好放棄! 就在我放棄的那一刻, 我竟然發現 ... 我忘記了把藍芽接收器插到 USB 裡!(汗) 然後很快就從手機拉了照片去電腦了!
接著是數碼相機中的照片, 這次為免天然事發生, 所以一開始就把相機的接駁線插進 USB, 然後開啟數碼相機,
咦?! 為什麼又不行?! 一看, 我汗!! 原來這次忘了把接駁線插在相機上!! 以上便是天然事兩連發!!(笑) |
| 13/10/2007 |
|
今朝太后話有個人想問我有關 SPACE 日文O既野, 所以起身覆左電話俾果個人先, 同佢傾左一陣, 對方好似好易同人熟落咁!!
之後睇下片, 坐下咁, 之後睇左一集＜壽司王子＞, 其實真係冇想像中同大家講O既咁差, 唔通我接受能力高Ｄ?!
今日終於解答尋日好在意果件事, 雖然話唔係用黎住, 但係都問清楚好Ｄ!! 五點幾六點坐車入將軍澳, 因為約左鴻舅父同珍姨食飯,
本來下星期三O既, 不過今日大家都 OK, 所以就改左今日! 早左少少到, 所以行左一陣咁, 再順便過埋錢俾個賣家, 因為我 BID 左隻 SAMMI 呢!!
都食左好多野呵(見下圖), 好好味, 而且 8 個人食咁多野都係唔洗 700 蚊, 真係好抵食!! 之後姨丈車我地返屋企,
途中問細佬借部 NDS 玩, 不過佢話要考慮下先喎(笑), 其實我想借黎玩下太鼓/KERORO/小新呀咁咋, 呵呵!!
返到屋企沖完涼再整理下Ｄ食物相!! |
| 14/10/2007 |
|
尋晚訓得唔太好, 不停咁發惡夢, 所以攪到今日精神唔太集中! 睇左套新劇＜抹布女孩＞, 女主角就係上星期上 SHINDOI O既北川景子,
其實都唔係好知係咩人黎O既, 只覺得佢同水川ASAMI有少少似樣!! 呢套劇都幾好睇, 幾特別!! 再做左份日文功課,
其實都唔知答咩好, 因為有一題題目係問"唔想日本輸入香港O既東西.", 我諗左好耐都諗唔到, 你話如果問想輸入O既就易答少少嘛,
但唔想輸入O既, 真係諗唔到!! 之後入左房睇＜壽司王子＞, 攪到我不停都想食壽司, 睇睇下好眼訓, 不過又唔敢訓,
因為就開飯!! 沖完涼開飯, 之後睇左套日本電影＜KUCHISAKEONNA＞(口裂女), 很久之前知道這個都市傳說, 是說有一個口裂開了的女人,
戴著口罩, 四處問別人她漂不漂亮, 要是回答漂亮的話, 她便會除下口罩, 讓對方看裂開到耳朵的口!! 不過, 脫身的方法還是有的!
只要當她問她漂不漂亮時, 回答: 普通~ 聽說這樣她便會離開呢!! 日本真的很多都市傳說, 要是每個說一次的話,
相信也能說上一段長時間!! 說回這部電影, 看的原因是因為有加藤晴彥, 故事雖然蠻恐佈, 不過 ... 其實不算很好看呢!!
還想用不著用水野美紀扮演"口裂女"呢!!! |
| 15/10/2007 |
|
今日本來飲茶日, 但發現原來家姐得閒, 所以就話不如去西九食壽司, 所以約左 2:30 O係 MTR 月台等, 之後坐 MTR 去深水"步",
去左西九龍中心對面果間＜明將壽司＞分店, 比想像中多人, 食左唔算多, 應該有 16 碟吧(見圖1~8), 其實仲有好幾款冇影相,
因為掛住食!! 食到四點幾吧, 就行返去旺角, 中途行下珠仔街咁, 不過冇買到野!! 週圍行下咁, 去到朗豪坊,
原來最近果對外國孖生兄弟歌手黎簽名會, 不過因為冇市場O既關係, 我地搵左個地方坐低睇雜誌!! 先發現原來長澤今季果套日劇有塚本高史,
我又有少少想睇, 但 ... 長澤同明石家叔叔就 ...!! 之後行信和呀咁, 發現有間二手店賣陳冠希親筆簽名 CD 都只係十蚊,
大家 ARM 的話, 快Ｄ去買!! 本來想去幫皇上拎返個手機, 不過太多人冇去到!! 之後行左去尖沙咀, 見到個藝術品(見圖9),
上次都未開呢個野, 其實係咪一個豹紋南瓜黎架呢?! 我真係冇咩藝術O既天份呢!! 行到九點幾去左食 KFC,
但又好奇怪冇咩人喎!! 十點幾先坐車返屋企呢, 返到屋企過左十一點 LU, 好少咁夜返呢!! 如果遲Ｄ唔O係呢區住,
就要再早少少走!! 返到黎都係冇咩特別, 沖完涼睇子華哥, 再上下網咁!! 家姐送左粒叮噹印我呵(見圖10),
謝謝呢!! 另外, 我想講, 我終於"浮氣"喇! 我終於將手機張 WALLPAPER 由小剛變左 翔(見圖11), 我知道好多人睇到可能會不滿,
亦有Ｄ人可能一早就覺得我係翔飯!! 但我依然想講, 我依然忠愛小剛, 但 ... 請讓我"浮氣"吧! |
| 16/10/2007 |
|
今日冇咩特別, 睇左一陣片啦, 之後五點幾食左皇上特製o既牛腩飯(見圖1), 另外亦收到前幾日 BID 果隻 SAMMI＜美麗的誤會＞(見圖2),
好開心呢!! 遲左出門口返學, 估唔到就遲到左少少, 最攪笑係行緊去 CENTER 時見到 KAZU 喎, 點知我叫佢佢聽唔到,
所以立即打俾佢, 佢話估到係我見到佢, 仲叫我下次叫佢唔應的話, 要捉住佢(笑)!! 返到課室 ARMARM 移緊Ｄ位,
我立即用個袋放O係左邊個位先, 之後有個女仔返黎, 我見佢想坐我隔離個位, 所以就示意叫佢坐喇, 上上下堂好煩果個女仔先返,
坐左去近門口果邊, 實在太好喇!! 佢一冇坐我隔離, 佢講野少左(因為我坐個位係對正 MISS), 耳根清靜, 希望往後都係咁啦,
遲左少少放學, 因為今日 KEN SAN 冇返, 所以我同 CHRISTINA SAN 兩個人行去車站, 大家都發現呢位 MISS 教書好少教文法,
所以我地真係要諗諗方法先得, 又冇 NOTES, 溫書有少少難度呢!! 返到屋企沖完涼又食左碟牛腩飯同埋一大碗湯,
好好味, 仲一邊睇子華哥添!! 之後上網, 回下 EMAIL 咁! |
| 17/10/2007 |
|
今朝又一早好嘈, 有人修裝, 真係好嘈!! LUNCH 後, 去左 apm 行, 見到＜HERO＞宣傳品(見下圖), 所以立即拍低,
不過手機拍得唔係太好!! 之後行到四點幾, 但沿路又竟然冇茶餐廳喎, 結果行返屋企, 睇下電視食下薯片, 再沖涼!
之後攪下雜誌咁!! BY THE WAY, 今日音樂事務處終於打黎叫我下星期去 IN 喇! 我會盡力, 希望唔會好似考評局果次咁啦!
訓前睇左亞仁果套＜有閒俱樂部＞, 都幾好睇喎, 我係自動 SKIP 剩亞仁同埋橫山裕, 其它果Ｄ真係有少少頂唔順!
亞仁真係唔錯, 最後仲有個想喊O既樣, ARM 哂我! 萌!! |
| 18/10/2007 |
|
尋晚發惡夢, 俾隻好得人驚o既野咬!! 可能呢排無形壓力又黎?! 今朝又一早好嘈, 睇黎仲要嘈多一星期, 係最少呢,
因為近日好多人裝修!! 今日去左飲茶, 因為聽日紅假就唔會去飲茶喇, 再加上今日係皇上生日, 所以就去飲茶,
去酒樓之前經過郵局, 撞到郵差叔叔仲攪笑, 佢一見到我地就大叫"你唔好走呀!! 有野俾你!!", 之後佢入郵局搵呀搵,
原來係我前幾日 BID 果隻 SAMMI O既＜電影金曲精選＞寄到黎喇! 唔該哂郵差叔叔!! 個賣家貼左 $5.6 郵票, 其實我估計係唔需要咁多,
可能佢怕唔夠, 又冇去郵局啦, 但係真係好抵買, 因為 TOTAL 我俾左 $30 咋!! YEAH!! 之後去左飲茶, 飲完之後我返屋企先,
因為突然間唔係好想去行街, 返到屋企聽下歌咁, 再睇下片, 到左六點幾就去左食 PIZZA(見圖2~6), 不過食唔哂,
所以 PACK 左返黎聽日做 LUNCH, 食完後行左一陣, 返到屋企洗白白完飲下可樂咁, 再同 CATCAT 傾左一陣 MSN,
再睇子華哥!! 我今日先發現用開果幾個留言版改版, 但係又話我留言數目唔夠, 要過幾日先可以開返, 我就索性將佢地改哂去 FC2,
雖然可能冇之前果個咁方便, 不過好過成日有問題呢!! |
| 19/10/2007 |
|
今日皇上突然叫醒我睇電視, 原來 ATV WORLD 播果個節目, 咁 ARM 係演緊 Cirque du Soleil O既＜Alegria＞,
真係好好睇, 好懷念當年現場睇呢, 唔知幾時再有機會!! 睇左上戶彩果套劇, 都幾好睇, 所以會進看落去! 大約三點幾就同皇上及太后入左將軍澳,
食左下午茶, 之後週圍行下咁!! 行到差唔多七點先返屋企, 沖完涼就食燒鴨烏冬, 真係幾好味!! 之後睇子華哥,
再上下網咁!! 飯後甜品食左支新O既雪條(如圖), 但係口感好嘔心, 味道完全唔掂, 好難食呀!! |
| 20/10/2007 |
|
今朝都係好嘈, 不過我發現只要習慣左佢嘈果個 PATTERN, 其實反而會好好訓!! LUNCH 後皇上同太后出左街,
因為我一早就決定左今日留守屋企, 所以睇下片上下網咁, 當然亦要好乖咁做功課, 我再一次發現而家個 MISS 真係冇咩講文法,
攪到份功課有少少困惑!! 睇左今日播O既＜GRA＞第一回, 雅紀做主持, 果然係同想像中一樣, 始終係第一回, 有進步O既空間,
最攪笑O既係 SHO 有一次食完野後講有幾好食, JUN 忍唔住叫佢不如去做返主持果個位!! MA, SHO 得閒過幾招俾雅紀就 OK 喇!!
呢個節目好睇就幾好睇, 之但係一邊睇一邊好肚餓, 真係見到咁正O既魚生, 真係好想食! 但第一回有少少唔喜歡請左果個大食妹黎,
其實我覺得咁正O既食物俾佢係咁食, 其實都唔知有冇好好咁感受Ｄ味道O既, 只係一味係咁食, 其實答中左果Ｄ一人再食多舊都得架O者!!
另外今日收到封信, 仲以為係咩事, 原來係音樂事務處寄黎, 話下星期三面試, 之但係前幾日咪打左黎囉, 又寄信黎?!
咁不如唔好打黎直接寄信就 OK 啦!! 最攪笑O既係, 個信封印住"請勿浪費", 叫人將個信封再用, 但 ... 佢地本身又打電話又寄信呢個方法,
已經係好浪費呢!! 只希望千其唔好好似考評局果份咁就 OK !! 亦都研究左個 CLUBBOX 點樣送Ｄ高速券俾會員,
不過始終唔太明白佢要點 SET, 因為好衰地諗: 呢Ｄ著數梗係益自己人啦!(笑), 要再研究下先!! 另外, 我今日先知呢,
日本郵局係會搵個藝人去拍廣告叫人地寄賀年咭架喎, 今年係 NINO, 我真係第一次聽呢, 定係今年第一年搵呢?!
因為 ARMARM 日本郵政轉左做私營, 下次要問下 YUMIKO 先!! |
| 21/10/2007 |
|
今朝訓醒都好眼訓, 唔知係咪訓得唔好定係年紀開始大(睬~ 永遠 18 歲!!)! LUNCH 後同太后睇電車男 SP,
估唔到我再睇一次都忍唔住喊, 好感動, 真係最後果陣個個都轉身唔睇邊個係電車男時, 真係實在太感動呢!!
之後唔知點解條頸好痛, 所以入左房, 諗住訓下, 不過又怕唔知醒, 所以就睇下碟, 睇左幾集＜STAR DOKKIRI大作戰＞,
發現日本人整估人都真係有好多時好過份!! 係真係會嚇親人呢, 但都真係幾好睇!! 仲係 KINKI 出道前O既節目,
勁!! 我今日去 NEWSGROUP 先睇到有人話仲間今季果套劇有石田一成, 所以我要睇我要睇!! 呀, 今日睇＜安天地＞版版,
先知原來 v.lek 前幾日生左個 BB 女, 恭喜哂!! |
| 22/10/2007 |
|
今朝又再嘈喇, 仲要係好衰咁, 嘈醒左你, 然後靜一排, 當你再訓著時又嘈過! 今朝就係咁重覆左四五次!!
去左飲茶, 之後去左銀行同埋行左超市, 之後就返屋企喇, 但由於約左買家七點先交收, 所以只好換返屋企衫上下網咁,
今日睇左亞仁幾日前上＜ISM＞(藤木直人主持), 好攪笑, 原來佢好怕人地掂佢O既鎖骨, 佢亦講話田口係有果種令到人發嬲O既才能,
真係好攪笑!! 六點幾個買家打黎話就到, 所以我就立即行去 MTR, 去到時佢已經到左, 其實每次都叫左佢早Ｄ打俾我,
但係佢每次都唔會早打俾我呢!! 交收完返屋企沖涼, 之後先開飯!! 夜晚有線播＜炭燒凶靈＞, 以前有睇過, 但完全唔記得左講咩,
所以同太后一齊再睇多次! |
| 23/10/2007 |
|
今朝諗住會繼續嘈, 所以訓到七點幾醒左, 點知又冇嘈喎, 攪到我訓下醒下咁!! 太后約左芳姨飲茶, 所以我同皇上就食杯麵(見圖1),
約左個人上黎 CHECK 熱水爐, 不過果個人真係好 DIRTY, 佢走左後竟然發現左一隻"小強BB"O既 DEAD BODY, 攪到我同皇上立即出動,
消左毒幾次, 同埋佢攪到間屋有Ｄ怪味, 所以好唔環保咁噴左空氣清新劑!! 之後睇下片咁, 五點幾時煮左個米粉食,
六點三左右出門口, 收到 KEN SAN O既日本手信(見圖2), 真係多謝哂!! 之後上堂啦, 又係我讀最後果段, 上一堂都係我讀呢一段,
都係同一個錯誤(笑), BREAK 之後分組討論, 我真係要買六合彩!! 因為我竟然被選中同全班最"出眾"O既兩位同學同組(請參照9月18日日記),
又再次証明我O既預感真係冇退步, 因為O係寫完意見時, 我有一種唔太好O既預感, 我同 CHRISTINA SAN 講, 佢都唔係太信,
點知真係準成咁!! 不過冇計啦, 因為 MISS 係依照我地對"結婚"O既睇法黎分組(因為今堂課文係講"相睇"), 即係話, 我同呢兩位"精英"對結婚O既諗法好相似,
兩位同學都好"熱情", 不過果位"女精英"就只係不停咁糾正"男精英"O既日文發音, 到最後我問"女精英"有咩意見,
佢先諗左好耐咁講左一個 POINT 咁大把!! 討論完後就放學喇! 由於我咁好運, 所以我果三個朋友都好有興趣,
不停咁問我頭先討論O既情況, 不過我今日先知, 我呢三位朋友都係已婚人仕呢(所以佢地三個被分為一組), 我真係要買六合彩!!
今堂O既結論係: 相信往後日文堂O既日子會好好過, 因為已經遇到"最惡"O既情況(YO!!)!! 返到屋企沖完涼, 食左個粟米沙律,
因為太夜又唔想煮野食呢, 之後睇子華哥, 再預備下聽日 INTERVIEW 要用O既野(說來, 我有少少緊張, 因為對英文打字真係冇咩信心!!),
MA, 盡左力就算!! |
| 24/10/2007 |
|
今朝諗住佢唔再嘈(樓上裝修), 點知佢又嘈喎, 都唔知佢想點!! 其實十點幾就醒左, 比平時早左食 LUNCH,
之後坐左一陣就準備出門口, 因為約左 2:20 要去灣仔 INTERVIEW, 不過我實在早左太多, 所以過左錢俾個賣家先,
再去下洗手間, 再去左灣仔政府大樓 M1 果個法庭休息室坐左一陣, 發現都幾多人咁!! 之後 2:15 上到去 INTERVIEW 果層,
等左十幾分鐘, 之後就對資料同埋填 FORM (咩時段可以做呢份 PART TIME、授權俾佢地去警局查下我有冇犯罪紀錄 ...),
之後又坐左十分鐘到, 就去左測試中英文打字, 首先係英文, 打唔哂果張紙, 之後就到中文, 佢限時 5 分鐘, 不過我好快就打完左,
因為張紙大約只有一百字左右, 所以打完後我對完一次就坐左O係度, 之後有個人見到就問我係咪打完, 之後佢叫返負責測試果個人黎,
佢地兩個都好驚訝我咁快打完咁, 其實我真係比平時慢左, 因為用唔慣個 KEYBOARD, 之後就帶左我去會議室見兩個女人,
連埋帶我入去果個人, 我面對住三個女人!! 好彩佢地好好笑容, 氣氛好 RELAX!! 問下問題, 再用英文講幾句咁,
但係話要起碼一個月後先有信通知得定唔得, 我走時剛好三點正!! 之後我就週圍行下, 不過原來灣仔真係冇野行,
行到去車站時, 見到有好多人拎住個印有熊貓O既環保袋喎, 所以我一路沿住反方向行, 最後發現原來係會展有個 GIFT 展覽,
而果個環保袋就係入場就可以有, 本來諗住就算要俾錢都入, 不過好可惜!! 佢呢個只係俾業內人仕去, 所以我呢Ｄ業外人仕就只能夠得個睇字,
本來我諗住問是但一個人可唔可以送左俾我, 但係又好似好怪咁, 所以最後只係望左幾眼就走!! 有少少失望呢, 之後就行左去坐巴士返屋企,
因為我真係鍾意坐巴士多過 MTR, MTR 係好在唔會塞車而已!! 返到屋企附近, 本來諗住去麥記買下午茶返屋企食,
但係去到見到麥記Ｄ下午茶又唔係好抵食, 所以就咁返左屋企!! 返到去沖完涼就同家姐傾左幾句, 家姐今晚考試要加油呵!!
之後睇下電視, 再睇下片咁!! 早左少少 DINNER, DINNER 完回下 EMAIL 咁, 仲未諗到後晚同 CATCAT 去邊度食飯添!!
入左房睇子華哥, 之後食左幾粒湯丸, 好好味!! 準備睇＜有閑俱樂部＞第二集, 希望佢收視係咁升啦, 因為真係想亞仁拍多Ｄ劇!! |
| 25/10/2007 |
|
今朝早左起身, 本來諗住去 BBQ , 不過後來都係取消, 因為實在太熱!! 所以 LUNCH 完上左一陣網, 同 CATCAT 傾左一陣,
我地聽日個約會改期, 因為佢喉嚨痛痛地, 希望佢快Ｄ好返啦, 休息多Ｄ!! 之後兩點左右就同皇上及太后行左一陣,
之後就坐車入左西貢攪Ｄ野, 不過好麻煩, 行行黎行去咁, 一攪就攪到五點幾先坐返小巴返德福, 再行左一陣, 就去左＜和民＞ DINNER,
皇上同太后第一次去和民咋, 叫左六樣野食(如下圖), 原來而家雞軟骨係有兩款混合呢!! 每樣都幾好食, 埋單 $273.9 ,
真係算抵食, 同埋真係幾好食, 食完之後返屋企, 沖完涼飲汽水睇子華哥!! YEAH!! 之後睇下電視、上下網咁!! |
| 26/10/2007 |
|
起身先發現今日係飲茶日, 所以我自己煮左個米粉食, 之後一點左右出門口, 因為約左家姐去玩!! 好好彩到車站就有巴士,
亦好順利咁 1:50 左右到左旺角 MTR, 因為家姐約左個買家, 會合家姐後, 再交收完後, 就陪左家姐去銀行, 因為家姐畢業啦!
所以要去交錢參加畢業禮! 之後等左一陣, 大約三點三就去左家樂果間 GREEN BOX 唱 K, 果然係冇咩人, 所以好順利咁,
唱到八點, 唱左好多歌, Ｄ日文歌好似比上次黎多左咁, 明明係同一間店喎!! 唱完後去左食麥記, 因為想食將軍漢堡,
點知家姐去買時先發現已經冇左, 仲同我講"小姐, 將軍走左喇喎!!(笑)", 食完後去左行信和, 之後行左去尖沙咀,
再係咁週圍行!! 經過間間 DVD 店都係播 SAMMI 演唱會, 我先發現原來出左 DVD!! 之後係咁行到成十一點先走,
等左一陣先有巴士, 好多人!! 就到站時太后打黎, 之後我成十一點七先返到屋企, 之後沖完涼差唔多十二點, 正十二點時,
我將我個 MSN 名改左"本小姐今天生日, 快來祝賀", TSU 話我寫得好可愛, 有女王 FEEL (笑), 由今日起, 唔准講我幾多歲,
我係年年 18 架下!! 邊個唔知趣就唔該做定覺悟O既準備!! |
| 27/10/2007 |
|
今朝附近裝修又俾佢嘈醒!! 之後 LUNCH, 再上網呀咁, 睇左上戶果套O既第二集, 其實我有少少懷疑幼稚園Ｄ媽咪真係會咁?!
到左三點左右, 郵差送左封信黎, 原來係我前幾日 BID O既 SAMMI(見圖1~2), 之後出門口, 坐巴士去左旺角, 人實在太多喇!
因為我都好耐冇星期六日咁出去旺角! 之後行左去太子果邊O既一間茶餐廳食蛋撻(見圖3), 太后上次食完話超級好味,
所以一直想去試下, 不過冇想像中咁好味呢, 如果甜返少少會好Ｄ!! 之後行花園街, 買左一家人散銀包(見圖4),
諗住用黎送俾朋友, 之後因為人太多, 所以上左去新世紀, 有個免費O既鬼屋, 不過太多人排隊, 所以冇排到, 但聽到玩O既人大叫!!
之後就七點時, 去左某間酒樓, 因為有飲宴, 坐左幾個字, 等埋其它人就打牌, 我諗住今日我生日一定運氣好Ｄ!
不過打左幾局都未開糊, 仲輸左 $8, 後黎太后俾返我, 打左幾局就起身俾左珍姨打, 大約九點就開席, 好多野食,
又傾下計咁, 十一點幾就走喇! 姨丈車我地返屋企, 返到屋企第一件事就係由頭洗到落腳, 因為O係酒樓果Ｄ人不停咁食煙,
Ｄ員工又唔敢出聲, Ｄ人又睬你都傻咁, 所以頭先O係酒樓好唔自然!! 沖完涼之後就上下網咁, 個 FLASHGET 有少少怪呢!!
BY THE WAY, 今日睇報紙, 原來 MATHCY 生左個仔, 有點 SHOCK, 但都恭喜!! |
| 28/10/2007 |
|
尋晚訓得唔太好, 可能有點熱!! 今朝起身又好熱, 同亞妹傾左幾句, LUNCH 完睇下片咁, 有少少發燒, 可能尋晚Ｄ紅酒太勁!!
睇左＜抹布女孩＞第三集! 雖然都係好公式化, 但係都算幾好睇!! 夜晚睇＜味分高下＞台灣版, 不過真係幾嘔心!! |
| 29/10/2007 |
|
今朝早左起身, 所以睇左兩集＜ＨＥＲＯ＞, 之後去左飲茶, 飲完茶就去左銀行, 再同太后行左一陣, 返到屋企都五點幾,
之後問家姐有冇收到電話, 佢話冇, 所以決定去東京旅行, 本來諗住 11/7 架, 不過打去話冇位, 所以只好 11/10,
我同家姐都要走堂, 之後可以減 $200, 但後黎又話聽日未必有得減, 所以叫我地最好今日去訂, 所以 DINNER 完就同太后去左俾錢,
返到黎就沖第二次涼!! 我計劃緊行程, 其實應該同上次差唔多, 不過今次主要係去食下野咁, 我要去買精品,
希望一切順利!!! |
| 30/10/2007 |
|
尋晚訓得唔太好, 一陣涼, 一陣好熱咁!! 今朝又太嘈, 攪到我八點幾醒左, 之後睇左兩集半＜ＨＥＲＯ＞,
LUNCH 完研究行程, 發現應該同上次去差唔幾!! 另外收到封信叫我下星期去 IN, 奇怪家姐收唔到?! 希望佢都收到啦,
其實都唔知果份要做Ｄ咩, 不過算, 又係盡力就算! 五點左右食左碟扣肉飯(見下圖), 係皇上O既出品!! 之後上左一陣網,
再準備返學, 但係落雨呢, 有少少麻煩!! 早左少少返到學校, 同Ｄ同學傾下計咁!! 又遲左落堂, 好彩放學時冇落雨咋,
返到屋企沖完涼, 食左三粒"美點雙輝", 好味!! 之後同太后研究下行程咁! 另外, 今日有大單新聞, 就係"光 GEJI"其中一個人,
因為藏毒俾人拉左, 仲攪到 UCHI 有份O既＜PLAY ZONE 2007＞DVD 要推遲推出, 前輩! 真係多得你唔少!! |
| 31/10/2007 |
|
今日好似涼左少少咁! 冇出到街, 都係編下行程咁, 大致上就大約知邊日去邊幾度咁, 希望到時順利, 同埋可以時間充份Ｄ啦!!
好期待!! 夜晚 CHECK EMAIL, 見到 YUMIKO 話果晚 OK, 可以一齊食飯, 我好開心呢, 今次可以盡情咁傾下計!!
但 ... 今次買咩手信俾佢好呢?! 睇＜有閑俱樂部＞第三集, 再次出現亞仁O既喊樣! 睇黎每集都會有呢! YEAH!! |
