 私の日記 |
| 私の日記 |
2008/06/01  |
|
今朝都係起身, 之後食左碗麵就返工喇!! |
| 2008/06/02 |
|
今朝落大雨呀, 好彩落去飲茶時冇咩雨咋, 不過因為今日Ｄ點心好遲, 所以成三點半先走!! 我先返屋企, 上左一陣網, 久後食左少少野, 夠鐘就返工喇!!
今日有好多野等住我完成, 好彩七點半左右就做哂喇!! 之後上左一陣網, 睇左Ｄ日飯O既 BLOG, 知道 SHO O既傷好似唔係咁嚴重!! |
| 2008/06/03 |
|
今朝都冇咩特別, 溫左一陣書, 因為今晚漢字 TEST !! 之後睇左好多節目, 睇到五點左右就食野, 六點左右就出門口喇, 因為要先去拎禮物!!
去到都好順利就拎到一支補濕 GEL (見圖1), 相信都唔平架, 而且好好地, 果個化粧姐姐冇迫我買野, 亦冇勁"乙水"我買野, 只係問左幾個問題,
同埋我點用呢支 GEL , 之後就走得喇!! 之後行返學, OH NO, 雨越落越大, 但係我竟然冇帶傘, 諗住跑返學校, 但係跑到一半,
真係太大雨了, 唯有打電話俾個同學, 最後要麻煩佢黎遮我返學校, 真係唔該哂!! |
| 2008/06/04 |
|
今日 LUNCH 完睇片, 睇左 V6 仲有關八O既節目, 五點左右就食左少少野, 夠鐘就返工喇! 今日工作好充實呢, 先出補課通告,
然後核對考試分數, 入果位同事入錯左好多呢!! 夠鐘鎖埋門就放工, 返到屋企沖完涼食麵包+湯, 之後再上下網, 睇下片咁!! 今日天氣真係好熱呢!! |
| 2008/06/05 |
|
呢排都訓得唔係幾好, 差唔多每一個鐘就醒一醒, 同埋自從睇完果次果集＜ＮＨＫ解体新ショー＞, 係講點解會訓"禮"頸, 話有時個頭側左少少就會咁, 就係睇完果集之後就訓下醒下喇,
因為自己意識到個頭側埋一邊就會醒, 攪到成日都唔夠訓呢!! |
| 2008/06/06 |
|
寫今日O既事之前要講一件大件事呀, 真係好大件事呀!! 今朝睇報紙 ... 呀 ... 呀 ... 呀 ...!! 大件事呀!! (眾人: 你快Ｄ講啦!!)
好, 我冷靜Ｄ先!! 就係, 我等到頸都長哂, 終於等到 TSUYO 再拍劇喇!! YEAH, YEAH, YEAH!! 真係好興奮呀!! 劇名叫「３３分探偵」,
TSUYO 演探偵, 每集除去 CM 係 33 分鐘, 而且係一套笑片, 好期待呀!! 雖然要 8 月先播, 不過我真係好興奮呀, YEAH!! 一定係佢知道我呢排成日爬牆,
前幾日仲宣佈要萌大野智, 所以 ... 呵呵呵!! 太好喇!! YEAH!! 今個暑假好忙呀, 可能知我唔洗返工吧(苦笑)!! |
| 2008/06/07 |
|
今日好想講: 唔通連個天都唔鍾意我呀?! |
| 2008/06/08 |
|
今朝 8 點就起身喇, 因為今日返全日呀, YEAH!! 食左兩件朱古力蛋糕, 不過真係唔好味!! 夠鐘就出門口喇!! |
| 2008/06/09 |
|
今朝好好訓, LUNCH 後上左一陣網, 大約兩點幾就出門口, 不過等左成二十分鐘先有巴士, 巴士加左價, 好貴呀!! 去旺角會合左家姐後,
行下街, 之後試飲左罐 RED BULL, 味道就好似士多啤梨O者喱水咁, 唔太好飲, 而且亦唔好飲咁多, 因為有咖啡因, 奇就奇在個宣傳姐姐話,
醫生已經証實左咖啡因唔會上癮喎!! 家姐買到好多野呀, 不過我就睇唔 ARM, 雖然見到有熊貓扭蛋, 不過都係等有一 SET 先買,
本來又想買過個 MP3 耳筒, 因為好平呀, 但係我又怕唔 ARM 用喎, 都係遲Ｄ先!! 一路行去尖沙咀, 但係都冇咩野行, 最後決定行去黃埔,
點知行到去紅磡火車站搵唔到條路, 所以坐小巴去, 好彩分段 $2.4 都 OK, 先去左吉之島, 因為想買壽司食, 最後買左兩盒(見下圖),
好抵呀, 唔洗 $30 蚊一盒, 買埋飲品, 就去左公園坐低食, 好彩冇落雨, 亦有風, 好舒服!! 之後再行下街咁, 不過原來黃埔冇咩野行,
所以坐返巴士去旺角, 不過搵唔到家姐想買O既野, 所以九點幾就走喇!! 返到屋企十點三左右, 沖完涼竟然唔記得左睇 NEWS ZERO,
因為今日成日都諗住要睇尋日秋葉原果件慘案, 但亦好彩冇睇到, 因為我覺得如果我有睇我一定會喊, 因為今朝睇 TVB 新聞時都忍唔住,
更何況今集 NEWS ZERO 個男主持仲今日去左現場添!! 另外, 見到 SHO 隻手冇上星期咁腫喇, 都放心Ｄ, 睇黎我細仔照顧得佢幾好(笑)!!
其實我今晚想早Ｄ訓, 因為聽朝返早, 不過硬係覺得好多野未做咁!! |
| 2008/06/10 |
|
今朝 08:45 起身, 因為今朝得一個同事返早, 所以我返去幫下佢手, 食左個朱古力撻(見圖1), 唔好食!! 之後返到公司, 好忙呀,
因為好多人黎交營費(今日截止), 又好多電話打黎問地址, 之後我再聯絡未交費o既人了解情況, 之後又要出信俾落選o既人, 雖然好忙,
不過都有同個同事傾下計咁, 好好傾呢!! 做到 12:45 放工喇!! |
| 2008/06/11 |
|
條腰冇尋日咁痛喇, 真係好!! LUNCH 後上左一陣網, 睇左一陣片, 五點左右食左兩件卷蛋, 夜晚返工, 今日終於完成左尋日朝未完成O既工作!!
放工返屋企沖完涼就 DINNER, DINNER 完又上下網咁, 不過都係要休息多Ｄ先得呢!! 聽晚仲要返旺角添, 希望條腰唔會太痛啦!! |
| 2008/06/12 |
|
今朝起身條腰仲有少少痛, 真係要珍惜健康呢!! LUNCH 後上下網, 睇下片咁, 因為個 HDD 真係好快就滿! 睇到三點幾食左幾舊卷蛋, 今次呢舊好味過之前果舊呢!!
四點三左右出門口, 因為今晚要返旺角 CENTER, 其實唔係太想返架, 因為車費加左價, 而且始終唔係咁熟果邊O既做法, 加上Ｄ人講野唔清楚, 真係想要佢地講重點呢!!
不過算啦, 因為果日應承左返今日同下星期四, 咁點都要返呢兩晚O既!! 早左好多到, 所以去左行書局, 但係想睇O既書都封實左唔俾人睇, 未夠鐘就返到去,
今日都好多野做, 果個同事又係講到唔清楚, 不過今次我冇咁嬲喇, 因為算啦, 冇咩所謂, 冇謂激親自己, 佢講得唔清楚, 咁我咪問多幾次等自己清楚Ｄ算喇!!
而且 ... 相由心生, 我要保持平靜而且開心O既情緒, 咁就好過搵長生不老丹黎食啦(笑)!! 本來呢個"唔清唔楚"同事要我鎖門架, 不過好彩放工前, 呢邊個上司自動上去鎖,
因為講真丫, 我完全唔識呢邊個環境同埋做法, 加上唔似觀塘 CENTER 咁 CCTV 咁多, 呢邊課室果層得兩個 CCTV, 根本就冇用, 真係冇咩安全感呢, 唔洗我鎖門實在太好喇,
早左少少走, 去到巴士站送車尾, 如果唔係腰痛就趕到O既!! 等左幾分鐘有車, 返到屋企竟然係 21:05 喎, 但係我 20:15 放工架喎, 唔計等車, 乜要咁耐架咩?!
來回咪成個半鐘有多, 嘩, 唔太化算咁!! 返到屋企沖完涼, 有壽司食(見下圖), 真係太好喇, 好好味, 好滿足呢!! 之後再上下網咁, 突然間好想食雪糕,
不過屋企冇呢!! |
| 2008/06/13 |
|
今朝好早醒左, 因為又行雷閃電!! 之後起身食左件卷蛋, 再睇左＜LAST FRIENDS＞第十集, 宗佑 ... 宗佑佢 ... 嗚嗚, 雖然宗佑做左好多衰野, 但係我唔想見到佢自殺呢個結局!!
去左飲茶, 飲完茶行左一陣, 買左兩盒雪糕, 返到屋企沖完涼, 又睇下片咁, 睇左尋晚O既＜ひみつのアラシちゃん！＞, 變得好睇喇, 其實以前都好好睇, 不過而家更好睇更有趣!!
今次除左有雅紀O既【小悪魔 ageha 第2弾！】外, 仲有翔同 LEADER O既【チャイルドマインダー嵐】, ビックリしたのは: 佢地兩個真係去考左 チャイルドマインダー ,
有少少怨恨唔係櫻相, 不過咁快考到已經好勁, 而且翔仲有 94 分, 果然高材生!! 佢地兩個去左湊個小妹妹, 真係好得意, 有少少似以前O既＜まごまご嵐＞, 唔知日後其它三個會唔會去考埋,
之後五個輪住去湊ＢＢ呢(笑)!! BY THE WAY, 今日對眼好似有少少乾, 仲有我諗緊聽日有咩做好, 因為聽日冇工開呢!! |
| 2008/06/14 |
|
今朝好好訓, 因為唔洗返工, 所以諗到十一點幾!! 之後亦冇出街, 因為落雨, 同埋腰仲有少少痛, 所以選擇留O係屋企休息下!! 睇下片上下網咁啦,
做下面膜, 同埋敷下化粧水, 真係覺得皮膚好左咁喎!! 電腦突然中招, 不過好彩用左個軟件 SCAN 返, 攪返掂!! 再次詛咒放毒果個人!! 另外, 收到准考証喇,
7/13日, 返唔到工添, OH NO!! |
| 2008/06/15 |
|
今朝起身發現部電腦間唔中會斷線, 我懷疑係中左毒!! 冇計, 放工返黎先整啦!! |
| 2008/06/16 |
|
今日為左電腦大哥/大姐勞動左一日!! 先去飲茶, 飲完茶就去問左幾間電腦店, XP 幾錢, 不過都係賣 OEM 版, 要成 700 左右, 安埋要加百幾蚊,
由於太貴, 所以都係諗諗先!! 返到屋企, 好好彩見到表弟亞康 ONLINE 喎, 因為呢幾個月都好少見佢呢!! 所以順便問下佢, 佢話唔洗買, 因為我個 XP 本身係正版,
而家只係個 GHOST 有問題, 所以佢會寄過隻 GHOST 俾我, 真係麻煩哂!! |
| 2008/06/17 |
|
今日不停咁落雨, 真係幾唔方便呢!! LUNCH 後上左一陣網, 之後三點返工, 因為今日應承左幫個同事整理音樂會O既問卷, 有三場O既問卷, 不過好快攪掂,
因為每場都唔係好多人交返黎, 所以四點左右就完成, 後來幫另一個同事校對場刊, 做到五點九左右就完成, 因為佢地冇野俾我做, 所以我就放工喇,
返到屋企 ARMARM 太后買左吉野家返黎(見下圖), 所以就一齊食, 之後返學, 今堂都冇咩特別, 不過諗諗下原來剩返三堂咋, 真係唔係好捨得添!! 因為我決定唔讀下一年喇,
又未搵到其它 COURSE, 所以好難想像冇得返日文O既我會點呢!! 亦意味住 ... 要開始溫 FINAL EXAM 喇!! 冇理由最後先衰架, 我要努力!! 放學返屋企沖完涼,
食左幾塊餅, 再上網同睇片喇!! |
| 2008/06/18 |
|
今日起身後, 上下網咁啦, LUNCH 後又上下網睇下片咁, 之後一邊睇＜CHANGE＞第六集, 一邊食左幾塊餅, 夠鐘就返工喇!! 今日主要係文件整理同埋核對下過幾日要用O既分紙,
我都算幾叻喇, 冇整損手, 其實Ｄ文件真係越黎越壯觀, 已經就黎關唔到櫃筒! 放工後返屋企, 太后整左麥樂雞, 不過每人 14 粒真係多左少少, 所以食完好滿足!! |
| 2008/06/19 |
|
尋晚同太后訓, 因為皇上病左唔可以開冷氣訓, 所以太后就同我訓喇, 仲一齊睇＜惡作劇2吻＞睇到差唔多兩點!! 今朝起身冇幾耐, 就同太后兩個出左去行街, 先去左麥記 LUNCH, 再坐巴士出左旺角,
行下花園街/女人街呀咁, 再一路行, 順便拎埋ｄ信用咭禮物, 不過因為體積太大, 所以太后四點幾就坐車返左屋企喇, 而我就繼續行左一陣, 買埋雜誌, 到五點三買左個漢堡包食, 嘩!! 攪咩而家Ｄ漢煲包咁貴架,
要 $6.6, 乜唔係 $5.5 咋咩!! 拿拿聲食左後, 就返工喇, 仲約左家姐放工見!! 今日返到去, 都幾多野做, 果位同事依然講野唔清唔楚, 俾左個 LIST 我冇左一個人名, 佢竟然問我點解會冇左喎, 仲問左我幾次,
真係想反問佢:"你問我我問邊個?!", 個LIST 又唔係我整又唔係我 PRINT, 你 PRINT 果個都唔知點解, 我答到你你都驚啦下嘩!! 不過我冇反駁佢, 只係冷笑左一聲!! 多謝你令到我大開眼界(笑)!! 另外,
今日好有緣地, 撞返個中學同學, 其實我上星期返旺角時睇到有個 MISS 個名都覺得好熟, 當時我只係覺得同名同姓而已, 點知今日佢落堂落黎 OFFICE 借野, 佢竟然 UP 得出我個中文全名, 果然係中學同學, 傾左幾句,
簡單咁講左中學畢業後做過咩咁, 再換電話同 MSN, 真係估唔到世界咁細, 佢畢左業後就學樂器, 而家係老師, 真係勁!! 早左少少放工, 會合左家姐後, 一邊傾一邊行左去朗豪坊O既 MARKET PLACE 買壽司食,
真係冇吉之島果Ｄ咁正同埋咁平!! 之後再行左一陣, 原來家姐冇得上網, 因為網絡公司問題, 所以順便買左個外置 HDD, 俾我返去 SAVE 起佢要睇而又 DL 唔到O既節目!! 包在我身上!! YEAH!! O係某個商場見到有隻熊貓添(見下圖),
影完後就坐車返屋企喇!! 返到屋企十一點 LU, 沖完涼再吹埋頭, 就幫家姐整埋個 HDD, 再上下網就準備訓 LU!! |
| 2008/06/20 |
|
今日起身之後睇左一陣電視, 再去左飲茶, 飲完茶就同太后坐車去 APM 行下街咁, 再買埋壽司返黎做 DINNER, 五點幾先返到屋企,
一返到屋企收到家姐個 SMS, 原來佢早左放工, 所以約左佢黎我屋企附近俾返個外置 HDD 佢返屋企煲劇, 再送家姐坐 MTR 就返屋企喇!!
返到屋企沖完涼 DINNER, 再上網同埋睇片, 睇左＜LAST FRIENDS＞大結局, 都幾好睇, 雖然宗佑真係死左(因為我始終希望佢冇死到),
結局都好夾硬咁, 不過都算係一個 HAPPY ENDING, 反而係好想知下星期O既 SP 會講咩, 我估可能係講返宗佑同美知留O既過去, 又或者小武O既過去?!
無論點都係好期待O既!! BY THE WAY, 今晚一定要早訓喇, 因為聽朝返早同埋返全日, 因為聽日係面試考試日子, 努力!! |
| 2008/06/21 |
|
今朝醒左幾次, 因為怕自己唔知醒, 但後黎都好準時 8 點起身, 食左幾塊餅之後再坐左一陣就返工喇!! 因為今日係考試+面試日, 返到去 OFFICE 冇人!!
原來全部同事上哂去 5/F, 所以立即上去幫手, 我主要O既工作係"報到"位, 雖然唔洗行黎行去, 不過而家真係好多人係唔知自己做緊咩O既, 黎考試, 但係就好似咩都唔知咁,
有好多連自己報邊個中心都唔知, 總之就怪啦, 簽到時, 有Ｄ學生仲問係咪簽佢自己個名喎, 心諗: 唔通簽劉德華咩(大笑)!! LUNCH 返左屋企食尋日買O既壽司, 太好味喇!!
食完休息下上下網, 再返去幫手, 下晝多人少少, 同Ｄ同事傾下計咁, 我終於都知道果件謎一樣O既事件O既經過喇!! 我承認我八掛(笑)!! 放工返屋企, 沖完涼 DINNER,
再睇下電視上下網咁!! |
| 2008/06/22 |
|
今日冇出到街, 因為主要怕人多, 加上天氣熱, 而且冇得返兼職, 所以都係安坐家中算了!! LUNCH 後睇下電視, 上下網, 仲整埋Ｄ雜誌, 因為買左返黎幾日都未有時間整理好,
終於攪掂喇!! 之後睇下片咁啦, 睇左個節目叫＜ＩＱサプリ＞, 都幾好睇喎, 可惜唔係成日有得睇, 咁耐都係見到呢一集而已!! DINNER 後又上下網睇下片咁!!
頭先望出窗, 見到有晚霞呀(見下圖), 好靚呀, 不過即係意味住黎緊又會落雨!! |
| 2008/06/23 |
|
今朝有少少唔舒服, 不過食左藥好少少喇!! 同家姐傾左一陣 MSN, 之後去左飲茶, 飲完茶因為太熱, 同埋唔太舒服, 所以直接返屋企, 返到屋企有少少暈,
不過好快冇事喇, 睇下片咁啦, 再睇左＜ANEGO＞第一集, 其實好耐之前已經睇過, 但係近排又想睇多次, 仁真係好型!! 夠鐘就食左幾塊餅再返工!! 今晚O既工作係入分同埋整理文件,
七點幾就完成左, 再睇下同事本台北旅遊書, 走之前終於搵到某個 BLOG 啦, 記低左網址後, 就去鎖門!! 放工返屋企沖完涼, DINNER 完就去某個 BLOG 睇,
我承認我八掛, 但係睇完只覺得個 BLOG 主諗埋一邊, 令到自己唔開心都無補於事, 因為男主角O既動機好明顯, 希望呢個 BLOG 主快Ｄ放手, 好好珍惜自己O既光陰同埋青春啦!!
BY THE WAY, 睇左＜NEWS ZERO＞同埋＜嵐の宿題くん＞, 果塊牛肉真係好似好好味咁, 要 5千幾日元一塊, 一定好好味!! |
2008/06/24 |
|
今朝起身睇下電視咁, LUNCH 後都係忙於睇片(睇左好多＜花より男子ファイナル＞O既檔)同上網!! 睇到四點幾煮左個米粉食(見下圖), 六點幾就出門口返學,
說來今堂日文係尾二一堂, 意味著快要 FINAL EXAM, 快要 ORAL EXAM, 快冇學返啦!! 返到去都係冇咩特別, 教下書, 做下練習, 再討論下咁, 到九點,
有個 STAFF 入黎話十一點前會掛八號風球, 所以決定早放學, 返到屋企沖完涼, 試用尋日買O既令頭髮快乾O既帽, 不過好可惜, 完全冇效!! 之後食左碗湯飯,
再上網咁!! |
| 2008/06/25 |
|
尋晚真係掛八號風球呀, 仲掛到今朝十一點幾先落, 但係咁樣又令到我好懷疑今晚洗唔洗返工!! LUNCH 後上下網咁, 之後兩點幾打返公司, 點知冇人聽,
我都估到架喇(笑), 之後打俾個同事, 但係佢咁 ARM 又 OFF 喎, 唯有晏少少再打返公司啦!! 到左未夠三點時, 上司小姐打俾我, 話停左課, 問我可唔可以早少少落去,
所以三點半返到六點喇!! 都係入返Ｄ考試分, 同埋 CHECK 下分咁, 六點放工返屋企, 沖完涼就 DINNER 喇!! DINNER 完又上下網睇下片咁!! |
| 2008/06/26 |
|
今日斷斷續續咁落雨, 冇咁熱呢!! 去左飲茶, 之後同太后行左一陣咁啦, 返屋企坐左一陣, 沖完涼又上網, DINNER 完趕得切睇＜うたばん＞, 真係好攪笑, LEADER 大鬥法!! 見到雅紀食到個辣泡芙, 真係心都痛埋,
因為睇佢個樣真係辣得好緊要咁!! 再睇左陣片, 夠鐘又睇＜ひみつのアラシちゃん！＞, 今集實在太好笑喇! 因為係大島同潤 DATE 呀, 仲要有杉菜, MAO 真係好可愛!! 真係好攪笑, 不過睇得出潤係唔想麻煩到其它人,
但好可惜, 除左 MAO , 仲有杉菜爸爸同埋西田管家, 但真好好笑呢!! 笑到我差Ｄ噴水!! 另外, 無意中俾我 SEARCH 到個同事O既 FACEBOOK, 不過我都係冇 ADD 到, 因為其實我覺得 FACEBOOK 幾煩呢!!
而且冇咩安全感, 所以都係算吧, 寫 BLOG 好玩好多!! |
| 2008/06/27 |
|
今日因為太懶, 唔想去飲茶, 所以煮左個米粉食!! 之後上下網睇下片咁, 仲好乖咁做左 7/8 先交O既功課, 不過仲未開始溫書!! 收到寶姨同表妹們寄黎O既包裹(見下圖), 多謝媚媚送我O既功夫熊貓精品!! 另外, 今日連續睇左好多集＜ANEGO＞,
真係好好睇, JIN 好型(笑)!! DINNER 後又睇＜ANEGO＞, 到左九點睇 TBS O既＜花より男子・特別版＞, 又係好好笑, 雖然好多都係回顧片段, 不過感覺唔錯, 仲有 ARASHI 客串左少少, 道明寺一發惡, 另外四個好聽話咁一齊做手勢(笑),
好期待呢套電影, 唔知香港幾時上, 快Ｄ上啦唔該!! |
| 2008/06/28 |
|
今朝起身食完野後, 上左一陣網, 再返工!! 今日整理文件/收據 等等, 聽日就會忙Ｄ!! 三點放工, 突然好想食奶醬多喎, 所以去左超市買練奶同埋花生醬, 之後就返屋企喇!! 沖完涼就整多士食(見圖1),
之後太后打黎話想食粟米, 所以整定左俾佢返黎食(見圖2), 食完後上下網咁, 睇左少少 TVB 播O既女排, 本來想睇日本 TV 呢場女排O既直播架, 因為日本有松田聖子, 不過 CONNECT 唔到, 所以只好睇 TVB,
不過 TVB 果幾位旁述真係幾煩, 同埋冇咩 POINT, 有好多時係是但講Ｄ野就算, 根本同場比賽冇關係!! 另外, 突然間落雨, 所以影左張黑雲相(見圖3), 今年真係唔會制水呢!! 再上網睇下 TBS 有咩新 GOODS,
好鍾意＜魔王＞果條頸鍊(見圖4), 而且唔算貴, 不過O係香港買唔到!! DINNER 後又係上下網, 睇下片咁!! 睇完＜VS 嵐＞, 終於嬴左喇! 因為的確係夾硬改左好多地方先嬴左!! 果然 ROLLING COIN TOWER 係要先攻先 OK,
因為一下子加速真係對先攻有利好多!! 不過, 唔理用咩方法! 嬴左就係嬴左, 恭喜!!! |
| 2008/06/29 |
|
今朝落好大雨, 好彩冇雨警告, 有工返!! 食左個米粉後就返工喇, 其實今日都幾 RELAX, 碎下紙、聽下電話、鎖下門咁, 得閒就同Ｄ同事/老師傾下計咁, 無驚無險又到放工時間(17:30),
因為今日另一個 PART TIME 要幫手出 SHOW 我替埋佢, 所以放 17:30, 放左工返屋企, 沖完涼就梗係上網啦(笑)!! DINNER 完又上下網/睇下電視/睇下片咁!! 睇左少少＜L CHANGE THE WORLD＞,
有少少朝香姐姐, 真係令我好意外呢!! 今晚要早訓, 因為聽日返 10:00 - 20:15, 正!! 我而家驚緊八月冇工開, 因為暫時見到七月都仲 OK, 八月唔敢想像呢!! 不過順其自然啦, 萬一冇工開O既,
咪睇奧運囉(笑)! |
| 2008/06/30 |
|
今朝八點幾起左身, 因為返工!! 食左幾塊麵包, 準時返到去, 坐左一陣見返果陣去 INTERVIEW 時, 整"巢"我張 DEGREE 果個 BUSU!!
做左好多野, 好充實呢!! LUNCH 返左屋企煮米粉食!! 夠鐘又繼續返工, 今日做電話追數(大笑), 其實係因為有Ｄ學生未交學費, 而今日又係期限, 所以打電話去了解下情況咁,
好彩大家都好有禮貌, 好順利完成!! 一路坐到八點幾, 鎖門, 放工!! |
