今朝十點鬧鐘響, 開著個電視點知又訓返, 但係訓訓下突然聽 SAMMI 把聲喎, 所以起身, 一睇原來播緊＜我要嫁個有錢人＞, 所以就起身睇喇, 十一點幾時叮返熱碟飯食!

之後上下網咁, 兩點左右落樓, 因為家姐今日黎我屋企呢!! 去到會合左後, 就去左�ｺ福文具店, 諗住買膠板整牌, 不過都係貴左少少, 最後只係買左一碼半O既�K色 PVC 用黎封紙牌就算!!

再去左買 KFC 返屋企食, 返到屋企一邊食一邊睇前晚O既＜嵐の宿題くん＞, 其實我尋晚睇左, 不過家姐未睇, 所以一齊再睇多次! 真係笑爆肚呢!!

之後就開始整牌, 原來家姐已經 PRINT 好哂Ｄ字, 所以我地都係設計下擺位同埋顏色之類, 整下又傾下台北之旅咁!! 不過唔知點解整整下都成八點幾先攪掂, 不過其實仲差少少未攪掂, 要等家姐返屋企 "CUP" 幾個圖案出黎再貼埋落去先完成, 所以俾住個半製成品大家睇睇先(見下圖), 本來我都有諗住帶返前年果個牌去, 不過果個係兩張 A4 (即係 A3), 太大喇, 上次真係成日整到我隔離位, 所以今次決定都係整 A4 算, 反正第一場坐咁近, 佢地一定睇到!! 而家只係希望到時唔好打風唔好落雨!!

至於行程, 其實都係西門町同埋某Ｄ夜市/地下街咁, 對台北真係唔係好熟, 都唔知有�乍ﾇ!!

九點左右去左淘大 KFC 食, 不過都要 $30 呀, 真係越黎越貴, 所以難怪我成日返工要返屋企煮野食, 如果唔係一餐都差唔多食左一個鐘O既人工呢!! 食到十點左右就送家姐去 MTR 站, 我就行返屋企喇!! 仲O係個 MTR 站見到 AYU 果個新O既內衣廣告, 真係好好好靚呀, 本來想拎手機出黎影架, 不過我驚Ｄ人以為我係見到Ｄ內衣所以影, 好似好變態咁(笑), 所以冇影到!! 不過真係好靚!!

返到屋企沖下涼, 再執返好Ｄ野, 又上下網咁, 其實真係應該開始執下行李, 雖然仲有十日左右, 不過執得黎都 ARM 呢(笑)!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝十點起身, 食左件蛋糕, 之後就準備返工, 最攪笑係我唔知點解突然間記得今日 嘉倫仔仔 生日, 所以 SMS 左佢, 之後佢打黎, 傾左幾句啦, 因為我夠鐘出門口, 所以要收線呢!!

今日O既工作都好簡單, 係幫個同事搵返以前O既場刊, 對返Ｄ歌名/作曲者O既中英文譯名, LUNCH 返左屋企食, 點知食粒牛丸時, 突然間有Ｄ好硬O既, 我以為係骨啦, 點知吐出黎先知係一粒銀色野, 真係唔知�縄t! 不過我已經 KEEP 起左, 一定要投訴下!!

LUNCH 後返去繼續, 不過有好多都冇呢, 做完後, 好彩另一個同事有野要我幫手咋, 如果唔係就要放工喇!! 幫另一個同事將一大箱唔同節目O既小冊子/DM... 分返類, 我估其實過 500 分!! 好彩都幾順利!! 不自覺咁做到六點一左右, 個同事入黎同我講話夠鐘收工, 話唔好蝕, 果陣我先知已經過左六點(我放六點), 交待埋我分類O既結果後(其實只係爭十幾份未分到), 之後就放工喇! 蝕左成十分鐘 ... 不過算啦, 因為我呢Ｄ做大事架嘛, 唔會計較呢幾分鐘(呵呵)!!

BY THE WAY, 今日O係上司小姐口中聽到一個可能會實現O既超好消息! 希望真係可以實現啦, 希望上司小姐可以幫我傾得掂!!

放工返屋企同太后傾左一陣電話, 之後沖涼, 沖完涼就煮野食, 不過都係飲左個菜湯咋(見下圖), 因為唔係太肚餓, 再加上Ｄ菜O既份量我又重手左呢!! 食完後上下網咁, 大約十點半食左件蛋糕, 因為聽日去別墅(HAHAHA, 第二頭住家, 以後叫佢"別墅"吧!), 所以費事件蛋糕放咁多日!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝大約 9:40 同事打黎, 話原來上司小姐今日請病假, 所以問我可唔可以幫佢地手, 所以我用極速O既動作換衫攪掂好哂出門口返工, 本來約左皇上同太后地飲茶架, 不過因為有工開, 所以推左改成晚飯!

返到 OFFICE 得一個同事咋(因為另一個同事返晏), 首先幫手攪埋Ｄ初班結果, 整整下 PR 同事想我幫佢手校對, 所以好努力咁做, 搵到Ｄ佢一直搵唔到O既錯處, 幾有滿足感呢!! 今日所有電話都係我聽, 睇下我幾幫得手(笑)!! 上司小姐都有打返黎講低Ｄ工作俾同事知呢!!

LUNCH 返屋企者左個烏冬食(見圖1), 好味好味!! LUNCH 後又返工!! YEAH!!

入返Ｄ租金啦, CHECK 返Ｄ出租樂器數目咁啦, 休息左一陣, 之後幫 PR 個同事 UPDATE 返Ｄ資料, 因為Ｄ野我跟開呢, 雖然諗諗下咁樣就少左工時, 不過冇所謂啦!! 因為我跟開O既, 都想一手一腳攪埋佢!! 就係咁, 就攪到六點個同事提我收工我先知夠鐘!! 再交待埋做成點呀咁, 仲要好唔生性咁有電話打黎問同事野, 攪到我講完已經 18:10 喇!! 今日蝕左十分鐘, 不過冇所謂啦, 開講有話: 小財唔出大財唔入!! 都係果句: 我呢Ｄ做大事O既!! 呵呵!!

返到屋企攪掂Ｄ野即刻出門口, 因為約左皇上太后同埋舅父舅母食飯, 所以拎返我Ｄ行裝後就出門口坐巴士喇!! 等左一陣都仲未有, 之後見有另一架都到O既巴士就上左車, 不過放工時間好多人, 而且架巴士係少有O既單層巴士, 所以冇得坐, 嘩!! 我幾多年冇坐過單層巴士呢?!!

去到酒樓佢地己經睇緊食�答h!! 我地叫左幾樣野(見圖2~7), 都幾好味呢!! 食完後去行左一陣, 見到部新O既扭蛋機(見圖8), 好得意呀, 熊貓點心!! 不過因為太貴, 所以冇扭到, 都係等佢有一 SET 時先買!! 再O係十蚊店見到一隻熊貓公仔(見圖9), 好可愛呀, 得返呢一隻添呀, 所以就買左喇!!

行完返番去別墅, 沖涼之後上下網, 睇下電視咁, 台北場O既週邊有消息喇!! 有Ｄ以為會有O既竟然冇, 買邊樣好呢?! 要再諗諗先!!

BY THE WAY, 新鴨仔罐頭刀(見圖10)!! 可愛吧!!







世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝十點醒左, 係俾 JUN O既"お前は俺のもんだから、チューしよ、おいで！"叫醒!!

之後食左件蛋糕, 再傾下 MSN 咁, LUNCH 有豬手湯飯食, 好好味呢!! 之後再上下網咁!!

同太后坐免費車去左新都城行街, 想買衫架, 不過睇唔 ARM, 因為太后在場, 買野有少少難度(笑)!! 行到五點幾六點就返去, DINNER 食意粉, 真係好好味, DINNER 後睇下電視咁, 十一點幾先再上下網, 寫下日記/BLOG 咁!!

要多謝 TSUTSU 先, 佢話佢今日買左條熊貓福娃(晶晶)O既毛巾仔俾我, 真係多謝哂!!

世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝九點幾醒左一醒, 噤熄個電話鬧鐘再訓過!! 十一點幾起身, 之後 LUNCH, 再傾下 MSN , 仲睇埋 TVB O既＜新不了情＞添, 其實都幾好睇!!

之後都係上下網咁, DINNER 同皇上食麵, 之後又上下網, 再睇下電視, 一路睇埋＜神探咖俐略＞先再上網, 而家諗住繼續玩果個 CLAIROL 網上遊戲, 因為我真係好鍾意玩果Ｄ三粒同樣就會消失果Ｄ GAME, 唔知叫�当ｼ, 不過真係好好玩, 我可以玩幾粒鐘架呢!!

世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝九點幾又俾唔知邊度住O既人大叫嚇醒, 呢邊真係朝朝都有人突然間大叫, 好得人驚!! 最攪笑係我關門訓都嚇醒, 但係開房門睇下�梼鮪�, 見到太后開住房門訓都完全冇俾呢野大叫嘈醒!!

之後訓返訓到十一點幾先身, 再食左件蛋糕, 又上下網咁, 一點幾落街飲茶, 再行左一陣, 返屋企又上下網/玩下 GAME 咁, 到左六點幾去左美心食野(見圖1), 之後經過惠康, 竟然見到 KERORO 糖減價喎, 係荔枝味O既泡泡可樂糖, 每包有 9 粒左右, 再加一張 KERORO 遊戲咭, 而家賣 $2/包 咋, 所好抵食呀, 一口氣買左廿包(見圖2~3), 因為真係好好味!! 遊戲咭有 20 款, 我買左廿包, 有 15 款呢!! 差 5 款添!!

DINNER 後又去行左一陣, 不過冇買其它野, 大約九點返到去, 沖涼再睇下電視咁, 十一點幾再上下網咁!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝又訓到十一點幾, 因為涼涼地, 幾好訓!!

LUNCH 後上左一陣網, 大約兩點幾坐免費車去左新都城行, 買左燒鴨今晚食!! 再行左好多地方, 行完新都城再行左去東港城, 買左三包日本微波爐野食, 希望好食啦!! 之後行返去, 沖完涼就 DINNER, DINNER 完又上下網, 睇下電視咁, 而家諗住睇片, 因為實在太太太多片未睇, 我要努力!!

世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝未夠十點就起左身, 之後食左件蛋糕, 就返老家喇, 返到去十一點幾��啦, 再執下野咁, 等埋皇上同太后去完銀行返黎, 再坐左一陣就去左飲茶, 飲完茶又去左銀行, 因為我本簿仔就用完, 所以去換本新O既, 不過簽個名錯左少少, 不過冇所謂啦, 因為都好少去櫃位提款!! 之後返屋企, 又睇下電視, 執下野咁!! 佢地四點幾就返"別墅", 我就上下網, 再沖涼, 到左六點幾就食飯, 食完飯就開始執行李, 我知係早左少少, 不過慢慢執都差唔多呢!!

世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝未夠十點就起左身, 之後食左個叮噹紅豆包, 再上下網咁!

食完 LUNCH 開始諗下有�痘v帶咁, 開始執行李!! 食完 DINNER(見下圖) 後, 真正開始執下行李同埋寫行程, 亦因為唔知時間, 所以都係大約寫左想去邊同埋食�灯���咁!! 再整理返要買週邊O既 LIST, 再襯下衫咁, 不過最攪笑係, 我襯好左果幾套, 最後係決定全程著 T-SHIRT, 因為去旅行最緊要係輕便!

今次帶O既野多過上次, 因為今次帶埋毛巾!!

希望一切順利!! 台北!! 我黎啦!!!

BY THE WAY, 今日係 安怡 生日呀, HAPPY BIRTHDAY DEAR PHEOBE!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝未夠十點就醒左, 上下網, LUNCH 後開始執行李喇!! 睇到奇摩新聞話佢地已經到左台北喇, 果然一落機就係小籠包, 其實我覺得又未致於話咁好食呢!! 下午茶食左早幾日買O既微波爐食品(見下圖), 不過味道麻麻地!! 好油!!

我而家開始好緊張喇, 希望一切都順利!! 我而家非常緊張, 因為一陣四點前要出門口, 一定訓唔到呢!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

香港 -> 桃園機場 -> 西門町 -> 小巨蛋

昨晚 9 時多已經在床上想睡, 但是最後到了 11 時多才睡了一會兒, 12時左右已經醒了, 跟安怡聊了一會兒MSN, 然後再確定行李証件等都齊, 2 時多還吃了兩個紅豆包, 因為怕自己坐車時會餓! 大約 3:45 就出門向台北進發了!!

到達機場巴士的車站 4 時左右, 車應該 4:15 左右會到達, 但最後 4:30 才有車, 差不多 5:15 就到達了香港機場了!!

坐了一會兒, 會合了姐姐後一起等待 CHECK-IN 時間, 不過機票都騙人, 又說要起飛前 3 小時到達, 但是等了 1 個多小時才開始 CHECK-IN 呢!! 因為又不太餓, 所以只是逛了一會兒, 8 時多就入閘去候機室等上機了!!

大約 9:10 起飛, 這班機沒太多乘客, 所以週圍都沒太多人, 空間感不錯!!

大約 10:40 已經到了桃園機場了! 拿了行李立即去換台幣, 然後就去坐"飛狗巴士"了, 因為旅行社送了車票!! 11:13 開車, 往酒店出發!! 因為"飛狗巴士"不是直接到達酒店的, 所以要在中轉站等接駁巴士, 職員說只需等 10 分鐘左右, 但最後足足等了半小時左右才有車來呢!! 車上的 10 多名香港人, 只有我們兩個住"東龍大飯店", 還是尾站! 總言之就是 1 時才到達酒店, 我還預期是 12:30 前到達呢!!

CHECK-IN 後, 因為說要 2 時才可以進房間, 所以我們把行李寄存在酒店, 然後就向小巨蛋進發了!! 坐捷運由"西門站"經"忠孝復興"站, 轉去"南京東路"站, 走了大約 10 分鐘, 大約 13:30 便到達小巨蛋了!

買週邊的人實在太多(忘了拍照), 所以我們立即排隊, 幸好天氣不錯!! 不過排在我們後面的兩個穿浴衣的女生, 因為有人訪問她們, 然後就 HIGH 翻了! 不停撞到我們她也沒反應, 中途下了一點點雨, 她的傘子足足撞到我們的頭上超過 5 次, 讓我們覺得 ... 有點火, 做人也要自覺一點嘛! 沒可能看不到有兩個人在自己前面嘛!! 一邊排隊, 一邊在填寫買週邊的表格, 買完週邊正好是 4:00, 速度還算可以吧! 其實我都忘了上一次排了多久才買到, 所以也比較不到!!

拿著一大袋週邊高興的坐捷運回酒店, 還在西門的便利店看見有涼麵, 所以買了汽水、涼麵、泡芙回去!!

這幾天我們就住在 205 了!! 房間比我想像中清潔, 而且 CHECK-IN 的職員很好, 說 UPGRADE 了我們到 3 人房間去呢!! 吃了那盒涼麵, 我覺得蠻好吃呢!! 大約 6 時就出發去小巨蛋了!! 7 時左右進場, 完全沒檢查包包, 而且是很順利的進去了!!

今天的位置是特區第 11 行, 更改舞台設計後的位置比之前好, 我的左邊只有一個位置, 然後就是通道跟移動舞台路軌了!!

大約 7:30 開始, 全程也很 HIGH!! 移動舞台在頭上經過很多次, 終於知道移動舞台的震撼了!! 他們好像都看見我的牌子呢, SHO 還跟我有眼神接觸(笑), 有一次移動舞台在頭頂經過時, 有看到 雅紀 & NINO 有看正在腳下位置的我們! 真的很興奮!!

不過最討厭的是, 我前面的那兩個人, 由未開場一直到完場, 也是不停在補妝, 真的每唱完一首歌就轉身過來向著我補妝, 拜託了!! 我不想看見你補妝耶, 而且不明白每首歌最多是 5 分鐘, 5 分鐘你的妝能掉了多少呢?! 而且那位小姐的臉已經白得像藝妓一樣, 我沒有誇張, 真的沒有誇張!!

說回演唱會, 唱了很多歌, (曲目後補吧!!) MC 部份很有趣, 還未請翻譯員上台時, 他們問了我們有沒有看他們的節目, 宿題、魔王、花男之類, 而且大家都有回應, 他們還打趣說: 聽得明白那不如不用翻譯了!! 還說了昨天接機的人裡面, 竟然有 9月尾才在日本播出的宣傳節目中的"大野マン"扮相的人出現, 讓他們感到很意外!! 當然最後還是請了翻譯員上台, 但 ... 依然是像上一次一樣, 怎會有翻譯員會跟人搶話的呢?! 雖說有時候忘了給時間她翻譯, 但是又怎會直接跟他們說"我還未翻譯~"、"先讓我翻譯"之類的話呢? 這也是讓我跟上一次一樣, 來一個郁悶!!

MC 說了台灣也有 F4, 其它 4 人還說要是 道明寺 VS 道明寺 會是怎麼樣的! 潤提議其他角色由他們來演, 潤分配角色時, 就剩下 SHO 一人不是 F4, 而 SHO 被配到的角色竟然是 つくし(杉菜), 害我也叫了幾次 " つくし~ つくし~" 真的很爆笑! 也有說到吃小籠包, 還不自覺的跟店員說"很久不見", 潤說這次是第 3 次見面了, 其它 4 人立即回應說他們只來了兩次, 潤就說有一次是"金曲獎", 立即其它 4 人進問潤來"金曲獎"是做什麼的, 潤就說是頒獎給得獎的人, NINO 打趣說潤只是金曲獎的臨時員工呢! 其它 4 人說為什麼是潤一個人來金曲獎?! 潤說因為只有他有空, 其它 4 個都很忙, NINO 立即說他每天都非常空��呢!!

唱了新歌 RE(MARK)ABLE , 我是第一次看這首歌的表演, 真的很帥氣!! 潤的 SOLO 唱 "YABAI YABAI YABAI", 還是之前讓我看得呆了的 "MJ WALK", 一直走上小巨蛋頂步然後倒吊走來走去, 很�至Q!! ENCORE 了兩次, 唱了 NINO 新劇的主題曲 "BEAUTIFUL DAYS", 本來是說不唱的, 不過 NINO 說: "唱吧! 大家想聽!!"!! 最後噴出銀色彩帶, 是特區的專利呵!! 大家也伸手去拉, 因為想拿來作紀念!! 由於彩帶很長很長, 我不停的在收我拿的那一條時, 坐前排的那位補妝小姐竟然一手拉著我在收的那一條, 還在搶, 但是那條彩帶一直在她身邊很久她都沒伸手去拿(因為又在補妝), 那就代表她不要嘛, 而且我在差一點點就收完了, 所以我怎樣也不放手, 她還用那雙粗眼線及藝妓一樣白的臉狠狠的看著我, 但我就是不給你呵!! 而她搶我的同時, 我發現原來我跟左邊的日本女生收的那一條是同一條, 所以我收完後就把手上的都給了那日本女生, 我就是不給你呵!! 補妝小姐~~

正想收拾東西離開時, 那日本女生突然走出通道多拿幾條彩帶, 然後給了我們, 真的謝謝她呢!! 因為我還以為她想多收幾條, 原來是拿給我們!! 謝謝, 謝謝!! 離開時走到中間舞台, 看見其它人都摸一摸那個中間舞台, 所以我們也摸了幾次, 其實就像去神社摸緣起物一樣(大笑)!!

離開時大約 10:10 了!! 所以坐捷運回西門町!! 西門町果然是西門町! 因為越是晚上越熱鬧, 我們吃了一杯軟雪糕(又是忘了拍照), 太美味了, 而且 HIGH 了幾小時, 吃點冰的東西很舒服!! 然後再去買了兩盒蜜茶, 也要補一補聲線嘛!! 就在這時, 發生了一件事, 姐姐沒注意到梯級, 跌倒了, 作為整件事件唯一的目擊証人, 真的嚇呆了!! 幸好只是擦掉了一點表皮, 完全沒事, 真的嚇壞我啦!! 姐姐你要小心一點呢!!

定了神後再去了便利店買了一個杯麵, 回到酒店洗完澡, 就一邊整理今天的戰利品, 一邊吃杯麵及泡芙, 還一邊聊剛才演唱會的內容, 因為姐姐全場只看著雅紀, 我就忙了, 5 個都不停在看, 雖然主要是看著 SHO (笑)!!

凌晨 2 時許睡, 預算 8 時起床!!

結果發表:
→ 別再坐"飛狗巴士"
→ "全家"便利店的涼麵很美味
→ 移動舞台的震憾力很�至Q(尤其是在台的底部位置)
→ 姐姐的驚人表演很�至Q, 雖然發出巨響, 但完全沒事, 全程口中的雪糕筒還是完整的
(寫了姐姐的事件, 姐姐別打我呵!! 但真的往後要小心啦!!)

香港機場:





飛機的早餐:



捷運西門站月台:



很美味的涼麵:



我的牌子完成了(加了幾粒四葉草):



戰利品(週邊):





杯麵:



蜜茶(不過不太好喝):



泡芙:




世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

西門町 → 東區地下街 → 小巨蛋

早上 7:38 其實已經醒了, 不過就堅持到 8 時才被 潤 的鈴聲叫醒!! 大約 9 時去吃早餐, 原來不是自助餐, 有一點失望呢, 不過還是不錯!! 吃完早餐再回房間一會兒, 大約 9:45 便起程去逛了!!

先去了 家樂福, 因為是 24 小時營業, 不過東西沒旅遊書說的便宜, 所以只買了一點點日用品!! 然後就逛回 西門町, 真的蠻熱鬧呢, 很多人及地攤, 剛好今天是星期天, 周杰倫 在西門町有活動, 弄到整個西門町都聚滿歌迷呢!! 有去一家專賣日本書的店 "雜誌瘋", 不過沒買到 TSU 想買漫畫, 真不好意思!! 買了很多東西呢, 我的美麗日記面膜、棉棒、身體磨沙膏 等等, 還喝了一杯珍珠奶茶, 不過奶茶太甜了!! 姐姐還吃了雪糕, 不過是薄苛口味, 所以我只吃了一口而已!!

因為太滿載而歸了, 所以先回酒店放下戰利品!! 休息一會兒再出發去 忠孝敦化站的東區地下街 了!!

大約 15:45 左右到達, 去了 誠品書店, 因為姐姐想買 彎彎 的書呢!! 還買了一本 洋蔥頭, 要謝謝姐姐送了 洋蔥頭 那本書的特典(胸章)給我呢!! 然後就去逛地下街, 也不算有很多店, 大都是賣鞋子及傘子, 不合我意, 所以沒買, 只是藥房買了救傷用的膠紙(笑)!! 逛到 17:30 左右, 就在地下街的一家拉麵店吃拉麵, 其實會選這家店, 原因是因為它叫 "櫻"(笑)! 吃了 豚肉原味拉麵 , 只是 NT89 超便宜, 而且很美味!! 比香港的美味多了!! 差不多 6 時就出發去小巨蛋, 不過因為車費有點貴 (只是一個站便要 NT20), 所以我們決定從 敦化復興站 步行去小巨蛋! 由於不太肯定位置, 所以就看地圖了, 正在懊惱應該怎樣走時, 突然有一個女生問:"你們想去那裡呢?!" 回頭一看原來也是嵐飯, 然後就說不如一起走, 因為她也是去小巨蛋!! 不過因為她約了朋友, 而我們走得比較慢, 亦可能讓她以為我們不想跟她一起走, 所以最後她先走了! 那天穿了嵐 T-SHIRT, 在 忠孝復興站 幫助了兩頭迷途羔羊的你!! 謝謝你呵!!!

最後發現原來在 忠孝復興站 近多了!! 真的又快又易找!! 到達小巨蛋後先去洗手間, 但是就發生了一件事, 就是我去的那一格, 有人留了一袋週邊, 不過正直的我沒有拿掉, 我要做個正直小 BABY!! 去完洗手間便進場了, 今天坐 3H, 其實蠻高的, 不過視野不錯呢!!

大約 19:30 便開場了, 今天看的比昨天好, 因為能看整體舞台表演, 雖然有時看得不太清楚要看電視, 但是真的很開心!! 潤 有突然用國語說:"影住我!", 然後對著鏡頭用國語說:"我愛你們!" MC 部份談到 YES?NO? 的舞步, SHO 說他站最後, 但又是第一次背面也有觀眾, 一邊跳時一邊覺得很尷尬!! 其它 4 人就覺得很好玩, 立即要 SHO 示範一下, 還叫大家要用心看著 SHO, 要是只看 SHO 的部份, 真的很好笑, 因為來來去去都是像小學生體操時的動作! 他們還向了不同的角度做了幾次, 為求大家都看到 SHO 的有趣舞步, 最後一次還要 SHO 離開他們幾個身位才跳, 本來 SHO 一直不肯, 一直走上前, 但是 雅紀 用國語說了兩次 "櫻井翔", SHO 便乖乖的站開跳舞了, 真的笑翻我了!! 然後叫 LEADER 試跳 SHO 的部份, 也跳 LEADER 自己的, LEADER 兩次也忍不住笑起來!! 因為 LEADER 是排頭位, 最後動作是沒表情沒動作, 所以就忍不住笑了!!

雅紀 也有說到上一次問觀眾他們像多少歲, 有人說到 SHO 像 30 歲, 說完這句立即被其它人怪他為什麼要提這件事, 潤 更走過去 雅紀 身邊, 讓雅紀立即在台上跑來跑去, 跑到把外衣脫掉, 看見胎記(笑)!! 有稱呼 LEADER 為 "お父さん"!!

忘了是不是在 JR. 唱歌前, 進後台的那一刻, SHO 突然說了一聲 "BABY"!!

潤 的 SOLO 今天真驚險, 差點變成意外, 原因是在 MJ WALK 時, 在倒吊衝向地面的部份, 衝向下的速度明顯比昨晚快多了, 而且昨晚都離地很遠就停下再向上飛的, 但是今天倒吊向下衝時, 就一直很快的衝向地面, 幸好 潤 反應快, 用雙手一推向地面, 才沒有變成意外呢!! 真的太好了!! 因為誰受傷也不好!! 還有昨日的日記忘了說 雅紀 的 SOLO, 有一段口琴, 真的很�至Q, 但一邊看一邊很擔心, 因為我這個小兒子的肺本來就不太好, 幸好沒事!

在每人用國語說感受的那一 PART, 雅紀 明顯的因為太 HIGH 而忘記了怎樣說, 害我不禁大叫一聲:"がんばって！", 雅紀 說完還高興得做出 "よし！"的姿勢, 我也興奮得一起 "よし！", 演唱會結尾部份他們站在升台上, 拉近與 3 樓觀眾的距離!! 我看見了! SHO 肯定看見我的牌子!! 還主動向我揮手, 我立即回應, 然後他揮手揮得更落力, (我沒思覺失調啦, 因為我的回應太快, 其它人都未開始揮手!! 嘿嘿!!)

然後有一刻 SHO 在我們那邊站著時, 雅紀 因為太興奮而突然跳了幾下, 整個吊台震了幾震, 嚇得 SHO 立即回頭一看是什麼事, 當他知道是 雅紀 的傑作後便笑一笑了!! 我說 SHO 你真的寵壞 雅紀 了!! 今天 ENCORE 了 3 次, 在 ENCORE 第 2 次時, 比昨晚多唱了 "五里霧中", 然後就不段說再見!!

但我們還是不肯走, 全場不停的叫 ARASHI, 然後他們又出來了, 第 3 次 ENCORE 了!! 看見他們很高興的樣子, 然後潤用國語說: "真的是最後最後一首歌了!" 唱了 "HERO"!! 唱完後, 雖然很不捨得, 但是大家都很乖沒再叫 ARASHI 了, 這一點讓我蠻感動!!

而在等待第 2 次 ENCORE 時, 坐在我們旁邊的一位日本飯, 突然跟我們聊天, 她是一個人的, 猜想是朋友沒來(因為她身邊的位置空著), 聊了很多事情, 例如日本的演唱會、花男來香港拍戲、MJ WALK、桂花樓 ... 她還說早前抽中了去錄影 "ひみつのアラシちゃん", 錄影那天還跟 雅紀 很接近!! 聊著就第 3 次 ENCORE 了!! 演唱會完結時還多聊了一會兒, 最後她突然問我有沒有她那一支手燈, 是日本場 ARASHI MARK 的手燈, 我說我沒有, 然後她就把那支手燈送了給我, 因為她看見我全場沒用手燈也一直揮動手, (姐姐有買這次的手燈), 我真的很意外, 而且很開心興奮!! 送了給我後, 她便轉身走了, 我只記得說:"ありがとうございます、お休みなさい！", 完全忘記了問她拿聯絡方法, 我們還要回酒店洗完澡吃東西時才記起, OH!! 我多麼的失禮!!! 所以我正在想有什麼方法可以尋人呢!!

說回完場後, 因為 敦化復興站 比 南京東路站 方便(不用轉車), 所以我們決定去 敦化復興站, 就在途中, 看見有很多人在一家店門外等候, 原來是他們會在這裡吃晚飯! 所以我們也站了一會兒, 有看見他們下車, 不過其它人都很高, 所以只看到頭頂跟背面, 他們進店後我們就走了, 因為沒精神等他們吃完飯, 而且他們一定也很累, 我不太想他們還要裝作有精神, 也不想他們擔心我們有危險呢! (看~ CC 多麼的乖巧!! 快來稱讚我!!)

回到酒店附近, 已經 12 點了, 街邊的攤檔差不多都收了, 未收的又不太想吃, 所以去了便利店買東西吃! 回酒店後洗完澡便吃東西了! 然後再收拾行李, 再給戰利品拍照!!

差不多 3 時才睡! 明天最後一天在台北, 我要盡情!!

結果發表:

→ 去 THE FACE SHOP 逛時, 店員說我像 22 歲(呵呵!!)
→ 台灣人應該很喜歡除角質, 因為看見去角質的東西超級多!
→ 那家珍珠奶茶也蠻不錯, 不過下次要少甜比較好!
→ "櫻"拉麵店 比 味千拉麵 好吃幾倍了! 而且便宜!!
→ 去小巨蛋, 記著在 敦化復興站 的8 號出口比較近!
→ 今天遇到的嵐飯都很好人! 真的謝謝你們!!
→ 要是再會去小巨蛋, 一定要搶 黃2C 的票!
→ 全家 便利店的飯團超級好味!



早餐:



這幾天我的必需品:



酒店房間外的剪影:



酒店房間剪影:





姐姐昨晚跌倒的案發現場:



西門其它地區剪影:








珍珠奶茶:



姐姐的薄荷雪糕:



忠孝敦化站 剪影:




拉麵店 "櫻":



小巨蛋場外剪影:



他們晚餐的店 "凡間":



敦孝復興站 附近剪影及月台:



今天的戰利品:





坐旁邊的那位超級 NICE 的日本女生送我的手燈:



酒店房間門牌及門外剪影:



這就是我說超級好味的飯團, 尤以左邊的那個最美味! 為什麼香港沒 全家 便利店 ...(嗚):




世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

西門 → 桃園機場 → 香港

今天早上亦是 8 點起床, 不過昨晚凌晨 2 時多, 一直聽到走廊外有一個說國語的女人不停在跟人吵架, 嚇死我了!!

大約 9 時去吃早餐, 但天然的我竟然快到餐廳門口才發現沒帶早餐券, 所以要回房間拿!! 昨料, 奇怪的事就發生了!! 我的行李箱的密碼鎖竟然開不到, 怎樣也開不到, 所以唯有一個一個的試! 亦因為由 9 字那邊開始比較順手, 所以就由 999 一直開始試, 但是試了好久都不行! 最後竟到 1xx 時就開到了, 跟我之前的密碼差一點點, 真的氣死我啦!! 早知道就由 001 開始!! 辛苦姐姐跟我一起試密碼了!!

說來其實到 205 時, 很怕會開到, 因為 205 正是我們的房號, 要是真的 205, 那就真的嚇死人了!!

大約 9:30 再去吃早餐, 9:45 吃完回房間, 10 時左右先去了看看 "國光巴士" 的車站要走多久才到, 因為酒店的人說千萬不要坐 "飛狗巴士", 所以教了我們去位於 台北車站 側的 "國光巴士" 車站坐, 我們怕到時候找不到, 所以就先去看一下怎樣走!! 逛到 10:45 左右又回酒店, 把行李都整理好, 11 時就先 CHECK OUT, 再把行李放在大堂! 然後又去逛 家樂福 及 西門町 一帶, 不過星期一的時間真的沒前兩天的熱鬧呢!!

去了 鮮芋仙 吃了招牌仙草甜品, 真的蠻不錯呢!! 而且 NT50 很大碗, 所以跟姐姐一起吃一碗呢!! 大家有機會去的話, 真的值得一試!!

買了一件 T-SHIRT, 顏色跟款式我也很喜歡, 雖然是 MADE IN HONG KONG(笑)!! 在便利店找到很多 彎彎 的精品, 所以我也買了一點作手信, 還有就是 TAMAMA 的東西給 安怡!! 還特別多買了一個飯團吃, 因為昨晚發現太美味了!! 所以回香港前多吃一個!! 也買了一個小剛的 MOUSE PAD, 還有準備給 KIDNEY 的手信!! 也去逛了姐姐想去的 STAGE, 不過沒收穫!!

一直逛到 3:40 左右就回酒店, 把剛買的東西都放進行李, 未夠 4 時就出發去機場了!! 因為晚上 9:15 的航班, 那要 3 小時前到達, 而且到台北那一天用了兩個半小時才到酒店, 所以還是多預一點時間比較好!! 4:20 左右開車, 向著桃園機場進發!! 沿途不停看看街外的風景!! 出乎意料之外, 5 時正已經到了桃園機場!! 有沒有攪錯呵, 只用了 40 分鐘, 那 ... 那 ... 嗚嗚!! 早知道就多逛一兩小時嘛!!

不過有了這次的經驗, 那往後都只會坐 "國光巴士", 絕不會再坐 "飛狗巴士" 了!!

先去了 新東陽 買手信, 不過竟然沒有我們想買的那一種 麻糬, 所以什麼都沒買!! 一直等到 6:15 左右就去等 CHECK-IN, 結果 6:30 才開始 CHECK-IN 呢!! CHECK-IN 後, 天然的二人, 都記錯了上一次是入了閘才吃東西, 所以就先入閘了!! 先去拿了 台灣旅遊局 送的手信(梅精軟糖), 再買了我喜歡吃的話梅糖, 再去找東西吃!! 但是 ... 事情就發生了!!

閘內唯一一家食店竟然沒開門, 而且只有免稅店, 什麼都沒有!! 才記起上一次我們是坐無人駕駛去了另一個客運大樓吃東西跟逛! 真的失敗!! 但是也沒辦法呢, 因為不可以回去嘛!! 而且發現還未把台幣換回港元, 唉 ... !! 這些事一定要記下來, 我不要再這麼笨了!!

由於有點餓, 只好坐在候機室, 吃著姐姐之前買的薯片, 一邊坐著聊天, 一邊等候登機時間!! 一直等到 8:45 才開始登機呢!! 最好笑是, 我跟 YAN 相遇了, 其實這幾天在小巨蛋我都一直在找看不看見她, 但是因為人太多找不到, 終於在候機室看見了!! 說來是因為她不停的揮動 雅紀 的扇子, 我就多了留意她了!! 但我沒有走過去呢, 因為那一刻還是有點餓, 而且心想回到香港等拿行李時一定會看見, 以想著到時候才拍照留念!!

起飛前我有好好的跟台北打招呼! 相信我會再來, ... ... 不過還是希望他們來香港開演唱會, 那我就可以省回去台北的二千多元買週邊!! 這次的飛機餐蠻好味, 但是我到現在也不知那些是什麼, 形狀像河粉, 但口吃的感覺又像烏冬 ... 究竟是什麼來的?!

其它時間就是聽聽歌, 本來想玩麻雀遊戲的, 怎料全架飛機這麼多人, 就只有我跟姐姐及另一個人想玩, 不足 4 個人玩不到呢!! 我無意中把電台調到另一台時, 正好播完 ARASHI, 本來想繼續聽那一個台的, 但是竟然說已經進入香港, 快要著陸呢!!

落機後去拿行李的途中, 打電話給太后報平安! 大約 11:30 拿到行李了, 想找 YAN 的, 不過人真的太多太多, 所以只好放棄! 總有機會再見的!!!

到達巴士站大約是 11:40, 剛好有車的, 不過因為人太多, 所以決定坐下一班, 起碼能坐不用站的!! 大約 11:50 下一班車就到了, 大家也是很 HIGH 的回這次旅程的趣事! 姐姐先下車, 我大約 00:50 下車, 心想: 為什麼 酒店 → 桃園機場 只需 40 分鐘, 但是 香港機場 → 家附近 需要 1 小時?! 真的太不可思議了!! 凌晨 1 時安全回到家!! 也正式結束了這次台北行了!!

是有點不捨得, 不過比上一次感覺好多了, 起碼能看兩場真的很滿足! 還要在移動舞台從下看上去跟他們有眼神接觸!

GOOD!!

洗完澡後, 給今天的戰利品拍拍照, 再整理一部份行李, MSN、EMAIL 了一會兒, 凌晨 4 時便進房間睡了, 身體開始累了!!

結果發表:
→ 我再也不會坐 "飛狗巴士", 只會坐 "國光巴士"!
→ 那家衣服店的衣服蠻好看且便宜, 雖然 MADE IN HONG KONG!!
→ 全家 便利店的 什炊飯團 真的超美味!!
→ 鮮芋仙 甜品店的仙草蠻好吃!!
→ 千萬記著入閘後是沒東西吃沒店逛的, 記著一定要去另一客運大樓逛完吃完才入閘!!
→ 酒店去機場的車程竟比機場回家的車程快近 20 分鐘 ...!!



整體結果發表:
→ 嵐に出会いでよかった！！

我還是最愛小剛的!!


先貼一下台灣捷運單程票, 這個很�至Q呢, 入閘是用 IC 咭(就像我們的八達通一樣), 出閘是用投幣式, 這個方法不錯!!



早餐:



西門町一帶剪影:







酒店外貌:



鮮芋仙 的招牌仙草冰:



姐姐買的 雅紀 MOUSE PAD, 好美呢!!



桃園機場剪影:







機上的晚餐:



機上看出去的香港機場:



今天的戰利品:




回到家收到的東西, 包括上星期在網拍買的衣服及 ELLE 送我的記事簿:




世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝訓下醒下咁, 一直訓到一點先出房門, 實在太累了, LUNCH 煮左麵(見圖1), 同 TSU 傾左一陣!! 之後執下野咁, 原來都唔係買左好多野, 不過又其實比上次多好多!! 今個旅程全程都好順利(除左去程o既"飛狗巴士"機場去酒店用左兩個半鐘之外, 回程坐"國光巴士"只用左 40 分鐘, 真係激氣!!)!! 睇返呢幾日o既台灣報紙報導, 台灣蘋果原來同香港差唔多, 其實被指"不上道"係已經講得好斯文!!

DINNER 整左海南雞翼(見圖2), 食完又執下野, 上下網, 仲有就係寫返呢幾日O既日記同埋整理照片!! 不知不覺咁寫到兩點幾, 都只係寫左 10/11 咋!! 要繼續努力呢!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝十點未夠醒左, 睇左一陣電視, 再吸下塵咁, 太后就黎到, 之後有人黎整煤氣爐, 整完又同太后傾下計, 睇下我Ｄ旅行相咁!! 拆左果包"梅精軟糖"(見圖1), 味道都幾得意, 幾特別!! 大約兩點就落去飲茶, 我就先去左郵局拎返封掛號信, 飲完茶去行左一陣, 之後返屋企喇, 太后再坐左一陣就返"別墅"喇!! 之後我就執下野呀咁, 食完 DINNER (見圖2), 再寫下日記咁, 好忙呀!!

世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝未夠十點醒左, 因為隻右腳好痛, 可能早幾日睇 CON Ｄ累家下先正式出黎!! 之後一邊 LUNCH 一邊睇 花樣少男少女 SP, 都幾好笑呀, TOMA KEEP 住可愛之外, 估唔到連 小栗旬 都好可愛!! 睇完再上左一陣網, 大約 1:50 就出門口喇, 因為今日返工返兩點!!

返到去其實都係幫宣傳部同事整埋比賽Ｄ野, 一直做到 6 點幾, 就呆坐下咁, 因為放 8 點幾呢!! 可能好耐冇返夜, 同埋呢幾日情緒又未平伏, 所以都唔知點咁(笑)!! 一直到 8 點鎖完門就走得喇!! 聽日繼續!

返到屋企煮定飯再去沖涼, 之後再煮埋少少野就 DINNER 喇(見下圖), 食完都 9 點幾, 睇左一陣電視, 之後又寫埋呢幾日Ｄ日記同埋 BLOG 咁, 終於都叫做攪掂喇!! 家陣都就黎 1 點 LU, 我都要早少少訓, 因為聽朝返 10 點呢!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝 9 點起身, 食左少少野就返工喇!! 上晝係幫宣傳部同事, 真係發現攪一個比賽都幾煩, 因為真係好多野要 CHECK!! 要努力!!

LUNCH 返屋企食, 到左兩點先返工, 因為返兩點, 下晝坐館(同事講O既, 雖然我真係坐 CENTER , 笑)!! 忙於出信俾入選同落選學生, 真係都幾多下!! 好彩都幾順利!!

一路做到 7 點幾先攪掂, 可以休息一下, 到左 8 點上去鎖門, 點知就遇著一個都幾鈍感O既代課老師, 遲遲唔落堂, 落左堂仲要O係課室同Ｄ學生傾�闌v, 又清潔樂器, 我知道清潔好重要, 但係你都唔好O係人地趕住收工時咁攪法丫!! 仲要諗住走得, 點知佢又話想我開隔離課室佢影下個琴架係�到�, 佢入到去就就用幾慢O既速度影左 3~4 張相, 佢果兩個學生又鈍感喎, 影完相返個課室睇, 都仲未執掂野, 有冇攪錯呀!! 好不容易先鎖得門, 唔該咁大個人就醒少少, 真係唔好阻人地放工啦!! 嘿嘿!!

落到 OFFICE 諗住上司小姐會叫我走先, 點知佢又掛住聽鈍感 SIR 講野一直忘記左我未走, 所以又蝕左幾分鐘, 唉 ... !! 不過算!! 好過冇工返!!

返到屋企, 沖完涼再煮野食, 坐低食果一刻已經係 9 點喇!! 食完再同太后傾左一陣電話, 再睇下電視咁, 之後又開始整理返Ｄ電腦野, 越黎越多野呢!!

終於記得 EMAIL 俾佢地喇, 不過因為 SHO 冇電台節目, 所以 EMAIL 唔到俾佢!! 我真係希望佢地會黎香港開演唱會, 咁我真係可以慳返好多錢去日本(笑)!!

仲有呀仲有呀, 小翼生日快樂呀!! 媽媽記得架, 唔係完全偏心雅紀架呢!! 乖!!

世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝十點起身, 再一邊食野一邊睇片, 之後再準備下帶去"別墅"O既野, 大約 1 點出門口, 先約左 KEN さん, 因為要俾本日文書佢, 之後我再坐 MTR 去左坑口站, 因為約左皇上同太后去果邊行下, 行左一陣後, 就返去喇, 因為今日係皇上生日, 所以買左幾件凍餅當生日蛋糕(見圖1), 都幾好味!! 不過冇上次買果Ｄ款咁好味呢!! 夜晚亦煮左好多野(見圖2), 食完野就上左一陣網, 再同太后一齊睇＜與敵同行＞大結局, 真係好夾硬結局咁, 有少少覺得浪費左我O既時間!! 而家諗住去睇＜流星の絆＞!!

我發現我 "08 ARASICK 再発"!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝訓到十二點幾, 因為每次黎呢邊訓都越訓越眼訓呢!!

LUNCH 完就上下網同睇下片咁, 到六點幾就落左街, 去左美心食 DINNER, 之後再行左一陣咁!!

O係百佳見到每架購物車都有個立體可樂廣告板(見圖1), 都幾得意, 不過美中不足係個色唔係好似可樂, 似咖啡多Ｄ呢!!

行到九點幾返去, 沖完涼睇下電視咁, 之後又上下網, 話咁又又就黎兩點呢!!

BY THE WAY, 買左兩筒荔枝味 HI-CHEW (見圖2), 真係好好味!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今日又訓到十二點幾, 我發現可能係因為個窗簾太隔光, 所以攪到我成日以為仲好早!!

一點幾去左飲茶, 之後再去左行左一陣, O係十蚊店買左個豐天筆袋俾表妹, 同埋札頭髮O既象根(見圖1), 之後收到同事電話, 所以我聽日有工開, YEAH!!

返到去睇左上戶彩新一季O既劇＜セレブと貧乏太郎＞, 都幾好睇啦, 不過就估到佢Ｄ劇情, 上地 都 OK, 冇平時咁討厭(笑)!!

DINNER 完過左一陣就走喇! 原來返屋企都要 40 分鐘, 即係由台北車站去桃園機場咁上下(笑), 返到黎沖完涼, 再洗埋個書包, 因為用左成年幾兩年, 都係時候洗下佢呢!!

BY THE WAY, 終於收到去台北前 BID O既野(見圖2), 不過個賣家賣得平, 冇計啦, 等多幾日, 收到就安心了!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝十點起身, 上左一陣網, 再食左個杯麵(見圖1), 再睇埋兩集＜VS 嵐＞, 就黎兩點時就出門口返工喇!!

咁 ARM 撞到郵差叔叔上黎喎, 原來有掛號信俾我(見圖2, 係前排參加 JP TIME TV O既 劇団D.K.ハリウッド「ボイラーメーカー」 O既演出門票)!!

準時返到公司, 都係繼續攪個比賽Ｄ野, 今日主要係起個場刊O既初稿, 都幾多野攪架其實, 所以聽日繼續(YEAH!!)!!

仲有就係上司小姐 PLAN 緊下個月O既更表, 佢想我返多Ｄ, 不過要等上頭批先知得唔得!! 如果得就好喇!!

BY THE WAY, 今日著左之前拍賣 BID 果套衫返工, 同事即刻問我仲�桃｡日著得咁靚, 我覺得我真係幾有眼光呢, 呵呵!!

另外, 另一個同事話佢 ARMARM 睇＜絕對彼氏＞, 問我睇唔睇, 不過其實我真係唔鍾意個女角, 所以唔睇 LU!!

六點放工, 之後就返屋企煮飯喇(見圖3), 食完飯仲整左個爆谷食添(見圖4), 食完又上下網咁, 實在好多野未睇呢!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝 9 點起身, 之後食左幾塊餅就返工喇!! 其實今日對眼唔知仲��, 好痛, 其實係未夠 9 點就痛醒左, 但果種痛又唔係話好痛喎, 係"那那"地咁, 可能係Ｄ空氣差!!

今日繼續攪本場刊, 真係有少少驚會趕唔切, 因為都有幾多資料未 CONFIRM 到, 都係Ｄ參賽學校啦, 明明講左限期前一定要交齊所有所需資料, 但係就過左限期成兩個星期都仲未收齊, 點解而家Ｄ學校咁架!! 所以其實好多野因為Ｄ學校而 HOLD 住左做唔到!!

LUNCH TIME 先去左郵局拎返封信, 之後先返屋企叮飯食!!

封信原來係我上星期O係拍賣 BID O既 i'amour 巧克力晶透唇蜜(見圖1~2), 而家台灣最流行, 但可惜去台灣時找不到有賣, 真的找了很久也沒有! 買了兩盒, 打算送一盒給 YUMIKO 作台北行之手信, 雖然不是在台北買的!! 好香呢!!

咁 ARM 郵差叔叔拎幾封信上黎俾我, 真係麻煩哂!! 一拆開, 我真係好懊惱!! 因為係一大堆奶粉試飲裝(見圖3), 究竟飲唔飲好呢?! "飲定唔飲, THAT IS THE QUESTION!"!!

夠鐘又返工, 對眼依然係有少少唔多自然呢!! 再完成左一小部份場刊, 因為實在冇計!! 連個同事都好無奈呢!! 所以我唯有幫佢諗下Ｄ中文譯名, 不過又真係幾難譯呢!!

下午茶有蛋糕食, 因為有個同事今日生日, 所以其它同事就買左個蛋糕一齊食喇(見圖4), 影得唔好呀, 個蛋糕好靚架, 不過因為細細個就要被分成十幾份, 所以最後到手O既係不似蛋糕型呢!! 好多生果架, 同埋有幾塊好脆O既野, 不過真係唔平呢!! 好彩唔洗我夾錢(笑)!!

BY THE WAY, 我今日再次見到果位 TEMP O既�至Q囉, 話說大家O係導師休息室一齊唱生日歌同埋切蛋糕嘛, 在場有 11 個人, 10 個都企左O係度(包括上司小姐同埋壽星女), 唯獨係得一個人好似女皇咁坐左O係度等食, 果然真係勁!! 當時我真係好似果句潮語咁 Ｏ 哂咀呢!!

食完蛋糕繼續工作!! 不過因為實在係太多野 CONFIRM 唔到, 令到個同事都攪唔到Ｄ野俾我做(因為我係要將所有資料集埋一齊再分類咁放去本場刊各頁), 所以本來預定 6 點放工, 最後要放 5 點半, 唔好以為仲正左, 因為我呢Ｄ PART TIME 係計工時, 所以係少左半個鐘人工呢!! 不過好彩聽日返下晝!!

返到屋企沖完涼再叮飯食, 之後睇左＜為愛痴狂＞最新O既 SP, 都幾好睇, 不過我總係覺得 酒井若菜 唔同左樣咁, 醜樣左好多(真係唔好意思, 但係係真心話!!)!!

之後又無 LALA 去整 WALLPAPER 喎!! 最終忍唔住整左張 SHO, 我承認我係嵐飯喇(笑)!! 不過依然係: 本命不變, 繼續爬牆!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

尋晚好慘呀, 訓訓下痕醒喎, 一睇先知俾蚊左 4 啖, 可惡!! 所以即刻拎個電蚊機開左佢, 再開冷氣繼續訓!!

今朝 10 點左右醒左, 再發呆發左一陣, 煮左飯食(見下圖), 再睇左一集節目, 差唔多兩點就出門口返工喇!

都係攪比賽Ｄ野, 首先 SEARCH 下Ｄ譯名, 不過冇�東級ﾊ, 最後同幾個同事一齊自己譯左交功課!! 之後都係整本場刊, 不過到 6 點都未攪掂, 所以聽日繼續, 真係好!! 遲左少少放工, 所以同事叫我聽朝遲返十分鐘補返數!!

返到屋企沖完涼又煮飯食, 之後上下網咁, 不過其實都係整 WALLPAPER, 整開就有條癮呢!! 好抱歉, WALLPAPER O既主角依然係 SHO, 真係覺得好對唔住 TSUYO 呢!! 不過 ... 原諒我啦!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝 9 點起身, 因為有返 10 點呢!! 食左少少野後就返工喇!!

首先係繼續查下Ｄ譯名, 不過真係好 "CAKE" 手, 好難攪, 所以我查左一陣, 個同事就話不如等佢查下音樂字典!! 之後我繼續攪本場刊!!

LUNCH 返屋企一邊睇＜ひみつのアラシちゃん！＞, 不過睇左半集左右就夠鐘返工喇!!

都係繼攪場刊, 再核對下Ｄ資料, 加上改埋Ｄ格式, 字句等等, 其實真係幾開心, 因為最鍾意俾個 TASK 我, 我攪掂之後再俾另一個 TASK 咁!! 做做下野, 某一個 MISS 行過黎, 話想我幫佢打俾兩個學生家長, 問佢地點解冇返但又冇請假信, 其實我一直都覺得打果兩個電話, 不如佢自己打仲快, 佢仲要同叫我返工果個同事講:"我見你叫左佢返黎, 咁我想叫佢幫我打兩個電話, 因為我唔想打電話, 同埋費事同Ｄ家長講野!!", 我真係唔知講�桃D, 老實講, 真係佢自己打仲快!! 不過算, 冇所謂, 咁我咪打囉, 最後個家長問野, 我又要個家長等一陣, 我再去問佢, 佢仲要行到埋我身邊, 講完一大段野我聽, 要我再講返俾個家長聽, 仲要係睇住我點答個家長, 正常黎講唔係應該佢自己聽返個電話會快Ｄ��!! 不過算啦, 我收人工O既!!

再返去攪本場刊, 之後個 MISS 又冇 LALA 話想我幫佢影印喎, 其實都冇所謂, 不過真係唔係咁講野架嘛, 叫我返工果個同事有少少暗示咁問:"你Ｄ樂譜趕唔趕架?! 如果趕住用O既可以幫你影左先!", 其實我就 GET 到係暗示唔趕O既話就唔該俾佢(即係我)做左場刊先, 因為場刊好鬼趕! 個 MISS 唔知係咪 GET 唔到個真正意思, 竟然答:"呵! 其實一Ｄ都趕架, 我星期日先用咋嘛, 不過見佢(即係我)O係度, 唔好浪費嘛! 我又唔想自己影印喎, ... ", 咁我就講話:"但如果影唔哂咁點算?!"(心諗: 場刊超多野要對, 我邊得��幫你呀!!), MISS 就答:"呵! 唔打緊架, 其實星期日都有一個 PART TIME 幫開我, 你影唔哂咪到時等我個 PART TIME 做返囉, 因為我見你O係度所以諗住等你唔洗咁悶!" 真係有少少激氣, 有�痘摎R要我幫你個 PART TIME 做野呀?! 同埋亞姐, 你邊忽見我好得��?! 忙到嘔呀, 手指因為用勁 SPEED 黎用 MOUSE 都抽抽地筋! 不過我呢Ｄ當然唔會講真心說話啦, 咪話我得�闖A幫佢影!!

最後我幫佢影左一首歌O既樂譜(佢俾左 4~5 首我, 每首夾埋 TOTAL 大約影 100 張左右), 因為講真, 我點都係主力幫叫我返黎O既同事做野架啦, 加上我真係仲�痘v幫佢個 PART TIME 做野O者, 大家都咁出糧架O者!!

另外, 本來上司小姐想我夜晚幫佢, 因為有個同事有事返唔到工, 不過一我早約左家姐 DINNER, 所以唯有推左上司小姐, 真係唔好意思!!

一直做到 6 點放工, 咁 ARM 上司小姐想去洗手間, 所以坐多幾分鐘幫佢睇睇個 CENTER, 返左屋企一陣, 大約 6:30 出門口, 先去左�ｺ福, 因為今日開始有得換 Neutrogena, 所以先去換左兩份(見圖1), 之後少有地坐 MTR 去旺角, 早左幾個字去到信和, 等左一陣會合家姐!!

行下信和咁, 買左雜誌(見圖2), 仲有野送(見圖3~4), 諗左好耐都唔知食�桃D, 因為今日要慶祝家姐搵到新出路同埋本小姐就黎生日! 最後決定行去尖沙咀, 最後去左 沙嗲王 (食見圖5~7), 不過果個拉麵真係超難食, 仲要食到一半胃痛, 所以我都食唔哂, 真係好難食!! 大家記住千其唔好叫果個拉麵!! 呀, 要多謝家姐請我食飯呢!! 同埋借左 3 本書我睇(見圖8)!!

食完飯原來 11 點喇, 時間過得咁快O既?! 所以行左去巴士站就走喇! 一於下星期再約過啦!!

返到屋企 11:30 左右吧, 沖完涼開始攪返Ｄ雜誌, 因為今個月遲左買, 所以想立即覆返Ｄ買家!! 一攪掂之後就發現原來已經就黎 3 點, 所以就訓喇!!





世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝 9 點幾起左身, 約左太后 12:30 O係灣仔 MTR 等, 所以我上左一陣網, 到左大約 11:15 就出門口,因為我記得車程好似要一個鐘, 咁我行過去 MTR 站又要十幾分鐘, 所以就應該差唔多!! 點知原來好快, 大約 11:40 太后打黎問我仲��咁早出門口, 之後我就真係好早到左, 所以上地面見到有間 天使 , 所以就入去睇下野咁, 不過Ｄ野都幾貴喎!!

過左一陣太后到左, 先去左拎信用咭O既禮物, 以為只係兩個細細O既旅行袋, 點知原來係兩個好硬O既盒型袋, 攪到我地好懊惱, 最後要將自己Ｄ野放入個新袋度, 再用個環保袋袋住自己原本個袋! 真係邊個設計呢個咁O既爛鬼硬硬盒型袋O既, 真係要罰佢頂榴槤!!

之後去左麥當勞食野, 再行左去 演藝學院(戲劇院), 因為之前O係 JP TIME TV 抽中果兩張飛(劇団D.K.ハリウッド「ボイラーメーカー」), 今日就係 SHOW TIME 喇!! 原來行去演藝好近, 真係好近!! 所以 2:30 先開場, 但係我地未夠兩點就到左喇!!

等到 2:15 先俾人入場, 場地比想像中的小太多了, 本來在想著門票分四種, 我是最便宜的那一種, 那應離台蠻遠!! 但是到了場地一看, 全部只有大約 14 行, 我坐在大約第 11 行近中間的位置, 真的很近, 而且覺得我的位置視野比貴票更好!! (要是看演唱會也這麼近就好了!!), 觀眾香港人同日本人各一半左右, 坐唔滿!!

大約到左 2:45 就開始喇!! 全套劇主要係日文同英文, 加少少廣東話(其實係特別為左香港場而加O既, 夠誠意!!), 有字幕!! 都好彩, 因為我反而係英文唔係好明白(你話Ｃ唔Ｃ丫!!)

其實呢套劇中文譯名叫＜精子特政隊＞, 係講述"一大群精子各自負起「成功受孕成人」的神聖任務，在秘道內連場激鬥；過程中部份相繼倒下，部份爭先上游，一段既搞笑又悲壯的長征就此展開！", 比想像中好睇好笑!! 而且當中好多同觀眾O既互動, 令到本來有少少尷尬O既故事, 都變得好有趣!! 睇到最後我仲有少少感動添!!

大家有興趣可以睇下, 不過可惜今次O係香港只演三場, 而尾場仲係今日O既 7:30, 所以要等下次佢地再黎香港先再有機會睇呢!! 不過真係好值得睇!!

睇完 4:30 左右, 去左 7-11 飲思樂冰, 之後坐 MTR 返"別墅", 返到去坐左一陣就落左去 美心MX 食飯, 之後再行左一陣咁!!

返到"別墅"沖完涼睇左一陣電視, 之後再上下網咁!!

灣仔 MTR 站:


演藝學院:


今天看的《劇団D.K.ハリウッド「ボイラーメーカー」 》


開場前偷偷地拍了一張照片, 不過因為燈光不太夠, 所以拍的不好!!


姑姐送我的生日禮物, 謝謝!


世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

先講返尋晚訓前一件慘事, 就係開唔到個冷氣, 好明顯係跳左掣, 之但係我搵左好耐都唔知個大掣O係邊, 最後只好放棄開冷氣!!

訓到今朝又 12 點, 熱到暈左吧(笑)!! LUNCH 食意粉, 之後上下網同埋睇下電視咁!! 睇左村上信五同涉谷昴果套＜ありがとう、オカン＞SP, 其實之前出左 RAW 時就想睇, 不過真係 関西弁, 我投左降!! 終於有字幕版, 所以立即睇, 真係好好睇, 好感動, 睇到我喊到收唔到聲!! 大家有興趣可以睇下, 幾值得睇!!

夜晚睇 J2 O既＜KAWAII TV＞, 雖然真係好憎個女主持(自從果 16 秒O既 SHOCKING)!! 但係今集介紹 LOLI, 所以都幾有興趣睇下!! 其實我相信好多女仔都想試著下 LOLI 同 AGEHA!! 不過Ｄ衫真係太貴呢!!

聽日係本小姐生日, 不過冇�筒炎ｴ, 只係覺得時間過得好快呢!!

世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

話說今日係本小姐O既生日!!

尋晚一到 12 點就收到 CATCAT O既 E-CARD, 真係多謝哂!! 之後收到 YAN O既祝賀, 多謝你!!

今朝又係唔知仲�東P到 12 點幾, 真係好累!! 之後俾亞妹超大聲O既呼喚嚇醒左, 多謝哂佢地O既祝賀!!

(好攪笑, 我好似做緊點唱節目咁, 呵呵!!)

睇左＜スクラップ・ティーチャー＞第一集, 其實完全係因為有山田涼介同埋知念先會睇, 一睇先知男老師又係 上地雄輔, 呢排真係好紅!! 總括黎講呢套都算 OK, 所以應該都會睇落去, 不過知念真係變左樣, 冇之前咁可愛, 你話小朋友幾咁得人驚O既, 只係短短果兩三個月, 個樣就可以變得咁勁!!

之後去左飲茶, 之後行左去東港城, 仲好順利咁去萬寧換左兩支 SAMPLE (見圖1), 我仲以為會冇哂添, 而且個 BA 都好好禮貌, 感覺良好!! 之後再行左 TASTE, 本來想買壽司架, 不過真係望落去麻麻地, 都係 APM 吉之島果Ｄ好Ｄ!!

4 點幾返左屋企, 睇左尋晚O既＜新堂本兄弟＞, 真係好爆笑, 因為關8做嘉賓, YOKO 不負我O既希望, 果然係好好笑亦好可愛!!

未夠 7 點去左 大家樂 DINNER(見圖2), 味道唔錯架!! 食完行左一陣, 之後返去沖完涼又睇下片咁, 再食左件蛋糕(見圖3), 特別買左幾件小蛋糕黎作本小姐今日O既生日蛋糕!!

最後, 多謝哂大家O既祝賀, 除左 小M O既祝福; LISA O既 SMS, 果然好記性!!! 仲有家姐個 SMS, 好特別! 因為係生日日最後一個祝福! YEAH!! 有心思!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

唔知係咪因為家姐個 SMS, 我又夢到 SHO 喇!!

今朝又訓到 12 點幾, 之後食左件蛋糕, 再去左飲茶, 因為同鴻舅父舅母同埋珍姨飲茶, 飲完返左"別墅"坐, 買左個生日蛋糕(見圖1~4), 好好味呢!! 又唔會太甜!! 我客串打左一陣麻雀, 不過輸呀, 所以後黎我走左去上網同 YAN 傾計, 再睇左一陣片, 除左＜嵐の宿題くん＞外, 仲睇左＜６時間後に君は死ぬ＞, 尋晚睇左一半, 而家再睇左少少, 因為睇睇下去左食蛋糕同埋同舅母傾計!

大約 9 點先去食飯, 因為等埋姨丈先一齊去! 食左好多野(見圖5~16), 7 個人食咁多野都係 $440 有找, 好抵食呢!! 十點幾走, 返到去沖完涼都 11 點幾, 又同 YAN 傾到 1 點, 家下諗住睇埋套＜６時間後に君は死ぬ＞先訓!!









世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今朝 10 點幾電話響, 最攪笑係我以為係電話個鬧鐘響, 所以噤完就合返埋眼, 之後諗諗下, 唔係喎! 如果鬧鐘的話應該係 JUN, 但係頭先係 OHNO 喎!! 所以立即拎起個電話, 原來係個同事打黎想我返去幫手, 真係好彩冇噤完掣後講Ｄ�徹者!!

所以起身食左蛋糕, 再上下網咁, 再 LUNCH 完就返屋企喇!! 休息左一陣, 大約 1:45 出門口, 先去左寄信, 再返工!!

今日整理比賽Ｄ樂譜, 同埋核對工作!! 其實做到 5 點左右已經做哂, 不過我話唔想放工住, 所以就俾我做埋Ｄ比賽時要用O既學校名O既告示紙咁, 一路整到 6:30 未夠就攪掂, 同事話應該下個月先會再搵我幫手, 所以簽埋 PAYMENT 就走喇!!

BY THE WAY, 我今日又做左件好後悔O既事, 話說我今日都O係老師休息室度做野, 咁果條 TEMP 又係嘛, 坐我對面, 張 TABLE 都有少少樂器同埋文件咁, 咁佢搬左好多文件黎 FILING, 我見 TABLE 有個樂器會阻住佢, 咁我咪拉開少少個樂器俾佢擺文件, 但係佢竟然係完全冇出聲, 我真係爭Ｄ開口問佢係啞左定係點, 講"唔該"兩粒字會死��! 真係面不改容, 就咁當我透明喎! チクショウ!! 不過我要 RELAX!! 為左呢Ｄ人無謂動氣!! 反正唔會再見!! 因為佢做埋呢兩日就 サヨナラ!! そんなの関係なぇ〜!!

放工請個同事幫我 FAX 返張 PAYMENT, 之後就返屋企喇!! 沖完涼煮左碗麵食! 之後上下網、整返呢幾日O既日記同 BLOG 咁, 又同 YAN 傾下計, 呢個女仔都幾攪笑呢!!

世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今日好眼訓, 所以訓到 11 點幾, 之後成 1 點幾先食 LUNCH, 食完 LUNCH 突然間好想睇＜TO HEART＞, 所以就拎返套 VCD 出黎睇, 一路睇睇睇, 睇到 6 點幾就睇完, 當然有Ｄ係飛黎睇, 因為到而家都仲有Ｄ內容係接受唔到(笑)!!

沖完涼 DINNER, 之後上下網咁, 同 YAN 傾左一陣, 佢介紹左個 WEB 我玩, 好攪笑架, 叫做 WEBKARE, 所以玩左一陣, 我個 WEBKARE 叫"櫻井翔"(大笑), 唔知會有�投ﾟ呢!! 要研究下先!!

之後幫民宿改下個網張地圖, 發現冇左個 PHOTOSHOP 真係幾唔方便呢!!

同場加送, "野原小白"照片一張(見下圖), 大笑!! 可愛吧!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!

今日冇出到街, 因為天氣太熱喇!!

LUNCH 後上下網咁, 又同 YAN 傾計, 繼續研究果個 ウェブカレ, 都幾好玩呢!! 不過美中不足O既係唔可以同"佢"對話, 最攪笑係會講Ｄ好無厘頭O既野, 頭先有一次無 LALA 話:"3倍速 ...", 真係笑Ｃ我!! 貼一張我個 ウェブカレ O既相(見圖1), 請原諒我改左佢個名叫"櫻井翔"(笑)!!

其實幾時先會有 J 家版 ウェブカレ , 全部真人發聲, 相信一定大賣!!

收到 ELLE O既 EMAIL, 話我中左獎, 不過要去葵涌拎, 真係遠, 不過中左獎一定要去拎O既, 等我睇下邊日去先!!

另外睇到話 2009 年訂為「香港日本觀光交流年」, 咁可唔可以麻煩請 KINKI 或者 ARASHI 黎香港開演唱會?! 咁我就唔洗咁慘成日去台北先睇到, 真係麻煩香港政府幫我地 FIGHT 下(笑)!!

DINNER 整左個好正O既酸酸蝦(見圖2), 真係好好味, 好開胃!! 估唔到亂落調味料, 味道都 ARMARM 好!!



世界一つだけの花 --> Ｎｏ．１にならなくてもいい、元々特別なＯＮＬＹ　ＯＮＥ!!