私の日記
1999
2000
2001
2002
2003
2004
2005
2006
2007
JAN
FEB
MAR
APR
MAY
JUN
JUL
AUG
2008/09/01
2008/09/02
2008/09/03
2008/09/04
2008/09/05
2008/09/06
2008/09/07
2008/09/08
2008/09/09
2008/09/10
2008/09/11
2008/09/12
2008/09/13
2008/09/14
2008/09/15
2008/09/16
2008/09/17
2008/09/18
2008/09/19
2008/09/20
2008/09/21
2008/09/22
2008/09/23
2008/09/24
2008/09/25
2008/09/26
2008/09/27
2008/09/28
2008/09/29
2008/09/30


2008/09/01

今朝訓到十二點, 可能呢幾日太累喇!! 食左少少餅, 之後大約一點半就落去飲茶喇, 食左個煲仔飯(見圖1), 都幾好味呢!! 之後行左一陣, 買左少少日用品就返屋企喇!!

之後上下網, 睇下片咁! 睇左 7/19 o既<オーラの泉>, 嘉賓係 いしだ壱成, 好感動呢, 睇到我眼濕濕, 雖然我對 江原啟之 o既獨特能力有係半信半疑, 不過的確佢講o既野幾有道理!!

睇到七點左右, 落左去美心快餐食野, 食左個焗豬扒飯(見圖2), 麻麻地好食呢, 而且碟飯都唔係好夠熱, 之後再行左一陣就返屋企喇!!

沖完涼又上下網咁, 睇左前日o既<VS嵐>, 而家準備去睇返<魔王>, 因為果晚睇唔到開頭呢!!

20080901-01.jpg 20080901-02.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/02

今朝九點幾俾個電話嘈醒, 之後就訓唔返喇!! 所以起身食左少少野, 再上下網咁, 十點幾另一個 CENTER 打黎話想我星期日去幫手, 所以我應承左, 總好過冇工開呢!!

之後都係睇片, 睇左幾段<24時間>, 好感動呢!! 再到左四點幾約左太后O係巴士站等, 因為佢坐緊車返黎, 諗住去行下咁, 會合左太后後, 正當我講緊星期日有工開時, 電話又響起, 話原來另一個同事一早搵左一班人幫手, 所以唔洗我喎!! 玩! 咁都得O既, 不過算! 果個 CENTER O既人其實出左名係咁, 我都會當成天意! DON'T MIND DON'T MIND!!

行左一陣, 買左少少野(見下圖), 六點幾屋企, 沖完涼就 DINNER, 之後都係睇下電視同埋上下網咁, 冇涛チ別!!

20080902-01.jpg 20080902-02.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/03

今日又訓到十二點喇, LUNCH 後又開始上下網同埋睇下劇咁!!

昨日無意中發現一套深夜電視劇『ウォーキン☆バタフライ』, 有看的衝動, 其實是因為看到有 石原さとみ!! 不過一邊看一邊發現, 石原さとみ 只在第一回最後出現過兩分鐘左右, 但因為這套蠻有意思似的, 又不太難看, 所以決定看下去!! 這套劇的女主角樣子很像 孫佳君+周麗淇+容袓兒 的混合體, 當然我覺得這個女生比較好看! 最後發現之前有 石原さとみ, 是因為這套劇跟 9.13 上映的電影『フライング☆ラビッツ』來一個特別的合作(?!), 稱為"青春燃焼系☆Girlsプロジェクト"(見下圖), 電視劇每集都會有些電影的人客串, 從而跟電影某些情節有關連!! 這兩天我把已出的七集都看了, 還有點感動的情節呢!! 大家有興趣看看吧!!

大約六點去左將軍澳中心間美心快餐食飯, 之後行左一陣, 不過買唔到想買O既朱古力呢, $7.8 又冇野買, 所以返屋企!! 返到去沖涼再食甜品(粟一燒), 再準備睇片呢!!

20080903-01(walking).jpg

世界一つだけの花 --> No.1にならなくてもいい、元々特別なONLY ONE!!

返回


2008/09/04

今朝都係訓到十二點幾, 之後睇左一陣電視, 再去左飲茶! 咁 ARM 酒樓有 FUNCTION, 播歌好大聲, 仲有卡拉 OK 添!!

飲完茶行左去新都城, 去入完電話咭錢之後, 再行左一陣, 買左支新出O既洗面啫喱(見下圖), 返到屋企五點左右, 沖完涼上下網咁!! DINNER食意粉! 之後都係上下網咁, 同 CATCAT 傾左一陣電話, 之後又食下野咁, 再上下網, 仲未決定買邊個 PACKAGE 添!! 真係要快D決定先得喇!!

20080904-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/05

今日冇去到街, 等皇上同太后返黎後 LUNCH, 之後上下網/睇下電視咁!

無聊 SEARCH 下D台北酒店, 點知睇到D人發帖講某一間酒店好唔掂, 所以都係揀第二D好喇!!

DINNER 後食左個雜果豆腐花(見下圖), 都幾好味!! 不過食落又唔係好覺有薑味(果盒係檸檬薑汁豆腐花)!!

再上左一陣網, 去華航 CHECK 機位, 竟然發現得返一班機有位, 所立即聯絡家姐, 討論左揀邊間酒店, 咁就可以呢一兩日去訂喇!! 希望一切順利啦!! 千其唔好有"差池"呢!!

20080905-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/06

今朝訓到十一點幾, LUNCH 後打左去訂 PACKAGE, 點知果個人 CHECK 到話回程機位得返尾二果班機, 而且好緊張, 所以我立即同皇上去左東港城O既分行訂, 奇就奇在果個人幫我 CHECK, 回程最夜班機都仲有位喎, 所以立即叫佢幫我 HOLD 左個機位先, 仲俾左兩間酒店佢幫我試 BOOK, 而家要等幾日酒店覆先知 OK 唔 OK!! 但願一切順利啦!!

之後行左陣超市就返去喇, 三點幾返到, 上左一陣網, 又睇下電視咁, 沖完涼都六點幾, 剛好 DINNER, DINNER 完睇左一陣殘奧開幕!! 飯後甜品食左個木瓜仔(見下圖), 好味!!

聽日會返老家, 聽講有人已經收到演唱會飛, 希望我返去都收到啦, 好緊張呀, 但願一切都順順利利!! 千其唔好有当竭 ...

20080906-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/07

今朝起身上左一陣網, 之後準備返老家O既野, 再大約一點幾兩點就同皇上起程喇, 好順利咁返到去, 發現個信箱滿左呀, 仲見到有張掛號信O既咭仔, 一定係演唱會飛啦!! 不過張咭話要星期二或之後先可以去拎返, 真係好緊張呢!!

皇上大約三點幾返番屋企, 所以之後我都係執下屋同埋整返呢一星期O既電腦 FILES, 大約六點幾開始煮飯, 除左有青瓜+蕃茄之外, 仲整左個蒜蓉雞扒(見下圖), 好好味呢!!

DINNER 完一邊睇電視一邊整果隻高清手指, 因為拎左返黎成兩三個星期都未整, 不過都整左好耐, 因為 SEARCH D台 SEARCH 左成五六次先齊, 好野! 有得睇高清台, 雖然其實好少睇!! 咁 ARM 裝好後 J2 講緊日本娛樂消息, 仲見到我個大仔添!! 之後九點睇 J2 O既<KAWAII TV>, 有 IKKO さん呀, 不過怪就怪在, 我聽日文但係冇字幕喎, 好彩我聽得明O者!!

20080907-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/08

今朝起身睇左一陣電視, 再叮返熱D飯食!! 食完就上下網, 再清下D片咁, 唔覺唔覺就清左十幾 GB, 不過仲有好幾十 GB 未清呢!!

夜晚整左個梅菜肉餅(見下圖), 好味呢!! 食完之後少有地睇電視喎, 連平時冇追O既劇都睇左, 不過真係好老土同埋好唔合情理, 編劇真係要再加倍努力先得呢!!
20080908-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/09

今朝起身睇左一陣電視, 之後煮野食, 仲滾左個冬俣苧p黎整湯飯食!!

大約三點左右落左街, 先去左郵局, 因為拎返封掛號信, 係演唱會飛呀(見下圖), 好開心呢, 因為始終有飛在手先覺得實在少少!! 之後去左超級市場, 本來諗住買糯米粉架, 因為想試下 CATCAT 俾我果個食譜, 點知糯米粉好貴呢, 所以冇買到, 都係等佢減價先買!!

返到屋企沖完涼後, 睇左一陣日劇, 之後就收到旅行社打黎 CONFIRM 酒店O既電話, 真係好開心呢, 仲以為會 BOOK 唔到酒店!! 再到左六點幾收到上司小姐個電話, 好野!! 呢個星期日有得返下晝, 雖然只係得 4 個鐘, 不過都好過冇呢!! 仲好有可能月尾可以O係面試日幫手, 不過上司小姐話要再問下總部俾唔俾, 希望俾啦!!

DINNER 前突然間想執下電腦桌O既野, 一執就掉左好多野, 多左好多位用呢!! DINNER 食冬俣湯飯+肉餅, 真係唔錯, 唔係話自己讚自己, 不過真係煮得幾好味(笑)!!

20080909-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/10

今朝十點幾起身睇左一陣電視, 之後煮左碟糖醋豬肉(見下圖), 不過好失敗, 煮煮下先發現屋企冇粟粉, 所以攪到咁水, 埋唔到芡, 真係好失敗呢!!! 不過好好味!!

之後吸下塵抺下野咁, 再將電腦桌D野又執過, 多左好多位, 不過又覺得好似太空洞咁(笑)!!

DINNER 都係食糖醋豬肉!! 睇左少少<花好月圓>, 真係好 ... 汗呢!! 雖然講到D人好奸咁, 但係我覺得真係有少少攪笑, 果D都唔係真係奸, 所以睇到真係有少少嬲!!

夜晚開返個 TVU 睇, 意外地仲睇到喎!! 所以睇緊 SHINDOI 呢!!

20080910-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/11

今朝起身煮左個烏冬食, 之後睇下片上下網咁!! 唔讓哂芳姨幫我地拎左馬會D野返黎(見圖1), 仲送左兩個月餅俾我地添(見圖2)!!

大約四點幾就準備出門口, 本來諗住五點出門口, 早少少去又一城行下!! 點知執下野咁又攪到五點半先出門口, 坐 MTR 去九龍塘, 去到未夠六點, 所以行左一陣, 不過都冇当行, 俾我發現到又一城有 LOG-ON 喎! 所以入去行左一陣, 嘩!! 原來有好多我想買O既野都有賣, 只係價錢有點嚇人!! 不過行左一陣就夠鐘, 所以行左去果間 EXP 門口等 CHRISTINAさん, 會合左後就一齊入去 EXP 會入 KEN さん喇!!

叫左幾樣野食(見圖3~9), 味道都唔錯, 不過侍應D服務態度就怪怪地囉!! 傾左好耐呢, 能係因為幾個月冇見, 加上平時好少咁傾計, 由六點幾傾到成十點幾先走呀!! 同 KEN さん坐 MTR 走, 我返到屋企大約十點九左右吧, 沖完涼執下野咁, 再整下今日D相同埋日記/BLOG 咁!!

20080911-01.jpg 20080911-02.jpg 20080911-03.jpg 20080911-04.jpg

20080911-05.jpg 20080911-06.jpg 20080911-07.jpg 20080911-08.jpg

20080911-09.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/12

今朝起身上左一陣網, 之後煮野食, 食完又上下網咁!!

天氣實在太熱喇, 唔敢相信過幾日就係中秋, 到今日我著背心都覺得好熱呢!! 遲D會唔會聖誕都係咁熱架?! 唔好喇掛!!

開始上網睇下台北有乍ヌ有灯, 不過始終平時太少留意台北, 所以真係好多野都考起!! 真係要再計劃下先!!

DINNER 煮左個秘製豬肉(見下圖), 都幾好味, 不過因為我驚佢唔夠熟, 所以煮到硬左少少, 始終安全少少好D!!

上網申請左台証, 過幾日約埋家姐去拎就攪掂, 目前只欠拎 PACKAGE 同埋買保險咋, 因為見話去指定 ATM 買有半價呀, 所以諗住去拎 PACKAGE 時順便攪埋!!

20080912-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/13

今朝起身睇左少少電視, 之後叮飯食, 再上下網咁, 唔記得講尋晚我睇左<魔王>大結局, 結局都幾慘, 但係覺得成P領咁樣死有少少意外!! 不過係 OPEN ENDING, 要等下年出 DVD 先知背後O既真相, 真係有排等呢!!

三點幾皇上返左黎一陣, 一齊去超級市場買完野, 返黎一陣佢就走喇, 因為有個朋友O係外國返左黎!!

四點幾我去左コ福, 因為永安打黎話可以去拎 PACKAGE, 所以掂都係出開街, 咁就去拎左先安心D!! 仲順便去埋 HSBC 用 ATM 買旅遊保險呢, 因為果間分行O既 ATM 可以以半價投保, 本來上網買都要 80 幾, 但係而家 40 幾咋, 好平呢!! 買完後我返左屋企坐左一陣!!

五點幾再出門口, 因為約左家姐食飯, 點知塞左一陣車, 去到麥當勞坐定定等家姐, 一邊食野又傾下有桃s程呀咁, 之後就去左信和喇! 買左雜誌(見圖1), 同埋 KINKI O既新 SINGLE - SECRET CODE(見圖2~3), 台版黎架, 好平架!! 買完後家姐約左人, 所以我自己行左一陣先走, 不過都搵唔到想睇O既野!! 要 THANK YOU 家姐借左本台北旅遊書我睇(見圖4)!!

九點左右已經返到屋企喇! 沖完涼同太后傾左一陣電話, 再睇埋 TVB 果個 Cirque Du Soleil<ZAIA>特輯, 不過一邊睇一邊都幾興, 因為咁難得可以訪問佢地, 但係主持O既態度我覺得幾冇誠意, 同埋D題目好無聊, 好明顯係滿足唔到我呢D Cirque Du Soleil O既 FANS 啦!! 浪費左個訪問呢!! 睇完之後, 整下雜誌, 再上下網咁!!

聽日返工, FIGHT!!

20080913-01.jpg 20080913-02.jpg 20080913-03.jpg 20080913-04.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/14

今朝十點幾起左身, 之後叮返D飯食, 再上下網咁, 大約 13:20 出門口返工, 今日好好, 可以返幾個鐘!!

返到去同上晝個 PART TIME 傾左一陣, 佢講左呢排見工O既經歷, 真係幾慘, 佢仲講到想喊, 希望佢可以快D搵到工啦!!

見到果個 TEMP, 即係因為總部要上司小姐呢兩個月請呢個唔知楢酔W入到黎O既妹妹仔, 而唔俾上司小姐請我O既果位 TEMP!! 見識到東W而家新一代O既工作態度! 電話響到爛都完全冇反應, 家長學生黎問野完全冇反應, OK, 我唔理!! 但係佢冇野做時, 呢位妹妹仔竟然坐O係對住 COUNTER 個位公然訓覺, 仲係爆睡果隻, 好彩咁 ARM 冇人入黎見到O者, 咁都算喇! 我做好自己本份!! 點知到就黎放工時, 同事問邊個上去鎖門, 佢平時返夜晚都係佢鎖架啦, 因為夜晚果個女同事一定一定一定要佢去鎖門! 點知同事問完佢扮聽唔到, 之後個同事好無奈咁望一望我, 之後再向住佢個方向問多次: 邊個上去鎖門呢?! 佢都仲係完全冇反應, 所以個同事好無奈咁望住我, 我就話: "我去鎖啦我去鎖喇!!", 其實我唔係話我唔願意去做, 只係點解出黎做野可以咁O既態度架! 佢好命, 靠唔知楢酔W黎到做 TEMP, 算, 就忍你兩個月, 反正我都冇搭@會再見佢, 學皇上話齋: "佢咪做埋呢兩個月冇得做!", 冇錯, 做好自己本份就 OK~! 起碼我出糧O既人工, 係我應得O既, 我問心無愧!

BY THE WAY, 要多謝同事同我分享佢O既台北之旅! 早知訂 PACKAGE 前問一問佢啦, 原來佢話華航個網話到 9月30日係唔 ARM 架, 話就算過左都可以訂, 都係咁平架, 保守估計而家我貴左 4~500 蚊左右啦, 不過算啦, 都訂左咯!!

仲有呀仲有呀, 上司小姐做好左我份評核報告, 真係非常得呢, 好多"優"同埋"良"呀!! 有望可以續約, 其實最好係俾上司小姐請多個人, 轉我做長工啦!!

放左工返左屋企一陣, 之後坐車去第二頭住家喇! 去到都六點半有多喇, 沖完涼就 DINNER, 之後睇電視!! 因為今日係中秋節, 所以食左湯丸呢(見下圖)!!

成十二點先上網, 好少有呢!! 同個網友 MSN 到兩點, 原來佢都會住東龍呢, 可能到時有緣會撞到, 雖然唔知大家係到(笑)!!

20080914-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/15

今朝起身之後上左一陣網, 再 LUNCH!! 之後再上下網, 睇下片咁, 睇左前晚O既<33分探偵>, YEAH!! 終於搵 到真兇喇~! GOOD!! GOOD!!

之後同太后睇左幾集 パンくん, 因為儲左好多個月都冇睇 LU, 依然好可愛呢!!

六點半左右落街食飯, 去左美心食焗豬扒飯, 食完之後又行左去都會駅, 買左好多野(見下圖), 有去到 $7.8 店呀, 仲要話今日係感謝日, 只係 $6.8 咋, 好抵買呢!! 行完返屋企沖涼, 食雪糕咁, 再同太后一齊睇<家好月圓>, 最攪笑係我地一邊睇一邊鬧, 故事真係實在太太太老土呢!!

20080915-01.jpg 20080915-02.jpg 20080915-03.jpg 20080915-04.jpg 20080915-05.jpg 20080915-06.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/16

今朝起身, 食左少少餅, 再上左一陣網, 大約一點半就落去茶樓喇, 約左樓上個姨姨飲茶!!

飲完茶上左屋企坐左一陣, 又傾左一陣咁, 之後我就睇果個 著數論壇, D人真係好至Q, 搵到好多著數呢, 所以我睇左好耐!!

DINNER 後, 有個人黎整電視機, 不過真係衰, 遲左成個鐘先黎到, 仲話已經食左飯喇喎, 呢個人真係坦白!!

再同太后睇<家好月圓>, 都係果句啦, 好老土!! 睇完就上下網咁, 冇涛チ別呢!!

貼返幾張月亮相先!!

20080916-01.jpg 20080916-02.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/17

今朝好嘈呀, 原來係樓下裝修!! 食完 LUNCH 後就準備下返老家D野!! 先頭諗住四點左右走架, 不過太后話不如食埋 DINNER 先, 所以就 DINNER 後先走喇!!

上下網, 睇下片咁, 睇返幾集<GRA>, 學到幾多野呢, 我唔係咁明白點解果陣冇立即睇!!

五點幾有個同事打黎想我返去幫手, 本來話聽日O既, 不過我聽日唔得, 所以改左星期五, 好野!!

六點幾落左去行左一陣, 不過果間十蚊店冇炭面膜喎, 所以唯有聽日去旺角果間睇下有冇啦!! 之後去左美心 DINNER, 食完我就坐 MTR 返屋企喇!! 返到去八點幾啦, 拎左部舊電腦去明愛, 因為舊電腦不要了, 所以就想找些機構捐贈, 網上找了一些很奇怪的, 回收電腦竟然有錢拿, 幸好我找到明愛原來有電腦回收計劃, 剛好附近有一家明愛, 所以剛才回家拿了電腦去捐了, 我的電腦雖然一點也不新, 但也希望能幫助有需要的人, 總比那些回收但有錢拿的公司好, 起碼知道是用來幫助有需要的人, 而不是去賺錢! 其實屋企仲有一部舊電腦, 不過都係搵日再拎落去喇, 因為都幾重呢!!

大家如果有舊電腦的話, 也建議大家捐贈到有關的慈善機構!

政府 - 環境保護署:
https://www.wastereduction.gov.hk/chi/workplace/crp_intro.htm

明愛電腦再生計劃:
http://www.ccw.org.hk/chinese/

返到屋企沖完涼就開始準備聽日O既野, 因為聽朝去拎台証, 同埋去換好多野呢, 所以要 PRINT 好多好多野, 希望順利啦!!

20080917-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/18

其實我都幾勁!! 話說尋晚三點幾先訓著, 今朝未夠七點就醒左喇!! 食左幾塊餅, 未夠八點出門口, 坐 MTR 去金鐘, 我仲以為我到先, 不過去到已經見到家姐 LU!!

首先去左力寶中心, 因為要辦台証(見圖1), 好快就攪掂左喇, 返到去 MTR 站都未夠九點, 所以決定去麥當勞食個早餐, 我食左個漢堡包同埋中可樂, 食完再傾左一陣, 家姐就返工喇! 我就坐 MTR 去上環, 因為諗住去台灣觀光局拎野, 好彩未落車時望一望張 PRINT OUT 咋, 原來果度十一點先開門喎, 仲有一個鐘, 所以我決定放棄去上環, 直接坐 MTR 去左尖沙咀!!

首先去左海港城果邊, 因為去換 SAMPLE 呢!! 換左支 ANNA SUI O既香水仔(見圖2, 右), 再O係 SOGO 換左 BIOTHRM O既粉底(見圖2, 左), 一路行去旺角, 去左十蚊店, 諗住買返支面膜, 點知都係冇貨!! 最後買左兩個豐天筆袋(見圖3~4), 一個我一個媚媚!!

之後再一路行去新世紀, 因為約左 CATCAT 12 點, 去到未夠鐘架, 先頭諗住自己去 CLEAN & CLEAR 換左野先, 不過見到 CATCAT 已經到左, 所以就會合佢一齊去換喇, 上到 CLEAN & CLEAR 有五隻大福娃呢, 好可愛, 不過因為係人地公司, 我又唔好意思影相呢!! 等左一陣就換左幾支洗面膏喇(見圖5), 不過因為其中有兩支佢冇哂 100ML SIZE, 所以用左兩支 50ML 黎代替, 其實圖呢幾支係 4 份黎O既!! 都要廿幾蚊一支架(正常 SIZE 計), 所以呢度 4 份, 都值過百架!! YEAH!!

換完就去左麥當勞 LUNCH, 傾下計咁!! 之後就去左美美大廈, 因為有間奧運精品店, 不過好細, 同埋冇 ARM !! 所以之後我地就坐車去左奧海城, CATCAT 買左幾個記念章呢, 我就冇統セ穫, 不過之前 CATCAT 個細佬幫我買到支熊貓十色筆(見圖6), 真係唔該哂呢!!

O係奧海城坐左一陣, 因為行得耐休息下好D!! 傾下計咁, 之後坐小巴出返旺角, 因為天氣實在太太太熱喇, 所以冇可能行出旺角, 去左行花園街, 不過冇收穫呢, 本來諗住買個最新頭飾俾太后架, 因為好靚, 不過又唔知佢鍾意邊款, 都係下次帶佢出黎一齊先買喇!!

再去行旺角中心, 不過睇唔 ARM , 只係買左三對襪(見圖7), 好抵架, $2/對咋!! 之後見到有個豬豬扭蛋好可愛(見圖8), 所以扭左兩隻, 要好多謝 CATCAT 呢, 因為其實我扭左兩隻都係橙色果隻架, 後黎佢換左隻白色俾我, 真係多謝哂你呢!! 我諗住自己要隻白色(いやし), 橙色(体力)送俾媚媚呢!!

大約六點返到屋企, 沖完涼煮左個烏冬, 點知落左包湯粉係麻辣, 辣到我要用水洗返先食到!!

之後都係睇下電視上下網咁!! 聽日有工返, 太好喇!! YEAH!!

仲有呀, 今日拎左兩本日文雜誌睇(見圖9)!! 補上幾張剪影(見圖10~12)!!

BY THE WAY, 今日係我大表妹媚媚O既生日, 生日快樂!!!!!!!!!!!!!!

20080918-01.jpg 20080918-02.jpg 20080918-03.jpg 20080918-04.jpg

20080918-08.jpg 20080918-06.jpg 20080918-05.jpg 20080918-07.jpg

20080918-09.jpg 20080918-10.jpg 20080918-11.jpg 20080918-12.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/19

今朝九點起身, 食左少少野就返工喇, 因為今日幫另一個同事!!

返到去冇盗l呢, 今日主要係入資料, 因為黎緊有比賽, 所以收返D報名表咁!! LUNCH 返左屋企煮野食, 之後去左郵局拎返個郵包, 原來係早排參加左 NIVEA 個網上抽獎, 送左一支新產品(見下圖), 真係唔錯呢!!

LUNCH 後返去繼續入野, 再幫個同事將幾個 FILES 合返埋一齊, 好彩都好順利!! 又見到果個返工訓覺O既 TEMP, 好討厭, 佢當我透明, 不過 NEVER MIND, 因為我當佢透明!!

BY THE WAY, 今日個同事請左我食咖喱味O既肉鬆鳳凰卷呀, 都幾好味, 幾得意, 不過就辣左少少!!

六點放工, 返屋企沖完涼, 再煮野食, 食完野同太后傾左一陣電話, 之後我再準備好寄俾媚媚o既野!!

又 BY THE WAY, 真係激氣, 因為之前 HSBC 有個推廣, 話只要O係果三個月內有兩個月冇用過櫃枱服務, 同埋兩個月有用 ATM 就可以有 $100 超市券, 咁我明明做左兩個月架嘛, 但係只係收到 $20 喎, 咁太后咪幫我拎去問, 原來話果段時間有人O係櫃枱入過錢俾我, 所以只有 $20, 激C人喇, 咁我點可以限制到人地唔好去櫃枱入錢俾我喎, 唉 ...!!

20080919-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/20

今朝十點幾醒左一醒, 點知再訓返, 差唔多十二點先真正起身呢, 之後煮左個烏冬食(見圖1), 之後開始執下野咁, 因為今晚O係 2ND HOME 訓, 再燒下碟咁, 攪到差唔多三點就出門口!!

先去左寄信, 之後排隊坐免費車, 點知 ARMARM 到我前面兩個就冇位, 所以要等多十一本分鐘, 第二架車先上到! 之後去到新都城坐另一架免費車, 平時都唔會咁多人坐O既, 點知今日我排第 40 喎, 所以又要等第二架先上到, 約左太后O係十蚊店等, 不過冇收穫, 依然係冇果支炭面膜賣添!!

之後再行下超級市場咁, 返到去沖完涼, DINNER, 再上下網, 睇下電視咁!!

BY THE WAY, 今日收到兩封<日語大放送>O既信, 原來係之前參加網上遊戲, 抽到兩支最新出O既擦得甩原子筆 -- 百樂隱形擦擦筆(見圖2), 但係 CHECK 過明明三個都抽中左, 但係目前只收到皇上同太后果兩支, 我果份未收到, 唔會俾人偷左掛!!

20080920-01.jpg 20080920-02.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/21

今朝訓到十二點幾, 傾左一陣視像, LUNCH 後上下網, 睇下電視咁!! 六點左右 DINNER, 之後就走喇, 點知連續兩架車都送車尾, 所以攪到差唔多八點先返到老家, 先沖涼, 之後再睇電視, 上下網咁, 冇涛チ別!!

聽日返工, YEAH!!

世界一つだけの花 --> No.1にならなくてもいい、元々特別なONLY ONE!!

返回


2008/09/22

今朝十點起身, 食左舊朱古力蛋糕就返工喇!! 繼續做返上次做開O既野, 話咁快就到 LUNCH TIME, 返屋企叮左飯食(見圖1), 夠鐘又返工!!

幫個同事完成好多野, 真係幾有滿足感!! 上司小姐叫左我星期日返黎幫手, 因為果日面試!! 不過發生左件事都有少少 DOWN, 就係上司小姐放工後打返黎, 因為另一個同事傾緊電話, 而果位 TEMP 又完全冇反應, 咁我又O係電話附近, 咁我咪聽囉! 點知上司小姐以為我係果個 TEMP 喎, 唉 ... 真係幾 DOWN, 果位姐姐邊會聽電話丫! 不過算啦, 因為上司小姐O係街又真係好難聽得出係我O既, 加上我又應該冇理由聽電話, FORGET IT!!

六點放工, 但係冇第一時間返屋企, 去左コ福, 因為印左張 COUPON 去 SOFINA 拎 SAMPLE(見圖2~3), 個化妝小姐都幾 NICE, 唔錯唔錯!!

拎完就返屋企, 沖完涼又叮飯食(見圖4), 之後上下網, 睇下電視咁!!

又打風喇, 希望去台北前前後後都唔好打風啦, 台北亦唔好打風啦, 我要順順利利!!

20080922-01.jpg 20080922-03.jpg 20080922-04.jpg 20080922-02.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/23

今朝睇左一陣<我們這一家>, 十一點幾太后打黎, 約左O係 IKEA 門口等, 所以準備出門口, 去到 IKEA 門口已經見到太后喇!! 行左一陣, 之後又去左 SOFINA 換左個乾粉(見圖1), 雖然唔係成日化妝, 不過唔洗錢, 唔好蝕(笑)!!

返左屋企一陣, 再約左樓上個姨姨飲茶, 飲完茶行左一陣超市, 竟然俾我買到一個熊貓筆盒(見圖2), 之後返左屋企, 太后好快就走喇, 因為天文台話好快會掛 8 號風球, 之後我沖下涼, 上下網, 執下野咁!!

夜晚食蕃茄湯烏冬(見圖3), 好好味架!! 雖然外面好大風, 不過因為太太太大風, 所以開唔到窗, 結果都係要開冷氣, 真係好浪費呢!! 不過真係冇辦法!!

BY THE WAY, 今日收到 YUMIKO O既信(見圖4), 真係好開心呢, 已經 8 個月冇通信喇, 因為前排佢細佬入左院, 不過知道已經出左院, 而且好返哂, 咁都安心D!!

20080923-02.jpg 20080923-01.jpg 20080923-04.jpg 20080923-03.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/24

今朝起身已經變返三號風球 LU!! 煮左個麵食, 之後一點幾太后打黎話不如出旺角飲茶, 所以立即換衫出門口!

落到去巴士站 ARMARM 走左架車, 所以等左一陣先有車, 去到旺酒樓兩點幾, 原來佢地都係 ARMARM 到!! 飲完茶都三點幾喇, 所以同皇上及太后一路行去尖沙咀, 仲見到東亓銀行好多人排隊拎返自己D錢, 真係好多人!!

出開尖沙咀, 所以去西武換 DIOR O既 睫毛膏試用裝, 點知又話換哂, 真係唔好彩喇!! 之後去左 SOGO, 去 ANNA SUI 換左兩支 NIGHT OF FANCY O既香水仔(見圖1), 今次要填野添, 上次去 FACES 都唔洗填, 不過冇所謂啦, 因為呢隻香水又真係幾香呢!! 再去 SOGO 超市買左少少野, 其中包括"多拉A夢"最喜歡O既野(見圖2), 五點幾就走喇!!

最攪笑係我行去 YMCA 果度個巴士總站, 成個站唔見左喎, 所以唯有行返去出面坐另一架車返屋企, 返到去六點過少少, 沖完涼上下網咁, 七點幾時食左個"多拉A夢"最喜歡O既野, 因為唔太肚餓!!

其實係時候 PLAN 下台北行程, 因為我只係係咁易睇左大約想去邊同食灯咁, 但係未真正 PLAN 路線之類!!

20080924-01.jpg 20080924-02.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/25

今朝十點醒左, 之後食左件朱古力蛋糕, 再上下網咁!! 到左一點左右太后打黎, 叫我不如入去飲茶, 所以諗掂得, 所以去左將軍澳飲茶, 亦好好彩, 一去到巴士站, 咁 ARM 就有車埋站呢!! 好快去到茶樓!!

飲完茶行左去東港城行左一陣, 換左兩包粉底試用! 之後再去超市買左D野就返去喇!!

到左六點九時, 個同事打黎問我聽日可否返去幫佢手, 因為佢終於攪掂D野, 而又趕住 FAX, 所以聽朝返十一點, 唔錯唔錯!! 亦因為我已經沖左涼, 所以就聽朝先走啦, 費事今日走返去又要沖過涼呢!!

夜晚睇左"神七"升空, 好彩平安無事!!

睇多一陣片就去喇, 因為都驚聽朝唔知醒呢(睬~)!!

世界一つだけの花 --> No.1にならなくてもいい、元々特別なONLY ONE!!

返回


2008/09/26

尋晚較左鬧鐘九點, 點知佢半夜三點響喎, 嚇到我成晚都唔係好敢訓得咁"林"!!

今朝九點太后叫我起身, 之後我大約九點半就出門口喇, 因為先返老家先返工!!

坐 MTR 真係幾辛苦, 又焗焗地咁!! 返到屋企, 食左舊蛋糕, 夠鐘就返工!!

好攪笑呀, 因為今日其實返工係好 FREE O既, FREE O既意思唔係唔洗做喎, 而係叫我幫手果個同事佢今日唔會返呢個 CENTER, 所以尋晚打俾我講左要做D, 之後再寫低D MEMO 俾我而已!! 幫佢 FAX 返D CONFIRM 信去D學校, 都幾順利!! 最攪笑係郵差叔叔派信黎 CENTER 啦, 之後佢見到我, 同我講:"咦, 亞妹, 你有掛號信喎!", 之後O係個郵袋度搵左一大輪俾我簽收, 個同事都覺得好攪笑呢!!

LUNCH 返屋企食野, 夠鐘又返工, 做埋未做完O既野, 都好順利呢!! 做做下野, 出面個同事叫我, 話郵差叔叔搵我喎! 原來係郵差叔叔見到有封野, 類似上網 BID O既野咁, 收件人個姓又同我一樣, 但係地址係隔離屋, 所以問係唔係我O既, 如果係就唔洗寫郵卡去郵局拎, 不過我睇過個名唔係我地, 所以郵差叔叔就走喇, 真係麻煩哂佢要專登行多次黎 CENTER 呢, 辛苦哂!!

之後繼續做野, 到六點就放工喇, 放工後返屋企, 收到辛辛苦苦O係某個調查網站做問卷儲分換O既百佳禮券(見下圖), 之後 DINNER, 再上下網, 睇下電視咁!! 同太后傾電話, 反映左個鬧鐘好邪, 明明較九點, 但係三點響, 最後得出個結,論原來係之前皇上覺得鬧鐘果支針好阻, 而又好少用響鬧功能, 所以將支鬧鐘針剪左, 所以我見果支原來係鬧鐘針O既尾黎架呢, 真係 ...(笑)!!

20080926-01.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/27

今朝一早俾電話嘈醒, 之後睇下花師奶, 睇睇下又訓左一陣!!

食完 LUNCH 上下網咁, SMS 家姐睇下佢今晚得唔得, 之後約左六點半旺角等! 所以我諗住早少少出去拎埋D獎品, 打俾和舅父, 諗住拎返個袋俾佢, 但係佢話就唔到時間, 所以下次先!!

大約四點出門口, 等左一陣就有車, 塞左一陣車, 先去左海運O既 FACES 拎獎品, 去到企左成五分鐘先有人理我, 因為D人見我係去換野就完全冇理我, 掛住傾計同收錢, 之後我有少少唔耐煩, 先有其中一個理我, CHECK 完一大輪(佢有份 LIST), 點知話我果份一早有人黎換左, 但係肯定唔係我, 好明顯係可能 SEND 錯左個 EMAIL 俾人, 又俾人拎去換左~(放心,我會詛咒果個人~), 佢話我果份一早俾人換左! 之後我同佢講肯定唔係我, 因為我封 EMAIL 前晚先收到, 之後佢望一望我個 EMAIL 個日期就俾我喇(見圖1)!! 好彩~~ 如果佢唔肯俾我, 我真係會勁灰~~~ 因為我真係冇拎去換!~ 講真, 佢又唔 CHECK ID, 是但寫D名再 UPLOAD 都仲得啦, 唔會同一張野自己拎去換兩次吧!!

本來諗住行下 CITY SUPER, 不過冇梼條ヤ, 所以就走喇!! 行返去喜來登酒店對面, 因為之前又參加了東方報業集團的網上活動, 嬴了一隻 1GB 的手指(見圖2)! 拎完哂就開始行去旺角喇!!

早左少少去到, 所以等左一陣, 會合左家姐後, 先行左旺角中心, 買左幾對襪(見圖3), 顏色好正, 唔知點解近排好想換下形像!! 本來諗住睇下有冇衫買, 不過真係睇唔 ARM, 一係個款 ARM, 但係個價錢超級唔 ARM, 所以都係要遇 ARM 先得!!

去左 KFC 食野, 試左少少新出O既 WASABI 味雞翼, 不過我頂唔到隻味呢!! 食完後去左十蚊店, 因為諗住買定D材料過幾日同家姐一齊整野, 不過又冇我地想要果隻料, 之後去文具店, 有就有我地想要果隻料, 不過好貴, 所以決定都係聽日我放工去附近睇下有冇先!!

唔經唔覺行到成十點, 所以坐小巴返屋企, 返到去都係十點三左右, 沖完涼執下野, 之後再上下網咁, 其實今晚應該早少少訓, 因為聽朝七點半起身, 因為聽日初班 INTERVIEW, 一定忙C!! 不過有工返真係幾開心, 我係指返呢個 CENTER!!

20080927-01.jpg 20080927-02.jpg 20080927-03.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/28

今朝七點半起左身, 食左件蛋糕後, 夠鐘就返工喇!!

返到去坐左一陣, 之後就去面試場地了解下今日O既工作!! 我負責幫面試O既人報到, 其實都好簡單O既工作呢!! 不過其實忙起上黎真係好忙, 好彩都好順利!! 而今日個 PARTNER 都好 NICE, 好彩唔係果個 TEMP O者, 因為我完全唔想同佢有任何交流!!

LUNCH 返左屋企煮麵食(見圖1), 夠鐘又返去, 今日O既小朋友同家長整體上都好好禮貌, 可能因為始終未考到入黎, 會好禮貌少少掛!! 仲有幾個小朋友好攪笑呢, 同D同事傾下計咁又到尾升, 聽到佢地講有一個 PART TIME 好唔掂, 其實我心諗: 點解個天就係要偏心呢D懶人! 之後又傾開話好憎D人明明出糧, 但係又俾哂D野人地做(我係指大家咁高咁大O既), 果陣個 TEMP 坐左埋黎, 不過基本上冇人理佢, 之後我就專登講:"收得人工O既, 咁做好自己本份好重要囉!", 老實講, 我係專登等人對號入座, 不過我知佢唔會, 因為人地有後台!! 所以諗到呢度真係好嬲架, 講工作能力同埋熟練程度, 到我都未到佢啦, 但係就係因為人地唔知點解會請左佢, 又肯定冇登過廣告喎, 因為我同另一個 PART TIME 都冇見過有請過 TEMP, 如果有我冇可能唔去 APPLY! 總之天就係都有唔公平O既地方! 不過, 日久見人心, 我就忍埋個十月! 苦盡甘來!! 嘿!!

不過最衰跟樂團要過海, 又唔係好化算(因為每星期過去兩個鐘左右), 而且冇跟過樂團, 又可能難少少!! 而家唯有希望佢地攪多D CONCERT / 比賽呀咁, 咁等我有得幫 PR 部同事做野啦!!

未夠七點就執返好個場, 之後落 OFFICE 坐左一陣, 同D同事傾左一陣計咁, 七點放工, 去左淘大, 因為想睇下間文具店有冇我同家姐想買黎整野O既料, 不過原來間文具店執左好耐, 我都冇留意添!! 唯有果日去コ福買啦!!

行行下突然間想食蘋果批喎, 所以買左兩個做晚餐(見圖2), 返到屋企沖完涼就 DINNER, 之後上下網, 睇下最新O既<世にも奇妙な物語>, 今次偏向恐佈, 不過 山裕 果個幾攪笑, 同埋幾 BL (笑)!!

BY THE WAY, 諗住聽朝拎張 PAYMENT 落去俾返個同事簽名, 希望佢仲有野想我幫手, 咁我就可以賺多少少去台北!!

20080928-01.jpg 20080928-02.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/29

今朝諗住九點半起身, 不過最後都十點先起身, 食左件蛋糕, 之後打俾個同事, 因為要拎張 PAYMENT 俾佢簽, 咁 ARM 佢話仲有野想我幫手做, 所以約左十一點喇!!

準時去到, 其實都係做返上星期做O既野, 因為個同事整整下野有D DATA 亂左, 所以想我幫佢對返咁, LUNCJ 返左屋企食(見圖1), 食完夠鐘又返工!!

之後一直做到五點九左右, 再執埋少少手尾, 六點計埋張 PAYMENT 就放低俾上司小姐, 之後就放工喇!!

返到屋企立即煮落飯, 之後沖下涼呀咁, 晚餐煮左雞扒肉碎炒菜(見圖2), 真係唔係講笑, 我覺得我有少少煮野食天份, 因為是但落調味料都好好味, 仲要係 ARMARM 好果隻!!

睇左一陣電視, 之後就回下 EMAIL 咁, 不經不覺不寫左篇論文俾 CATCAT 呢(笑)!! 之後再整下呢樣果樣咁, 又兩點喇!!

BY THE WAY, 頭先見到圓頂話演唱會位置有變動, 攪到我好驚, 點知一睇, 變左後仲正過之前, 近花道好多, 本來左邊仲有成個人先到花道, 但係而家只係隔一個人就到花道喇!! 真係太好喇!! 好彩唔係咁 ARM O係我地兩個位中間 CUT 開咋!! 好彩好彩!! 而且見到個場地 PLANNING, 到時會有"飛人網絲", 太好太好喇!! 咁樣坐 3F 都完全冇問題!!

20080929-01.jpg 20080929-02.jpg

世界一つだけの花 --> No.1にならなくてもいい、元々特別なONLY ONE!!

返回


2008/09/30

今朝九點幾俾個電話嘈醒, 之後冇再訓返, 起身食左蛋糕, 之後上下網, 睇下電視咁!!

太后十二點幾黎到, 之後等埋皇上就落左去飲茶(約埋樓上個姨姨), 飲茶之前仲同皇上將屋企部超級舊電腦拎埋去明愛捐左佢先去飲茶!! 飲完茶行左一陣超級市場, 之後就返屋企喇!!

太后拎返前幾日收到媚媚寄黎O既 8GB 手指俾我(見圖1), 真係唔該哂太后, 仲要多謝媚媚呢, 要你破費真係唔好意思!! 另外要多謝皇上幫我去"台灣觀光局"度拎返之前參加網上遊戲O既禮物同埋台灣旅遊資料(見圖2~3)!!

佢地大約四點幾走, 我就執下野, 沖下涼, 上下網咁, 六點幾煮飯食, 今日有魚食呢(見圖4), 好耐冇食過 LU!!

BY THE WAY, 要多謝 CATCAT 記得我想買炭面膜, 因為上次搵左兩間十蚊店都冇貨!! 今日飲緊茶時 CATCAT 打黎話佢行街見到有, 所以我請佢幫我買左兩支, 真係唔該哂!!

20080930-01.jpg 20080930-02.jpg 20080930-03.jpg 20080930-04.jpg

世界一つだけの花 --> No.1にならなくてもいい、元々特別なONLY ONE!!

返回


我的出售物品:http://atynpanda.web.fc2.com/ inserted by FC2 system